Post: #1
Title: شمار .. دوت .. كوم
Author: حسين محي الدين
Date: 03-11-2008, 09:58 PM
بينما كان مجموعة من شباب الحلة جالسين تحت العمود وعلى ذكر العمود فهناك العديد من انواع الاعمدة (عمود النور - وعمود الصحف والمجلات - والعمود الناظم في الفييزياء - واهم عمود وهو الذي تحمل فيه الاطعة للمستشفيات او بيوت الاعراس) المهم في الموضوع انه الجماعة ديل بتبادلو في الشمارات (الأخبار) فلان عرس وفلانة ماتت وما شفت هناية ديك "والله العيال كبرت أول امس كان بتعلب سك سك في الحلة قالوا خطوبتها الاسبوع الجايي" وهلمجرا .... مر على الشباب صاحبنا أحمد ود الحاج والمعروف بشماراته الحارة ، سلم على الجماعة واخذ مكانه من الجلسة وبدا يسرد في التفاصيل الكاملة لاختفاء كلبة الجيران والتي اختفت في ظروف غامضة وقد شوهدت في أحدى كافيتريات السوق العربي -الخرطوم طبعا- والعهدة على الراوي أما عن الراوي فهو صاحب المحل شخصيا الذي قال أن الكلبة -بت الكلب- تغابت فيه العرفة بعد أن طلبت اتنين شاورمة وعصير ... (هذا كما أكدت مصادر احمد ود الحاج الموثوقة) واصلت المجموعة جلستها حتى وقت متاخر من الليل ليعود كل الى منزله بعد يوم حافل بالاحداث المثيرة والشمارات ..
حسين محي الدين
http://mohie.maktoobblog.com
|
Post: #2
Title: Re: شمار .. دوت .. كوم
Author: بابكر التوم
Date: 03-12-2008, 02:01 PM
Parent: #1
حسين
سلامات
حليل جلسات الحلة السمحة برغم شماراتها لكن كانت بتلم الشباب
يعنى بمدوا يد العون فى وقت لاى محتاج فى الحى لكل الظروف يعنى
عواطلية بفائدة . وطبعا الشلة بكون عندهم اماكن استراتيجية فى
الصباح موقع مرور بنات المدارس والموظفات وغالبا دى مكانها بشارع الزلط
. تتحول تحت شجرة اى دكان بعد حجز موية الفول والفتة الماخمج ونص اليوم تتحول
الجلسة لنص الحلة ورش المكان بخرطوش للطراواة حتى وقت الغداء . وتانى تجمع الدافورى
وبعد المغرب تحت نور العمود وتبدى الكرشة والحكحكة ولم شرينك ال.........
وكتل الحفلات . ايام ايام
شكرا حسين
|
Post: #3
Title: Re: شمار .. دوت .. كوم
Author: حسين محي الدين
Date: 03-12-2008, 09:51 PM
Parent: #2
لكين لقيتك دبيب
بابكر تحيات طيبات
|
|