Post: #1 Title: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-11-2008, 04:44 PM
كثيراً ما قيل للهرم الفني عثمان حسين أن ألحانه من عالم الجن ولكنه ينفي بتواضع ومهما قال ونفي بخصوص ( أنا وحدي طول الليل ) فلن يجد من يصدقه خصوصاً شخصي الضعيف إنها شئ آخر غير الألحان خاصة المد الطويل في الشطر الأول من كل كوبليه ثم تقطيع الكوبليه الثاني بتساوي ليس له نظير متعك الله بالصحة والعافية أستاذنا عثمان حسين
Post: #2 Title: Re: عبقرية عثمان حسين ،،،،ولكن هذا اللحن من عالم الجن Author: Muna Khugali Date: 03-11-2008, 06:12 PM Parent: #1
الحان عثمان حسين اغلبها لو ماكانت كلها ..ألحان عبقريه.. واحساسه بيها وهو بيغنيها عبقريه تانيه!
سمعته وهو بيغني "الحيره" كيف؟؟
انتبه لي دي..
حيران اسائل نفسي ايه كان السبب..أصل الخصام؟؟!
سمعت حيران دي بتطلع منه كيف؟؟
يا زول عثمان حسين ده عبقريه ما بتتكرر!
شكرا يا فضل..غيرت مزاجنا..
Post: #3 Title: Re: عبقرية عثمان حسين ،،،،ولكن هذا اللحن من عالم الجن Author: هاشم أحمد خلف الله Date: 03-11-2008, 06:22 PM Parent: #2
مشكور يا فضل علي الطرب الجميل واللحن والأداء الرائع شاءت الأقدار ان نكرم الفنان القامة عثمان حسين في المملكة العربية السعودية - الرياض بواسطة رابطة أبناء الصحافة بالرياض وكان التكريم حدث ما زال اهل السعودية يتحدثون عنه حتي اليوم ففي جلسة جانبية سألت الفنان عثمان حسين عن كيفية تلحين أغانيه فأجاب بكل بساطة وكل ذوق إنها تأتي دون إذن , وهي نفس حالة الشاعر الذي يكتب الكلمات بكل بساطة واريحية . أمد الله في أيامه ومتعه بالصحة والعافية .
تخريمة :-
شنو يا منوية خليتي بيت البكاء وجيتي عند الجيران الجماعة راجين قهوتك
Post: #7 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-12-2008, 12:09 PM Parent: #3
Quote: شاءت الأقدار ان نكرم الفنان القامة عثمان حسين في المملكة العربية السعودية - الرياض بواسطة رابطة أبناء الصحافة بالرياض وكان التكريم حدث ما زال اهل السعودية يتحدثون عنه حتي اليوم
عظيم التقدير ليكم وإنتو بتكرموا عثمان حسين وأظنوكم أكرمكتم نفسكم أيضاً لأنو يا هاشم لا يعرف الفضل إلا أهل الفضل
Quote: ففي جلسة جانبية سألت الفنان عثمان حسين عن كيفية تلحين أغانيه فأجاب بكل بساطة وكل ذوق إنها تأتي دون إذن
دا الإلهام البقولوا عليهو لكنو عند عثمان حسين متكرر في الحدوث ومختلف فى النوعية
Quote: أمد الله في أيامه ومتعه بالصحة والعافية
آمين ،،، ومتعك الله بالصحة والعافية.
Post: #5 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-12-2008, 11:59 AM Parent: #2
أختنا وعزيزتنا مني
Quote: احساسه بيها وهو بيغنيها عبقريه تانيه!
ما في ذلك شك أبدا
Quote: سمعته وهو بيغني "الحيره" كيف؟؟
انتبه لي دي..
حيران اسائل نفسي ايه كان السبب..أصل الخصام؟؟!
سمعت حيران دي بتطلع منه كيف؟؟
الله علي ذوقك يا مني الغريب عندي نفس إهتمامك ،،، مرات أسمع أغنية كاملة عشان نغمة واحدة أو طريقة أداء كلمة وأزيدك علي كلمة ( حيران ) المقطع اللي بعدها ( لكن دا معقول يكون ) حوارات مثل هذه كثيراً ما عملتها مع نفسي ويمكن كتار برضو عملوها
Quote: يا زول عثمان حسين ده عبقريه ما بتتكرر!
أكيد ،، وربنا يديهو الصحة والعافية
Post: #4 Title: Re: عبقرية عثمان حسين ،،،،ولكن هذا اللحن من عالم الجن Author: mekki Date: 03-11-2008, 07:13 PM Parent: #1
يا سلام
Post: #8 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-12-2008, 12:51 PM Parent: #4
Quote: يا سلام
تسلم يا مكي
Post: #6 Title: Re: عبقرية عثمان حسين ،،،،ولكن هذا اللحن من عالم الجن Author: طلحة عبدالله Date: 03-12-2008, 12:08 PM Parent: #1
كتر خيرك يا فضل كرار . وين حيك ياخ ..
Post: #9 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-12-2008, 01:32 PM Parent: #6
عزيزي أخضر القلب رشيق اللفظ ،،،البكاي طلحة مرورك أسعدني وطمنني أنك بخير كنا خايفين تكون في طريق دبي أوبو ظبي لكن الحمد لله
Post: #10 Title: Re: عبقرية عثمان حسين ،،،،ولكن هذا اللحن من عالم الجن Author: رأفت ميلاد Date: 03-12-2008, 01:51 PM Parent: #6
شكرآ والله يا فضل كرار حاجة جميلة .. قدرنا نلقطا رغم الحماية الجديدة
كان تبل ريقنا بأغنية "ما بصدقكم" ده حبيبى الروح بالروح
تكون كملت جميلك
طبعآ الطمع حاصل
مودتى
Post: #11 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-12-2008, 02:20 PM Parent: #10
رأفت ميلاد
Quote: كان تبل ريقنا بأغنية "ما بصدقكم" ده حبيبى الروح بالروح
تكون كملت جميلك
كده بس ؟؟ يا زول ليك علي أنزلها في بوست منفصل وهدية ليك شخصياً كمان ،، شنو ليك؟؟؟
Post: #12 Title: Re: عبقرية عثمان حسين ،،،،ولكن هذا اللحن من عالم الجن Author: محمد عثمان Date: 03-12-2008, 09:10 PM Parent: #1
امال حب و هيااام ضاعت مع الاحلاااام..
انا وحدى طول الليل بشكى حبى و وجدى...
مشكووووور اخ فضل...
Post: #13 Title: Re: عبقرية عثمان حسين ،،،،ولكن هذا اللحن من عالم الجن Author: محمد الأمين موسى Date: 03-13-2008, 06:21 AM Parent: #12
أخي الفاضل كرار.. أنت وحدك طول الليل دي كوم والدرب الأخضر كوم آخر! وكأنها لحنها عفريت من الجن! لا أظن أن هناك فنانا استطاع أن يتسلل إلى وجدان السودانيين مرات عديدة مثلما فعل العبقري عثمان حسين.
لا وحبك أنا والنجم والمساء طاف الفراش الحائر الوكر المهجور ناس لا لا..
Post: #15 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-13-2008, 10:27 AM Parent: #13
عزيزي محمد الأمين موسي
Quote: لا أظن أن هناك فنانا استطاع أن يتسلل إلى وجدان السودانيين مرات عديدة مثلما فعل العبقري عثمان حسين.
صدقت ،،، وشكرأً لك لإتفاقك معي علي النقطة أعلاه فوقد سبق لي القول أن
Quote: دا الإلهام البقولوا عليهو لكنو عند عثمان حسين متكرر في الحدوث ومختلف فى النوعية
لك عاطر التحية
فضل كرار
Post: #14 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-13-2008, 10:18 AM Parent: #12
Quote: مشكووووور اخ فضل...
ولك من الشكر أعطره علي ما فات من روائع أتحفتنا به وعلي ما سيأتي إنشاء الله ،،، أخي محمد عثمان
Post: #16 Title: Re: عبقرية عثمان حسين ،،،،ولكن هذا اللحن من عالم الجن Author: معتصم محمد صالح Date: 03-13-2008, 10:27 AM Parent: #14
Post: #17 Title: Re: عبقرية عثمان حسين ،،،،ولكن هذا اللحن من عالم الجن Author: Fadl Karrar Date: 03-13-2008, 10:56 AM Parent: #16
شكراً معتصم ولا عجب أنك تعمل في الذهب هذه الايام فإختياراتك من ذهب وروحك من ذهب وذكرياتنا معك من ذهب
