شاهدت أمس لقاء المريخ بضيفه هلال الساحل والتى إنتهت لاصحاب الأرض بهدفين لهدف بعد فاصل من الرتابة والملل وأوكد من وجهة نظري أن : ركلة الجزاء التى سجل منها المريخ هدفه الأول غير صحيحة هذه حقيقة لا يختلف عليها أثنين .. لكن هذا لا يعني أبدا التشكيك في كفاءة وأمانة الدولي خالد عبد الرحمن الذي ادار المباراة من وسط الملعب مع العلم أن المساعد الأول للحكم (طارق) هو الذي إحتسب المخالفة داخل منطقة الجزاء بعد ان إستعان النجم الدولي الكبير فيصل عجب بذكائه داخل الصندوق وإنتزع لفريقه ركلة جزاء جاء منها الهدف الأول للمريخ . كما ولا يعني هذا ابدا ان الحكام ارادوا ان يمنحوا المريخ فوزا لا يستحقه فالأخطاء التحكيمية واردة في كرة القدم وقد فازت الأرجنتين بكأس العالم 86 (بيد الله ) كما قال ماردوناالذي إستعمل يده في ايلاج الكرة شباك حارس المرمي الإنجليزي . ان كرة القدم هي لعبة الأخطاء وحلاوتها في إخطائها لاعبين - حكام - مدربين ولولا هذه الاخطاء لما كان هناك منتصر ومهزوم . ولقد إستغربت حقيقة للتصريحات الغاضبة لمدرب هلال الساحل محمد الطيب لقناة الأيه آر تي عقب المباراة أمس وهو يقول ان الحكم تسبب في هزيمة فريقه برغم ان المريخ اضاع فرصا بالجملة وكان يفترض أن يخرج فايزا بنتيجة ثقيلة من اللقاء ولكنه كان محظوظا بالنتيجة التى إنتهت عليها المباراة . إن تشكيك المدرب في كفاءة حكام المباراة ونزاهتهم والطعن في ذمتهم علي الهواء مباشرة مخالفة صريحة يستحق عليها العقاب الحاسم حتى لا تتكرر فعلته من بقية المدربين كلما خسر فريق . حاسبوا مدرب هلال الساحل علي إنفلات لسانه بتصريحات رعناء ..
03-11-2008, 09:04 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
أن هلال الساحل ما كان له ان يهزم المريخ بأرضه حتى لو حكم المباراة رئيس النادي نفسه ولولا سوء الطالع الذي لازم المريخيين أمس لفازوا بالأربعة والخمسة وعلي الهلاليين ان يرفعوا إياديهم شكرا للسماء والحظ الذي ناب عنهم في تخفيف الهزيمة كما وعليهم قبل ذلك أن يقبلوا قائم وعارضة مرماهم كونهما لعبا نيابة عن الحارس في التصدي لفرصتين . من حسن حظ الهلالاب ايضا أن المريخ لم يك في يومه أمس فقد لعب بتراخي وتهاون وتكاسل وتباعد في الخطوط وخذله أكثر من نجم كان يعول عليه لقيادة الفريق للفوز بنتيجة كبيرة مثل باولينو وطمبل والسعودي والنيجيري اوبينو , ولو كان هولاء في كامل لياقتهم الفنية والبدينة والذهنية لتمزقت شباك الهلال شر تمزيق . ان حظ هلال الساحل من حظ هلال الخرطوم الذي ظل يحصل علي الإنتصارات وينجو من الهزائم المجلجلة في الكثير من المباريات التى تجمعه بالفرق الكبيرة . ومؤسف جدا والله أن ينجرف مدرب هلال الساحل مع عواطفه ونزعته التشجيعية ليهرج ويرمي الحكام بالإفك ويشكك في إمانتهم وكفاءتهم وهذه يحاسب عليها القانون يا إتحاد عام .
03-11-2008, 09:52 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: ركلة الجزاء التى سجل منها المريخ هدفه الأول غير صحيحة هذه حقيقة لا يختلف عليها أثنين .. لكن هذا لا يعني أبدا التشكيك في كفاءة وأمانة الدولي خالد عبد الرحمن الذي ادار المباراة من وسط الملعب مع العلم أن المساعد الأول للحكم (طارق) هو الذي إحتسب المخالفة داخل منطقة الجزاء بعد ان إستعان النجم الدولي الكبير فيصل عجب بذكائه داخل الصندوق وإنتزع لفريقه ركلة جزاء جاء منها الهدف الأول للمريخ .
يعني تاني رجعت للمسكنة بتاعتك بتاعت الموسم الفات .. يا كبير المساكين إنت ؟؟ عايز تتمسكن من أول الموسم علشان قايل نفسك ح تتمكن بعدين في النهائي .. يازول الستة محمداكم .. التقيل جاييكم قدام.. طيب طالما الركلة كانت غير صحيحة .. واحتسبه الراجل دا .. فكيف ما نشكك في كفاءتو وأمانتو .. إنت قول ما تشككو في ذمتـو كان بنبلعه منك لانو الذمة بتاعت الحكام والقانونيين غالبا بتكون (مطاطية) .. وبتقبل اي اتجاه (تتمط) فيهو.. طيب المساعد الأول للحكم طارق دا .. قلت هو الاحتسب الحالة دي وفي مقولة تانية بتقول أنو احتسب نفس الحالة دي ضربة ركنية .. أها حسع نصدق منو ..؟ خلاف كدا يا مسكين: ياخي الحكم كان تماما عند الحالة وهو صاحب القرار النهائي في تحديد الحالة .. طيب كيف يعتمد حالة طارق صاحبك البعيد دا وطالما هو قريب جدا .. ويعتمد كلامو .. وعايزنا ما نشكك في كفاتو .. إنت مسكين كدا مالك الليلة من الصباح .؟ يعني ممكن بعد كدا نطلق على كابتن العجـب لغب ( الكابتن الذكي المسكين العجب) ؟؟ يا ابوي انـا دي حال بتستوجب كرت اصفر .. لو الحكم ما كان من النوعية المسكينة البتديك احتمالات انك تشكك في ذمتـه وكفاءته .. ياخي دي حاجة واااضحة .. إنت ذاتك شفتها واعترفت بيها كيف تجي تقول لينا العجب استعمل الذكاء بتاعو داخل الصندوق وإنتزع ركلة جزاء لفريقه..؟؟
Quote: وقد فازت الأرجنتين بكأس العالم 86 (بيد الله ) كما قال ماردوناالذي إستعمل يده في ايلاج الكرة شباك حارس المرمي الإنجليزي .
.. يا مسكين كورة مارادونا دي كان قالو ليهو تاني هاك الكورة دي تعال اعمل الحركة العملتها دي .. والله كان ربطوهو ما يعمله .. علشان كدا قال ليك (بيد الله ) البشرية دي كلها قعدت عشان تعرف الزول دا دخله كيف .. ما قدرو ولا عرفو ليها .. تتذكر يا مسكين زيكو لاعب البرازيل في كاس من الكاسات دي .. قطعو ليهو فنلتو عديل كدا في مقص من المقصات .. يعني قطعوها ليهو بي طريقة .. والله احرف ترزي ما يخيطه .. ودي (مسكة) بس ويكون في علمك الكورة كانت انفراد .. والحكم العين بتشوف زيكو جا شايل فنلتو وجاري .. الحكم ما هببو ليهو .. لكن بتاعت صاحبك المسكين دا .. ياخي وقع زي عربية الباسطة البلزوها ديك .. وفيها قزاز بالجمبات.. عليك الله بطل المسكنة يا طلحــة .. ما بتفيدك في حاجة السادس في السكة,.. بعدين وين صاحبك بتاع الموسم الفات .. القال عايز يحنن كدايس كدارة المعز ..؟ ما شايفو السنة دي .. أوعه يكونو سجلوهو كمان جماعتكم ديل..؟
03-11-2008, 10:23 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: بعد ان إستعان النجم الدولي الكبير فيصل عجب بذكائه داخل الصندوق وإنتزع لفريقه ركلة جزاء جاء منها الهدف الأول للمريخ .
يا تامبا .. بالله جيب تسجيل الفيديو بتاع ركلة الجزاء المارس فيها الملك العجب ذكائه .. ولا أقول ليك بعدين بمشي البيت وبجيبو معاي .. طبعاً ركلة الجزاء دي ح تكون موضوع الحلقة الجاية من برنامج الرياضة وح يستضيف العلامة شداد عشان يفتي لينا فيها .. الله يرحم لجنة التحكيم الودرو ذمته مزمل أبو القاسم ومامون أبوشيبة .. بعدين شايف الخرخرة بدت من هسي وجماعتك كابين الجلسرين عديل كده
يا طلحة يا مسكين .. بعد التحية والسلام .. مريخكم الشفتو يوم أمس دا ما كان ح يغلب إلا بزي ركلة الجزاء الواضحة دي .. الغريبة الحكم كان ممكن يبقى ظريف شوية ويحسبها ضربة حرة مباشرة مع الخط لكن تقول شنو كان مصر يديكم ليها في وضع النهار .. وبدل ما تلوم مدرب هلال الساحل لوم مدربكم الفرحان بالأهداف البهلوانية دي وقول ليهو أعمل ليك فريق ينافس الكونفدراية على الأبواب وما تجي تقول لي فلان غائب وفلان ما في مستواه دا كلام يا راجل ..
03-11-2008, 10:35 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا تامبا .. بالله جيب تسجيل الفيديو بتاع ركلة الجزاء المارس فيها الملك العجب ذكائه .. ولا أقول ليك بعدين بمشي البيت وبجيبو معاي ..
يا موو الله يرضى عليك لا تبخس للناس حاجاته .. شايف اساسي عامل فيها مأذون شرعي بي هناك .. واهو زي ما شايف طلحـة الدوري ابتداء وبدت معاهو المسكنة والتبريرات .. بلاي يا موووو بتلقى الملف بتاع الفيديو خاتيو في الـ (C) (اضغطو) .. وتعال اضغط بيهو المسكين دا ..
Quote: وبدل ما تلوم مدرب هلال الساحل لوم مدربكم الفرحان
إلا بالمناسبة يا طلحـة: إنتو المدربين الاناتيك بتعنكم ديل بتجيبوهم من وين ..؟ (عمنول) واحد يطلع لسانو وقت الذروة .. ويقعد يرفع في بنطلونو الناصل .. السنة دي جبتو ليكم واحد مسكين جدا .. الماتش الفات بتاع المريخ .. لما في واحد جاب ليهو قوون .. والله قام جاري جابوهو من جمب اللوحـة بتاعت طعم طفلك ديك مدربكم دا كان بدرب بتاعين .. القفز العالي واللا شنــو..؟ مشجع مسكين .. ومدرب مسكين فرحان .. فرح شديد .. وعجب ذكي مسكين برضو .. والله الموسم دا الظاهر لي الواحد مفترض يمشي يحضرو من المدرجات .. مساكين وحالتكم تحنن .. ومدربكم مسكين وفرحان .. وحالتو احنن منكم حقو من حسع دي الهلال يتنازل ليكم من الكاس دا ... ويديهو للمدرب بتاعكم الفرحان دا ..
03-11-2008, 10:37 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا تامبا .. بالله جيب تسجيل الفيديو بتاع ركلة الجزاء المارس فيها الملك العجب ذكائه .. ولا أقول ليك بعدين بمشي البيت وبجيبو معاي ..
يا موو الله يرضى عليك لا تبخس للناس حاجاته .. شايف اساسي عامل فيها مأذون شرعي بي هناك .. واهو زي ما شايف طلحـة الدوري ابتداء وبدت معاهو المسكنة والتبريرات .. بلاي يا موووو بتلقى الملف بتاع الفيديو خاتيو في الـ (C) (اضغطو) .. وتعال اضغط بيهو المسكين دا ..
Quote: وبدل ما تلوم مدرب هلال الساحل لوم مدربكم الفرحان
إلا بالمناسبة يا طلحـة: إنتو المدربين الاناتيك بتعنكم ديل بتجيبوهم من وين ..؟ (عمنول) واحد يطلع لسانو وقت الذروة .. ويقعد يرفع في بنطلونو الناصل .. السنة دي جبتو ليكم واحد مسكين جدا .. الماتش الفات بتاع المريخ .. لما في واحد جاب ليهو قوون .. والله قام جاري جابوهو من جمب اللوحـة بتاعت طعم طفلك ديك مدربكم دا كان بدرب بتاعين .. القفز العالي واللا شنــو..؟ مشجع مسكين .. ومدرب مسكين فرحان .. فرح شديد .. وعجب ذكي مسكين برضو .. والله الموسم دا الظاهر لي الواحد مفترض يمشي يحضرو من المدرجات .. مساكين وحالتكم تحنن .. ومدربكم مسكين وفرحان .. وحالتو احنن منكم حقو من حسع دي الهلال يتنازل ليكم من الكاس دا ... ويديهو للمدرب بتاعكم الفرحان دا ..
03-11-2008, 10:49 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
عارف يا تامبا .. أمس كان عندي إصرار عجيب جداً انو لازم أحضر المباراة دي ليه ما عارف .. ودا كلو عشان المساكين ديل ما يجو يشبكونا ليك ناس مرضونا وأوبينا وعجبونا .. أها أمس هلال الساحل دا كشفهم ليك وخلاهم قاعدين ساي .. بعد مباراة الهلال وحي العرب جوز الصحفيين داك جاء كتب ليهو مقالات عن التحكيم .. أها هسي ح يجو يكتبو شنو .. الملك مارس ذكائه وكسب ليهو ضربة جزاء سجل منها طمبل هدف الفريق الأول ..
لكن والله محنني المدرب الجديد وبشفق عليهو الكلمة دي موووش دحين حقت إبراهومة ما عارف اللاعب منو زاتو بس لاعبينه يجيبو ليهم قون يجري ليك ليهم المره الفاتت جابوهو من جنب راية الكورنر ..
ربك يستر من الكونفدرالية ..
03-11-2008, 10:35 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
جل من لا يخطيء يا تامبا المسكين قلت ليك وأكرر ليك انو الحكم بشر ومعرض للخطأ تماما كما هو حال اللاعب والمدرب وغيرهم من عناصر اللعبة .. إن إحتساب ركلة جزاء عن طريق الخطأ او حتى إحتساب هدف غير صحيح والتاقضي عن آخر صحيح ليس مقياسا نهائيا لتقييم كفاءة حكم وإلا لم وجد حكم كفوء علي وجه الأرض .. إن إيطاليا حصلت علي كأس العالم الاخير نتيجة أخطاء تحكيمية والبرازيل كذلك فيما تضررت منتخبات أخري من هذه الأخطاء .. العرقلة داخل منطقة العمليات من الحالات التى تحتسب بموجبها ركلة الجزاء ولكن تبقي أيضا تقديرات الحكم حاضرة في هذا الخصوص فربما إحتسبها حكم ركلة جزاء وربما رأى غيره إنها تمثيلية وبالتالي سوء سلوك يستوجب قرار إداري بمنح اللاعب بطاقة صفراء وقد رأي طارق مساعد الحكم ألذي كان أقرب للحالة من حكم الساحة الدولي خالد عبد الرحمن ان العجب عرقل داخل الصندوق وتأسيسا علي رؤيته هذه رفع رايته مشيرا لركلة جزاء وليس ضربة ركنية كما وضح من خلال اللقطة التى عرضت في التلفزيون وعليه إحتسب الحكم الركلة كونه يثق تماما في معاونه الاول الذي كان قريبا جدا من موقع الحدث . ليس مستغربا ولا جديدا لا في ملاعبنا ولا في ملاعب العالم ان يمنح حكم ركلة جزاء عن طريق الخطأ للطرف الآخر وهذا لا يعتبر عدم كفاءة وامانة أبدا وإلا لاتهمناالحراس والمدافعين الذين يتسببون في ركلات الجزاء والاهداف بعدم الكفاءة والامانة والتحيز للخصم .
03-11-2008, 10:36 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: إن تشكيك المدرب في كفاءة حكام المباراة ونزاهتهم والطعن في ذمتهم علي الهواء مباشرة مخالفة صريحة يستحق عليها العقاب الحاسم حتى لا تتكرر فعلته من بقية المدربين كلما خسر فريق . حاسبوا مدرب هلال الساحل علي إنفلات لسانه بتصريحات رعناء ..
طيب ياخ نسيت تصريحات مازدا وبرضو عبر الART بعد مباراة دولفين ؟ مش كده وبس مازدا دخل الميدان وهاجم الحكم وإعتدى عليهو .. أجيب ليك الصور ولا كده مصدقني؟
03-11-2008, 10:57 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
Quote: مريخكم الشفتو يوم أمس دا ما كان ح يغلب إلا بزي ركلة الجزاء الواضحة دي ..
يا معتصم انا معاك المريخ كان زي الزفت والزفت أحسن في مباراة أمس وقلت الكلام دا فوق لكن دا ما معناهو انو ما بغلبكم وبشيل الدوري المرة دي لأنو : الهلال سجمان خمسة مواسم وقاعد يشيل الدوري ويغلب في المساكين الزيو رايح وجائي شيء بالحظ وشىء بالحكم وشىء تاني وعيييييييك .. ارجوا الراجيكم بس المرة دي .
03-11-2008, 11:39 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
وحاجة تانية يا معتصم يا مسكين بي ميز . قبل ما تسخر من إنفعالات عادية بتحدث من أي مدرب في العالم أسخر وأشجب حماقة ورعونة رئيس نادي الهلال التى ظلت ديدنه ودينه في التعامل مع الوسط الرياضي والمؤسسات الحاكمة . الأرباب منع لاعبي الهلال من قبل الصعود للمقصورة لأخذ الميداليات الفضية برغم وجود ممثل رئيس الجمهورية وقادة الإتحاد والوزير .. ياخ الممارسات والتصرفات المقرفة صناعة هلالابية منذ ان عرف الأرباب (المو هياب) طريقه لسدة الحكم . وانت عامل كيف بلاي يا معتصم يا رشاشة متمسكن جدا .. ؟
03-11-2008, 11:49 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: بالله أعفص هنا وبطلو الجرسة والله نحن كلامنا قدامنا ..
والله يا معتصم حرام عليك .. الزول المسكين دا جهجهتو
يا طلحـة .. كلامك الفوق دا برجع ليهو .. لكن كدي قول لي ..؟ العجب دا كان في فريق المدرسة بتاع لعبة ( شــدت ) ..؟ الزول دا حريف (شــــدت) الله بمشي ليهو وبيسالني..
مسكين يا طلحة إنت ياخ .. مسكين يمارس مسكنته من بداية الدوري الممتاز ..
Quote: طيب ياخ نسيت تصريحات مازدا وبرضو عبر الART بعد مباراة دولفين ؟ مش كده وبس مازدا دخل الميدان وهاجم الحكم وإعتدى عليهو .. أجيب ليك الصور ولا كده مصدقني؟
ياخ مصدقك وما نسيت ماحدث من مازدا وبرغم إختلاف الأمر هناك وهنا ولكن لا أقر ما فعله محمد عبدالله مازدا في نيجيريا . اما حكاية أعتدي عليهو دي فشايفك زودتها شوية فلم أر شخصيا أن مازدا تعدي علي الحكم بالضرب كما أشرت ولا أظنك تقصد انه اعتدي عليه لفظيا لأنه بالطبع انت لم تسمع ما قاله مازدا للحكم , ولكن مجرد دخوله لأرض الملعب محتجا وثائرا أمر غير مقبول وعليه : اطالب الاتحاد الأفريقي بمحاسبة مازدا كما طالبت الإتحاد السوداني بمحاسبة مدرب هلال الساحل منفلت التصريحات محمد الطيب ..
03-12-2008, 11:02 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
قلت ليك يا معتصم القرار باحتساب ركلة جزاء ما صحيح لو قاصد الفهم دا .. ولو قاصد انو العجب ما كان زكي في انتزاع الركلة بحركتو العملا دي فدا حقد منك بس ..
03-12-2008, 12:20 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
ما هو الفرق بين إحتساب ركله الجزاء هذه والركلة التى إحتسبت على المريخ من تداخل مدافع المريخ سفارى فى مباراة إتحاد مدنى؟ وما الفرق بينها والركله التى حسبت على المريخ الموسم الماضى فى مباراة الموردة التى خسرها المريخ؟ الحاله تقديريه من زاويه رؤيه الحكم الذى حسبها معتمداً على تداخل وإنزلاق المدافع بكلتا قدميه لقطع كورة العجب المندفع الذى قفز لتفادى الإصتدام والإصابه، بغض النظر عن حقيقه أو إدعاء محاولته ملامسه المدافع والوقوع على الأرض!
لا أتفق مع الرشيد المهديه فى أن الحكم كان يجب أن يرجع لرجل الرايه فالحكم رأى الحاله وحسب تقديره هى ركلة جزاء، وإختلاف تقدير رجل الرايه للحاله لا يغير فى شىء ولو أخذ بتقدير مساعده دون تقديره لفقد صلاحياته كحكم وسط
الرشيد (لاعب الهلال السابق) فتح باباً نتمنى أن يكون على مستوى تحمل مسؤوليته كناقد وخبير كوره محايد، أن يقيم أداء الحكام وأخطائهم فى كل المباريات مستخدماً تسجيل القيديو عسى ولعل يساعد على تحسين أداء الحكام
03-12-2008, 12:46 PM
أبوالزفت
أبوالزفت
تاريخ التسجيل: 12-15-2002
مجموع المشاركات: 1545
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة