Post: #1
Title: ياناس ...استشارة طبية ..
Author: معتز محمد موسي
Date: 03-11-2008, 07:46 AM
لو في زول ضغطو مرتفع لمدة كم يوم .. واكتشف إنوقياس ضغط الدم باليد اليمين بختلف من اليد الشمال.. وعندو صداع متكرر.. وألم دائم في الكتف اليمين .. دا معناهو شنو...؟
|
Post: #2
Title: Re: ياناس ...استشارة طبية ..
Author: رشا سالم
Date: 03-11-2008, 07:57 AM
Parent: #1
سلامات يا معتز..
عادة في فرق بسيط في الضغط لما نقيسه في اليد الشمال واليد اليمين..
لكن عشان يجي زول ويديك استشارة معقولة ..لازم توضح:
1) عمر المريض
2) هل هو مصاب بارتفاع ضغط الدم من فترة طويلة؟
3)بياخد ادوية لمعالجة ارتفاع الضغط ولا لسه
4)في اي فحوصات اتعملت غير قياس الضغط؟؟
وفر المعلومات دي وبعدين نجي نردمك اسئلة تانية
وبأذن الله يكون الموضوع بسيط..
|
Post: #3
Title: Re: ياناس ...استشارة طبية ..
Author: Adil Osman
Date: 03-11-2008, 09:19 AM
Parent: #1
- ضغط مرتفع لمدة كم يوم
- صداع متكرر
- ألم دائم في الكتف اليمين
الزول ده راجل ولا مرة؟
|
Post: #4
Title: Re: ياناس ...استشارة طبية ..
Author: معتز محمد موسي
Date: 03-11-2008, 10:57 AM
Parent: #3
رشا سالم .. شكرا على الاهتمام الجميل..
عادل .. ياودالعمة .. ازيك.. وكيفنك في الغربة البطالة..؟
الزول دا راجل ياعادل.. عمرو 31 سنة يارشا.. ما أخد علاج ضغط .. سوى انو أخد مرتين كدة حبوب (دايسبام).. في تاريخ لمرض ارتفاع الضغط في الأسرة.. وماعمل أي فحوصات أخرى..
|
Post: #5
Title: Re: ياناس ...استشارة طبية ..
Author: Adil Osman
Date: 03-11-2008, 11:20 AM
Parent: #1
سلامات يا معتز. فى ذكرى تلك الزيارة السريعة عام 2005. اتمنى ان تكونوا بخير.
سلامة هذا الشاب الثلاثينى. انا كما تعلم لست طبيبآ. ولكننى مهتم بالطب والصحة.
ننتظر عودة دكتورة رشا سالم.
والى حين عودتها نسأل بعض الاسئلة.
هل يدخن السجاير هذا الشاب؟
هل يجلس ساعات طويلة امام الكمبيوتر؟
هل يعانى من الرطوبة (التهاب المفاصل)؟
|
Post: #6
Title: Re: ياناس ...استشارة طبية ..
Author: معتز محمد موسي
Date: 03-11-2008, 11:57 AM
Parent: #5
سلام ياعادل..
يدخن أحيانا...
بقعد أمام الكمبيوتر حوالي 4 ساعات يوميا..
لايعاني من اي مشاكل في المفاصل..
|
Post: #7
Title: Re: ياناس ...استشارة طبية ..
Author: معاوية كرفس
Date: 03-11-2008, 01:31 PM
Parent: #1
.
معتز يا بن بن
إن شاء الله كّلو خير ..
سلامات يا عادل عثمان ..
د/ رشا سالم سلامات و مشتاقين شديد
و في إنتظارك هنا مع معتز و عادل
|
Post: #8
Title: Re: ياناس ...استشارة طبية ..
Author: خضر حسين خليل
Date: 03-11-2008, 01:45 PM
Parent: #1
معتز
ياخ مالك علينا
|
Post: #9
Title: Re: ياناس ...استشارة طبية ..
Author: نهال الطيب
Date: 03-11-2008, 08:34 PM
Parent: #8
معتز يا صديقي
انشاء الله خير
|
Post: #10
Title: Re: ياناس ...استشارة طبية ..
Author: ibrahim kojan
Date: 03-11-2008, 09:56 PM
Parent: #9
يازول انشاء الله خير..
الوزن
تاريخ الاسره المرضي .. يعني الاب والام والاخوان والاخوات... واذا في واحد عندو ضغط جاهو في عمر كم؟؟؟
السكري
الامراض تصلب الشرايين
الصدمات الدماغيه
ونرجع ليك.. وحتي وقت الرجعه امسك في كلام رشا.
|
Post: #11
Title: Re: ياناس ...استشارة طبية ..
Author: سيف النصر محي الدين محمد أحمد
Date: 03-12-2008, 02:24 AM
Parent: #10
| Quote: الزول دا راجل ياعادل.. عمرو 31 سنة يارشا.. |
و اسمو معتز محمد موسى؟؟
يا زول رشا سالم دي ماشة في الأتجاه الصحيح امسك في كلامها
قوي و خليك مننا.
|
Post: #12
Title: Re: ياناس ...استشارة طبية ..
Author: رشا سالم
Date: 03-12-2008, 08:22 AM
Parent: #11
الاخ المحترم..معتز..
وكل الشباب المتداخلين..ازيكم..؟
شفت يا معتز..موضوع الفرق في الضغط دا خليهو لي بجمبه كدا..
وركز علي موضوع ارتفاع ضغط الدم نفسو..
اول حاجة بمعطياتك دي..لازم نتأكد من انو التشخيص صحيح..
يعني لازم تعمل قياس لضغط الدم كم مرة..
وفي حالات مختلفة ..يعني وانت مرتاح في بيتك..وانت مشغول في العمل..
او في نفس الحالة مع فارق زمني محترم(علي الاقل 6 ساعات)
واعمل نوتة بالقراءات دي ووديها للطبيب بتاعك..
اذا تم تأكيد التشخيص..لازم تعمل فحوصات تانية عشان تعرف السبب..
لأنو عمر المريض صغير علي ارتفاع ضغط الدم..
فحوصات للدم ولوظائف الكلي ..وحبة رسم قلب..
وجاكات من النوع دا...
اها بعد داك نرجع لمسألة فرق الضغط بين اليدين..
دي تعتبر حاجة شبه عادية ومرات ما بيكون عندها اي مغزي طبي
لكن مرات بتعتمد علي اليد البتستعملها اكتر(بيكون ضغطها اعلي)
لكن اذا كان الفرق كبير..يعني قول اكتر من عشرة مم ميركوري
ممكن يكون في احتمال لوجود مشكلة في الاوعية الدموية بتاعت الايد
المعنية ..
اها يازول عشان انا مرات بطش من البورد..وعشان نكون
في السيف سايد..لو اتاكدت من موضوع الضغط دا..لازم تلتزم
بالحبوب تماما..وما تقول لي ضغطي خفيف ولا بتاع..
تصحي من نومك .تاخد فطورك..وتمشي شغلك..وفي اول بريك..
تاخد حبوبك وتسترخي ليك زي ربع ساعة كدا..
وبأذن الله ماتجيك عوجة..
.....................
معاوية كرفس..كيف احوالك..؟والله مشتاقة ليكم شديد..
|
Post: #13
Title: Re: ياناس ...استشارة طبية ..
Author: Adil Osman
Date: 03-12-2008, 09:02 AM
Parent: #12
صباح الخير يا معتز
صاحبك الشاب الثلاثينى ده قاعد فى السودان؟
اذا قاعد فى السودان بتكون مرارتو اتفقعت!
خليهو يمشى يفحص المرارة والحصوات وهاجات بى شكل ده!
|
Post: #14
Title: Re: ياناس ...استشارة طبية ..
Author: معتز محمد موسي
Date: 03-12-2008, 09:04 AM
Parent: #12
د.رشاسالم...سمعاً وطاعة.. تقدري تقولي اني عملت نوتة..
وح أوريك بعد يومين كدة..
..شكرا على الحضور الأنيق..
د. نهال..
ياريت ما نتحرم منو..
|
Post: #15
Title: Re: ياناس ...استشارة طبية ..
Author: اساسي
Date: 03-12-2008, 09:09 AM
Parent: #14
| Quote: لو في زول ضغطو مرتفع لمدة كم يوم .. واكتشف إنو قياس ضغط الدم باليد اليمين بختلف من اليد الشمال.. وعندو صداع متكرر.. وألم دائم في الكتف اليمين .. دا معناهو شنو...؟ |
دا معناتو انه الزول دا مفلس .. الحاجات دي كلها بتجينا اخر الشهر
ــــــــــ
يقول المثل الاسفيري ( اخر الشهر وشو واحد)
|
Post: #16
Title: Re: ياناس ...استشارة طبية ..
Author: معتز محمد موسي
Date: 03-12-2008, 09:22 AM
Parent: #8
خضر..
(إلي أَين يأخذنا الفجر، والفجر
جِسْر، إلي أَين يأخذنا؟
قال لي صاحبي: لا أريد مكانا
لأدفَنَ فيه. أريد مكانا لأَحيا،
وأَلعنَه إن أردت.)
انت ال(مالك) معاي..
انا كويس شدييييييد.. بس فاقدك ..
نفسي في (قطيعة) معاك..
|
|