حبيبتي والقطار

من بف نفسك يا القطار
انا بحبك جد ماهزار

وكان غبتي أو مشيتي
دايما بفتش ليك في الاعذار

حبك في قلبي
زي خشبة اندق فيها مسمار

وما بهتم لقول عازل
أو واحدة جايبه شمار

اناوانت يا روحي
زي الاتان والحمار

وكان بكري شعري ما عجبه
اليوديه الخور
اصلو من الشعر محتار

في الخور نلقى الأعذار ..
واليوم الحار ما بندار ..
كان حبيت أتان ولا حمار ..
والناس عايزه تعرف الشمار ..
والشمار عند العطار ..
والعطار بقى شمشار ..
وحبك الكان في القطار ..
حب حقيقي ما هظار ..

إدريس إدريسٌ إذا إحتدم الشعر ...
تقدم ملحوظ في حيثيات و منطلقات القريض ... فمن الحمارة إلى أب عشرين إلى القطار ...

ذكرتنا عطبرة يا رجل بهذا القطار

أما بعد :

سنأتي لهذا النص الذي يبث بخاراً ...

سنلاقيك في المحطة القادمة أو السندة التي تليها ...

إدريس علم الهدى.
....................
وكان غبتي أو مشيتي
دايما بفتش ليك في الاعذار

والواحد معاك والله إحتار..

أرقص رقبة ولا أدق الزار..

ما تشوفو لينا سر ألأسرار

نحن تهنا بين حبيبتك والحمار
وحبيبتى والقطار,,,,,,,,,,,,

حمالتك على فكرت أنتحر بسم الفار

لكن مرقتنى من الجو النكد ده
بلطافة هذه ألأشعار...

.............................

إسماعيل محمد احمد عباس...........

ثم إنتظرها في المحطة التالية
فوجدها تطل من نافذة الدرجة الرابعة

***

Quote: من بف نفسك يا القطار انا بحبك جد ماهزار

و هذا هو القطار تظهر منه النار

Quote: وكان غبتي أو مشيتي دايما بفتش ليك في الاعذار

تتذكري لما طولتي الغيبة في سنار ؟
مشيت سألت عنك قالوا : راحت مكوار

Quote: حبك في قلبي زي خشبة اندق فيها مسمار

( بالله حدد ... الخشب دة نوعو شنو ؟ )

Quote: وما بهتم لقول عازل أو واحدة جايبه شمار

آخر شمار جاني قالوا بتحبي نزار

Quote: اناوانت يا روحي زي الاتان والحمار

يختوا فوقنا سرج و بردعة و نمشي مشوار

Quote: وكان بكري شعري ما عجبه اليوديه الخور اصلو من الشعر محتار

و كان عجبو ال يخليهو لزوم بوبار

***

فوق دربك ...

هنا