|
Re: الشارع الخلفي ..يا حليوة فيك الدنيا ما كانت شروق. (Re: الشفيع عوض شوشتا)
|
نحن اهل الفرحه جينا لاالمدامع وقفتنا ولاالحكايات الحزينه لما درب الرايحه جابنا جابنا في هادى المدينه ياولدى الدروب شقاقا بحر التيه ليك درب ولا دربين مساك الدروب ضهاب ليك قلب ولا بالين وسواى القلوب كضاب ليك ضهر ولاسرجين ركاب السروج وقاع شق ياولدى بحر التيه بتتدردر وتتودر ولامن يوم علي تايتنا ديك ترسي نعزك بالقبيل داخرنو ليك الشوق بحر ياولدى بحراً تيه قت ليك العليك ادرابو لا تنغش ولا ترضابو لاتنغش في الزمن الزمين والكي يسوهو خلاف عشان الني عليك الدور وتصريف الليالي بدور تشيل ما شلنا من الهم ولا من دمعه ترمي الدمعه فوق دربك روح يابا .. وابق قفاك لاتعاين ولاتعاين علي موطاك ولا تندم علي خطوا تملي مشيتو لى قدام وابقي العاتي زى سنطتنا زى صبرا نلوك فوق مرو زى الزاد لاشيتاً نزل في الجوف ولابرجع ولا بنزاد واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلما بجيب البر ولا حدود وانبليتا اختا الرمله ما تقع البكان الهش هي الممطوره مابتبالي من الرش النعمه بتعرف عاطيها والجمره بتحرق واطيها بالكيله عطانا و ما لقينا فوق جمر خطانا وما لقينا يوم الوعد... ياحليوه فيك الدنيا ما كانت شروق الا الارض متكشفه متبلمه نعمنو من خير الخريف لافحالها شال منطرحه خضرا وفرحه دوب تتشابي لي عين الشمس من بت حليوه النفس بيضا كذا الحليب والروح مشحتفه في البلود الفيها ريحتك للبعود من فزعة الغربة البساسق فوكا موراجع ولا بالحيل قريب الروح مشحتفه في الحبيب القلب بكر الدنيا ما شافت جديدو ولا الحزن دقالو باب وشفتي كيف يوم الوعد كيفنو مترامي الغمام والقمري زغرد للبلوم النسمه هبت مرتين يا حليوه يوم دقيت بارضك فاس خصيب والتانيه في يوم الوعد والايد تسالم في الايدين والام تقالد فوق جناها تشمو زين وحليوه صاحيه حليوة ضاحيه كذا النسيم والدنيا غيم وحليوة جد جد ياولد قول للبلد قايل غناوي الحزن ليش شايل مساديرك مجامر دمع ليش ليش يا بلد والناس تريد والدنيا كل ما نريد تزيد تملا الايدين تفرح تهش لو صحيح غنينا بالدمعه الحميمه ولو دموع الفرحه ما لاقت غنانا بكره نرجع تاني للكلمه الرحيمه شان هنانا شان منانا شان عيون اطفالنا ما تضوق الهزيمه
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: الشفيع عوض شوشتا)
|
الشفيع شوشتا كتابة بتشبهك
{ أهل الفرحة } أول مرة سمعتها في العام 1999 مباشرة من شاعرها الصديق محمد طه القدال وحكى لنا قصتها كنا في سيارة متجهين على منزلنا في الديم من جامعة الخرطوم وبصحبتنا الشاعر قاسم أبوزيد
كنت أحاول مضاراة الدمعة بالصنقيعة
لكن هيهات
سمعتها بعد داك الآف المرات وفي كل مرة أحاول مضاراة الدمعة
وفي كل مرة ، هيهات
وهسع هيهات
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: أبو ساندرا)
|
ابونا وابو ساندرا .. صباحك اول تبادي سلامات .. ومن ثم رد على تلفونك ياخ .. الواحد لو عايز يطمن عليكم يسافر ليكم وللاشنو ?
يا ريت تحكي لينا
ملت مدامعنا من فرط الحزن ولو دموع الفرحة ما لاقت غنانا بكرة نرجع تاني للكلمة الرحيمة شان هنانا شان منانا شان عيون اطفالنا ماتضوق الهزيمة ?
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: الشفيع عوض شوشتا)
|
شوشتا...
لك الود...
الاصدقاء وقود الروح وكذلك الغنا...
بعدلو المزاج وبخربو الطبع...
انتظرتك طويلا لتعاود الكتابة بعد.. بوست لنا الله.... واصدقاء...
هاانت تعاود ولسان قلبك يقول.. لنا الله ....واصدقاء وغنا...
Quote: وخلف النافذة أصدقاء وحبيبات أبادلهم الصقيع بالغناء .. واخترق في لهيب سؤال عن الوطن !..وعن أنثى خلقت لها شفتان لأجلي وشفتاي لأجل قبلة على جبينها ... مساء و أغنيات تسربت إلى البحر نزيفاً .... وفي الجوف وطن وأنثى للحنين أتنفسهما برئة مثقوبة... |
يااااااا...
لاحولاااا...
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: الشفيع عوض شوشتا)
|
Quote: الواحد لو عايز يطمن عليكم يسافر ليكم وللاشنو ?
|
يبقى يوم المنى ،، يوم جيتك أريتك تعملها
كما كنا مشركين ليكم بصوتي رشيدة وبتها
محمد طه القدال كان بيبكي شقيقه الأصغر الذي لقى مصرعه في الجنوب ، محرقة الشباب السوداني بإسم الجهاد ، جهاد ضد إخوتهم في الوطن
شاعرنا عده شهيدآ لما آمن به
كنت الحظ ان الفجيعة مضاعفة في وجدان القدال فالقدال يقف في الناحية الأخرى
ياح الموقف يستحلب دمعك حتى آخر قطرة
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: أبو ساندرا)
|
شوشتا يا هذا اللعين لعلك تحكي عننا ... اسف ... لاول مره اكتب اليك ولكني العنك ...
كنت في ما مضى اقول لحبيبتي ... نوزع سماعات في كل انحاء البيت ( المطبخ ) ومع الاعتذار الحمام ولكن ها هو جهاز التسجيل ينظر الي في كل بلاهـــه وحبيبتي ما زالت تزكرني ,,,, هاكــ الموسيقى دي ... والغربه هادرت ارواحنا ... نحن هناك مع الاصدقاء تسلم يا شفيعنا ....
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: عصام علي أحمد)
|
عصام يا صاحبي الجميل.. سلمى وأخريات والباقي نتمو شهيق .. عند منتصف الصحراء عدة خيارات للموت... وفي القلب يا صديقي أنثي منحوتة بماء الصمود .. وانا أحبها .... وابكي من اجلها كثيرا .. عند بداية الطريق الى الموت وعد ... أغازلها .... أضاجع شمس نهارها بتحية .. وارقص لاسم الله في سرها .... وهي ترتب كتف هزائمي بابتسامة ... امضي انا ... ثم ابكي .. وأتمادى في البكاء ... .. اه من عذابات الوتر
| |
|
|
|
|
|
|
Re: الشارع الخلفي ..يا حليوة فيك الدنيا ما كانت شروق. (Re: عبدالرحمن عبدالله)
|
Quote: وخلف النافذة أصدقاء وحبيبات أبادلهم الصقيع بالغناء .. واخترق في لهيب سؤال عن الوطن !..وعن أنثى خلقت لها شفتان لأجلي وشفتاي لأجل قبلة على جبينها ... مساء و أغنيات تسربت إلى البحر نزيفاً .... وفي الجوف وطن وأنثى للحنين أتنفسهما برئة مثقوبة...
|
ماك نصيح يا وليد صدقني ماك نصيح...
ياتو جني البكتب معاك ده يا الشفيع..
لكما معا انحناءات كثر..ورفع قبعات
| |
|
|
|
|
|
|
|