Post: #1
Title: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-09-2008, 08:10 PM
Parent: #0
|
Post: #3
Title: Re: الشارع الخلفي ..يا حليوة فيك الدنيا ما كانت شروق.
Author: Emad Abdulla
Date: 03-09-2008, 09:28 PM
Parent: #1
و الله ستقتلك مثل هذه الكتابة ..
و سيقتلك الأصحاب بالحصار للقلب .
فياخي .. أقعد ساكت .
.....
إنتو يا ناس الزي ده .. جيتو من وين ؟
|
Post: #4
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-10-2008, 08:38 AM
Parent: #3
يا عمدة يا عمدة
صباحك وطعم الحياة معاك ...
كما قال احدهم (منحتني الغربة فرصة عيش في الوجه المظلم للدنيا)
الأصدقاء ومن ثم الموسيقي عزائنا الوحيد.
في انتظار نضوج بقية الثمار في حديقة العمر
لك العافية يا صاحب
|
Post: #5
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-10-2008, 06:36 PM
Parent: #4
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
|
Post: #6
Title: Re: الشارع الخلفي ..يا حليوة فيك الدنيا ما كانت شروق.
Author: أبو ساندرا
Date: 03-10-2008, 08:18 PM
Parent: #1
الشفيع شوشتا
كتابة بتشبهك
{ أهل الفرحة }
أول مرة سمعتها في العام 1999
مباشرة من شاعرها الصديق محمد طه القدال
وحكى لنا قصتها
كنا في سيارة متجهين على منزلنا في الديم من جامعة الخرطوم
وبصحبتنا الشاعر قاسم أبوزيد
كنت أحاول مضاراة الدمعة بالصنقيعة
لكن هيهات
سمعتها بعد داك الآف المرات
وفي كل مرة أحاول مضاراة الدمعة
وفي كل مرة ، هيهات
وهسع هيهات
|
Post: #7
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-11-2008, 05:08 AM
Parent: #6
ابونا وابو ساندرا ..
صباحك
اول تبادي سلامات ..
ومن ثم رد على تلفونك ياخ .. الواحد لو عايز يطمن عليكم يسافر ليكم وللاشنو ?
يا ريت تحكي لينا
ملت مدامعنا من فرط الحزن
ولو دموع الفرحة ما لاقت غنانا
بكرة نرجع تاني للكلمة الرحيمة
شان هنانا شان منانا
شان عيون اطفالنا ماتضوق الهزيمة ?
|
Post: #8
Title: Re: الشارع الخلفي ..يا حليوة فيك الدنيا ما كانت شروق.
Author: Amira Elsheikh
Date: 03-11-2008, 06:45 AM
Parent: #7
شوشتا...
لك الود...
الاصدقاء وقود الروح وكذلك الغنا...
بعدلو المزاج وبخربو الطبع...
انتظرتك طويلا لتعاود الكتابة بعد.. بوست لنا الله.... واصدقاء...
هاانت تعاود ولسان قلبك يقول.. لنا الله ....واصدقاء وغنا...
Quote: وخلف النافذة أصدقاء وحبيبات أبادلهم الصقيع بالغناء ..
واخترق في لهيب سؤال عن الوطن !..وعن أنثى خلقت لها شفتان لأجلي وشفتاي لأجل قبلة على جبينها ...
مساء و أغنيات تسربت إلى البحر نزيفاً ....
وفي الجوف وطن وأنثى للحنين أتنفسهما برئة مثقوبة... |
يااااااا...
لاحولاااا...
|
Post: #11
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-11-2008, 11:35 AM
Parent: #8
أميرة بت الشيخ..
عماد عبد الله مره قال كلام جميل عن إيزابيلا (الأصدقاء .. علكة القلب) ..
نعم يا أميرة هم علكة القلب في وطن لا يُطال سوى الأصدقاء السُمر...
الأصدقاء الذين يمنحوننا بقعة ضوء على ريش الغياب ...
وعلي قولك بعدلو المزاج وبخربو طبع الزول ...
لكـ العافية يا (أميرة)
|
Post: #9
Title: Re: الشارع الخلفي ..يا حليوة فيك الدنيا ما كانت شروق.
Author: الطاهر عثمان
Date: 03-11-2008, 06:58 AM
Parent: #1
شوشتا وسط الجمال ده أنا جيت أسلم ممكن
لك التحية والود
|
Post: #10
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-11-2008, 08:05 AM
Parent: #9
الطاهر الزول الجميل ..
سلامات يا حبيب ..
وين أراضيك...؟
ليه يا الطاهر ما ممكن ونحن أصحاب وبالامارة بفتش لي زمن على تلفونك..
وبعدين محاربنا مالك بي هناك .. بتاوق متاوقة خجولة ..
اجدع لي تلفونك هنا ...
[email protected]
العافية
|
Post: #12
Title: Re: الشارع الخلفي ..يا حليوة فيك الدنيا ما كانت شروق.
Author: أبو ساندرا
Date: 03-11-2008, 08:32 PM
Parent: #1
Quote: الواحد لو عايز يطمن عليكم يسافر ليكم وللاشنو ?
|
يبقى يوم المنى ،، يوم جيتك
أريتك تعملها
كما كنا مشركين ليكم بصوتي رشيدة وبتها
محمد طه القدال كان بيبكي شقيقه الأصغر
الذي لقى مصرعه في الجنوب ، محرقة الشباب السوداني
بإسم الجهاد ، جهاد ضد إخوتهم في الوطن
شاعرنا عده شهيدآ لما آمن به
كنت الحظ ان الفجيعة مضاعفة في وجدان القدال
فالقدال يقف في الناحية الأخرى
ياح الموقف يستحلب دمعك حتى آخر قطرة
|
Post: #13
Title: Re: الشارع الخلفي ..يا حليوة فيك الدنيا ما كانت شروق.
Author: معتصم ود الجمام
Date: 03-11-2008, 08:51 PM
شوشتا
يا هذا اللعين لعلك تحكي عننا ...
اسف ...
لاول مره اكتب اليك ولكني العنك ...
كنت في ما مضى اقول لحبيبتي ...
نوزع سماعات في كل انحاء البيت ( المطبخ ) ومع الاعتذار الحمام
ولكن ها هو جهاز التسجيل ينظر الي في كل بلاهـــه وحبيبتي ما زالت
تزكرني ,,,, هاكــ الموسيقى دي ...
والغربه هادرت ارواحنا ... نحن هناك مع الاصدقاء
تسلم يا شفيعنا ....
|
Post: #18
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-16-2008, 05:23 AM
Parent: #13
ود الجمام
اللعنة عليك ورحمة الله تعالى وبركاته ...
يا صاحب الأصدقاء كما الصبايا طابور خامس..
ونحن ما زلنا نتنكر في هيئة أناس يشبهوننا تماماً, لا ندري كم باب غربة يفصلنا عنهم..
مسكونة هذى الأمسيات..بي غنوة النغم الظريف
ياخ انا سعيد جداً بيك ...
|
Post: #14
Title: Re: الشارع الخلفي ..يا حليوة فيك الدنيا ما كانت شروق.
Author: حسين محي الدين
Date: 03-11-2008, 08:55 PM
Parent: #1
Quote: وربي الذي خلق هناية وتفاصيلها كالشمس ..
|
ما أجملك
|
Post: #16
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-12-2008, 07:27 PM
Parent: #14
كل الجمال يا حسين في فتية العقد الذين يمنحوننا الفرح الطازج
لك الود
|
Post: #15
Title: Re: الشارع الخلفي ..يا حليوة فيك الدنيا ما كانت شروق.
Author: عصام علي أحمد
Date: 03-11-2008, 09:48 PM
Parent: #1
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
ستقتلك يارفيقى سروج صافنات الجياد
ولن تنال غير لذة الموت فى سراديب ارواحهن
كما الفراش يذهب للنار
سلمك الله ياهذا من سلمى
|
Post: #20
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-16-2008, 08:16 AM
Parent: #15
عصام يا صاحبي الجميل..
سلمى وأخريات والباقي نتمو شهيق ..
عند منتصف الصحراء عدة خيارات للموت...
وفي القلب يا صديقي
أنثي منحوتة بماء الصمود ..
وانا أحبها ....
وابكي من اجلها كثيرا ..
عند بداية الطريق الى الموت وعد ...
أغازلها ....
أضاجع شمس نهارها بتحية .. وارقص لاسم الله في سرها ....
وهي ترتب كتف هزائمي بابتسامة ...
امضي انا ...
ثم ابكي ..
وأتمادى في البكاء ...
..
اه من عذابات الوتر
|
Post: #17
Title: Re: الشارع الخلفي ..يا حليوة فيك الدنيا ما كانت شروق.
Author: عبدالرحمن عبدالله
Date: 03-15-2008, 09:24 AM
Parent: #1
| Quote: شان عيون اطفالنا ما تضوق الهزيمه |
|
Post: #19
Title: Re: الشارع الخلفي ..يا حليوة فيك الدنيا ما كانت شروق.
Author: mohmed khalail
Date: 03-16-2008, 05:35 AM
Parent: #17
Quote: وخلف النافذة أصدقاء وحبيبات أبادلهم الصقيع بالغناء ..
واخترق في لهيب سؤال عن الوطن !..وعن أنثى خلقت لها شفتان لأجلي وشفتاي لأجل قبلة على جبينها ...
مساء و أغنيات تسربت إلى البحر نزيفاً ....
وفي الجوف وطن وأنثى للحنين أتنفسهما برئة مثقوبة...
|
ماك نصيح يا وليد صدقني ماك نصيح...
ياتو جني البكتب معاك ده يا الشفيع..
لكما معا انحناءات كثر..ورفع قبعات
|
Post: #21
Title: Re: الشارع الخلفي ..يا حليوة فيك الدنيا ما كانت شروق.
Author: الشفيع عوض شوشتا
Date: 03-16-2008, 10:52 AM
Parent: #17
وانا بردد معاك بصوت عالي يا عبد الرحمن
شان عيون اطفالنا ما تضوق الهزيمه
شان عيون اطفالنا ما تضوق الهزيمه
شان عيون اطفالنا ما تضوق الهزيمه
شان عيون اطفالنا ما تضوق الهزيمه
..
لك العافية
|
|