منال الله جابو... أبحث معنا

يا جماعة ...

في زول بيعرف منال الله جابو؟؟

الزولة دي وين؟؟

ناس يقولوا في أمريكا

ناس يقولوا في كندا...

هل هي عضو معانا هنا في البورد ده؟

يا منال الله جابو..

السلام عليك أينما تكونين يا أختي...

ياخ الغروب يسألني منك...أمسياتنا في شوق إليك

نرجو المساعدة ...

*

منال

ياه

زولة من الزمن الجميل

الأخوان :
محجوب عبد الله... شكراً للوقوف والنقطة الكبيرة..
وإبراهيم عدلان... ياه ساكت؟؟

في انتظار من يأتينا بالبشارة..

إيميلي قااااعد.. [email protected]

فيكم الخير والله

Quote: محجوب عبد الله... شكراً للوقوف والنقطة الكبيرة..

العزيز محمود...
منال الله جابو زميله دراسه في جامعه جوبا و لكن سنين طويله لم اسمع اخبارها و لو طلعت من اندنا في كندا حأسأل منها في المدن و المحافظات المختلفه...
اصلو بلدنا دي كبيره خلاس...

محجوب

والله يا محجوب أخوي كبير الله بس...
أنا غايتو لو في كندا ،، كنت أفتش على منال دي حتى لو أضرب صقايع (براري) كندا دي صقيعة صقيعة..
وأكورك في الخلا... منااااااااااااااااال.... منااااااااااااااااال...
حتى يجيبني الصدى... قاصد منال الله جابو؟؟
هسي تلقاها بتقرأ ليها في مصيبة زمان...

تحياتي ليك واجتهد بالله معانا

محمد مصطفى
تحياتي

منال الله جابو في كندا
يلا اضربوا الصقيعة!!
لقيت تلفونه بي الصدفة قبل ايام
ويا مصدق يا مكضب اتصلت
جاني الصوت الما بغباني
ونسة طويلة اكثر من ساعة
نفس المنال
نفس الضحكة
نفس البنت الجميلة
محتفظ ليها بي رسمة جميلة "بورتريه"
من رسومات النبي الطويل!
عبدالغني محمد نور
لو اديتوني تلفون عبدالغني
بديكم تلفون منالّّ!!
مرة واحدة ابقى تاجر!!
تاجر مشاعر وكده!!
ياخ والله انتو ناس جميلين
البريد منال كلنا بنريدو
وليكم شوق ومودة

أخونا خالد العبيد...
الله يبشرك...خشمك فوقو اللبن يا يابا..

Quote: لو اديتوني تلفون عبدالغني بديكم تلفون منالّّ!! مرة واحدة ابقى تاجر!! تاجر مشاعر وكده!! ياخ والله انتو ناس جميلين البريد منال كلنا بنريدو وليكم شوق ومودة

عارف؟ والله لو عندي أديك ليهو ..
إنت بس قول لمنال في زول اسمه محمود مصطفى .. ما محمد..
زول كان زماااااان في Near East Foundation الناس الدربوكم PRA أيام كنتو في منظمة كونسيرن في كوستي..
يا الله على الأيام ديك...

نحن زاتنا بنريدك...والتاجر الشاطر يقبض حقه كااااااش داون يا معلم...تقول لي تلفون عبد الغني؟؟
أنتظر منك المزيد من الأخبار السارة
ودمت بخير

محمد مصطفى
تحياتي
اول بالتبادي المنظمة دي انا كنت بجيها
لي صديقي وابن دفعتي محمد ضحية!
وبرضو بعرف كمال الفكي مدير المنظمة
المهم يازول

سلام ليها
وقول ليها خالد قال ليك
ما تقطعي المصاريف!!
تحياتي

خالد البراري

مشكور

تعرف التلفون دا و زي مليون تلفون تاني ضاعوا مني مع تلفون سبتوا في نقطة تفتيش في مطار اتلانتا جورجيا



_________________

كيفك و الاولاد

ود عدلان
تحياتي
اشاء الله تجمع في الباقيات
قبل ايام فتحت بوست بفتش لي تلفون الصديق محمد نقد في لندن
وحياتك لندن كلها عملت أضان جلد
بالله ممكن تدينا ايد
والكلام برضو ليك يا ود المصطفى
والبقية
تلفون نقد ضروري

Quote: يا منال الله جابو.. السلام عليك إينما تكونين يا أختي...

نحن الموقعون أدناه ... نقرئك السلام يامنال ... ياخ والله مشتاقين :-
1/ طه كروم
2/ سيف الدين علي مهدي
3/ عمر عثمان
4/ حاتم يوسف

______
أخونا / محمد مصطفي .. ياخ فيك الخير والله ...
الأخوان / أبراهيمTower/ خالد العبيد / محجوب .. والبقية .. كتر خيركم وبالمرة جيبوا لينا / منال والناس دي هنا
هاله الكارب ، إلهام الجيلي.
-

1/ طه كروم
2/ سيف الدين علي مهدي
3/ عمر عثمان
4/ حاتم يوسف

الله عليك يا حاتم

دا ما ياهوكلام

بالله قول لي طه كروم ( الضلع حايمه و الرجال محبوسة)

ليت منال وهالة و انشراح و الهام و اماني و لبني و مها يكتبن هنا

بعض من رحيق تلك الايام

________
سمعت من صلاح دهلة انو احمد مكرونة في الامارات ربما التقيه قريبا جدا

Quote: بالله قول لي طه كروم ( الضلع حايمه و الرجال محبوسة) ليت منال وهالة و انشراح و الهام و اماني و لبني و مها يكتبن هنا بعض من رحيق تلك الايام

أبراهيم عدلان ... كيفك؟؟
غلطت ووصلت كلامك ل د/طه كروم ... وتعال شوف الجرسة .. وفوق ده جابت ليها عتالة ...
أدناه ياسيدي إيميل موجه للجميع ...

Quote: أحبائى كم تسعدنا لحظات الآنس الجميل والتواصــــــــل بالله من وين يا محمود فتحت هذه الكوة التى أذاحت عنى شخصيا حزنا أليما فلقد تواترت وفى الفترة الاخيرة لحظات الحزن ونحن كل يوم ننعى عزيزا منال هذه الابنوسبة الساحرة والشمعة التى ندخرها ومثيلاتها لفرح قريب هى كائن متفرد كانت تسحرنى بإمكانياتها وقدرتها على تنفيذ أدق وأصعب المهام لها ولكم نحياتى ود عدلان سلاام والتعازى فى عبده الحسين خلينا نتواصل هنالك الكثير لنقوله يعنى محتاج معاك لونسة خمسة عشر عام و حكاية الضلع أبكتنى وأفرحتنى لين الباب يفتح للمزيد هالة ـ إنشراح محمد أحمد ـ ماكور ـ حنان على وحنان حسين وكل الحنانات أنا ما عندى مانع ياخالد العبيد أحاول الرقم لكننرجو إرسال العنوان البريدى لها لو أمكن وللعلم نحنا نسايب حيث أن زوجتى هى مها بنت عمنا مصطفى أحمد الشيخ المناضل الذى تتلمذنا على يديه سويا له الرحمة المهم أنا عنوانى البريدى [email protected] لكم جميعا المحبة والود النبيل طه كروم المدينة المنورة ـ السعودية

ياشباب ... في دينكم ما حرام د/ طه كروم لغاية هسع ماعنده باسوورد ...
يدينكم معانا لبكري ..عشان الناس الحلوين ..منال وطه ... -

-

يا خالد أخوي....

Quote: وطبعا الرقم ده بالكود من عندنا هنا في استراليا بس ما عارف من عندكم يبدأ بي شنو

الرقم غلط عديل شكله.... نهائي ما بيجمع...

قلت لي محمد آدم ضحية دفعتك؟؟ وأنا ومحمد ضحية كنا في مكتب واااااااحد والله واحد...بس تكون لما جيتنا أنا رسلوني كسلا ولا كوستي ولا بورتسوان..جنهم مراسيل ناسنا ديلاك..خاصة صاحبك كمال الفكي.. عادي ممكن يرسلك تجيب ورق من نيالا..التقول نيالا دي في شارع المشتل بالرياض..لول..

وحسين ميرغني...دفعتك؟
وطارق الزين..؟
ومنال مامون؟؟
ومحي الدين؟
وصلاح المر؟


والله إنت زول من الزمن السمح فعلاً...

كدي شوف لينا خيارات غير الرقم دا..
لأنه ده بيكون أكتر رقم غلط أنا جربتو في حياتي.. قريب مليون مرة بالميت كدا..

تحياتي وتقديري الهائل..

أخونا حاتم يوسف...

كيفك يا معلم..؟؟؟

Quote: نحن الموقعون أدناه ... نقرئك السلام يامنال ... ياخ والله مشتاقين :- 1/ طه كروم 2/ سيف الدين علي مهدي 3/ عمر عثمان 4/ حاتم يوسف

خلوها بس تقرا البوست ده... والله يا حليلها تلقاها هسي دموع ومخاخيت ساااااااااي... وجع

Quote: أخونا / محمد مصطفي .. ياخ فيك الخير والله ...

وأخوكم محمد مصطفى ده أنا ولا شنو؟؟ أنا محمود بالمناسبة...محمود مصطفى... يعني الواو ما بيناتنا؟؟
على العموم فيك الخير إنت برضك والله...

Quote: كتر خيركم وبالمرة جيبوا لينا / منال والناس دي هنا هاله الكارب ، إلهام الجيلي.

ومعك نطالب بانضمام هذه الأقلام الأنيقة..


تحياتي وتقديري الغليد..

Quote: تعرف التلفون دا و زي مليون تلفون تاني ضاعوا مني مع تلفون سبتوا في نقطة تفتيش في مطار اتلانتا جورجيا

تعرف يا ود عدلان يكون السبب في ضياع التلفون شنو؟؟ خرمة بس.. يعني ممكن تكون خرمان ليك لزول زي منال الله جابو وتسرح ليك في عشرة ونسة على صحن فول بالبصل أو شية مدنكلة... طبعاً مطاراتكم ديك ما بينفع فيها أي day dreaming... تقوم تباري لي الخيالات دي لما يوم تنسى روحك في طيارة ماشة زحل...

عليك الله يا ابراهيم الرقم ده شغال ولا ود العبيد دقسنا ساكت..؟؟؟

تحياتي مجدداً وتقديري الشديد..

ود المصطفى
تحياتي

Quote: عليك الله يا ابراهيم الرقم ده شغال ولا ود العبيد دقسنا ساكت..؟؟؟

انا الرقم ده اتصلت بيه قبل شوية
انت تكون اتصلت بي الحاج يوسف
قلنا ليك منال في كندا مش الحاج يوسف يا ودالمصطفى ياخ
منال قالت قبل فترة انها ربما تغادر للسودان في زيارة قصيرة
على اي حال اتصل واعد الاتصال
بتلفق معاك
طارق محمد عثمان عليك الله تعال بي جاي
وأكد الرقم ده

الصديق..محمود.. حبابك

الصديقة منال بخير و عافية..و مقيمة في مدينة ريجاينا بمقاطعة سسكتشوان..و رجعت تاني تقرأ من باب انها تقرأ ساكت (بتعمل في ماجستير).. و لو اتكلمت هسع ده.. بتلقاها ماسكة سيرة محلات كده ما انزل الله بها من سلطان ( ياخي دي من سليمة و الوساع و تندلتي..و بقية الحلال.. التي لم يتسطيع صقيع البراري تغييبها عن الذاكرة)..و لسع ياهي منال ذاتها.. الغريبة الناس كتير بتجلي.. لكن منال ياها ذاتها .ز كن جلت.. ممكن تضحك ليك صحكة تدي الذات شوية رحمن..

الرقم الذي ذكره الصديق خالد العبيد صحيح.. فقط المكان الذي تتصل منه.. يعني لو في اوربا ممكن تسحب الـ 11..و يدخل معاك الرقم..
بصورة تانية مفتاح كندا (1)..و مفتاح المقاطعة (306)..و الباقي الرقم العادي..

اها كن ما جمع معاك.. الإ تدفع بياض عشان نلفاك بالإيميل..

المهم كن لميت فيها قول ليها مبروك (ساكت كده)..
غايتو يا منال الله جابو.. ما كنت قايلك قدر ده..

شكرا..

كبر

العزيز كبار
تحياتي
غايتو ودالمصطفى بعد ده الا تتصل بيه منال
عطشتك لي منال انا كانت عندي من سنين!
لكن فكيته بعد اول اتصال بيها
منال لو ضحكت ليك اندراوتك بتروح تب !!
ودي الخلتك تلخبت الارقام

Quote: اها كن ما جمع معاك.. الإ تدفع بياض عشان نلفاك بالإيميل..

الايميل ما بينفع
منال عندها عبارة جميلة بتقول :
مشتاقة شوق السنين
هسه ادوك عنوان البيت مظبوط
القريب ليك ياتو؟
يرسلوك من الرياض لحدي نيالا عشان تجيب بكتة ورق ؟
ولا احسن من دربك ده تمشي عديل للزولة دي؟
وكان لقيت معاها بثينة امام انت الله اداك!!
كان جمعت بالله قول لينا عوك
وشوق يا ودالمصطفى

الأخ كبار...

Quote: ( ياخي دي من سليمة و الوساع و تندلتي..و بقية الحلال.. التي لم يتسطيع صقيع البراري تغييبها عن الذاكرة)..

نان يابا باقي ليك لو منال دي زحت كدي ولا كدي من طبيعتها نحن كنا ردناها الريدة دي كلها؟؟

أنا شاكر تواصلك الحميم... وإحساسك العالي بالخوة...صدقني هي الأبقى....

يا سلاااااااااااام...

أنقر الليلة من الصباح أنا كنت بتكلم مع منو؟؟؟؟؟؟؟؟؟؟؟

حاجة كدا فوق الوصف..

غايتو الدنيا دي...


احترامي وتقديري الشديد...

Quote: غايتو ودالمصطفى بعد ده الا تتصل بيه منال

ولا حا أقول ليك....

Quote: منال عندها عبارة جميلة بتقول : مشتاقة شوق السنين هسه ادوك عنوان البيت مظبوط القريب ليك ياتو؟ يرسلوك من الرياض لحدي نيالا عشان تجيب بكتة ورق ؟ ولا احسن من دربك ده تمشي عديل للزولة دي؟ وكان لقيت معاها بثينة امام انت الله اداك!! كان جمعت بالله قول لينا عوك

والله حقو الزول هسي ما يقول ليك زاتو...
لسببين بس..
السبب الأول ... أنا ما مصدق ...
والسبب التاني..عايز أدي نفسي فرصة..عشان تستوعب الحاصل ده... 10 سنوات صعبات خلاص... عملنا فيها كرشة وصلعة وشفع... أي حاجة قاعدة تتغير في الدنيا دي... إلا الناس الجميلين زي منال... قاعدين وحاة خوتك زي ما هم...وبالتالي إحساسنا بيهم.. دايماً يفضل هو هو...

أسمع يا خالد...
ياخ ما تجي تفطر معانا في الكرامة دي.... جيب معاك عاصم الطيب قرشي بالمرة...
ضبيحة راسها عدييييييل...
لكن عاد نحن هنا السفن أب عندنا زاتو مع الكراهة...لووووووووول...

يا الله... يا سلااااااااااااااام...
لو ملاحظ معاي.. أخوك زي ما قادر يعبر عن الحاجات... الكلام أبا لي مرة واحدة...

تحيات غليدات وشوق ماااكن خالص..

حبيبنا خالد العبيد قال:

Quote: الايميل ما بينفع

نان دي حلاوة كريميلي؟؟؟؟ لووول:

Quote: salaam wa ashwag kateera, mohmoud, i can't believe my eyes wow y mahomoud send me your phone please as soon as you can. ya rabb ya allah altalaphoooooooooooooone very important. manal m@n@l ___________________ Friends for Ever

عليك النبي شفت نظر سماحة البت دي؟؟؟ يا الله ...بس غايتو..

أما بعد ،،
فإن الحمد لله وحده الذي جمع كل الأصدقاء هنا في هذه المساحة النظيفة للتواصل الجميل.. وتداعي الذكريات صادقة وجميلة.. وللضحك المعافى والبكاء كذلك..
لكم جميعاً كتبت منال الله جابو الآتي:

Quote: This is my most interesting and beautiful international women day ever Salaam ya shaab ya jameel, ya fareed salaam maraabaa ya ferad (plural of frada) My friends, my colleagues and my brothers. I do apologize for using English because: Why 1: I don’t have an Arabic Key board that way I didn’t reply soon. Why 2: I didn’t reply soon. Why 3: my dear friend Mahmoud said I am in the Middle of Studying something, (just like Juba University, test, assignment, test assignment) I remember our friends in Khartoum University as that time used to call us with our first name and add test, assignment as our last name, Manal teat assignment. What do you think ya Hatim Al walad Aljini, Taha Karoum, enemy friend laik Wahsha kabeera ya Rajul almaham assaaba (the man of difficult situations), Omar Osman the Nice Guy and Saif My dear enemy. Friends, warm greetings from the last part of the World to you all whenever you are and thank you for the nice words. Mahmoud ya walad ya shagie wainak mushtageen shoog alsaneen, as Alnaam Adam said, La shoftan tabil Alreeg la radan yatmen araitak tabga tayeb inta ana al baie kolu heyin) excuse my translation. My favourite singer after the female singers, Mohammad Mirghani: ana wa Alashwagg. Thank you Mahmoud ya sahib fi alzaman assaab, ya aseel (authentic) for your wonderful action, you connect me with many friends all over the world. You know how many calls and messages I have received, I will come back to you ya walad ya shagie Thank you Mahjoub, nas Juba, zaman taweel, I didn’t’ know you are in Canada, I am glad to hear from you and about you. I really miss those days at Juba University, please keep in touch and I will do the same in spite of the time differences. Khalid Al farada, do you remember the fist Job I got after my Graduation at Concern, do you remember we supposed to go and meet with Kamal Alfaki but we never made there because I got stuck in concern. Do you remember my story with Concern? I will remind you sometimes later. What a co incident! Just 3 weeks ago Khalid phoned me out of the blue after he got my number from Tarig Mohamed Osman, after almost 10 years or so we had a long lovely chat wanasa gameela jidan, many good memories. I felt I am luckiest girl, Another coincident, few months ago one of my dear friends goggled my name and got my contact information, left a very nice message at my phone still listen to it from time to time, About one year ago, got a surprising phone, from my special friend Ibrahim Tower, Ibrahim Adlan, a friend indeed Ibrahim in need, I mean when you got a friend in dark days in Juba town, tower and airport. And you feel like going to Khartoum you to my special friend. There were days when you got stuck in Juba airport, Ibrahim assafar, Ibrahim al Cargo, Ibrahim al bateekh, (water melon) my special friend always there for me, for us for all juba students. Thank you Ibrahim, and how are you doing? Will talk to you soon Mahmoud I am coming back to you. Mahmoud never forgets but always forgives. My neighbour in Regina called me laughing and asking “where are you? Every one is looking for you I haven’t see you just for week! And here you are friends looking for you! Check Sudanese on line please?” End of the call. Ran to my computer, turn it on and check Sudanese online jack bala, I laughed, cried, laughed cried, and almost all that night, I felt How much I am beloved. Mahmoud, majnoon, mammkoon, Suddenly three friends from America, asking Waasap!! An incredible feeling and amazing thing when you get calls from your friends any time anywhere any how without limitations those are my real friend as I always say part if not the half of our personalities have been shaped with genuine and real friendship Mahmoud I have to tell you and complain about my friend Kabar who lives 6 hours away from city, who used to live in the same city I am in now, for more than 5 years, just moved to a 6 hours driving city and haven’t heard from him and his family for about 3-4 months now I call him in his own way friend (ala kaifu) How are you doing Mohamed hope every thing is fine. Many thanks and kattar khairo Mahmoud who help me to connect with all these fabulous friends. Jeetak Ya sadeegy Alshaggi wa majnoon, inshallah ajin wa azeed fi aljin, into jinooni ya ahbab. As I mentioned earlier this is my most amazing international woman day ever. I have a friend who never missed to send me his congratulations for each international woman day for the past +10 years, he always surprised me with call or message. I missed his greetings this year because he is away for Studies. I emailed him and myself my greeting. Manal allagabo

كان ممكن جداً أقوم بتقسيم الرسالة دي..أقع ليك فيها قص ولصق ... كل حسب الحتة المتعلقة بيهو... تاني قلت يا ود التعب لزومو شنو؟؟ إيميل منال ده نعمله بوش كبير خالص...القدح أب خرس.. وسط الشارع... الغاشي والماشي... يلا اتفضلوا معانا..

لكم جميعاً صادق الود والاحترام الشديد..

مكرر

حذف للتكرار...غياتو جنس رواشة في الدنيا دي...

شفت يا محمود؟
تاني تجي الحفلة؟
ابقى اركز للايملات ساي
وما تحرمنا دعاش منال!

تصدق يا محمود؟
داير اشوف منال دي هسي!
دلوقتي
امنية
مجرد امنية

وخليتك بي عافية

منال الله جابو .. فردة من الزمن الجميل

شكرا يا محمود .. هيّجت الذكريات .. و جبتا لينا سيرة ناس مازالوا فى الذاكرة!

Quote: 1/ طه كروم 2/ سيف الدين علي مهدي 3/ عمر عثمان 4/ حاتم يوسف

الناس ديل وين؟؟

منال .. عرفت من الأخ كبر أنك فى كندا .. عرفتا التلفون و حا أسمع صوتك قريبا

سلامى إلى بقية العقد الفريد .. و أين آلت بهم هذه المدوّرة؟

على الحلاوى
أو .. "على بحر" إسم عرفنى به الجميع فى جامعة جوبا

و لى عودة ....

ود العبيد... كيفك يا صديقي..

ياخ والله قطعت قلبنا عديل كدا...

Quote: تصدق يا محمود؟ داير اشوف منال دي هسي! دلوقتي امنية مجرد امنية

قال شاعرنا العظيم سيف الدين الدسوقي:
السعادة هي أن تكون محبوباً.. هنيئاً لنا بكم وهنيئاً لمنال الله جابو بكل هذا الرصيد الوافر..

الله يديم المحبة يا معلم...

رأيك شنو نعمل رابطة وإنت الرئيس..
لكن طبعا الرابطة بتاعتي أنا ... عارف يعني شنو بتاعتي؟؟ حقتي عديييييييييييييل..
تتكون الرابطة من:
خالد العبيد... رئيساً
إبراهيم عدلان أميناً عاما
كبر.. صديقاً شخصياً غيوراً عضواً
ومنو ومنو ومنو... بدون ذكر أسماء... أعضاء..

صدر تحت توقيعي وخاتم المنى..
سيد الرابطة..

الأخ علي الحلاوي أو علي بحر...

Quote: فردة من الزمن الجميل

من الزمن الجميل ولليلة ولباكر..

زمن ماضي وزمن جاي وزمن لسه..
أشوف الماضي فيك باكر وأريت باكر يكون هسه..

الوجع الـ.....

فردة صاقعة... فردة والأمة منقرضة..

شكراً لوجودك هنا في هذه المساحة التي تزدان بجميل الذكريات..

منال يا منال

كيفك

الشوق ماسورة مكسورة في (كوربعو) بينا تلفون قريب و شكرا اخونا محمود

د. كروم كيفك يا رجل .... مشتاقون

رحم الله عبده الحسين فقدنا اخا كريما

وشكرا ليك يا حاتم علي التوصيلة و يدكم معانا عشان بكري يصرف باسويردات ل د. كروم و منال و هالة

أبراهيم عدلان ....
تعرف البوست ده فتح كمية بتاعت تواصل بين الناس ....
أمس ..مكالمة طويييييييييلة مع صلاح خضر ... الله على تلك الأيام .
د/ طه كروم وعد برسالة أكبر ... لغاية ماياخد باسوورد .

_________

أخونا/ علي بحر ... كيفك ؟؟؟
المذكورين أعلاه ...كلهم في السعودية ...
وأغرب حاجة د/ طه كروم في مدينة الرسول ... ومكنكش فيها ..شفت النعمة دي كيف ؟
وبرضه / بكري بدوي في الطائف.

__________

أخونا / محمود .... ياخ شاكرين ليك جداً للبوست الجميل ده .

_________

العزيزة / منال الله جابو.... كيفنك ؟؟؟
ياخ لستة البسلموا عليك زادت كتير ...
أضيفي كمان / إيمان فتح العليم / دينا أبوبكر / فيصل السمين / عماد عبد الله ..
دحين يامنال .. إنتي متأكده من الأغنية دي ... ولا تكوني ريقك ناشف بس

Quote: Quote: La shoftan tabil Alreeg -

---

Post: #33 Title: Re: منال الله جابو... أبحث معنا Author: خالد العبيد Date: 03-14-2008, 10:07 AM Parent: #1 النعام يا منال بقول لا شوفتا تبل الروح مش الريق! قبل ايام كنت مشغل شريط النعام في العربية وكان بيغني: الغرام يا ناس الغرام قلت لي اياس ولدي : يا اياس بتعرف الغرام قال لي ايوه قلت ليه الغرام شنو قال لي : يعني الزول لمن يعمل حاجة غلط بيغرموه!!!! تحت تحت قلت ليه : صدقت!!!! شفت العربي بقى كيف!! الاولاد نسو العربي شديد وتسلمو

---

Post: #34 Title: Re: منال الله جابو... أبحث معنا Author: rani Date: 03-14-2008, 12:57 PM Parent: #33

---

Post: #35 Title: Re: منال الله جابو... أبحث معنا Author: Mahmoud Mustafa Mahmoud Date: 03-14-2008, 06:26 PM Parent: #1 العزيز ود عدلان.. Quote: الشوق ماسورة مكسورة في (كوربعو) بينا تلفون قريب و شكرا اخونا محمود د. كروم كيفك يا رجل .... مشتاقون رحم الله عبده الحسين فقدنا اخا كريما وشكرا ليك يا حاتم علي التوصيلة و يدكم معانا عشان بكري يصرف باسويردات ل د. كروم و منال و هالة شكراً لكم جميعاً... لكن نرجو الإيعاز للأخ الدكتور كروم ومنال وهالة بضرورة تقديم طلبات للالتحاق بالبورد عن طريق الإيميل مباشرة إلى بكري.. شكراً مجدداً ومتجدداً لوجودك هنا..

---

Post: #36 Title: Re: منال الله جابو... أبحث معنا Author: Mahmoud Mustafa Mahmoud Date: 03-14-2008, 06:32 PM Parent: #1 أخونا / حاتم يوسف.. Quote: تعرف البوست ده فتح كمية بتاعت تواصل بين الناس .... والله يا حاتم أخوي..البوست ده أصلاً مبني على فكرة التواصل دي زاااااااتها... تحياتنا لك ولجميع الأخوة والأخوات .. كل من سأل على منال.. وجودك كان مهم وإضافة حقيقية يا أصيل.. دمت أخاً كريماً...

---

Post: #37 Title: Re: منال الله جابو... أبحث معنا Author: Mahmoud Mustafa Mahmoud Date: 03-14-2008, 06:37 PM Parent: #1 Quote: قلت لي اياس ولدي : يا اياس بتعرف الغرام قال لي ايوه قلت ليه الغرام شنو قال لي : يعني الزول لمن يعمل حاجة غلط بيغرموه!!!! تحت تحت قلت ليه : صدقت!!!! ود العبيد... ياخ ده أجمل حوار.. والله ضحكت جنس ضحك... تحياتي لولدنا إياس.. وأشكرك لوجودك الأخضر هنا... تحياتي واحترامي الشديد...

---

Post: #38 Title: Re: منال الله جابو... أبحث معنا Author: Mahmoud Mustafa Mahmoud Date: 03-14-2008, 06:42 PM Parent: #1 العزيز راني.. شكراً جزيلاً على "شال النوار".. إضافة جميلة من ذوق فنان وفضلنا وحاتك منتظرين.. نشكر مرورك من هنا أولاً.. ونشكرك على المادة الصوتية الدسمة..ثانياً.. دمت بخير

---

Post: #39 Title: Re: منال الله جابو... أبحث معنا Author: Mahmoud Mustafa Mahmoud Date: 03-14-2008, 07:04 PM Parent: #1 الأخوة والأخوات... أسعد الله أوقاتكم جميعاً.. وإن شاء الله دايماً ملمومين فوق الخير.. وصلني الإيميل إدناه قبل قليل من الأخت منال... سلف إكسبلانيتوري.. شارح لنفسه.. رأينا أن يلصق كما هو: Salaam for any and each one asks about me, thank you so much guys, I don’t know how to thank my friend Mahmoud doesn’t he need a Trophy for these connections, Regarding the songs I was so excited to find and hear from my friends after these many years, I haven’t heard Alnaam Adam for about 10 years. Hatim Yousif, thank you for the attention, and I didn’t know you listen to ALnaam Adam, I thought you are still hankosh, just kidding. Khalid, thank you for the corrections, did you watch the Australian movie the Man who sue God? If not better watch it is funny and interesting movie. Karoom, I sent you an e-mail didn’t get any response, I hope you got it. Faisal Are you the Faisal of Natural resources? Ibrahim Ibrahim wainak? Al Ferad, Mohmoud wa alasad, Mahomud alshujaa, Ibrahim the special friend, Majoub, Kabbar, Hatim, Karoom and the crew, Omar, Saif, Ali Halawai/ Bahar, Dina, Eiman, Faisal, Imad, Alfarada almungarda Rani thank you for the song, and many many other friends over the phone, and Mahmoud Again Thank you أها..يقصر الملح.. دمتم جميعاً بألف خير..