Post: #1
Title: شقيش تقبل يا ولد
Author: Waeil Elsayid Awad
Date: 03-09-2008, 01:13 AM
شقيش تقبل يا ولد
ارفع سلامك للبلد
زور الاهل
عد النخل
وقول يا ولد
انشالله ثامين العدد
ما انحنا لازمين الحمد
واقفين على باب الكريم
نترجى من عفو المدد
شقيش تقبل يا ولد
الطيبة فى كل العيون
الريدة طالعة من القلوب
و البسمة بتنور سنون
و الليلة لو غنو لغيرك هاك يا حبى غناى
غنوة حلوة جاية بين طمبور و ناى
لو بعدنا ما بننسى
انو يوم اللقيا جاى
انسى كيف و انا قلبى شاهد
انتى يا ارضي و سماي
|
|