أشكر خبر

أشكر خبر

والله كنت أعتقد بأن هذه الجملة هى جملة نوبية بحتة ( والتى تعنى بالعربى " على عينك يا تاجر " ، أو " بالمكشوف كده " ) والتى تستعملها كثيراَ فى منطقتنا هنالك من الكبار والصغار .

بالأمس أقلّنى سائق لموزين من مطار البحرين إلى الدمام وهو أردنى الجنسية ولغته هى العربية ولا يعرف أية لغة أخرى غيرها ،، وأثناء الحديث معى رمى هذه الجملة فى سياق حكاية كان يحكيها ،، فثبته فوراَ وقلت له : ماذا قلت قبل قليل ؟؟ فقال : قلت أشكر خبر ، فقلت له ماذا تعنى بها ؟؟ فقال : أنها تعنى " على عينك يا تاجر "

فإستغربت المُلك فى ذلك ،، ياجماعة الكلام ده عربى والله نوبى ؟؟ أفيدونا أفادكم الله .


تخريمة :

لا يستغل ما ورد أعلاه من قِبل ود شيقوق فى مناكفته مع أبوبكر فى بوست الحل بلة


ماهر

العزيز ماهر تحياتي....

ربما يكون لقط الكلمة من زول مسلط

Quote: لا يستغل ما ورد أعلاه من قِبل ود شيقوق فى مناكفته مع أبوبكر فى بوست الحل بلة

شيقوق ده مهزوم 6/0 ما تشتغل بيه....

لكن انت ما شفت
لقيت ليك خضر حسين عامل عيد ميلاد أشكر خبر برضو في البورد ده

خش الرابط ده ...يا وقفت معانا...يانكون نحن دقسنا في انو وريناك

كل سنة ونحن اصحاب ياخضر حسين....




تحياتي وسلام لكل البطرفكم

والله يا قمر بوبا مشيت بهناك ،، لكن لقيت الونسة شبابية خالص ما تشبهنا كله كله قمت كبيت الزوغة
لكم بينى وبينك الود خضر ده بيستاهل ،، لكن زعلان منو لأنو لو كان بس أشر لينا بعيد ميلاده ده كنا عملنا ليه عمائل ،، لكن ليس للطيب نصيب كما يقولون.

شكراَ عزيز قمر بوبا ،،،

ماهر