Post: #1 Title: كل سنة ونحن اصحاب ياخضر حسين.... Author: Amira Elsheikh Date: 03-05-2008, 07:35 PM Parent: #0
توقد الشموع..
يوقع الاحبة فى دفتر حضورك الجميل ويتمنون لك سنوات عامرة بالحب والجمال
ونلتقى ....
Post: #2 Title: Re: كل سنة ونحن اصحاب ياخضر حسين.... Author: Emad Abdulla Date: 03-05-2008, 08:25 PM Parent: #1
أميرة سلام ..
هسه الواحد يقول لخضر ده كل سنة و إنت طيب يعني ؟ يقوم يفتكرا شتيمة وللا حاجة !!
قمر بوبا ( موسى ) قال لي : بالله هو خدر ده إتولد ؟ .. أنا قايلو لقوهو كده .
...... يا صاحب .. تَقَبّل الله .
Post: #3 Title: Re: كل سنة ونحن اصحاب ياخضر حسين.... Author: wd al geran Date: 03-05-2008, 08:41 PM Parent: #2
والله غايتو يا اميرة الشموع البوقدوها في الصحوبية دي إلا كان عندكم إنتوا وخضر حسين ..
عموماً كلو سنة وكُل الاصحاب طيبين ..
وإنتي كمان طيبة
Post: #4 Title: Re: كل سنة ونحن اصحاب ياخضر حسين.... Author: GamarBoBa Date: 03-05-2008, 09:18 PM Parent: #3
خدركة عماد زول حاقد كل سنة وانت طيب... بهديك غنية في رمال الميلاد....(بوستن سيو) ايقاعها زي همس النسايم لزهور اللوبيا
اميرة.. اشكرك للبوست ده انا وكل سنة و انت والجميع بألف خير
Post: #6 Title: Re: كل سنة ونحن اصحاب ياخضر حسين.... Author: Ahmed Abdallah Date: 03-05-2008, 09:24 PM Parent: #4
كل سنة وانت جميل كما عهدناك دوما....
بس
Post: #40 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 07:42 PM Parent: #6
احمد عبدالله...
مرحبتين ..
لك الود ...
Post: #8 Title: Re: كل سنة ونحن اصحاب ياخضر حسين.... Author: معتصم ود الجمام Date: 03-05-2008, 09:46 PM Parent: #4
موسى بتكون قلتها ( لكن داير الجد كلامك صاح ) خدر كل عام وانت اجمل ما تكون شكرا اميره بت الشيخ ... شفتي داك قرب يقول ليك ( دي كلها صداقه بس ) يحيا الشمع .... لكن انا بعرفك صديقــــــــــــــه من زمن البسله والجوع ....
Post: #33 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 09:37 AM Parent: #8
Quote: شفتي داك قرب يقول ليك ( دي كلها صداقه بس ) يحيا الشمع .... لكن انا بعرفك صديقــــــــــــــه من زمن البسله والجوع ....
معتصم..
سعيدة انا بكل اصحابى وانت منهم..
منهم استمد قوتى وقدرتى على العطاء..
احبهم سرا وعلانية...
وكل عام انت ومرهف اصحابى...
Post: #32 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 06:50 AM Parent: #3
Quote: والله غايتو يا اميرة الشموع البوقدوها في الصحوبية دي إلا كان عندكم إنتوا وخضر حسين ..
ود الجيران...
ازيك....
نحن شموعنا موقدة ومن غير مناسبة ما بقيت قلوبنا على قيد النبض..
ومش شموع وبس فى مزازيك وسلام جمهورى كمان....
كل سنة وانت طيب...يا ود الجيران...
وكل سنة وخدر صاحبى جميل وبهى ...
Post: #37 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 12:40 PM Parent: #2
عماد عبدالله..
الواحد ما يبقى صاحبكم ولا شنو??
طوالى تعملو الحالة واحدة وتعيثو فى القلب جمالا....
المشكلة المحتفى والمحتفى بها اصحابكم ولو فى زول داير يدخل
البوست دا حيتفطش من عمايلكم دى..
طيب ما تفتحو ليكم بوست وسموه شيل حال..
Post: #5 Title: Re: كل سنة ونحن اصحاب ياخضر حسين.... Author: الملك Date: 03-05-2008, 09:24 PM Parent: #1
كل سنة وأنت كما تشتهـــــــــــى..!!
يا خضر..
Post: #7 Title: Re: كل سنة ونحن اصحاب ياخضر حسين.... Author: خدر Date: 03-05-2008, 09:38 PM Parent: #5
Quote: والله غايتو يا اميرة الشموع البوقدوها في الصحوبية دي إلا كان عندكم إنتوا وخضر حسين ..
عموماً كلو سنة وكُل الاصحاب طيبين ..
وإنتي كمان طيبة
هههاهاههاهههااااااي تستاهلوا يا اميرة و خضر
___________ يا المنبر المليان باكات
Post: #9 Title: Re: كل سنة ونحن اصحاب ياخضر حسين.... Author: wd al geran Date: 03-05-2008, 10:01 PM Parent: #7
Quote: يا المنبر المليان باكات
ابداً وحاتك .. مُلاحظة عابرة ..
وبي كُل حُسنِ نية ..
اريتك دايماً طيب يا طارق
Post: #38 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 07:22 PM Parent: #7
Quote: يا المنبر المليان باكات
خدر ..
ازيك..
عليك الله اسى الباك منو..
ديل اصحاب شنو ديل..
Post: #41 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 07:43 PM Parent: #5
Quote: كل سنة وأنت كما تشتهـــــــــــى..!!
يا خضر..
وانت ياملك....
___________________________________ حتى لو كانت الامنية رجوع المسنجر
Post: #10 Title: Re: كل سنة ونحن اصحاب ياخضر حسين.... Author: خضر حسين خليل Date: 03-06-2008, 05:47 AM Parent: #1
إنها نكبة روما والمتمة :
هسي غير أميرة دي ما شفتا لي زول شايلو بوكيه ورد التقول حتشتروهو
شاكر جداً يا أميرة شاكر لك صديقتي وربنا يجيب العواقف (الجايات سليمات)
..............
عماد :
تقبل الله يامفتري تقبل الله منا ومنكم حالنا هذا وحالنا يومذاك
..........
ملاحظة مخمة :
واحد من أعز أصدقائي ضرب لي من جدة قال لي : والله ياخضر إتعلمت ليك (.. غايتو ربنا يسامحو) وأخوكم الضحك شرطو إذ لأول مرة إنتبه
فكم ضاع مني الكثير سدي
كم !!!!
جميعكم بجيكم برواقة
Post: #11 Title: Re: كل سنة ونحن اصحاب ياخضر حسين.... Author: نهال الطيب Date: 03-06-2008, 06:09 AM Parent: #10
كل سنة وأنت يأأخدراني القلب
ضحكة في عيون أطفال
نسمة في عز هجير الدنيا
كل سنة وأنت صديقي العزيز
صديق شدتي وكربي
يا خضر
كل سنة وأنت خضر
عماد عبدالله
يا زول الهمبريب تسلم كتير
محبتي لكما
Post: #12 Title: Re: كل سنة ونحن اصحاب ياخضر حسين.... Author: Emad Abdulla Date: 03-06-2008, 07:59 AM Parent: #11
نهال الحبوبة .. سلام يا صديقتنا .
هذا المواطن المفروض أميرة توصل ليهو الخبر ده شوية شوية .. عشان بس نخفف عليهو الصدمة .. ما أكتر . زول عمرو ما انتبه للإختراع بتاع عيد ميلادو .. تقوم اميرة ترميها ليهو بببب ؟ .. ما صاح كده .. ممكن يضيع مننا .
تسلمي يا نهال .
.... يا خُدره .. لو أمبارح إتشرقتَ .. سامحنا أنا و قمر .
Post: #13 Title: Re: كل سنة ونحن اصحاب ياخضر حسين.... Author: GamarBoBa Date: 03-06-2008, 08:16 AM Parent: #12
Quote: لو أمبارح إتشرقتَ .. سامحنا أنا و قمر .
يا عمي مين يسامح مين... انا قبل كم يوم كدة جاتني تهنئة من كم منتدي انا بسجل فيهم تاريخ الميلاد...علي الايمان اتضايقت رسمي... ثم تانيا خضر هسة كفيله يا بكون قال ليه امش احلق الدقن او قلم اظافريك...فهو حاليا بين يدي الكفيل وكيده في نحره... وخلوه مصلوب او قيل لو جاتكم رأفه نزلوه.
ضربت لي وحدة صحبتنا برضو قبل فترة بعيد ميلادها لكن ديك معاها حق شوية كدة ...يعني ما زي اخونا ده ...قالت لي عيد ميلادي يوم الخميس ....قلت ليها الكم؟ قالت لي ال24 ...قلت ليها ليك تلاتة سنة ماسكة في الاربعة عشرين ياخي صلحيها شوية قولي الخمسة عشرين.يعني مش للدرجة دي نحن راماتنا ضاربة.
خضر : انت كويس؟
Post: #59 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:15 PM Parent: #13
Quote: انا قبل كم يوم كدة جاتني تهنئة من كم منتدي انا بسجل فيهم تاريخ الميلاد...علي الايمان اتضايقت رسمي
قمر ..
ازيك...
ما صدقت صح..
اسمع تجيك تهنئية من مليون منبر ولا من صاحب واحد.؟؟؟فى فرق صاح؟
Post: #14 Title: Re: كل سنة ونحن اصحاب ياخضر حسين.... Author: محمد عبدالرحمن Date: 03-06-2008, 08:28 AM Parent: #11
اميره تحياتى ..
دخلت البوست قلت بكون ونسة اصحاب لذيذه يطلع عيد ميلاد عديل (كدا) ..والله دى ماالمحريه يااميره ..خضر شنو البعملو ليهو عيد ميلاد .. بالله بلدنا دى كل الحاجات السمحة فيها فعلا ماشه تتغير والدليل عيد الميلاد البتعمل لى خضر دا ..معقول زول اسمو خضر وساكن الكلاكله وعيد ميلاد!! مابعيد بعد دانسمع بعيد ميلاد بكرى الامين ..
كلام عجيب ...
Post: #15 Title: Re: كل سنة ونحن اصحاب ياخضر حسين.... Author: GamarBoBa Date: 03-06-2008, 08:37 AM Parent: #14
Quote: بكرى الامين
و مين ده الآخر....
غايتو لو عنده نية لزي دي خلوه يتكلم من بدري عشان ندمجه مع العيد الوطني بتاع خضر ده عشان ما في زول حيقدر يفتح بوست ليه.
اميرة معليش البوست ده غيرنا مساره... لكن بدخل ليك في سكته وبمش
كل سنة وانت طيب
Post: #16 Title: Re: كل سنة ونحن اصحاب ياخضر حسين.... Author: محمد عبدالرحمن Date: 03-06-2008, 08:45 AM Parent: #15
Quote: و مين ده الآخر....
دا خضر حسين بتاع فداسى ..(سيم سيم) .. حتى بالامارة الاتنين درسو فى الاهليه ..
Post: #17 Title: Re: كل سنة ونحن اصحاب ياخضر حسين.... Author: GamarBoBa Date: 03-06-2008, 08:49 AM Parent: #16
Quote: دا خضر حسين بتاع فداسى ..(سيم سيم) ..
ياخي ضحتني رسمي.... خلاص يا محمد بلغه انو ما يحتفل وما يتعب روحه وانو نحن قمنا بالواجب وزيادة ودمجنا ليه عيده مع اخونا ده
Post: #20 Title: Re: كل سنة ونحن اصحاب ياخضر حسين.... Author: محمد عبدالرحمن Date: 03-06-2008, 08:59 AM Parent: #17
ياقمر بوبا ..
انا بكلمو لكن مااظنو بعد بوست خضر دا حايقتنع لى ..انت حاول اقنع خضر انو يعمل (رايح) من البوست دا ..لانو صراحه مع تقديرى للشعور الجميل من اميره لكن القصة دى اصلا ماجايه ولابتشبه الرطانى المقطع دا ..
Post: #19 Title: Re: كل سنة ونحن اصحاب ياخضر حسين.... Author: خضر حسين خليل Date: 03-06-2008, 08:58 AM Parent: #16
والله غايتو أبوبكر صاحبي دة بالغت معاه تب
يا الانصاري يالمشوطن
والله غايتو صحوبيتك دي معانا بالخسارة عديل
Post: #39 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 07:38 PM Parent: #14
Quote: دخلت البوست قلت بكون ونسة اصحاب لذيذه
محمد عبدالرحمن ..
كيفك..
اصلا المقصود ونسة اصحاب لذيذة ..
بس انت وعماد وقمر ماقصرتو ..
كل سنة وانت طيب وخضر وكل الاصحاب..
Post: #18 Title: Re: كل سنة ونحن اصحاب ياخضر حسين.... Author: خضر حسين خليل Date: 03-06-2008, 08:56 AM Parent: #1
أما الجماعة من لدن عماد وقمر بوبا ومحمد عبد الرحمن فالشكية لغير الله نكبة
وحاتكم سنوياً من زمان كدة الواحد بحتفل بي عيد مبلادو براهو رأس يعني المرة دي شاكوني فيها أصحاب وصحبات قلنا ما بطال بعدين يا الأنصاري ياخازوق إنت ناس الكلاكلة ديل مالك معاهم ما ياها الكلاكلة اللمتك بعد غربة وشوق ولامة لي يوم الليلة حكمة الله قمر بوبا وقريباً تحت تحت صاحبكم عماد
........
بعدين ياخ : الناس دي كلها بتحتفل بي عيد الثورة وراس السنة والمولد والكريسماس وعيد الفطر وعيد الحب وعيد الأضحي يعني بس بقت في عيد أخوكم المسكين دة
يجازي محنكم قالها ثلاث حتي رؤي بياض إبطيه ثم غاب في طقس إحتفالي مهيب
............
كل سنة ونحنا أصحاب غايتو لكن الفيكم إتعرفت
Post: #21 Title: Re: كل سنة ونحن اصحاب ياخضر حسين.... Author: محمد عبدالرحمن Date: 03-06-2008, 09:09 AM Parent: #18
Quote: وحاتكم سنوياً من زمان كدة الواحد بحتفل بي عيد مبلادو براهو رأس يعني المرة دي شاكوني فيها أصحاب وصحبات قلنا ما بطال
Post: #22 Title: Re: كل سنة ونحن اصحاب ياخضر حسين.... Author: خضر حسين خليل Date: 03-06-2008, 09:20 AM Parent: #21
محمد ياعبد الرحمن إنت طبعاً القصة دي شايفها مستحيلة لاعتبارات الواحد بعزرك كون إنك من الناس البحتفلو بي عيد ميلادهم مع رأس السنة وكدة ناس قفا نبك ديلك .... طبعاً زمنكم ياخينا مافي شهادات ميلاد وشموع وماتعرف شنو لكن نحن ولادة المستشفيات ديل . علي الايمان طوالي سنوياً في الحالة دي .
هسي تلقاك مستغرب في عيد الميلاد بقروا ياتو سورة من سور القرآن
عارفك والله
........
أها النسهل ليك بقرو قل هو الله أحد تلات مرات وبعد داك بستحمو تلات مرات وبنومو لي إتناشر........ يلا جرب تخش الطقس دة إنشاء الله 1/1
قر قرقرقرقرقرق
Post: #23 Title: Re: كل سنة ونحن اصحاب ياخضر حسين.... Author: محمد عبدالرحمن Date: 03-06-2008, 09:36 AM Parent: #22
Quote: لكن نحن ولادة المستشفيات ديل . علي الايمان طوالي سنوياً في الحالة دي
.
صراحه التعليق الفوق دا ضحكنى ..حلوه دى ... لكن صدقنى لو ماخائف من زعل اميره كان واصلت معاك ..عموما آخر قولى انو نحن ياصاحبى حدنا فى الاعياد (عيد المولد) بالاضافه للعيدين ديك ..(حرم) عيد الاستقلال ذاتو مامعانا .. نحن بنجيبو وانتو احتفلو بيهو
بترك الفرصة لحمد فتح الرحمن وبقية الشباب للتعليق حول هذه القضية الخطيره ...
Post: #24 Title: Re: كل سنة ونحن اصحاب ياخضر حسين.... Author: GamarBoBa Date: 03-06-2008, 09:56 AM Parent: #23
س سؤال يا خضر ناس الرياض ناس ابوحذيفة وابوخليل شافوا البوست ده؟
عندي مزاج اطبع البوست اوديه مكاتب المحامين في اللفة...وبكرة في كونكان النادي
لكن مشكلتي معاك انو ما بدور ليك الأذية
Post: #25 Title: Re: كل سنة ونحن اصحاب ياخضر حسين.... Author: الشفيع عوض شوشتا Date: 03-06-2008, 10:02 AM Parent: #23
ياخوانا مستكترين الاحتفال علي المخلوق ده ليه بس ؟؟ خدر ولا الضالين آمين ... يا عمك ولا يهمك كل سنة وأنت جميل وأنت البشبهك منو من خلائق الله في الزمن الدين حجر ده ... كل سنة أنت وأميرة وكل البنيات السمر أصحاب أصحاب..
Post: #60 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:21 PM Parent: #25
Quote: يا عمك ولا يهمك كل سنة وأنت جميل وأنت البشبهك منو من خلائق الله في الزمن الدين حجر ده ... كل سنة أنت وأميرة وكل البنيات السمر أصحاب أصحاب..
شوشتا ..
تعرف .. بوستيك باسم لنا الله واصدقاء لازال
صداه فى مخيلتى الى الان ..
الحمدلله لنا اصدقاء مثل خضر حسين..
فلك الحب والاصدقاء ..
وكل سنة وانت طيب طيب يا شوشتا ..
Post: #26 Title: Re: كل سنة ونحن اصحاب ياخضر حسين.... Author: GamarBoBa Date: 03-06-2008, 10:07 AM Parent: #21
البعرفه انا انو هو ما شغال بالامير ده تحديدا وبعدين سلالة اقطاعيين هو في اطيان الشمال
لكن في عرفهم ما كان في كلام زي ده
Post: #27 Title: Re: كل سنة ونحن اصحاب ياخضر حسين.... Author: Amira Elsheikh Date: 03-06-2008, 11:10 AM Parent: #26
انالسة ما خلصت الاحتفالية..
عشان ارد على عصابة الحاقدين بقيادة قمر وعماد.
_____________________________-
بطلو حسادة
Post: #35 Title: Re: كل سنة ونحن اصحاب ياخضر حسين.... Author: GamarBoBa Date: 03-07-2008, 10:51 AM Parent: #18
Quote: بعدين ياخ : الناس دي كلها بتحتفل بي عيد الثورة وراس السنة والمولد والكريسماس وعيد الفطر وعيد الحب وعيد الأضحي يعني بس بقت في عيد أخوكم المسكين دة
اي بقت علي اخونا المسكين
ولو قايلنا رخينا البوست تكون بالغت انت داير تمرر القصة دي السنة دي عشان تبقي من السنين الجاية المسألة عادي...زي شغل الحكومة تفك الاشاعة وتنزل قرار عيد ميلاد ليك ماف يا خضر ولو جيت ماشي بشارع فيه عيد ميلاد...اوعدك حتلف اول ملف تتخارج وفي وسائل لسة ما استنفدتها اقلاها بشيل اللاب توب ده بحومه بيت بيت وبجي اعمل مؤتمر صحفي في النهاية في النادي
لكن كدي نتخيل خضر في عيد ميلاده نسمع الغنية دي
ننوس بسلامته الليلة ليلته
ياخي قوم لف
نضرب ضربتنا ونتخارج قبل ما يجو مثقفين وسياسيين يدافعوا ليك.....عامل رأسك الكبير ده
Post: #28 Title: Re: كل سنة ونحن اصحاب ياخضر حسين.... Author: فيصل عباس Date: 03-06-2008, 11:47 AM Parent: #1
بيد انك دخلت لارزل العمر (طالما انهم اهتموا بالتبريكات وايقاد الشمع) ولا شك ان العد التنازلي قد بداْء فيا ترى كم تبقى لك يا صديق فعليا من الورطه؟؟ ...
شوق ضخم وتهنئه بميلاد لا اظنه يمت للاشراق بشئ (طالما انك هناك وتعاني منك تماما التي ترهقها بعتماتك) كن معافيا حتى عام قادم ربما تشهدك فيه المتعه او شئ منـــها وارجو ان لا توسع دائرة الحلم كثيرا حتى لاتصتادك تخمتهتا(وصيه من من مشئ في هذاالدرب قبلك) وبس
كن يقظا لحين يا وغدنا الجميل ............................. هو الحاصل شنو؟؟ لا قدر الله ..
Post: #29 Title: Re: كل سنة ونحن اصحاب ياخضر حسين.... Author: Emad Abdulla Date: 03-06-2008, 03:26 PM Parent: #28
Quote: يعني بس بقت في عيد أخوكم المسكين ده
يا زول ولا يهمك .. الحمدلله الذي أذهب عنك الأذى .. و عافاك .
Post: #30 Title: Re: كل سنة ونحن اصحاب ياخضر حسين.... Author: ibrahim kojan Date: 03-06-2008, 06:21 PM Parent: #29
يا عماد والله زمان كنت قايل اعياد الميلاد دي للاطفال والممثلين والخواجات ... لغاية ماجيت الجامعه... وبعدين عرفت انو في قبيله اسمها الحناكيش برضو بيحتفلو بعيد الميلاد!!! واخوك المسكين ما شي ساي زي كيس النايلون....
المهم خضر كل سنه وانت طيب وعقبال ارزل العمر......
حاشتري ليك كرت معايده كبير لما تتلمي .....
غايتو كبرنا وسمعنا باعياد ميلاد الزملا حليلك يا.....اليتململ في قبره!!!
سنه حلوه يا جميل
Post: #31 Title: Re: كل سنة ونحن اصحاب ياخضر حسين.... Author: Ishraga Mustafa Date: 03-06-2008, 08:08 PM Parent: #30
خدر مالو يا اميره؟ عرس؟
هممممممممممممم ماكان تصبر شوية بس جارى للعرس؟!
ربنا يهينك وماتسهى وتنسى اصحابك يالناسين ومجافينا
اميره- كل سنة وخدر بخير ده نظام زعلة وفتشى معاى لوش بيبرطم
Post: #34 Title: Re: كل سنة ونحن اصحاب ياخضر حسين.... Author: نهال الطيب Date: 03-07-2008, 10:36 AM Parent: #31
الحبيبة أميرة
ياخ أنا اصحابي بقولوا لي سارة الدروشاب
من دوشتي
ما عارفة ليه انا لمن شفت البوست ده أفتكرت أنو فتحته عماد عبدالله
المهم أنا عثرت عليه عن طريق السيرش
يازولة تسلمي إنتي ويسلم عماد
وأخدراني القلب كتير
Post: #36 Title: Re: كل سنة ونحن اصحاب ياخضر حسين.... Author: Amira Elsheikh Date: 03-07-2008, 12:25 PM Parent: #31
Quote: خدر مالو يا اميره؟ عرس؟
اشراقة..
ازيك كتتتتير...
خدر دا عضو مخضرم فى نادى العزابى مالك عايزة تخربى علينا
يقوم يغير رايو ويقول ستين يمين الا يعرس..
Post: #42 Title: Re: كل سنة ونحن اصحاب ياخضر حسين.... Author: كمال علي الزين Date: 03-07-2008, 10:49 PM Parent: #36
Quote: خدر دا عضو مخضرم فى نادى العزابى مالك عايزة تخربى علينا
يقوم يغير رايو ويقول ستين يمين الا يعرس..
خضر .. أبوصلعة (العجوز ده ) عامل فيها (تامر) بي جاي ..
(قمربوبا) و(أميرة) كل سنة وإنتو خضر بخير ..
و(عزابة) ...
( عيد ميلاد المهمشين ده سوقوا واري .. حكم )
Post: #64 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:45 PM Parent: #30
Quote: سنه حلوه يا جميل
كوجان...
وانت طيب ولذيذ زى ما اول مرة واخر مرة لاقيتك...
كويس انو خضر جابك وخلانا نسلم عليك..
Post: #61 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:25 PM Parent: #28
Quote: كن معافيا حتى عام قادم ربما تشهدك فيه المتعه او شئ منـــها
فيصل عباس..
هى امنيات قد ندركها وقد ندركها,,
ولا فكاك من الحلم ,,,,
وايضا اتمناه معافيامعافيا..
Post: #43 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 05:39 AM Parent: #1
بجيكم
لكن الجدير بالذكر:
بأنو حتي هذه ىاللحظات تتواصل إحتفالاتنا بمناسبة عيد الميلاد وكدة
تفاصيل أوفي بعدين
Post: #44 Title: Re: كل سنة ونحن اصحاب ياخضر حسين.... Author: GamarBoBa Date: 03-08-2008, 07:45 AM Parent: #43
كوبنهاجن
الموضوع احتفال خضر حسين بعيد ميلاده....وبعدين خضر جاته صلعة متين وله جاتك معلومات مضروبة
تتخيل لحكمة يعلمها ربنا لو احتفلت (الحب الحب وله سرقتو) بعيد ميلادها ما كان سوقها ورا زي عيد المهمش ده.
Post: #45 Title: Re: كل سنة ونحن اصحاب ياخضر حسين.... Author: كمال علي الزين Date: 03-08-2008, 08:37 AM Parent: #44
Quote: كوبنهاجن
الموضوع احتفال خضر حسين بعيد ميلاده....وبعدين خضر جاته صلعة متين وله جاتك معلومات مضروبة
تتخيل لحكمة يعلمها ربنا لو احتفلت (الحب الحب وله سرقتو) بعيد ميلادها ما كان سوقها ورا زي عيد المهمش ده.
(بوبا) .. والله ده كان الأعمى شال المكسر
_____________________________________________
آل ..عيدميلاد خضر .. آل ..(العيد ميلا د والله سرقتو)
Post: #46 Title: Re: كل سنة ونحن اصحاب ياخضر حسين.... Author: GamarBoBa Date: 03-08-2008, 08:51 AM Parent: #45
Quote: (بوبا) .. والله ده كان الأعمى شال المكسر
قر قر قر قر قر كوبنهاجن طيب ما ترفع لك عدد واحد بوست تهنئة وجرب...اضمن ليك حاجة واحدة في الحالةدي ...حقيف اتفرج بس...يعني دون ادني مسئولية.
الا بالمناسبة لو ما جاتك في كوبنهاجن ...نحن بشجب وندين...ياخي داك بوست ديناميت بس...يضحك حد الفرقع...لكن برضو هوا هوا
Post: #47 Title: Re: كل سنة ونحن اصحاب ياخضر حسين.... Author: كمال علي الزين Date: 03-08-2008, 09:05 AM Parent: #46
Quote: قر قر قر قر قر كوبنهاجن طيب ما ترفع لك عدد واحد بوست تهنئة وجرب...اضمن ليك حاجة واحدة في الحالةدي ...حقيف اتفرج بس...يعني دون ادني مسئولية.
(بوبا) ياخوي .. دي حتكون خدمة لدكين وجماعة تانين .. أول ما أرفعوا كده .. حايبقى حقهم ..خلينا مع (أبوصلعة ) .. أصلنا فقر نقر .. ناس مع عيدميلاد (أمونة) وناس مع (عيد ميلاد خضر ) ..
لينا الله ..
Post: #48 Title: Re: كل سنة ونحن اصحاب ياخضر حسين.... Author: كمال علي الزين Date: 03-08-2008, 09:11 AM Parent: #46
Quote: الا بالمناسبة لو ما جاتك في كوبنهاجن ...نحن بشجب وندين...ياخي داك بوست ديناميت بس...يضحك حد الفرقع...لكن برضو هوا هوا
غايتو يا (بوبا) ياخوي .. هوا تقيل وخاطرنا بي حياتنا .. برضو ماجات
على الطلاق الحوش ده فتحوهو كده زحمتو وصلت 1100 زائر ..(حوش ده ولا دار رياضة)
Post: #51 Title: Re: كل سنة ونحن اصحاب ياخضر حسين.... Author: كمال علي الزين Date: 03-08-2008, 10:32 AM Parent: #49
Quote: سوق سعاد الفاتح وامشو ليها الحوش
مابنمشي لي ناس مابجونا ..
__________________________
وناس (أميرة) حايدقونا ..
Post: #52 Title: Re: كل سنة ونحن اصحاب ياخضر حسين.... Author: كمال علي الزين Date: 03-08-2008, 10:39 AM Parent: #51
بابا وماما
والأهل والأصدقاء
بالكلاكلة و(الشمالية)
يزفون أحلى التهاني والأمنيات
ل(خضر حسين خليل )
وعقبال الشمعة المية
_____________________________________
مع الإعتذار لماما (عشة)
Post: #53 Title: Re: كل سنة ونحن اصحاب ياخضر حسين.... Author: tmbis Date: 03-08-2008, 11:25 AM Parent: #52
Quote: هسي غير أميرة دي ما شفتا لي زول شايلو بوكيه ورد التقول حتشتروهو
.. والله يا ابو خضـرة حننتنا عديل كدا .. حسع كان بقيت قريب هنا زي زمان .. والله الواحد كان جاب ليك اي حاجة ( كرستالية) (يعبر) بيها عن شعورو بالنسبة للحاجة دي .. في اشكال (كرستالية) كدا.. حاجات مدورة .. ومربعة .. ومستطيلة .. داير منها عيار كم ..؟ معاك لحدي العيار التقيل.. .. يا ابو الشباب.. ياخي مسالة الميلاد دي أجمل لحظة تمر على الزول العادي الزينا كدا .. بلاي ارجع .. وارجع ، شوف كل الاحداث المرت عليك .. الحلوة والمرة .. الناس السمحة والناس الكعبة .. اقعد في حوار مع نفسك .. بينك وبين الدنيا شوف عملت معاك شنـو .. وعملت ليها شنـو ..؟ وفي النهاية تااني تعال راجع ومجد ابو اليوم الجيت فيهو الدنيا دي .. لانو برغم كل الحاجات الصعبة دي .. من الجيد أنك موجود .. كل سنة وايامك تكون ماشه كويسة ومرتبه .. .. أميرة الشيخ .. دي حركة كويسة بيعملوها الناس الفنانين بس
Post: #81 Title: Re: كل سنة ونحن اصحاب ياخضر حسين.... Author: Amira Elsheikh Date: 03-09-2008, 10:48 AM Parent: #53
Quote: يا ابو الشباب.. ياخي مسالة الميلاد دي أجمل لحظة تمر على الزول العادي الزينا كدا .. بلاي ارجع .. وارجع ، شوف كل الاحداث المرت عليك .. الحلوة والمرة .. الناس السمحة والناس الكعبة .. اقعد في حوار مع نفسك .. بينك وبين الدنيا شوف عملت معاك شنـو .. وعملت ليها شنـو ..؟ وفي النهاية تااني تعال راجع ومجد ابو اليوم الجيت فيهو الدنيا دي .. لانو برغم كل الحاجات الصعبة دي .. من الجيد أنك موجود .. كل سنة وايامك تكون ماشه كويسة ومرتبه .. ..
تمبس..
ياسلام عليك وسلام عليك شديييييد..
وانت كمان كل ايامك سمحة وهنية...
Post: #65 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:50 PM Parent: #49
Quote: سوق سعاد الفاتح وامشو ليها الحوش
مافى اى حوش ولا يحزنون.
___________________________________________________ يلاكم نمشى الديم نحتفل فى حوش ناس عماد عبدالله
Post: #62 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:29 PM Parent: #45
Quote: آل ..عيدميلاد خضر .. آل ..(العيد ميلا د والله سرقتو)
كيمو ..
ياخ نحن نهدى فيك لمتين.
نحوم معاك البوستات كلها بالهدوية ياقول حبوبة ومانافع فيك..
________________________________________________________________ اسمعنى القصة دى طلعت مضروبة اعمل حسابك... مافى اى بيت ولا حوش
Post: #54 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 01:05 PM Parent: #1
تمبس والله مشكور علي شعورك النبيل دة ياخ والهدية المالمينا فيها يابتاع الفتاق إنت
تحياتي لمعتصم ياخ وقول ليهو كل سنة وإنت صحبي
Post: #55 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 01:07 PM Parent: #1
لموسي وكمال
.... حققنا ميلادنا
وال.......... عقبالو
Post: #56 Title: Re: كل سنة ونحن اصحاب ياخضر حسين.... Author: GamarBoBa Date: 03-08-2008, 01:34 PM Parent: #55
Quote: لموسي وكمال
.... حققنا ميلادنا
يعني لساك سادر في غييك
طيب يا الحبيب....
Post: #57 Title: Re: كل سنة ونحن اصحاب ياخضر حسين.... Author: الطيب شيقوق Date: 03-08-2008, 02:44 PM Parent: #56
يعني يا قمر بوبا اتلومت بالحيل اتاريك لابد في بوست قريبتي وما بتحدثني
ازيك يا اميرة وانا جيتك راحل عديل بعديلي وزيني عشان اقول الف مبروووووووووووووووك
وجاييك تاني
Post: #58 Title: Re: كل سنة ونحن اصحاب ياخضر حسين.... Author: GamarBoBa Date: 03-08-2008, 02:53 PM Parent: #57
شفتي يا اميرة... ده قريبك
بس جنه وايامانه عديل وزين
سبب التعديل: نزلت كلام نادي العزابة هنا...كرهتنا البوستات يا شيقا خاشي من هنا لهناك
Post: #63 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:41 PM Parent: #58
Quote: سبب التعديل: نزلت كلام نادي العزابة هنا...كرهتنا البوستات يا شيقا خاشي من هنا لهناك
شفت الحصل ..
انا زاتى حصل لى بس لحقتو قبل ما ارسل..
كل سنة يا خضر وانت طيب وانت كمان يا قمر عشان ما تزعل
Post: #67 Title: Re: كل سنة ونحن اصحاب ياخضر حسين.... Author: الرفاعي عبدالعاطي حجر Date: 03-08-2008, 05:18 PM Parent: #58
صديقي خدو ... لك التحية وكل سنو وأنت ساهي ياابو السهو خليك كدا فحاسب السنين قاسي ومعطل أجمل العمر هو ما سنقضيه في القادم ودائما القادم أجمل ... شكرا للجميع والسنة الجاية في بيتك هنا او هناك المهم بيت ودولتك الصغرى ونضالك من أجل جيل يحقق ما عاندنا الزمن والحكام قاتلهم الله عن نواله. ...........................................................................حجر.
Post: #68 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 06:13 PM Parent: #67
ياسلام علي ياحجر ياخ والله أنا جد عاجز عن شكرك لكوم الأماني الجميلات وبتمني ياحجر إنو كلنا نتلمه كدة في حوش البلد
ياخ سلامي لغسان
Post: #84 Title: Re: كل سنة ونحن اصحاب ياخضر حسين.... Author: Amira Elsheikh Date: 03-09-2008, 12:24 PM Parent: #67
Quote: خليك كدا فحاسب السنين قاسي ومعطل أجمل العمر هو ما سنقضيه في القادم ودائما القادم أجمل
شكرا...
الرفاعى لاحتفائك الجميل بصديقنا المشترك خدو...
تمنياتنا ان نجتمع فى وطن نضيف ومعافى من كل الشرور...
وكل سنة وانت وخدواصدقاء
Post: #66 Title: Re: كل سنة ونحن اصحاب ياخضر حسين.... Author: Amira Elsheikh Date: 03-08-2008, 04:53 PM Parent: #57
ودشيقوق..
سلامات..
قمر قال تانى ما حيوريك اى حتة هو ماشى ليها عشان بتنافسو فى الجكس وكده
وقال لى العربى دا ما بعرف اى حاجة عن اعياد الميلاد .. اكلمو لشنو؟
------------------------- الكرت بتاع الدعوة عند قمر يا قريبى
Post: #69 Title: Re: كل سنة ونحن اصحاب ياخضر حسين.... Author: Salah Abdulla Date: 03-08-2008, 06:20 PM Parent: #66
يا خضر ،، كل سنة وإنت وأميرة أصحاب أصحاب..
Post: #70 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 06:30 PM Parent: #69
كتر خيرك والله ياصلاح علي الأمنيات الحلوة دي ياخ
........
بالله شوف زي أخوك دة جاء قال لي الحمد لله الذي أذهب عنك الأذي وعافاك
......
مرة تانية تسلم ياصلاح ياخ
Post: #78 Title: Re: كل سنة ونحن اصحاب ياخضر حسين.... Author: Amira Elsheikh Date: 03-09-2008, 07:18 AM Parent: #69
Quote: يا خضر ،، كل سنة وإنت وأميرة أصحاب أصحاب..
صلاح عبدالله..
ازيكم....
انشاءالله كل سنة ونحن اصحاب وانت طيب,,,
Post: #79 Title: Re: كل سنة ونحن اصحاب ياخضر حسين.... Author: كمال علي الزين Date: 03-09-2008, 07:21 AM Parent: #55
Quote: لموسي وكمال
.... حققنا ميلادنا
وال.......... عقبالو
ياسيدي كل سنة وإنت طيب
ودايماً محقق أمنياتك ..
(إنشا الله أل... عقبالو) ..
_________________________________________________
عمرك أخضر إنشاء الله ياخضر ..
Post: #71 Title: Re: كل سنة ونحن اصحاب ياخضر حسين.... Author: أبو ساندرا Date: 03-08-2008, 06:32 PM Parent: #1
Quote: صديقي خدو ... لك التحية وكل سنو وأنت ساهي ياابو السهو خليك كدا فحاسب السنين قاسي ومعطل أجمل العمر هو ما سنقضيه في القادم ودائما القادم أجمل ... شكرا للجميع والسنة الجاية في بيتك هنا او هناك المهم بيت ودولتك الصغرى ونضالك من أجل جيل يحقق ما عاندنا الزمن والحكام قاتلهم الله عن نواله. ...........................................................................حجر.
انا متفق مع حجر الدغش ده جدآ وبهذه المناسبة عايز أقول ليك زي ما قلت لمعاوية كرفس شقيقك في الرضاع
حياك الله وأبقاك كنزآ لنا وذخرآ للشعب السوداني والطبقة العاملة الثورية
Post: #72 Title: Re: كل سنة ونحن اصحاب ياخضر حسين.... Author: wd al geran Date: 03-08-2008, 06:45 PM Parent: #71
Quote: يا خضر ،، كل سنة وإنت وأميرة أصحاب أصحاب..
آآمين
Post: #73 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 07:14 PM Parent: #72
ود الجيران ياخ كل سنة وإنت طيب ياخ شايف من بداية البوست بتحاحي
ياخ قول كلامك كلو ياخ
عذبتنا
أمين
Post: #74 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 07:15 PM Parent: #71
يديك العافية يا أبو ساندرا ياخ
ياخ
مليون مرة بقول ليك عايز تلفونك
عايزين نطمن عليك مالك ياخ
Post: #86 Title: Re: كل سنة ونحن اصحاب ياخضر حسين.... Author: Amira Elsheikh Date: 03-10-2008, 06:54 AM Parent: #71
ابوساندرا..
كل سنة وانت وخضر طيبين..
Post: #75 Title: Re: كل سنة ونحن اصحاب ياخضر حسين.... Author: wd al geran Date: 03-08-2008, 07:48 PM Parent: #1
Quote: ياخ قول كلامك كلو ياخ
ابداً يا خضر .. ما عِندي كلام داسيهو ..
هي محض أمنيات طيبات لك .. ليس اكثر
تحياتي
Post: #76 Title: Re: كل سنة ونحن اصحاب ياخضر حسين.... Author: خضر حسين خليل Date: 03-08-2008, 07:51 PM Parent: #75
ياخ عارف وحاتك إنها أمنيات طيبات ليس الا
يازول ما تتضايق
الواحد مايهظر في عيد ميلادو أصلو
....
لقيتك بتدور سرعة نقرة مفتاح بعيد عنك
Post: #77 Title: Re: كل سنة ونحن اصحاب ياخضر حسين.... Author: أبو ساندرا Date: 03-08-2008, 10:09 PM Parent: #1
كتب خضر حسين خليل
Quote: مليون مرة بقول ليك عايز تلفونك
مليون مرة قلت ليك 009745052880
Post: #80 Title: Re: كل سنة ونحن اصحاب ياخضر حسين.... Author: الجندرية Date: 03-09-2008, 08:11 AM Parent: #1
كل سنة وانت طيب يا خدر وصاحبتو واصحابو
الوليدات الواعين ديل كلهن مولدين في مارس ؟ هسي مشينا طفينا مع كرفس الشموع وعاش الحوت عاش
تحياتي اميرة .
Post: #82 Title: Re: كل سنة ونحن اصحاب ياخضر حسين.... Author: الطيب شيقوق Date: 03-09-2008, 11:01 AM Parent: #80
اميرة الاميرة
قمر قال تانى ما حيوريك اى حتة هو ماشى ليها عشان بتنافسو فى الجكس وكده
وقال لى العربى دا ما بعرف اى حاجة عن اعياد الميلاد .. اكلمو لشنو؟
رطاني حاسد وغيور اطرديهو من بوستينا ده سرييييييييييييع -
Post: #83 Title: Re: كل سنة ونحن اصحاب ياخضر حسين.... Author: خضر حسين خليل Date: 03-09-2008, 12:10 PM Parent: #80
سلامات أماني الجندرية
وسلمتي وسلمت أمانيك
شكراً للتهاني ياستي وعاش الحوت حراً أبياً
Post: #87 Title: Re: كل سنة ونحن اصحاب ياخضر حسين.... Author: Amira Elsheikh Date: 03-10-2008, 08:40 AM Parent: #83
Quote: نهال ياخ براحة ..
الله بيوديكم النار إنتي و أميرة الشيخ بالبتسوو فيهو ده .. نحنا ما قادرين نسكت خضر لليلة .. تتصل بيهو بدل يقول ليك : ألو مرحب .. طوالي يشبكك : و الله الحمد لله غايتو . الولد دخلتو خُلعه !!! .
هسه معاوية ده أخير منو خضر . نقوم نقول ليهو كل سنة و إنت طيب يقبل على الحيطة و يديها نخجة .. و للا يقول ليك : ما كنت قاصد و الله .. لكن تمام .
الناس دي ما متعودة على الحنية و سيولة المشاعر العلنية الحلوة .. متعودين على الكتّامي .. و أكل النار براهم .. فرحهم الخاص قاعدين يخجلوا منو .. و يؤثرون على أنفسهم . يا معين يارب .
.... معاوية كرفس .. كل سنة و إنت طيب .. يا زول يا دوغري و نضيف .
المداخلة دى من بوست عيدالميلاد بتاع كرفس...
بتوقيع صاحبنا عماد عبدالله...
جبتها هنا لاسباب كتيرة...
1/ 2/ 3/
Post: #88 Title: Re: كل سنة ونحن اصحاب ياخضر حسين.... Author: Amira Elsheikh Date: 03-10-2008, 08:45 AM Parent: #80
Quote: كل سنة وانت طيب يا خدر وصاحبتو واصحابو
الجندرية...
نورت البوست وعيد ميلاد صاحبنا الحوت..
تحياتى يا امانى..
Post: #85 Title: Re: كل سنة ونحن اصحاب ياخضر حسين.... Author: انعام عبد الحفيظ Date: 03-09-2008, 03:00 PM Parent: #1
كل سنة وانتو أصحاب
ويديك كل البتتمناه يا خضر
Post: #89 Title: Re: كل سنة ونحن اصحاب ياخضر حسين.... Author: Amira Elsheikh Date: 03-10-2008, 12:31 PM Parent: #85
Quote: كل سنة وانتو أصحاب
ويديك كل البتتمناه يا خضر
وانت صاحبتنا يا انعام..
Post: #90 Title: Re: كل سنة ونحن اصحاب ياخضر حسين.... Author: Sahar Abdelrahman Date: 03-11-2008, 10:35 AM Parent: #89
أميرة العزيزة.....سلامات
كل سنة وخضر طيب....
حدثتني صديقتي الحبيبة نهال عن خضر ذات يوم وعن إنسانيته المدهشة...
أجمل ما في هذه الدنيا أصدقاء يحملون لنا محبّة نقيّة ويمنحونا الدفء والإنتماء...
محبتي للجميع...
Post: #91 Title: Re: كل سنة ونحن اصحاب ياخضر حسين.... Author: Amira Elsheikh Date: 03-11-2008, 12:27 PM Parent: #90
Quote: حدثتني صديقتي الحبيبة نهال عن خضر ذات يوم وعن إنسانيته المدهشة...
أجمل ما في هذه الدنيا أصدقاء يحملون لنا محبّة نقيّة ويمنحونا الدفء والإنتماء
سحر عبدالرحمن...
لك الود ولصديقتنا الرقيقة نهال ...
سعيدة انا برجوعك للبورد ... سعيدة بعبورك الجميل من هنا..
