يازول علبة المناديل الفوق دى ما بتكفينى عارف فى المسافة بين الشاكوشين الاول و التانى كتبت قصيدة بنفس المطلع تقريبا المتذكرو منها: ودعت هواك بلا رجعة لدنيا هواك الى الابد ودعت هواك فهل ترنى اسلمت فؤادى للكمد حطمت قيودى و سدود وسكبت الشعر بلا حد وسألت اغراما كان يجمعنا ام كان رهانا ونحدى بشراك ربحت و خسرت ربحت الهم ز النكد وتركت فؤادك مزبلة تحوى الاوهام بلا عدد
لكن بعد 9 سنين من ودتك ومش عارف ايه اكتشفت انى بغالط فى نفسى
مافى زى الحب الاول (انشالله ام العيال ما تخش سودانيزاونلاين ) الليلة
Post: #24 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-05-2008, 08:31 PM Parent: #16
Quote: يازول علبة المناديل الفوق دى ما بتكفينى عارف فى المسافة بين الشاكوشين الاول و التانى كتبت قصيدة بنفس المطلع تقريبا المتذكرو منها: ودعت هواك بلا رجعة لدنيا هواك الى الابد ودعت هواك فهل ترنى اسلمت فؤادى للكمد حطمت قيودى و سدود وسكبت الشعر بلا حد وسألت اغراما كان يجمعنا ام كان رهانا ونحدى بشراك ربحت و خسرت ربحت الهم ز النكد وتركت فؤادك مزبلة تحوى الاوهام بلا عدد
لكن بعد 9 سنين من ودتك ومش عارف ايه اكتشفت انى بغالط فى نفسى
مافى زى الحب الاول (انشالله ام العيال ما تخش سودانيزاونلاين ) الليلة
العزيز الغالي وائل السيد سعيد بمعرفتك قلت لي إنشاء الله ام العيال ما تخش سودانيزاونلاين عالم جبانات بشكل
أختنا الظريفة منى.. ................... ويا اسماعيل أخوي الغالي..نفسي أسمعك بتجعر ............................................ الله لا جاب اليوم ده يا منى اختى...............والله أنا كان جعرت بلم فيكم الناس وما بقيف بالساهل
أخير تخلونى بركان خامل........
لكن شوفى أخونا وائل السيد..قال صندوق واحد ما بكفى..أنا بعجبنى الزول زى ده ما بناكف وما بتعب
قلبو العندو بفكها والباقى الأبقى..الدنيا دى شن فيها..والواحد يكون طوالى كاتم صوت لحدى ما مرة
يتشق من الكتمان....لا وكمان خايف المرا ما تدخل النت الليلة..أديك إقتراح يا وائل..اطلعوا السوق الليلة لحدى ما البوست ده يروح من فوق وبكرة الله كريم.
هاشم ود أحمد خلف الله كيفك يا زول والله اغنية دي تبكي بس ماعشان الشجن والحزن الفيها لا لكن عشان بتذكر الواحد بجاز دانا والسكة حديد وبي مصطفي مضوي زمان في الثمانينات وبي عطبرة ككل والله انا لغاية الليلة دي بتذكر زواج حسن عبد السلام (امين خزينة نادي المريخ الان) وكان بمصطفي مضوي وكانت ليلة لا تنسي ابدع فيها مصطفي كمن لم يبدع من قبل.
Post: #26 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-05-2008, 09:12 PM Parent: #21
Quote: هاشم ود أحمد خلف الله كيفك يا زول والله اغنية دي تبكي بس ماعشان الشجن والحزن الفيها لا لكن عشان بتذكر الواحد بجاز دانا والسكة حديد وبي مصطفي مضوي زمان في الثمانينات وبي عطبرة ككل والله انا لغاية الليلة دي بتذكر زواج حسن عبد السلام (امين خزينة نادي المريخ الان) وكان بمصطفي مضوي وكانت ليلة لا تنسي ابدع فيها مصطفي كمن لم يبدع من قبل.
الزبير انت عارف الذكريات دي غذاء الروح كويس الواحد يسترجع أجمل الذكريات عشان ينتعش وبصراحة مصطفي مضؤي مبدع والقصيدة شديدة واللحن أشد والأداء فوق الوصف .
ممكن ياهاشم ترسم لي خطة الإنسحاب الناجح دا ؟ وخصوصاً أنه تم بدون خسائر
ما أسمع بيك باكر رجعت أوتم إعادة الإحتلال
Post: #38 Title: Re: ودعـــت هـــواك بــلا حـــزنِ Author: عماد محمود علي Date: 03-06-2008, 07:59 AM Parent: #28
Quote: ممكن ياهاشم ترسم لي خطة الإنسحاب الناجح دا ؟ وخصوصاً أنه تم بدون خسائر
ما أسمع بيك باكر رجعت أوتم إعادة الإحتلال
وييين ناجح يا سمية يا أختي ، هسه كده إنتظري ليوم السبت وشوفي الجقلبة البتحصل دي . والله ما أنا الكتبت البوست ده ، ده عادل جبارة سرق الباص وورد بتاعي ودخل بإسمي وحاجات تاني مافي ليها داعي ما تشوفي الجعولية دي ساااااكت بس خليكي قريبة .
غايتو ياهاشم سويتها شينة المرة دي ، ياود جبارة هسه ياودبي عرفت إنت مشيت أبو عشرة علشان شنو !!!!!
مودتي
عما
Post: #47 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-06-2008, 11:40 AM Parent: #38
Quote: غايتو ياهاشم سويتها شينة المرة دي ، ياود جبارة هسه ياودبي عرفت إنت مشيت أبو عشرة علشان شنو !!!!!
مودتي
اول حاجة مشتاقين كتير والله ياابو حسام وبعدين انا بكتب وبعبر عن شعوري انتا كيف
ابقي شجاع وافتح ليك بوست لو مرة في حياتك عن الحياة الزوجية او عن الحب او عن الجمال والله ام حسام تدق ليك خروج نهائي
Quote: وصال عالم دبلوماسية والله بس خليك قريبة مع اختي مني خوجلي ساعديها في عمل الشائي الضيوف كترو
· ·
هوووووي يا هاشم اخوي.. انا ماني زولة شاي.. لا تغلط وتلخبت الكيمان.. مع انه رفقة وصال عاجباني.. عليي بس أنا زولة قهوه بس ......... .........
وفي حالة البكا والمناديل.. القهوه بتكون ساده! عارف ساده يعني شنو؟
يعني من غير سكر.. ولا اراكم الله مكروها في عزيز لديكم!
Post: #59 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-07-2008, 08:04 AM Parent: #50
Quote: هوووووي يا هاشم اخوي.. انا ماني زولة شاي.. لا تغلط وتلخبت الكيمان.. مع انه رفقة وصال عاجباني.. عليي بس أنا زولة قهوه بس ......... .........
وفي حالة البكا والمناديل.. القهوه بتكون ساده! عارف ساده يعني شنو؟
يعني من غير سكر.. ولا اراكم الله مكروها في عزيز لديكم!
لا حولا ولا قوة إلا بالله لكن يا مني اختي حالتك متاخرة شديد والصيوان ده الظاهر عليهو كده حايكون لمدة شهر مش ثلاثة يوم وحرم ... قهوتك السادة نشربا والفقد واحد يا بت امي
Post: #44 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-06-2008, 11:02 AM Parent: #35
أغنية مصطفى مضوى هذى وأخواتها مثل(صدقنى مابقدر أعيد).. وبت عمها (يخلق من الشبه أربعين).. يعتبرن بداية لتاريخ نزول أسهم المحبوب و قسوة قلب العاشق أو واقعيته..
فكما قال عتيق زمان كان مسموح للمحبوب يصد ويتمنع وغير مسموح للعاشق معاتبته فقط يقول ليهو (زيدنى فى هجرانى) (والعذاب سرانى).. وفى مقابل (يخلق من الشبه أربعين) كان (الفريد فى عصرك الزمان زمانك)..
ويبدو أنو المحبوب كان قاسيا (لحظو جراح) و (بين الرميش فوق الطريف الكحيل يسكن الموت) مما جعلنا نأتيه بتكتيكات مثل (زيك أربعين) و (ياالغاريك جمالك) لتكسير مقاديفه حتى وصلنا لصدقنى مابقدر أعيد. ويبدو أن قانون العرض كان فى صالحنا عندماأصبح المحبوب (بعاين من الشباك) لحدى ما بقى قاعد مع العاشق فى مكتب وانتهى بالدعوة لتطبيق (حديث الرضاعة) فى أماكن العمل. فهل ينجح المحبوب فى العودة للبعد لتعود (أنت السماء بدت لنا واستعصمت بالبعد عنا) ودمعى الاتشتت غلب اللقاط?
المهم الكرة فى ملعبهن!!
كنت متابع كتاباتك ياهاشم فى صمت فاستمر فما أحوجنا للفرح فى هذه المساحة.
ماجدة الماجدة والله ما قصرتي تب والشير حقك مقبول يعني زدتي النار حطب والحزن مابقي واحد بقوا 2 وبيت البكاء إتقسم لــ2 والمكسرين من منازلهم لسه خايفين وكلهم خايفين من أسابيع ود البشري
هل تصدق ان هذا الجعلي تغني مرة باغنية بالرطانة فى حفلة عريسها رطاني حفظها قبل الحفل وجوَدها كانه من بني دنقل ظاااتم
كان مجاملا لابعد حد ... وعنيد كمان ... مرة رفض ان يتغنى فى حفل تخريج دفعة عساكر جدد(هو نفسه كان ينتمى للعسكرية) حلقو ليهو راسو
كعقاب له ... سبب الرفض انه كان مرتبط بحفلة فى نفس اليوم
له التحية اينما كان
ولعطبرة كل الحب
الحبيب حيدر كتر خيرك للمعلومة بتاعت الرطانة دي تخيل انا برضو جعلي ونفسي أتعلم الرطانة ياخي انا بحب الناس ديل حب مبالغة. وهسع يا خوي اتوهط في الدايمة دي واشرب ليك فنجان قهوة سادة باقي مني خوجلي اختي بقت متعهدة قهوة وسادة كمان وود البشري متعهد مناديل ورق اها .. نزل دميعاتك والفراش لسع ما اترفع
Post: #65 Title: Re: يا جماعة ما تغطسوا حجر البوست دة Author: هاشم أحمد خلف الله Date: 03-07-2008, 11:19 AM Parent: #57
Quote: يا جماعة ما تغطسوا حجر البوست دة
ما قلنا ليكم بشاكلونا امبارح مرت بسلام الليلة مافى طريقة المدام خاشة النت فساعدونا العندو بوست قديم يرفعوا
بالغت لكن والله يا وائل !! كيف عايز البوست يغطس وانتا بترفع فوقو؟؟؟ وبعدين الجرسة ليك شنو يا راجل الأوراق القديمة دي لسع معاك ولا شنو مناديلك نعلها كملت ؟؟
يا وائل اخوي الفقد واحد والزم الجابرة
Post: #61 Title: يا جماعة ما تغطسوا حجر البوست دة Author: Waeil Elsayid Awad Date: 03-07-2008, 09:59 AM Parent: #1
عمك ده مرة جابو ودخالتنا في حنتو بالداخلة شكل قعدة وكدة قام غنى الاغنية دى وبعدها طوالى اغنية ( والله يابا حرام يبقى الزواج جبرى ) بطنا طمت من العرس بى بكا النسوان ودموع الرجال .............
Quote: ادي اسماعيل النبي فيك من المناديل الناعمه..أنا خايفه علي عيونه..
منى بالله ما تخربي لينا طبع الرياييل ديل ما كفاية البكا و الجرسلين الحاصل دا كمان ننعم ليهم المناديل
اسماعيل ياعمك ما تسمع كلام الجماعة ديل دموع الرياييل بتسيل لي جوة ما بتطلع برة - خليك صنديد زي اخوك وموت بيه
Post: #74 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 05:17 AM Parent: #67
Quote: اشم كيفك .. وجمعة مباركة
عمك ده مرة جابو ودخالتنا في حنتو بالداخلة شكل قعدة وكدة قام غنى الاغنية دى وبعدها طوالى اغنية ( والله يابا حرام يبقى الزواج جبرى ) بطنا طمت من العرس بى بكا النسوان ودموع الرجال .............
شكرا ليك .. أحزنتنا مودتى
:
اخي الحبيب الطاهر ساتي جمعة مباركة ايضاً مشكور علي القصة بتاعت بكاء النسوان ودموع الرجال والله ما يجيب أحزان بعد الأحزان القديمة . بس هسع دي نحنا طالبينك كم بكية وشوية دميعات كده وجعيرا قوية والمناديل شايفة كترت شديد , يعني ما تشيل هم .
أبو أحمد... يا زول قول بسم الله... أنا حسه عملت ليك شنو
____________
كيفنك يا أم أحمد
Post: #85 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 11:15 AM Parent: #73
Quote: أبو أحمد... يا زول قول بسم الله... أنا حسه عملت ليك شنو
____________
كيفنك يا أم أحمد
ياسلام مذيعتنا الجميلة غادة عبدالعزيز حمداً لله علي سلامتك , اها قلت بسم الله انتي ما عملتي لي حاجة لكن المثل بيقول الفي قلبو حرقس براهو بيرقص ابقي داخلة لاجو واشربي ليك قهوة سادة من يد أختك مني خوجلي ومناديل من ود البشري الفقد وأحد يلا إتنخجي ونزلي دميعاتك .
Post: #83 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 11:05 AM Parent: #72
Quote: الأخ الفاضل هاشم خلف الله... لك عاطر التحايا....
Quote: ودعـــت هـــواك بــلا حـــزنِ
نزار قباني قال... وهل يستطيع المتيم بالحب أن يستقيلا !!! وما همني!!..إن خرجت من الحب حيا..... وما همني!!....إن خرجت قتيلا
عشان تخرتنا مش؟ عموما بيها بلاها إنت خارتنا .. بس لو نقصوني عشرة سنوات كنت سديت ليك الدرب .. ..
..
قهوه ما دايرها .. ناولني منديل .
ود الملك يا عسل انتا بس علمني الرطانة وبعدين بنتفق يأخي انا زول لعبي نظيف وما بخرت لي زول ولو عايز ترجع عشرة سنة لوراء عشان تنافس كده يادوبك إتخرتا جنس خرت لاني لو نزلت ليك صورتي قبل عشرة سنة حاتآمن عديل كده
ومدام القهوة حردتا الأحسن ليك تعتذر من مني خوجلي يا ود البشري بسرعة يلا مناديل لعمك ود الملك باقي حالو يغني عن سؤالو
نديك من المناديل الخشنه أبكي زي ماداير فيها.. في شان ابيت قهوتي الساده دي.. وبس ولا ازيك ولا حاجه..
Post: #75 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 07:19 AM Parent: #69
Quote: العزيزُ جدَّاً / هاشم أحمد خلف الله
شُكْرَاً لكَ أيا شَفيفَ
السَّمْعِ والاختيارْ،
" مُصْطَفى مضوي " ،
فنانٌ مُتْرَعٌ بالصَوْتِ
الشَّجيِّ والحنينْ ، وقدْ
أرْهَفَ أسْمَاعَنا وأذْواقَنا جمالاً مُنْذُ
أنْ كُنَّا أطفالاً ، إذْ كانَ على
صِلَةِ قُرْبي بأحدِ أفْرَادِ قريْتي
وحينَ يَدْعُونَهُ لإحياءِ حفلٍ
هُنَاكَ كُنَّا ننامُ باكراً ونُرْشُـدُ
أهْلَنَا لتَصْحِيَتِنا وقتَ الحفلِ فنَقُولُ
لهم " صَحُّونَا لَمَّنْ يَقُولْ المايِكْ
أوفْ 1 ، 2 ، 3 "
، فَنَذْهَبُ وأرْجُلُنَا بِها ما بِها مِنْ
التُرابْ ، وملابِسُنا بها مِنْ التَّمْزيقِ
مَا بِهَا ولا يَدُورُ بِخُلْدِنَا شيءٌ غيرَ أنَّا
في حَضْرَةِ حفلٍ جميلٍ وبَهِيجْ ،
وكانتْ لَدَيَّ عادةٌ مُزْعِجَةٌ جدَّاً
وهيَ أنَّني دائماً أُحَبِّذُ الوُقُوفَ بجانبِ
الفنانِ و" الشَّيَّالينْ أو الكورَسْ "
لأُحْظَى بِمُصَافحةِ الفَنَّانَ
فَتِلْكَ كُنتُ أعتبرُها حَظْوَةً
لا تُضَاهَى ،
وبعدَ أنْ أُصافِحَ الفنَّانَ بيديَ
المُتَّسِخَة ينتهِرُني مَنْ حَوْلي
مِنْ منظِّمي الحفلةِ فكنتُ
لا آبَهُ لهم كثيراً خاصَّةً عندما
أكونُ قدْ أكملتُ عمليَّةَ
المُصَافحةِ على يَدِ الفنَّانِ ،
فتَجِدُني في اليومِ الثَّاني
أُخْبِرُ كلَّ أهلِ الحيِّ
بأنِّي قدْ سلَّمْتُ بيديَّ
على الفنَّانْ ،
وكنتُ أحسَبُ هؤلاءِ
الفنَّانينَ ليسُوا بشراً
عاديينَ مِثْلَنا وأنا أنْظُرُ إليْهِمْ
باندِهَاشْ ..
، وكنَّا نرقُصُ ونتمايلُ طَرَباً
حتَّى انتهاءِ الحَفْلِ صباحاً
و لا نَغْضَبُ حينَها مِنْ
شيءٍ إلا مِنْ مُنَظِّمي الحفلاتِ
الذينَ كانوا يَضْرِبُونَنا بالسِّياطِ
على جُلُودِنَا مِنْ أجلِ ترتيبِ الحفلِ
وتنظيمِ صُفُوفِهِ التي طابعُها
الإعْوِجَاجْ ،
مُصْطَفى مُضْوي بَصْمَةٌ واضِحَةٌ
في قلُوبِنا ، ويَكْفي أنَّهُ شَكَّل وجدانَنا
منذُ الصِّغَرِ ولا يَزالُ ....
لهُ التَّقديرُ ولكَ يا " هاشمُ "
آلافُ المَوَدَّاتْ ..
احترامي ...
أخوك / محمَّد زين ...
الحبيب الأديب المهندس محمد زين أمتعتنا بسرد تلك التفاصيل عن تلك الطفولة البرئية وصراحة المطرب مصطفي مضؤي رجل عاطفي جداً , لذلك تاتي أغانيه حزينة بعض الشئ. عموماً طالما دخلت عندنا إتفضل فنجان قهوة سادة وإتناول ليك منديل ورق ونزل دميعاتك بشويش وبدون ما زول يشوفك .
Post: #76 Title: Re: ودعـــت هـــواك بــلا حـــزنِ Author: حيدر حسن ميرغني Date: 03-08-2008, 07:31 AM Parent: #75
ياسلام عليك يا حيدر يا ذوق , يديك الف عافية والشكر عبرك لصاحب مساهمة الرابط , وكلنا بنكمل بعضنا البعض يا حيدر مرورك اكثر من مرة بهذا البوست دليل حب عميق لمطربنا الجميل مصطفي مضؤي . عاجز عن الشكر والله ياخي حيدر .
Post: #77 Title: Re: ودعـــت هـــواك بــلا حـــزنِ Author: عماد محمود علي Date: 03-08-2008, 07:36 AM Parent: #69
Quote: والله ام حسام تدق ليك خروج نهائي
ياهشومي لو بقت على الخروج النهائي كويس المشكل في ............... ( خليها في سرك )
شنو ؟ ياأبوأحمد الواحد يغيب آخر الأسبوع يجي يلقاك بتودع مالك ياحبيب وسر وداعاتك التقيله دي
رغم أنوا الغنية أكثر من رائعه والفنان الجميل مصطفي مضوي جاورته في الرياض شارع النخيل بحي النسيم
أيام كانت ومازالت في الخاطر له مني الحب والتقدير وأنا تركت الرياض الي جده وهو الي الدمام ربنا يطراه بالخير
Quote: ودعـــت هـــواك بــلا حـــزنِ
،،،،أبوقصى،،،،
Post: #81 Title: Re: ودعـــت هـــواك بــلا حـــزنِ Author: حيدر حسن ميرغني Date: 03-08-2008, 08:41 AM Parent: #79
الغريبة يا هاشم إنو الناس كانت بترقص والعجاج رابط للسماء لما يغني اغنية الوليد الضيف ... رغم طابع الأسى المسيطر على الأغنية وده بأكد لي إننا نطرب للايقاع والمزيكا المصاحبات للاغنية اكثر من إستيعابنا لكلماتها على فكرة ... كان هناك فى ناس بتجلد بالسوط فى حفلات مصطفى ولم يكن الجلد مقصورا على الجعليين فقط ... حتى فى حفلات الرطانة والشوايقة تلقى ناس راكزة للسوط هذا دليل على ان مصطفى مضوى كان بعشق التغني بعدة الوان .. رغم ميله الشديد لأغاني الحماسة تحية من هذا المقام لمصطفى فى غربته ولعشاق فنه فى كل مكان
Post: #89 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 12:09 PM Parent: #81
Quote: الغريبة يا هاشم إنو الناس كانت بترقص والعجاج رابط للسماء لما يغني اغنية الوليد الضيف ... رغم طابع الأسى المسيطر على الأغنية وده بأكد لي إننا نطرب للايقاع والمزيكا المصاحبات للاغنية اكثر من إستيعابنا لكلماتها على فكرة ... كان هناك فى ناس بتجلد بالسوط فى حفلات مصطفى ولم يكن الجلد مقصورا على الجعليين فقط ... حتى فى حفلات الرطانة والشوايقة تلقى ناس راكزة للسوط هذا دليل على ان مصطفى مضوى كان بعشق التغني بعدة الوان .. رغم ميله الشديد لأغاني الحماسة تحية من هذا المقام لمصطفى فى غربته ولعشاق فنه فى كل مكان
انتا عارف يا حيدر في الحفلات الناس مزاجها بختلف عن مزاج القعدات يعني في القعدة الناس مسترخية وبتتابع كلمات الأغنية واللحن والأداء لكن في الحفلات الناس عايزة تفرح وتهيص وتنطط , اهم حاجة عندهم صوت الطبلة وبعد داك الموسيقي والأداء الحماسي للمطرب . التحية لك يا حيدر ولمصطفي مضؤي ولعشاق فنه واكيد كل من شارك في هذا البوست .
Post: #88 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 11:53 AM Parent: #79
Quote: شنو ؟ ياأبوأحمد الواحد يغيب آخر الأسبوع يجي يلقاك بتودع مالك ياحبيب وسر وداعاتك التقيله دي
رغم أنوا الغنية أكثر من رائعه والفنان الجميل مصطفي مضوي جاورته في الرياض شارع النخيل بحي النسيم
أيام كانت ومازالت في الخاطر له مني الحب والتقدير وأنا تركت الرياض الي جده وهو الي الدمام ربنا يطراه بالخير
ياجماعة فى ناس اساسية فى بيت البكا ده انا ماشوفتها جات عزت ووسط الزحام اخدلتها بكية وشويه تنهدات واستغفرت ربها بعد داك غايتو يامحمدالبشرى كده ماكويس منك انت ومحمد الصايم ذى ماقال هاشم عملتو رعب للخلق بااسابيكم المدورة ديك الواحد يفكر وكويس قبل مايكتب اويبكى خاصه وانا شايفه بقى عندكم نظام شفتات وكده تسلمو كلكم يارب ...
Post: #84 Title: Re: ودعـــت هـــواك بــلا حـــزنِ Author: محمد على طه الملك Date: 03-08-2008, 11:15 AM Parent: #80
Quote: ومدام القهوة حردتا الأحسن ليك تعتذر من مني خوجلي
معقول أفوت قهوة منى .. الا من قبييييييل راجى سمعة يهز الفنجان عشان الدور يصلنا وهو مابى .. كنت عايز اقول (غايتو) لكن بقى عنها سيد (وكدا )برضو عنها سيد .. أظن تانى معاكم الا نتحاوى بي رطانتنا..
..
اغمز لسع .
Post: #93 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 12:51 PM
معقول أفوت قهوة منى .. الا من قبييييييل راجى سمعة يهز الفنجان عشان الدور يصلنا وهو مابى .. كنت عايز اقول (غايتو) لكن بقى عنها سيد (وكدا )برضو عنها سيد .. أظن تانى معاكم الا نتحاوى بي رطانتنا..
..
اغمز لسع .
يا ود الملك اخوي قلبك ابيض صاحبك سمعة بقي يخاف يدخل تاني عشان ما يقولوا عليهو البكائي جاء البكائي جاء وقهوة مني تنفعك اكان برطانة ولا بلاها خلاص ما تغمز تاني بنغمز نحنا لكن ما تنسي طالبك تعلمني الرطانة!!
Post: #90 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-08-2008, 12:24 PM Parent: #80
Quote: ياجماعة فى ناس اساسية فى بيت البكا ده انا ماشوفتها جات عزت ووسط الزحام اخدلتها بكية وشويه تنهدات واستغفرت ربها بعد داك غايتو يامحمدالبشرى كده ماكويس منك انت ومحمد الصايم ذى ماقال هاشم عملتو رعب للخلق بااسابيكم المدورة ديك الواحد يفكر وكويس قبل مايكتب اويبكى خاصه وانا شايفه بقى عندكم نظام شفتات وكده تسلمو كلكم يارب ...
ماجدة الماجدة انا عارف في ناس بكاية جنس بكاء لكن خايفين من ودالبشري خاصة وانو هو ظات نفسو حضر المناديل وقعد يصور في الداخل والمارق من الصيوان في ناس عزو بالتلفونات وناس عزو بالمسنجر وناس كاتمة في نفسها لكن احسن ليهم يبكوا عشان بعدين ما تجيهم صدمة قوية وكده
ود البشري الحبيب انتا عارف اخوك ببكي بدون خوف لكن المشكلة في الناس اللي عايزة تبكي دي وخايفة من مناديلك ومن اسابيعك . لكن طالما اديت تصريح البكاء خلاص نعتبر البوست ده مجلي من اسابيع البورد
هاشم إنت الخبر دا ما وصل صديقك اللدود واللا يارب عزي بالتلفون ؟
Post: #103 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 05:39 AM Parent: #100
Quote: اشم إنت الخبر دا ما وصل صديقك اللدود واللا يارب عزي بالتلفون ؟
ولا يا ربي عزي بالتلفون
المفروض يا ود الملك صديقي اللدود يتحمس شوية ويدخل يرد عليك ويرجع تاني لقواعده سالماً اصلو اليومين ديل وزارة الداخلية بتاعتو لسه في السودان
Post: #101 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 05:27 AM Parent: #99
Quote: ياخ ماممكن.. القهوه دي اعمل فيها الوقت كله ما وقفت.. انتو بكايين كده مالكم؟؟ براكم تسووها في نقسكم وتجوا تتعبونا بي جاي!
ود البشري سيبك من غمزة الجماعه.. خليك مع غمزتي أنا.. لما تشوفني غمزت ليك معناتها تمد المناديل الناعمه..سمح؟؟
وخلاص رضينا عليك محمد علي طه ...ما بنغمز لما الدور يجيك..بس ماتكررها تاني.. قهوتي دي المابيريدها..ظاري عديل ما بيريده
منوية زهجتي من الضيوف ولا شنو ؟؟؟ ومال لو جوك ناس المنبر كلهم تعملي شنو ؟؟ الزمي الصبر يا بت امي والجاتك في قهوتك السادة سامحتك
Post: #102 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 05:35 AM Parent: #101
العزيز جداً وائل اولاً ما شاء الله ربنا يحفظ ليك بنتك وشوف حجم الصورة كده كيف ؟؟ لو عجبك نزلا في البروفايل ولا ياربي هربتا من البوست
Post: #104 Title: Re: ودعـــت هـــواك بــلا حـــزنِ Author: محمد البشرى الخضر Date: 03-09-2008, 06:46 AM Parent: #102
منى
Quote: ود البشري سيبك من غمزة الجماعه.. خليك مع غمزتي أنا.. لما تشوفني غمزت ليك معناتها تمد المناديل الناعمه..سمح؟؟
لا النبي فيك يا منى لما تدوري المناديل عيطي لي عديل ولا رسلي لي من جنياتكم الحايمين ديل بس اعفيني من غمزتك كبرت و بقيت ما بتحمل انا
هاشم يا عمك ما قاليك تصغير الصور دا خليه ما بتوب اصلك انت
Post: #105 Title: Re: ودعـــت هـــواك بــلا حـــزنِ Author: عماد محمود علي Date: 03-09-2008, 09:48 AM Parent: #104
بصراحة يا هاشم البنية الفي الصورة دي ليها حق ما تصدقة ، الزول ده كضاب جنس كضب ( ذي صاحبي دااااك ) هسه أمانتاً في ذمته في قلب بيكون في اليمين إن ما كضاب .
مودتي
عماد
Post: #108 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 10:50 AM Parent: #105
Quote: بصراحة يا هاشم البنية الفي الصورة دي ليها حق ما تصدقة ، الزول ده كضاب جنس كضب ( ذي صاحبي دااااك ) هسه أمانتاً في ذمته في قلب بيكون في اليمين إن ما كضاب .
مودتي
والله يا عماد اخوي انا شايف قلبو في النص عديل كده
Post: #106 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 10:05 AM Parent: #104
Quote: هاشم يا عمك ما قاليك تصغير الصور دا خليه ما بتوب اصلك انت
ود البشري ما قلت ليك انا زول واضح وما بخاف لانو نيتي صافية زي الطفل الرضيع
يادوب لقيت نفسي في اسابيع البورد
Post: #107 Title: Re: ودعـــت هـــواك بــلا حـــزنِ Author: محمد البشرى الخضر Date: 03-09-2008, 10:24 AM Parent: #106
هاشم يا عمك
Quote: زي الطفل الرضيع
الله يسألك الجعري و الحي ووب الفوق ديل بكا طفل رضيع
Quote: يادوب لقيت نفسي في اسابيع البورد
فتشت زي ما قلت ليك بالغا غاووون ولا كيف
Post: #109 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 11:13 AM Parent: #107
Quote: هاشم يا عمك Quote: زي الطفل الرضيع
الله يسألك الجعري و الحي ووب الفوق ديل بكا طفل رضيع
خلاس يا عمك زي الطفل الكبير حلوة دي وبعدين البكاء علاج ولو ما مصدقني اسأل أختك مني خوجلي
Quote: Quote: يادوب لقيت نفسي في اسابيع البورد
فتشت زي ما قلت ليك بالغا غاووون ولا كيف
فتشتا بس لو سمحت اعرب ما تحته خط !! ما عرفتها؟؟؟
Post: #110 Title: Re: ودعـــت هـــواك بــلا حـــزنِ Author: محمد عثمان Date: 03-09-2008, 11:25 AM Parent: #1
هااشم...
سلااااام
ما ممكن الصفحة تكون صانه كدا...!
Post: #111 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-09-2008, 11:36 AM Parent: #110
Quote: هااشم...
سلااااام
ما ممكن الصفحة تكون صانه كدا...!
ياسلالالالالالالالالام عليك يا هندسة ياخ والله بحبك وجودك في هذا المنبر كالبلسم الشافي المعافي متعك الله بالصحة والعافية يا وجيه .
البن قرب يكمل وكذلك المناديل..هو بس بكا ولمه وخلاص كفايه؟! امشي ياهاشم جيب الحاجات..الناس صدعت من البكا! البكا لازم يكون فيه صرف.. مش شيل اسم من القلب وخلاص!
قلت ليك يا محمد..
هو بيكون شاله كيف؟
Post: #118 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-10-2008, 01:05 PM Parent: #115
Quote: امشي ياهاشم جيب الحاجات..الناس صدعت من البكا! البكا لازم يكون فيه صرف.. مش شيل اسم من القلب وخلاص!
حاضر يا منوية أختي اها من دربي ده ماشي السوبرماركت لكن عليك الله اكتبيها لي عشان ما انسي حاجة كده ولا كده انا عارف طلباتكم كتيرة وما بتنتهي
Post: #119 Title: Re: ودعـــت هـــواك بــلا حـــزنِ Author: محمد عثمان Date: 03-10-2008, 01:11 PM Parent: #115
منى..
سلااام
Quote: قلت ليك يا محمد..
هو بيكون شاله كيف؟
طبعا الا بعد ما كتب شيك.. عشان الفراش دا داير ليهو ميزانية تقيلة نغطى بيها الشيك دا...
Post: #120 Title: Re: ودعـــت هـــواك بــلا حـــزنِ Author: محمد عثمان Date: 03-10-2008, 09:05 PM Parent: #110
سيبى دربى خلاااص كفاااية اضيع معااك و تضيع خطااى شلت اسمك من ضميرى اصلو حبك كاان حكااية انا كنت ما عارف الحقيقة ضايعة كانت من البداية الا فى الاخر عرفت انو قلبك ما معااى.....
Post: #112 Title: Re: ودعـــت هـــواك بــلا حـــزنِ Author: ismeil abbas Date: 03-10-2008, 11:40 AM Parent: #1
أها يا هاشم.. .................. ألأرنب كيف..وأبوهو سعيد كيف.. ............................ أمشى بلا جرسة معاك...............محمد عثمان فى الصيوان بره ذات البكاء ..
وأختنا منى خوجلى مشت للنسوان جوه وجات قالت البن كمل..بعد ده موية ساى.. ....................................................................... ياسلالالالالالالالالام عليك يا هندسة ياخ والله بحبك وجودك في هذا المنبر كالبلسم الشافي المعافي متعك الله بالصحة والعافية يا وجيه . .....................................................
هاشم جرسة.. إسماعيل محمد احمد عباس.................
Post: #121 Title: Re: ودعـــت هـــواك بــلا حـــزنِ Author: محمد على طه الملك Date: 03-10-2008, 09:53 PM Parent: #117
Quote: بتعرف موية الرز...ده عمك..
تقصد دي يا سمعة؟ طيب بخاره كيف؟ بعد يغلي طبعا
Post: #125 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-11-2008, 01:00 PM Parent: #121
Quote
Quote: : بتعرف موية الرز...ده عمك..
تقصد دي يا سمعة؟ طيب بخاره كيف؟ بعد يغلي طبعا
ود الملك صاحبك سمعة بقصد دي
Post: #124 Title: Re: ودعـــت هـــواك بــلا حـــزنِ Author: هاشم أحمد خلف الله Date: 03-11-2008, 12:32 PM Parent: #117
Quote: أها يا هاشم.. .................. ألأرنب كيف..وأبوهو سعيد كيف.. ............................ أمشى بلا جرسة معاك...............محمد عثمان فى الصيوان بره ذات البكاء ..
Quote: العزيز جداً وائل اولاً ما شاء الله ربنا يحفظ ليك بنتك وشوف حجم الصورة كده كيف ؟؟ لو عجبك نزلا في البروفايل ولا ياربي هربتا من البوست
عدلنا الصورة
ما هربت بس كنت فى العناية المركزة
انت عارف اليوم داك (27 يونيو 1999) كنت بسمع فى كاظم ((زيدينى عشقا )
فكتبت
امتينى فأحيينى فأنتى المن و السلوى و نبض فى شرايينى و انتى اللذة الكبرى ثسكرنى فتردينى سراب فى مخيلتى و سلوى لا تعزينى امتينى فأحيينى الا ي توأم الروح على الايك حمامتنا الا فاشجى الا نوحى الا قصى حكايتنا الا بغرامنا بوحى
امتينى فأحيينى فأنى ابن احساسى اصوغ مدامععى شعرا فذا قلمى و كراسى وهذه صرخة الملتاع فصدك جارح قاسى
عودى سألتك بالاله و كل معسول الكلام عودى سألثك بالليلى البيض من بدر عودى فأنى كالحطام عودى بحق زمالة كانت سنى اربع مرت كنجم عابر بين الغمامة يلمع كانت ثحيتنا العيون و كنت اصغى اسمع لحن القلوب و سرها فالجهر منها يمنع
Post: #123 Title: Re: حاضر يابو الشوش Author: ابوبكر يوسف إبراهيم Date: 03-11-2008, 11:31 AM Parent: #122
أخي الحبيب هاشم
سلام على روحك الطيبة
من أنين الشجون .. وعروق الحروف هل تجمع عمرا أخي هاشم ؟ يجيئ بك من ثغر الصباح تنتهيد الأسى في وجدانية الفراق .. فراق بلا حزن؟! لعمري هذا كما الوداع الأخير الذي لا لقاء بعده !!
Post: #127 Title: Re: حاضر يابو الشوش Author: هاشم أحمد خلف الله Date: 03-11-2008, 06:13 PM Parent: #123
Quote: أخي الحبيب هاشم
سلام على روحك الطيبة
من أنين الشجون .. وعروق الحروف هل تجمع عمرا أخي هاشم ؟ يجيئ بك من ثغر الصباح تنتهيد الأسى في وجدانية الفراق .. فراق بلا حزن؟! لعمري هذا كما الوداع الأخير الذي لا لقاء بعده !!
أخي الحبيب ابوبكر دائماً حاضر في مواقع الفرح والجمال ام اليوم فحضورك بلسم شافي لجراحات الوجدان والعبرات والتنهدات غايتو ما بتكون جليت من حب قديم ما زالت آثاره تتبع خطاويك علي العموم قهوة اختنا مني خوجلي مازالت موجودة ومناديل ود البشري موجودة : D نزل ما شئت من الدموع ولا تحبسا
Post: #126 Title: Re: حاضر يابو الشوش Author: هاشم أحمد خلف الله Date: 03-11-2008, 04:55 PM Parent: #122
Quote: عدلنا الصورة
ما هربت بس كنت فى العناية المركزة
انت عارف اليوم داك (27 يونيو 1999) كنت بسمع فى كاظم ((زيدينى عشقا )
فكتبت
امتينى فأحيينى فأنتى المن و السلوى و نبض فى شرايينى و انتى اللذة الكبرى ثسكرنى فتردينى سراب فى مخيلتى و سلوى لا تعزينى امتينى فأحيينى الا ي توأم الروح على الايك حمامتنا الا فاشجى الا نوحى الا قصى حكايتنا الا بغرامنا بوحى
امتينى فأحيينى فأنى ابن احساسى اصوغ مدامععى شعرا فذا قلمى و كراسى وهذه صرخة الملتاع فصدك جارح قاسى
عودى سألتك بالاله و كل معسول الكلام عودى سألثك بالليلى البيض من بدر عودى فأنى كالحطام عودى بحق زمالة كانت سنى اربع مرت كنجم عابر بين الغمامة يلمع كانت ثحيتنا العيون و كنت اصغى اسمع لحن القلوب و سرها فالجهر منها يمنع
وائل ياخي الف حمداً لله علي سلامتك والله لو عندي تلفونك كان إتصلت عليك ومالو لسه نحنا فيها اكتب لي رقم تلفونك وحاأتصل عليك مباشرة
اما بالنسبة للقصيدة والله حلوة شديد يأخوي شكلك كده لسه مجروح ربنا يلطف بيك وبينا