Post: #1 Title: بمناسبة الذكري ال25 لرحيل الشاعر إسماعيل حسن Author: Fadl Karrar Date: 03-05-2008, 02:28 PM Parent: #0
ريحة التراب اسماعيل حسن
والله ياريحة التراب شديتنى للماضى البعيد عبر الزمان فى اللا مكان عبر البكون جوه اللى كان مشوار غريب حفيان وطيت جمر ام لهب الروح تهيم فوق النجوم والفانى .. مطمور فى التراب والله ياريحة التراب كيفن يكون درب الوصول لى ساحة ما شقاها زول من دونى دونك ألف باب وكم حجاب وكم ستور مندلى يا ريحة التراب أصلى مليت العذاب جيتا خايد فى الضباب شوق ليالى الغربة فى اعماقى داب الحنين جوه جوفى قصة ما شافت كتاب الصغيرون.. بى شقاوة الدنيا يا ..يمه شاب والله يا ريحة التراب العطش يبس لهاتى جيت أهاتى جارى لى موية الرهاب والله ياريحة التراب جيتا تعبان داير ارقد داير انوم انسى نفسى والشقى القاسيتو فى وادى الهموم داير ألولى النسمة بى فرحة صغير كره السموم والله ياريحة التراب ريحة التراب. والله يا ريحة التراب لازم أوصل مهما كان أوعى.. !!.. ما توصينى كنا وكان زمان الزمان يا أصلى ماليه أمان ونحن فى ساحاته !!.. زى خيل الرهان والله يا ريحة التراب لازم أوصل مهما كان حتى كان سدت سواعد الليل !!..دروب الكون وما خلت مكان حتى كان جار القدر !!.. شدانى فى قاع الزمان مو ضلام الليل بشيلو !!.. وبمشى لى فجر الأمان يا سلاسل القدرة ما برضى الهوان بمشى فوق المستحيل !!..بقدل وبتبختر كمان لازم أوصل لى مشاتل ريدى فى أرض الحُنان والله يا ريحة التراب
Post: #2 Title: Re: بمناسبة الذكري ال25 لرحيل الشاعر إسماعيل حسن Author: Fadl Karrar Date: 03-06-2008, 11:52 AM Parent: #1
من أجل إسماعيل حسن ومن أجل ريحة التراب لأن الحنين للأوطان من شيم الكرام والوفاء للذكري من الخصل الكرام
Post: #3 Title: Re: بمناسبة الذكري ال25 لرحيل الشاعر إسماعيل حسن Author: Fadl Karrar Date: 03-08-2008, 12:43 PM
المتتبع لجريدة السوداني هذه الايام يلاحظ أنها وعلي مدار جمعتين ( العدد الإسبوعي ) تنشر قصائد جميلة جداً للشاعر إسماعيل حسن رحمه الله ،،، وتتجلي فلسفة الشاعر ونظرته تجاه الحياه في هذه القصائد والتي يختمها بكلمة ( يا سلام ) سأحاول إيراد بعضاً منها في هذا البوست
