Post: #1 Title: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 00:55 AM
Post: #2 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 01:09 AM Parent: #1
Post: #3 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: حيدر حسن ميرغني Date: 03-05-2008, 01:19 AM Parent: #2
عزيزي محمد
سلامات
ده هبوط يوقف القلب
الله يحمينا
ادخل هنا وشوف مشاهد هبوط وشرح مفصل من قبل مختصين فى مجال الطيران
Post: #4 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: يسرى معتصم Date: 03-05-2008, 01:33 AM Parent: #3
Post: #5 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 01:36 AM Parent: #3
الأخ العزيز حيدر لك التحية و الإحترام شكرا لإيرادك لذلك البوست . الخبر الأول في هذا البوست ( إيربص تبع لوفتهانزا في محاولة هبوط في مطار هامبورج ) يبدو انه حدث قبل يوم أو يومين . فلقد رأيت الخبر في السي إن إن و كان هناك تحليلا في الراديو يطري خبرة الطيار لتغلبه علي الرياح المقاطعة cross winds و سيطرته علي الطائرة حتي عاود الإقلاع مرة اخري و يعيد الهبوط بسلام .
Post: #6 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 01:39 AM Parent: #5
شكرا يا يسري معتصم ... لك التحية و الإحترام
Post: #7 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: ترهاقا Date: 03-05-2008, 08:05 AM Parent: #6
تعرف يا محمد المسائل دى بتحصل لمن يسلموا المسألة لمساعد الكابتن ، يعنى تدريب وكدة ويقوم يجوط المسئلة كلها لكن ما فى طريقة لازم يتعلم ، حصلت لى تجربة سخيفة زى دى وأنا راجع من واشنطن لكاليفورنيا ،حصل عطل فى ماكينة وبعد شوية فقد الطيار الاتصال ببرج المراقبة ، وملصونا بلا مؤاخذة جزمنا وقعدونا زى الاسرى ، فى اللحظة دييك اكتشفت إنو فى كمية أديان فى الدنيا دى ، كل واحد بيدعوا ربه بطريقته ، ما داير اواصل عشان ما أخوف الناس من الطيران لانو بالنسبة لى اضمن من سواقة عربيتى فى الشارع
ولكم كل الود
Post: #9 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: حيدر حسن ميرغني Date: 03-05-2008, 08:18 AM Parent: #7
اخونا ترهاقا
يعلم الله وانا اليومين ديل على سفر من طوكيو للسودان اخاف جدا من الحاجات دي ... وكله بامر الله تعرف مرة كنت مسافر من كولومبو لبانكوك المسافة(3 ساعات) واحد خواجة سكران جدا طلب من المضيفة زيادة (العبار) فرفضت بحجة ان الكمية المسموح بها فى الجو لايمكن ان يتجاوزوها، ما كان منه الان ان مسك بـ(العدة) كلها ودفرها ودفر معاها المضيفة وتعال شوف اللخبطة والجرسة والصلوات .. وانا كنت جالس فى مقعد على الشباك على بعد كرسيين من المجنون ده
صاحبي المعاي قال لي اقرأ سورة يس الشغلة ممكن تودينا البحر قلت ليهو يس الطويلة ديك ... والله انا سورة الاخلاص بجمَع فيها بالرجالة يازول الخواجة اتلافوه ليك اثنين من المضيفين بحركة عجيبة قدموا من اتجاهين معاكسين اللي كان مواجه للخواجة لخمو بالكلام والتاني رمى فوقو طوق يقفل ذاتيا وتم تكبيله من البطن وبعدين اليدين وحقنة كبيرة وصاحبنا راح فيها لحدي وصولنا لمطار بانكوك وتعال شوف فلاشات النجدة وافراد البوليس غايتو كان ادوني فيهو فرصة فى المطار كنت قطعت فيهو كف ماكن
Post: #10 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 09:01 AM Parent: #7
الأخ ترهاقا :
Quote: عرف يا محمد المسائل دى بتحصل لمن يسلموا المسألة لمساعد الكابتن ، يعنى تدريب وكدة ويقوم يجوط المسئلة كلها لكن ما فى طريقة لازم يتعلم
و هذا بالضبط ما ذكره أحدهم في التحليل في الراديو .
Post: #8 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Frankly Date: 03-05-2008, 08:12 AM Parent: #1
شفت يا محمد سليمان الجلابة البيض ديل ابين عيون زرق خطرين كيف
جيرمان ماشين
دا هسع لو أميAmi جاهل كان زمان بنتفرج في سحائب الدخان
ما تشيل بقجة ملابسك وتجي ألمانيا دي
ما تخاف من النازيين الجدد ديل زيّك واحد
كمال
Post: #11 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-05-2008, 09:09 AM Parent: #8
فرانكلي :
Quote: شفت يا محمد سليمان الجلابة البيض ديل ابين عيون زرق خطرين كيف
Post: #12 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: أبوبكر أبوالقاسم Date: 03-05-2008, 10:32 AM Parent: #1
الأخ/ محمد سليمان ............تحية طيبة
شكراً على الرابط والفيديو.
تخريمة لها علاقة بالبوست:
أنظر التعليق الذكى الموجود على تحليل الفوز بالـMSN from Slate
During Hillary Clinton's 11 straight losses to Barack Obama, her aides and allies started talking about the Clinton roller coaster. She wasn't in a death plunge, they said; it was just a steep drop before an inevitable upward rise. By winning the Ohio and Texas primaries Tuesday, Clinton got that lift, but her campaign seemed less like a roller coaster and more like Luftansa flight LH 044, a careening near-death experience that stabilized only at the last white-knuckle moment.
عفوا لتصحيح الإسم
Post: #13 Title: Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد Author: Mohamed Suleiman Date: 03-06-2008, 07:00 AM Parent: #12
الأخ أبوبكر القاسم لك التحية و الإحترام
هيلاري كلينتون لا زالت تقود السفرية Luftansa flight LH 044, و لسة ما ركّت ....