Post: #1
Title: الى عشاق الطمبور *** عودة الكروان محمد كرم الله في تلفزيون السودان الأن
Author: معتصم ود الجمام
Date: 03-04-2008, 09:53 PM
Parent: #0
عاد
الفنان محمد كرم الله صاحب
حتى الطيف رحل خلاني للغناء
الان على تلفزيون السودان
|
Post: #2
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: صلاح الفكي
Date: 03-04-2008, 11:16 PM
Parent: #1
نعم أخي معتصم..
محمد كرم الله.. ذاك الوجه السوداني الأصيل القادم من الشمالية .. البركل وكريمى ومروي.. وكل أرض الشمال .. يحكي حلاوة الزمن الجميل والفن النبيل.. والمعنى السمح.. استمعت للتو لحلقة جميلة قدمها تلفزيون السودان .. كان بها الشاعر محمد سعيد.. وعثمان الكودة.. والفنان الجميل ..محمد كرم الله.. الذي ابدع كعادته منذ أن سمعناه قبل ثلاثين سنة.. وحتى تاريخه.. فهو يزداد شموخا وجمالا .. مثله مثل الرجل الفنان الآخر.. شرحبيل أحمد..
بارك الله فيك مطربنا / محمد كرم الله.. وزادك الله حلاوة في الصوت .. ومتعك الله بالصحة والعافية..
|
Post: #21
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-06-2008, 09:37 PM
Parent: #2
......
|
Post: #3
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-05-2008, 00:14 AM
Parent: #1
لم يزيده الزمن الا وهجا وبريقا وتألقا....عاد ود كرم الله وبعودته تعود
منظومة عقد الابداع في التكامل ويتعمق تواصل الاجيال في أغنية الطمبور
...عاد لوتر الطمبور نغمه بعودة ود كرم الله....
لم يكن أصلا لأحتجابه مبرر فالرجل ظل طيلة مسير ته الفنية نموذجا للفنان
العفيف الكلمة واللسان والنقي المسار.....
شكرا ود الجمام......
ويالله حصلنا بالتسجيل يا " ياسيكو".....
|
Post: #4
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: منى على الحسن
Date: 03-05-2008, 06:16 AM
Parent: #1
Quote: عاد
الفنان محمد كرم الله صاحب
حتى الطيف رحل خلاني للغناء
الان على تلفزيون السودان |
لو تعرف شنو البحصلي وكت الليل يفلل
اردد آآه وتعقبا آآآآآآآآآآآآآه
والدمعات تبلل
برجعته نتنسم عبق الفن الاصيل والجميل
له التحية وقفاً واحتراماً لهذا الفنان القامة
لقد اهدانا اغاني اصيلة خالدة وفن جميل وسمح ومنظم
نتمنى له العافية الحلوة والعمر المديد ومزيداً من اثراء الساحة
الفنية بالغناء المتفرد والرائع
تسلم اخي معتصم على هذه الخبر الجميل
|
Post: #9
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-05-2008, 04:14 PM
Parent: #4
.....
|
Post: #26
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-08-2008, 09:37 PM
Parent: #4
Quote: برجعته نتنسم عبق الفن الاصيل والجميل
له التحية وقفاً واحتراماً لهذا الفنان القامة |
|
Post: #5
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: عثمان دغيس
Date: 03-05-2008, 08:45 AM
Parent: #1
ود الجمام ..
نرحب وبشوق شديد للجديد من ود كرم الله ...
صاحب الصوت الملائكي والروح والإحساس النقي الصادق ..
سمعت من مدة ليست بالقصيرة نبأ عودته للغناء لكني لم أصدق ما قرأت ...
وها أنت تؤكد الخبر ..
ما عارفين أسباب ظاهرة تصوف أو إنجذاب مبدعينا وبعدهم عن الإبداع ومن ثم العودة من جديد ..
البعيو مثالاً آخراًً...!
ظاهرة تستحق الدراسة فعلاً ...
منتظرين نسمع الحلقة
|
Post: #25
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-08-2008, 00:45 AM
Parent: #5
Quote: صاحب الصوت الملائكي والروح والإحساس النقي الصادق ..
سمعت من مدة ليست بالقصيرة نبأ عودته للغناء لكني لم أصدق ما قرأت ... |
|
Post: #6
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: خالد العبيد
Date: 03-05-2008, 09:54 AM
Parent: #1
اجمل خبر
ليت تعود لنا حنان النيل يا معتصم
يا أروى الربيع عليك بي حنان النيل!!!
|
Post: #7
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: مجدي بحر
Date: 03-05-2008, 10:15 AM
Parent: #1
خبر جميل جداً يا معتصم
بالرغم من اني احب الكورة وتحديدا برشلونة. لكن امبارح خليت مباريات دوري الابطال عشان اسمع محمد كرم الله
بعد السهرة قلت بلا كورة بلا بتاع
بالجد كروان.
يا سلاااام
لو في زول سجلها بالله ورونا...
|
Post: #8
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: هبة الحسين
Date: 03-05-2008, 10:42 AM
Parent: #7
معتصم يازوق..
مشتاقين..كتير ..
وحقيقة أنا ماعندي علاقة كده لابي الكوره
ولا بي الطمبور..
لكن ياخي تحياتي لي بحر شديد..
(نور المنبر)
..
مجدي ..كيفكم ..وناس البيت..
وصل التحايا..
|
Post: #10
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: معتصم ود الجمام
Date: 03-05-2008, 04:39 PM
Parent: #8
كل الشباب المارين من هنا
شكرا ليكم كتير ...
فعلا عاد معتقا ...
محمد كرم الله فنان ذو صوت اثر ...
فمرحبا بعودته صوتا جميلا ..
|
Post: #15
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: عمر ادريس محمد
Date: 03-06-2008, 02:37 AM
Parent: #1
|
Post: #17
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: yasiko
Date: 03-06-2008, 07:26 AM
Parent: #1
أدعوكم لزيارة هذا البوست وكشف أسراره
عبد العظيم منصور ...المبدع الفنان
|
Post: #18
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: ترهاقا
Date: 03-06-2008, 07:30 AM
Parent: #17
يا الله ، محمد كرم الله هذا الرجل المبدع ،بالرغم طول المدة لسع محتفظ بصوته وأدائه الجميل
كم سعدت بالاستماع إلى هذا الفنان الجميل ، ومرحبا به مرة اخرى ،
|
Post: #19
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-06-2008, 12:04 PM
Parent: #1
شكرا يا سيكو علي علي تنسيق هذه الازاهر الغنائية وياريت تورينا
أنطباعاتك عن هذه الحلقة وعن عودة الروح وعودة الطيف
|
Post: #20
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: معتصم ود الجمام
Date: 03-06-2008, 12:49 PM
Parent: #19
شكرا يا شباب
لتدعيمكم البوست بهذه الاغنيات الجميله
لكم الحب
|
Post: #22
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: حسن الطيب يس
Date: 03-07-2008, 04:29 AM
Parent: #1
الأ معتصم و كل الاعزاء اولاد شايق
مبروك عليكم عودة الطيف محمد ود عمي كرم الله
و حاتكم والواحد بعد ال حلقة شعر إنه كان
فاقد شئ عزيز
حليل ايام عطبرة يا محمد كرمم الله
ربنا يخليك و يخلي ليك اللوليدات و عقبال اخونا
الغائب إسحق
و من انا البوت دة كل يوم فوق
يا د يس و الفردة ابو الحسين كملوا الباقي
قواسيب تنقسي كلها كيكم
|
Post: #23
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: حسن الطيب يس
Date: 03-07-2008, 04:38 AM
Parent: #1
الأخ معتصم و كل الاعزاء اولاد شايق
مبروك عليكم عودة الطيف محمد ود عمي كرم الله
و حاتكم والواحد بعد ال حلقة شعر إنه كان
فاقد شئ عزيز
حليل ايام عطبرة يا محمد كرمم الله
ربنا يخليك و يخلي ليك اللوليدات و عقبال اخونا
الغائب إسحق
و مني انا البوست دة كل يوم فوق
يا د. يس و الفردة ابو الحسين كملوا الباقي
قواسيب تنقسي كلها كيكم
|
Post: #24
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-07-2008, 03:47 PM
Parent: #1
Quote: مبروك عليكم عودة الطيف محمد ود عمي كرم الله
و حاتكم والواحد بعد ال حلقة شعر إنه كان
فاقد شئ عزيز |
|
Post: #27
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: Yasier Elsayed
Date: 03-08-2008, 10:14 PM
Parent: #24
الاستاذ كمال عباس
والله عودة ود كرمالله هى عودا للغناء الشايقى الاصيل
وسوف يتبعها تغير كبير جدا فى خارطة الغناء الشايقى خصوصا
بداءا بهذه الحلقة والتى كانت بمثابة مرجع للغناء وظهور كل العملاقة فيها ايضا بعد غياب طويل
والشى الاهم من ذلك نرجو من الاخوة ذوى الاختصاص ان يتابعو هذا العملاق والتوثيق لكل اعماله واعنى التوثيق من اجل المحافظة وليس التسويق .
|
Post: #28
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-09-2008, 11:51 AM
Parent: #1
كتب الاخ ياسر السيد
Quote: الاستاذ كمال عباس
والله عودة ود كرمالله هى عودا للغناء الشايقى الاصيل
وسوف يتبعها تغير كبير جدا فى خارطة الغناء الشايقى خصوصا |
أرجو أن ينهل الفنانيين من الشباب من هذا المنهل والمنبع الفني العميق لتتم عملية
تواصل الاجيا ل
|
Post: #29
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: gessan
Date: 03-11-2008, 02:09 PM
Parent: #1
جميل ان نسمع بعودة الفنان محمد كرم الله ..
كثيراً ما أطيل السمع لأغنياته التي تحكي مشاهد عامرة بالجمال عبر الكلمة البسيطة..
طمنبور كرم الله -بإيقاعه المتمهل- كل ما اسمعه يمنحني كثير من الطرب الخاص ..
يا المِشتهِنّك في غيابك بالنا بيك إنشغل ..
النوم وراك يبقالنا شر ..
فارق عيونّا خلاص رحل ..
مِتضايقين مِتين ترجع تعود
ونسأل متين قطرك يصل..
حارسين شويفعاً اليجيب لينا البشارة يجيب امل
يجري ويناهد من بعيد شايِّلو شوفتك بي عَجَل
يفرح يقول خليتو جاي وراي يسالِم في الاهل
والساعة ديك عاد البلد تِتِجارى ..قاصداك يا السمح
والناس توسوِس لي بعض يَداك وِصِل.. والله صِح
حتى اللي كان محزون وباكي الليلة عاد هشَ وفِرِح
بي يوم رجوعك يا حِبيّب روحنا نبرىَ من الجرِِح
والساقي "الساقية" بعد العنكبوت الفوق حِطِيبا بنى
بعد الكآبة ومسحة الحُزن العليها مهيمنة
مرقت تلاقيك زي عروس متعطرة ومتزينة
جدولنا من بعد اليباس الكان ملازم جنتو
بعد العذاب الفي غيابك كان يزيد لي محنتو
بعد السنين العاشا في بُعدك بيكتم أنّتو
يلقاك في رجاك زي عريس جديد بي حِنّتو
واوتار طنابيرنا الأبت يا حِبي في غيبتك تَرِن
حلفت محل ما تجيب نغم يسعد قلوبنا ويفرحن
عادت ليالي الزمان تسعد نفوسنا وتبهجن..
******
وكت السمحة في هيباتا تِتجلىَ
تشيل خطواتا في إيقاع وحلاة إيدينا في التَلة
تودي صِديرا قِداما تخلي سبيبا يتدلىَ
هَي تخلي الدارة فوق نيرانا تِتقلىَ
تراني حلفتا بي الله
تاني بقول وحات الله..
تراني حلفتا بي الله
طبيعي غزير لا باروكة لا سَلة
كأنُو حرير وكاسيهو السواد حُلة
كل الشافا قال بارد الحَشا وصلىَ
ياخ روّح فوق سعير أشواقو يَتملىَ
تراني حلفتا بي الله
وتاني بقول وحات الله ..
هَي قليبي انا بيها مشغول ديمة يا خِلاَّ
اقولو خلاس نخليها..يقولي هي كمان بتتخلىَ؟
واقولو كفاك تبل الشوق ..هُو شوق الجِن بينبلىَ؟
تاني بقول وحات الله ..
تراني حلفتا بي الله
تعال يا بدري عاين بدرك الهلاَّ
خلي عقلك يبقى ثابت وما يكون ولى
والله نورو جهرنا نورك يا بدُر طلا
دا انا ما هماهو شوقي وزادو إن قلا
تاني بقول وحات الله ..
تراني حلفتا بي الله
هَي عِشان عارف السميحين زيُو في قِلة
نحنا كل ما قلنا ينزلينا ..هو يتعلى
حقو تسعد دارنا كان غشاها يوم طلا
دا بينور بيتنا للجيران والحلة
تراني حلفتا بي الله ..
تاني وتاني بقول وحات الله
تراني حلفتا بي الله..
(أتمنى ان اكون قد كتبتها صحيحة)..
*******
تعرف يا معتصم ..يا صاحبي ..كرم الله
عندو واحدة بقول فيها:
سهران ليلي والناس نامو للانوار تكتِّل
أمنّح آهة ..وانوِّح أهة
بين عينيا (توشِّل) ..
يا سلاااااااام ..
توشِل ..وشلان ..اي تدفق دمعها نقاط متواصلة..!!!
كانت امي عندما تشتري زير جديد تقول سنتركه ايام يوشِل حتى يكمل "وشلانو" ..اي يكمل دفقه عبر المسام..
وبالتالي يتم تحديد اي الاماكن تحتاج لمعالجة ولبعض مساماته ان تتقفل..بمسحها بمسحوق الطوب الاحمر اي الفخار نفسه..
وتقاس درجة الوشلان ..بماء "النقاع" اي ان يصل وشلان الزير الى نقاط
متقطعة..
ونفس الشيء ينطبق على "القِربة" و"السِعِن" فالوشلان المعقول دليل على أنها جيدة البرودة..!!
هذا هو الوشلان الذي اعرفه..
اما عند شاعر محمد كرم الله فهو دفق الدمع
من آهات المحب عندما يطيل به السهر ..!!
مش لي حق اسمع الزول دا وافرح بي جيتو ..
تحايا للجميع
|
Post: #30
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: areej alhag
Date: 03-11-2008, 04:22 PM
Parent: #29
عزيز
يا عزيز
كلامك يوشل الروح رايك شنو ؟
تسلم يا صديق ومن حقك تفرح بود كرم الله
|
Post: #32
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-13-2008, 09:31 PM
Parent: #30
...
|
Post: #31
Title: Re: الى عشاق الطمبور *** عودة الكروان محمد كرم الله في تلفزيون السودان الأن
Author: kamalabas
Date: 03-12-2008, 04:55 PM
Parent: #1
Quote: جميل ان نسمع بعودة الفنان محمد كرم الله ..
كثيراً ما أطيل السمع لأغنياته التي تحكي مشاهد عامرة بالجمال عبر الكلمة البسيطة..
طمنبور كرم الله -بإيقاعه المتمهل- كل ما اسمعه يمنحني كثير من الطرب الخاص .. |
|
|