زمان زمن الرادي الجميل.. كنا نتحلق حول ذلك الجهاز الأثري الآسر.. نغسل الوجه بماء بااااااااارد حتى لا يداهمنا النعاس قبل برنامج في ربوع السودان.. ويشعر الواحد منا بنشوة عجيبة عندما ينطلق أيقاع السيرة ..في ضربات أنيقة وثابتة قبل أن ينطلق صوت الراحل أحمد عمر الرباطابي معلناً شعار البرنامج الذي أصبح أغنية خالدة في حد ذاته..(من أم در يا ربوع سوداننا نحييك وإنت كل آمالنا)... ثم تبدأ جولة البرنامج الجميل... يذهب بك الخيال مذاهب شتى.. ويأخذك في ترحال حميم إلى أعماق جمال السودان وتراثه وثقافاته المتعددة..وموسيقاه المتنوعة..
الراحل النعام آدم..صدح بالكثير من جميل الأغنيات.. ولكن جنا الوزين لها وقع خاص جداً في نفسي.. لا أدري لماذا..
حبيبنا الموسيقي والفنان المطبوع طارق أبو عبيدة.. أعرف وأحتفظ لك بتسجيل قمت فيه بتناول هذا النموذج الجميل (جنا الوزين) بصوتك العذب.. نعشم في كرمك بإنزاله هنا..برابط الحفظ كمان..
والله ضحكت حتي دمعت عيناي العتب علي النظر و السهر و الكبر الدخل يا محمود ياخي و دكتور مصطفي حبابو عشرة ياخي راجل كلس برضو لا يقلل ذاكـ من الاحتفاء بي عودتكـ انت برضو ياخي كيفنكـ و اعذرني علي الخلطـ بين الارابيب و الارابيب دي ما بدوها من طرف .. دي حكر ليكـ و لي دكتور مصطفي و (اخرين)
الأخ محمود لك التحية ممتع، جميل و عودة إلى أحلى الذكريات إلى الأمام ملاحظة و اقتراح من(أم عمر) تقترح عليكم تغيير الكود؛ حتى لا يعمل تلقائيا. لأنه يشوش على الذي يريد أن يستمع إلى مواد الفيديو الأخرى. جرب بنفسك أن تستمع لفيديو النعام. ستختلط عليك المادتان (السماعيتان). و ترجو منكم أن تضعوا عناوين للمادة نفسها. مثلا تعريف للمغني الذي يغني أغنية النعام بالعود. و تشكرك على البوست .
الأخ أبي عز الدين..(أبو عمر) والأخت (أم عمر).. شكراً جميلاً لحضوركم السمح..
Quote: ملاحظة و اقتراح من(أم عمر) تقترح عليكم تغيير الكود؛ حتى لا يعمل تلقائيا. لأنه يشوش على الذي يريد أن يستمع إلى مواد الفيديو الأخرى. جرب بنفسك أن تستمع لفيديو النعام. ستختلط عليك المادتان (السماعيتان). و ترجو منكم أن تضعوا عناوين للمادة نفسها. مثلا تعريف للمغني الذي يغني أغنية النعام بالعود
ملاحظة واقتراح أم عمر على العين والراس... وفعلاً كان هنالك مشكلة.. المغني الجميل الغنى لينا بالعود للنعام آدم..هو الفنان الجميل الأستاذ طارق أبو عبيدة.. وهو نفس الزول الجميل الظبط لينا المشكلة بتاعة ازدواج الصوت ...
ود الجيران الظريف...ياخ والله البوست دا بتاعك عدييييل...
Quote: شُكراً يا محمود على البوست الظريف ..
وشُكراً يا طارق ..
بالعكس ... شكراً ليك إنت ذاتك يابا...
بالمناسبة أنا ما سمعت لا شوفةً تبل الشوق بصوت الأمين عبد الغفار... لكن سمعتها عند الشاب سعد..بتاع نجوم الغد.. لكن والله لو كسر رقبتو ما أنزلها هنا..
أوعك تسألني ليش؟؟ اتفقنا؟؟
تحياتي وتقديري الشديد..
Post: #22 Title: ما دام طار جنا الوزين ...صلاح ابن البادية.. Author: ابي عزالدين البشري Date: 03-08-2008, 07:28 AM Parent: #1
الأخ محمود/ تحياتي و هذه أغنية جنى الوزين بصوت صلاح ابن البادية. ملاحظة: خايف تشتغل تشغيل تلقائي، لأنو بكري أبوبكر خوفني عديييييييييل كدة، كاتب أي تغيير سوف يؤدي إلى عدم تشغيل الفيديو....على العموم لو ظهرت نفس المشكلة مستعد أحملها في أي جهة ثانية و أنزل الكود البعرفو، كود بكري ما فارز فيه شي. غايتو على ذمتو عملت كت أند بوست، و البسويه الله كلهو سمح ، بس المهم نتابع معاكم. و ياريت القعدة تتم بحضور حبيبنا دكتور ياسيكو. الأخ طارق أبو عبيدة، الفنان المهذب/ و الله أنا طلعت داقس جنس دقسي. بقرأ لي خدر ده من زمن ما كان متابع إبداعاة الرائع عاصم الطيب، الصوفي الفنان. و مرة واحدة ما فكرت افتح البروفايل عشان أشوف الاسم الحقيقي. معذرة و الما بعرفك بجهلك.
Post: #23 Title: ما دام طار جنا الوزين ... محمد النصري.. Author: ابي عزالدين البشري Date: 03-08-2008, 08:05 AM Parent: #22
و هذه أغنية ما دام طار جنى الوزين بصوت الفنان محمد النصري
أخونا أبي عز الدين.. والله حقو الزول يقوم يحييك على البوست الجميل بتاعك دا... لوووووول.. فعلاً مساندة لما الواحد خجلان منك عديل كدا... ياخ تسلم والله من كل شر..
Quote: التكسر في صوت طارق دا حق حصري عديل كدا حتى شوف الارشيف
لا خلاص...
إن شاء الله يضوي ليك...
قال أرشيف قال...
وبعدين الأغنية المحتفظة بيها دي.. دحين ما رسلتها ليك أنا؟؟؟
شكراً يا أماني على وجودك... وتحياتي لك بمناسبة اليوم العالمي للمرأة وكدي..
شاعر الحقيبة ..الشاعر القومي الكبير محمد ود الرضي قال: لو تريض ساعة عشاهو...طيبو سكن الطرق المشاهو.. القمر والبان اختشاهو...من جبينو وضمرة حشاهو.. البريق العاتم سماهو أم فويطر أم زين باسماهو.؟؟؟؟ّّ!!!!!
الكلام ده فيهو كلام والله... لكن أقرب تأويل قاصدو أنا...إنه البوست دا نال نصيباً من الجمال بمرورك من هنا...