حلاوه طحنيه (بتعريفه)!!!!

لا الحلاوه دامت ولا التعريفه ولا تلك السعادة (الهنيهة)بقت!!!!
على وريقه من راجع الصحف كانت (تندس) الطحينيه غير عايئة بالزيت (الرطب) بذات الرائحه التى تكشف من تناولها عصرا من (كنتين) عم قاسم (اليمانى) الذى كان يكيل قطعة الطحينية كما (الكافيار) المضغوط,,,
غير بعيد وعند اول ناصية تذوب (اللهطة) فى الفم وتكتمل سعادة (الأشباع) وتبقى الذكرى !!!!سعادة ونشوة عظيمة كانت تمنحوها فقط طحينية (بفد) تعريفه!!!ياللعجب!!

تلك الأيام لا ننساها ابدا تزداد توهجا وهى تعبر السنين (برهق) عظيم !!تتضاءل الأمانى ومعها الطحنية (القيمة)ونوع العلاقه العفوية (ادينى حته)!!فى زيارتنا لمصنع الطحنيه حسب برنامجنا الدراسى كان الكل (لهوفا) ليعرف كيف تنتج؟ومن ماذا ؟؟وحساده عديل !!!العاملين عليها اكيد (بيلغفوها) مجانا وبكميه (مفتوحة)!!
البنت الحلوه طحنيه!!!!واى حاجه حلوه طجنية!!!وطحنيه بالزبادى!!وطجنيه بالزيت!!!وطحنيه بالسمنه!!!وطحنيه بالعسل او المربى!!ويمكن ان يصل الى طحنيه بالعدس (لذيذ جدا) !!!ربما ففى تلك الأيام النفس مفتوحه!!!

اخي كوفي
مسكاقمي
يعني كان في داعي تعلم الناس اننا ناس عجائز وعشنا وشفنا وتمتعنا بالايام السمحة في السودان ايام الطحنية والزلابية والطعمية والدوم والترمس والتسالي والمرروا وحلاوة بلي بتعريفة ودكاكين اليمانية في الناصية والجريدة بقرش وتركب البص بقرش واذا عملت ابوني يقع معاك اقل من القرش
تذكر الابوني يا كوفي لمن يجيك الكمساري تطلع ليه الابوني
يا حليل زمان وايام زمان وروعة زمان

Quote: ان يصل الى طحنيه بالعدس

والله يا اخوي كوفي دي انا ما حضرتها يمكن قبلي ايام مملكة نوباتيا
مش كدا

حمزاوى
سكرفى
لو ما معاك قرش زياده ماكان بتركب البص لأنو اكيد حيركب معاك (معرفه)ولازم تدفع ليهو!!!
اكيد حضرت الطحنيه بالجبنه!!!حيث يمكن التأريخ الأجتماعى والسياسى من خلال تعاملك مع الطحنيه وما شابه!!!
ونواصل