Post: #1
Title: طـاحونة ومرة مجـنونةةةةة
Author: حبيب نورة
Date: 03-03-2008, 07:39 PM
الغيبوبة هي أستمتاع بالعالم حتي النفس الأخير !!!
انت وهم ولا بتاع لجنة شعبية ؟؟؟؟؟
هسة الكلام دة داير ليه حصة عصر ؟؟؟
الحاصل ووجع المفاصل توازياً مع معطيات البهرجة الوجدانية بعكس لينا
الحالة الظلامية الهلامية جوانا!!
لكن كهربة الاحساس جمرة خبيثة ... زي فاتيّة حبشية خاشة البلد دي بي فيزة ربة منزل فاكي
اول جملة تحفظا الدفع قبل عبد الرافع ,,, الكاش بقلل النقاش
والأستاش البلاش بطفي الفلاش ويحرق الصورة ويحلج الماسورة !!
أبقي مارق يا فردة وخليك حريف ,,, ما تجيب من جوة زي ابوبكر الشريف
علشان الدوشة الحاصلة دي نشوق لينا منها مخارجة قبل ما يقولو لينا (كتمت)
ونفتح الرادي نسمع بيان من بشير جديد!!
الواحد لو قلت ليه يا منقة وانت فرحك دسيس !!
يامان انا جابو لي ولد
يقول ليك أصلو ما ممكن ... ياخ انشاء الله عقبال الهمر !!!!
معقولة انا متزوج معرض سيارات ؟؟؟؟؟
نعمل رايحين ونتجاوز حتة انو الكدايس خلت سكنة المستشفيات وسكنت في دماغنا
لدرجة أننا أتحلينا عن حلمنا التأريخي
(بيت ناصية ومرة دافية وعمارة في الصافية ,, طاحونة ومرة مجنونة)
حتي تلقي ليك واحد يقول ليك
يا أخينا الكيس الشايلو دة لو فيه سمك أديني منو موزة!!!
ناس دايشة وخاشة في غيبوبة غريبة وما عارفين هم شايتين وين
والمصيبة الواحد لو لقي نقسو هو والقون يعمل تاني كسرة يا أبو علي
اها يا لوراندينو!!!!
الغيبوبة هي الشعور ان اللاوعي دة زول تفتيحة
ود قلبا وود حتّتا !!!
لكن البهرجة لمن تكون خرمجة بتخرب البرمجة وتقطع الكهربة
في بلد عايزة شيرنغ شان تطلع شمش
شان تعمل النجوم طلب بوش في قدح السما
الحلة بصل والمرة كرعين و الفرح بالدين والأمل بعدين !
وضحاكات الحزن كنجالات والفي النصيب هللات
يا أصلي (السان) ديل عملو حمد لبد أحسن حاجة نشوف لينا (فايزة كمال) للسعودية
أنشاء الله نشتغل حليب المراعي بدل البهدلة دي
البلد دي لو ما عملنا منها(زغبير) بودونا الجنوب لحدي ما نعمل (الشهد والدموع)
وتبقي يا الزينة لا شرفاًحفظتي ولا مالاً لميتي
وكدة نكون مهدنا السبل لأدلجة الغيبوبة وبوتقة البهرجة
في أطار ما يسمي بالمشروع الوطني الجديد
الذي يخضع للتنفيذ في الخطة الخمسية القادمة
التي يتم تنفيذها خمستاشر سنة!!!
ما قلت ليكم غيبوبة؟؟؟!!!
|
Post: #2
Title: Re: طـاحونة ومرة مجـنونةةةةة
Author: هاشم أحمد خلف الله
Date: 03-03-2008, 08:05 PM
Parent: #1
إزيك يا مسخوت والله كرهتنا الغياب ظات نفسو ؟؟؟
انتا عارف الذ حاجة تكون في غيبوبة عشان ترتاح من وجع الدنيا دي
يأخي سودانكم ده مش يخلي الزول يفقد الذاكرة وبس والله يخليك عامل
كده زي واحد بالع شٌراب معفن وشارب بعده كٌباية خل .
حدو وين ما عارفين ؟؟ ميتين حيين ما عارفين ؟؟ ياخوي ابقي عافية
وارقد سلطة بس .
|
Post: #3
Title: Re: طـاحونة ومرة مجـنونةةةةة
Author: حبيب نورة
Date: 03-03-2008, 08:15 PM
Parent: #2
هشومي
القال ليك منو دة سوداننا؟
انا غايتو ختيت ليه الختة السوداء
وينك وكيفنك يا اللخو
تحياتي لي ود شيقوق
والمحرب
عادل جبارة
والسمحين كلهم
شكرن كتيرن!
|
Post: #4
Title: Re: طـاحونة ومرة مجـنونةةةةة
Author: مجدي عبدالرحيم فضل
Date: 03-04-2008, 06:52 AM
Parent: #3
حبيب نورة
شوق أنعم من دقيق الطاحون ظاتوا 
وجن المرة ماتمرق حد الشوق وأشواقي ليك ما عدده بالله ماتغيب جنس الغيبه دي تاني سمخ  قول سمخين
،،،،أبوقصى،،،،
|
Post: #9
Title: Re: طـاحونة ومرة مجـنونةةةةة
Author: حبيب نورة
Date: 03-09-2008, 06:26 PM
Parent: #4
أبوقصي
تسلم يا الحبيب
وخليها علي الكريم
عايرة و أدوها فتمين
علومة مش كدة؟؟؟
شكرن كتيرن!
|
Post: #5
Title: Re: طـاحونة ومرة مجـنونةةةةة
Author: عبدالله كع
Date: 03-04-2008, 01:32 PM
Parent: #1
غيبوبه بالطريقه الصاح
كل ما نقول نطلع ونتفكفك من الدروشه الغيبوبيه
تلقي الواحد لافي زي الفرويل لكن يا قلب برضو احسن الغيبوبه
يامان الدينا والله جبانه للدين تخلي الاحلام المستحيلة ....
اسال اخوك المجرب حاولنا نعيش عيشة راحه وناكل براحه
و بدون خرمجه لقينا ليك الشغلة
يافردة دايرة الغبيوبه .... ومغلوبه يااصلي
ياحبا ديل نحنا لازم تكون الغيبوبه فينا
|
Post: #10
Title: Re: طـاحونة ومرة مجـنونةةةةة
Author: حبيب نورة
Date: 03-09-2008, 06:31 PM
Parent: #5
كع
يا جميل يا حلو
سمع هس!!!!
الله كريم علينا
شكرن كتيرن!
|
Post: #6
Title: Re: طـاحونة ومرة مجـنونةةةةة
Author: محمد الطيب يوسف
Date: 03-04-2008, 03:06 PM
Parent: #1
عليك الله ماتجدعا
أديني نفسين خلينا نتزبط معاك
تحياتي
|
Post: #11
Title: Re: طـاحونة ومرة مجـنونةةةةة
Author: حبيب نورة
Date: 03-09-2008, 06:35 PM
Parent: #6
محمد الطيب
أسكت يا فضيحة
الله يضرك
تتجازي وتاخد الاجازة
شكرن كتيرن!
|
Post: #7
Title: Re: طـاحونة ومرة مجـنونةةةةة
Author: ismeil abbas
Date: 03-04-2008, 05:15 PM
Parent: #1
حبيب نورة..
الزول الجميل
...................
طولت الغيبة ...بس إن شاء الله تكون إنت طيب.............والباقى كلو هين.
.....................................................................
(بيت ناصية ومرة دافية وعمارة في الصافية ,, طاحونة ومرة مجنونة)
حتي تلقي ليك واحد يقول ليك
يا أخينا الكيس الشايلو دة لو فيه سمك أديني منو موزة!!!
..........................................................
تعرف يا جميل الواحد زمان كل طموحو يقول ليك يا رب طاحونة ومرة مجنونة..لما تقول ليهو الطاحونة عرفناها المزة المجنونة لزومه شنو..يقول ليك عشان تنظف حجر الطاحونة..طبعآ ألآن كل شىء بالتقنية
وما فى حوجة للمرة المجنونة والجن بقا مننا وفينا..
وبعدين أى زول يطشش ويغبى ويعمل فيها مجنون زى إسكتشات راجل عامل مجنون للأستاذ الفتح جبرا..ده أنا
بعطبروا مكنتو خفيفة وكهربتو 110 زى هاشم احمد خلف الله شوف أول ما دخل معاك داخل شايت ضفارى..
مودتى...............
إسماعيل محمد احمد عباس..............................
|
Post: #8
Title: Re: طـاحونة ومرة مجـنونةةةةة
Author: emad altaib
Date: 03-04-2008, 08:37 PM
Parent: #7
ـــــــــــــــ
تسرق علشان ...
ناكل ...
انت منو..
القاليك...
عرس مره نقناقة .. ودقاقة...
في نسوان .. اصل .. وفصل ...
وتجبر الكسر ..
اها نحن في غيبوبة الزمن العصِر...
السمندل ... والمرقة ام ديكا رومي ..
جاب لينا .. الحانكلوا .. اب حكا حلوا..
حبيب نوره سلام لك
|
Post: #13
Title: Re: طـاحونة ومرة مجـنونةةةةة
Author: حبيب نورة
Date: 03-09-2008, 06:49 PM
Parent: #8
عمدة
اول حاجة بتعتذر لتأخر الرد
الظروف يا أهلنا
وكمان زمن مافي
لك العتبي
شكرن كتيرن!
|
Post: #12
Title: Re: طـاحونة ومرة مجـنونةةةةة
Author: حبيب نورة
Date: 03-09-2008, 06:43 PM
Parent: #7
أسماعيل عباس
أشكرك كتير
علي المرور الراقي
ربنا يديك العافية
شكرن كتيرن!
|
|