Post: #1 Title: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 00:11 AM
بسم الله الرحمن الرحيم
عهد ليس بالبعيد ذلك الذي نعم فيه أباؤنا وأجدادنا بالسيادة المطلقة للجمال والشفافية علي مقاليد الحياة... أحيانا يستهويني التفكير في تلك الظروف التي أحاطت بأولئك المبدعين من الشعراء والمغنين ليخرجوا لنا بكل هاتيك الدرر النفيسة... فأسرح بخيالي الجامح وأرسم تلك اللحظات التي نالت شرف إلهامهم ووحيهم..أكاد أري خيال المحبوبة الجميلة يتراءي أمام ناظري , المحبوبة التي بخلت عليهم بمجرد نظرة والتي هي بمثابة الزاد في رحلتهم الطريلة في عالم الشعر والوصف...أكاد أشعر بذاك الحنين الذي ينتابهم كلما ذكروها وذكروا تلك اللحيظات النادرة والتي جاد بها حظهم ليشبعوا ناظريهم بمرآها .أكاد أشعر بالألم الذي يعتصر أفئدتهم كلما زاد الهجران أو أبعدتهم الأيام عمن يحبون... يالله ....كم أعشقهم!!! وكم أتوق لأن تحين من الزمن إلتفاتة نحوي فألتقيهم وأحدثهم ولو لثوان...ثوان أنهل فيها من عذب الكلام وسحر والإبداع الذي أفخر أنه ينتمي لوطن أنا منه... ولكني سرعان ما أعود لأرض الواقع الشحيح الذي قلما يجود لنا بدرر شبيهة بتلك.....
عتيق....... كيف ليك وصول ..وسكونك فوق بين سهيل وثري النوم من عيني دوام مفصول ...دموعي تلاقي وتذرف ري لقد أعياني الظمأ لذلك الجمال وتلك الروعة والتي تكاد تتفجر من طيات كلماتك الرائعة.... أنا دمعي هطول ....أحن للماك وقاسي علي أيصح في هواك تعذيبي يطول... يالبين أترابك لاهي خلي خلفت لنا كل ذاك الحنين وتلك الشجون التي كانت السبب في سبر أعماقك النقية والطاهرة وذاك الحب العفيف... رحمك الله وغفر لك وأسكنك فسيح الجنان....
جسمي المنحول جسمي المنحول براه جفاك يامليح الزى ****** كيف حبي يحول وفؤادي معاك يازينة الحى حلمك ياجميل انا دانى رحول تركني هواك بين ميت وحى ****** كيف ليك وصول ...وسكونك فوق لى سهيل وثرى النوم من عيني دوام مفصول دموعي تلاقى وتذرف رى ****** دى الساحره عقول ... بروق في غيم ولا در فى لمى خدودك أم ازهار في حقول سقاني غرامك صافى حمى ****** الطرفه وأقول ..احور متناعس ولحظه صحى تشوف في قوامه المال مفقول الظلمة شعور والقمره محى ****** أنا دمعي هطول ...احن لي لماك وقاسى على أيصح في هواك تعذيبي يطول بالبين أترابك لاهي خلى ****** من ردفه كسول ..بى جيده وعينه يسبى ظبي بالشوق يا نسيم ابقالى رسول لو يعطف ثانية يزيل البى
بصوت أولاد شمبات
Post: #2 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 00:12 AM Parent: #1
بصوت البروف بادي محمد الطيب
Post: #3 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 00:14 AM Parent: #1
بصوت الفرجوني
Post: #4 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 00:15 AM Parent: #1
بصوت العملاق أبوداؤود
Post: #5 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 00:16 AM Parent: #1
وأخيرا بصوت سليل العمالقة الرائع عاصم البنا
Post: #6 Title: Re: ***جسمي المنحول*** بين الماضي المزدهر والحاضر الشحيح Author: Emad Abdulla Date: 03-03-2008, 03:44 AM Parent: #5
و الله يا نهى الزول ما عارف يعمل ليك شنو !! يدعي ليك !! .. يسبّ ليك !! .. يشكرك !! .. يطلب الرحمة !! ..
ده غنا شنو اللا تعرف تسوي معاهو شي ده ؟ تسمع و بس .. في تأدب و إنصات و خشوع .
غايتو : بالعملتو إنت فينا .. الله يا ظالم يسامحك .
Post: #7 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 06:06 AM Parent: #6
أخي الجميل عماد والله حرام عليك قطعت لي مصاريني من الضحك المفروض إنها أغنية مليئة بالشجون لكن خليتني أضحك ضحك شديد
Quote:
يسبّ ليك !!
معناها إنت من أندنا...حلفاوي مأصل
ياسيدي لا أملك إلا أن أشكرك علي تعليقك الظريف... عارف الحاجة الممكن تعملها هي شنو؟؟ أنك تشرفني في البوست لأنو حضورك بيضفي جو من البهجة والفرح رينا يسعد أيامك
Post: #8 Title: Re: ***جسمي المنحول*** بين الماضي المزدهر والحاضر الشحيح Author: هاشم أحمد خلف الله Date: 03-03-2008, 06:13 AM Parent: #6
نها الجميلة المبدعة والله الشوق بحر حينما تعودين للمنبر يتلاشي الضيم والضجر وتعود البسمة ويضحك حتي القدر , ما أجملك وانت لحن الأغنيات وانتِ ترديد الغناء وإنتِ سكة شوق طويل بمشيهو لابعد مدي .
يا بت عرفتي من أين تؤكل الكتف ؟؟ شفيفة في طبعك شفيفة في إختيارك وبدعو ليك من صميم قلبي انو ربنا يسعدك ويديم عليك الصحة والعافية .
Post: #9 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 06:23 AM Parent: #8
أخي الجميل هاشم والله مشتاقين أخبارك شنو؟
Quote: حينما تعودين للمنبر يتلاشي الضيم والضجر وتعود البسمة ويضحك حتي القدر , ما أجملك وانت لحن الأغنيات وانتِ ترديد الغناء وإنتِ سكة شوق طويل بمشيهو لابعد مدي .
ياسلااام عليك والله خجلتني وماعارفة أقول ليك شنو شكرا ليك كتير ويديك ألف عافية يارب
تعرف الأغنية دي أنا بحبها جدا جدا .. يمكن لمعانيها الدافئة.. أو لانها معبرة جدا أو يمكن لانها من كلمات شاعري المعتق عتيق أويمكن لكل الاسباب دي
ربنا يسعد أيامك ويمتعك بالصحة وماتشوف نحول
Post: #10 Title: Re: ***جسمي المنحول*** بين الماضي المزدهر والحاضر الشحيح Author: sama7 Date: 03-03-2008, 06:54 AM Parent: #1
نهاااااااا
مسكاقمى
as usual sis
best regards
Post: #11 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 06:59 AM Parent: #10
الجميلة سماح
سكر في
شكرا ليك علي إطلالتك البهية
محبتي وتقديري الكبيرين
Post: #12 Title: Re: ***جسمي المنحول*** بين الماضي المزدهر والحاضر الشحيح Author: مجدي عبدالرحيم فضل Date: 03-03-2008, 07:16 AM Parent: #11
Quote: جسمي المنحول جسمي المنحول براه جفاك يامليح الزى ****** كيف حبي يحول وفؤادي معاك يازينة الحى حلمك ياجميل انا دانى رحول تركني هواك بين ميت وحى ****** كيف ليك وصول ...وسكونك فوق لى سهيل وثرى النوم من عيني دوام مفصول دموعي تلاقى وتذرف رى ****** دى الساحره عقول ... بروق في غيم ولا در فى لمى خدودك أم ازهار في حقول سقاني غرامك صافى حمى ****** الطرفه وأقول ..احور متناعس ولحظه صحى تشوف في قوامه المال مفقول الظلمة شعور والقمره محى ****** أنا دمعي هطول ...احن لي لماك وقاسى على أيصح في هواك تعذيبي يطول بالبين أترابك لاهي خلى ****** من ردفه كسول ..بى جيده وعينه يسبى ظبي بالشوق يا نسيم ابقالى رسول لو يعطف ثانية يزيل البى
لاتوجد بلاغة بعد تصل حد الرسول هذا يديم عليكي العافية يانها
الجروح بتروح وأنا كلي جراح
،،،،أبوقصى،،،،
Post: #13 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 07:21 AM Parent: #1
أخي الرائع الشفيف أبوقصي شرفني حضورك كثير وأسعدني تسلم إنشاءالله
شوف ناس زمان جيل كانوا حساسين كيف... مفرداتهم معبرة جدا وبتنقلك لعوالمهم وللظروف العاشوها... وأنا طوالي بقول الكلام ده... والله نحن أحسن ناس بنكتب غنا....
مودتي
Post: #14 Title: Re: ***جسمي المنحول*** بين الماضي المزدهر والحاضر الشحيح Author: مجدي عبدالرحيم فضل Date: 03-03-2008, 07:37 AM Parent: #13
مافي شك
والناااس ديل ثقافتهم ثقافة قرآن والبلاغة عنهم تفوق حد البلاغ نفسه هذا الإرث الثر يجب أن يحفظ ويوثق له لأن فيه مافيه
من جميل الصور البديعه والأوصاف البلاغية التي يعجز عنها غيرهم من أمة الأعراب أنفسهم وعروبتنا المكتسبة من دخول الأسلام
أكسبتنا هذة البلاغة والطلاقه البيانية فلهم شعراء بلادي الحبيبة ألفين سلام واصلي هذا السرح الجميل ونحن نتخيل ونتفئا هذة البراحه
ونكتسي بحٌلل زهرها اليانعه دمتي ودامت لكي هذة النظرة المتأمله في هذا الإرث الضخم كما وحجما.
،،،،أبوقصى ،،،،
Post: #15 Title: Re: ***جسمي المنحول*** بين الماضي المزدهر والحاضر الشحيح Author: ابوبكر يوسف إبراهيم Date: 03-03-2008, 08:18 AM Parent: #14
الأخت العزيزة نها
سلام على روحك الطيبة
أيتها الخريدة أتيت لنا بخرائد الزمن الجميل .. الشكر لك حتى ترضي فلا ينقب عن الكنوز إلا عاشقها وهاويها فهي إما مندثرة بفعل الفقر الحسي والذوقي المدقع لأهل الزمن أو ربما علاها غبار الإهمال فتألمت وتورارت حتى جاءت لتنقذها يديك.. أشكرك
أخي الكريم أبوبكر ألف ألف شكر علي الإطراء ويديك ألف عافية
فعلا كل تلك الروائع هي بمثابة الكنوز القيمة ولا نملك إلا أن نحافظ عليها بمحاولة توثيقها وإخراجها للأجيال الحديثة لينعموا بجمالها ويتمتعوا برونقها... شكرا ليك كتير علي الإطلالة مودتي
Post: #16 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-03-2008, 08:21 AM Parent: #14
أخي الفاضل أبوقصي فعلا ...وهل هناك أفضل من القرآن من يمكنه أن يعلم أصول البلاغة وصحيح القواعد وقوة المفردات..وأضف إلي ذلك عفة اللسان وطهارة الروح... ياسلام عليك أثرت نقطة مهمة جدا وهي كيفية إكتساب هؤلاء الأفذاذ تلك الموهبة وكيفية صقلها... بارك الله فيك مودتي وتقديري
Post: #17 Title: Re: ***جسمي المنحول*** بين الماضي المزدهر والحاضر الشحيح Author: Azhari Nurelhuda Date: 03-03-2008, 11:10 AM Parent: #16
طرب مجنون:
اليوم جمعة..... و (النهار واقف علي طوله) غرفة بها بابين و نافذتين من الجهتين الجنوبية و الشمالية حيث يمر الهواء متساويا متكاسلا و لزجا.....و من السقف تدلت مروحة (صينية الصنع) تصدر (سكيكا) يحرك سموم ذلك النهار... جلس هو بالعراقي البلدي المقلم بعد أن علق جلبابه متدليا من أحد ضلفتي الشباك الشمالي...و الريح شمالية تزيد النهار حرارة و تتخلل الجلباب معطية له شكله الطبيعي في تبادل مع تيار مروحة السقف و الذي يلغي ذلك الشكل... في حوار لا ينتهي... و من منضدة عتيقة يأتي صوت راديو أمدرمان من راديو (قروندك) ألماني أعتق... و أبوداود يحاضر في جسمي المنحول براه هواك يا مليح الزي.... و تابع هو المحاضرة في نشوة مجنونة ممسكا (بحقة تمباك) قديمة و التي هي في الأصل علبة تبغ بقي من لونها الأصلي أثر قليل... ينقر عليها طربا وهو يتابع أبوداود و هو يخرج من الغناء متدرجا مرددا: لو يعطف ثانية يزول البي..... لو يعطف ثانية يزول البي.....
و فجاءة دخل مذيع الربط ليقطع الغناء بشكل سافر...... فما كان منه إلا أن حمل (شاكوش كبير) و كتب نهاية لراديو طالت عشرته في ذلك المنزل فهو قد نقل مما نقل: أخبار جيوش الحلفاء و تأميم القناة و خطب عبدالناصر و سهرات أم كلثوم و ما يطلبه المستمعون و فارق الحياة بسبب مذيع ربط مجنون فارقه الذوق و المفهوم.....
وشكرا نها على هذا الطرب المجنون و الذي ظبط الراس... و عدل المفهوم........
Post: #21 Title: Re: ***جسمي المنحول*** بين الماضي المزدهر والحاضر الشحيح Author: Muna Khugali Date: 03-03-2008, 10:16 PM Parent: #17
والله يا نها..زي ما ازهري اتذكر... كاني في الخرطوم يوم الجمعه الضهريه.. ياسلام علي الايام والحنين للذكريات..
Quote: اليوم جمعة..... و (النهار واقف علي طوله) غرفة بها بابين و نافذتين من الجهتين الجنوبية و الشمالية حيث يمر الهواء متساويا متكاسلا و لزجا.....و من السقف تدلت مروحة (صينية الصنع) تصدر (سكيكا) يحرك سموم ذلك النهار...
ياسلام دي الأجواء البتفجر الابداع...
Quote: جلس هو بالعراقي البلدي المقلم بعد أن علق جلبابه متدليا من أحد ضلفتي الشباك الشمالي...و الريح شمالية تزيد النهار حرارة و تتخلل الجلباب معطية له شكله الطبيعي في تبادل مع تيار مروحة السقف و الذي يلغي ذلك الشكل... في حوار لا ينتهي... و من منضدة عتيقة يأتي صوت راديو أمدرمان من راديو (قروندك) ألماني أعتق... و أبوداود يحاضر في جسمي المنحول براه هواك يا مليح الزي.... و تابع هو المحاضرة في نشوة مجنونة ممسكا (بحقة تمباك) قديمة و التي هي في الأصل علبة تبغ بقي من لونها الأصلي أثر قليل... ينقر عليها طربا وهو يتابع أبوداود و هو يخرج من الغناء متدرجا مرددا: لو يعطف ثانية يزول البي..... لو يعطف ثانية يزول البي.....
و فجاءة دخل مذيع الربط ليقطع الغناء بشكل سافر...... فما كان منه إلا أن حمل (شاكوش كبير) و كتب نهاية لراديو طالت عشرته في ذلك المنزل فهو قد نقل مما نقل: أخبار جيوش الحلفاء و تأميم القناة و خطب عبدالناصر و سهرات أم كلثوم و ما يطلبه المستمعون و فارق الحياة بسبب مذيع ربط مجنون فارقه الذوق و المفهوم.....
شكرا علي القصة المجنونة... لكن الراديو ماعندو ذنب....هو كان يمشي يشاكل المذيع الماعندو ذوق....عليك الله في زول بقدر يقطع ليهو أغنية زي دي عشان يتكلم عن حرب....غايتو إتلوم
شكرا ليك كتير فقد أسعدني حضورك معانا ويديك ألف عافية مودتي
Post: #18 Title: Re: ***جسمي المنحول*** بين الماضي المزدهر والحاضر الشحيح Author: MXB6N Date: 03-03-2008, 02:07 PM Parent: #1
شكراً أخت نهى على هذا التداعي الجميل.. سعدت غاية السعادة لسماع هذه الأغنية المعتقة خاصةأداء أبو داؤود.. وأول ما سمعناها كانت بصوت الرائع النور الجيلاني الله يطراهو بالخير.. وحتى اللحن أضاف عليه كثيراً من لونيته الخاصة.. أكون شاكراً وممتنا لو أتحفتينا بالتسجيل دا..
تحياتي أجمل مافي غناء الحقيبة أنو بيتغني وبأكتر من فنان وباكتر من صوت...بتحس إنو كل واحد بيضع لمساتو علي الأغنية..عشان كده المفروض إنو بيرضي كل الأذواق وكل الأجيال....وهنا بتكمن المعجزة...
بهديك الأغنية بصوت النور الجيلاني
مودتي
Post: #19 Title: Re: ***جسمي المنحول*** بين الماضي المزدهر والحاضر الشحيح Author: صديق الموج Date: 03-03-2008, 06:37 PM Parent: #1
Quote: دى الساحره عقول ... بروق في غيم ولا در فى لمى خدودك أم ازهار في حقول سقاني غرامك صافى حمى
نها ابوراس ...الله يكسر راسك زى ما فرطقت راسى وساهرتى بى.. بالله تامل يا رعاك الله: دى الساحرة عقول ..بروق فى غيم والا در فى لمى اى هل تلك التى نراها ويكاد سنا برقها يخطف الابصار من فرط لمعانها هل هى بروق من خلف غيم ام درر فى لمى ..واللمى لفائدة الترجمه سمرة فى الشفاه تستحسن.. ويعود ليقول: خدودك ام ازهار فى حقول...بالله شوفو كمية التورد ده.. لاحولا ..وحاتك مفروض يقول ام قيامة رابطه.. امنت بادب هولاء.. ده اسمه غناء كعب خالس.. ما يغيظ ان ينبرى احدهم يقول ليك ناس الحقيبه لم يتعلموا.. اتينى باعلم من فيكم وهل يستعمل المحسنات البديعيه من جناس وطباق وتوريه وتشبيه وتشبيه مقلوب .. مثل هولاء؟؟ نها ابوراس تسلمى زيدينا سهرا زيدينا،،،
كمان لازم تساهروا معاي أساهر أنا براي في جنس الغنا ده والله بجن عدييييل كده
بالشوق يانسيم أبقالي لي رسول عسي قلبو يحن ويزيل البي
عليك الله شوف جنس الكلام ده.. غايتو عتيق ده أكيد كتل ليه زول
واللا لمن يقول سكونك فوق بين سهيل وثري شوف وزنة القصيدة علي بالأيمان أجعص مهندس مايعملها
وزي ماقلت يجوك الناس هسة ويقولوا ليك ناس الحقيبة لم يتعلموا أنا في رأيي غنا الحقيبة ده المفروض يضاف للمناهج ويدرس لانو مافي أبلغ من كده كلام ومافي أروع من كده معان
واللا رأيك شنو...؟؟؟
أستاذي الفاضل : شرفني حضورك كثير وليك علي السهر بعد كده للصباح في جنس الغنا ده بس إستعد
Post: #26 Title: Re: ***جسمي المنحول*** بين الماضي المزدهر والحاضر الشحيح Author: WAD ELGAALI#4 Date: 03-04-2008, 06:57 AM Parent: #25
والله يادكتوره حاجه فى الصميم لكن بعيب عليك الانقطاع الكتير عارفين ظروف الناس لكن طله بسيطه بطمنا عليك وحيات عمك ابوالعباااااس ماتحرمينا منك ومن ابداعاتك ابوداؤود دايما فى القمه لك الموده والتقدير اختنا نها
Post: #27 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-04-2008, 07:14 AM Parent: #26
أخي الكريم ودالجعلي عشان خاطر عمنا أبوالعباس والفولة المسؤولة ليك علي أواصل الغطس في بحور ناسنا المبدعين الجامدين ديل وكل مرة حاجيب ليكم درة من دررهم
مودتي
Post: #28 Title: Re: ***جسمي المنحول*** بين الماضي المزدهر والحاضر الشحيح Author: ماجدة عوض خوجلى Date: 03-04-2008, 10:36 AM Parent: #1
الله يديكى العافيه حبيبـه ياريت لو عندنا الحاجات بتمشى بالتسلسل الطبيعى الواحد مرات بيحتار فى الاسباب البتخلى جيل كل الظروف الحولو بكل تاكيد صعبه فى كل حاجه يكون فى امكانهم تقديم هذا العطاء السخى الى حد الدهشه ده وجيل ... امامو كل الفرص الممكن تساعده فى الازدهار وتقديم الكثير مقل طبعا مانقدر نقول انو كل الموجود ... على الساحه عطاء القليل فقط لكن بكل امانه الماضى كان الغالب فيه هو العطاء الجميل ... شكرا على الاختيار الجميل البرضو هو نوع من العطاء الزاهر ...
الحبيبة ماجدة أولا شكرا ليك كتيير علي طلتك الجميلة...
ثانيا ياريت الجيل الحالي والأجيال القادمة يحاولوا يستفيدوا من تجارب الرواد في هذا المجال لأنها بالتأكيد تجارب ثرة وإن كانت لاتخلو من الكبوات...لكن الفرق في إنهم إستفادوا من الكبوات وحوروها لنجاح... مودتي وتقديري الكبيرين
Post: #29 Title: Re: ***جسمي المنحول*** بين الماضي المزدهر والحاضر الشحيح Author: mamkouna Date: 03-04-2008, 10:59 AM Parent: #1
أولاد شمبات.. بادي محمد الطيب.. الفرجوني.. أبو داؤود.. فردتنا.. النور الجيلاني..
!!!!!!!!!!!!!!!!!!!!!!!!!!!
إتذكرتَ يا نُهى قصة الراجل المحتار يمشي حفلة وردي و لا كابلي... تاني يوم لقوهو واقف في نُص السَهَلة و يبكي و يقول.. يعني أتقطٌع أنا..!!؟؟؟
شفت الواحد لمن يحتار مابين الجميل والأجمل ده النحن فيه مع غنا الحقيبة وزي ماقلت إنو أحلي حاجة فيه إنو في أكتر من واحد بيغنيه وكل واحد بيضع لمساتو في الأغنية.. يعني كأنك بتحسي بكل واحد علي حدا وبتشاركي كل واحد مشاعرو...شفت الروعة دي كيف..؟
أسعدتني طلتك كتير وعليك الله ماتحرمينا تاني منها... وليك علي أعمل ليك كل مرة كمين زي ده عشان تزورينا محبتي وتقديري
Post: #32 Title: Re: ***جسمي المنحول*** بين الماضي المزدهر والحاضر الشحيح Author: ASHRAF TAHA Date: 03-04-2008, 09:02 PM Parent: #1
Post: #36 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-14-2008, 07:56 AM Parent: #1
بصوت المجموعة( عصام محمد نور فرفور عاصم اسرار نادر)
Post: #37 Title: Re: ***جسمي المنحول*** بين الماضي المزدهر والحاضر الشحيح Author: Haitham Labib Date: 03-14-2008, 09:31 AM Parent: #1
يديك العافية وأمشي ....... ربنا يفتحه عليك محل ماتقبلي .. وأزيدك كمان بصوت عثمان مصطفى ... وإهداء ليك ولكل المتداخلين ... ودي أهداء جاييني طاير كده من العزيز علي جدا / أحمد المهدي .. بالله ناس عتيق ديل كانوا نصيحين ....؟؟؟
Post: #38 Title: Re: ***جسمي المنحول*** بين الماضي المزدهر والحاضر الشحيح Author: Haitham Labib Date: 03-14-2008, 09:43 AM Parent: #37
ودي بصوت ياسر تمتام وعاصم البنا .. سبحان الله بسمع في حقيبة الفن اليوم الصباح لقيته أول أغنية تذاع ..
Post: #39 Title: Re: ***جسمي المنحول*** بين الماضي المزدهر والحاضر الشحيح Author: Ahmed al Qurashi Date: 03-14-2008, 10:27 AM Parent: #38
الاخت العزيزة / نها محسن أبو راس
أشكرك على هذا الإبداع... حقيقة تنزيل الأغنية بأصوات هولاء الكبار فرصة جميلة للمقارنة بين أداءهم لها .. فكل منهم له صفات ومميزات في صوته أضافت للأغنية رونقا وجمالا .. استمتعنا بها من الجميع ...
أغنية جسمي المنحول من كلمات الشاعر محمد بشير عتيق ولقد كتبها بكسلا سنة 1930.. فلقد تأثر عتيق بأغنية جافى المنام لاسعنى حي لابوصلاح خاصة وان عتيق كان تلميذا لابوصلاح ولحن أغنية جسمي المنحول الفنان عوض شمبات وسجلها أيضا على الاسطوانات لشركة ميشان في بداية الثلاثينات.... ولقد تغنى عوض شمبات بهذ الأغنية ثنائيا مع كرومه وكان كرومه يريد أن يسجلها على الاسطوانات ولكن سبقه عوض شمبات على ذلك.. ولقد سجلها للإذاعة عوض وإبراهيم شمبات في الخمسينات ... كما سجلها الفنان بادي محمد الطيب وبالموسيقى عبدالعزيز محمد داود
أخي الفاضل أحمدالقرشي كم أنا سعيدة وفخورة بطلتك الجميلة لهذا البوست والتي أعتبرها إضافة كبيرة جدا لنا... محاولة تجميع أغنيات الحقيبة بأكثر من صوت هدفي منهاهو إكتساب أكبر عدد من المستمعين بكافة أذواقهم حتي نضمن وصول الكلمات إلي أعماق كل مستمع...لانو حرام يكون عندنا كنز ثمين بالمستوي ده ويكون في ناس ماسمعو بيه..حري بنا أن نحاول إحياء هذا الكنز والمحافظة علي رونقه علي مر الأزمان... أكثر مايعجبني في غناء الحقيبة أنه ليس حكرا علي فنان واحد..علي العكس فالاغنية الواحدة يتغني بها اكثر من فنان ..وبالرغم من المنافسة القوية للوصول إلي الأداء واللحن المتميزين فإننا نجد أن الروح الجميلة والمودة الصادقة كانت الفيصل دائما في كل منافسة فكانت النتيجة وجود جو جميل مهيأ لأخراج كل تلك الروائع...
وهاهو ذا عتيق الذي تتلمذ علي يد ابوصلاح يتفوق علي نفسه في معظم كل اعماله بويصور الجمال والإحساس بأسلوب متفرد يفوق الوصف والخيال.. رحمهم الله جميعابقدر مااسعدونا واتحفونا بالروائع... مودتي وتقديري
أخي الرائع جدا هيثم التحايا لك وأنت تنثرالدرر في جنبات البوست ونشرفني بطلتك البهية أنا رأيي انو ناس عتيق وأبوصلاح أكيد كتلوا ليهم زول بالكلام ده...لانو كلام ماطبيعي فيه حاسيس وشجون ما من عالمنا الحالي...معناها شيطان شعرهم هو ذاتو كان مانصيح... شكرا ليك كتير ويديك ألف عافية
Post: #42 Title: Re: ***جسمي المنحول*** بين الماضي المزدهر والحاضر الشحيح Author: ود الباوقة Date: 03-14-2008, 08:59 PM Parent: #40
Post: #44 Title: Re: ***جسمي المنحول*** بين الماضي المزدهر والحاضر الشحيح Author: عبدالكريم الامين احمد Date: 03-14-2008, 09:07 PM Parent: #43
نها اردد مثلما قال عمدو اولا. نسوي ليك شنو ؟؟؟ دي اغنية ملانة وشحمانة بذرات تطريب اعلي من عالية وبتجرجر الزول في الاشواق جرجرة ليها ضل..... وهاك يا كليك يومياتي في هذا البوست...حيث الطرب واللحن النضيف
Quote: دي اغنية ملانة وشحمانة بذرات تطريب اعلي من عالية
عندنا في الصيدلة بنقول علي الدرجة دي من التطريب overdose او Toxic effect أعمل حسابك مرات مرات مضرة.. شفت الناس ديل كانوا حساسين كيف...والله لو في طريقة رجوع للزمن داك كنت حاعيش فيهو وماكنت خليتو كلو كلو... وانا سعيدة جدا وفخورة بوجودك اليومي في هذا البوست وإنشاءالله يكون عند حسن الظن.. مودتي وتقديري
Post: #46 Title: Re: ***جسمي المنحول*** بين الماضي المزدهر والحاضر الشحيح Author: عبدالكريم الامين احمد Date: 03-14-2008, 09:53 PM Parent: #45
Quote: عندنا في الصيدلة بنقول علي الدرجة دي من التطريب overdose او Toxic effect أعمل حسابك مرات مرات مضرة
تخيلي يا نها الاوفر دوز ده حصل من اول (كلك عل اولاد شمبات) ولسع ما هبشت الفرجوني واعتقد جازم بان (الالترا اوفر دوز) عندما اهابش(جسمي المنحول) بصوت الاسطوري ابو داود.... اغنية بترد الروح يا نها وبتطلع الزول من (كراكير الزهج) وتاني بنقول يا سلاااااام علي اولاد شمبات واوفر دوز اوفر دوز غرامة غرامة
Post: #53 Title: Re: ***جسمي المنحول*** بين الماضي المزدهر والحاضر الشحيح Author: mohmed khalail Date: 03-15-2008, 02:43 AM Parent: #52
سلاااام نها..
الدكتورة الفنانة ام الفنانة الدكتورة.. اختاري ايهما اجمل ايقاعاً...
حتقولي لي ما بغني زي ما قلت قبل كده انك ما بتكتبي شعر..فطلعت اعمق احساساً من شعراء كثيرين..
فهذا البوست هو الفن بعينه بشجونه ودموعه وبهاءه ودلاله..
شكرا نها..
متابعين
Post: #56 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-15-2008, 03:52 AM Parent: #53
أخي الجميل محمد خليل شكرا ليك علي إطلالتك البهية وألف ألف شكر علي الإطراء الرقيق والذي لا أستحقه فأنا وكما قلت لك من قبل لست إلا باحثة عن الجمال ودائما أحاول الغوص في أعماق تراثنا الجميل لأنتقي درر لطالما تمتع بها أباؤنا فأنقلها لجيلنا الحالي ليشاركني متعة تذوق المعاني وإحساس اللحن
شكرا ليك كتير ويديك ألف عافية وشرفني حضورك
Post: #55 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-15-2008, 03:43 AM Parent: #52
Post: #54 Title: Re: ***جسمي المنحول*** بين الماضي المزدهر والحاضر الشحيح Author: صديق الموج Date: 03-15-2008, 03:41 AM Parent: #1
نها ابوراس.. تعظيم سلام .. الاوفر دوز بنستحملو... المشكله فى الهانق اوفر ده.. الزول بالله يقوم من صباح الرحمن بايته معاه جسمى المنحول .. مشكلة بالجد..وحاتك هانق اوفر بصداعو.. وشوفى المصيبة الكبيرة وين؟؟ لاتعرف تسمعها بصوت ابوداؤد، الفرجونى عاصم البنا... اما اولاد شمبات ديك شترهم شين خلاص الله يقوينا على بوستيك ده ساكت.. والا اقول ليك، الله يعينا عليك انت فى رقبتك... ويوما اسود الجابنى بى جاى. نها ..عمى صالح الله يرحمه..كان بقول الما بتريدو خافوا الله فوقو.. دحين خافى الله فوقنا،وبدلى لينا اغنيتك دى براجل المرة ده حلو حلا.. عاجباك جرسنا اليوميه دى..باقى الكبر والغربه خففوا قلوبنا،،،
Post: #57 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-15-2008, 04:21 AM Parent: #54
الرائع جدا وأستاذنا الفاضل صديق الموج كيفنك عساك بخير الليلة أنا بحل ليك المشكلة وبرجع ليك مخصوووووص لمهنتي الاصلية وهي الصيدلة
Quote: الاوفر دوز بنستحملو... المشكله فى الهانق اوفر ده.. الزول بالله يقوم من صباح الرحمن بايته معاه جسمى المنحول .. مشكلة بالجد..وحاتك هانق اوفر بصداعو..
عندك حل واااااحد هو نظرية داويني بالتي هي الداء يعني تسمع ليك عدد واحد أغنية حقيبة وياحبذا لو من شركة سيد عبدالعزيز للأدوية
وأنا بفضل أغنية ياليل أبقالي شاهد يا ليل ابقالي شاهد علي نار شوقي وجنوني ياليل صار ليك معاهد طرفي اللي منامي زاهد دنا لي سهرك واشاهد فوق لي نجمك ظنوني ياجميل لي سهري واجد واراك نايم وهاجد مين لي عينيّ ناجد دمّاعي الغرّقوني برّاق سنّك يساعد الغيم المزنو راعد ساكن قلبي ومباعد تشتاق شوفتك عيوني لاتكون بالنظرة جاحد حلمك في الميّة واحد منّك لي قلبي شاهد وبين ايديك يا حنوني حبك في الجوف يطارد مابين صادر ووارد ياحبيبي الليّ مارض اشواقك ضيعوني حبك لي عقلي فاقد شوقك جوّا جوفي واقد قلبي اللي حلمو فاقد نظراتك يأسروني قلبك علي ظلمي عاقد شوفتك راحتي ومنوني وممكن نديك ليها بصوت صديق الكحلاوي والمفروض تتعاطاها كل 8 ساعات
Quote: الله يقوينا على بوستيك ده ساكت.. والا اقول ليك، الله يعينا عليك انت فى رقبتك... ويوما اسود الجابنى بى جاى.
والله يا أستاذ صديق أنا ناوية أساهر بيك وأتعبك شديد بس إنت خليك متابع معاي
Quote: نها ..عمى صالح الله يرحمه..كان بقول الما بتريدو خافوا الله فوقو.. دحين خافى الله فوقنا،وبدلى لينا اغنيتك دى براجل المرة ده حلو حلا.. عاجباك جرسنا اليوميه دى..باقى الكبر والغربه خففوا قلوبنا،،،
أنا ببدلها ليك بواحدة أخطر منها وزي ماقلت ليك إنت تابع.. لكن أنا عندي سؤال محيرني ناس جيل الحقيبة ديل أكيد كانت عندهم أغنيات هابطة زي راجل المرا وكده... عايز اعرف أغانيهم دي كانت كيف هل بنفس مستوي الاغاني الهابطة الحالية واللا ماكان في غنا هابط خاااالص... رأيك شنو ياأستاذ صديق مودتي وتقديري الكبيرين لك... وزيارتك دايما بتشرفني وبتسعدني..
Post: #58 Title: Re: ***جسمي المنحول*** بين الماضي المزدهر والحاضر الشحيح Author: محمد عثمان Date: 03-15-2008, 05:23 AM Parent: #1
الجميلة نهااا...
متاابعين معااك..
يديك العاافية..
Post: #59 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-15-2008, 05:27 AM Parent: #58
الرائع جدا محمد عثمان سلامات كيف أخبارك؟ تسلم علي الإطلالة مودتي
Post: #60 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-15-2008, 06:31 AM Parent: #1
تسجيل ناااااادر بصوت نادية البنا وعباس تلودي
Post: #61 Title: Re: ***جسمي المنحول*** بين الماضي المزدهر والحاضر الشحيح Author: منى على الحسن Date: 03-15-2008, 07:31 AM Parent: #1
العزيز نها سلام
يا سلام يااخي هسي اسمع شنو ولا شنو
بوست مبالغة عديل انيق في كل شي
اهاا من الساعة دي مبيت وقيلة فيهو
الكان الاضنين تنضف شوية
Quote: جسمي المنحول جسمي المنحول براه جفاك يامليح الزى ****** كيف حبي يحول وفؤادي معاك يازينة الحى حلمك ياجميل انا دانى رحول تركني هواك بين ميت وحى ****** كيف ليك وصول ...وسكونك فوق لى سهيل وثرى النوم من عيني دوام مفصول دموعي تلاقى وتذرف رى ****** دى الساحره عقول ... بروق في غيم ولا در فى لمى خدودك أم ازهار في حقول سقاني غرامك صافى حمى ****** الطرفه وأقول ..احور متناعس ولحظه صحى تشوف في قوامه المال مفقول الظلمة شعور والقمره محى ****** أنا دمعي هطول ...احن لي لماك وقاسى على أيصح في هواك تعذيبي يطول بالبين أترابك لاهي خلى ****** من ردفه كسول ..بى جيده وعينه يسبى ظبي بالشوق يا نسيم ابقالى رسول لو يعطف ثانية يزيل البى
بصوت أولاد شمبات
تصدقي خبر البوست ده جاني من واحد انيق وسماع ولماح للجمال من منازلهم
Post: #62 Title: Re: ***جسمي المنحول*** بين الماضي المزدهر والحاضر الشحيح Author: abubakr Date: 03-15-2008, 08:53 AM Parent: #1
Quote: لكن أنا عندي سؤال محيرني ناس جيل الحقيبة ديل أكيد كانت عندهم أغنيات هابطة زي راجل المرا وكده... عايز اعرف أغانيهم دي كانت كيف هل بنفس مستوي الاغاني الهابطة الحالية واللا ماكان في غنا هابط خاااالص...
يا قريبتي الرائعة .. الاستاذ السر قدور اجاب علي سؤال كهذا اتي من احد افراد مجموعة اغاني واغاني في رمضان الماضي بما هو في سياق المعني الاتي : ما نسميه حقيبة الان هو من تراكمات الممتاز والجيد عبر الزمان .. اكيد كانت توجد الاف الاغاني من هابط الي ممتاز ووجدان المستمع هو الذي يقوم بفلترة ذلك والابقاء علي ما هو جيد وممتاز فيتراكم ويبقي لازمان لاحقة ..وفي زماننا الان ووسط الاف الاغاني هنالك الجيد والممتازوعبر الزمن سيقوم وجدان المستمع بنفس عملية الفلترة ويضيف بعض منه الي المتراكم هذا ....
مودتي
Post: #63 Title: Re: ***جسمي المنحول*** بين الماضي المزدهر والحاضر الشحيح Author: عبدالكريم الامين احمد Date: 03-15-2008, 09:18 AM Parent: #62
عتيق وكسلا ثم اولاد شمبات ولسع يا نها انا معلق في الفيرشن الاول(اولاد شمبات) واحاول جاهدا ان اغادر الي فيرشن اخر ولكن (نو وييي)...!!! اولاد شمبات الرق الايقاع الكورس وطلعات في (عضم شعر الحقيبة) بهارموني عالي انه الاعتقال بعينه خلف المزيكة وديتو جنن الغناء جن متفرد ولا اقول ليك جن مجنون ومدهش ... بوست الارشفة طوالي يا نها هو المقر التالي لهذا البوست بعد الصفحة الاولي التي سيكون هو تاجها الدائم باذن الله.... غنوة بترد الروح ونضيف نضافة (كباية) متمرة في دولاب الفنجرية عشة بت كتيرة
Post: #68 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-16-2008, 02:28 AM Parent: #63
أخي الجميل عبدالكريم كيفنك إنشاءالله بخير
Quote: ولسع يا نها انا معلق في الفيرشن الاول(اولاد شمبات) واحاول جاهدا ان اغادر الي فيرشن اخر ولكن (نو وييي)...!!! اولاد شمبات
يازول ماتغادروا لانو مافي أحلي من الأولد فيرشن
Quote: بوست الارشفة طوالي يا نها هو المقر التالي لهذا البوست بعد الصفحة الاولي التي سيكون هو تاجها الدائم باذن الله....
أخي وأستاذي الفاضل أبوبكر سكر في إلم بينا فيم ميني
Quote: ما نسميه حقيبة الان هو من تراكمات الممتاز والجيد عبر الزمان .. اكيد كانت توجد الاف الاغاني من هابط الي ممتاز ووجدان المستمع هو الذي يقوم بفلترة ذلك والابقاء علي ما هو جيد وممتاز فيتراكم ويبقي لازمان لاحقة ..وفي زماننا الان ووسط الاف الاغاني هنالك الجيد والممتازوعبر الزمن سيقوم وجدان المستمع بنفس عملية الفلترة ويضيف بعض منه الي المتراكم هذا ....
كلام ممتاز جدا ويدل علي إنو المستمع السوداني ذواق وعلي مر الأجيال..ومعناها انو الجيل القادم حايفلتر الأغاني الحالية ويستخلص منها الجيد والجميل لضمان ديمومة تلك الأعمال...حاجة تطمن والله... أستاذي الفاضل شكرا ليك علي المداخلة الجميلة والمفيدة وماتحرمنا من طلتك ... مودتي
Post: #64 Title: Re: ***جسمي المنحول*** بين الماضي المزدهر والحاضر الشحيح Author: سيف الدين مصطفى كرار Date: 03-15-2008, 09:36 AM Parent: #1
صباح الخير
صدقتى القول ,العامل المشترك بين الاولين والسابقين اننا بشرولنا نفس الاحاسيس والمشاعر التى لم يطراء عليها اى تغييرات بعوامل التعرية الجغرافية.
وجئنا الى الدنيا بوثيقة انسان
فى تعريف معنى كلمة شخصية هى تلك المكوناتا العاطفية والنفسية والاجتماعية والرياضيةوالمزاجية
العلمية و....
ناخذ من ماضى انفسنا للحاضر وللمستقبل,نتغنى بروائع من قرون ولت ونلقى اشعار وقصص تجعل المرء
يتلوى من نشوى الروعة المسكرة العبقرية.
انظرى مثلا للشعراء العرب كانوا عندما يريد احدهم قول ابيات من الشعر فى اى موضوع ما يجب ان يبدأ
شى عجيب ان يقول شاعر لمدح النبى محمد يستهل القصيدة بوصف عاشقتة
بانت سعاد فقلبى اليوم متبول
شعورك ناحية السابقين كان صادقا كل منا يتاثر بسولف القول وبومضات تشع بريقا نعش على اشراقة.
Post: #69 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-16-2008, 02:38 AM Parent: #64
أخي الرائع سيف الدين يومك سعيد أعجبتني كلماتك كثيرا لأنها مست موطن الداء بدقة متناهية وكأنها مسبار متمرس يغوص في أعماق أحاسيسنا.. رائعون هم بأعمالهم وتكمن عبقريتهم في ديمومة تلك الأعمال وبقاءها متماسكة ونقية بمرور العصور والأزمان والأجيال..وكما ذكرت بأننا لانملك إلا أن:
Quote: ناخذ من ماضى انفسنا للحاضر وللمستقبل,نتغنى بروائع من قرون ولت ونلقى اشعار وقصص تجعل المرء
يتلوى من نشوى الروعة المسكرة العبقرية.
فعلا فقد سكب هؤلاء عصارة أحاسيسهم وشجونهم وأفراحهم في أعمال هي لنا بمثابة الإرث الأدبي الثمين.. لهذا حري بنا أن نحافظ عليها وننقلها للأجيال القادمة بصورة مقبولة وجذابة لضمان إستمراريتها...
Post: #70 Title: Re: ***جسمي المنحول*** بين الماضي المزدهر والحاضر الشحيح Author: طلال عفيفي Date: 03-16-2008, 02:51 AM Parent: #69
نها ، إنتي إنسانه بتعمل في حاجه بديعه وحلوه شديد ؛ أنا إستمتعت بالروايات المختلفة للأغنية دي ..
شكراً ليكي ..
Post: #71 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-16-2008, 05:22 AM Parent: #70
أخي الجميل طلال
شكرا ليك علي الكلام المشجع...
وإنت وجودك معانا حاجة جميلة جدا جدا..
تسلم إنشاءالله
مودتي
Post: #72 Title: Re: ***جسمي المنحول*** بين الماضي المزدهر والحاضر الشحيح Author: عبدالكريم الامين احمد Date: 03-16-2008, 06:31 PM Parent: #71
Quote: غايتو أعمل حسابك من الإدمان عشان ماتصل لمرحلتي
يانها الادمان حصل زمااااانك سري في المسام ثم خمد ولكن انت هنا بالهبيش في المزيكة النضيفة دي بتمارسو فينا (فن تنشيط الادمان) ويوم بتكتلو ليكم زول بالطريقة دي زززززت
Post: #74 Title: Re: ***جسمي المنحول*** بين الماضي المزدهر والحاضر الشحيح Author: صديق الموج Date: 03-16-2008, 07:50 PM Parent: #1
Quote: الرائع جدا وأستاذنا الفاضل صديق الموج كيفنك عساك بخير الليلة أنا بحل ليك المشكلة وبرجع ليك مخصوووووص لمهنتي الاصلية وهي الصيدلة
نها ابوراس..ياخى ازيك شديد كان دى طريقة علاجك وعرفتك فى الصيدله قماح ام الراجيك!!! وورينا درب الصيدليه الشغاله فيها عشان نختاه..
اذا كان يا ليل ابقى لى شاهد دى، رمت العارف بالله الشيخ قريب الله من طولو،دايراها تعالج مجنون زى انا،متطوع يملاء الاباريق فى قبة الشيخ ما يقبلوه...
عم عمر البنا حكى قال : كان كرومة يصدح بهذه الاغنيه فى زواج فى حى الشيخ قريب الله بامدرمان.. وكان عم عمر كورس معه،قال بعد شويه رسلو لينا قالوا لينا الشيخ قريب الله دايركم قال:خفنا خوف شديد وافتكرنا الراجل داير يوبخنا ونحن بنغنى والناس يستعدون لصلاة الصبح. قال:حزمنا امرنا ومشينا للشيخ .. بعد ان سلمنا عليه طلب الشيخ قريب الله من كرومة ان يغنى له الاغنيه التى تتحدث عن الليل.. لم يصدق كرومه ولم يخيب ظن الشيخ فرفع عقيرته يا ليل ابقالى شاهد على نار شوقى وجنونى .. وينساب صوت كروان السودان فى حنان الخفوت.. فلما وصل المقطع الذى يقول فيه.. لا تكون بالنظرة جاحد حلمك فى المية واحد.. اطلق الشيخ صيحة طويله، وقع بعدهامغشى عليه... وان كان ليل الشيخ مختلف تماما عن ليل كرومة ،وكان كل منهم يغنى على ليله او ليلاه.. قال عم عمر: فتركنا الشيخ فى غيبوبته تلك مع حيرانه وخرجنا مهرولين. نها مانى فايتك تب.. كترى من النوع ده ان شاء الله ما مرقنا منها.. او كما قال ود الرضى: ياجرح غور ان شاء الله ما بريته.. تسلمى لى اخوك،،،
Post: #75 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-17-2008, 05:23 AM Parent: #74
أستذي الشفيف صديق الموج
Quote: نها ابوراس..ياخى ازيك شديد كان دى طريقة علاجك وعرفتك فى الصيدله قماح ام الراجيك!!! وورينا درب الصيدليه الشغاله فيها عشان نختاه..
عليك الله ماتوقف لينا سوقنا وحالنا.. ياأخوانا هوي ماتخافوا مني والله بعالجكم بإذن الله بس إنتو قولو خير..
Quote: اذا كان يا ليل ابقى لى شاهد دى، رمت العارف بالله الشيخ قريب الله من طولو،دايراها تعالج مجنون زى انا،متطوع يملاء الاباريق فى قبة الشيخ ما يقبلوه...
ماتخاف المرة دي إنشاءالله بتتعالج.. الدور ده جايبة ليك الدواء من شركة عبدالرحمن الريح للأدوية ومفعولو أكيد..بس إنت قول خير الدواء إسمو أملي وغاية المنية أنا شوفتك عندي بالدنيا mg 250بصوت مبارك حسن بركات وده تستعملو كل ستة ساعات عشان نضمن الشفاء
وشوف الرمية دي عجيبة كيف
Quote: عم عمر البنا حكى قال : كان كرومة يصدح بهذه الاغنيه فى زواج فى حى الشيخ قريب الله بامدرمان.. وكان عم عمر كورس معه،قال بعد شويه رسلو لينا قالوا لينا الشيخ قريب الله دايركم قال:خفنا خوف شديد وافتكرنا الراجل داير يوبخنا ونحن بنغنى والناس يستعدون لصلاة الصبح. قال:حزمنا امرنا ومشينا للشيخ .. بعد ان سلمنا عليه طلب الشيخ قريب الله من كرومة ان يغنى له الاغنيه التى تتحدث عن الليل.. لم يصدق كرومه ولم يخيب ظن الشيخ فرفع عقيرته يا ليل ابقالى شاهد على نار شوقى وجنونى .. وينساب صوت كروان السودان فى حنان الخفوت.. فلما وصل المقطع الذى يقول فيه.. لا تكون بالنظرة جاحد حلمك فى المية واحد.. اطلق الشيخ صيحة طويله، وقع بعدهامغشى عليه... وان كان ليل الشيخ مختلف تماما عن ليل كرومة ،وكان كل منهم يغنى على ليله او ليلاه.. قال عم عمر: فتركنا الشيخ فى غيبوبته تلك مع حيرانه وخرجنا مهرولين
ياسلااااااام علي بالأيمان الناس ديل ماكانوا نصيحين... شوف الكلمات عملت فيهم شنو..ربنا يرحمهم يارب ويدخلهم فسيح الجنان,,, ويرحمنا نحن من جنس الكلام البودر ده
Quote: نها مانى فايتك تب.. كترى من النوع ده ان شاء الله ما مرقنا منها.. او كما قال ود الرضى: ياجرح غور ان شاء الله ما بريته.. تسلمى لى اخوك،،،
وأنا أتشرف بوجودك معانا في البوست وإضفاءك لروح الشفافية والجمال في طياته... ونحن ذاااااتنا مابنفكك..
مودتي وتقديري الدائمين
Post: #76 Title: Re: ***جسمي المنحول*** بين الماضي المزدهر والحاضر الشحيح Author: Ahmed al Qurashi Date: 03-17-2008, 05:44 AM Parent: #75
الاخت العزيزة / نها محسن ابو راس
سلامات.. شكرا جزيلا على اغنية املى وغاية المنية وهى من الاغانى المحببة الى نفسى .... وهى من كلمات والحان عبدالرحمن الريح ولقد تغنى بها كرومه وعبدالرحيم الامين ... كما تغنى بها ثنائى ابوكدوك ( حيدر وفؤاد ) وكذلك مبارك حسن بركات ... اما بادى محمد الطيب فلقد غير لحن هذه الاغنيةوتغنى بها امام عبدالرحمن الريح فقال له عبدالرحمن الريح ان لحنك اجمل من لحنى بكثير لان فيه كثير من التطريب ... ولقد سجلها بادى لاذاعة ودمدنى فى حلقة قدمت من دار اتحاد الغناء الشعبى فى بداية التسعينات ولقد سجلتها حينها من الراديو والتسجيل موجود معى لكنى ضعيف فى تنزيل الاغانى ... كذلك سجلها لى بادى بصوته فى منزلى بسلطنة عمان عند زيارته لها فى عام 2000 .... ولا ادرى هل سجلها للاذاعة ام لا لكنه قال لى انه تغنى بها فى احد البرامج بالاذاعة السودانية .. اتمنى ان يكون التسجيل موجود ....
الاسود الضارية منسبية ....من عيونك خايفه مختبيه يا الغرامك شيب الصبيه ... يالشويدن يا جنى الظبيه
شكرا نها
Post: #77 Title: Re: ***جسمي المنحول*** بين الماضي المزدهر والحاضر الشحيح Author: نها محسن أبورأس Date: 03-17-2008, 06:09 AM Parent: #76
أستاذنا الفاضل الشفيف أحمد القرشي أسعدني حضورك ومتابعتك للبوست...وأسعدتني إضافاتك الثرة التي تنقلنا لذاك الجيل العبقري.. أغنية أملي وغاية المنية من أغنياتي المفضلة.. فهي رائعة وبكل المقاييس وتستحق فعلا أن تنتمي لجيل الحقيبة.. الحقيقة بحثت عنها بصوت البروف بادي محمد الطيب ولم أجدها وأتمني من الأخوان محمد عثمان ومعاوية وهيثم لبيب أن بتكرموا وينزلوها لنا في البوست نسبة لباعهم الطويل في مجال الأغنيات النادرة...فقد شوقتني للإستماع إليها بصوت البروف..فهو يضفي نكهة خاصة لكل أغنيات الحقيبة...
