أنجض ياولد

الدوش و ما ادراك ما الدوش

دا كلاااام برااهو...!!!

شكرا تماااضر..

بس يا ريت لو غيرتى فى الكود
autoStart VALUE=0>
غيرى 0 لــ 1
عشان تعمل الاغنية تلقائيا..

مودتى..

أبت ليَ
نزلا انت

محمد يلا بعد ده نشوف الدوش الجنن الكتابة ده
النص الكتبو...والاتغنى؟

واللحن التحسو بمشي نبضك معاهو ده..
الكابلي ده برااااااهو



يسعد مساك

يا سلام عليك يا خنساء
دايما في السلك
ما بتلقي لي اجمل الحلوين وين عهودك وين

لكن دي ما فهمت لزومها شنو؟

البشرى عاجل دي لي اي جُرَسي حالتو مستعجلة محتاج نجاض وكده

كدي قول اجمل الحلوين عاوزا بي صوت منو
واوع تهديها لي نوبي

Quote: اي جُرَسي حالتو مستعجلة محتاج نجاض وكده

ساعديني بالأمثلة ينوبك ثواب

عايزها باي صوت خلاف سامي المغربي

Quote: واوع تهديها لي نوبي

مضطر...
لكن معاه أخرين/ات

الأمثلة خليها مافي داعي للاحراج

كدي هاك..أسمع وأقرا وشوف عرائس النيل النبي قصرت؟؟

أجمل الحلوين وين عهودك وين
لو انت ناسي الناس
نحن ما ناسين
يا أجمل الحلوين

لو بتكتب ليّ
كان عرفت البيّ
يحرقني جمري الحيّ
خليت قليبي حزين
أجمل الحلوين

إن شاء الله يا بسّام
تتحقّق الأحلام
تظهر نتايج العام
ونكون من الناجحين
أجمل الحلوين

نسأل الله يجود
يحقّق المقصود
أنا وانت تاني نعود
تتشابك الإيدين
أجمل الحلوين



شكراً على الاهداء بشرى..
ومانسين والله ..ظروف بس ماأكتر

انجــــــــــــــــــــــــــض يا بلد

my sis
shahto will be shahto

i hope to shahto the.....

مافهمتك
غايتو لو طالب لنك الحفظ فده بقى يغلبني عديل بي طريقة بكري الجديدة دي..

أما اذا مافهمتك ياشحتو فلك العتبى والود

عصام ده ماالقلب البجرّسو شوق

sorry

Quote: أما اذا مافهمتك ياشحتو فلك العتبى والود

thanks
my sister

لا ثانكس فور واجب

مرحبتين

* النص: عمر الدوش:

دقّتْ الدَلّوُكَة … قُلنا الدنيا ما زالت بخير ..

أهو ناس تعرِّس وتنْبَسِط .. تكْكَّتَ سروالي الطويل

سويتْلُو رقعات فى الوسط .. فى خشْمِي عضّيت القميص ..

أجري وازبّد شوق وانُط

لا مَن وصلتَ الحفلَة زاحمتَ الخلق وركزْتَ .. شان البِتْ سُعاد

أصلي عارف جِنَّها فى زول بيرْكِز وينْسَتِر ….. لكنِّي عارِف إنَّها ..

لو كلو زول فى الحلة بالسُتْرَة إنجَلَد

يانى الآذاها وجِنَّها .. برْضِي عارِف أظنَّهَا ….

دِيمهة فى صَرَّ ة وشيهَا …. يلفحْنى شوق نافِر لَبَد

وركزْتَ للحُرقَة المَشَت فوق الضلوع .. تِحت الجِلد …

ضمّيت قزازتى مرقتَ عِن طَرَف البلد … وسِكرْت جَدْ

وأنا جايي راجعِ مُنْتَهي لاقتْني هِي … قالت "تعال"

كِبْرَتْ كُراعى من الفرح … نُص فى الأرِض نُص فى النِّعال

اتْلخْبَط الشوق بالزَّعل .. اتْحَاوروا الخوف والكلام .. "هيْى يا سُعاد

على ودْ سكينَة وكِلْتِي في خشمو الرماد ..علي ود سكينَة ومَات أسى

وأنا بِت بلاك ملْعُون أبوى لو كنتَ أرْضَى أعرِّسهْا …

وأنا يا سُعاد … وكتين تصُبي سحابَة تَنْزِلي زي دُعاش …

بفْرِش علي روحي واجيكْ ….. زولاً هِلِك تعبان وطاش

وأنا يا سعاد وكتين أشوفِك ببقى زول … فَرَشولو فَرْش الموت وعاش)

قالت سُعاد ..(بطِّل كلام الجِرْسة انجض يا ولد)

مزّقْت روحي نِتَف … مرّقْتَ من جيب القميص … عرقي وأسق

طبّيت قزازتى وصلتَ لى طَرَف البلد … وسكْرتَ جَد

اذّنت فى الشوك والسَلَم … وسرحْتَ بالناس والغَنَم

وركعتَ للعرقي البِكِر …. وقدتَ فى الألم الحِكِر

وحلمتَ زي شالني ومشَى …. فوق زحمة نبي الله الخِضِر

صحَّاني صوت العُمدة قال ….(مسئول كبير زاير البلد)

قال لينا .. (وكَتْ الزول يجِي ، لازِم تقيفوا صفوف صفوف ..

وتهيّجُوا الخَلا بالكفوف …. وتقولوا عاش.. يحيا البطل)

صلّحْتَ طاقيتي الحرير … واتنَحْنَح الحشا بالكلام

ورميتُو من حلقي الوصَل … قُتْ ليهو يا عُمدة اختشي

مسئول كبير في الدنيا غير الله اِنْعَدَم …. ما شُفْنا زول رضّع صغار

ما شفنا زول نجّح بَهَم ….. ما شفنا زول لمْلَم رِمَم ..

لا صِحِينَا عاجِبنا الصباح ..لا نُمْنَا غطّانا العَشَم

والحِلَة من كلَّ الجِهات محروسَة … بالخوف والوهم

ومضينا من زمناً قديم-يا عُمدة-مرْسوم انتحار .. الموت مُباح .. والحب نِطاح

والصِدقِ من جِنس الزِّنا .. العافية مولودَة سِفاح … والرغبَة مكسورةَ جناح ..

الحلم والوعد النبيل .. الطِفلة والأم ، النخيل .. الرّنَة فى الوتر الاصيل

تلقاهَا فى قاموس نكاح … يا يُمَّة واح..يا حِلَّة واح

***

يا سعاد تعالي ولمِّي من كل البيوت … عِدَّة السَفَر الطويل

زَخْرِفي الفجر النهار …. شخْبِطي الضُحى والأًيل

المَغْرِب .. الفجر .. النجوم. … في صُرَّة وارمِيها البحر

خلِّينَا فوق الشك نَعُوم … والعُمدَة فاض .. العُمدَة صار مليون عُمَد

العُمدة فيل .. جبلاً تقيل .. لبْوَة وأسد .. حَسَنَة وغَصِب .. جُمْعَة وأحَد

بقّيتْ قزازتي .. مرقْتَ عِن طرف البلد .. وسكْرتَ جَد

وأنا جايِّ راجِع أجهجهو … لاقاني هو .. سايق العساكر والكلاب

رامي بين عيني وعينو .. كلب وتَكْشيرة وحُراب ..

ضاقت نِعالي من الزّعل ..من تحتهَا اتْمَلمل تُراب

الغيم سكب ضُلو ومشَى .. والدنيا غيما سراب سراب ..

والحِلة زي بلداً بعيد .. زوَّد بُعاد وقُرُب سُعاد ..

اتجمَعَت كلَّ البيوت فى راحتَا … زي بِت لِعاب

مجنونَة تصرخ في الزوال .. ممزوجَة في الدم واللُعاب

عيني ضاقت نظْرَتها .. والجوف يطقْطِق بالكلام ..

قُبَّال يقولوا ليّ سلام.. اتلمُوا حولي بلا نِظام

شال وعِمَّة .. توب وغُمَّة .. فاس وطوريَّة وحزام … شالوني بي كُل إحترام

ورموني فى قَعَر السجن … حصلّنى قبل اليوم يِتم … جارنا المدرِّس ودْ خدوم

قال ليّ … لا زول قام هتَف …. لا كف مشَت بتلاقِي كَف …

والعُمدَة زى هَمْبول وقف

يا صمت أُف .. يا دنيا تُف … وأنا يا سُعاد للشوق نغَم … للهَم عَلَف

الاخت الخنساء
شكراً جزيلاً