كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية)

هذا النص نسخةسودانية معدلة ............النص وجدته في احدى صفحات النيت وعدلته ليناسب مناخنا وبيئتنا

نصيحتي حتى تعثري على شريك الحياة المناسب لكي عليكي انت تتجنبي تسعة اصناف من الرجال اذا شاءت الاقدار ان تلتقي بهم

9.الصعب الارضاء

هذا النوع من الرجال معروف....في عالمه كل شئ ليس في مكانه الصحيح ........وكل شئ ليس حسب ذوقه...انت مثلا اما غبية جدا ....او سمينه ....او ثرثارة ..
في الحقيقة هذا النوع من الرجال درب منذ ولادته على لعب دور السيد ..........درب على احتقار المراءة وكل شئ مرتبط بها.........واعتبارها العنصر الضعيف في اي معادلة حياتية

تجنبيــــــه تماما كما تتجنبين الاصابة بالامراض المعدية



8.المحطم (المشوكش)

هذا النوع من الرجال يبدو عليه من مظهره انه حساس ...وذلك عندما تلتقين به لاول مرة .....بامكانه ان يجعلم تشاركينه مأساة علاقته السابقة الفاشلة ....المؤلمة....الحزينة
لكن بعد فترة تكتشفي انه لايزال يداوي جروحاته ..التي اصيب بها قبل عشر سنوات وببطء تكتشفين انه ليس مجروح القلب بل ملتزم جـدا بعدم الاهتمام بشخص آخر
بغض النظر عن المدة التي اضعتيها معه فانكي لن تستطيعي دخول قلبه وستفشلين في ذلك فشلا سربعا .
واجهي نفسك يالحقيقه ............الضمادات حول قلبه وجمجمته سميكة لدرجه ان قنبله نوويه غير قادرة على على اختراقها
لذلك استسلمي
واستمري في حياتك بدونه
فهو كالسراب .....تتبعينه ولكن لن تستطيعي ابدا اللحاق به

7. مجنون الكورة

يوجد خيط رفيع جدا بين الرجل الذي يحب كرة القدم والرجل المجنون بكرة القدم.بعض الرجال قد يتساءل كيف يكون الرجل مجنون بالكورة......لمعظم النساء هذا السؤال اجابته واضحة جدا ................الرجل المجنون بالكورة هو الذي يفضل مشاهدة مبارة على قضاء الوقت معك .......
أعلم بأن كل الرجال سينتمون لهذه الفئة بعد عدة اشهر من التعرف عليك ...ولكنه بين الحين والآخر سيسلمون امرهم ويخرجون معك بين الحين والاخر .....فقط حتى تكفي عن التذمر ..
لكن مجنون الكورة لن يهتم حتى لو وقع المنزل بكامله على رأسه اثناء المبارة ..اذا بكى طفلك ....او حتى اذا لم تأتي الى البيت لمدة اربعة اشهر..وكل مايطلبه منك هو الشاي والقهوة و (صمتك)
من الصعب التفريق بين مجنون الكورة والرجل الطبيعي
لكن
ابحثي بنفسك عن علامات الجنون والاستجدين نفسك عالقة في مشاهدة جميع المباريات التي تبثها القنوان الفضائية والارضية بجميع مستوياتها
وزيدي على ذلك ضيافة اصدقاءه الدائمي التواجد في منزلكم
بينما صديقاتك يتمتعن بوقتهن

6. الرجل الذي (يعتقد) انه يعرفك
هذا لنوع من الرجال يعتقد انه (فرويد) .........بقضي معظم وقته بالتفكير .......وقليلا من الوقت في فعل شئ مفيد
هذا النوع من الرجال يقوم بتصنيفك من اول لقاء......يجلس ويراقبك ويشاهدك وفي وجهه نظرة واحدة تقول (انا فاهمك)
هو بكل وضوح يعتقد انه بتصنيفك يستطيع ان يعرف كل شئ عنك ......ويعرف بالضبط مايلزم لاصلاحك
هو ينظر اليك كما لو كنتي قطع مكسرة من الخزف سيقوم بلصقها من جديد .............وسيقوم بالتالي بترتيبك بالطريقة التي يظن انها المناسبه


فهو بدلا من ان يجد شخصا يحبه ..........يقوم بتعديلك لتصبحي الشخص المناسب له
لاتعطي نفسك الفرصة لمعرفته................فقط تجنبيه قبل ان تعرفيه

أمل قدورة

خليك وااااااااضحة وقلي لينا اصرفوا نظر عن القصة من اساسها

Quote: خليك وااااااااضحة وقلي لينا اصرفوا نظر عن القصة من اساسها

ابدا
بس انا بعمل في خريطة طريق
ودي المطبات اللي عليكـــــــن ان تتجاوزنها

تحياتي

5.الاكثر جمالا منك

ان تحبي شخصا بوسامة (براد بيت ) هو شئ.....اما تحبي شخصا يشعرك بأنك ارجل منه دي قصة تانية
من المؤكد انك التقيتي بهذا النوع يوما ما ......هو الرجل الذي يقضي وقت في تصفيف شعره اكثر من الوقت الذي تقضينه في تنظيف البيت وترتيبه


آنســـــــــاتي
ان سر الشعور بالجمال والانوثة هو ان لاتحبي ابدا شخص اجمل منك ...واكثر رقة منك
اذن نصيحتي توقفي عن الشعور بالضآلة
اتركي هذا النرجسي

أمل ازيك.. وسلام.. شكلك من الدفعة الجديدة في المنبر.. مرحب بيك...

موضوع ظريف... وعجبني عدم وضوح الرؤيا بالنسبة لمجانين الكوره من الرجال... تعرفي في نوع كده، لا حوله.. غايته انا عملته test.. كنت بفتح المواضيع تحديداً لما الكوره تقرّب للمرمى ... لكن الحمدلله pass.. كان يتلفت ويرد على كلامي، ويرجع يلقى اللقطة الحلوه راحت.. لكن بعداك بقيت ما بعملها كتير...لانه بصراحة لما يكون في comdey شغال، انا بكون مقهيه وفاتحه خشمي وما دريانه بالحولي..

واصلي باقي الصفات... انا سنة ثانية زواج، يمكن اقدر اديكم مواصفات اخرى تبعدوا عنها

بنت الحسين

الزميلة مريم بنت الحسين
اهلا بيك

Quote: شكلك من الدفعة الجديدة في المنبر

انا مش دفعة جديدة بس
وكمان كنت مسجلة غياب طويل
المهم
مرحبا بي مشاركتك وياريت تضيفي لينا للقاموس بعض نصايحك

شكرا لحضورك

آهااااااااااااا

Quote: واصلي باقي الصفات... انا سنة ثانية زواج، يمكن اقدر اديكم مواصفات اخرى تبعدوا عنها

سلامات صاحبة البوست ومريم

الاخ محمد الحاج

Quote: آهااااااااااااا

واحنا منتظرين برضو وجهة نظرك
ولو عندك اضافة يامراحب

والبقول تعالوا فهموني: احتياطيا كدة

الاخ نزار
برضو بنقول ليهو مرحبتين
ومستعدين نفهمو البنود التسعة بالتفصيل الممل

تحياتى يا أمل قدورة ..... على وزن الرجل البحب الكورة.


طيب نزولا عند الموضوع المذكور.... فى تقديرى وفى علم القياس هناك درجات للنجاح فى كثير من موضوعات الحياة... والفتاة عندما تدخل الى نطاق او دائرة التفكير فى الأسرة وفارس الأحلام ... بالطبع سيكون لديها تصور معين لهذا الفارس ....ثم إنها ان تحصل على هذا الفارس بالمواصفات بنسبة 100% فهذه تعد مفارقة..... لكن أذا حصل فارس الأحلام على درجات النجاح التى تمرره الى قلبها حينها عليها الإرتباط به ....( هذا مع إفتراض ثبات المتغيرات .... يعنى كل الصفات التى بسببها حصل الفارس على درجات النجاح فيا تبقى على ماهى عليه الى ما بعد الزواج ) ولتحصل على مأئة بالمائة عليها بذل القليل من الجهد للترويض فى الإتجاه السليم .... وبالطبع هذا ينطبق على الرجل الذى يبحث عن زوجة... مع إعتذارى لكتابة الرد المذكور إرتجاليا لمغادرتى المنزل وسأعود... للمشاركة فى هذا الموضوع بروية....

مرحبابك اخ الرشيد البصيلي

Quote: بالطبع سيكون لديها تصور معين لهذا الفارس ....ثم إنها ان تحصل على هذا الفارس بالمواصفات بنسبة 100% فهذه تعد مفارقة

مثلا لوكان فارس احلامها ..من اهم مواصفاته الوسامة مثلا
والتقت به .......عندها تحصل المفارقة

Quote: ان تحبي شخصا بوسامة (براد بيت ) هو شئ.....اما تحبي شخصا يشعرك بأنك ارجل منه دي قصة تانية

في الحالة دي يجب ان تكون اختنا حذرة في تفريقها بين الرجل الوسيم والرجل الجميل ..........الاكثر جمالا ورقة منها

المشكلة يا صديقتى لو كان بوسامة براد بيت او بقوة كلاى
يبقى هو الرجل
يبقى هو من يريدك لانه هو من يشاء
وحين تبدى له له ادنى رغبة فى انه من احببتى (بيشرد )
لانه هو الرجل ولا شئ يعلو
شفتى كيف ؟
وبعدين المشكلة ما حقتنا برانا
هنا فى امريكا مثلا الرجل ياهو الرجل
واحد زميل فى العمل سالنى مرة
ـ ما اتزوجتى او عندك صديق ليه ؟
قلت ليهو
ـ لانى بخاف من الرجل السودانى
خمنى رده كان شنو ؟
ـ الرجال كلهم صنف واحد فى امريكا ولا عندكم المهم ان تعرفى كيف تتعاطى معه
ومشكلتى لغاية يوم الدين ما عرفت التعاطى مع الرجل السودانى
ولا العربى ولا الافريقى ولا اى رجل
لغاية الان
رغم ان معظم اصدقائى (رجال )
وهم زاتهم يقولو ليك
ـ الرجال ديل اولاد لذين
اها شنو ليك ؟
بعدين يا اختى العزيزة لا غنى لنا عنهم ولاغنى لهم عنا
يعنى سيك سيك معلق فيك (تحت تحت ناوية ادخل البرنامج دا تانى )
الا من شاف ليهو شوفة تانية
وديل ما معانا
تحياتى

الاخت سلمى الشيخ سلامة
ياهلا بيك
كلامك ده معناهو انك بتصنفي كل الرجال تحت قائمة تجنبي هؤلاء الرجال
انا غايتو محددة تسعة ياريتك تضيفي لي رقم عشرة للقائمة

Quote: المشكلة يا صديقتى لو كان بوسامة براد بيت او بقوة كلاى يبقى هو الرجل يبقى هو من يريدك لانه هو من يشاء وحين تبدى له له ادنى رغبة فى انه من احببتى (بيشرد ) لانه هو الرجل ولا شئ يعلو شفتى كيف ؟

بعض الرجال بيحبو يلعب دور الصياد
د ........لا الفريسة .........يعني كلما انتي امعنتي في رفضه يظل يحبك ..........وعندما تبادلينه الحب يحس بالانتصار وتنتهي القصة...
النوع ده غايتو عايز ليهو تصنيف براهو .............لانو التعرف عليه صعب جدا مهما حاولتي ماحتلقي ليهو علامات واضحة

أنتى محقة يا أمل من ناحية الأولويات .... لكن حتى من بين الأولويات priorties هناك صفة ثابته تحتاجها المرأة فى الرجل وليست بالضرورة أن تأتى هذه الصفة فى أول القائمة ...فهناك مكونات كثيرة تحتاجها المرأة فى الرجل .... وهذا حسب مواصفات المرأة فى فارس أحلامها كما ذكرت من قبل .. وهذه المواصفات ستكون بنسب معينة ... على أن تكون النسبة الأكبر لأولى الصفات التى تبحث عنهاالفتاة فى فارس أحلامها. لكن هناك صفات معينة لفارس الأحلام تتفق حولها النساء العاقلات .... وبطبيعة الحال يكون الزوجان حسب تركيبة التباديل هذه :

زوج عاقل ( وكل جميل الصفات ) + زوجة عاقلة ( وكل جميل الصفات).
زوج عاقل ( وكل جميل الصفات ) + زوجة غير عاقلة ( وكل قبيح الصفات).
زوج غير عاقل ( وكل قبيح الصفات ) + زوجة عاقلة ( وكل جميل الصفات).
زوج غير عاقل ( وكل قبيح الصفات) + زوجة غير عاقلة ( وكل قبيح الصفات).
والعياذ بالله من الأخيرة هذه ، ربما فى الثانية والثالثة ان يؤثر عاقلهما على الآخر.

وكذلك الأرواح جند مجندة ما توافق منها إئتلف وما تنافر إختلف

وكل ذلك يخضع لتركيبة الرجل أو المرأة نفسها ..... قد تكون المرأة بخيلة مثلا ... ولا تحتاج رجلا كريما لانه فى نظرها إنسان مبذر ..... ومن هنا تأتى تعقيدات الوجدان الإنسانى وتفاعل مفرداته.

التحية لكى أختى أمل

الاخ الرشيد
تحليلك واقعي ومية المية

Quote: زوج عاقل ( وكل جميل الصفات ) + زوجة عاقلة ( وكل جميل الصفات). زوج عاقل ( وكل جميل الصفات ) + زوجة غير عاقلة ( وكل قبيح الصفات). زوج غير عاقل ( وكل قبيح الصفات ) + زوجة عاقلة ( وكل جميل الصفات). زوج غير عاقل ( وكل قبيح الصفات) + زوجة غير عاقلة ( وكل قبيح الصفات

ولكن السؤال هو

هل الصفات دي ممكن تتعرف قبل الزواج ؟؟؟...............ولا لازم الاتنين يتجوزو عشان تكون المعادلة صحيحة؟؟

Quote: هل الصفات دي ممكن تتعرف قبل الزواج ؟؟؟...............ولا لازم الاتنين يتجوزو عشان تكون المعادلة صحيحة؟؟

بأمكانى أن أقول لك شيئا مهما .... هذه الأمور ترتبط أساسا و بالمقام الأول بطبيعة الإنسان وخلقه ومقدرته على التمييز ودرجة إلتزامه الشخصى تجاه كافة التكاليف الإلهية والإجتماعية ... ومن الناحية الثانية وحسب تقديرى العقدى ... ترتبط بعلاقة الشخص سواء أكان ذكرا أو أنثى بربه الله سبحانه تعالى ولهذا جاءت - صلاة الإستخارة -(( ما ندم من إستخار وما خاب من إستشار) أو تأتى الآية الكريمة تمشى برجليها لتقول قياسا : (الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون مما يقولون ولهم مغفرة وأجر كريم ))

ولكن فى كثير من الأحيان ما يدخل شخصا ما ذكرا أو أنثى فى النفق الخطأ رغم حسن الخلق وربما هناك أشياء نحن لا نعلمها أو من قبيل الإمتحان والإبتلاء فى هذه الدنيا .... لنيل ثواب الآخرة

وأنا أرى الأشياء هكذا يا أمل ...

Quote: (الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون مما يقولون ولهم مغفرة وأجر كريم )) ولكن فى كثير من الأحيان ما يدخل شخصا ما ذكرا أو أنثى فى النفق الخطأ رغم حسن الخلق وربما هناك أشياء نحن لا نعلمها أو من قبيل الإمتحان والإبتلاء فى هذه الدنيا .... لنيل ثواب الآخرة

يعني لو حللنا كلامك ممكن نقول ان الارتباط عندو معادلتين
الاولى

(الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون مما يقولون ولهم مغفرة وأجر كريم ))
وده في الغالب؟؟
والتانية

يدخل شخصا ما ذكرا أو أنثى فى النفق الخطأ.........يختار الشخص الخطأ؟؟

ولكن فى كثير من الأحيان ما يدخل شخصا ما ذكرا أو أنثى فى النفق الخطأ رغم حسن الخلق وربما هناك أشياء نحن لا نعلمها أو من قبيل الإمتحان والإبتلاء فى هذه الدنيا .... لنيل ثواب الآخرة


للأمانة أختى أمل لو أخذت الفقرة كاملة لكان وجدت الإجابة لكن أخذت ما يتماشى فى أتجاه وضعى فى نطاق التفسير الخطأ للأشياء ..... الأمانة دى هى واحدة من الصفات المطلوبة فى فارس الأحلام مش كدة ؟؟؟

ودى وأحترامى

Quote: أخذت ما يتماشى فى أتجاه وضعى فى نطاق التفسير الخطأ للأشياء

ابدا
انا قسمت الكتبتو انت لي نقطتتين
يعني قسمت المعادلة لي اتنين
1.(الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون مما يقولون ولهم مغفرة وأجر كريم ))
وده في الغالب؟؟
والتانية

2.يدخل شخصا ما ذكرا أو أنثى فى النفق الخطأ.........يختار الشخص الخطأ؟؟

وده تحليل سليم منك
ماعارفة انت كيف فسرتو اني عايزة اضعك في موقف التفسير الخطأ


تحايا عطرة ليك وللامورة الفي الصورة

Quote: ولكن فى كثير من الأحيان ما يدخل شخصا ما ذكرا أو أنثى فى النفق الخطأ رغم حسن الخلق وربما هناك أشياء نحن لا نعلمها أو من قبيل الإمتحان والإبتلاء فى هذه الدنيا .... لنيل ثواب الآخرة

ما أقصده هو أن الناس الذين يدخلون النفق الخطا ربما لأشياء لا نعلمها ، ربما يدخلون لإمتحان أراده الله لهم إبتلاء فى الدنيا لنيل الثواب فى الآخرة....



هذا ما أعنيه

مالو بتاع الكوره

امل قدوره

كيف حالك

Quote: ...تجنبي هؤلاء الرجال التسعة (النسخة السودانية)

انا غايتو مالقيت ولا واحد من المصنفات الفنيه دي بينطبق علي !!!!

المابلقى شبهو ...؟ يسوي شنو ؟ اكون انا الفريد في عصرو ؟؟

can't live with them
can't live without them

























المهم ..

Mohamed Foto7li

Quote: مالو بتاع الكوره

بتاع الكورة نوعين
نوع معتدل والنوع التاني مجنون .....يعني شغلتو الوحيدة الكورة
انت ياتو فيهم

الاخ خضر الطيب
مساء الخير

Quote: انا غايتو مالقيت ولا واحد من المصنفات الفنيه دي بينطبق علي !!!! المابلقى شبهو ...؟ يسوي شنو ؟ اكون انا الفريد في عصرو ؟؟

انا لحدي الان نزلت 5 من اصل تسعة............
لو وصلت للرقم واحد ومالقيت شبهك فيهم
معناها تستحق عن جدارة لقب الشرك المناسب

بعد التعديل
الشريك المناسب

Quote: can't live with them can't live without them

والبعض بيقول
Men, cant live with them, and cant shoot them!


تحياتي

بتاع الكورة نوعين
نوع معتدل والنوع التاني مجنون .....يعني شغلتو الوحيدة الكورة
انت ياتو فيهم?????????????



انا معتدل

معتدل دي متاكد منها ؟؟

ده اختبار سريع حيوريك انك معتدل ولا لا

Quote: اعمل لي نفسك test سريع كده لما يكون الهلال لاعب ا= زوجتك سالتك من شئ بتجاوب ؟ ب=لو طفلك بكي بتمشي تشوفو ببكي ليه؟ ت=لو حصل زلزال في المنطقة ولا بيت الجيران وقع بتمشي تشوف الحاصل شنو؟ ولو الاجابات متنوعةبين نعم ولا معناها انت في طريقك لي انك تبقى مجنون كورة لو كانت كل اجاباتك نعم اذن انت مامجنون كورة ...........ولكن زول بيحب الكورة وبس لو كل اجاباتك لا معناها انت مجنون كورة بي مرتبة الشرف

الاخت امل

مساءك نور

Quote: {معناها تستحق عن جدارة لقب الشرك المناسب

شرك عدييييل كده ؟


خايفين الشرك دا يجيب لينا دباسه




واصلي

شرك عدييييل كده
غلطة مطبعية
لكن جات كده
قصدي الشريك المناسب
تحياتي
وبعدين انت اللي جبتها لي نفسك في داعي تقول انا بعيد من الواصفات؟؟

Quote: انا غايتو مالقيت ولا واحد من المصنفات الفنيه دي بينطبق علي !!!! المابلقى شبهو ...؟ يسوي شنو ؟ اكون انا الفريد في عصرو ؟؟

المالقي شبهو حيدبس

الجميلة أمل
تحياتي

أها كان الواحد أجتمعت فيهو كل الصفات الذكرتيها
عاد نطير وين نحن؟؟

كل الرجال عينهم طائرة ..
ولكن
اتجنبو الأروش البسويها ظاهره

الاخ اشرف

Quote: كل الرجال عينهم طائرة ..

اكيد كل الرجال عينهم طايرة .........عشان كده ماحاولت ادخل الرجل العينو طايرة في التصنيف....
ماقلت تجنبي العينو طايرة ......لاني لو عملت كده ........زي البقول ليهم تجنبو كل الرجال


تحياتي

العزيزة نها

Quote: أها كان الواحد أجتمعت فيهو كل الصفات الذكرتيها

في الحالة دي تعملي ليهو
shift+delete
قبل ماتدي نفسك فرصة تعرفيهو اكتر
ولو كلهم اجتمعت فيهم الصفات دي (مااظن كلهم بينتمو لي فئة الرجال التسعة )تعتزلي الفن
قصدي تطلعي من راسك فكرة الارتباط احسن

الجميلة أمل
قلت لي أعمل shift وdelete

يعني لو عملت enter معناها أنا حجري غطس

غايتو أنا حاسمع كلامك وأشوف النتائج

لو عملتي enter
حتلقي السيستم بتاعك اتفيرس
اعملي حسابك

Quote: الجميلة أمل تحياتي أها كان الواحد أجتمعت فيهو كل الصفات الذكرتيها عاد نطير وين نحن؟؟

ماتسمعي كلام أمل دي ، أتوكلي طوالي!!
معقولة زول بتابع الدوري الاسباني يكون ضمن المقاطعين؟؟

لو بتابع الدوري الاسباني بس ومعاهو شوية من هنا وهنا مامشكلة
المشكلة النوع البتلقاهو ماخالي دوري في الدنيا مامتابعو
يعني لو لقى دافوري ساي يخلي شغلو يحرسو
ده نعمل ليهو شنو ؟؟...........غير نتجنب الارتباط بيهو

أنا غايتو بتاع كورة لكن معتدل..
بس لما يكون لاعب الهلال ما بعرف الاعتدال..
زوجتي بتغير من الهلال..
وليها حق طبعاً..
لأنو المريخ والاتحاد العام برضهم بغيرو من الهلال..
الهلال ده حاجة مدهشة.

الاخ نصر الدين

Quote: بس لما يكون لاعب الهلال ما بعرف الاعتدال.. زوجتي بتغير من الهلال..

طالما انو زوجتك بتغير معناها انت اتجاوزت حدود الاعتدال
اعمل لي نفسك test سريع كده
لما يكون الهلال لاعب
ا= زوجتك سالتك من شئ بتجاوب ؟
ب=لو طفلك بكي بتمشي تشوفو ببكي ليه؟
ت=لو حصل زلزال في المنطقة ولا بيت الجيران وقع بتمشي تشوف الحاصل شنو؟


ولو الاجابات متنوعةبين نعم ولا
معناها انت في طريقك لي انك تبقى مجنون كورة
لو كانت كل اجاباتك نعم
اذن انت مامجنون كورة ...........ولكن زول بيحب الكورة وبس
لو كل اجاباتك لا معناها
انت مجنون كورة بي مرتبة الشرف

وكويس انو المدام ماقرت البوست ده قبل الزواج

أمل قدورة .. سلامات

وينك وين أخوانك اللذيذين ديك ..



أفتقدتكم والله ..


طبعاً جيت أسلموبس: , ماعندي علاقة بحكاية العرس دي ..


(مشوكش وبطني طامة)

الاخ كمال
مراحب
انا واخواني حاليا موجودين
ظروف معينة ابعدتنا الفترة الماضية عن المنبر
بس عدنا
تسلم

4.الرجل الذي يعتقد انه افضل منك
هل التقيتي به قبلا ؟؟
هو الذي يحب الشعور بالتفوق ولايوجد شخص في العالم افضل منه ...........لديه نظرة حادة ولسانه السليط قادر على تمزيق اي شئ في ثواني
هذا المخلوق البارد عديم الاحساس والشعور ليست لديه قدرة على الابتسام ولو بالغلط وذلك لخوفه من ان يتمزق وجهه.....
ببساطه هو يجد الراحة في الشعور بانه افضل من الاخرين
بعد قضاء بعض الوقت مع هذا النوع من الرجال ستجدين ستتحتقرين جميع انواع البشر كما يفعل هو .......وستزحفين وبداخلك شعور بعدم الجدارة وعدم القيمة



ارميه كما ترمين الخضار الفاسد

3.الذي يعاني من عقدة الاضهاد

يوجد شئ في هذا المخلوق العجيب يجعله يفكر بانك تخونينه ......حتى لو كنتي جالسة بجانبه ....
هذا النوع من الرجال في في بداية تعارفكم تبدو عليه الثقة بالنفس ...ثم بعد ان تتوطد العلاقةتكتشفين انه لايحب ملابسك (فاضحة جدا)..........
مكياجك (لافت للنظر)..........
صديقاتك(........).....
عائلتك (متطفلة)......
عملك(متطلب).....
حتى تستيقظي يوما وتكتشفي ان الشئ الوحيد الذي تبقى لك في حياتك هو رجل غريب الاطوار ....مجنون بالاضهاد وتعيس
لايستطيع ان يراك بعيدا عن نظره ....او يحتمل ان ينظر الى وجهك
هو يريد الا يكون لديك شئ في حياتك سواه.........

الا اذا استيقظتي وتركتيه

سلامات يا أمل

عجبني نضمي بت الشيخ الفوق دة
زي ما قالت الرجل ياهو الرجل
في كل زمان ومكان وبالطبع المرأة
هي المرأة على حسب القاعدة ..

إنتو صنفوا واختاروا ونحن برضو
بنصنف ونختار لكين بعد ما دقسنا ؟؟؟

مرحبتين اخي بكري اسماعيل

Quote: إنتو صنفوا واختاروا ونحن برضو بنصنف ونختار لكين بعد ما دقسنا ؟؟؟

الناس اللي صنفو واختاروا على الاقل يدلو الناس اللي في بداية الطريق عشان مايدقسو
ولامامعاي في الكلام ده

Quote: ماتسمعي كلام أمل دي ، أتوكلي طوالي!!

والله انا اتحيرت...
اتوكل وأعمل enter
واللا أتراجع وأعملshift , delete?

Quote: معقولة زول بتابع الدوري الاسباني يكون ضمن المقاطعين؟؟

Quote: والله انا اتحيرت... اتوكل وأعمل enter واللا أتراجع وأعملshift , delete?

مالازم الواحد يكون حاسم ...............غايتو لو انتي بتحبي الدوري الاسباني اتوكلي واعملي enter
ولو مكجناهو
طوالي اعملي shift , delete
ولو مانفع اعملي quick format

مجنون الكورة احسن من بتاع السياسة

الاولاني بيقعد معاكي في البيت وعينو على التلفزيون
وانتي شايفاهو قدامك

اما السياسي، يحوم برا ويسرح برا ويسهر برا
وممكن يعمل مرا و عيال وانتي عليكي ليل



بوست لذيذ

زول واحد
ولا زول وحييد؟؟
اهلين ومرحبتين

Quote: مجنون الكورة احسن من بتاع السياسة

مجنون الكورة صعب التعرف عليه ..........ممكن يتخفى تحت شكل تاني
لكن مجنون السياسة وااااضح عشان كده مادخلتو القائمة

Quote: الاولاني بيقعد معاكي في البيت وعينو على التلفزيون وانتي شايفاهو قدامك

يعني عصفور في اليد ..........ولاعشرة طايرين

تسلم

سلامات امولة
اخبارك ... بوست لطيف و حلوة خارطةالطريق دي
ياجماعة دقيقة بس ما تنطوا ليها خليها تخلص كل الاصناف .... اقصد بقية الشخصيات


استاذتنا سلمي الشيخ

Quote: يعنى سيك سيك معلق فيك (تحت تحت ناوية ادخل البرنامج دا تانى )

دة اجمل تعليق سلمي ..يلا سريع شدي حيلك دايرين نسمع اخبار حلوة


كدي كملي انا بخت الطوبة بكمل اللفة و بجئك راجعة
تحياتي ليك

الاخت سحر
يامراحب بيك

ودي اجمل خاتمة

Quote: كدي كملي انا بخت الطوبة بكمل اللفة و بجئك راجعة

منتظرة رجعتك..........واضافاتك
شوية شوية وحانزل كل الاصناف .........اقصد الشخصيات

سلام تاني يا أمل

Quote: الناس اللي صنفو واختاروا على الاقل يدلو الناس اللي في بداية الطريق عشان مايدقسو ولامامعاي في الكلام ده

لكين لو قعدنا دلينا الناس مافي زول حا يعرس أو بالأحرى مافي زولة بتعرس .. عشان كدة خلوها ماشة بالبركة .. الراجل خلوهو بطيخة مقفولة إنتي وحظك ...

يابكري
كدي صفي النية انت خايف البنات مايعرسو لو دليناهم ..............ولا الرفض يكتر

Quote: الراجل خلوهو بطيخة مقفولة إنتي وحظك

نخليه بطيخة مقفولة ولا احسن نستعمل التقنية الحديثة ........وبالاشعة فوق الحمراء نعرف الجوه البطيخة شنو
سلام

والله يااللخت بتاع الكورة دا اصلا ما كعب ، هي كلها سبت وأحد في الاسبوع لليغا والبريمرشيب والكالشيو و بالكتير تضيفي ليها الثلاثاء والاربعاء بعد كل اسبوعين للشانبيوز،وبعدين هو حيكون قدام عينيك وبعد داك you will be free to watch Designing show,MTV Aribia or whatsoever you want.

Quote: سبت وأحد في الاسبوع لليغا والبريمرشيب والكالشيو و بالكتير تضيفي ليها الثلاثاء والاربعاء بعد كل اسبوعين

اها لو يوم الثلاثاء معزومين مناسبة ........ولا الاحد عايزة امشي ازور اهلي ضروري
ولا الاربعاء عندنا زول في المستشفى عايزين نزورو ومواعيد الزيارة ريال مدريد لاعب........اعمل شنو انا في الحالة دي

2.الذي يرفض ان ينضج
هناك رجال طبيعيين يحبون المدح..........وان تنفذ طلباتهم ............لكن هناك نوع آخر من الرجال هم اطفال انانيين ومدللين ولا يفهمون معنى المسئولية .........او احترام الذات
هذا النوع من الرجال لايستطيع ان يستقر في عمل واحد ويلوم كل من حوله على غبائهم وكسلهم ........ويكون دائما غاضب ...منفعل يظن ان العالم لايعطيه الاحترام الذي يستحقه .....وليس لديه ادنى فكرة ان العالم يعطيه الاحترام الذي يستحقه بحق
ان تكونين مع هذا النوع من الفاشلين هو تماما مثل ان يكون حولك عشرة اطفال متشبسين بك ويبكون مطالبين بالايسكريم .. في الوقت الذي لاتمتلكين فيه ثمن الخبز
اقفلي الابواب وارمي كتاب الاعذار هذا وضعي عصاة بجانبك للاحتياط




تجنبيه كما تتجنين الطفيليات التي تمتص الدم

طيب شوفي لينا كمان أصناف النسوان.
البوبارة، والشمشارة، والنقناقة، والمتسلطة، والمسترجلة، والمتفلسفة، والمتحنكشة، و..............

Quote: اها لو يوم الثلاثاء معزومين مناسبة ........ولا الاحد عايزة امشي ازور اهلي ضروري ولا الاربعاء عندنا زول في المستشفى عايزين نزورو ومواعيد الزيارة ريال مدريد لاعب........اعمل شنو انا في الحالة دي

تمشي براكي و تقولي ليهم راجلي بسلم عليكم

Quote: تمشي براكي و تقولي ليهم راجلي بسلم عليكم

ليه يانبيل اخت نفسي من الاول في موقف زي ده
مش اول مالواحدة تعرف انو مجنون كورة تبعد احسن؟

ABUZEEGH

Quote: طيب شوفي لينا كمان أصناف النسوان

.

برضو في بوست اسمو
كيف تتعرف على شريكة حياتك المناسبة؟؟...تجنب هؤلاء النساء التسع
بس لسه البوست قيد الانشاء

Quote: تمشي براكي و تقولي ليهم راجلي بسلم عليكم

حلوة شديد وملعوبة

Quote: شوية شوية وحانزل كل الاصناف .........اقصد الشخصيات

أمل

كيفنك

أقولك قول

نحن دربنا مرق

لكن انتن
ياكن الماعرستن

Quote: أقولك قول نحن دربنا مرق لكن انتن ياكن الماعرستن

يامحمد عبدالماجد
دربكم مرق؟؟؟........... لو الواحد مالقي واحدة ترضي بيهو ..........دربو حيمرق كيف..........الا يستورد ليهو زوجة

يا أمل ..

ده يا ربي إنحياز نوعي !!
و للا عنف مفاهيمي فيهو ريحة حرابة !!
ده إنفشاشة ساكت كده لله و الرسول !! ..
و للا عضلات تِبِش !! ..
و للا كيف ؟

Quote: تجنبي هؤلاء الرجال التسعة

لو أصلاً الحكاية فيها تجنُب .. نحنا* و الله إلا نوديكن الكرنتينة .. أو أقرب واديٍ غير ذي زرع ..
بس لايكين الصبر .

إشتغلي كويس بالله ..


....
* نحنا دي في صيغة جمع المذكر السالم .

ياعماد عبدالله

ياابو الشباب
خلي روحك رياضية
ده لاانحياز نوعي ولا عنف مفاهيمي
دي رؤية جديدة لاستراتيجية سابقة في اختيار شريك الحياة

Quote: ريحة حرابة !!

حبوبتي زمان الله يرحمهما كانت بتقول الحرب جايه من الغرب
ماعارفة ياتو غرب قاصده
المهم
فيها شنو لوحاربنا (مع انو ده مالغرض الاساسي من البوست)
الجنوب حارب........ والغرب بيحارب ........والشرق برضو بيحارب............وتحت تحت الشمال فيهو ريحة حرب جاية ...........احنا برضو من حقنا نحارب...

Quote: لو أصلاً الحكاية فيها تجنُب .. نحنا* و الله إلا نوديكن الكرنتينة .. أو أقرب واديٍ غير ذي زرع .. بس لايكين الصبر

انت زعلان ليه
انا ماقلت تجنبي كل الرجال
قلت تسعة انواع
عموما
انت اما واحد من التسعة
ولا بره الحسبة

عموم ديل التسعة
9.الصعب الارضاء

8.المحطم (المشوكش)
7. مجنون الكورة
6. الرجل الذي (يعتقد) انه يعرفك
5.الاكثر جمالا منك
4.الرجل الذي يعتقد انه افضل منك
3.الذي يعاني من عقدة الاضهاد
2.الذي يرفض ان ينضج
عموما انا حاساعدك واح\ف ليك عدة اجابات
مستحيل تكون مجنون كورة.........لانو انت كده ماكان لقيناك في سودانيز اون لاين
برضو مستحيل تكون ال\ي يعاني عقدة الاضهاد.........لانو برضو لو انت كده ماكان خليت الجماعة بتاعينك يغيبو عن نظركوجيتنا هنا في سودانيز اون لاين
رقم واحد انا لسه مانزلتو
كده انا ح\فت ليك 3 اجابات



لو بعد ده ماعرفت ممكن تصل بي صديق




لو واحد من التسعة ...........ليك الحق تزعل بس بدل كده ورينا وجهة نظرك وانك بتعمل كده ليه ...........ممكن نلقى ليك مبرر ونستبعدك من اللسته
ولو الله لطف وطلعت بره التصنيف .........في الحالة دي مفروض تنبسط

ولا انت ضد حكاية التجنب من اساسها..........وشايف انو الواحدة ترضى بي اول واحد يطرق بابها بدون تفكير
تحياتي

فى حاجة تانية ماتنسيها يا أمل ........ أوعى تنسى الراجل البحب القعدة فى الكمبيوتر والكتب... أولا مرتى كم مرة هددتنى وقالت لى اللابتوب دا بكسروا ليك فوق راسك .... أما موضوع الكتب دا قالوا مرة الأمام القطربى زهجت من قرايتو وكتابتو الكتيرة فقامت خلتو ليك مرق وحرقت المكتبة فأضاعت المرأة بغيرتها علما على الأمة .


أها انتن الواحدة لما تلقى ليها Desperate house wives ولا friends ولا Sienfeild ولا American Idol ولا opera Primetime ولا The Ellen DeGeneres Show ولا my wife and kids ولا totally outragous behavior ولا shocking videos ولا world most amazing videos ولا amazing race ولا برنامج نجم الخليج نان تانى بتحسن بواحد جالس جنبكن.

مع تحياتى

Quote: أوعى تنسى الراجل البحب القعدة فى الكمبيوتر والكتب... أولا مرتى كم مرة هددتنى وقالت لى اللابتوب دا بكسروا ليك فوق راسك

ماناسياهو لكن......خايفة راس السوط يوصلني..........اها اناكمان بموت في قعدة الكمبيوتر

Quote: ماناسياهو لكن......خايفة راس السوط يوصلني..........اها اناكمان بموت في قعدة الكمبيوتر

الله يجازى محنك ..... وبعد دا كلو بتتفاصحى .... المفروض من النقطة طوالى نقلب البورد وندخل على برنامج الإتجاة المعاكس عشان نشوف متطلبات الراجل شنو عشان نقيم قعدة الكمبيوتر بتاعتك دى مودية لوين..... بس ما التوج ......For to be fair and lovely

Quote: المفروض من النقطة طوالى نقلب البورد وندخل على برنامج الإتجاة المعاكس عشان نشوف متطلبات الراجل شنو عشان نقيم قعدة الكمبيوتر بتاعتك دى مودية لوين..... بس ما التوج

اها شان كده انا مابحب اتكلم في السياسة.........هسه جبت لي نفسي الهواء


عمومااحناعرضنا متطلبات المرأة .......انتو شدو حيلكم وورونا متطلبات الرجل

المرأة مفروض تكون زى أم رزان ..... رزان اللعلى يمينك دى ...... أوى تقولى انا بكتب الكلام دا وفى شبشب ولا مفراكة أو مقصوصة بفوق رأسى ....... لا .... انا بكتبو طوعا وإختيارا ... وقناعة .

Quote: المرأة مفروض تكون زى أم رزان

ربنا يكتر من امثالك ياابو رزان ويخلي ليك رزان وام رزان






بس بيني وبينك كده .................... بي مقياس من واحد لي عشرة....درجة الرقابة كم بالنسبة لي كتاباتك في سودانيز اون لاين (من طرف ام العيال)؟؟؟؟

Quote: Quote: can't live with them can't live without them والبعض بيقول Men, cant live with them, and cant shoot them! تحياتي

لاكين انا ما حددت رجال وللا نسوان!






المهم ...

ولاتزعل

cant live with them, and cant shoot them

بدون تحديد ولا انحياز نوعي

Quote: بدون تحديد ولا انحياز نوعي

هو البوست دة أم الإنحياز النوعى:

Quote: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية)

نحن بس ما دايرين نكشف استراتيجية الرجال فى التعرف على شريكة الحياة (لأنو دا موضوع ما بهم النسوان)









المهم ....

قصدك انو الرجال عندهم استراتيجية لاختيار شريكة الحياة.............مابصدق

Quote: قصدك انو الرجال عندهم استراتيجية لاختيار شريكة الحياة.............مابصدق

كيف ما فى أستراتيجيات يا أمل ..... فى إستراتيجيات بالهبل.... وخطط قصيرة وطويلة المدى ... كمان

يعنى لما كنا برالمة بجامعة الخرطوم .....أول وصية من صاحب لى سنير ... قال لى لو البت عجبتك وفكرت تتزوجا ..... بس قوم عاين ليها فى عينا الشمال لأنو قريبة من القلب..... هسى فى إستراتيجية أحسن من دى ؟؟..... ولا رأيك شنو ؟؟؟؟ .... طبعا الليلة الناس العزابة بالبوست دا أخدو ليهم درس عصر ببلاش...وتلقاهم مسكتم أم هلهلة عشان يطبقوا النظرية .... بس ناجحة ...أسألونى انا دا .....

Quote: يعنى لما كنا برالمة بجامعة الخرطوم .....أول وصية من صاحب لى سنير ... قال لى لو البت عجبتك وفكرت تتزوجا ..... بس قوم عاين ليها فى عينا الشمال لأنو قريبة من القلب..... هسى فى إستراتيجية أحسن من دى ؟؟..... ولا رأيك شنو ؟؟؟؟ .... طبعا الليلة الناس العزابة بالبوست دا أخدو ليهم درس عصر ببلاش...وتلقاهم مسكتم أم هلهلة عشان يطبقوا النظرية .... بس ناجحة ...أسألونى انا دا .....

بس الاهم من كده انو شريكة حياتك اللي اخترتها............وطبقت عليها استراجياتك كلها
الاهم انو تكون النتيجة ايجابية .........وماتتكون توقعاتك فيها خابت

جاوبني بصدق!!!!!

على باليمين وبكل صدق اى شئ انا طالبه فى شريكة حياتى لقيتو فى المرة دى .... كل الصفات الأنا عايزا لقيتا ..... شفتى الكلام دا كيف.....وزى ما قلت ليكى ما تقولى فى كمشة(كاف مضمومة) فوق راسى وانا بقول الكلام دا دا بكل صدق.. وبكل صدق ... وكل الصدق

ابو رزان

متاكدة انك صادق في كلامك
ماكل الزيجات فاشلة ..............لكن سوء الاختيار من حسنه هو الفيصل

Quote: كمشة(كاف مضمومة)

احنا بننطقها كمشة(بالفتحة)

ام خشماً رهيف
وام ساقاً رهيف
عن بابا ما تقيف
أكان كتلك الزيف























المهم ..

Quote: المهم ..

Quote: ام خشماً رهيف وام ساقاً رهيف عن بابا ما تقيف أكان كتلك الزيف

ممكن تساعدنا بالترجمة؟؟؟
ماترجمة المعني .........ترجمة المقصود

الراجل ذاتو كان ما بقت فيهو على الأقل 6 من الصفات التسعة دي ذاتو ما ببقى راجل. ناخدهم ليك واحد واحد كالتالي:-
- الصعب الإرضاء : الواحد لازم يكون سقف طموحو عالي يا أستاذة مش يرضى بأي شيء وخلاص انتهى الموضوع.
- المحطم المشوكش : الشوكشو منو ما بت حوى زييك كده، تعملوها في الرجال وما تحملوا نتائجها؟؟ والله كلام ...
وبرجع ليك بمزيد من التفنيد لباقي تسعتك دي

Quote: الصعب الإرضاء : الواحد لازم يكون سقف طموحو عالي يا أستاذة مش يرضى بأي شيء وخلاص انتهى الموضوع. - المحطم المشوكش : الشوكشو منو ما بت حوى زييك كده، تعملوها في الرجال وما تحملوا نتائجها؟؟ والله كلام ...

الصعب الارضاء ده طالما سقف طموحو عالي ...........ما يختار من الاول الواحدة اللي ترضي طموحو.......زمش يشوف لي بت ناس وبعد ماالفاس تقع في الراس يكتشف انها مابي المواصفات البترضيهو ..ويقعد ينتقد فيها في الهينة والقاسية ......ولا مامعاي
اما المحطم .......ده بالذات مشكلة .......مايمشي يشوف بت حواء اللي شوكشتو ويبكي ليها .......بدل مايربط نفسو بي واحدة ......بس عشان يقعد يبكي ليها على الاطلال

Quote: واصلي باقي الصفات... انا سنة ثانية زواج، يمكن اقدر اديكم مواصفات اخرى تبعدوا عنها بنت الحسين

بعدين دي زوجتي الكاتبة الكلام ده ... عشان تعرفي نحنا ناس مبدعين كيف، تسعتك دي نقطة في محيط يعني في بلاوي مهببة جاية في السكة...

Quote: بعدين دي زوجتي الكاتبة الكلام ده ... عشان تعرفي نحنا ناس مبدعين كيف، تسعتك دي نقطة في محيط يعني في بلاوي مهببة جاية في السكة

ياريت زوجتك تسعفنا بالمزيد .........وتكون خدمت البشرية ......قصدي تكون خدمت معشر النساء
تحياتي ليك وللمدام

" />">

" />">

" />">

" />">

Quote: الراجل ذاتو كان ما بقت فيهو على الأقل 6 من الصفات التسعة دي ذاتو ما ببقى راجل. ناخدهم ليك واحد واحد كالتالي:- - الصعب الإرضاء : الواحد لازم يكون سقف طموحو عالي يا أستاذة مش يرضى بأي شيء وخلاص انتهى الموضوع. - المحطم المشوكش : الشوكشو منو ما بت حوى زييك كده، تعملوها في الرجال وما تحملوا نتائجها؟؟ والله كلام ... وبرجع ليك بمزيد من التفنيد لباقي تسعتك دي

أجي يا يمه، انت جيت ومشارك بي جاي كمان

Quote: بعدين دي زوجتي الكاتبة الكلام ده ... عشان تعرفي نحنا ناس مبدعين كيف، تسعتك دي نقطة في محيط يعني في بلاوي مهببة جاية في السكة...

خدي يا أمل، سجلي رقم عشرة بالله... المشترك معاك في سوادنيز اونلاين، مما يشم ريحة قطيعة فيه يجي يعلّق... يعني المنفذ الوحيد للقطيعة يتسد.. حسي لو ما عنده password .. كان قرا الكلام الفيهو وجا اداني الرد فيه البيت...


محمد الحاج، مالك ياخوي شال سكينك وتقطع... خليك محضر خير، يا ربي تكون انت الوريت نادر كلامي البي جاي ده؟! (وجه متسائل)


بنت الحسين

والله مشكلتك كبيرة مع الرقابة .......اقصد مع نادر..........
بس سؤال صغير
هسه انتو لما تكونو في البيت الاولوية في استعمال الكمبيوتر لي منو؟؟
ولا مقسمينها بي نظام الساعة ......ولا شنو

سلام وتحية يا ست البوست و زوار البوست ، كان عندي مداخلة في بوست تاني لها صلة بي موضوعكم ، قلت لي نفسي مالو لو اتشاركنا الافكار و الاراء و اليكم المداخلة ادناه :
في المرة الفاتت حذّرت الرجال من بعض النساء.. لقيت أن من العدل والإنصاف وعدم المكاواة ان أحذّر النسوان من بعض الرجال والما بتلقى ولا واحدة من الصفات الأنا حأقولها دي في اي راجل تتوكل على الله وتعرسو... والبتكتشف اي صفة في اي واحد وهي معرساهو تحاول ان تقومه، وإن ابا الشكية لله تقعد معاهو وتتحمل ومأجورة بإذن الله كل شى ولا خراب البيوت.
والرجال ديل هم:

الجكاسي والسياسي والمراسي.. الشناف والعواف والخواف.. الشكّاي والحاكاي والكاواي.. اللعلاع والبرطاع والطماع.. نجي نشوفهم واحد واحد...

الجكاسي

اي كتير الجكيّس قبل الزواج..ودي عادة قلما يتركها اصحابها الا من رحم ربي..زي دا يخليكي ديمة ايدك فوق قلبك وخايفة يجكس من وراكي، وهو قطعا حيسويهاواحذري ثم احذري ان يسمع غنية (راجل المرا حلو حلاة)

السياسي

دا ما بيقدر يميز بينك وبين جماهير الشعب.. يكضب عليكي ويوعدك ويكضب ..وكل مرة يغشك بطريقة مبتكرة وجديدة.. حكمة ربنا انتي تصدقيهو وفرحانة كمان زي الشعب بالظبط والربط... يكضب عليكي لحدي ما يموت دا لو ما متي انتي قبالو .

المراسي

معاقر المريسة ومشتقاتها وأخواتها واخوانها..المراسي دا يجيكي نص الليل شايل معاهو راس خروف وضلافين وينهزك من النوم عشان تقومي تطبخيهن ليهو.. وفيهم نوع يشغل المسجل ويخت شريط بتاع فنان شايقي ويحلف عليكي طلاق علا ترقصي وهو ياخد شبال... انتي الليل كلو ترقصي وهو ياخد في الشبالات والنيفة بهناك تحرق والشكلة تقوم.. وفيهم نوع يجيبوهو ليكي اصحابو نص الليل شبه نائم كل يوم ايام الله السبعة..

الشنّاف

كتير الشناف ..اي حاجة يطلع فيها غلط ويشيل حال اي حاجة وأي زول يقع تحت يدو.. حتى كديستكم الفي البيت ما بتمرق من شيل حالو لازم يطلع فيها شئ ومرة مرة انتي زاتك يديكي حقك...

العوّاف

دا يعاف اي شئ اي حاجة تسويها ليهو ما ياكلها، ولو مشى معاكي بيت ناس ابوكي وعندك اخوان صغار وخاصة النوع الديمة عندو نزلة وللا عندك حبوبتك كبيرة وللا جدك كبير.. ما يدخل اي حاجة في خشمو.. طول ما هو قاعد عندهم يكون عايف اخوانك وجدك وحبوبتك ويدخلك في ضفورك ويخليكي تكوسي للإعذار ليهو .

الخواف

اول معرفتك بيهو يعمل فيها عنتر بن شداد ويقعد يحكي ليك ويكلمك ببطولاتو مع كلاب الحلة والحرامية والرباطين وكيف كان بيدقهم.. لكن بعدين حتكتشفي انو اخوف زول في الدنيا ونضمو دا نضم فاضي ساكت اول ما يسمع انو في حرامي متلح الحلة حقتكم يقول لك (النعمة؟ ما مشتهية ناس ابوكي نمشي ناخد معاهم يومين تلاتة؟) هروبا من الحرامي وإن شاء الله البيت يسرقوهو كلو...


الشكاي

الجنو شكية خصوصا من المعايش... تلقيهو هامي ويزيدك هم وغم ويقعد يشكي ليل نهار من الماهية الما مكفياهو، ومن مديرو في الشغل الحاقر بيهو .. ومن جيرانو القاعدين يخلوا كيس الوسخ حقهم قدام خشم بابكم ويمرق برا البيت ويقعد يشتكي منك انتي زاتك...

الحاكاي

من يحاكي خلق الله فعلا وقولا وسلوكا.. ودا حيقعد كل ما يزعل منك يحاكيكي يمرق سنونو برا.. ويعوج خشمو ويقول لك (يا سلام عليك يا اخوي)زي ما بتقوليها انتي .. لحدي ما بيفقدك الثقة في جمالك .

الكاواي

يستمع بالمكاواة.. تقولي ليهو ما تبصق السفة في السراميك يسوي السعوط شغلة يقعد يسف ويبصق اليوم كلو فوق السراميك عشان يكاويكي ويغيظك.. ولو ما كاواكي يقعد اليوم كلو زهجان...


اللعلاع

يحب الصوت الجهوري .. بالرغم من حلقومو الكبير وكواريكو لكن هرشة.. لو صريتي ليهو صرة صغيرونة بيسكت طوالي المصيبة انو بسرعة ينسى الصرة ويرجع تاني يلعلع.. وبعدين ونستو كلها بأعلى صوتو يعني ما عندكم سر.. سركم كلو عند الجيران...

البرطاع

من يمشي وهو يبرطع .. تسمعي حس نعلاتو من اول الشارع يحب لبس الشباشب والسفنجات كأدوات قوية للبرطعة... يمتاز بكرعين مشققات .. تخان.. خُرُش .. نص ميزانيتكم حتروح نعلات..

الطماع

قحف .. قيحة .. اي حاجة عندو بالحساب من الصابونة لحدي طرقات الكسرة يعدهن طرقة طرقة.. وحتى القُطْر بتاع الطرقة يعبرو..

عاد زي ما سمعتوا يا اخواتي اعملوا حسابكم من الانواع المذكورة أعلاه و احسن لينا عزوبيتنا دي من وجع الراس زي ما شفتوا و سمعتوا ، اقعدوا عااااافية .

الاخت هبة
كده انتي زدتي على التسعة العندي ..12 نوع من الرجال االلي يجب تجنبهم .....يعني حسابيا كده بقو واحد وعشرين ............يابت امي فضل منو تاني ............كده كملناهم كلهم
غايتو كدي تعالي نحللهم واحد واحد ممكن نختصر العدد

الجكاسي
اتي كان كده ماعارفة حاجة
آخر احصائية بتقول انو كل الرجال عينهم طايرة ........
زي ماقال واحد زميلنااشرف الباقر

Quote: كل الرجال عينهم طائرة .. ولكن اتجنبو الأروش البسويها ظاهره

يعني البعملها ظاهرة ده بيريحك لانو بكون تحت عينك وبتقدري بي كده توقفي في الوقت المناسب يعني انتي وشطارتك


معاي في انو نحذف النوع ده من القائمة ولالا
ولا نعمل تصويت
تحياتي

السياسي

ده لازم ينضاف للستة.......كده بقو عشرة .........

المراسي :ده مشكلة لانو التعرف عليهو صعب جدا .......كده 11


الشناف ده ممكن نختو مع الصعب الارضاء...........اختصرنا كده واحد

العواف ..............12

الخواف اها كمان البسك الحرامي منو...........13 .

الشكاي ..........ده خليهو مع زولنا اللي بعاني من عقدة الاضهاد......برضو اختصرنا واحد

الكاواي............14

اللعلاع ..........ده صعب خاصة لو بقى كمان مراسي ..........تكون تمت الناقصة ........نضيفو طوالي
للقائمة.........15



الطماع ...............16

كده بدل TOP9.......................
خشينا في TOP16
الموضوع اتطور
شكرا على الاضافات

1.الرجل القاسي

ببساطة هو قاسي ...........ولكن هناك نوع من الرجالهم حقيقة وحوش يختفون تحت قناع من السحر والرصانة.........لا يوجد شئ في العالم اكثر ضررا او قبحا من الرجل القاسى........لسبب ما هناك رجال يجدون الفرحة فقط في رؤية الآخرين يتألمون
البعض يعتقد ان لهذه القسوة علاقة بالقوة ..........لكن الحقيقة ان هذا النوع من الناس مريض
انت ايضا ستصبحين مريضة اذا ارتبطتي بشخص مثله






لاتجعلي المظاهر تشوشك عن الحقيقة وانظري الى الداخل
فالنار مثلا منظرها جميل وشاعري..........لكنها تؤلم عند لمسها
ابقي بعيدة عن هذا النوع من الرجال كما لوكانت حياتك وسلامتك مرهونة بذلك ،لانها كذلك

Quote: هسه انتو لما تكونو في البيت الاولوية في استعمال الكمبيوتر لي منو؟؟ ولا مقسمينها بي نظام الساعة ......ولا شنو

أجاوب ليك على سؤال يا أمل... ما تشوفي المكاوة دي، نحنا زوج متفق جداً... لما نكون سوا في البيت الكومبيوتر ما بتفتح أساساً إلا للحالة القصوى، وسودانيز اونلاين ما حالة قصوى ولا شي... يعني بنشوفها بايخه كده اننا نكون سوا، وواحد مشغول بالكومبيوتر.. موش؟


بجيك تاني اديك مواصفات تبعدي عنها...

بنت الحسين

الاخت مريومة
اهنيك كتير على زواجك الموفق .............والروح الحلوة
انتي عرفتي خارطة طريقك الصحيحة بدون بوصلة...............وانشاء الله دايما متقفين ومبسوطين

و الله يا أمل ..
السويتيها رقدت و إنكوّعتْ ..

من الآخر كده إنتن دايرات زول ( مثالي ) .. مش ؟
تلقوها في الغافل ..
عشان حكاية " المثال " دي الناس لقتا عوّه ما شغالة ..
لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض ..
في كل شي حكاية ( المثال ) دي ما شغالة .. مش في الرجال و النسوان بس ..
المثالية حالة عبيطة .. و مملة ياخ ..
حالة ثبات و إستقامة و كمال بايخة جداً .

على أيام الجستابو قالوا عمك الفوهرر كان بيدخل جواسيس الحلفا في أوضة بيضاااااا و نضيييفة و مدوووورة و صااااااانه , و يخليهم أيام .. يقوم الجاسوس بعد يطلعوا من الأوضة دي يفتّ ليك أي شي لأنو بيكون مدمر نفسياً و كايس للتحلو و بس .
أها الزول المثالي ده بيكون ياهو اوضتنا دي زاتا :
ممل و نضيف و أبيض و طيب و كويس خالص خالص لمن يخليك تنتحر من السأم .

شوفي يا أمل ..
ما تاخدي ذنب بنات الناس و تسدي نفسهم ساكت ..
زول ما فيهو شي من الكعوبيات الشايلة حالنا بيهم ديل .. بيكون واحد من إتنين :
يا هطلة و تلّوشة .. يا كمان ملاك ..
و الإتنين .. ما رجال .

.....
في الكتاب بتاعي " إنّا لله .. نسوان عجيبات " ح أخُتّك الكاتيقوري رقم 63 ..

والله ياعماد
دي وجهة نظرك وانا بحترمها ............بس ياريت بعد ماواحدة من اخواتنا ترضي بيك بي علاتك ..اذا افترضنا وجودها على حسب كلامك

Quote: عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً

.

ياريت بعدين انت برضو ترضى بيها على علاتها.........وماتقعد تغني ظلموه
وشاحدة ربي ياعماد ياودعبدالله تلم ليك في واحدة من نوع النسوان تكون لامه كل التنوع الانت بتحبو
....وبعيدة عن المثالية الانت بتكرههاا
البوبارة، والشمشارة، والنقناقة، والمتسلطة، والمسترجلة، والمتفلسفة، والمتحنكشة، الكل يوم شكل عشان تضيف لي حياتك البهجة البتتمناها

تطلع تخليها متحنكشة وترجع تلقاها مسترجلة تنوم تخليها نقناقة ........تصحى تلقاها متسلطة

قول يارب

برجع ليك تاني

اها وكمان عندي ملحوظة بسيطة

في فرق كبير بين كلمة الرجل المناسب ..............وبين الرجل المثالي

انا في البوست بتاعي مااتكلمت عن الزوج المثالي .........ولا جبت سيرتو

انا اتكلمت عن الرجل المناسب

بالعربي كده

في فرق كبير بين انك تنزل السوق عشان تشتري غرض ...
مثلا
فرق كبير بين ان تبحث عن قميص مناسب .......وقميص مثالي
القميص المناسب بناسب شكل احتياجك ليهو .........وجيبك ........والمناخ الانت عايش فيهو
لكن القميص المثالي ده ممكن تدوخ في السوق وماتلقاهو



وقع ليك ولا اعيد ليك

Quote: عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً

.

المثالية ماحالة عبيطة .........ومملة .......عارف ليه؟؟؟
...............لانها اساسا ماموجودة
....الرجل المثالي كائن خرافي

Quote: بعض الرجال بيحبو يلعب دور الصياد

انا بحب القصة بتاعت الهنتنق دى زمان
من هو الصياد و من هو الفرسية
بس الان مابحبذا
كدى برجع تانى

اخي ابوبكر

Quote: انا بحب القصة بتاعت الهنتنق دى زمان من هو الصياد و من هو الفرسية بس الان مابحبذا

ياربي لييييييييه؟؟؟.........
غايتو اجتهادا كده ........
اما انك ماشاطر في لعب دور الصياد
ولا بعد ماينتهي الgame بتلقى نفسك لقيت الفريسة ............ولا شنو؟؟؟؟؟

انتى اقعدى حرشي لى فيهم كده
لمن تبورينا


لكن كويس انك كلمتينا عشان نعمل حسابنا

باص بينى :

خوشنه بنتخوشن

لكن كوره دى مااااااااااااااا ظنيت بنخليها

تسلمى وتشكرى على الموضوع

Quote: لكن كوره دى مااااااااااااااا ظنيت بنخليها

شكلك مبسوط ومزاجك رايق ..........معناها اجتزت الامتحان بنجاح ..........وطلعت برة حسبة التسعة

Quote: ...تجنبي هؤلاء الرجال التسعة

لكن ياربي حسبة اختنا هبة اجتزتا ولالا
تسلم انت على الروح الرياضية

سلام يا امووولة كيفك يا اختي أن شاءالله طيبة ، انا موافقة علي التعديلات لانو زي ما قلتي ما فضل زول ( يعني الناس ما تعرس معاكم و لاشنو !! )
علي العموم عشان ما نزعل الشباب ( السادة الرجال ) مننا كمان عملت ليهم لستة خاصة بيهم توضح ليهم انواع النساء المزعجات جدا في الزواج ، كدي تابعوا معاي :
أها النصيحة مقدمة للسادة العزاب ( الرجال ) ، عشان ما تمشوا تقعوا ساي و بعدين تقولوا ما كلمتونا و ما نصحتونا ، وكمان إن بقيت بخيت ربنا يديك مرا هدية ورضية السماحة ما ضروري لانو بعد شوية ما حتكون سمحة حتكون عادية نصيحة ليك النسوان البقولن ديل أوعك تعرس واحدة فيهن:

الفنانة.. والحنانة.. والحردانة.. المدرسة.. والمدبرسة.. والمفلسة.. النوامة.. والحوامة.. واللوامة.. البوبارة.. والكوبارة.. والخبارة.. الممحوقة.. واللايوقة.

طيب اجي أوريك ليه؟!

الفنانة:

حتمرق معاها وتقعد تحوم، في الحفلات، وتشوف كرسي قدام وتقعد فيهو، شايل عكازك وسكينك في ضراعك، وعينك عليها، إن راجل بشر ساكت.. تتحنفش وتقوم إلا يهجروك اتنين على الكرسي، وتجو نص الليل راجعين أهلكم والنهار كلو نايمين.

الحنانة:

طول النهار برا البيت، تحنن في نسوان الرجال، وهي كرعيها يكونن ما شافن حنة ليهن سنتين، والنهار كلو انت تحاحي في الشفع ما يلمسوا الصبغة.
الحردانة:

دي حتكرهك حياتك، أقل كلمة، تتقنع بي توبها وتجري بيت ناس أبوها، وتلحقها أنت وتلقى أبوها، تقعد في طرف العنقريب، تطقطق في اصابعيك، ومدنقر في الواطا، وداير تراضيها ترجع البيت، لكن أحسن حل لك يا تسكنو مع ناس أبوها يا تجيب ناس أبوها عندكم.. عشان توفر المشاوير والجري.

المدرسة:

أول حاجة دي ما بتقدر تفرق بينك وبين الطلبة، وحتقعد تعيد وتكرر في الكلام مليون مرة، زي برنامج من الأمس الفي تلفزيون السودان، وممكن جداً تسرح وتقول لك فاهم يا شاطر؟!.

المدبرسة:

تلقاها طوالي زهجانة، وشايلة أخلاقها في طرف نخرتها، وأن كلكلتها ما تضحك، في النهاية حتوديك التجاني الماحي، نزيل اكتئاب.
المفلسة:

ما دايرة أي شرح

النوامة:

تجي من الشغل نص النهار وزهجان، تلقاها تانية المخدة وخاتة ايدها تحتها، وتشخر، وريالتها سايلة، وحالتها بالبلا، وتكره اليوم الفكرت أنت فيهو في العرس.

الحوامة:
طول اليوم فوق كرعيها، في الحلة من بيت لبيت، وتدخل البيت قبل ما انت تجي من الشغل بخمس دقائق، وتجري تولع النار، وتطبخ لك القطر قام، وأول ما ينتهي الغدا تدخل في سفنجتها استعداداً لرحلة جديدة.

اللوامة:

دا نوع مزعج جداً، لو جبت سيرة أخوك ساكت تفتح فيهو، الله يسألني سنتنا ديك وقت انت خليتنا بلا قروش وسافرت، يدخل ويمرق علينا مدلدل ايديهو، كيس موز ساكت ما بيجي شايلو، ولو جبت سيرة أمك هي والله امك دي اصلها ما بتريدني، من تشوفني تزعل والنيران تنطلق فيها، وتمد قدومها ووليداتي ديل السلام يا الله ويا أمين تسلم عليهم.

البوبارة:

دي تحملك فوق طاقتك تشريك الما بينشري، و جية ناس في البيت، تجري على علبة الدهب وتتعنكش كلها من رأسها لكرعيها، وتقعد تنضم بايديها وكرعيها ورقبتها واضنيها، عشان توري الدهب.

الكوبارة:

دي تكبر أي موضوع، وتسوي ليهو توم وشمار، وتقول لك ناس القبور وقفوا طابور، لو شافع من شفعك عتر ووقع، تصرخ وتخت ايديها في نص رأسها، وبطول حسها ووووووووووووب علي ووووووووووب علي، ماااااااااات.. ماااااااااااات، يسمعوها في الشارع، والغريبة لو أنت كنت نايم وسمعتها، تقوم ومخلوع، وتمرق من الأوضة لحدي نص الصالة، أما لو كان عندك قلب مرضان اللحظة ديك من المهد إلى اللحد.

الخبارة:

البتدور الخبار.. لو في نضم تلقاها سكتت الشفع، ونهرتهم عشان تسمع، الجيران مالهم بيهرجو وصوتهم عالي، ولو كانت بتكوي ليك في هدوم قطع شك قميص.. والا جلابية حيكون في عداد ضحايا الحريق، وممكن الملاح يحرق وممكن الجردل يكون في الماسورة يتملي والبيت يغرق من الفيضان، وحرمكم المصون واقفة فاتحة خشمها وتتصنت للجيران.

الممحوقة:

دي إن جبت دكان كامل وختيتو لها في البيت تكملوا في يومين، تصوطو كلو فوق تحت، لكن ممكن توديها لأصحابك الزعلان منهم لو عندهم مناسبة تطبخ لهم عشان لما المناسبة تنتهي يشحدو وانت تنبسط.

اللايوقة:

دي حكاية تانية.. تمسك في موضوع يحلك منو الجليل الرحيم.. يا .. دا.. هوي يا دا.. الليلة يا يمة.. طرشت؟!، وقدر ما تطنش هي مصرة، وممكن تجي جنبك وتخجك خجة جامدة عشان تنتبه .. و النقة تبدأ.
=================================================================================
لحدي هنا و اعتقد كفاية ، بس طبعا السادة المتزوجين ما معانا في الكلام دا ، عشان ما كل واحد فيكم يمشي بفكر انه مرتو من ياتو نوع ، بعد ما الفاس وقع في الراس

الزولة اللذيذة هبة ........انتي وين من زمان .........

Quote: انا موافقة علي التعديلات لانو زي ما قلتي ما فضل زول ( يعني الناس ما تعرس معاكم و لاشنو !! )

اكيد عشان مايقولو الزولة دي حاسدة .........بعد مااتزوجت وضمنت .......جاية تشرع .....
انا بس بخت ليهم .........اقصد ليهن شمعة في اول الطريق

انتي اديتي البوست نهكة سودانية مية المية
تسلمي على الاضافات
وعلى انصافك لي معشر الرجال
غايتو تصنيفك للنسوان حيخلي المعادلة مموزونة








____________________________________________________________________________________________
*كل ماورد من صفات يخص السادة العزاب .........المتزوجون يمتنعون ......عشان مانعمل فتنة

أمل قدورة
انا طبعآ مصنفك - حلوة مصنفك دي ؟ - من ضمن ظرفاء البلاد
وكمان إكتشفت ظريفة أخرى تدعى هبة الماحي
التي قدمت إضافات معتبرة للتسع العظماء بتاعنك

وانا ممكن أضيف على القائمة بتاعتك المعدلة من هبة الماحي
اربع انواع من الرجال
كان متي عانس وبصمة خشمك
ماتعرسي واحد منهم
وهم
البخيل
------------
ده بيكون بخيل في ماله وبخيل في عواطفه
وبيقتر عليك عيشتك
وبحاسبك على دائر المليم
وبيحصى أنفاسك
وبيطفي ليك النور عشان فاتورة الكهربا
وبيقول ليك جيبي موية من الجيران عشان خايف من فاتورة الماء
وبيصادر تلفونك عشان فتورة كيوتل ولا سودلتل وليبيا تل
لو فستانك تمزق وبانت نواجزك ما بيسمح ليك بشراء آخر
ومابيوديك الدكتور الشاطر في العيادة عشان أجرته مرتفعة
وممكن يفتح التلاجة ويعد البيض ويحاسبك عليها وأمكن على بويضاتك ذاتها
وقعدتك الفي الكمبيوتر ديك ما تحلمي بيها

الشكاك :
----------
ده بيشبه رقم 3 عندك الذي يعاني من عقدة إضطهاد
بس اسوأ وأنكى
بيراقب حنانك ذاتو
لو ساكت سلمتي على واحد ونسيتي يدك كم ثانية قبل ما تسحبيها ، بيحاسبك
لو تلفتي بشباك العربية بيعمل منها موضوع
بيراقب تلفونك ويراجع مكالمتك وبيقوم بالإتصال بالتلفونات الغريبة
بيجي راجع البيت في أوقات مختلفة

ابو ساندرا

اهلا بيك .........نورت البوست



شكرا على روح الديمقراطية

Quote: ضمن ظرفاء البلاد

ظرفاء البلاد ياربي بتقع في ياتو ناحية ............مع التصنيف ولا برة التصنيف
..........



شكرا للاضافات
ونخلي الجماعة يصوتو منو البيقعد ومنو البيطلع بره التصنيف

كده بقى TOP20


البخيل..............

17
الشكاك :.............

18



الحقنا بي باقي التصنيفات عشان التصويت قرب يبدا

أها يا أمل

{20}
الزول عديم الحيلة
-------------------
وبرضو بنسميهو أم رخم الله
زول ماعندو أي طموح
قنوع
مكتفي بالبكالريوس العملها قبل 20 سنة
وقانع بالوظيفة الوضيعة
والمرتب المحدود
امكانياته هي ذاتها الكانت قبل 20 سنة
لابيتطور لا بيتحرك
بس بيترقد من ضل لي ضل
وعايزك انت التي تسعي
لا بيغير ليك اللمبة
لابيصلح ليك الأكرة
لابيراقب ليك الحلة
لابيشطف العيال
لابيكسر العنقريب
وتلقي كرشو لازة
وريالتو سايلة

ويحب الطعام
نهم أكول

لا بيغير
لابيطير
لا بيكسر السرير

ده لو كتبو ليك دواء
ماتشربيه

ابوساندرا


الزول عديم الحيلة................20

ده انا بصوت عليهو بالعشرة .............


بس لكن رقم 19 وييينوو

حتى يكتمل TOP 20
حاضيف البند الناقص

19. ود امو

رقيق ولطيف وناعم بعض الشيء ربما يكون لديه "كرش" صغير من أكل "ماما" المظبط يقضي معظم وقت فراغه في البيت.






الشيء الذي يشدك إليه في البداية
أنه يحب مشاهدة برامج المرأة و"طبق اليوم" معك.

الشيء المرعب
أنه سبق وشاهد كل هذه الحلقات.

علامة الخطر
يقول إنك أنت الفتاة التي كانت تحلم بها والدته طوال عمرها لتكون زوجة لابنها ويعرفك عليها في أول لقاء بينكما.

لكي تتخلصي منه
اعترفي له أنك تفضلين الرجل الذي ينتقي ملابسه بنفسه ولايعتمد علي ذوق ماما "البلدي".

عجبتني قلت انقلها ليك هنا يا أستاذة/ أمل قدورة
نثيق بيرسونال

Quote: المراحل العمريه للمرأه المرأه من 14 الى 18 كالمدينة المنوره الكل يعشقها ومن 18 الى 25 مثل لوس انجلس مثيره ومتوحشه وغامضه ومن 25 الى 35 مثل دبي متطوره ورائعه ومن 35 الى 45 مثل جده رطبه وحاره ولاتزال جذابه ومن 45 الى 50 مثل القاهره خسرت الحرب ولم تخسر الامل ومن 50 الى 55 مثل الرياض متوثبه وراقيه ولكن لا احد يريدها ومن 55 الى 65 مثل قطر ياحبها للشر والمشاكل ومن 65 الى 75 مثل الخرطوم ماضي عريق ولكن بدون مستقبل

وهاك ال QUOTE ده

Quote: الرجل من 14 - 18 زي التنكة بتاعت القهوة تسمع صداه ولكن ماشغالين بيهو الشغلة من 18 - 25 زي الحرامي بيغافل الأهل عشان يمشي القهاوي من 25 - 35 مثل الصحراء الواسع مداها ولكن ماحولك أحد من 35 - 45 مثل القمر في حفره (من قريب هذا المنظر طبعا) ولكنه جذاب بنوره من 45 - 50 مافيه مثله احد من 50 - 55 مثل الجمل في كبريائه وعنفوانه ولكن الكل يهرب منه لجلافته وجفاصته من 55 - 65 مثل الإعصار يدمر من حوله لأنه قارب على مرحله الشيخوخة من 65 - 75 مثل الكنبه لا يهش ولا ينش وما عندو شغلة وعملة غير جيبوالشاي .....شيلو صينية القهوة

------------------------------------------------------------------------------------------------------
عجبنتي كتير استاذة امل يااستاذ نادر

Quote: ومن 45 الى 50 مثل القاهره خسرت الحرب ولم تخسر الامل

مباااااااااااالغة

Quote: ومن 55 الى 65 مثل قطر ياحبها للشر والمشاكل

غايتو انا عجبتني دي

الاخت امل تحياتى بس فى موضوع القسمة والنصيب بدخل وهو البختار ليك وبعدين يا امل الشباب الايام

دى هارب من الزواج بدون شروط خلى توصى وتشرطى...... انتى ما عارفة انو الناس خلت موضوع التعارف داك

بين الاهل لانو الواحد بقى يسوق اهلو عشان يسلمو بس يقفلو عليهم الباب وبيكون داسين الماذون جوه ويتبرع

خال العروس ويحلف بى اغلظ الايمان وطلاق تلاتة انو ما بترجعو الا وانتم عاقدين..... ويدخل عم العروس ويقول

انتو كمان بسألو منكم.... افو ..اكان عيزين تسوقوها الليلة ياها بتكم..... وهو طبعا اول مرة يلاقيكم

ويسمع عنكم وعرف اسم عيلتكم من العروس قبل شوية..... ويطلعو الماذون المدسوس وناس الحلة يسمعو الروراى

وصوت طلقة المسدس من ود عم العروس عسكرى البوليس.........

Quote: موضوع القسمة والنصيب بدخل وهو البختار ليك

اها كلمة قسمة ونصيب دي الشماعة البنعلق عليها اخطاءنا .........الواحد يعلق بت الناس معاهو خمسة سنين ............وبعدين يجي يقول ليها معليش القسمة ماادتنا .........واهلي فرضو علي اتزوج بت عمي ......اشمعنى ماقدرو يفرضو عليهو يحب منو في الاول ...
ولا الواحدة بعد علاقة طويلة ...يجيها مغترب جاهز تكب الزوغة ..........وتتزوج العريس الجاهز ........وبرضو الشماعة القسمة والنصيب

Quote: انتى ما عارفة انو الناس خلت موضوع التعارف داك بين الاهل لانو الواحد بقى يسوق اهلو عشان يسلمو بس يقفلو عليهم الباب وبيكون داسين الماذون جوه ويتبرع خال العروس ويحلف بى اغلظ الايمان وطلاق تلاتة انو ما بترجعو الا وانتم عاقدين..... ويدخل عم العروس ويقول انتو كمان بسألو منكم.... افو ..اكان عيزين تسوقوها الليلة ياها بتكم..... وهو طبعا اول مرة يلاقيكم ويسمع عنكم وعرف اسم عيلتكم من العروس قبل شوية..... ويطلعو الماذون المدسوس وناس الحلة يسمعو الروراى وصوت طلقة المسدس من ود عم العروس عسكرى البوليس.........

بعد غياب طويل من السودان رجعت السودان شبه نهائي .........المهم حضرت كم مناسبة خطوبة .......بنمشي على اساس انو الحكاية تعارف وكده ..........شوية يقولو ليك الرجال عقدو ........وتتقلب من خطوبة لي عقد ...يعني تدبيسة .......وكلهم بيجمعو على جملة واحدة .....والله العقد كان مفاجاة ..........طبعا مابكملو باقي الجملة (مفاجأة للعريس )


مرة واحد قريبنا مشى يخطب .......وعمرو في حياتو مادخن سجائر ........المهم اتفاجا بي واحد من الحاضرين بيقول ليهو رايك شنو نعقد مرة واحدة طالما انك عايز البت دي رسمي ........زولنا اتلفت جاي وجاي ...........وقال ليهو عليك الله اديني سجارة

Quote: من الآخر كده إنتن دايرات زول ( مثالي ) .. مش ؟ تلقوها في الغافل .. عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً .

الكلام دا منطقى
البخيل و الشكاك و اللين خالص
دى كلها حاجات ثانوية

الاحترام - الاحترام - الاحترام

ابو بكر

انا معاك انو المثالية حالة خرافية ....
بس البخيل يحترم مرتو كيف اذا كان بيفرج فيها الحلة لو كملت بروة الصابون قبل الشهر ماينتهي


والشكاك يحترمها كيف اذا كان روحو مامحترمها

غايتو اللين خالص بديها الاحترم اللازم ....خوفاوطمعا

عشان أوريك انو التنميط بتاعك دا مخستك
اولا كل السودانيين مشوكشين
وثانيا كل السودانيين بتاعين كورة

يا بت ما تشوفي ليك راجل (ما منمط) وخليك من حكاية الخوف من العرس والمسؤولية دي !!!!

Quote: اولا كل السودانيين مشوكشين وثانيا كل السودانيين بتاعين كورة

مامشكلة المحلي مانفع ...........نشوف المستورد
المهم المصلحة العامة

Quote: يا بت ما تشوفي ليك راجل (ما منمط) وخليك من حكاية الخوف من العرس والمسؤولية دي !!!!

ده كلام شنو ؟؟؟............الرجال عرفناهم بعرسو اتنين ...............
متين شرعو تعدد الازواج !!!!!!

عودة.....................

TOP9
هو البداية



الحصيلة اصبحت 20

بفضل مساعدة الزملاء والزميلات

انشغلت الايام الماضية ...........فتوقفت عن القاءالنظر على البوست


عموما



الجديد...........


TOP10


حتى يتحقق العدل ولا يتهمني المدافعين عن حقوق الرجل بأنني اقود اي نوع من انواع التمييز العنصري

لهذا السبب...............ولشئ في نفس يعقوب

المرة دي حيكون عنوان البوست

كيف تتعرف على شريكة حياتك المناسبة؟؟................تجنب عشرة نساء


و...............


للحديث بقية

انا دخلت قلت اسلم واتاوق فى الموضوع يمكن القى لى فيهو عضة.
لقيتو كلو عرس ونسوان وابوساندرا وعماد عبد الله....
شنو العوارة دى.
ماعندكم كورة ولا حاجة نحلى بيها طعم السياسة المر!!

Quote: شنو العوارة دى. ماعندكم كورة ولا حاجة نحلى بيها طعم السياسة المر!!

والكورة مابت عم العوارة زاتها ..............شنو 22 راجل طوال وعوار ......جاريين ليهم وراء كورة ويتساككو..........






غايتو محن يمشن ويردحن

سلام يا أمل لك ولضيوفك وضيفاتك . من فترة وأنا أود التعليق لكن عدم اكمالي الردود في بوست يخصني متسبب في شعوري بالحرج ، أها سكت وقلت يمكن أمل تجيب أهم شخصية بعد الضارب والنابذ بالألقاب ، لكن للأسف ما في زول اشتكى منها .

معليش ، (الشخرة) بتحرق الواطيها .

Quote: بعد الضارب والنابذ بالألقاب ، لكن للأسف ما في زول اشتكى منها

حضرة الراقية راقية

باب الترشيحات لسه مفتوح

بقترح عليك تدينا ملخص للشخصية

في انتظار مشاركتك

تحياتي

تقول ليك

Quote: (الشخرة) بتحرق الواطيها .

تقولى ليها

Quote: تدينا ملخص للشخصية

----------
كدا كيف

بالجد في دي صدقت .........الظاهر اني اتأثرت بي(الشخرة ).........



وفهمت من كلامها انها بتحكي عن الشخصيات البتحب التنابذ بالالقاب
بس بالجد هي ماقاصدة كده؟؟؟

Quote: وقلت يمكن أمل تجيب أهم شخصية بعد الضارب والنابذ بالألقاب ، لكن للأسف ما في زول اشتكى منها

وانا اقول ماردت علي ليييه؟؟

صحيح العتب على الشخر

يا أمل
حياك ايهاب مهاجر قائلآ :

Quote: الاخت امل تحياتى

فما عارف ليه انا قرأتها
{ أمل حياتي }
مافي أي أفكار سوداء في نفس يعقوب

عزيزى أبو ساندرا
طبعا أتا عارفة أنت اى صنف من الرجال
1: جكاسى
2ّ: وسياسى
3: طول اليوم فى الأنترنت
4 : و
5: و
خلاص ولأأقول كل البعرفو والله ياأ مل لوكنت فى محل أختى وحبيتى
رشود كنتى هربتى بى جلدك

Quote: خلاص ولأأقول كل البعرفو والله ياأ مل لوكنت فى محل أختى وحبيتى رشود كنتى هربتى بى جلدك

رفيقة النضال

الاخت ناجية


رشيدة والزيها ماكتاااار...........الفاس وقع في الراس

احنا دورنا ننبه الاجيال القادمة


تحياتي