صديقي العزيز عضو المنبر والمذيع بتلفزيون السودان ومراسل بالتلفزيون المصري محي الدين جبريل قدم لي دعوة افطار معه في منزله العامر بالدرجة الاولي بالثورة والفطور كان عبارة عن ( قراصة شايقية بالدمعة ) واثاء تناولنا لوجبة الافطار علق قائلاً ( هسع عليك الله يا بقال انت تنبذنا في المنبر وتأكل قراصتنا ) فقلت والله يا محي الدين انا ما عندي عداء شخصي لاخوتنا الشوايقة كقبيلة بل انا ضد ابناء الشوايقة في الحكومة , عموماً كان اللقاء ودي وطيب والحوار كان مثمراً , نعم نختلف في المنبر ولكن علاقاتنا الاجتماعية ستظل كما هي مع خالص الود والتقدير لصديقي محي الدين جبريل
اعمل حسابك يا بقال القراصة دي فيها عرق محبة ضربتها خلاص امرك انتهى اللقاك بكرة جاينا بقصيدة غزل هنا للشايقيه ما غلطان و الشافك تنقز في الطنبور بعد ده ما كذاب.
الحقونا ولدنا اتلحس بحبة قراصة امال يا زعيم كان ضوقوك فطير ناس القلب النابض كان عملت شنو؟؟
اعمل حسابك الشوايقه حبهم صعب وبكرى نبقى في الشواكيش البتلحقك سارة عيسى زي ما ادعى بعضهم
تحياتي لك ولصديقك الشايقي وقول له ست البيت الله يديها العافيه شكلها طباخة. قول لها تسلم يدينك يا ست القراصة.
Quote: انا ما عندي عداء شخصي لاخوتنا الشوايقة كقبيلة بل انا ضد ابناء الشوايقة في الحكومة
طيب ما تكلم جماعتك التانين ديل تخليهم يفرزوا الكيمان زيك كدة! ...... لكن بيني وبينك القراصة الشفتها في الصورة تجيب رأس عبد الواحد ذاتو خليك من بقال!!المرة الجاية خلي محي الدين يعمل ليك قراصة 6 بوصة بعدها الشافك دقيت أقامة في القرير ما كذب!!!!!!
Post: #17 Title: Re: الشوايقة ننبذكم ونأكل قراصتكم !!!!! Author: ناذر محمد الخليفة Date: 02-29-2008, 09:26 PM Parent: #1
سلام يا بقال محي الدين ،،
ومبروك التطبيع مع الشوايقة ،
فضل ليك التطبيع مع الجعليين(أسياد الشي زاتا) ودي ما بينفعك فيها لا قراصة لا بطيخ ،،
بينفعك فيها تعمل زي العملو واحد ود عماً لينا في حوادث الخرطوم قبل كم شهر ..
ود عمنا دا ضربتو عربية في الشقيلاب(العربية إتضررت أكتر منو) وكان بينزف من جسمو كلو ودمو جاري ، لمن جابوهو الحوادث أخرو علاجو شوية لأنو حالتو ما hot case ، وقانون الحوادث بيقول أي حالة cold case تؤجل لصالح الحالات ال هوت (كيس) ! .
قريبي دا شايف بي عينو الدكاترة إتجاهلوهو ومشو لي حالات تانية ! قام قال ليهم : يا جماعة هوي ! أنا إتأخرت وبدور أمشي ، الحاصل شنو ؟! فهموهو إنو حالتو ما خطيرة وفي حالات تانية أخطر من حالتو ولازم ينتظر ! قال ليهم يعني الزول عشان تعالجوهو بسرعة لازم تكون حالتو خطيرة ومستعجلة ؟! قالو ليهو أيوة ،،
ما قصر ود عمي الأرباب طوالي إستل سكينتو من ضراعو و غزاها في بطنو وشرطا لا فوق ! والدم جرى في هدومو وفي النقالة وعاين ليهم قووووووووي وقال ليهم : أها حالتي بقت مستعجلة يلا شوفو شغلكم عشان أنا إتأخرت على الوليدات !!
أها يا بقال ..
بدون قراصة وتركين ،،
بتقدر تطبع معانا بالطريقة دي ولا يفتح الله ؟؟!!
Post: #18 Title: Re: الشوايقة ننبذكم ونأكل قراصتكم !!!!! Author: عبد العظيم احمد Date: 02-29-2008, 09:43 PM Parent: #17
تراجي سلام بتخلق من قراصة الشوايقة سياسة
بقال ياكل القراصة ونحنا نلحس السياسة
تراجي كان انا مؤتمر بقعد في النرويج بلد البرد والتلج وشغل من 6ل6
وحفنة دولارات للاهل المساكين
ولدنا فقراء وسوف نموت فقراء ونحمد الله علي راحة الضمير
زول متغرب من 84 ل2008
Post: #19 Title: Re: الشوايقة ننبذكم ونأكل قراصتكم !!!!! Author: عبد العظيم احمد Date: 02-29-2008, 09:48 PM Parent: #18
بقال دا يتخيل لي طبع مع ناس المؤتمر زمان وبعد المؤتمر ..الشوايقة
Quote: ما قصر ود عمي الأرباب طوالي إستل سكينتو من ضراعو و غزاها في بطنو وشرطا لا فوق ! والدم جرى في هدومو وفي النقالة وعاين ليهم قووووووووي وقال ليهم : أها حالتي بقت مستعجلة يلا شوفو شغلكم عشان أنا إتأخرت على الوليدات !!
أها يا بقال ..
بدون قراصة وتركين ،،
بتقدر تطبع معانا بالطريقة دي ولا يفتح الله ؟؟!!
دا ماهو زول حارة زي دي ، دا شوفلو بوكس أو رقشة ، لا خليها امجاد
يااخي ينصر دينكم ..... عشان الناس تعرف بس انوا نحنا واحد وحنظل وااااااااااحد ويابقال :
Quote: بل انا ضد ابناء الشوايقة في الحكومة
تبقي ضدهم ....تختلف معاهم ....ياكا ابراهيم بقال السوداني العندك الحق زيهم ....لكن ياريت نبقي زي زمان ....نختلف في سياساتنا ونتفق في اجتماعياتنا ....وافراحنا ....واحزانا ....واهم حاجة نتفق علي سودانيتنا جميعا ..... ويازول مادام قراصة الشوايقة دي عجبتك كده .....كدي جرب قراصة اصحاب القراصة الاصلييييييييين ...اولاد عمك الدناقله .....وشوف النتيجة شنو .....! والله الا اكان تعمل حركة تحرير دنقلستان.
يامحي الدين : شهادة نجاح للدبلوماسية الشعبية للجلابه . ادام الله المعروف بينكم مودتي هارون دياب
Post: #33 Title: Re: الشوايقة ننبذكم ونأكل قراصتكم !!!!! Author: محي الدين جبريل Date: 03-01-2008, 07:44 AM Parent: #31
هارون دياب
إنت تعرف إنو مسالة العلاقة الحميمية البين الشوايقة وناس دارفور دى قديمة وأصيلة ، يا أخى أنا عمى متزوج فوراوية وعندوا منها اولاد وبنات تزاوجوا من أسرتنا ، وأمهم لغاية اليوم بنشاغلا ونقول ليها عمتو ( تيبة ) بدلا عن طيبة،
والأهم من ده كلوا هل تعلم إنوا من أوائل الشعراء اللذين تعامل معهم عمر إحساس هو الشاعر كمال مصطفى وهو شايقى وجنا شوايقة مولود فى نيالا ، وهو كتب أغنية إحساس التى اشتهر ولغب بها عمر إحساس ، كمال مصطفى ده انا خالوا اخو أمو عديييييل .
القراصة دي ليها سحر خاص علي جماعة كتاااااااار ، والعجيب في الأمر أن صديقا لي حين لفت نظري وأعلمني بهذا البوست تبادر إلى ذهني بعض الذين قد رأيتهم في الصور ... شان كدي... الموضوع بدون تلعيب الطنبور جايب حقو وزيادة ... وأكان شغلنا ود اليمني سيقا مابتكفي... وياخوي محي الدين كتر القراصة بالدمعة وكتر ضيوفك يرزقك الله من حيث لاتحتسب.
القراصة دي ليها سحر خاص علي جماعة كتاااااااار ، والعجيب في الأمر أن صديقا لي حين لفت نظري وأعلمني بهذا البوست تبادر إلى ذهني بعض الذين قد رأيتهم في الصور ... شان كدي... الموضوع بدون تلعيب الطنبور جايب حقو وزيادة ... وأكان شغلنا ود اليمني سيقا مابتكفي... وياخوي محي الدين كتر القراصة بالدمعة وكتر ضيوفك يرزقك الله من حيث لاتحتسب.
Post: #38 Title: Re: الشوايقة ننبذكم ونأكل قراصتكم !!!!! Author: محي الدين جبريل Date: 03-01-2008, 10:06 AM Parent: #37
بوووووووووووووووووو
جلال متين ده ما كلمتنا ....
القرلصة عامرة وفطور الجمعة عامر زى ما شايف ، مدثر واسعد وهيثم الديم وخالد الصينى ، لمة فاقداك بس
شكرا بقال و جبريل , وهذا السودان المنشود , كنا دوما هكذا نعرف وبكل ثقة الاجابة الاتية: زمان كنت تسأل منو وين انت ؟؟؟ مباشرة تجيب من الامتداد او اركويت او الديم اليوم تسأل من اين انت ؟؟؟ دنقلا او مروي او دارفور او البجة شتان فرد الامس واليوم بينه ملايين المشكلات والروائح النتنة الله يجازي اللي كان السبب نحن من السودان.
Quote: شكرا بقال و جبريل , وهذا السودان المنشود , كنا دوما هكذا نعرف وبكل ثقة الاجابة الاتية: زمان كنت تسأل منو وين انت ؟؟؟ مباشرة تجيب من الامتداد او اركويت او الديم اليوم تسأل من اين انت ؟؟؟ دنقلا او مروي او دارفور او البجة شتان فرد الامس واليوم بينه ملايين المشكلات والروائح النتنة الله يجازي اللي كان السبب نحن من السودان.
الله بجازي الكان السبب نحن من السودان وكلنا لادم وادم خلق من تراب
أخي محي الدين سلام واضح تشربك للأدب الشايقي من خلال الأبيات الواردة أدناه ، وأعتقد أن الجمال سيكون في أعلى قممه لو كسرت القافية كما نطق بها الأستاذ حميد "قمريِّ ، نيِّ ،حنيِّ إلخ"
Quote: سلام يانخلة عز الريح هوت فى أحضانا قمرية سلام يامن زرع ريدوا وسقاهو وفا وبياض نية وزرب بالإلفة حيضانوا وكتح ماروقوا حنية إلا الدنيا فطنة الريد بقت دولار وإيدية
لك التحية مجدداً صدقني انا ما فهمت قصد اختنا نسرين الا بعدما هي وضحت وقالت ما قاصدة تعالي ولا فخر ولكم ولنا جميعاً العتبي
Post: #66 Title: Re: الشوايقة ننبذكم ونأكل قراصتكم !!!!! Author: عبد اللطيف بكري أحمد Date: 03-02-2008, 01:01 PM Parent: #1
(مائدة جبريل) الأخ /محي الدين جبريل لك التحايا وأنت تواصل العمل القومي حتى في أوقاتك الخاصة،، الأخ بقال من الشباب الطامح النشط ، أعجب أيما أعجاب بمثابرته ولكني أذكره أنه لو بذل هذا المجهود في تقريب الرؤى بين الفرقاء لنال منه الخير الكثير (دنيا وأخرى)،،
= بقال شخص طيب مفعم بالحماس ومثله من يخدم البلد إن جعل الحق نصب عينه وسعى في الأرض خيراً لأهلها وشعبنا المغلوب على أمره،، =
أكثر ما يحزنني في هذه الدنيا: أنا من مروي شرق (أكاد أقسم أنها أفقر بقعة في القرات الستة) ، وكنت لمدة 12 سنة سكرتيرا لجمعية الأبيض بالرياض وعشت كل مراحلي في الأبيض ، ومعرفتي بمروي كمعرفة بقال بها تماما،، ويأتي من يقول لي إنك لست من سكان الأبيض الأصليين ولا يحق لك أن تنال منصبا في حكوماتها أو مجالسها أو حتى جمعياتها في العمل الطوعي!!
هذه والله قمة الجهل وأس البلاء في جميع مشاكل السودان ،، والحكومة بكل أسف إنساقت وراء هذه النظرة الضيقة لإرضاء الناس على حساب القومية ،، لماذت لا تعين واليا من دارفور على الشمالية وجنوبيا على البحر الأحمر وودنقلاوي محافظاً في كتم أو الضعين....إلخ ،، هكذا إن أرادت أن يكون لهذا النسيج جمالاً آخاذاً يجذب كل فراشاتنا المشاترة والتي تنادي بإستعادة الحقوق وطرد الإستعمار الشمالي أو قبر العنصر الزنجي!! = محي الدين أدام الله مائدتك هذه ، ورجاءأ في أول حلقة من حلقاتك أن تهدي أي شيء مني (لحناً أو أغنية أو مجرد إهداء كلمة طيبة كشجرة طيبة أصلها ثابت وفرعها في السماء - دا طبعا في برنامج المسابقات) للأخوان في البورد وعلى رأسهم بقال داعين الله أن يهدينا جميعا أن نصون هذا الوطن الفسيح ونعيش فيه أخوة في عزةٍ وشموخ،،
مافي ناس احسن من ناس يا نسرين ارجو ان لا تفرغي البوست من محتواه وشكراً علي مشاركتك فالناس سواسية كأسنان المشط
الاخ بقال كلامي المذكور فوق دا ما نوع من التعالي او التكبر حاشة لله دا نوع من انواع الرد لصاحب الكلام. وانا اسفة لو اتفهم كلامي غلط واعتزر مرة اخري لباقي القبائل وهي فوق راسي من فوق وانا اكن ليها كل الاحترام والتقدير وفي النهاية كلنا سودانيين
يا بقال شوايقة وما يسقوك شاي ... ديل شوايقة عاصمة ....ساي وشوايقة ساده كمان .. (بدون شلوخ) ======================= يحكى أن شايقياً من أهلنا الكرماء ذهب لوليمة لدى اهلنا الزغاوة الكرماء فأكل وشبع من ألذ الطعام وأجوده وحينما همَّ بالخروج ... قال لأهل الدار من بني زغاوةأكل طعامكم الأخيار يا بني زغاوة وصلت عليكم الملائكة الأبرار ما عدا ... جبريل) فأندهش أهل الدار من الزغاوة ....قائلين له ... لماذا؟ فقال: لم تحضروا لنا الشاي ....
Post: #71 Title: Re: الشوايقة ننبذكم ونأكل قراصتكم !!!!! Author: سميح جمال Date: 03-03-2008, 09:07 AM Parent: #68
والله انا خشيت بالجيره للعنوان والمحبه للمنطقه والموت فى القراصه. بس لمن لقيت فطور جبريل.. حسيت بى خيانه. والفيك اتعرفت خلى بقال وديامى ينفعوك. تطبع مع بقال وتقطعا معانا؟!! ااااه. ____________________________________________________ تحياتى لكم ____________________________________________________ بقال نحنا اتلاقينا فى عمل صحفى على ما اعتقد ايام وفد المقدمه ، اذاعة الامم المتحده.. صح؟
أكل طعامكم الأخيار يا بني زغاوة وصلت عليكم الملائكة الأبرار ما عدا ... جبريل)