Post: #1 Title: [RED]رسائل إلى حـبيبتى....دعـوة للغزل المكشوف[/RED] Author: خالد خليل محمد بحر Date: 02-28-2008, 05:40 PM Parent: #0
....حبيبتى/وجع الاماسى... ...الان فقط إكتشفت أنك أنثى تقارب نصوص ما بعد الحداثة بكل عشوائيتها تلك وبكل مفرداتها الموغلة فى الرمزية...إكتشفت انك أنثى تقارب قصائد محجوب شريف بكل مافيها من أصالة ومجابدة ومعافرة وإنتماء وثورية...أنثى تفتح الروح ضلفتين كما يقول جمال.ح.سعيد,ترتب الدواخل من فوضاها..وتتسربل خلسة إلى أكثر الأركان خصوصية فى القلب..وتجعل ترميمتر القلبيصل مداه...وتخربش جدارالقلب بإزميل من دهب...أكتشفت أنك أنثى بعبق التأريخ ونكهة الأصالة...أنثى هى بعض الرحيق عندماأكون البرتقالة أنا...أنثى سمراء سمار فاضح...صنوبرية القوام ...مكتنزة الأرداف متوهجة الأثداء...وفوق كل ذلك صيوحة الوجهة,يحاصرها الكبرياء من كل النواصى...متقدة الذاكرة...عالية الحضور....مرتبة الكلمة وجزلة العبارة...أنيقة الدواخل...وبهية الطلة....وجميلة المحيا...تدخلين سويداء القلب بدون إحم أو دستور...تشابهين جذر الكنارى فى مدها وجذرها..تقاربين قرى الريف الأوربى فى طقسها وطقوسها...إكتشفت أنك مدينة إغريقية مدثرة بالكلاسيكية...أو بالأحرى إكتشفت أنك مدينة عصرية بكل ما للمفردة من معانى....أكتشفت فيما إكتشفت أنك أنثى ضجة بكل ماللكلمة من زخم...إكتشفت أنك أنثى من عوالم محتشدة بالدهشة.....أنثى من زمن لم يأتى بعد..........وكفى....
Post: #2 Title: Re: [RED]رسائل إلى حـبيبتى....دعـوة للغزل المكشوف[/RED] Author: خالد خليل محمد بحر Date: 02-28-2008, 05:47 PM Parent: #1
حبيبتى/جدل الدواخل ...هل تعرفين أنك مثل الوردة التى إختباءت فى حقل الزيتون ....ففضحتها الرائحة وعبق الألون....
Post: #3 Title: Re: [RED]رسائل إلى حـبيبتى....دعـوة للغزل المكشوف[/RED] Author: خالد خليل محمد بحر Date: 02-28-2008, 05:53 PM Parent: #2
...حبيبتى/البت الحديقة ...اه لو كنت تدرين ....إنا بى وارك بيتين شعر...فاتحيين حدودهم للمجاز والصعلقة..اه لو كنت تدرين
Quote: حبيبتى/جدل الدواخل ...هل تعرفين أنك مثل الوردة التى إختباءت فى حقل الزيتون ....ففضحتها الرائحة وعبق الألون....
يا بحــــر .. يا صديقي العـدو: الاشعـار دي يا صديقي (ضاغطـة) في آذار ..؟ أقصــد: كاتبه في آذار ..؟ دي من أشعـار آذار ..؟ لانو شايف الوردة متدسية في حقول الزيتون .. حتى فضحتها الرائحة .. وعبق الألوان.. طيب وين الكستنـاء البرية ما ظاهرة ؟ والله الواحد يا بحــر لا يملك إلا وأن يحترم خياراتك لكن على حسب علمي وبعض من دراسات الجغرافية القديمة فيما يتعلق بالمناخ .. فإن الفراولة لا تنبت في تخــوم النيل الأزرق.. نحن ناس صمغ عربي .. وحسكنيت وبعض من (طــلح) ( وشــاف ) جبت حقول الزيتون دي من وين يا عفــريت ؟؟
ملحوظة صغيرة عشان إنت زول صاحبي الأيامات دي .. عنوان أي بوست ما تعمل فيهو اي حركة يعني بي صورة وضوح: لما تكتبو ما تظللو ( وتضغط ) على ايقونة Bold أو ايقونة اختيار اي لون .. خليهو (بضغط) نفسو براهو.. معليش ما عايز اقطع عليك ( حبــل ) رومانسيتك الجدلية دي .. لكن (ضغطنــا) برضو الليلة والله بي الزيتون دا.. بعدين أخوك رقبتو سدادة في حال نيتك للتلحين .. إنت (اضغط ) واجدع لي اخــوك يلحن ليك ويكتب ليك على مقام (النهاوند ).. مش المسالة كمان جابت ليها ( زيتون وتين ورمان )
Post: #5 Title: Re: رسائل إلى حـبيبتى....دعـوة للغزل المكشوف Author: Tragie Mustafa Date: 02-28-2008, 06:32 PM Parent: #4
االخ الاصغر خالد بحر مبروك الحب وكل فانلتاين وانت بخير ولك ولحبيبتك باقات من الورد ودعوات صادقات بالتوفيق.
واحتفائيه بنزول الحب ضيفا مقميا باذن الله باراضيكم و مودتي يا اخي وابقى عشرة على البنية الحداثيه اكيد. ومن اليوم انا في صفها طبعا وعاملة ام عروس عديل كدة.
Quote: حبيبتى/جدل الدواخل ...هل تعرفين أنك مثل الوردة التى إختباءت فى حقل الزيتون ....ففضحتها الرائحة وعبق الألون....
إنت بتحب واحدة من دول الهــلال الخصيب ..؟ تتأثر بمناخ البحر الأبيض المتوسط
Quote: االخ الاصغر خالد بحر مبروك الحب وكل فانلتاين وانت بخير
يا ام العروس .. نحن في آذار .. وفالنتاين كان في شبــاط بالسرياني وبرمهات بالقبطي وآيار بالعبري .. وكل ذلك من العام الحالي .. يعني قبل اسبوعين تلاتة كدا .. تحديدا يوم اربعطاشر اتنين .. خلي الزول دا .. (يعيد) في هدوء .. (يحب) في هدوء والله يا بحــر انا كان ما طالع معزوم حفلة حسع دي ويادوبك قشرته واتريحته.. كان حسع دي نزلت ليك رائعة الراحــل هاشم ميرغني: أسائل عنك آذارا رياحينا وأزهارا
Post: #7 Title: Re: رسائل إلى حـبيبتى....دعـوة للغزل المكشوف Author: محمد عادل Date: 02-28-2008, 09:08 PM Parent: #6
الحبيب خالد اعمل حسابك فى فايروس اسمو الشاكوش حائم
Post: #8 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 02-29-2008, 03:03 PM Parent: #7
....إلى الذين عبروا من هنا...وتركوا بعض من العبق...وشئ من الياسمين ....شكرا بحجم توهطكم فى دواخلى.....
Post: #12 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 02-29-2008, 03:16 PM Parent: #7
الحبيب/محمد عادل ...تشكر ياعزيزى....
Quote: اعمل حسابك فى فايروس اسمو الشاكوش حائم
عندنا أنتفايروس إسمو...خلقنا لنكون معا...
Post: #11 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 02-29-2008, 03:14 PM Parent: #6
الصديق اللدود/تمبس
Quote: والله يا بحــر انا كان ما طالع معزوم حفلة حسع دي ويادوبك قشرته واتريحته.. كان حسع دي نزلت ليك رائعة الراحــل هاشم ميرغني: أسائل عنك آذارا رياحينا وأزهارا
على الطلاق ...لازم تنزلها....منتظر يامان....
Post: #10 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 02-29-2008, 03:12 PM Parent: #5
العزيزة/تراجى ...تشكرى على هذه الاطلالة الانيقة التى تقابل عندى قصيدة شعر من قصائد عمر الطيب الدوش...بكل ما فيها من فرح وكبرياء ومعاناة وقضية ...وتفائل ومشروع وطن مصكوك فى البال والذاكرة....لك ودى.........
Post: #9 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 02-29-2008, 03:08 PM Parent: #4
صديق إلى حين/تمبس ...تشكر على المرور...ولكن أنا قايل نفسى ضغاط لكن والله إنت الضغط والسكرى زااااااااااتو
Quote: والله الواحد يا بحــر لا يملك إلا وأن يحترم خياراتك لكن على حسب علمي وبعض من دراسات الجغرافية القديمة فيما يتعلق بالمناخ .. فإن الفراولة لا تنبت في تخــوم النيل الأزرق..
وعلى حسب علمى المتواضع أن الاحاسيس لا يمكن أن تحاكم فى محاكم المنطق
ولان يمكن أن تمعيرها علميا وجغرافيا....وكده ............أبقى أظهر.....
Quote: صديق إلى حين/تمبس ...تشكر على المرور...ولكن أنا قايل نفسى ضغاط لكن والله إنت الضغط والسكرى زااااااااااتو
.. شنـو يا فرده صديقي إلى حين دي ..؟ ياخي اناصديقك إلى الأبـد ... وكده بلاي واصل في الحداثة دي .. أخوك الايامات دي برضو بيحب .. لكن انا عكسك، بحب بالطريقة الوجودية .. يعني مسالة الحداثة دي لسـه شوية كدا ..
ملحوظة: الاغنية دي يا فــرده .. زمان كنت بحب بيها أول سنـة ثانوي .. كنت بحب لي واحده (هجـــين) يعني زي ما تقول كـدا .. نصها سوداني والتاني خليهو في سرك .. عشان كدا اول ما شفت الرومانسية حقتك الجات مع بدايات فصل (الربيع) عندنـا هنا دا .. اتذكرت الزهـور وباقي الشهـور القلتها ليك فوق دي ..
Post: #14 Title: Re: رسائل إلى حـبيبتى....دعـوة للغزل المكشوف Author: خالد خليل محمد بحر Date: 03-02-2008, 05:25 PM Parent: #13
الصديق/تمبس ...تانى تشكر على المرور....وبرضو مستنى الاغنية ....ومستنى تحكى لينا عن تاريخك العاطفى....لو ماعندك تحفظ
