Post: #1 Title: زميل المنبر الشفيع رمزي والاستاذة نجاح عبدالله مبروووووووك Author: الرفاعي عبدالعاطي حجر Date: 02-28-2008, 10:39 AM Parent: #0
Post: #2 Title: Re: زميل المنبر الشفيع رمزي والاستاذة نجاح عبدالله مبروووووووك Author: Mahir Mohammed Salih Date: 02-28-2008, 10:48 AM Parent: #1
مبروكين وبيت مال وعيال إنشاء الله
ماهر
Post: #3 Title: Re: زميل المنبر الشفيع رمزي والاستاذة نجاح عبدالله مبروووووووك Author: GamarBoBa Date: 02-28-2008, 11:05 AM Parent: #2
الرفاعي انت زولكم الرسلتو يعرس ده متأكدين انو اول مرة يعرس؟؟؟ الزول ده دايره ندخله الحلقة قال ما يحتاج وخش براه وما متوتر كلو كلو زي العرسان التقول كان بعرس كل يوم
----------------
الف مبروك الشفيع وحقيقي كانت لمة جميلة مع انسان جميل
Post: #4 Title: Re: زميل المنبر الشفيع رمزي والاستاذة نجاح عبدالله مبروووووووك Author: الرفاعي عبدالعاطي حجر Date: 02-28-2008, 11:23 AM Parent: #1
أفتش ليها في التاريخ اللسع سنينو بعاد في اللوحات في احزان عيون الناس وفي الضل الوقف مازاد بناديها وبعزم كل زول يرتاح علي ضحكة عيون فيها ....................................... الشفيع رمزي الجسور والقوية المواقف نجاح عبدالله قررا الخروج من عالم الفردية وولوج الاشتراكية من ابوابها الثابتة , اليوم يلتقيان في مشوار الحياة اليوماتي ما الصعب والسهل تمنياتي لهما بحياة سعيدة يحفها الوعي والمعرفة والنضال هنيئا لهذا البيت الذي سينبي على أفضل القيم والمعاني ... ملياااااااااااااااار مبروووووووووووووووك نجاح سمامون. ..........................................................................................................حجر
Post: #5 Title: Re: زميل المنبر الشفيع رمزي والاستاذة نجاح عبدالله مبروووووووك Author: الرفاعي عبدالعاطي حجر Date: 02-28-2008, 11:34 AM Parent: #1
Quote: الرفاعي انت زولكم الرسلتو يعرس ده متأكدين انو اول مرة يعرس؟؟؟ الزول ده دايره ندخله الحلقة قال ما يحتاج وخش براه وما متوتر كلو كلو زي العرسان التقول كان بعرس كل يوم
----------------
الف مبروك الشفيع وحقيقي كانت لمة جميلة مع انسان جميل
دا طبعا من دفْ التفافكم حوله ولكنه خجول هذا الطفل الذي داخل هذا المارد سمامون عنيد وصبور بس وجميل هو خليط من الحاجات الجميلة ... تمنياتي لكم بالسعادة وأن نجتمع في الفرح الأكبر . ..........................................................زحجر
الف مبروك وبيت مال وعيال وشكرا ليك يا راعى الحب يا رفاعى
Post: #7 Title: Re: زميل المنبر الشفيع رمزي والاستاذة نجاح عبدالله مبروووووووك Author: خضر حسين خليل Date: 02-28-2008, 02:36 PM Parent: #1
حجر أولاً بالتبادي تحياتي يا جميل
والله طبعاً النصيحة لله كدة دة العرس الوحيد الواحد ماعارف يجامل فيهو منو ولا منو الشفيع صديق الأيام السمحة والجري والمساسكة وأيام العطالة وليالي الأنس والمزاج الرايق والأحلام النبيلة والأمنيات البضة . أم نجاح عبدالله شريف الصديقة العظيمة والبت الدوغرية والمناضلة الجسورة لا (كلام ساي)
الشفيع ونجاح : أمنياتي وحدها لا تكفي لاتكفي صديقاي إذن لكما مجمل الأحلام وأماني العمر القادمات
ثم :
يا قمر بوبوا الله يجازي محنك هسي إنت وصاحبك نبيل أبو صلعة الواحد حيدخلكم الحلقة متين ياخ ؟ أهو الشفيع قام سداري وعملها ..... وياريت الواحد كان معاكم أقلاها شاف الشفيع الغتيت دة في يوم عرسو شكلو حيكون عامل كيف ؟
حجر : ياخ كتر خيرك يامواطن ياجميل يابراك وعقبال تجيب رايحتنا أنا وغسان .
.............
أحر التهاني للعم رمزي والخالة فوزية ولاسرة الصديقة نجاح وليمثلهم زميل المنبر محمد عبد الله شريف والتهاني أحرها موصولة لجميع أصدقاؤنا وصديقاتنا بالجامعة الأهلية
Quote: الف مبروك وبيت مال وعيال وشكرا ليك يا راعى الحب يا رفاعى
مرورك سيدتي سلمى شهادة فرح مقيم مدى العمر وميلاد افراح هنا وهناك تسلمى وعقبال نحتلف بوطن يصنع الافراح وفي وطن حدادي مدادي.
................................................................ الجميل خدو خضر حسين سلامات ليالي جدة تشتاقك , دوما قفشاتك حاضرة وفي انتظارك يا صاحب الكليب المنتظر ,,, مليون مبرووووك للشفيع النجاح وعقبال غسان(الج...) فهو يرتجف من الان هضربة مسموعة كما موتر الجماعة ,,, من الان نحتفى بك فأنت مصدر الهام ومحبة دوما بس شد حيلك شوية ...
Post: #17 Title: Re: زميل المنبر الشفيع رمزي والاستاذة نجاح عبدالله مبروووووووك Author: mo Date: 02-28-2008, 11:11 PM Parent: #16
التهاني القلبية الخالصة للأبن الشفيع والتهاني موصولة أيضا للاخ الصديق رمزي عثمان والأخت فوزية وعموم آل بدر شريف في كل مكان ..وبيت مال وعيال ...واهو يارمزي العيال كبرت
Post: #20 Title: Re: زميل المنبر الشفيع رمزي والاستاذة نجاح عبدالله مبروووووووك Author: علاء الدين صلاح محمد Date: 02-29-2008, 03:03 PM Parent: #19
إلف مبروك للأخ الشفيع رمزي يا عريس يا أخي أنا ما قابلتك قبل كم يوم وما قلت لي الإخبار السارة دي ليه فقط ذكرت "مشغول جدا الأيام دي " ليه بتدس مننا الأخبار السارة على العموم ربنا يسعدك كمان وكمان إلف مبروك للأخ الشفيع وبيت مال وعيال
Post: #22 Title: Re: زميل المنبر الشفيع رمزي والاستاذة نجاح عبدالله مبروووووووك Author: الرفاعي عبدالعاطي حجر Date: 03-01-2008, 10:05 AM Parent: #1
الاأخوة الكرام جميعكم :ـ الفاتح يس ... من طرفنا مليون مبروووك للأخ الشفيع وتمنياتي بحياة هانئة. محمد ادريس الهنوف لك التقدير يارجل وطرف صوت ود الجمام امسكو عندك فالشفيع تقدمكم وغسان على الخط (خلاص الشيلة مشت) شد حيلك. مازن الجمام ... الان انت زعيم العزابة يا كيجاب. محمد عادل الحبيب اخبارك تشكر ياجميل. منى خوجلي ازدانت باقة التهاني في وجودك بت الخليفة واخت الشهيد. مو ..ياعمنا سلامات وتقدير متين ياعلي تكبر تشيل حملي وأهو العيال كبرت سلمت يارجل. معتصم ود الجمام ...لك المودة وغسان وجميع العزابة في التسخينة. علاءالدين صلاح محمد .. جلس الخزي يتربع على رؤوس اللئام الذين زجوا بهؤلاء خلف الاسوار العالية وجلسوا يتمنونها لنا ولك ولكن هيهات ذلك ماجعل الرؤية حولينا فقط أاسف وليس بيننا الاسف بعدم إخبارك بهذا الخبر وانت منا ياعلاء. سلمى صبحي ...سيدتي مليون سلام ومليون حباب سعدنا بباقة التهنئة منك.