Post: #1
Title: حسنك نده
Author: حسين محي الدين
Date: 02-28-2008, 09:30 AM
Parent: #0
حسنك نده
خيل العواطف
سرّجت وعدك وجات
كل المشاعر والخواطر
والمواويل والغنى
حتى الشعر
ضجت حروفه وأسرعت
ما الليلة عيد
ست الحسان
حنت علينا وصرّحت
حسنك نده
فاتت همومنا أتبخرت
وأشواقي زادت و انتشت
رسمّت ملامحك يا ملاك
فوق الندى
الزهرة فوقك ميلت
حسنك نده
رجع الفراش من غربتو
مطّر سحابك أغنيات
أدانا إحساس بالفرح
الدهشة فينا أتجمعت
أصلنا قايلين الفرح جوانا مات
حسنك نده
وفي عمقي كان وترك بحن
أصلو الفؤاد مجروح بئن
ليك انشده
حسنك نده
وأنا حبي ليك حد الوله
حسنك نده
عينيك كان عالم غريب
مليانة شوق
ملهوفة يوم تلقى الحبيب
تعلن بشارات الفرح
حسنك نده عشقي وصدح …
حسنك نده
جواي صوت عشقك
نساني طول هجرك
قربني من وصلك
أهداني أحلى كلام
حسنك نده
طاف الفراش كل الحقول
عبر المدى
نادى العصافير والطيور
قال ليهم الحسن النده
في زهرتك
عِشق الندى
جاني الصدى وقال فيك قول
غرد شدى وقال أحلى قول
حسنك نده
مديتي ايديك وبسمتي
ولي همستي "أتذكرك"
-أنساك-
أنساك كيف
وأنتي الرسمتي محبتك
فوق الفؤاد
وأنا من وداعتك ورقتك
شلته المداد
وكتبت فيك "حسنك نده"
حسنك نده فيني القصيدة
وأنا صوتي كان مبحوح عليك
ملهوف عليك
احترت فيك
واحترت في وصفك أنا
حسنك نده
شلته القصيدة وجيت عليك
يا ريتو من أول نده …
حسنك نده
إحساسي مرهف بيك
و أشعاري منك وليك
يا غالية لو ألقاك
طول عمري برحل ليك
أصلو العشم قربك
أو نظرة من عينيك
حسنك نده
أنا هسه راجع ليك
لو استريح عندك
وافرد جناحي عليك.
|
Post: #2
Title: Re: حسنك نده
Author: Sahar Yousif
Date: 02-28-2008, 09:48 AM
Parent: #1
حسين كلامك ما غريب و يمس الحنايا
Quote: عينيك كان عالم غريب
مليانة شوق
ملهوفة يوم تلقى الحبيب
تعلن بشارات الفرح
حسنك نده عشقي وصدح … |
و اصل ...
|
Post: #5
Title: Re: حسنك نده
Author: حسين محي الدين
Date: 02-29-2008, 05:05 PM
سحر
شكرا على الطلة السمحة
|
Post: #3
Title: Re: حسنك نده
Author: هند محمد
Date: 02-28-2008, 10:41 AM
Parent: #1
احساسك جميل شاعرنا حسين ..
تسلم مشاعرك ..
|
Post: #6
Title: Re: حسنك نده
Author: حسين محي الدين
Date: 02-29-2008, 05:07 PM
Parent: #3
هند
شكرا لحضورك الأنيق
|
Post: #4
Title: Re: حسنك نده
Author: هاشم أحمد خلف الله
Date: 02-28-2008, 11:04 AM
Parent: #1
Quote: حسنك نده
خيل العواطف
سرّجت وعدك وجات
كل المشاعر والخواطر
والمواويل والغنى
حتى الشعر
ضجت حروفه وأسرعت
ما الليلة عيد
ست الحسان
حنت علينا وصرّحت
حسنك نده
فاتت همومنا أتبخرت
وأشواقي زادت و انتشت
رسمّت ملامحك يا ملاك
فوق الندى
الزهرة فوقك ميلت
حسنك نده
رجع الفراش من غربتو
مطّر سحابك أغنيات
أدانا إحساس بالفرح
الدهشة فينا أتجمعت
أصلنا قايلين الفرح جوانا مات
حسنك نده
وفي عمقي كان وترك بحن
أصلو الفؤاد مجروح بئن
ليك انشده
حسنك نده
وأنا حبي ليك حد الوله
حسنك نده
عينيك كان عالم غريب
مليانة شوق
ملهوفة يوم تلقى الحبيب
تعلن بشارات الفرح
حسنك نده عشقي وصدح …
حسنك نده
جواي صوت عشقك
نساني طول هجرك
قربني من وصلك
أهداني أحلى كلام
حسنك نده
طاف الفراش كل الحقول
عبر المدى
نادى العصافير والطيور
قال ليهم الحسن النده
في زهرتك
عِشق الندى
جاني الصدى وقال فيك قول
غرد شدى وقال أحلى قول
حسنك نده
مديتي ايديك وبسمتي
ولي همستي "أتذكرك"
-أنساك-
أنساك كيف
وأنتي الرسمتي محبتك
فوق الفؤاد
وأنا من وداعتك ورقتك
شلته المداد
وكتبت فيك "حسنك نده"
حسنك نده فيني القصيدة
وأنا صوتي كان مبحوح عليك
ملهوف عليك
احترت فيك
واحترت في وصفك أنا
حسنك نده
شلته القصيدة وجيت عليك
يا ريتو من أول نده …
حسنك نده
إحساسي مرهف بيك
و أشعاري منك وليك
يا غالية لو ألقاك
طول عمري برحل ليك
أصلو العشم قربك
أو نظرة من عينيك
حسنك نده
أنا هسه راجع ليك
لو استريح عندك
وافرد جناحي عليك. |
إبــداع عــديــل يــا حـسـيـن مـحـي الـديـن
مشكور لإمتاعنا بهذه الكلمات الجميلة .
|
Post: #7
Title: Re: حسنك نده
Author: حسين محي الدين
Date: 02-29-2008, 05:10 PM
Parent: #4
الرائع دوما هاشم خلف الله
شكرا لهذا الحس الراقي
وتحيات طيبات
|
|