المريخ يفضحنا و يشرط عينا في ليبيا

وفي مباريات تحديد التراتيب من التاسع إلى الثاني عشر تفوق فريق السويحلي على فريق السيب العماني بنتيجة ثلاثة أشواط دون مقابل وفريق النجمة البحريني على فريق البحري العراقي بنتيجة ثلاثة أشواط مقابل شوط واحد.

وفي مباريات تحديد التراتيب من الثالث عشر إلى الخامس عشر تفوق فريق المريخ السوداني على فريق جيوس الفلسطيني بنتيجة ثلاثة أشواط دون مقابل.

نقلا عن جريدة المستقلة الليبية

انتو مادام مستواكم كدة ماشين فاضحننا مالكم وقادين عينا يافضايح

وكمان مابتخجلوا بتلعبوا في تحديد الطيش وتاني الطيش وتالت الطيش

خلوا عندكم كرامة بدل ماتعلنوا انسحابكم من الممتاز كان تنسحبوا من الفضيحة دي .

وين ياعمك
لا و الأدهى كمان
في مجموعته خسر التلاتة مباريات 0/3
تخيل تلاتة مباريات و بنفس النتيجة تلاتة صفر التقول ماسكهم مازدا
و النكتة وين اللعبة التانية مع الصفاقسي
كنت داير اكتبها في البورد الصفاقسي يهزم الوصيف تلاتة صفر تااااااااااني
بس راعيت لكلام الوالي في عالم الرياضة
السترة ابوي السترة

Quote: بس راعيت لكلام الوالي في عالم الرياضة

هو قال شنو يا ود البشرى
اصلى ماسمعت البرنامج

كاجوري

المريخ كفايه عليه انجازات كرة القدم

وكفايه عليه ماحققه من انجازات وبطولات محموله جوا لن يقدر عليها فريق سوداني اخر

اما باقي المناشط من كرة سله وكره يد وطائره وبلي

نخليها للوصفاء ومن تبعهم

مامكن بلد المليون ميل مربع يكون فيها بطل واحد

ابومصطفى

Quote: هو قال شنو يا ود البشرى اصلى ماسمعت البرنامج

كيف يا ابوعلوة ياخ
تصريح الوالي بتاع للهلال قضية و ليس للإتحاد حق في حجز البطاقات
دا - في رأيي - من بعد مشيئة المولى احد الاسباب الرئيسية اللتي اسهمت في حل الأزمة
يتخيل لي شداد بيكون قال في سره " بلاش يا جمال تتصرف معاي بالطريقة دي"

الأخوان الأعزاء شكراً لفتح أمر رياضة أخرى غير كرة القدم ،، فثقافة كرة القدم بقت ترتبط بالسوداني ذي علاقته مع البنسون والكورلا ،، وغيرها ،، ورغم التغير في كل الأشياء إلا أن كرة القدم ظلت هي هي صاحبة الموقف الأوحد على الساحة ، رغم حصول أبطال سودانيين في أنشطة ألعاب القوة والباسكت بول على ألقاب كبيره وهم يرتدون شعار دول أخرى ،

الموضوع الأساسي هو إخفاق نادي المريخ في بطولة الكرة الطائرة العربية على مستوى الأندية ،، هل تعلمون سادتي بأننا كنا من أميز الدول في هذا المنشط ، هل تعلمون أننا كنا نغذي أندية الخليج ومصر ،الكرة الطائرة كما المناشط الأخرى أصبحت من الأشياء غير المرغوب فيها وفقدت نكهتها كما كثير من الأشياء ،

بطل السودان حالياً في هذا المنشط ولدورات عديدة هو ديم الشايقية من القضارف وهناك فريق من سنار وآخر من الدمازين يشكلون محور النشاط ،، ليس تقليلاً من شأن أحد إلا أن أندية الخرطوم تساقطت كما أندية مدني ،، نادي المريخ لم يكن له وجود كما نادي الهلال الذي كان في مراحل قديمة أيام نصرالدين منزول ربنا يطراه بالخير ، وكانت أندية السجانة والمجد والنيل الخرطوم والأهلي مدني هم أصحاب الكلمة العليا ،، الآن لا يوجد نشاط ولا في تلك الأندية ولا في مدينة مدني على الإطلاق والتي كانت تشكل أحد أعمدة تغذية الفرق القومية في جميع الأعمار ..

أبناء المريخ لهم التحية ،، فهم مطالبون بما لا يملكون ،، أين نحن من الاستعداد الذي خاضته أندية شاركت في هذه البطولة ،، للعلم هؤلاء الشباب يحتاجون لصقل يتطلب الصبر ،، وقبل ذلك الكرة الطائرة تحتاج لثورة ..

الآن حسين إمام السكرتير الفني لإتحاد الكرة الطائرة القطري ، ومن أفضل (10) محاضرين على مستوى العالم وأكثر من ذلك فقد كان له دور فعال في تعديل قوانين اللعبة إلا أنه فضل الهروب ليس بحثاً عن وضع أفضل فهو بحمد الله لم يكن في حاجة لذلك ، إلا أن إنصراف الدولةعن تمويل المناشط قتل في كل محب لها الطموح ،، وتقاعدوا وهم في قمة العطاء ، سادتي الأولاد يحملون موهبة إلا أن الامر ذاتي لا تسمعوا مريخ أو غيره أنهم مظلومون ظلم الحسن والحسين .. وحأواصل طرح معاناة الكرة الطائرة تحديداً مع المسئولين .. إنها قصص كثيره ..

تخيل تلاتة مباريات و بنفس النتيجة تلاتة صفر التقول ماسكهم مازدا



هاهاهاها

وانا اقول نحنا انهزمنا بالتلاتات مالنا في افريقيا

ودالبشري

هو قال شنو يا ود البشرى
اصلى ماسمعت البرنامج


كدي جاوب لمحمد علي دة

اظنا النجمة دي عاجباة ساكت والراجل ماصهيوني

متعودا ............دايما

لشهور قلائل مضت كان المريخ على غير
ما أسمع اليوم ... بل كان مرشحا لسفر
أكرم محليا وإقليميا ... فالخيبة أضحت
من المهمات السودانية السيارة.

فخلوا مريخنا ده بالله ياخد مجراه فى هذا
السياق ولما هو غير إستنثاء, مع ذلك يظل
أجملنا رياضيا ... بس كلموني متى نلاقي
مقصوف الحال ... الهلال.

الاخوان
كيجا

هاشم


شكرا للمرور

عصام الدين

شكرا لايراد تلك المعلومات القيمة

استاذنا حيدر قاسم سلامات


مستعجل للهزيمة مالك

اعتقد في ابريل


لك الود

سلام

هبوط اضطرارى وبس
(ياتاسيتا)




قاسم

Quote: انتو مادام مستواكم كدة ماشين فاضحننا مالكم وقادين عينا يافضايح

والله يا حبه احنا مشينا الكلام في ناس يشمو كدحه

المهداوي سلامات

واللة دربكة الرجعة هي الاجبرتني ولك العتبي حتي نلتقي تلفونيا

مرتضي عباس

جنس مشيكوم دة تب مابنمشيهوا

احردن

كدي عاين للشايل الكديسة دة دحين مالابس احمر واللة انا مطشش

لك الود

Quote: جنس مشيكوم دة تب مابنمشيهوا

يا حبه في مثل بيقول اب سن بيضحك لي اب عشر سنون حاجة عجيبة
حصل فريق كرة السلة بتاككم قبل ان ينزل القاع يا ناس الكاسات المحمولة
جواااااااا

يا ناس الكاسات المحمولة
جواااااااا


نحنا كاسات الحمام الميت مابنجيبها عشان نضحك علي جمهورنا

نحنا وقت نجيب بنجيب كاس ابطال افريقيا ياوصيف




اما جبنا مالا فرح الراجينا واما اتكاملت فوقنا الصقور ماجينا

Quote: نحنا كاسات الحمام الميت مابنجيبها

طيب يا حبى بتعلبوا فيها ليه بس يا ناس الصفر علي الشمال

من غير المريخ جعل الشعب السوداني يتذوق الكاسات المحمولة

طبعا حايكون من غير سسسسسيد البلد المريخ

Quote: من غير المريخ جعل الشعب السوداني يتذوق الكاسات المحمولة

ومن غير المريخ جعل الشعب السوداني يملص هدومه