مناشدة من الهلالاب لبرنامج "أسماء في حياتنا"

نرجو التعجيل باستضافة الدكتور كمال شداد

نكتة حق لابد منها..
قالوا في واحد عربي مبسوط شديد ويملك المئات من البقر. لكنه رغم هذا
الثراء والخير الوفير كان لايصلي، فنصحه أحد الأصدقاء بأن يصلي شكراً
وحمداً لله وأحسن ليهو يعمل ليهو عمل للآخرة..
بالفعل بدأ الرجل في الصلاة وشاءت إرادة الله أن تموت أبقاره بالتدريج،
وما زال هو مستمر في صلاته.
في النهاية فضلت ليهو بقرة واحدة وسمعها يوم تجعر بأعلى صوت، ربما بسبب
الجوع أو العطش.
العربي قال للبقرة بزهج شديد ونفاد صبر:
(والله العظيم أقوم عليك، ركعة واحدة ما تزيديها).

ونحن كذلك نثق في نجاعة وفعالية البرنامج،
ونعلم أنه إذا قام على شداد، حلقة واحدة ما يزيدها..

ليس الغرض من هذا البوست تمني الموت لدكتور شداد
نسأل الله أن يمتعه بالصحة والعافية..
وليس كذلك انتقاصاً من البرنامج الناجح..
ولكنه تناول لخلافات شداد المستمرة مع الهلال
في قالب كوميدي..
وفي النهاية الموت والحياة بيد الله وحده..

نكتة:
الاستاذ محمد بشير عتيق حكي أنه ألتقي عمر الجزلي صدفة في السوق
بادره الأستاذ عمر الجزلي و قال ليهو وين يا أستاذ و الله أنا بفتش عليك لي مده؟
فرد عليه عتيق: ياخ أنا ذاتي بفتش عليك لأنو عندي سؤال محيرني.....
انتا بتعرف الزول داير يموت كيف ؟



مع تحياتي لك و لأصدقاءك ودالجار عودو
ورفيقه في الصبر عبدالله كع

Quote: الاستاذ محمد بشير عتيق حكي أنه ألتقي عمر الجزلي صدفة في السوق بادره الأستاذ عمر الجزلي و قال ليهو وين يا أستاذ و الله أنا بفتش عليك لي مده؟ فرد عليه عتيق: ياخ أنا ذاتي بفتش عليك لأنو عندي سؤال محيرني..... انتا بتعرف الزول داير يموت كيف ؟

القردابي الهلالابي الأصيل
ليك وحشة والله وافتقدنا حروفك..
البرنامج ده لشدة ما هو فعال كان المفروض يسموهو
(الكمدة بالرمدة)..
أكثر الذين حزنت لرحيلهم السريع العالم الشيخ البروفيسور
حسن الفاتح قريب الله .. نسأل الله أن يتغمده بواسع رحمته..
أما الذين عجز معهم البرنامج المشير جعفر نميري
وأغلب الظن أنه مصمم على إكمال 16 سنة بعد الاستضافة..

Quote: مع تحياتي لك و لأصدقاءك ودالجار عودو ورفيقه في الصبر عبدالله كع]

عبد الله كع سررنا لانضمامه وهو صاحب شعبية كبيرة
بس حتى الآن ما عرفناهو معانا ولا مع الخيانة..