رسالة من شخصية عزيزة على على البريد ألألكترونى..لو ما تأنيت كان شربت المغلب.مروا وأنتبهوا.

اليوم ألأثنين 25فبراير وصلتنى رسالة غريبة جدآ من إبن خالى بروفسير صلاح أحمد إبراهيم...

إنزعجت جدآ وبدأت أفكر فى الحل...

تخيل كيف يكون حالك لو جاتك رسالة بالشكل ده..؟

خالص مودتى....................................

الرسالة:Hi!,
I am sorry i didn't inform you about mytraveling to Africa for a program called Empowering Youth to Fight Racism, HIV/AIDS, Poverty and Lack of Education, the program is taking place in three major countries in Africa which are Ghana,South Africa and Nigeria. It as been a very sad and bad moment for me,the present condition that I found myself is very hard for me to explain.I am really stranded in Nigeria because I forgot my little bag in the Taxi where my money, passport,documents and other valuable things were kept on my way to the Hotel am staying,I am facing a hard time here because I have no money on me. I am now owning a hotel bill of $1000 and they wanted me to pay the bill soon else they will have to seize my bag and hand me over to the Hotel Management.,I need this help from you urgently to help me back home,I need you to help me with the hotel bill and i will also need $1,200 to feed and help myself back home so please can you help me with a sum of $2,200 to sort out my problems here?I need this help so much and on time because i am in a terrible and tight situation here,I don't even have money to feed myself for a day which means i had been starving so please understand how urgent i needed your help.

I am sending you this e-mail from the city lagos and I only have 30 min,I will appreciate what so ever you can afford to send me for now and i promise to pay back your money as soon as i return home,you need to transfer the money through Western Union,please email me back so that i can email you one of the Hotel Management name that you will send the western union to.Thanks
Regard


Prof. Salah Ahmed Ibrahim MBBS,DCH,FRCP,FRCPCH,FACCP,MD.
Professor of Paediatrics.
Vice-Dean.
Faculty of Medicine.
University of Khartoum.
إسماعيل محمد احمد عباس........................

تعرف رسالة زي دي مرة جاتني من زول شغال معاي وفي مكتب خارجي

أنا بتكلم معاهو بصورة يومية وبيناتنا رسايل عمل بالإيميل

لقيت الرسالة اتخلعت زيييييييك كده وسريع قمت دقيت على الزول ده

أشوف الحاصل شنو

عرفت أنو الايميل بتاعو مهكر ولحقناهو سريع سريع ورسلنا رسايل

للناس الفي الايميل بتاعو عشان ما يقعوا في الورطة دي

يديك العافية يا زول

لكن ما قلت لي

Quote: لو ما تأنيت كان شربت المغلب

المغلب ده طعموا زي المحلب ولا كيف

ألأخ/محمد عبدالماجد

لك التحية

وشكرآ على مرورك....

أولآ جلست 5دقائق بتخيل وضع إين خالى ده كيف..وعاينت للساعة عشان أستعجل وأمشى أشوف لى طريقة قبل البنوك ما تقفل.والشركة التى ذكرها لى بتاعة التحويلات..

لكن قلت كدى أتصل على تلفونه فى السودان..والله لما رد على إتكيفت كيف..وإطمأنيت عليهو وقال لى أبدآ
أنا ولا سافرت..

والناس ديل عارفين أى حاجة..وعارفين سفرو كتير..

لكن ربك ستر..

إسماعيل محمد احمد عباس.........
مودتى

Quote: المغلب ده طعموا زي المحلب ولا كيف

ود الصائم بصراحة إنت ثقيل..
على قولك..غايتو جنس غايتو..
بالمناسبة إنت خليتهامالك..
يا خوى كان قنعتها منهاأدينى ليها أصلها عاجبانى,,


إسماعيل..لك التحية..


ــــــــــــــــــــ
لكل من مر/ت من هنامحبتى

من ازنك ياشيخ اسماعيل

Quote: يا خوى كان قنعتها منهاأدينى ليها أصلها عاجبانى

أبو الزهور يا حبيب

والله ما استغنيت .. لكن بكري ده نعمل ليهو شنو كلو يوم راقدلو فوق راي





_،_،_،_،_،_،_،_،_،_،_،_،_،_،_،_،_،_،_،
غايتو جنس غايتو!!! <<<< بكتبا براااااي يا بكري

ألأخ/

azhary awad elkareem
.....................

مرحبآ بك

Quote: والناس ديل عارفين أى حاجة..وعارفين سفرو كتير..

والله سلامة

لكن يا اسماعيل اخوى حاجة غريبة ايش عرفهم بعلاقتك انت بالبروف ؟

الأخ إسماعيل عباس،

السؤال المحير هو كيف الجماعة (الهكرنجية) ديل
عرفوا عنوانك وإنك قريب البروفسير صلاح أحمد إبراهيم؟؟؟!!

ألأخ/الطيب شيقوق

السلام عليكم............

لكن يا اسماعيل اخوى حاجة غريبة ايش عرفهم بعلاقتك انت بالبروف ؟

والله يا جماعة أنا حتى ألآن محتار.....!

والشىء الوحيد الشكيت فيهو بأن البروف...دآئمآ ببدأ رسايلو بالسلام عليكم..NOT HI كما بدأ بها هذا الهكر رسالته...

الواحد ياجماعة يعمل حسابو شديد بدون مؤاخذة لودخل الحمام يقفلو كويس..والله يستر..

شكرآ يا ود شيقوق على المرور...

إسماعيل محمد احمد عباس............

ألأخ/عزيز عيس........
لك التحية.............
الأخ إسماعيل عباس،

السؤال المحير هو كيف الجماعة (الهكرنجية) ديل
عرفوا عنوانك وإنك قريب البروفسير صلاح أحمد إبراهيم؟؟؟!!

.......................................................
ما دا المحيرنى.يا جماعة عشان كده أنا بنبهكم..وما عارف الحكاية دى تمت كيف...
والحمدلله ربك ستر..............

مودتى.............
إسماعيل محمد احمد عباس........

ألأح/محمد عبدالماجد
...................
من ازنك ياشيخ اسماعيل
........................
با اخى تفضل زى بوسطك.........الله يرجع المسنجر يا جماعة الناس عملونا شماعة..
مودتى.............
إسماعيل محمد احمد عباس................................................

Quote: الواحد ياجماعة يعمل حسابو شديد بدون مؤاخذة لودخل الحمام يقفلو كويس..والله يستر..

انت يا اسماعيل اخوى على نياتك ات قايل الحمام وبس ؟

هييييييييييييييع ديل شايفين اى حاجة !!!!!!!!

حاسب وحاسبوا وحاسبن

Quote: الواحد ياجماعة يعمل حسابو شديد بدون مؤاخذة لودخل الحمام يقفلو كويس..والله يستر..

الحمام وبس؟ يا اسماعيل اخوى

حاسب وحاسبوا وحاسبن

الأخ اسماعيل
وصلتني رسائل كتيرة زى دى تختلف عن موضوعك هذا
ولكن القاسم المشترك فيها جميعا هو المال ونيجيريا!!!
واحدة كاتبة لي أنها زوجة لأحد قياديي حركات دارفور وان
زوجها استشهد في معركة من المعارك ولديه حساب بنيجيريا
يفوق الخمسة مليون دولار تطلب مساعدتي اياها في تحويل هذا المبلغ
الي أمريكا وسوف يتم تحفيزى بنسبة معتبرة.....تخيل!!!!

الأخ الفاضل إسماعيل

مثل هذه الرسائل تكررت كثيرا مؤخرا . وعلى من تصله مثل هذه الرسالة عليه أن يتريث ويتصل أولا بالصديق أو القريب المعنى بطلب المساعدة ليتأكد بأن الرسالة واردة منه. إثنان من أصدقائي تعرضا لمثل هذا الاستهبال وسبب لهما ازعاجا كثيرا ، ولم يتسرعا بتحويل أي مبالغ وذلك بفضل أصدقائهما الذين اتصلوا بهما مستفسرين عن الحادث المفبرك.

تحياتي ومودتي

سمعة صباح الخير يأخي لك الشكر الجزيل وانت تحكي عن موقف خطير ممكن نتعرض له كلنا
والجاتك في إيميلك سامحتك

إسماعيل تحياتي

والله غريبة جدا بس اعتقد بصورة ما هم عرفوا عن طريق دفتر العناوين الموجود اما في ايميلك او في ايميل د/ صلاح

انا بتجيني كتير ايميلات زي دي لكن تتخيل حتى ما بوصل لاخرها واعرف انها مرسلة من منو

لكن الناس ديل شكلهم وصلوا مستويات عالية جدا

شكرا للتنبيه

ولك تحياتي

سمعة !!!

مودتي ,,,

تصدق أنا أسبوعيا بتجيني رسالة زي دي ما عارفة إيميلي بجيبوه من وين مش حكاية غريبة جدا ,,,

عموما مشتاقين يا أبو السباع خلينا نشوفك يا جدو !!

إسماعيل

تحياتي

هناك الآن أكثر من حيلة مثل هذه.

البعض يتصل من دولة خارج البلد الذي تقيم فيه .. ثم يقول لك بأن وسيطه سيتصل بك .. ثم يتصل الوسيط المزعوم و يعطيك رقم حساب بنكي .. و إن سألته هل يعرف إسمك حتى و ضيقت عليه الخناق فسينسحب.
معنى ذلك بأنه ربما هناك من يعرفك يحتمل أن يكون متواطيء.( كل شي جايز في هذا الزمان الأغبر ) .
أو يتصلون بأرقام عشوائية لذا لا يعرفون إسمك.

أو يرسلون لك إيميل بأنك قد كسبت جائزة مالية ضخمة و يطلبون منك رسوم التحويل .. ( تصدق ؟ ) و لما تقول أخصموه من الجايزة يقولوا ليك ما ممكن لأن الجايزة ليها قوانين تمنع الخصم( منتهى السذاجة ) ..

دمتم

لا حول ولا قوة إلا بالله ... يا إسماعيل الجماعة الهكرنجية ديل
مالقوا إلا الوقت ده عشان يخربوا علينا ؟؟
ياخي أنا كنت عايز أرسل ليك إيميل أقول ليك ظروفي صعبة اليومين
ديل .. أقطع لي التذاكر حقت أولادي وبعدين بشوفك !! يعني بالطريقة
دي ما حتصدقني !!!

الله غالب كدي نشوف هاشم خلف الله ...

................
ألأخ/عاطف مكاوى........

ألآخ/جعفر إسماعيل..

ألأخ/هاشم أحمد خلف الله..

ألأخ/الطاهر عثمان....

ألأخت/عواطف إدريس إسماعيل.....

ألأخ/الريس أبوجهينة.............
..................................

شكرآ لمروركم الجميل ونسأل الله الستر والعافية..وخالص مودتى لكم جميعآ..
إسماعيل محمد احمد عباس..............................................

ألأخ/العزيز عادل..
.................
ياخي أنا كنت عايز أرسل ليك إيميل أقول ليك ظروفي صعبة اليومين
ديل .. أقطع لي التذاكر حقت أولادي وبعدين بشوفك !! يعني بالطريقة
دي ما حتصدقني !!!
................................................................

يا أخى والله إنت فى العين والرأس لو نتسلف نقضى ليك حاجتك..وبعدين إنت هكرنجى عاطفى..ما تزعل..وأيامك راحت..من بعد 14فبراير..يا جميل..بنتظرك يا هكر يا عاطفى السنة الجاية بأذن الله..

نفس الميعاد نفس الملامح نفس الشبه..والمشيا ذاته وقدلتو...
خالص مودتى..وربنا يجيب ألأولاد بالسلامة..

إسماعيل محمد احمد عباس............

الأخ إسماعيل..
لك الطيبات ..
والله بوستك الجاب عادل دا ما هين ..
له ولكل المتداخلين تحياتي العطرة ..
بخصوص الرسائل الغريبه علي الإيميل فهي عديده خاصة تلك المتعلقة بالمال ..
كما ذكر الأخوة ..
لكن الغريب ياسمعة وصلتني رساله بإسمك معنونه كا لأتي ..
Ismail Abbas has set you invitation
رغم إطلاعي علي بوست تحزيري من الأخ ابو العزائم علي ما أذكر دخلت بسبب إغراء الإسم..
ويبدو أن الرساله المفخخه تنتقل تلقائيا لكل الإيميلات المسجله عندك بمجرد فتحها..
نفس الرساله جاتني تاني بإسماء أخ إسمه عبد الله مهدي وهاشم خلف الله ..كنصلتهم.
عموما ايميلي شغال كويس لكن الواحد بقى يركز علي موضوع الرساله قبل يفتحها.
لكن كمان من ناحيه بتوريك الناس المحتفظين بإيميلك ..
يا خوانا أي واحد وصلته رساله (إنفتيشن) بإسمي ما يفتكر القبه تحتها فكي .. له منى العذر ودا معناه الرساله الوصلتنى إنتقلت لإيميله المسجل عندي تلقائيا ..
شكرا إسماعيل.

ألأخ/الملك
لك ودى وإشتياقى...
.......................
لكن الغريب ياسمعة وصلتني رساله بإسمك معنونه كا لأتي ..
Ismail Abbas has set you invitation
...................................................\

طيب يا أخى التكنلوجية قبلت دعوتنا...وإنشاء الله نتقابل ونتشاوف ولو مريت كدة للسعودية أو مرينا

نحن على أوروبا ,,

خالص مودتى..............

إسماعيل محمد احمد عباس.............

Quote: ياخي أنا كنت عايز أرسل ليك إيميل أقول ليك ظروفي صعبة اليومين ديل .. أقطع لي التذاكر حقت أولادي وبعدين بشوفك !! يعني بالطريقة دي ما حتصدقني !!!

قطعوها لينا ياعادل

الهاكرز اسماعيل اخوي ملوا الدنيا..
زي نوع رسل لي قروش انا في ورطه..
وزي يعلموك انت كسبت لوتري بعد اسمك نقاه الكومبيوتر..
ولا انا ارمله نايريري ,....وعندي بيزنس عايزك تشاريكني فيه..

المهم انا من القي بداية الرساله كده طوالي بعمل ليها ديليشن وما بضيع وقتي فيها..

والمزنوق يتصل بي بالتلفون..اسمع صوته وأتأكد من المبلغ العايزه كم..
واقوم اقول ليه سوري ماعندي

ألأخت/العزيزة تماضر...
لكى خالص التحايا....
.......................

قطعوها لينا ياعادل .....
.......................

الله يقطع رقابهم..
وإنتى وعادل فى البال والخاطر.........وأبشروا بالخير......
مودتى....................................................
إسماعيل محمد احمد عباس....................................

منى خوجلى ..
أخت الكل...
.................
المهم انا من القي بداية الرساله كده طوالي بعمل ليها ديليشن وما بضيع وقتي فيها..

والمزنوق يتصل بي بالتلفون..اسمع صوته وأتأكد من المبلغ العايزه كم..
واقوم اقول ليه سوري ماعندي
...............................................................................
يا منى ده لو الرسالة غريبة..لكن الرسالة من E-mail إبن خالى وعلى تواصل كثير جدآ إذا كان ما يوميآ...وفعلآ سفرو كتير ومتوقع أن يكون هو...عمومآ الشغلانية بقت صعبة..

وبعدين يا منى لو إتصلت بيك من أوروبا بالتلفون بتقولى سورى ماعندى؟

هيعععععععععععععععععععع يا بت ألأصول بسويها فيك يوم..خليكى شيالة التقيلة..

تسلمى..وتشكرى على مرورك الجميل..
إسماعيل محمد احمد عباس...........

Salam,

what if you have recieved an email from yourself ???????


noon

what if you have recieved an email from yourself ???????

ألأخت/نون

وعليكم السلام والرحمة.............

دى ما حصلت لى..لكن لو حصلت تكون أغرب بالطبع...

THANK YOU AND BEST REGARDS >>

إسماعيل محمد احمد عباس.............

يا جماعه ما براكم الرسلو ليكم
شوفو دى :

How are you?Hope every thing is ok? Just wanted to seek your favour on something very important.Something terrible happened to me.I had a trip to Nigeria on some works. Unfortunately for me all my money got stolen at the hotel where i lodged along with all my belongings also with my return ticket,and since then i have been without any money,i am even owening the hotel here.I only have access to my e-mail for now because my mobile can't work here and the hotel phones here was disconnected when the incident happened and i don't have any money here to make calls or feed well.

Please i need you to lend me $6,000 so i can make arrangements and return back please,i have spoken to the embassy here but they are not responding to the matter effectively, I would return the money back to you as soon as i get home,I am so confused right now.

I have made enquiries and was able to find out that you can have the money sent to me through Western Union Money Transfer,i belive it will be faster and eaiser for me to receive the money here because there is a Western union office close by here.

Below is the information you will require in sending me the money immediately today.


المصيبه انه الراجل صاحبى المرسلين باسمو دبلوماسى فى سفاره خارج السودان وما ممكن يكون متورط قدر دا . وكمان مرسل نفس الايميل لزول تانى وداك عمل فورورد لزول تانى علشان يقوم بارسال المبلغ .
غايته ربك ستر لانه الايميل فيه ريحه مى ياها .


المصيبه الحاجات دى كلها من نيجيريا

الحكومه الكنديه اكتشفت انه فى عربات وقطع غيار من عربات اخرى تشحن فى كونتينرات وترسل لافريقيا

و بالتحديد نيجيريا . لانه العربات مسروقه وحتى قطع الغيار من عربات مسروقه و مبلغ عليها .أها قولكم شنو .

ألأخ/حمد إسماعيل

السلام عليكم..
وشكرآ للمرور...

أنا بعتبر هذه تجارب وأشياء يجب ان نستفيد.منها..وأن لا نتبع عاطفتنا فى كل ألأمور.ونحن معروفين بهذا..

شوف أحتيال صاحبك ده...كل ألأسئلة البتوقعك تسألها له جاوبك ليها..السفارة ما بترد..جوالى مابشتغل هنا..وكلها أعذار واهية..

شكرآ لك يا جميل..

وخالص مودتى..
إسماعيل محمد احمد عباس.................

الأخ اسماعيل

تحية طيبة

كنت مساء اليوم في مكان عزاء بالعاصمة السعودية، وحكيت قصتك والنصب الذي نجوت منه بأعجوبة... وكان أحد الأصدقاءيستمع للقصة بانتباه. وعندما انتهيت من سرد الحكاية حكى صديقي قصة شبيهة حدثت لأحد الأخوان من الجنسية الباكستانية يعمل سكرتيرا بالشركة التي يعمل بها صديقي..حيث وصلته رسالة من إمرأة انجليزية يعرفها وأخبرته بأنها ذهبت في رحلة الى نيجيريا وسرقت أوراقها ونقودها وتحتاج لمبلغ 3000 دولار لتتمكن من الرجوع الى لندن... صاحبنا المسكين طلب قرض من صندوق الشركة بالمبلغ، ولا ندري إن كان حول المبلغ حتى الآن أم لا... على العموم غدا سنعلم بالخبر اليقين... وإذا عندو رزق في المبلغ يكون لسع ما حوله

تحياتي

مامان

www.forevermaman.com

ألأخ/مامان

السلام عليك ولك الشكر على المرور..
.................................
وإذا عندو رزق في المبلغ يكون لسع ما حوله
...........................................
إن شاء الله ربنا يستر عليه يا رب...

وخالص تحياتى

إسماعيل محمد احمد عباس...........