Post: #1
Title: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-25-2008, 01:42 PM
Parent: #0
تخيلوا يا سودانيو البورد قناة هارموني بتعمل ترويج لحلقة مع ندي القلعة قرابة الشهر ، الحلقة تم بثها واعادتهاالاسبوع الفات طبعا انا ماعندي علاقة بالمدعية الفن دي لكن الترويج خلاني احضر الاعادة،، وكانت الحلقة بمثابة عرض تفصيلي لفن وحياة النجمة ندويا،، مستوى حوار ضعيف لابعد درجات الضعف وكانو السيد الجعيلي قاصد يستخف بينا ، وطبعا ندى لقتها فرصة لابراز مهاراتها الجمالية وكيف انو النسوان بيسالوها انت بتتحنني وين وبتجيبي تيابك ودهبك دا من وين ، وكمان ندى قالت هى بتحب الحياة المفتوحة مع الجيران وكيف هى متضايقة من قصة النجومية دي (الغريبة انو عندها كلب الماني فولف زي ماقالت وبياكل معاها الفتة) وحكت قصة انا لما بطني طمت تخيلوا قالت شنو؟؟
قالت مرة كدا حبت تعيش حياتها عادية زى الناس (انا ماعارفة هى فاكرة نفسها زي شنو) المهم وقالت بالحرف ؟ اها شفتي قمت لبست توبي واتبلمت ومشيت وركبت الحافلة ومشيت السوق المركزي ووقفت قدام بتاع الخضار واشتريت منو وفجأة شفت لي ولدين بتلكموا مع بعض براااحة اها واحد فيهم قالى والللللللللللللللله دي عيون ندى، طبعا طوالي كشفت وشي ومشيت عادي ؟
دا مثال من جزئية حوار مع الفنانة ندويا ،، والله نحيا ونشووووووووووف
|
Post: #2
Title: Re: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-25-2008, 02:03 PM
Parent: #1
معقولة كلللللللللللكم اصابكم الطمام؟؟؟
|
Post: #3
Title: Re: المهزلة والسطحية والاستخفاف حصرياً على قناة هارموني!!
Author: ateif abdoon
Date: 02-25-2008, 06:30 PM
Parent: #2
خارج السرب
Shamael Elnoor
جربي الصور دي
 .
.
....
..
.
|
Post: #4
Title: Re: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-26-2008, 11:56 AM
Parent: #3
تشكر ايها الخارج عن السرب ولو اني مافهمت قصدك
|
Post: #5
Title: Re: المهزلة والسطحية والاستخفاف حصرياً على قناة هارموني!!
Author: ateif abdoon
Date: 02-26-2008, 04:24 PM
Parent: #4
| Quote: تشكر ايها الخارج عن السرب ولو اني مافهمت قصدك |
الحكايه بما فيها انو صورتك كانت كبيره
وفارقه من حجم البوست
وانا صغرتها ليكي عشان تختاري الانسب
وتختها في البروفايل
|
Post: #6
Title: Re: المهزلة والسطحية والاستخفاف حصرياً على قناة هارموني!!
Author: ريهان الريح الشاذلي
Date: 02-26-2008, 08:08 PM
Parent: #5
| Quote: قالت مرة كدا حبت تعيش حياتها عادية زى الناس |
سبحان الله ..القال ليها الناس عايشين حياة عادية منو؟؟؟
|
Post: #7
Title: Re: المهزلة والسطحية والاستخفاف حصرياً على قناة هارموني!!
Author: عثمان دغيس
Date: 02-27-2008, 07:56 AM
Parent: #1
الأخت شمايل
نسيتي حاجة مهمة إنها قالت ركبت الحافلة عادي ودفعت القروش للكمساري ...!!!
أنا ما عارف النوع ده من الناس فاهم إننا من ياتو نوع من الناس ..؟؟!!
أنا مش بطني طمت ...!
أنا إستفرغت عدييييييييييييييل الله يعزكم ...
ربنا لا تؤاخذنا بما فعل الجهلاء منا ...
|
Post: #8
Title: Re: المهزلة والسطحية والاستخفاف حصرياً على قناة هارموني!!
Author: عبد اللطيف بكري أحمد
Date: 02-27-2008, 08:33 AM
Parent: #1
شمايل والمتداخلين
تحياتي ،،
أراكم تكيلون بمكيال غير محايد،،
هي الآن نجمة ،، بل سيوبر ستار في
السودان ، لا أحد ينكر هذه الحقيقة،،
إن كان لا بد من ملامة فيجب توجيهها
للمعايير التي جعلت منها نجمة ،،
يعني لو قالت الكلام هذا مثلا نانسي
عجرم!! هل يكون مقبول منها لأنها فعلا
نجمة ويحرم على ندى القلعة؟؟ ماذا
تقدم نانسي عجرم أو نوال الزغبي أو
نجوى كرم وغيرهن أكثر مما تقدمه ندى؟؟
هذه هي الاستاندرز الموجودة في العالم بأسره
وطفح على الزبد وها هي برامج النجوم في العالم
شاهدوها (Red Carpet) أو حفلات البريميوم أو
حفلات جوائز الأوسكار، ماذا يقدم فيها وماذا يعرض
سوى الأزياء وصرعات الموضة والحديث عن أكثر
النساء إثارة في العالم ؟؟
رفقاً بندى القلعة ، فهي تعيش نجومية صنعناها نحن
وأفردنا لها القنوات لتحدثنا ، فهي بضاعتنا ردت
إلينا فلا نلوم إلا أنفسنا،،
|
Post: #10
Title: Re: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-27-2008, 10:12 AM
Parent: #8
مرحبا عبد اللطيف
شكرا للمداخلة
واراك تساوي مستوى ندى بالمستويات الاخرى والله حرام ياعبد اللطيف ، ندى مابتعرف تتكلم دارجي تخيل انها بتقول (منطهد - استوعاب) (مضطهد - استيعاب)
اقسم لك بانه دا ما الاستاندر بتاعنا لانه فى عندنا نجوم خلف الكواليس لم يحظوا بمثل بما حظيت به ندويا والله انا ما بكيل على ندى وبس انا بكيل على اجهزة الاعلام البتصنع نجوم امثال ندى امثال جريدة الدار وهارموني ، يعنى قولى انا استفيد شنو من قصة كلب ندى القلعة البياكل معاها الفتة دى مش كان احسن تتمنتج
|
Post: #11
Title: Re: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-27-2008, 10:13 AM
Parent: #8
مرحبا عبد اللطيف
شكرا للمداخلة
واراك تساوي مستوى ندى بالمستويات الاخرى والله حرام ياعبد اللطيف ، ندى مابتعرف تتكلم دارجي تخيل انها بتقول (منطهد - استوعاب) (مضطهد - استيعاب)
اقسم لك بانه دا ما الاستاندر بتاعنا لانه فى عندنا نجوم خلف الكواليس لم يحظوا بمثل بما حظيت به ندويا والله انا ما بكيل على ندى وبس انا بكيل على اجهزة الاعلام البتصنع نجوم امثال ندى امثال جريدة الدار وهارموني ، يعنى قولى انا استفيد شنو من قصة كلب ندى القلعة البياكل معاها الفتة دى مش كان احسن تتمنتج
|
Post: #9
Title: Re: المهزلة والسطحية والاستخفاف حصرياً على قناة هارموني!!
Author: محمد الطيب يوسف
Date: 02-27-2008, 08:51 AM
Parent: #1
غايتو أنا ماحضرتها
لكن مرتي حضرتا
ضيقت علي البيت
الله يقطعك يا ندي
|
Post: #12
Title: Re: المهزلة والسطحية والاستخفاف حصرياً على قناة هارموني!!
Author: مدثر محمد احمد
Date: 02-27-2008, 10:18 AM
Parent: #1
الاخت شمائل سلامات
انا غايتو حضرت الحلقة
وبفتكر انو الغنا كان جميل
لكن الكلام زى الواطة اول حاجة الحوار كان فطير والاجابات كلام دراب
وبلدى خالص لايرقى لمستوى ان يعرض فى قناة فضائية
الحاجة التانية حتى الكلام الدراجى ده فيهو صعوبة
قالت منطرة تعمل شنو كده ما عارف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحاجة التانية الحلقة مصورينها براها والحفلة براها ده حركة جديدة فى انتاج البرامج والحوارات
مع الفنانين
وبعدين قصة الكلاب والقرود دى شنو القرد جا ياكل معاى والكلب قام سكاهو وياكل معاى فتة
فتة بوش ولا عدس
هناك احد المتداخلين قال ده كلام الفنانين كده وضرب مثل بنانسى عجرم وامثالها
الفنانين بقى عندهم مدراء اعمال ومتخصصين فى كل شى عشان يوروا الفنانين المابعرفو يتكلموا ويتناقشوا
فى الختام لك التحية
والله يسترنا فى البلد دى
مدثر
|
|