Post: #1
Title: المهزلة والسطحية والاستخفاف حصرياً على قناة هارموني!!
Author: Shamael Elnoor
Date: 02-25-2008, 01:42 PM
تخيلوا يا سودانيو البورد قناة هارموني بتعمل ترويج لحلقة مع ندي القلعة قرابة الشهر ، الحلقة تم بثها واعادتهاالاسبوع الفات طبعا انا ماعندي علاقة بالمدعية الفن دي لكن الترويج خلاني احضر الاعادة،، وكانت الحلقة بمثابة عرض تفصيلي لفن وحياة النجمة ندويا،، مستوى حوار ضعيف لابعد درجات الضعف وكانو السيد الجعيلي قاصد يستخف بينا ، وطبعا ندى لقتها فرصة لابراز مهاراتها الجمالية وكيف انو النسوان بيسالوها انت بتتحنني وين وبتجيبي تيابك ودهبك دا من وين ، وكمان ندى قالت هى بتحب الحياة المفتوحة مع الجيران وكيف هى متضايقة من قصة النجومية دي (الغريبة انو عندها كلب فولف زي ماقالت وبياكل معاها الفتة) وحكت قصة انا لما بطني طمت تخيلوا قالت شنو؟؟
قالت مرة كدا حبت تعيش حياتها عادية زى الناس (انا ماعارفة هى فاكرة نفسها زي شنو) المهم وقالت بالحرف ؟ اها شفتي قمت لبست توبي واتبلمت ومشيت وركبت الحافلة ومشيت السوق المركزي ووقفت قدام بتاع الخضار واشتريت منو وفجأة شفت لي ولدين بتلكموا مع بعض براااحة اها واحد فيهم قالى والللللللللللللللله دي عيون ندى، طبعا طوالي كشفت وشي ومشيت عادي ؟
دا مثال من جزئية حوار مع الفنانة ندويا ،، والله نحيا ونشووووووووووف
|
Post: #2
Title: Re: المهزلة والسطحية والاستخفاف حصرياً على قناة هارموني!!
Author: ahmed saeed
Date: 02-25-2008, 02:31 PM
Parent: #1
سلام
اها وين السطحية في ندي ولا مقدمات البرنامج
|
Post: #3
Title: Re: المهزلة والسطحية والاستخفاف حصرياً على قناة هارموني!!
Author: عبدالله كع
Date: 02-25-2008, 02:48 PM
Parent: #1
(| Quote: انا ماعارفة هى فاكرة نفسها زي شنو |
سلام اختنا شمايل
س : انا ماعارفه هي فاكرة نفسها زي شنو؟
ج : (زي العسل )
|
|