Post: #3 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 04:01 AM Parent: #2
لماذا الانسان السوداني صار مادة للتندر والضحك والسخرية عند عرب الخليج في اعلامهم بهذا الشكل المذري القذر والمهين للشخصية السودانية التي عمرت وساهمت في تنمية هذه الدول باعز ما تملك من ابنائها الاكفاء بخبراتهم ومؤهلاتهم منذ بدايات تكوين هذه الامارات والمشائخ,,اهذا هو جزاء الاحسان !؟
Post: #4 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 04:13 AM Parent: #3
والملاحظ ان هذا الازدراء بالشخصية السودانية لم يكن ملاحظا البتة في اوقات ما قبل مجيء سيئة الذكر( الانقاذ) بل تركز في هذه الحقبة الكالحة وهذا انما دليل علي اننا صرنا بشرا بلا قيمة ولا وزن وقد لفظتنا اوضاع الوطن التعيسة الي هذا الجحيم من الاهانات والاذلال وهو امر طبيعي عندما يهان الانسان في موطنه وتحتقره وتهينه دولته واهله اذن متوقع ان يتعرض اكثر الي مزيد من هذه الحالة المهينة في ديار الغربة! وظلم ذوي القربي اشد مضاضة علي النفس من وقع الحسام المهند!
Post: #5 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 04:34 AM Parent: #4
Post: #17 Title: Re: يا رخسة الزول السوداني في هذا الزمن العفن! Author: Shamael Elnoor Date: 02-25-2008, 01:27 PM Parent: #2
هباني
أولاً :: خوفي عليك من ضغط الدم دا لو ماكنت اصلا مصاب ثانياً:: انا اعتقد انو كل شعب فيه حاجة بتخلى الشعوب التانية تتندر وتضحك بس اظن انو نحن معقدين حبتين ثالثًا:: نحن عندنا عدم ثقة فى نفسنا وبصراحة مابتعجبنا حاجاتنا واكتر شعب يمارس عادة الإغتراب والهجرة وعادةً دي نتيجة الغربة
ولا رايكم شنو؟؟؟؟
Post: #18 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 02:21 PM Parent: #17
بنتنا العزيزة شمائل
سلامات
اولا عليك الله صغري الصورة بتاعتك دي جهجتي البوست جهجهة الانقاذ في زمن القوات الاممية!
Quote: أولاً :: خوفي عليك من ضغط الدم دا لو ماكنت اصلا مصاب ثانياً:: انا اعتقد انو كل شعب فيه حاجة بتخلى الشعوب التانية تتندر وتضحك بس اظن انو نحن معقدين حبتين ثالثًا:: نحن عندنا عدم ثقة فى نفسنا وبصراحة مابتعجبنا حاجاتنا واكتر شعب يمارس عادة الإغتراب والهجرة وعادةً دي نتيجة الغربة
ولا رايكم شنو؟؟؟؟
بس شن الفينا الفي رايك بخلي الشعوب تسخر علينا اليومين ديل بس ولايه ما من زمان!؟
Post: #19 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 11:37 PM Parent: #2
...
Post: #6 Title: Re: يا رخسة الزول السوداني في هذا الزمن العفن! Author: بكري الصايغ Date: 02-25-2008, 04:40 AM Parent: #1
نعم نعم يا استاذي اتفق معك ولكن قبل عشرات السنين كان هذا السوداني صاحب القدح المعلي في الاحترام لدى تلكم الدول من بين الاجانب المقيمين في اراضيها واعتقد ان الامر مرتبط بهيبة الدولة السودانية وقتها عندما كانت دولة يسوسها بشر محترمون ذوو كفاءات وحتى الذين كانوا يهاجرون جلهم كانوا منتدبين ومعارين رسميا من حكومتنا وليسوا مشردين مهانين مذلولين مطرودين من بلادهم كما يحصل الان!
محبتي واحتراماتي
Post: #9 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 04:51 AM Parent: #8
لهؤلاء العرب المبرر لاذلالنا اذا كان من يمثلونا رسميا بالخارج في ديارهم علي هذه الشاكلة من المنحطين والساقطين!
Post: #10 Title: Re: يا رخسة الزول السوداني في هذا الزمن العفن! Author: Ahmed Abdallah Date: 02-25-2008, 05:00 AM Parent: #1
يا هشام
ليس كل سوداني ... ولكن... من هان سهل الهوان عليه
تحياتي
Post: #11 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 05:12 AM Parent: #10
الاخ احمد
بالتاكيد ليس كل سوداني رخيص ولكن عندما سقطت هيبة دولتنا وصارت دولة يديرها اللصوص وقطاع الطرق والمجرمون والفاسدون من هنا ارتدينا لباس الاهانة زالذل فالدولة هي واجهتنا ومراة حالنا فاذا سقطت هيبتها بالتالي ينعكس هذا الحال علي كل رعاياها من السودانيين في كل انحاء الدنيا ذليلهم وعزيزهم وحينها لا يفرق اولئك العرب بين سوداني عزيز وذليل فالكل عند العرب( صابون)!
Post: #12 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 05:23 AM Parent: #11
ولهم الحق هؤلاء الاعراب ان يهينوننا اذا كان من يمثلوننا رسميا من دبلوماسيين علي اراضيهم هذا الصنف من القتلة الماجورين الحقيرين والذين كافاتهم دولتنا الفاشية علي جرائمهم ان عينتهم ممثلين لها في هذه الدول المعنية!
Post: #13 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 05:33 AM Parent: #12
ولدي سؤال مؤلم ومباشر الي هذين الاخوين السودانيين اللذين عرضت في مقدمة هذا البوست شريطين ساخرين يتعلقان بهما وهما يقدمان فيهما من قبل منتج هذه المادة الاعلامية مادة للتندر والسخرية والفرجة والترفيه للجمهور وبالتاكيد طلب منهما مخرج هذا العمل الحقير موافقتهما بعرض هذين الشريطين للجمهور بعد هذا المقلب المهين في حق كليهما....كيف وافقا علي عرض هذين الشريطين المسيئين اليهما اولا في حق كرامتهما وثانيا يسيئان الينا نحن السودانيين حيث اليهم ينتمي هذان الاخوان؟! فاذا وافقا علي نشر هذين الشريطين طواعية فانهما قد جنيا علي نفسيهما بهذه الموافقة المهينة واما اذا لم يوافقا وقام صاحب العمل بنشره من غير رضائهما ولم يتقدما بدعوى قضائية ضده فانهما ايضا احتقرا نفسيهما اي في كلتا الحالتين اهانا نفسيهما وشعبهما!؟
Post: #14 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 05:40 AM Parent: #13
ايعقل ان تمزح مع شخص في موضوع قد يفسر تفسيرات تخل بالشرف قد تؤدي ربما في حالة انفعال صاحبها اذا كان صاحب مرض قلب ان يصاب بنوبة قلبية ويموت نتيجة هذه المزحة المهينة... ولا يهم المنتج ان يموت هذا الرخيص ام لا يموت لانه انسان بلا قيمة! وهل من الانسانية ان تمازح انسانا في ظرفية ذاك المريض المتاوه من اسنانه في تلكم الحالة المزرية والتي يكاد يبكي فيها.. وتمارس فيه كل هذا الاحتقار وعدم مراعاة حالته الصحية لتجعل منه مادة للتندر والضحك...... وكيف يقبل هذا ان يصور في هذه الحالة هاربا وهو يوافق ان يعرض مثل هذا الشريط المخجل في حقه وهويقدمه انسانا جبانا!؟ نعم انه الارتخاص والذل..............تففففففففففففففففففففففف علينا!؟
Post: #15 Title: Re: يا رخسة الزول السوداني في هذا الزمن العفن! Author: Ahmed Osman Date: 02-25-2008, 06:42 AM Parent: #14
الاخ هشام هباني تحية
والله بحق امر مستفذ وادمى قلبى ما شاهدته فى الفيديو واعنى الفيديو بتاع الطفل حديث الولادة والله وبحق ما قدرت انوم من الغيظ ونفسى كان اكون الزول دة عشان الدكتور الكلج دة يمرقو هو ذاتو من غرفة الولادة بعد تسعة ساعات وعشرة سوانى وفى يده ولد اسود حقو هو ذاتو
وتافه ولا يمكن باى شكل تصنيفه من باب الدعابة او ما يعرف بالكميرا الخفية التى فقدت صدقها وعفويتها بعد ان بقت اداة موجهة للاستفزاز يتم الترتيب لها بعناية ويتم عرضها فى تلفزيون رسمى يفترض فيه المسؤلية الاخلاقية التى ان تراعى انسانية العباد
انا متاكد انو الاخ السودانى اكل كتير من الاستفزاز ده وقطعها فى حنانه عشان يعيش منى ومنو والا على الحراام الدكتور دة كان مفروض يتحشر ليه عشان يتوبو من مسالة الجمرة الخفية
اتمنى ان لا يكون الامر نكته عابرة ويجب علينا مقضاة اصحاب الكميرا الخفية
Post: #16 Title: Re: يا رخسة الزول السوداني في هذا الزمن العفن! Author: هشام هباني Date: 02-25-2008, 08:46 AM Parent: #15
احمد عثمان الحمش
سلامات
Quote: والله بحق امر مستفذ وادمى قلبى ما شاهدته فى الفيديو واعنى الفيديو بتاع الطفل حديث الولادة والله وبحق ما قدرت انوم من الغيظ ونفسى كان اكون الزول دة عشان الدكتور الكلج دة يمرقو هو ذاتو من غرفة الولادة بعد تسعة ساعات وعشرة سوانى وفى يده ولد اسود حقو هو ذاتو
وتافه ولا يمكن باى شكل تصنيفه من باب الدعابة او ما يعرف بالكميرا الخفية التى فقدت صدقها وعفويتها بعد ان بقت اداة موجهة للاستفزاز يتم الترتيب لها بعناية ويتم عرضها فى تلفزيون رسمى يفترض فيه المسؤلية الاخلاقية التى ان تراعى انسانية العباد
انا متاكد انو الاخ السودانى اكل كتير من الاستفزاز ده وقطعها فى حنانه عشان يعيش منى ومنو والا على الحراام الدكتور دة كان مفروض يتحشر ليه عشان يتوبو من مسالة الجمرة الخفية
اتمنى ان لا يكون الامر نكته عابرة ويجب علينا مقضاة اصحاب الكميرا الخفية
الحوجة يا اخوووي احمد اخونا ( فيصل) اكلها ساكت وعلي قولك( قطعهافي حنانو) وما اقدر اعمل اي حاجة والا اكون الليلة في الخرتوم راجع اجابد في رزق الذلة واخوناقال اخير ذلة لذلة احسن انذل في حاجة وفي غربة وحبة دنانير يقمن صلبه والجاتك في (كرامتك) سامحتك!
Post: #20 Title: Re: يا رخسة الزول السوداني في هذا الزمن العفن! Author: هشام هباني Date: 02-26-2008, 05:36 AM Parent: #16
>>
Post: #21 Title: Re: يا رخسة الزول السوداني في هذا الزمن العفن! Author: بدرالدين يعقوب Date: 02-26-2008, 08:08 AM Parent: #1
ياهباني هذا نموذج من استهتار الشعب الخليجي بنا
اضحك مع الشعب السوداني الشغيغ
سوداني جالس مع لبنانيات سألوه وش جلسك مع الورد قال والورد ماداير سماد ؟
لا والله يا أستاذنا لم نسمع ، ولن نسمع وتلك هي مصيبتنا في سفاراتنا ، ومسؤولي الإعلام فيها. إعتدنا على التهكم والسخرية (السنوية) التي تنتج في السعودية ، والآن لحقت بها الإمارات وصح النوم يا سفارات السودان (الشقيق)!!!
Post: #24 Title: Re: يا رخسة الزول السوداني في هذا الزمن العفن! Author: هشام هباني Date: 02-27-2008, 12:27 PM Parent: #23
غايتو يا صلاح اخووي نحن شعب هامل وما عندو وجيع!
Post: #25 Title: Re: يا رخسة الزول السوداني في هذا الزمن العفن! Author: هشام هباني Date: 02-29-2008, 08:31 AM Parent: #1
...
Post: #26 Title: Re: يا رخسة الزول السوداني في هذا الزمن العفن! Author: هشام هباني Date: 02-29-2008, 09:20 PM Parent: #1
...
Post: #27 Title: Re: يا رخسة الزول السوداني في هذا الزمن العفن! Author: هشام هباني Date: 03-01-2008, 05:01 PM Parent: #1
....
Post: #28 Title: Re: يا رخسة الزول السوداني في هذا الزمن العفن! Author: Akoy Deng Date: 03-02-2008, 00:42 AM Parent: #27
العزيز هشام هبانى سلام الله عليك لماذا الانسان السودانى صار مادة للتندر والضحك والسخرية عند عرب الخليج اهو عرب الخليج ،اهو انتوا عرب ،اهو كرم الاشقاء بتاعكم اهو اهلكم ياهو كلام الريال والعزة والكرم لناس الخليج فى وسط البلد ويلا يا فصيل الأسلامى مزيد من الدعاية بالجماع ومكانك يهو مكانك مافى زول بسألك .
اكوى ياودهبانى معليش على عربى جوبا بتاعى دا
Post: #29 Title: Re: يا رخسة الزول السوداني في هذا الزمن العفن! Author: هشام هباني Date: 03-02-2008, 02:26 AM Parent: #28
والله يا اكوي اخووووووي
دي حالة صعبة نحن تنهنا مهانة كبيرة....بعدين اخونا ( جميل) ده السحسحة ليهو شنو ومتجرس ليهو من ضرس قدر ده ..ووكمان اقوم جااااري من الناس ديل..وكمان رضيان انشروا ليهو فضايحو دي!
اخ خ خ خ خ خ خ خ!
Post: #30 Title: Re: يا رخسة الزول السوداني في هذا الزمن العفن! Author: هشام هباني Date: 03-03-2008, 04:37 AM Parent: #1
....
Post: #31 Title: Re: يا رخسة الزول السوداني في هذا الزمن العفن! Author: هشام هباني Date: 03-03-2008, 09:37 PM Parent: #30
....
Post: #32 Title: Re: يا رخسة الزول السوداني في هذا الزمن العفن! Author: هشام هباني Date: 03-05-2008, 02:29 PM Parent: #1