الخرطوم ..الخرطوم .. ولماذا لا تكون جوبا او احدي مدن الهامش الاخري ؟

كتبت هذه المداخلة في بوست الاخ العزيز بكري

http://اقتراحات تصوراتكم لصندوق سودانيزاونلاين دوت كم الخيرى
الاخ العزيز بكري ابو بكر ..لك التحية و التقدير..

تمهيد : ذكر احد الاخوة بأنه صاحب فكرة المنظمة او المؤسسة في ظني انه هذه الفكرة
سبقت تاريخ تسجيله اللهم الا اذا كان قد كتب عنها باسم حركي قبل تقنين بكري
ابوبكر للتسميات وتنازل البعض عن اسماءهم الحركية ليكون تاريخ تسجيلهم بتاريخ
مستحدث بقاعدة عفا الله عما سلف ..

علي كل اظن هذه الفكرة قد جأت في كثير من البوستات منها بوست قد كتبته من قبل



http://اعلان هام لجميع الاخوة ..تم تكوين منظمة سودانيز اون لاين الخيرية ..

بوست لبت الاحفاد ..



http://نداء هام لكل اعضاء وزوار سودانيذ اونلاين........
ولا ندعي هنااننا أصحاب الفكرة بل هناك من سبقنا اليها علي سبيل المثال الاخ خضر عطا
المنان ..الاخت بت الاحفاد ..سودانية 2000 وغيرهم ..ليس بالضرورة ان يكون الاسم هو
نفس الاسم لكن تظل الفكرة هي نفس الفكرة و الهدف نفس الهدف ..ففيما اكتفينا نحن بالفكرة
فقط ..انطلق البعض منا بنشاط و همة معززأ بالفكرة الي العمل الفعلي (مجموعة بت الاحفاد
- سودانية)ولاحقأ تتالت الاعمال الخيرية من هذا الموقع (وليد دارفور و انشطة بورداب
الخرطوم والخليج )- (دعم ضحايا مجزرة المهندسين في القاهرة - فكرة دكتور بلة موسي) ..
هذه مجرد أمثلة فقط لما اريد ايصاله من فكرة ..انني اعني ان هذا العمل الجبار الذي
اذا قدر له ان يصبح حقيقة فهو جهد جماعي يحسب لكل اعضاء الموقع بما فيهم صاحب الموقع
بكري ابو بكر ..يكون من الظلم ان يحاول شخص ما او جهة ما الادعاء انها صاحبة الفضل
في العمل او الفكرة ..هذا المشروع الخيري الكبير سيكون وأده في كلمات مثل (نحن) أهل
الساس و الرأس ..و(نحن) من فكرنا ودبرنا...
هذه نقطة ..النقطة الاخري اختلف مع الاخوة الذين طرحوا فكرة ان يكون مقر المؤسسة اوالمنظمة
او الصندوق في الخرطوم ..هذه الخرطوم قد سئمنا من ان تكون دائمأ هي مركز كل شئ و كل حركة
لماذا لا تكون جوبا هي مركز هذه المؤسسة اوسمها ما شئت ..او لماذا لا تكون كادقلي او
الفاشر او بورتسودان ..و من بين كل هذه المدن أري ان جوبا هي المكان المناسب ..
و لا تتحاججوا بعدم وجود بورداب ..فالبورداب يمكن ايجادهم اذا كانت هناك نية وعزيمة ..
حديثي هذا ليس طعنأ اوتهوينأ من شأن الاسماء التي وردت لكن دعونا بالله نخرج من دائرة
المركز هذه..
مرة اخري اذا استحال ان يكون مقر هذا المشروع الخيري في احدي المدن
الهامش هذه فالأفضل ان يكون المقر خارج السودان و المكان الأنسب هنا علي حسب
رأئي المتواضع ان تكون القاهرة لاسباب كثيرة..


--------

التعديل كان بسبب اضافة رابط البوست موضوع النقاش الأصل ..

ملحوظة مهمة ..يرجي متابعة بقية النقاش في بوست الاخ بكري ابوبكر عن المنظمة / المؤسسة
الصندوق .. ..

اقتراحات تصوراتكم لصندوق سودانيزاونلاين دوت كم الخيرى

موضوع البوست هنا عن المقر المقترح الخرطوم ..ومعرفتنا بسطوة اهل المركز و حتي لا يتم
دفن مقترح المقر المقترح في ذلك البوست افترعنا هذا البوست ..

نقطة اخري مهمة الهدف هنا ايضأ اثراء النقاش في البوست الرئيس .. و ليس من اجل القضاء علي
الفكرة اوتعطيل عمل خيري ..
الفكرة هنا القضاء علي مفهوم مركزية الخرطوم الطاغي علي افكارنا حتي في اعمالنا الخيرية ..

الروابط التي لا تفتح في مداخلة البوست الأولي ..


اعلان هام لجميع الاخوة ..تم تكوين منظمة سودانيز اون لاين الخيرية ..

نداء هام لكل اعضاء وزوار سودانيذ اونلاين........

محمدين سلامات
يازول لن يستجيبوا صدقني.



وليس اكثر من بوست آدم اركاب السياسي المخضرم امشي شوف اللبوا
النداء لول بمجرد رفع البوست كم من عضوية المنبر؟؟؟؟


المشكلة مش في الخرطوم بس
قول الي حد ما المتعلمين ايضا.
هم من عرفوا طريق البحث لاقربائهم عن طريق المنابر
لازالوا هنالك المئات مغيبين.

يبقى الموضوع ليس سهلا.
ربك يعين.

الاخ محمدين.

خلينا نكون واقعين شوية.

كل البوراداب يدخلون من الخرطوم ويسكنون الخرطوم.
ولا أعتقد بأننا إذا أردنا تنفيذ مشروع خارج العاصمة قد تكون هنالك مشكلة.

يجب أن لا ننسى بأننا نملك بلد بنيته التحتية صفر كبير.


دينق.

Quote: الاخ محمدين. خلينا نكون واقعين شوية. كل البوراداب يدخلون من الخرطوم ويسكنون الخرطوم. ولا أعتقد بأننا إذا أردنا تنفيذ مشروع خارج العاصمة قد تكون هنالك مشكلة. يجب أن لا ننسى بأننا نملك بلد بنيته التحتية صفر كبير. دينق.

مداخله من باب التحية ليك ...
ومعاها تحية عسكرية .. تعظيم سلام.

ليه دايما الناس بتاخد الامور بالحساسية المعقده دي .. الخرطوم مقر اداري فقط للمنظمة .. ودا من مصلحة الكل لسهولة التواصل وتواجد اغلب بورداب الداخل بها ولانها "سنتر" يسهل الوصول اليه من المدن الاخرى ولوجود عدد مقدر برضو من رجال الاعمال والمؤسسات المالية اللى ممكن تدعم المنظمة وبرضو عدد من ادارات منظمات طوعية غير ربحية مركزها الخرطوم وممكن الناس بمزيد من الجهد والتفاؤل تعمل رابط بيهم وتنظم عمل مشترك .. وبرضو لسهولة المعاملات المصرفية والتنسيق في العمل الاداري اما العمل الميداني للمنظمة والمشاريع التنموية اللى ممكن تعملها او الكفالات للحالات المحتاجة دعم فقطعا 90% منها ح يكون للمناطق المهمشة لانو اصلا الحوجة متمركزة هناك والمنظمة ح تعمل في مناطق الشده ..

عليكم الله خلونا نبدأ وما نعرقل الموضوع من اوله .. والله الوضع ما بستحمل في كل السودان واذا بنقدر نعمل حاجه خلونا مره واحده نتجاوز النعرات القبلية والحساسية دي ونتعامل مع كل ما هو انساني فينا دي فرصه نقدر نقدم بيها حاجه لاهلنا حقو ما نضيعها .. مع العلم انو عامل الزمن كمان بقى قاتل وكل يوم المآسي بتزيد ...

خلونا نقول بسم الله ونبدأ ...