Post: #1
Title: حبيبتي والحمارة
Author: ادريس خليفة علم الهدي
Date: 02-24-2008, 09:04 PM
تذكري حبيبتي يوم ركبنا الحماره 00000000
واتجهنا الى الحواشة
كنت منداحه منفعله وتحليقين00000
في عوالم منتشية مثل الفراشة
وحين مررنا بالثعبان000000000
واندهشت الحماره وجفلت طاشة
فأرتميت في احضاني000000000000 0
ولثمت ثغرك بكل بشاشه
وانت لا تدرين كيف فعل حبك
في كشطة في سوق التشاشة
و وحتني وشلوطتني
وتلويت زي جنى الشماشة
احبك انت نجمه حمراء00000 0 000000
وانا اكبر رشاشة
|
Post: #2
Title: Re: حبيبتي والحمارة
Author: محمَّد زين الشفيع أحمد
Date: 02-25-2008, 04:26 AM
Parent: #1
الرَّائع / إدريسْ خليفة علم الهُدَى ..
شُكْرَاً لكَ جزيلاً ،
ومَعَ أنَّكَ أضحكتَني كثيراً
هذا الصَّباح ( أضْحَكَ اللهُ
سِنَّكَ ) ،،،
لكنَّ هذه المفرداتِ :
" حمارة ، شَلْوَطَة ،
حوَّاشة ، ... " ..
تظلْ هِيَ مفرداتُ بيئتِنا
الرِّيفيَّةِ والتي لا يُمْكِنُ
لنا وضْعَها في أضابيرِ
وخَانَةِ النّسْيَانِ يَوْمَاً مَا
مَهْمَا طَالتْها يَدُ
التُّكْنُولوجيا ..
وكأنِّيَ " أنا " الذي كُنتُ
رَديفَـكَ .. لا ..
حبيبَتَكَ ..
شُكْرَاً لكَ ولِكُلِّ مَنْ يُذَكِّرُني
بريفيَّتي وبَسَاطةِ أهْلي ..
احترامٌ بريءٌ جدَّاً
ومَديدُ القامة ..
أخوك / محمَّد زين ...
|
Post: #3
Title: Re: حبيبتي والحمارة
Author: ابو جهينة
Date: 02-25-2008, 09:20 AM
Parent: #2
ود الناظر إدريس
شكرا على هذه الصورة الديجاتلية بين الثالوث ( أنت و الحبيبة و الحمارة ) ...
قال الشاعر ( كُثير عزة ) :
ليتنا يا عز بعيران ... نرعى في الخلاء و نعزب ...
و هذه أمنيته أتتْ من البيئة ..
و لو كان كثير عزة يعيش في النيل الأبيض إذن لقال :
ليتنا يا عز على ضهر الحمارة .... مربوطين على السرج بالدُبارة
ما علينا
فلنأت لهذه المعلقة الإدريسية و نحاول أن ندس بين طياتها بعض مما عندنا عبق هذه القصة التي أتى بها إدريس من عمق ذاكرته و أيام طفولته البريئة :
| Quote: تذكري حبيبتي يوم ركبنا الحماره |
و النية تبْرق مثل الشرارة
| Quote: واتجهنا الى الحواشة |
تمسكين بي بيد كما الكماشة
Quote: كنت منداحه منفعله وتحلقين
في عوالم منتشية مثل الفراشة |
حتى صار خدك أحمرا في لون فشفاشة
Quote: وحين مررنا بالثعبان
واندهشت الحماره وجفلت طاشة |
و من الخوف أصابت عظامي بعض الهشاشة
Quote: فأرتميت في احضاني
ولثمت ثغرك بكل بشاشه |
و قلت كلاماًلا يصدر إلا من الهتراشة
Quote: وانت لا تدرين كيف فعل حبك
في كشطة في سوق التشاشة |
فقد أصابنتني الدوخة .. و أصابت عيني غباشة
Quote: و وحتني وشلوطتني
وتلويت زي جنى الشماشة |
لا أحد يلومني على هذه الإنبراشة
Quote: احبك انت نجمه حمراء
وانا اكبر رشاشة |
يرشك ال بلا ال يخمك عاملة إيدك زى المقشاشة: ( هذا البيت قاله سراً بينما كوعها مغزوز في خاصرته و هي مكلبشة فيهو خوفا من السقوط ) ...
* المراجع و الفهرست :
1. الحب بين الدردقة و المشنقة : تأليف شحرفان
2. الفذلكة في أمور الخستكة : تأليف د. نجيب زيادة عرض و تقديم المهندس علاء حيمورة
3. القنقليز و مخاطر المايونيز : تأليف د. محمد أبو التومات
4. كلمات فطيرة عن الحب في غبيرة : تأليف أبو عبد اللطيف طارق نقد
الطبعة الثانية تحت التأليف
يتبع
|
Post: #4
Title: Re: حبيبتي والحمارة
Author: humida
Date: 02-25-2008, 09:30 AM
Parent: #3
| Quote: كلمات فطيرة عن الحب في غبيرة : تأليف أبو عبد اللطيف طارق نقد |
ايوه والله .. من ( فطيرة ) دي .. عرفته ان بيكون مؤلفها ( طارق نقد ) ..
نسبة لمحلات ( شيخ البلد ) القابعة في ناصية الشارع بتاعهم ..
..
..
يا ( درش ) ..
انتو غيرتو الزول ولا شنو .. علي حد علمى الاخير كان بتاع ( مطالعة ) بس ..!
|
Post: #22
Title: Re: حبيبتي والحمارة
Author: ادريس خليفة علم الهدي
Date: 02-26-2008, 09:29 AM
Parent: #2
الاخ/محمد زين
لاشك أن الانسان ابن بيئته .. فأنا عندما كتب هذه القصيدة في سني الطفولة الاولي لم ابرح القرية بعد .. كما الاعرابي الذي مدح الحجاج ابن يوسف وهو قادم من البادية ..
عظيم امتناني لمرورك
|
Post: #5
Title: Re: حبيبتي والحمارة
Author: معتصم دفع الله
Date: 02-25-2008, 09:50 AM
Parent: #1
الشاعر الحميراوي من حمير ..
أسعد الله صباحاتك بكل حمير ..
كأني بك منبرشاً من ضهر حماره ..
أوجعها ضربة سوطتك أو لكزة من عكاز ..
فجفلت حتى أردتك كشوال أمباز ..
تحميرة ..
Quote: المراجع و الفهرست :
1. الحب بين الدردقة و المشنقة : تأليف شحرفان
2. الفذلكة في أمور الخستكة : تأليف د. نجيب زيادة عرض و تقديم المهندس علاء حيمورة
3. القنقليز و مخاطر المايونيز : تأليف د. محمد أبو التومات
4. كلمات فطيرة عن الحب في غبيرة : تأليف أبو عبد اللطيف طارق نقد
الطبعة الثانية تحت التأليف |
والله الليلة يا ريس ضحكت لمن مسكت بطني ..
لا حولااااا ..
غايتو انتو يوم بتكتلو ليكم زول ..
|
Post: #6
Title: Re: حبيبتي والحمارة
Author: humida
Date: 02-25-2008, 10:18 AM
Parent: #5
تمااااااااااام ..
ياخي الزول دا انا بفتش ليهو في ( لقب ) ..
خلاص .. تم ..
..
..
الاستاذ ادريس أمباز - وزير الري ..!!
علي وزن ( عوض الجاز ) وزير .. ( هو بقى وزير شنو ) .. 
|
Post: #7
Title: Re: حبيبتي والحمارة
Author: tmbis
Date: 02-25-2008, 10:25 AM
Parent: #6
يــا درش ..؟
القصيدة دي من ياتـو بحــر ..؟
لانو بتديك احســاس (مــوية) كدا .. (ورائحــة شواء) ..
لو اساسا كان معاكم طــارق نقد فاكيد القصيدة دي اتكتبت في رحــلة ..
د قصيدة كويسة
بلاي استمروا على المنوال دا
وجيبوها اللحنـه ليكم
ما فيش حد احســن من حد
والله بتبالغو لكن
|
Post: #31
Title: Re: حبيبتي والحمارة
Author: ادريس خليفة علم الهدي
Date: 02-27-2008, 12:32 PM
Parent: #7
| Quote: القصيدة دي من ياتـو بحــر ..؟ |
الاستاذ/ تمبس
بمناسبة بحور الشعر دي عندي زميل دراسة في الجامعة كان بيدرس لغة عربية .. اها زولنا كان ماخد مادة علم العروض للخليل بن احمد .. وحات الخوة زول حمانا النوم ..اليوم كلوا (يطقطق في الطربيزة) ويهمهم بكلمات ما فهمت منها الا مفاعلن مفاعلن .. ولمن يطلع يكون ماشي ليهو محاضرة .. فجأة يقيف ويضرب برجلة الارض ويهمهم بتلك التفعيلات.. زولك لمن زادت عليهو الحالة دي قلنا نوديهو لي فكي .. ومن يومك داك الزول خلي القراية وبقي حوار للفكي.
نبقي لي زي ده .. قلت يا ولد خليك في بحر الزايد ده هو الخليل احسن منك في شنو ؟
كامل مودتي
|
Post: #8
Title: Re: حبيبتي والحمارة
Author: Mohamed Abdelgaleel
Date: 02-25-2008, 10:28 AM
Parent: #5
Quote: تذكري حبيبتي يوم ركبنا الحماره 00000000
واتجهنا الى الحواشة
كنت منداحه منفعله وتحليقين00000
في عوالم منتشية مثل الفراشة
وحين مررنا بالثعبان000000000
واندهشت الحماره وجفلت طاشة
فأرتميت في احضاني000000000000 0
ولثمت ثغرك بكل بشاشه |
يا البيتكم في العالي
ونحنا بيتنا في الحدار
ليه ما بتجي تشيلي من النار
يا أم حبا رماني من الحمار
يا إدريس يا فقري
|
Post: #9
Title: Re: حبيبتي والحمارة
Author: ابو جهينة
Date: 02-25-2008, 10:39 AM
Parent: #8
| Quote: لانو بتديك احســاس (مــوية) كدا .. (ورائحــة شواء) .. |
تمبس بالغت يا ختري ...
القصيدة دي من بحر جديد إسمو ( الزايد ) على وزن ( بحر الوافر ) ..
و يقال أن الشاعر الفذ شحرفان كان يضع كف يده اليمنى تحت ذقنه و هو ساهم .. و كان يتمتم قائلاً :
يا حليل أيام الداخلة و الحصايا و أم بكول..
و يقوم بالتمليس على بطنه بيده اليسرى و في باله الإتصال بالدكتور نجيب زيادة .. صديقه القديم و رفيق دربه.
|
Post: #10
Title: Re: حبيبتي والحمارة
Author: A.Razek Althalib
Date: 02-25-2008, 11:16 AM
Parent: #9
| Quote: ولثمت ثغرك بكل بشاشه |
|
Post: #11
Title: Re: حبيبتي والحمارة
Author: هاشم أحمد خلف الله
Date: 02-25-2008, 11:17 AM
Parent: #9
يا معلم انا لقيت الحمار لكن والله حبيبتك دي
قدر ما فتشتا ما لقيتا , البحث مازال مستمراً
واهديك البيتين ديل .
الحمار المرا فيهو شوفتا حبيبي
بالعلي ماهما حليلو محبوبي
|
Post: #12
Title: Re: حبيبتي والحمارة
Author: ابو جهينة
Date: 02-25-2008, 11:31 AM
Parent: #11
هاشم
Quote: وحين مررنا بالثعبان000000000
واندهشت الحماره وجفلت طاشة |
الحمارة ال لقيتا دي شكلها ما مندهش .. ما ياها حمارة حُب ناس إدريس.
( حمارة حبنا )
|
Post: #13
Title: Re: حبيبتي والحمارة
Author: ABUKHALID
Date: 02-25-2008, 11:51 AM
Parent: #12
ابو الدال
بالغت في الوصف
واوجزت
ربنا يديك الحمارة
(خطاب ...........)
لانك شكلك كرهت الرياض
وبعدين صاحبنا داك مالو اخباره مقطوعة
ربيع السماني
|
Post: #15
Title: Re: حبيبتي والحمارة
Author: هاشم أحمد خلف الله
Date: 02-25-2008, 12:04 PM
Parent: #12
لقيتا ليك يا رئيس !!!! لكن دخلت الزريبة دي
طبعاً الحمارة من إندهاشتا هربت لاهلها 
هسع دي اخرتني يا رئيس كنتا بفتش عن حبيبة صاحبنا إدريس ؟؟
انا وراها والزمن طويل !!
|
Post: #14
Title: Re: حبيبتي والحمارة
Author: يوسف السماني يوسف
Date: 02-25-2008, 11:56 AM
Parent: #1
Quote: وانت لا تدرين كيف فعل حبك
في كشطة في سوق التشاشة
و وحتني وشلوطتني
وتلويت زي جنى الشماشة
احبك انت نجمه حمراء00000 0 000000
وانا اكبر رشاشة |
كانت بتبيع تسالي ايها الشاعر العرديد والنجوم كيف تتشاف لو ماكان الهلال قمر اربعطاشر .
انا قلت ادريس وود نقد وشحرفان ديل اختفوا مالهم هاو تري نازل عليكم شيطان الشعر .
ياريس ومعتصم وتمبس وحميدة دايرين لينا ليلة استماع للثلالي المبدع .
|
Post: #16
Title: Re: حبيبتي والحمارة
Author: ismeil abbas
Date: 02-25-2008, 12:15 PM
Parent: #1
ألأخ/إدريس
...............
لك التحية والسلام..
واكلام جاب أحلى كلام...
ومن غير ملام..........
........................
إنتهزت الفرصة..وقعت فيك خائفة ولم تمهلها..ولثمت ثغرها......منهى ألأنتهازية..تلقاك إنت الجبت الثعبان فى الشارع...عشان تندهش الحمارة.وأصلا كده كده ما فى خسارة...
شكرآ للصورة الطريفه...
مودتى...................
إسماعيل محمد احمد عباس...........
|
Post: #17
Title: Re: حبيبتي والحمارة
Author: عبدالله داش
Date: 02-25-2008, 02:04 PM
Parent: #1
إش ش ش ش ش ش ش ش ...
( دحوش ) أو ( جحوش )
لا يهم المهم ...
عايز أعرف دا مترو بى كم ...
ودا بينتمى لى ياتو نوع من الانواع السبعه فى القِبل السبعه .
أظنك عارف قصدى ...
- عددالرِكيبه لو سمحت ..
وما شابه ذلك ...
قُتْ لى الحماره
نباصِر نشوف الدباره
خمير الكلول والبرش
يلا ...
إش ش ش ش ش ...
يا لئيم ....
|
Post: #33
Title: Re: حبيبتي والحمارة
Author: ادريس خليفة علم الهدي
Date: 02-27-2008, 01:16 PM
Parent: #17
| Quote: عايز أعرف دا مترو بى كم ... |
الاخ/داش
في زمنا داك لم تكن وحدة القياس المتري موجودة .. فكنا نقيس الدمورية بالضراع بعد الوقوف امام الترزي ليحدد لك العراقي بتاعك بيساوي كم ضراع .. وايضا لم تكن وحدات الوزن موجودة .. فكنا بنوزن بالربع والملوة والكيلة .. حتي المسافات كانت وحدة قياسها الجبدة (وهي مسيرة خمس دقائق ركوبا علي ظهر الحمار) فالقرية التي تبعد ربع ساعة منك كانت مسافتها (ثلاث جبدات) وانتاج الحواشة من المحصول كان يقاس بالاردب وقس علي ذلك ...
أما عدد الركيبة فلم يكن أكتر مت اثنين .. الا داخل القرية حيث الكارو
فبأي من هذه الوحدات تريد ؟؟؟؟
وافر حبي
|
Post: #18
Title: Re: حبيبتي والحمارة
Author: معتصم دفع الله
Date: 02-25-2008, 02:48 PM
Parent: #1
حمييييري الفي ضمييييري ..
ويييييييييييييييييييين ..
يا ..
اللابس البردعة ..
قدر ما فتشت لي أغنية تناسب هذه القصيدة العصماء ليوم الحمير العالمي ما لقيته ..
يا جماعة واحد يشوق شحرفان بلده وين ؟؟
|
Post: #19
Title: Re: حبيبتي والحمارة
Author: humida
Date: 02-25-2008, 10:56 PM
Parent: #18
| Quote: قدر ما فتشت لي أغنية تناسب هذه القصيدة العصماء ليوم الحمير العالمي ما لقيته |
دي كيف ..؟!!
|
Post: #20
Title: Re: حبيبتي والحمارة
Author: مصدق مصطفى حسين
Date: 02-26-2008, 00:12 AM
Parent: #1
|
Post: #21
Title: Re: حبيبتي والحمارة
Author: هشام هباني
Date: 02-26-2008, 00:43 AM
Parent: #20
ابن اختي الناظر ادريس
سلامات
شنو يا زول لا انت ولا ود المحرب تلفوناتكم ما شغالة قدر ما نحاول
نضرب ما بتدي اي حرارة( قلب) منذ اكثر من شهرين لعل المانع خير!
وبعدين وينك يا ابننا العزيز حميدة....في انتظارك بغادي شان نكمل الونسة الدقاقة ديك!
|
Post: #23
Title: Re: حبيبتي والحمارة
Author: صلاح الأحمر
Date: 02-26-2008, 09:42 AM
Parent: #21
Quote: يــا درش ..؟
القصيدة دي من ياتـو بحــر ..؟ |
؟
قول القصيده دي من ياتو ترعه؟ واسأل ناس
الجزيرة ياتمبس عن أب سته وأب عشرين والتقنت
ودي كلها من بحور الزراعة.
ضحكتونا الله يرحم والديكم.
أقترح تكوين جمعية لمحبي الحمير بالمنبر
حتى لا أقول الحمير ويقوموا الناس متلقين الحجج
يفتكروني قاصدهم.
ورايكم شنو بمناسبة القصيدة اللذيذة دي
نعمل يوم 25 فبراير اليوم العالمي للحمار.؟
ولصاحب البوست النحرير وشاعر قصيدة الحب عل
ظهور الحمير مليون سلام وزيهم تقدير ومحبتي للجميع.
|
Post: #24
Title: Re: حبيبتي والحمارة
Author: awad okasha
Date: 02-26-2008, 10:14 PM
Parent: #1
ما هذا الذي اتيت به اخ ادريس ؟
هذه القصيدة ( ان جازت التسمية ) ...
لا بحر تنتمي اليه ولا بر ترسو فيه ...
ليس كل خاطرة شعرا ...
ولا كل نبتة ثمرا ....
تحياتي
|
Post: #25
Title: Re: حبيبتي والحمارة
Author: Mohamed Abdelgaleel
Date: 02-27-2008, 07:30 AM
Parent: #24
ياخوانا أكبر رشاشة ده يكب
القصيدة العصماء دي ويفرتق!
والجماهير أستعدت وجهزت الشعور
لمزيد من هذا النوع من البوح
الشعري الذي يغسل الكآبة والرتابة
والضجر الذي أصاب المنبر
ولكوني ضليع في البحور والانهار
والامواج وحمزاوي فهذه القصيدة
من بحر الفرح وكسر التقعر
|
Post: #28
Title: Re: حبيبتي والحمارة
Author: ابو جهينة
Date: 02-27-2008, 07:59 AM
Parent: #25
هذا ... و لأن مناسبة هذه القصيدة قد أجَّجتْ كوامن ود الناظر الهباني ..
فهو معتكف هذه الأيام في صومعته الخاصة
و ليلة أمس كان هناك أجاويدنا يحاولون أن يخرجوه من صمته .. و لكنه قال لهم بأن صمته و إعتكافه سيأتي بخير وفير عبارة عن قصائد من هذه الشاكلة ..
و أشار بأصبعه السبابة اليمنى إلى السقف ..
و لم يفهم أحد ماذا يعني ...
و لكن طارق نقد قال بعد أن أطلق ضحكته المقتضبة المعبرة : خلاس يا إيليا أبو ماضي
أما شحرفان فقال : ياخوانا صدقوني .. القصيدة دي جاتو في حلْمة ... و كل ما ينوم أكتر .. حيدينا أكتر
و في إتصال بي بعد منتصف ليلة أمس قال إدريس ود الناظر : قصيدتي الجاية إسمها : ( حبيبتي و أبْ عشرين ) ..
و قبل أن أسأله عن قصتها قال لي : يا زول ما تتردد
ثم أقفل الخط
|
Post: #26
Title: Re: حبيبتي والحمارة
Author: sama7
Date: 02-27-2008, 07:56 AM
Parent: #1
ادريس
شئ عجيب... بعدين إلا الحمارة تندهش يعنى؟؟؟؟؟؟؟
جو قمة فى الرومانسية على ظهر الحمارة هاهاااااااااى
أبو جهينة
بالغت عديل وزى ما قالوا ليكم يوم بتكتلو ليكم زول
مودتى
سماح
|
Post: #27
Title: Re: حبيبتي والحمارة
Author: طارق عبد اللطيف نقد
Date: 02-27-2008, 07:59 AM
Parent: #1
Quote: 1. الحب بين الدردقة و المشنقة : تأليف شحرفان
2. الفذلكة في أمور الخستكة : تأليف د. نجيب زيادة عرض و تقديم المهندس علاء حيمورة
3. القنقليز و مخاطر المايونيز : تأليف د. محمد أبو التومات
4. كلمات فطيرة عن الحب في غبيرة : تأليف أبو عبد اللطيف طارق نقد |
تعظيم سلام يا ريس
وهذا غيض من فيض
والقادم احلي
بس روقوا وساعدونا بالموية البارده
Quote: ايوه والله .. من ( فطيرة ) دي .. عرفته ان بيكون مؤلفها ( طارق نقد ) ..
نسبة لمحلات ( شيخ البلد ) القابعة في ناصية الشارع بتاعهم .. |
مش يا حميدة - لكن ما ملاحظ ناس الرياض اليومين ديل منداحين!!!!!!!!!!
Quote: القصيدة دي من ياتـو بحــر ..؟
لانو بتديك احســاس (مــوية) كدا .. (ورائحــة شواء) ..
لو اساسا كان معاكم طــارق نقد فاكيد القصيدة دي اتكتبت في رحــلة .. |
تامبا وانت الصادق في بلكونه
Quote: انا قلت ادريس وود نقد وشحرفان ديل اختفوا مالهم هاو تري نازل عليكم شيطان الشعر .
ياريس ومعتصم وتمبس وحميدة دايرين لينا ليلة استماع للثلالي المبدع . |
نحن جاهزين بس ماتقولوا لينا ادفعوا شيرنغ
بعدين اهم حاجه عشاء الفنانين وتوابعه
Quote: ما هذا الذي اتيت به اخ ادريس ؟
هذه القصيدة ( ان جازت التسمية ) ...
لا بحر تنتمي اليه ولا بر ترسو فيه ...
ليس كل خاطرة شعرا ...
ولا كل نبتة ثمرا ....
تحياتي |
والله ياعوض عكاشة لقيتك ما متذوق جيد للشعر
دي اجمل قصيدة في عصر العولمة
وهسي الملحنين والفنانين الطالبنها واقفين طوابير
اكبرمن طوابير امنه شحتفه
|
Post: #29
Title: Re: حبيبتي والحمارة
Author: DKEEN
Date: 02-27-2008, 07:59 AM
Parent: #1
ادريس خليفة علم الهدى
1972- 2070 ..
من مواليد مدينة الهدى، درس الابتدائية والمتوسط بمدرسة علم الهدى المختلطة بمحلية رشاد، تخرج من كلية دار العلوم بمصر، تم ابتعاثة الى الحواشات غرب مدني للتدريس، له ديوان شعر بعنوان (حمار البنات) زول مبدع حقيقة،له تجليات متفردة، تقلج عد و مناصب في بورداب الرياض منها مدير (الطيران)..
لامن يطير بصراحة مافي زول بحصلو..
قريب طارق نقد بطريقة او باخرى..
قريب هباني بطريقة او باخرى..
حبيبنا كلنا بصورة مباشرة..
|
Post: #30
Title: Re: حبيبتي والحمارة
Author: Nasruddin Al Basheer
Date: 02-27-2008, 11:00 AM
Parent: #29
Quote: ما هذا الذي اتيت به اخ ادريس ؟
هذه القصيدة ( ان جازت التسمية ) ...
لا بحر تنتمي اليه ولا بر ترسو فيه ...
ليس كل خاطرة شعرا ...
ولا كل نبتة ثمرا ....
|
عوض عكاشة يا اخ ما تهرش الراجل
خلي الناس تعبر عن ما يجيش بخواطرها..
هذه القصيدة تسمى بالقصيدة التعبيرية
وهي قصيدة متمردة على البحر والقافية والموضوع..
يا ادريس واصل إبداعك ولا تلتفت للحاسدين..
نتطلع إلى مزيد من قصائدك الواقعية المدهشة..
|
Post: #32
Title: Re: حبيبتي والحمارة
Author: ابو جهينة
Date: 02-27-2008, 12:45 PM
Parent: #30
الحمد لله الذي لا يُحمد على مكروه سواه ...
إتصل بي الأخ ود الناظر الهباني / إدريس بعد أن أخذ هدنة من إعتكافه الإختياري .. و قال فيما يخص :
| Quote: و في إتصال بي بعد منتصف ليلة أمس قال إدريس ود الناظر : قصيدتي الجاية إسمها : ( حبيبتي و أبْ عشرين ) .. |
فإنني أنا إدريس ود الناظر ... أهديكم هذه المقدمة من القصيدة الجديدة :
ما بنسى جلستْنا تحت الشجرة شمال أب عشرين
يا بهجة عمري و فرح السنين ..
بسمتك ... بلسم جراحي و لوجع راسي إسبرين
ضحْكتك ... جبيرة كسوري .. و لملاريتي الكينين ...
مشيتك إنتي يا دلوعة ... تخزي العين ..
قوامك زي قوام الديك ال خفج العجين
إنتي يا بت الحرم أم نفَسين
***
هذا و قد وعدنا إدريس بجمع كل هذه القصائد كما إقترحتم في ديوان واحد و يقترح تسمية الديوان :
المرمطة في شعر المخرطة
|
Post: #37
Title: Re: حبيبتي والحمارة
Author: د.محمد حسن
Date: 02-29-2008, 12:19 PM
Parent: #32
Quote: ما بنسى جلستْنا تحت الشجرة شمال أب عشرين
يا بهجة عمري و فرح السنين ..
بسمتك ... بلسم جراحي و لوجع راسي إسبرين
ضحْكتك ... جبيرة كسوري .. و لملاريتي الكينين ...
مشيتك إنتي يا دلوعة ... تخزي العين ..
قوامك زي قوام الديك ال خفج العجين
إنتي يا بت الحرم أم نفَسين
|
ولقد ذكرتك وللغرام نهيق
والقوارير فاضل فيها كبتين
فقلت من الشعر الرصين
انني في هواك كالككو العفص الطين
|
Post: #38
Title: Re: حبيبتي والحمارة
Author: ادريس خليفة علم الهدي
Date: 03-01-2008, 12:00 PM
Parent: #32
| Quote: و في إتصال بي بعد منتصف ليلة أمس قال إدريس ود الناظر : قصيدتي الجاية إسمها : ( حبيبتي و أبْ عشرين ) .. |
حبيبتي و أبْ عشرين
|
Post: #34
Title: Re: حبيبتي والحمارة
Author: أبووجيدة
Date: 02-27-2008, 03:48 PM
Parent: #1
الغالي / إدريس
لك التحية والتجلة والتقدير
وأنت تحلق بنا في رحاب الشعر الجميل
فأنا أعلم تماماً بأنك شاعر بما تحمله الكلمه
وأعلم ما تعنيه هذه القصيدة وثق تماماً سيكون لها مردوداً طيب
فهي من بحر حسن والصفارة ...
على العموم نحن في إنتظار المزيد وما عندك مشكلة الملحن والفرقة موجودة وكمان كل الأت التصوير
وإتفقت مع الأخ والأستاذ / تمبس في عمل فيديو كليب
لي قدام ...
|
Post: #35
Title: Re: حبيبتي والحمارة
Author: طارق عبد اللطيف نقد
Date: 02-28-2008, 11:31 AM
Parent: #1
Quote: فهي من بحر حسن والصفارة ...
على العموم نحن في إنتظار المزيد وما عندك مشكلة الملحن والفرقة موجودة وكمان كل الأت التصوير
وإتفقت مع الأخ والأستاذ / تمبس في عمل فيديو كليب
لي قدام ... |
ابو جيدة
الله يجبر بي خاترك
ويوم شكرك ما يجي
وماتنسونا في الفيديو كليب والبارد بتاع الضحية علينا!!!!
|
Post: #36
Title: Re: حبيبتي والحمارة
Author: Khalid Saeed
Date: 02-28-2008, 01:18 PM
Parent: #35
حبيبتي لم شفتك جنبه الحمارة ..
إندهشتــه وفقدته البصارة ..
بدل الجزمــــة لبســــتة الكدارة ..
ربطة الباب .. بي دبارة ..
وشفته الدنيا ذي حيطة الزبالة ..
ماكلو منك .. يأجمل زول راكب حمارة ..
أسبك إنتي بس لي مين ..
ما إنتي البرسيم وأنا ال...
حبيبنا درش
. جميل هذا البوح .. منظر الحبيب قرب الحمارة .. ملهم حد الثمالة .. تلك هي الزاوية المفضلة للمدخل المباشر نحو التواصل ..
عبرك أرسل التحيات لي أهل الحمارة ( أنظر صورة هاشم خلف الله ) .. الجو في السيرة ديل .
الأرباب
______________________
عوض عكاشة
بعد التحية ،
يظهر أنو في حمارة رفستك رفســــة قاسية ، ياخي أنظر إلى القصيدة من ناحية متجردة .. وأمسح من ذهنك كل الصور السالبة للحمير الرفاسة ..
|
|