بورداب الرياض والسادة والسيدات النظارة من الرياض

لثقتي في الذهنية القوقلية التي تتمتعون بها..
ولثقتي في انتشاركم وعلاقاتكم والمودات التي تمطرون بها القاصي والداني..
ولرغبتي الجادة في الزواج خلال الشهور القادمة..
ولانو المتزوج لايسكن في شوارع الرياض متجولا بعائلته ..ولا في حدائقها العامة..
عايز لي شقة..
شقة غرفتين وصالة ومنافعهم في حد حدودها الدنيا..
انتشاركم الكبير في هذه المدينة التي بها ملايين الوحدات السكنية
اكيد حيساعد..
وجودكم في حياتي ما لقيت ليهو فايدة ملموسة بصراحة..
ونسة وضحك وعوارة ودالموج..
عايز احس باني غلطان مرة في ظني بكم..







نامل الافادات الجادة على البريد
[email protected]

Quote: شقة غرفتين وصالة ومنافعهم في حد حدودها الدنيا..

صالون ما فيهايعنى ضيوف ما داير يا فقر، ان شاء الله ما تلقاها اصلك،،،

هسي يا دكين في زمتك

انت دايرلك شقه ولا عشان نشوف إيميلك بث!!!


_،_،_،_،_،_،_،_،_،_،_،_،_،_،_،_،_،_،_،

مافي أحياء محددة وكدا؟؟

ود الموج
ضيوف اول ستة شهور ما داير..



الصايم
اي شقة في اي زمان في اي مكان...
معاك لحدي جبل ابو مخروم ذاتو..



ود الموج والصايم
ياخي خليكم جادين وبطلو الجن بتاعكم ده..

وصل يا عمك
انا بشيل الايميل ده بوديهو بي هناك ولا تزعل
حررررررررررررريف لكن




ده مدخل جديد كرت

Quote: ضيوف اول ستة شهور ما داير

اساسا يعني انت بعد ( ستة شهور ) بطردوك ..
قول ما داير ( ضيوف ) ما تخجل .. !

..
..

عندي ليك ( الشقة ) لو جادي ..

Quote: ولرغبتي الجادة في الزواج خلال الشهور القادمة..

مدخلك فى السلك...

ما قلت ليكم خبرة
خت السوبر ديليقتس في جيبه و ضيع الولد

عبد العزيز ود عمي

ربنا يتم ليك على خير ...

ياخوانا ود عمي دة لما يكون جادي أنا بعرفو تمام ...
الهظار هظار و الجد جد يا أبو حيدر ..
عربونك جاهز يا دكين ؟
أضرب لي بكرة بعد المغرب ... و فضي نفسك ..

ابو جهينه العربون ساهل هو البترضى بيه منى اول شىْ؟؟

كده يادوب الواحد يرتاح من الهيلمانة


فى إنتظار السماية

Quote: شقة غرفتين وصالة ومنافعهم في حد حدودها الدنيا

يا وغد انت عايز بالغرفة التانية شنو
انت اصلك حتسكن في الحمام
بت الناس المغلوبة على امرها في غرفة
الغرفة التانية دي لي شنو
ودا شنو النغمة الجديدة دي
عرس
عرس شنو يا زول
انت اول حاجة مطهر
اوع تقول لي طهرك احمد حنين
ود حنين دا وارث المهنة دي من جدو

يا صديق الموج فلقتنا
خاتي تلاتة صور في بروفايلك
حسع انت ياتو فيهم

ساعدوه يا جماعة...بيستاهل ويمكن (يتلقي)
لو انني كنت هناك لنزلت له عن دابتي
واقرضته (ربع) راتبي عن (الستة شهور) الأولى !.

(الشقة) عند حميده ، دي انقضت شوف غيرها.

شكرا لكل الذين تداخلو ..
بس ما دي المحرية..

وكت الوهم وافين وكت العلم جافيين
صدق الوعد نافين مرة الصدق وافو ..
او كما قال القدال..



حميدة ..بينا تلفون لاني جادي ..
ابو جهينة شكرا وسيتم الاتصال عقب المغرب باذن باري النسمات..



مهند
ياخي ايميل شنو العايز اختو
انا هسي غالبني اختو في البروفايل
ياخي خلي البروفايل انا حرم ما غالبني اختو في المدخل ذاتو موش البروفايل..
والداير اقولو لي زول في ايميل والله بطرشو هنا لايحبسني في ذلك حابس..
ولو عايز اشحد شحدة الله المعروفة ديك بشحدها قدامكم عشان ماتقولو سمعنا من وراك..

الايميل بس لانو انا بعرف انو في ناس متابعين من بره البورد
وممكن يخدمو..
بعدين ياخي انتا هسي السالك منو؟؟
من الرياض انتا؟؟
خليك منتظر آمنة في نادي الزوارق ولو جاتك شنبي ده يقوم في دينا خالد..

Quote: مدخلك فى السلك...

مافي شي مدخلو فوق سلك إلا الديك..


محمد البشرى
وحيدر
وحمزاوي
وابو حريرة

لو اتلقت خير وبركة ولو مااتلقت بسكن في بيت نسابتي..
ابقو جادين ..انا مركب وش جادي وزمني كعب..

اخونا عبد الرحمن من قطر ..
جاني من الاخر ..
Getting married is very much like going to a restaurant with friends. You order what you want, then when you see what the other person has, you wish you had ordered that.

*********

Man: Is there any way for long life?
Dr: Get married.

Man: Will it help?
Dr: No, but the thought of long life will never come.

*********

Why do couples hold hands during their wedding?

It's a formality just like two boxers shaking hands before the fight begins!

*********

Wife: Darling today is our anniversary, what should we do?

Husband: Let us stand in silence for 2 minutes.

*********

It's funny when people discuss Love Marriage vs Arranged.

It's like asking someone, if suicide is better or being murdered

*********

It is difficult to understand GOD . He makes such beautiful things as women and then he turns them into Wives

*********

If u r married please ignore this MSG,

For everyone else: Happy Independence Day

*********

Before marriage, a man will lie awake all night thinking about something you say.

After marriage, he'll fall asleep before you finish.

*********

There's a way of transferring funds that is even faster than electronic banking. It's called marriage

*********

Galfriends r like chocolates,
Taste gud anytime.

Lovers r like PIZZAS, Hot n spicy, eaten frequently.
Wife r like Dal RICE, eaten when there`s no choice

*********

Man receives telegram: Wife deadshould be buried or cremated?

Man: Don't take any chances. Burn the body and bury the ash.

*********

Prospective husband: Do you have a book called 'Man, The Master of Women'?

Salesgirl: The fiction department is on the other side, sir.

*********

Q: Why dogs don't marry?

A: Because they are already leading a dog's life!

*********

There was this guy who told his woman that he loved her so much that he would go through hell for her. They got married and now he is going thru hell.

*********

Fact of life: One woman brings you into this world crying & the other ensures you continue to do so for the rest of your life!

*********

Q: Why doesn't law permit a man to marry a second woman?

A: Because as per law you cannot be punished twice for the same offence!

ههههههههههههههههههههههههههههيكا..
ياخي والله متعة..

دكيين !

انا مبسوطة لانك طوالى متذكرنى وفى بالك ........
ونكرانك ما بفيد

عارف يا حمزاوى شلتها من خشمى ..

Quote: Quote: شقة غرفتين وصالة ومنافعهم في حد حدودها الدنيا يا وغد انت عايز بالغرفة التانية شنو

ماهو معاهو ( هارون اخى !!) وانت قايل اخوك خلاص بقى قدرها ؟؟؟

دكين راجع بوست ود الموج وسط الزهور متصور .. واطلع على فتوى متى
يحق للمراة الجمع بين الرجال ....... عارفاك بتراعى الدين والايمان ..
















ـــــــــــــــــ
دييكو الكبير .... واتاكدت كيف انها بت ؟؟
واتاكدت كيف انو فى شقق من اصلو ؟؟
واتاكدت كيف انهم ما ح يغشوك ؟؟
واتاكدت كيف انك ساكن فى الرياض وما الامتداد ؟؟
واتاكدت كيف من الما متاكد منو ؟؟
وح تتاكد كيف انو الشقة ما مفخخة ؟؟؟
وح تتاكد كيف انهم غرفتين ؟؟؟
وح تتاكد كيف انو دا الحمام وما المطبخ ؟؟
وح تتاكد كيف انو دا بوردابى ؟؟؟
وح تتاكد كيف انها بتتقفل ؟؟؟؟
لالالالالالالالالالالالالا انت الموضوع دا خلى هسه..عندك باقى تاكد كتيييير فى الدنيا دى لازم تتاكدو فى الاول ...

حمدلله على السلامة ،، خلاص صوتى اقنعك انى بدون شنب ؟؟؟؟ عقبال ان تتحرر بقية المناطق ..
من شكك الئيم ...........

مشكلتكم ... انتو قايلين نفسكم صعاليك براكم ... واى واحده تجى تتفاصح معاكم فى كلاماتكم تتهم فى
......دينها........ !!! ياخ انتو الجابكم لى الدنيا دى منو والرضعكم افكاركم دى منو ؟ عارف لما يقولو ان كيدهن عظيم
كيدهن ديل انتو .... اولادهم الذكور ...

Quote: انا مبسوطة لانك طوالى متذكرنى وفى بالك

........
كان بي قولك اشربي...........
كان بي قول الله استغفر الله..

Quote: دكين راجع بوست ود الموج وسط الزهور متصور .. واطلع على فتوى متى يحق للمراة الجمع بين الرجال ....... عارفاك بتراعى الدين والايمان ..

ابيت..

Quote: دييكو الكبير .... واتاكدت كيف انها بت ؟؟

لانو ديكوالصغير اوما براسة موافقاً..
الشي الذي افتدقه ديكو الكبير عصرئذ..

Quote: واتاكدت كيف انو فى شقق من اصلو ؟؟ واتاكدت كيف انهم ما ح يغشوك ؟؟ واتاكدت كيف انك ساكن فى الرياض وما الامتداد ؟؟ واتاكدت كيف من الما متاكد منو ؟؟ وح تتاكد كيف انو الشقة ما مفخخة ؟؟؟ وح تتاكد كيف انهم غرفتين ؟؟؟ وح تتاكد كيف انو دا الحمام وما المطبخ ؟؟ وح تتاكد كيف انو دا بوردابى ؟؟؟ وح تتاكد كيف انها بتتقفل ؟؟؟؟

قالو في واحد غالاااااااااط ماشي مع واحدوقام ظهر ليهم شي اسودبعييد
الغلاط قال غنماية
التاني قال صقر..
- غنماية
- صقر
-غنماية
-ياخي صقر..
وشغالين غولاط ..ولامن قربو منها قام الشي الاسود طار..
قام التاني عاين لي الغالاط كده وابتسم..
الغالاط كشر وشو وقال ليهو حرم كان طارت غنماية..

دحين يا دنيا يابتي:
حرم كان بت غنماية بعد ده..
هي قصدي: حرم كان بت مابت..

فاتنى ان اضحك فى النكات
هاها ها ها ها ها (بدون يكا طبعا) !!
لكيلا ... يرجع الشنب ،،

ياخ العربى بتاع نكاتك دا كعب خلاص ...

طوالى نكت بالانجليزى .... سمح ؟؟

ألأخ/دكين

السلام عليكم ورحمة الله وبركاته...

وبما إنى من بورداب الرياض..وشملنى الحديث..

أولآ أقول لك ربنا يتمم على خير....

وكلمت أنا جادى دى مافى داعى ليها..يعنى إنت ماكنت غير جادى قبل ذلك وطرحت مثل هذا الموضوع..

شمال الرياض سوف أسعى لك جادى عشان تكون جارى ويشرفنى يا سيد..
...............................................................

عايز احس باني غلطان مرة في ظني بكم..
................................................................
وأحسن الظن دائمآ فى أخوانك وربك يسهل.....
إسماعيل محمد احمد عباس.................

شقه...... 3 غرف وحمامين كويسه

يادكين ........

من المستحسن

ان استقل بوست دكين للاعلان

عاوز لى سيارة هوندا اكورد
مدويل 93 - 99
اى لون غير الابض

للاتصال جوالى على البروفى فايل

دينا خالد بت اخوي
مسكاقمي

Quote: عارفاك بتراعى الدين والايمان ..

عارفه منو يا بت اخوي
دكين لا لون له ولا رائحة ولا نكهة ولا دين
قلت ليه هارون اخي
يقوم يصدق انه موسى
وهو من الموهومين بالقومية النوبية

تخريمة يمين
دينا يا بتي
مشعل بيسلم عليك

دكين ..
دحين انت العروس لقيته ..

انت ماعارف بتاعين مكاتب العقارات قالو ماعايزين سودانيين,,, وكمان لمن تمشي ليهم انت بالجد

حايقفلو باب التفاوض اذا كان هنالك رجعة في القرار ... اوصف ليك احسن محل ممكن تسكن فيه في

الرياض ,,, سوق عتيقة بتاع الخضار فيه اكشاك البنغالة بالليل بعرضوها للايجار ممكن يدوك كشك في

السوق .( قوم ياخ بلاء عرس معاك بلا لمة ) العزوبية دي خلقوها لي منو .

Quote: نامل الافادات الجادة على البريد [email protected]

Quote: ولرغبتي الجادة في الزواج خلال الشهور القادمة..

حاكو حاكو

وبعدين لييه الخيانات دي

شارونا وخالفنا حتى ياخي


عالم ماعندها عشرة اصلو

Quote: ولرغبتي الجادة في الزواج خلال الشهور القادمة.. ولانو المتزوج لايسكن في شوارع الرياض متجولا بعائلته ..ولا في حدائقها العامة.. عايز لي شقة.. شقة غرفتين وصالة ومنافعهم في حد حدودها الدنيا..

شقة شنو يا دكين ... الزولة دي ما حا تعرسك لكن!

Quote: وكت الوهم وافين وكت العلم جافيين صدق الوعد نافين مرة الصدق وافو .. او كما قال القدال..

انت مالك وقفتا هنا ما تكمل القصيدة للآخر

أمونة شن بتشوفي !!

يا عيوني شفن بتشوفي !!

قسماً والعيش بالقبضة

قلبك شاباي للنبضة !

أو كما قال القدال برضو !!

الله يعرس ليك يا خــينا

عشان نتراح منِك

ويرتاحن منك برضو ... ويرمنْ طوبتك

يا جماعه شوفو ليهو الشقه دى سريع

وإذا إتصعّبت بالحيل خلوهو يسكن مع نسابتو

كان ما يرحلو ليهو من بيتهم

وبعد داك نبدأ نفتش تانى فى الشقه المزعومه

دكين يا فرده ...

والله عاد يوم عرسك دا

الله يحضّرنا ليهو سـاكت









ـــــــــــــــــــــــــــــــ

قلت لى جادى كمان ....

يا حمزاوى
اغرى مشعل السلام عنى .....

لكن بالله قلت لى كيف تجراهذا الـ دكين على الحلم بغرفة اخرى
وهو يعتقد انه من (المبذرين ) دى من بذرة !!!!!!!!

اوووووووووووه ماى قوت !!!


قالو حــــــــــلم الجعان عيش !


هو يمنى النفس برفاق يؤانسونهو فى الغرفة الاخرى
ذى الحلويين ديل





ولكن هيهات ،، هيهات ،،

امامه الكثير ::: عليه اولا مراجعة (المداخل الصحيحة) لعشا البايتات المجلد العاشر
ص 567 ليتعرف على المدخل اولا

ثم امامه وامامها انتظاااااااااار طويل حتى ينضج عقله .......
وتكتمل اهليته للزواج ،، لانو الكفيل اعلن مرارا عدم تحمله لتبعات تصرفات هذا الدكين











ـــــــــــــــ
اتفسح يا حمزاوى اتفسح دكين شكلو تانى ماجايى هنا !!!
اتحول للجادين فى الميل بتاعو انا ساااامعة الغلاط !!

العزيز دكين

يا سيدي مبروووك مقدماً، وربنا يتمم ليك على خير
وبعدين...سيبك من ناس الرياض ديل، الذين من الواضح لم تسعدهم هذه الخطوة لسبب في نفس يعقوب
"دا ذو قربى بهارون بتاع دينا خالد"، وتعال لبورداب الدوحة وغايتو واحد فيكم -يا انت يا العروس -
حينسى قلبوا هنا......

يا جماعة خلييييييكم جادين مع دكين دا، فدي أول مرة يكون جادي ...
=====

Quote: الايميل بس لانو انا بعرف انو في ناس متابعين من بره البورد وممكن يخدمو.. بعدين ياخي انتا هسي السالك منو؟؟ من الرياض انتا؟؟

آآآآآخ أمان ما وقع راجل،
وين محسن خالد يجي يشوف جرستك دي يا دكين
....والرجال حين تجرسوا قعد يبررووووووووا

اسماعيل

Quote: شمال الرياض سوف أسعى لك جادى عشان تكون جارى ويشرفنى يا سيد..

ياخي حباب جيرتك وحباب شمال الرياض
اهو ده الكلام النجيض ..
موش يجيني موعتصم ويقول لي انتا لقيت البت؟!!
ياخي انا قتا عايز بت ..
انا عايز شقة..
شقة يا مووو
الله ماشقة حنكاً ضيعو..
ــــــــــــــــــ

Quote: شقه...... 3 غرف وحمامين كويسه يادكين ........

نعمة ياكع
ـــــــــــــــــــــ

ابوقوتة شقة الود الموقوتة

Quote: عاوز لى سيارة هوندا اكورد مدويل 93 - 99 اى لون غير الابض

الابض ده لون جديد ولا انتا رايح ليك اباط؟!!

ـــــــــــــــــــــــــــــ
ياخال
ياخي ما تخليك جادي
وشوف قريب من الجمعية عشان القراريص وعشان تجي ترم بطنك الما بتتملي دي..

ــــــــــــــــــــــــــــــ

Quote: السوق .( قوم ياخ بلاء عرس معاك بلا لمة ) العزوبية دي خلقوها لي منو .

معتصم دفع الله وعلاء منصور..
ـــــــــــــــــــــــــــ
ناعومي

Quote:

تخيلي ولا حتة مسجاية..كل الاميلات من حتة واحده بس
dinakhalid1_974@hotmail
الحتة الغلط ..زي المدخل الغلط
ـــــــــــــــــــــــــــ

بي بي

Quote: حاكو حاكو

ياخي بالجد ربنا يتم ليكي على خير..
الله يعينو المسكين.
ــــــــــــــــــــ

Quote: شقة شنو يا دكين ... الزولة دي ما حا تعرسك لكن

بتعرس ..بتعرس..
ــــــــــــــــــ
داش آت عبد الله داش دوت كوم..

Quote: ويرتاحن منك برضو ... ويرمنْ طوبتك

هسي منو فيهم الشايلة طوبتي؟؟.

ــــــــــــــــــــــ
السماكي

Quote: عاوز تعرس؟ ....................... ................. لا نقة لا كواريك ... انت ما تعرس دينا خالد؟ لو راجل و لا مره... حربي/ة و شفت/ة يا علق القا الكلام ده في النت لا بينى لا بينك خالد الصحرواي

مابراي يادينا...



ياخينا يابتاع الايميل
لو دينا خالد دي خيارك

انا ده اللابيني لابينك..

دكين عن اذنك

سؤال لا يخلو من خبث
دينا إنني بتتكلمي عن منو ؟


يلا يا عمك واصل....

شقه في الامتداد تنفع .........

لكن الايميل ماعندك ....

بالمناسبة والله اجمل من النيو لوك بتاعة الكومر

يا ناس البووووووووووووووست !!

ذى ما بتقول رجوية والله ماقادرة اوقف ضحك .......

دا شرك ،،، والكتبو دكين دا ماااااا ايميلى دا شرك عايز يقبض
اى زول يرسل فيهو ولا عزر لمن انذر اعملو احسابكم














ـــــــــــــ
دكين يابليد تعال نعمل مساومة انت ادينى الباسويرد اقرا معاك
وانا ارجع اكذب الخبر .... !

ياود البشرى !! انا قلت كلام كتيير ولى ناس مختلفين

انت تقصد ياتو كلام ؟؟؟؟

















ـــــــــــــــ
وانت لاعب لصالح منو ... وشايت وين ،،، افصح !!
البشرى الله يكضب الشينة !!

أنسي امي انسي
رونج نمبر

Quote: وانت لاعب لصالح منو ... وشايت وين ،،، افصح !! البشرى الله يكضب الشينة !!

دينا ياخي انا البوست ده نزلتو عشان الشقة..
عندك شقة حبابك ماعندك شقة ما تصجينا..




كل الناس بقولو انك ممكن تخدمي في قصة الشقة دي بس انا الوحيد
العارف انو انتي ماعندك اي شقة..
زيك زيي واحد..

دكين عندنا قريبنا اولادو استقروا في السودان كلمته بي موضوعك قال لي خلي يكلمني وانا بأجر ليهو الصالون بالباطن

ملحوظة الصالون بي حمامها

Quote: دكين عندنا قريبنا اولادو استقروا في السودان كلمته بي موضوعك قال لي خلي يكلمني وانا بأجر ليهو الصالون بالباطن ملحوظة الصالون بي حمامها

اساسي وكت قريبك ده اتخلص من اولادو خلي يتخلص من ذكراهم مرة واحدة ويدينا الشقة..
انا جادي بنديهو خلو رجل ..
اصلا انا ماعارف الزول كيف يسفر اولادو ويتحمل الجدران التي كان تضمهم..
اكنس كل الاثار وعش الحياة كما يجب..

ياقريبي الشقه جاهزة
لكن انت ما بتستر



ولو عرسته ح تفقد كل الألق !!!
فكر كويس!!
هسي حمد من يوم جاء مطوفش وما مركز

العزيز دكين، أبشر من الليلة بنجند نفسنا ومعارفنا ونفتش ليك بيت السعد إن شاء الله.

إيه رأيك في أحياء الملز، المربع، الناصرية، الفاخرية والشميسي .. إختار ونحن نفتش.


عوض الله [email protected]

العزيز Elawad Eltayeb

Quote: أبشر من الليلة بنجند نفسنا ومعارفنا ونفتش ليك بيت السعد إن شاء الله. إيه رأيك في أحياء الملز، المربع، الناصرية، الفاخرية والشميسي .. إختار ونحن نفتش.

الاحياء القتها ممتازة..بالذات الفاخرية والمربع والملز..على التوالي
بقية المناطق لو العمارة نضيفة وتشطيب الشقة منقة مافي مانع..


ولو اتلقى مُـلحق يكون امنقة شي..
مافي اجمل من مواجهة السماء ليلا بعد مواجهة اقدارك ..

ياسيدى الشقة هينه .... ولااااااااااتجى من تعبا .....

انت بس اسمع نصيحة الوغد صاحب الايميل ( الصحراوى )

ونفذها ..... كدا ولا حتحتاج شقة ولا شقة ح نمشى نقعد عند ناس الموج !!!!

وقالو الجن العااااارفك ،،، ولا الجن المابعرفك (دا مزعج) ..






















ـــــــــــــــــ

عليك الله يادكين الوغد الصحراوى دا اسالو لى هو محنن ؟؟؟ الماعندو شنو ؟؟
شقة وعندو ... كفيل وعندو .. هكرز وعندو .. بس لسانو مقطوع
ودا ما مهم ذى ما ورد فى شروحاتنا سابقا ... وبرضو قول ليهو لو انت نسيت ......
عارفاك مسييخ وح تقول لى مابقول .... بس هو اظنوووووو شايف
لو ما هو عيونو التى بالبورد ..

Quote: عاوز لى سيارة هوندا اكورد مدويل 93 - 99 اى لون غير الابض للاتصال جوالى على البروفى فايل

هههههههههههههههه
هههااهاهاهاهاهههههههههههههاهاههاييييييييييييييي
استغفر الله العظيم
عالم انتهاويين بشكل
ابقوته بسألني الله مشتهيكـ




________
دكين الناس لسه بتتكلم .. ارخي.

خدر صاحب المكايد

والله بوستيك بتاع امنة كريم الركبتي ليهو داك جاب اخر الرجاجيل..
والله صحي البت السمحة زي حصار المدينة..
الاتنين بخلو الرجال يتحسسو مسدساتهم..

Quote: عليك الله يادكين الوغد الصحراوى دا اسالو لى هو محنن ؟؟؟ الماعندو شنو ؟؟ شقة وعندو ... كفيل وعندو .. هكرز وعندو .. بس لسانو مقطوع ودا ما مهم ذى ما ورد فى شروحاتنا سابقا ... وبرضو قول ليهو لو انت نسيت ...... عارفاك مسييخ وح تقول لى مابقول .... بس هو اظنوووووو شايف لو ما هو عيونو التى بالبورد ..

مشكلتك مستغبياني..
ومُـتذاكية..

ياخي ما تجتهدي في الحتات الذي دي لانو الاستنتاج الغلط بتكون نتيجتو ضصحكات مجلجلة..
ماتحاولي تخصصي الشي العام على خلفية ظنون لو ماعندك بينة قوية تدعم تخصيصك..
ياخي انا لي متين اربيك..
وااااي
واااااااااااي..

طارق نقد
ياخي لو ما شفتا لي قريبك حتشوف لي منو؟

Quote: لكن انت ما بتستر

انتا عايز تديني شقة ولا شي تاني ياخوي؟؟

Quote: هسي حمد من يوم جاء مطوفش وما مركز

تخيل حمد انتهى تماما في الملاعب..
من يوم جا مداخلة واحدي بس..
لو صاحبنا ده شغال بي نفس المعدل ده في بقية الاشياء
يكون منو العوض وعليهو العوض..
من الواضح انو اللاعب الجديد استنزف كل اللياقة الكانت باقية ليهو..










يا طارق انا جادي
حاول شوف لينا شقة وادينا خبر ..وسائل الاتصال بي ما بتعدمها انتا..

حتفضل طول عمرك غشيم ..

الأوفيس بوي بتاعنا كان شغال في المريديان قبل ما يجينا
جا من بنقلاديش على المريديان طوالي بقى هو الإستاندرد حق المعرفة عندو
كل ما تقول ليهو حاجة يقول ليك إنتا يشتغل مريديان أول؟
ثم مستدركاً: إنتا ما يشتغل مريديان !

أها يا خوي
إنتا ما يشتغل مريديان ..


___
قال شقة .. يشق حنكك دا ويضيعو كمان ..

دكين

الشقق راقدة بس انت نجض موضوع العرس





وخلى الباقى علينا





أحمد العمار

يلا ياعمار همتك..
انا شكلي حاطلع بيها البر المرة دي..

تيسير الحلوة..
انتا ده لونك ولا انا مشتاق ليك ساي؟؟!!

Quote: الأوفيس بوي بتاعنا كان شغال في المريديان قبل ما يجينا جا من بنقلاديش على المريديان طوالي بقى هو الإستاندرد حق المعرفة عندو كل ما تقول ليهو حاجة يقول ليك إنتا يشتغل مريديان أول؟ ثم مستدركاً: إنتا ما يشتغل مريديان ! أها يا خوي إنتا ما يشتغل مريديان

..
والله صراحة مع كامل اهليتي وقدرتي ماقدرتا افهم العلاقة شنو بين
بحثي عن الشقة والغشامة والبنغالة والمريديان.

يا ظانة فيني خير ودايراني اسكن في المرديان
ياانتي مفتكرة اني حاناسب بنغالي
ياغلطانة في البوست
ياكمان انتا يتشغل مرديان اول

انتي ياتو؟؟

Quote: هسي منو فيهم الشايلة طوبتي؟؟.

أممممممم ...

Quote: ولرغبتي الجادة في الزواج خلال الشهور القادمة..

كاااااااااااااااااك

Quote: ولانو المتزوج لايسكن في شوارع الرياض متجولا بعائلته ..ولا في حدائقها العامة..

يا حرام يعني انت قاعد في الصقيعة هسي ؟

Quote: عايز لي شقة..

ألعب غيرها ...

Quote: وجودكم في حياتي ما لقيت ليهو فايدة ملموسة بصراحة..

Quote: عايز احس باني غلطان مرة في ظني بكم..

زبادي أظلم ..


يا دكين ...
ربنا يتم ليك على ( خور) .. قصدي على خير بس انا ما ( مصدقة ) ..

واخشى ان يكون هناك من هكرك في عقر حدائقك ، لان فكرة الزواج تلك لا تنطبق مطلقا مع تطورات الاحداث التي تشهدها المنطقة حاليا !

وبث !

سمرية العزيزة..
هسي بيجيك عشان تحجزي ليها..
الايام دي انتي طبعا ما مجمعة ورايحة..


في غنية حلفاوية لذيذة بتذكرني بيك بتاعة
(ليلي اووليلي) بتاعة قرية (20)
الفيها احمد نبا وماعارف جريس وبقية الحلفكو..


المهم من فرط جمالها وايقاعها محتاج زول يشرح لي بعض مخارج حروفها
ممكن بلاي مساعدة..

العزيز دكين

اولا ربنا يتمم ليك على خير

كان بودنا نساعدك لكن :-

عندما كان شرط صاحب العقار الوحيد.. عدم الإيجار لسودانيين !!!

فنصيحة اخوية أقبل بأي عرض في اطراف الرياض

والسكن في اطراف المدن عنده فوائد أسعلني أنا

خاصة وانت ما داير ضيوف في اول سته شهور

مودتي

البشير
ازيك يا خينا وعساك طيب..
يازول ما في اشكال ..
انا قتا ليك معاكم لحدي جبل ابو مخروم..
يعني صنديد ..المرة ذاتو ما جاية لي فرجة..

ملحق كيف ياعمك؟؟ (والله ماعارف حكاية عمك الماشة اليومين دي؟؟)
المهم ملحق (صغير زي الدباب بيشيل 2 بس) لكن (فيري رومانتك)
ومطل على شنكو الجيران طولو 4 متر ،، سيراميك (سيرميك دير بالك)
وقاعة إنتظار لضيف واحد !!
عداد مشترك مع جار من بدين!!
منطقة محروسة ،، الإيجار شهر بشهر!! مفروش،،
=
عندك نص ساعة !!

Quote: عبد اللطيف بكري أحمد

كده النص ساعة تمت صاح؟؟


















يا عُبد ياخي انتا راجل مدير
وعلاقاتك واسعة مع الجماعة
خصوصا بعد الكونسورتيوم الاخير
بلاي شوف لينا الشقة في اجياد او في الفلل الرئاسية

دكين،
أولا أحيك على حسن ظنك فينا و حنأكده ليك للنهاية، ما تقلق بهذا الشأن ...

يا سيدي،

رغبتك الجادة في الزواج ليست حافزا لنساعدك، على الأقل لي انا دي لانو شهر ما عندك فيهو نفقة ما تعد ايامو أو كما قال البحتري في أواسط الثمانينات ... ناهيك انو بت تعرسك و كمان ما عندك شقة زولة ما عندها سالفة، إلا كان هي طاشة من روحها و في الحالة دي وفر قروشك و ما تستأجر ليها شقة و عرسها من منازلهم ...

العرس زاتو ممكن تعملوا في احتفالات السفارة بالاستقلال الخميس الجاي بما انو الناس بتكون ملمومة و كده بتكون وفرت عشا و فنان و كدا ... و صدقني وقت عرستك ما بتفرز بعد ده ...

Quote: ولانو المتزوج لايسكن في شوارع الرياض متجولا بعائلته ..ولا في حدائقها العامة..

الود ده! لو ما ساكنة الرياض كنت قلت الرياض دي باريس و حدائقها غابة بولونيا

يا دكين اقعد في الواطة

Quote: لو ما ساكنة الرياض كنت قلت الرياض دي باريس و حدائقها غابة بولونيا

عزوز
لا ترمي بصديقكـ في التهلكة وهو عريس (بظلف) مخضوب

Quote: باريس و حدائقها غابة بولونيا

أنا لله وأنا اليه راجعون

Quote: يعني صنديد ..المرة ذاتو ما جاية لي فرجة..

ولد دا
اها يا راسبوتين زمانك
و الله خايفك بعد اسبوع بس تقول ماشي لي اخوالك

Quote: العرس زاتو ممكن تعملوا في احتفالات السفارة بالاستقلال الخميس الجاي

ياخسارة ياعزوز

اخر الزمن دكينا يزفوه فى عرس جماعي وفى الغربة كمان

Quote: ناهيك انو بت تعرسك و كمان ما عندك شقة زولة ما عندها سالفة، إلا كان هي طاشة من روحها و في الحالة دي وفر قروشك و ما تستأجر ليها شقة و عرسها من منازلهم ...

يا دكين الجاتك في عروستك ... سامحتك ..

يا عزاز .. عفيت منك تب .. وليك وحشة والله !

Quote: ونسة وضحك وعوارة

يا دكين بالمناسبة ( ديك ) نحنا مش اصحاب .. ؟؟



عشان كدا بهديك الاغنية دي ..

Quote: يا دكين الجاتك في عروستك ... سامحتك .. يا عزاز .. عفيت منك تب .. وليك وحشة والله ! Quote: ونسة وضحك وعوارة

سمرية انتى مش مفروض تكونى محبوسة وفى العلومية عشان ما يشيلوا نورتك
الجابك محل العذابى الوغد ده شنو؟؟
اصبرى لى عبد الرحمن
بيت مال وعيال..المال فارقو صاحبى قوى..الله يرزقكم العيال،،،

Quote: سمرية انتى مش مفروض تكونى محبوسة وفى العلومية عشان ما يشيلوا نورتك الجابك محل العذابى الوغد ده شنو؟؟ اصبرى لى عبد الرحمن

يا صديق ...

انا تراني محبوسة .. ما شايف رأسي كابس بث في مواضيع العرس .. ؟؟!!

العذابي دا بهمني ( امرو ) .. عشان كدا ما دايرهو يتطوتح ساي في ملاهي ( الرياض ) ..


وبعدين عبد الرحمن ما فاضي لي الايام ... مشغول مع قريبه( ود الجيلي ) .. ببنولون في ( قبة )!

وتسلم على التهنئة والدعوات .. يديك العافية !

دكين بصراحة شديدة وأنا زي أختك الكبيرة
أنسى الموضوع دا وخليك متصالح مع نفسك ..


قلنا ليك إنتا ما يشتغل مريديان ما داير تصدق ..

اختك الكبيرة دي شنو يختي؟؟

انا اقول ليك مشتاقين تقولي لي اختك الكبيرة؟؟


اها بصراحة اكتر من صراحتك الشديدة القتيها دي

انا ما اخوك ..ولو عم عووضة بقول خير
المرديان العاجبك ده بشتريهو ليك..

خايفين نقول ليك الله يقطع شيطانك تقوم تفر زي جني!!
==
مقبولة منك بس ياعزو (اللخ) ماوصل الدرجة دي!!!
انحنا لسة في أمبدات!
آل شقق رئاسية آل!!!
بس أوعدك !! جاياك يا ابوشرا!!

عبد اللطيف
يعلم الله بريدك لله في لله دون اسباب معلومة..
موش في ناس كده بتقع ليهم ساي كده من وشوشم..



كان لخيت وكان مالخيت..


ماتقول الزول ده عايز يتكسب من ورا هذه الريدة.



اصلا انتا قبل يصيح الديك الصباح في الفلل الرئاسية حتنكرنا..

دكين كيفنك
انا غايتو بعرف المغرب طوبة طوبة
وكمان الامتداد بحكم الميلاد
لو عايز في الحتتين ديل كلمني ما تخجل

ود جبريل

الامتداد قالو وصلت القطعة فيهو مبالغ مهوولة..
تابع البورصة في الصفحة الخامسة ياحبة ولسع..

Quote: دكين، أولا أحيك على حسن ظنك فينا و حنأكده ليك للنهاية، ما تقلق بهذا الشأن ...

احييك يا عزاز على قدرتك الدايمة في جعلي على الابتسام..
وحس السخرية واللئامة المبيتة دوما في ردودك لي ..
يعني مافي مداخلى كده بتنكتبيها لي إلا وينشرح قلبي لها ..

Quote: يا سيدي، رغبتك الجادة في الزواج ليست حافزا لنساعدك، على الأقل لي انا دي لانو شهر ما عندك فيهو نفقة ما تعد ايامو أو كما قال البحتري في أواسط الثمانينات

.
دي المحرية فيك..
انا ذاتي استغربتا بعد كتبنا كلامي الاول..
قتا هل لاني جادي مفترض الناس دي تساعدني؟؟
بس ما توقعتا اني القى لئيم يرد على هذه النقطة
واهو الله خيب ظني في توقعي..

Quote: .. ناهيك انو بت تعرسك و كمان ما عندك شقة زولة ما عندها سالفة، إلا كان هي طاشة من روحها و في الحالة دي وفر قروشك و ما تستأجر ليها شقة و عرسها من منازلهم ...

من ناحية ماعندها سالفة هي ماعندها ..
بس انا منو القال ليك بعرس البنات عشان سوالفم ؟!!
اصلا مين عرس مؤخرا عشان سالفة؟؟
الرسول علي الصلاة والسلام قال
لمالها وجمالها وحسبها ونسبها
قال سوالف؟؟

Quote: العرس زاتو ممكن تعملوا في احتفالات السفارة بالاستقلال الخميس الجاي بما انو الناس بتكون ملمومة و كده بتكون وفرت عشا و فنان و كدا ... و صدقني وقت عرستك ما بتفرز بعد ده ...

looooooOOoOoOoz
بس ياربي عرس في السفارة ده ناس ود الموج حيعتبروا عرس شرعي؟؟

Quote: Quote: ولانو المتزوج لايسكن في شوارع الرياض متجولا بعائلته ..ولا في حدائقها العامة.. الود ده! لو ما ساكنة الرياض كنت قلت الرياض دي باريس و حدائقها غابة بولونيا يا دكين اقعد في الواطة

ياخي الرياض بي وجودك غابة بولونيا جنبها ولاحاجة؟؟




















ــــــــــــــــ
بولونيا فيها غابة؟؟

الحبيب دكين

Quote: مهند ياخي ايميل شنو العايز اختو انا هسي غالبني اختو في البروفايل ياخي خلي البروفايل انا حرم ما غالبني اختو في المدخل ذاتو موش البروفايل.. والداير اقولو لي زول في ايميل والله بطرشو هنا لايحبسني في ذلك حابس.. ولو عايز اشحد شحدة الله المعروفة ديك بشحدها قدامكم عشان ماتقولو سمعنا من وراك.. الايميل بس لانو انا بعرف انو في ناس متابعين من بره البورد وممكن يخدمو.. بعدين ياخي انتا هسي السالك منو؟؟ من الرياض انتا؟؟ خليك منتظر آمنة في نادي الزوارق ولو جاتك شنبي ده يقوم في دينا خالد..

انا اسف اذا انت زعلت مني
كل الود
مهند حيمورة

العزيز دكين....سلامات

أنا بقترح تسيب الرياض والسعودية ذاتها...
أنا ممكن ألقى ليك شقة معانا في سويسرا بسهولة...
لو أقتنعت بالفكرة كلمني...أنا جادة

معزتي

العزيز مهند
انا هسي فاطي ليك الحلوين الفوق ديل عشان ارد عليك
يا حبيب انا سبب واحد يخليني ازعل منك ماف..
ولا ازعل من اي زول هنا في عموم الاحوال الاورديناري.
انا بس بهظر معاك وباخد وبدي بطريقتي ..
قد تكون شوية مهرجلة بس ياخي دايما استصحب حسن النية ووش زول بكتب وهو مبتسم عشان تقع ..
صدقني ما قاعد ازعل من زول..
انا لامن اعمل شط داون لي الجهاز ده تاني ما بتذكركم إلا لامن القاكم ..
فياخي ما تعقدونا من كتابتنا وتخلونا نخت ليكم ماعارف وردة وبسمات ووجوه ضاحكة ومالى ذلك من هتاويل..

بعدين ايميلك وصني وكنتا عايز ارد عليهو بس
انشغلتالي مع بت سمحة سماحة..
حلاة دين بت يا مهند
غايتو الله يكضب الشينة وماتقوم تمرق لينا ولد..
لذلك ما قدرتا ارد عليك
ولك العتبي يا مهند لو كانت كلماتي غير مهضومة..

up

عشان دكين يلقى الشقة

up

Quote: عشان دكين يلقى الشقة

ناعومي
مابتقصري..شكلك عندك فيها النص...(وجه غامز)

Quote: العزيز دكين....سلامات أنا بقترح تسيب الرياض والسعودية ذاتها... أنا ممكن ألقى ليك شقة معانا في سويسرا بسهولة... لو أقتنعت بالفكرة كلمني...أنا جادة معزتي

امممممك
الهي وانتا جاهي
ياخي من تاريخ التسجيل: 30-11-2002 الظاهره تحت صورة اخناتون الفي بروفايلي دي..
الفين واتنين ولحدي الفين وتمنية هسي انا بكتب في البورد ده راجي زولة سمحة زيك
تجي تنتشلني من هذا البؤس..
وتقول لي ياخي ماتعال ندبر ليك فرقة معانا ..
بالضبط انتي جيتي قتي الحلم ..لا زايد لا ناقص
كلام مختصر ومفيد
لافيهو نقصان يستوجب التساؤل لافيهو زيادة غير لازمة
(سيب الرياض.. بلقى ليك شقة في سويسرا..بسهولة.. انا جادة)
سكتم بكتم..
اخيرا فتح الله علي بهذ المداخلة ..
سويسرا ؟؟
سويسرا مرة واحدة؟؟
حاركب سويس اير؟؟
ياخي انا سويسرا دي نفسي اقولا تلاتة مرات ورا بعض ساي بدون اتلخبط..
يازولة للضمان كده وعشان ماتقولي الزول ده بهظر ..
انا معاك لحدي جبل ابومخروم بتاع سويسرا ذاتو ..
قصرتا؟؟






بس سويسرا دي حسب معلوماتك العامة عن طبيعة جيلوجيا قشرتها الارضية
بلقى فيها عطرون عشان نمطر الصعوط الفلت الحاشيلو..
ـــــــــــــــــــــــــــــــــــــــــــــــــــــ
سويسرا دي بس ماتكون زي المسميات الواقعين فيها ناس الحلة
يقولو ليك كولومبيا في الكلاكلة وماعارف كوريا في بُـري
والمنشلين في دنقلا ومانحو ذلك على قول الغايب؟؟

التعديل لاصلاح كبكبة عوجت بعض الحروف ..

يا مشرد

رغم انو سحر ما شاورت "عمد" سويسرا و هم رافت و عماد و فيصل و ادم و في زعيم كبير جدا هنا بس مافي البورد، لكن بنحاول نباصر ليك الموضوع ده بس انت اتصلح معانا وو اعصر لسانك ده في حلقومك

Quote: كلام مختصر ومفيد لافيهو نقصان يستوجب التساؤل لافيهو زيادة غير لازمة

اها كنت بديت تفهم البلد دى، هنا مافي حاجة زايدة و لا ناقصة ـ غير خلقنا دى ـ بلد كتب عنها قاص لاتينى على لسان بطل الرواية " شعب فقد فرصته في ان تكون له ماساة تاريخية حين اصاب وليم تيل التفاحة. الشوارع من نظافتها تصورت ان ربات البيوت يكنسنها كل صباح و يلقين بالاوساخ في ايطاليا. بلد لا تصلح الا لصانعى ساعات."

Quote: بس سويسرا دي حسب معلوماتك العامة عن طبيعة جيلوجيا قشرتها الارضية بلقى فيها عطرون عشان نمطر الصعوط الفلت الحاشيلو..

جيب تلاليشك و تعال .... بتقدر؟

المشكلة حتمر من جهاز كشف الامخاخ الملتوية في المطار كيف؟

ادينا فرصة نشوف حل لل dirty mind بتاعك ده

عصام
انا في زول قال لي الزول ده في سويسرا..قتا ليهم حرم عصام ده كان خشاها انا اسوق فيها طيارة ذاتو ..
افتكرتا الكلام ده كضب وانو ليس ثمة خرافة تعني بامر وجودك في تلك الاصقاع..
فنحنا ماسمعنا -كنوبيين- بي معجزات من زمن جراد سيدنا موسى..
بس من الواضح بعد كلامك الاخير ده انو حفدة وليم تيل مالاقين تفاح بعد جاهم جراد بلاد النوبة..
بعدين ياخي صدقني انتا بالذات بعد ايميلك الاخير مضطر تسعى
جادي في انك تستر نفسك وتظبط لي مواضيعي ..

الماقادر استوعبو انو سحر دي فجاة كده جات من وين؟؟
يعني زول لاتشوفو لاتسمع بيهو إلا وهو بسلمك مفتاح بلدية سويسرا كحل لي مشكلة تشردك
زول يجيك من ماف بدون جناحين ويلغي ليك فكرة انو انتا عمرك ما حتكور ليك تلجة في يدك وتفكها في راسك المقدوس ده..
حاجة سمحة زي سحر دي معاك في بلد واحدة وانتا بتتفرج من زمان وبتقش في خشمك ياهالك؟؟
الفقرا اتقاسمو النبقة يا وغد ..
تقوم تبخل علينا بي تفاحة وليم تيل عبد الرحمن؟!!

Quote: ولد دا اها يا راسبوتين زمانك و الله خايفك بعد اسبوع بس تقول ماشي لي اخوالك

حمد امبس
وانا اقول حمد ده ليه من نص الاسبوع بتاع عرسو لبد في بيت اخوالو؟؟
يازول الخال والد..
اخوال اخوال والبقت فيك ان ما ختتني انا ما زعلان..ارجل منك انا؟؟

Quote: ياخسارة ياعزوز اخر الزمن دكينا يزفوه فى عرس جماعي وفى الغربة كمان

حيدر العزيز
زماااان ومن شدة فلسي كنتا خايف انو دي تبقى فيني..
بس هسي بقيت متصالح تمام مع الفكرة دي..
جماعي ...ثنائي ..صولو.. براك..
المهم تنزفا ويخلوك معاها براك..
براااك الله ورقبتك..
تخش وتقفل الباب وراك..
وتعمل دبل(كلك)












(الكلك) دي لي قفلة الباب ما لي اي شي تاني

في شمبات في صيف 98 كان في ظاهرة بتاعة حرامية كترت..
وكنا بنعسكر قراية وسجاير وفارغة في بيت اخونا(عبد الواحد هاشم)
اها اولاد الحلة قالو يعملو دوريات عشان الحرامية وكده..
ويوم سكو حرامي مجازف ليهو ملايات وحجار بطارية وهتش ..
قبضوهو المسكين ووقعو فيهو جلد وهو صامد صنين لايصدر اي نوع من الانين ..
قدر ما خبتوهو الزول ده زي سواقين التريلات في طريق بورسودان قليل الشكوى وقليل الكلام..
اها لامن وجعتم القصة بتاعة انو ما بتوجع دي ..
واحد من الاخوان - ما افضلو عليكم- قال يخوانا الزول ده اقلعو ليهو لباسو خلونا
(نـ......و) .
اها ديك ما قصرو وهاك امسك عايزين يقلعوهو لباسو ..
بس لامن قلبوهو وقعدو يعافرو عايزين يجرو السروال
الحرامي كورك:
(يخوانا هوي المروة..المروة يخوانا..كان مادرتونا خافو الله فينا)
الضحك اليوم داك شرطنا..






الاخوان في عمودية سويسرا
رافت و عماد و فيصل و ادم والزول التاني
(يخوانا المروة..المروة يخوانا..كان مادرتونا ماتجدعو فيها براكم)

Quote: عبد اللطيف يعلم الله بريدك لله في لله دون اسباب معلومة.. موش في ناس كده بتقع ليهم ساي كده من وشوشم.. كان لخيت وكان مالخيت.. ماتقول الزول ده عايز يتكسب من ورا هذه الريدة. اصلا انتا قبل يصيح الديك الصباح في الفلل الرئاسية حتنكرنا

والله يعلم كمان ياديكو أنا اقاسمك نفس الريدة
بس لأسباب معلومة بل هو سبب واحد إنك واضح!!(ورب الكون هو سببي)،،
أنا طبعاً شايف في عروض كتيرة مهببة ظهرت ليك ، لكن كان ضاعت منك الإسواتش
تكون دقست لى جنى الجنى ،، ونحن عشان ندعم الجدية
دي عندنا عروض جيدة تعلن في حينها،، بس أرسى ليك
على بر !

حكمة اليوم
كان خِتيت النضارات دي .. ياكا الساكن حدائق 6 ابريل

طروق
فيهو شبة من نميري تخيل؟؟
ياربي تكون المحبة عشان كده؟

Quote: حكمة اليوم كان خِتيت النضارات دي .. ياكا الساكن حدائق 6 ابريل

1- صاحبك ماهر محمد صالح يا خدر نضاراتو أكبر!! أسألو عن
2- معجب انت بالفريم ولا بالشماعة؟؟
3- صاحبك دا ما ناقش أنو الأسواتش صناعة سويسرية!!
4- أظنك على حس النميري كنت قاصد حدايق (مايو) ،،
5- (عليك الله بمناسبة ماهر محمد صالح) أسالو عن أول يوم ليهو في الحرم
هو وصاحبو في صلاة المسبوق ومن ثم أعقبها صلاة جنازة، مبالغة!!
6- صغرنا ليك مقاس البايوفوكال شوية (غير الصورة)!!
7- سحبنا الديباجة على الجيب لأنو ناس القسم التجاري أعتبروها دعاية!!

عبد الليطف

ياسيدي موافقين

لوالايجار الشهري بتاع (السرموك )القتو ده اكتر من الف ريال ..
التحفة دي شوف لينا غيرها..
بعدين محس بدين ديل جنهم تركين يعني مية مية ..

الحبيب دكين

Quote: العزيز مهند انا هسي فاطي ليك الحلوين الفوق ديل عشان ارد عليك يا حبيب انا سبب واحد يخليني ازعل منك ماف.. ولا ازعل من اي زول هنا في عموم الاحوال الاورديناري. انا بس بهظر معاك وباخد وبدي بطريقتي .. قد تكون شوية مهرجلة بس ياخي دايما استصحب حسن النية ووش زول بكتب وهو مبتسم عشان تقع .. صدقني ما قاعد ازعل من زول.. انا لامن اعمل شط داون لي الجهاز ده تاني ما بتذكركم إلا لامن القاكم .. فياخي ما تعقدونا من كتابتنا وتخلونا نخت ليكم ماعارف وردة وبسمات ووجوه ضاحكة ومالى ذلك من هتاويل.. بعدين ايميلك وصني وكنتا عايز ارد عليهو بس انشغلتالي مع بت سمحة سماحة.. حلاة دين بت يا مهند غايتو الله يكضب الشينة وماتقوم تمرق لينا ولد.. لذلك ما قدرتا ارد عليك ولك العتبي يا مهند لو كانت كلماتي غير مهضومة..

تسلم يا حبيب والله

Quote: ولرغبتي الجادة في الزواج خلال الشهور القادمة..

دكين .. ويبونا
الحاصل شنو ؟
الوالدة استعملت حق الفيتو ؟!

خالد حاكم..
ويبوري الحمد لله ..
الوالدة قات لي ياخوي اتوكل وخش وما تودر زمن..
المرة بطيخة والراجل بطيخة..

يامهند كدا كيف الصورة دي بعد طلعنا منها التنك؟
http://www.sudaneseonline.com/u/mohanad2.jpg
عايزين نصلح البوست ، صاحبنا دا عايز ليهو سبب
يخلي العرس هسي يقول البوست مكعوج، صلح البروفايل

Quote: العزيز دكين....سلامات أنا بقترح تسيب الرياض والسعودية ذاتها... أنا ممكن ألقى ليك شقة معانا في سويسرا بسهولة... لو أقتنعت بالفكرة كلمني...أنا جادة

ديكو العرض دا مغري شديد ، ملحقنا مضمون ،،
سويسرا دي والله أسالني منها : قضيت فيها 4 ساعات
في الزنزانة لخطأ في الفيزا لأن الموظفة ختمت لينا
فيزا ترانزيت واحنا كنا نازلين في جنيف ،،
الظريف حكيت القصة لواحد زميلنا في باريس، كان
في واحد جنبو بسمع ، قال لي : عليك الله
ما قريت أسم مكتوب بالشيني في طاولة الحجز؟
قلت ليهو ايوة والله (عادل الفار) ، قال لي محسوبك
الفار شخصياً،،
طبعا لغاية ما طلعنا كنا فاكرين الجماعة ديل
منزلننا في فندق،،
وصلنا جنيف بعد إتصال مع السفارة والجامعة في
فرنسا وكان ذلك أول يوم عيد الفطر ،، للصدف
كنا مدعويين من أسرة دناقلة ، (تصدق ودونا الجمعية)
والعيد كان عبارة عن المعرض السنوي للتركين وكأننا
حضرنا العيد في (نلوتا- أو أبو راقة - خدر)،، يعني
إختصارا ما عندك مشكلة تركين - يادكين،،
أبقى 10 على سويسرا ، إستنفذ كل الفرص وبعدين
اب عاج موجود ياحبيب،،

سلام دكين


العروس

بيضاء طويلة شعرها اسود طويل

ابو حميد
وينك يا لذيذ؟

Quote: بيضاء طويلة شعرها اسود طويل

لووووووووووولوز
انتا لسع متذكر؟؟
ياخي دي تكون هسي الولادة الرابعة...

اب عاج اخوي

Quote: ديكو العرض دا مغري شديد ، ملحقنا مضمون ،، سويسرا دي والله أسالني منها

ياخي انحنا لقينا وقنا لا..
ماجات البت كما الملاك الجميل عشمتنا وغابت..
هسي في ذمتك سحر دي لاقتك قبل كده في المنبر ده غير؟؟
عشان تعرف انو التجليات دي ما بتجي إلا لي زول ود شيوخ
وبس تعرف انو اخوك راجلاً مبروك ..

بعدين ياخي ناولني تلفونك على الاميل الفوق ده عشان نشوف قصة الشقة دي..
اخوك زمنو ضاق..وعشمو فيكم قلا..

ياراجل انت لسه مالقيت الشقة

وكمان ماحتلقي العروس

انت اصلا زول فقر وشين ودشن

Quote: انت اصلا زول فقر وشين ودشن

جابت ليها حقارة ؟؟
حليلك يادكين...

واحدة اعزها لصراحتها وقلة ادبها مع المتحاورين
ارسلت لي المشاركة التالية تحت عنوان (مادة ترفيهية)

Quote: فاصل ترفيهي,,, قصة قصيرة مهدية الى دكين في القرية المجاورة..بمناسبة اللامناسبة عندما قابلته لاول مرة راته في مظاهرة يحمل لافتة الحزب الشيوعي ويهتف ضد الحكومة رغم ان المظاهرة كانت ضد تحويل داخلية الطلاب الى مكان آخر... تعرفت عليه كان دائم التلفت سالته قال لها لان الامن يراقبني طول الوقت,,,يوما في منتصف السوق تركها وركض بشارع جانبي بعد اسبوعين قابلته سالته قال لها: الزول العامل فيها ببيع سبح داك في الامن وشافني.. في جيل تشكلت عقليته بقصة في بيتنا رجل وسلسلة الهارب دكتور رتشارد كامبل الذي يبحث عن الاكتع قاتل زوجته وافقت ان تأخذه الى بيتهم حين قال انه في خطر من رجال الامن,,, وبيتهم بيت مناسب فهي ابنة وحيدة وسط ذكور وامها متوفية..فقالت له يمكنك الاختباء في بيتنا وسيظن الناس انك صديق احد اخواني.. فكر قليلا وقال لها لالا رجال الامن هؤلاء في اي مكان بعد تفكير طويل كيف يتم تأمينه مرت قربهم بنت انصارية سنة..لابسة اسود في اسود فصرخت وجدتها.. قالت له تذهب معي الى بيتنا على انك صديقتي انصارية سنة. وتبقى هناك مرتديا العباية والخمار لان كل من في البيت رجال.. راقت له الفكرة ومزيدا من التعمية قالت ستقول لاهلها ان صديقتها بكماء وكلها اسبوع... بالفعل ذهب معها مختبئا في زيه المختار.. في اليوم الخامس اخبرها اصغر اخوتها : يا منى صاحبتك بتبول واقفة....

لووووووووووووووووووووووووووووووووووولوز
الضحك شرطني
عموما البتاع ده معمول ليهو فور ورد لي جميع الاصدقاء والصديقات..

Quote: ياسيدى الشقة هينه .... ولااااااااااتجى من تعبا ..... انت بس اسمع نصيحة الوغد صاحب الايميل ( الصحراوى ) ونفذها ..... كدا ولا حتحتاج شقة ولا شقة ح نمشى نقعد عند ناس الموج !!!! وقالو الجن العااااارفك ،،، ولا الجن المابعرفك (دا مزعج) ..

دينا بالغتى....وسمعتى؟؟؟؟؟؟؟؟؟

عبد العزيز (دكين) رجل خطير واحد في ثلاثة
قدرت ببوستك تقول حاجات كتيرة مش واحد في تلاثة .. قول عشرة أو اكثر
المهم اكيد انت و الريس في مشوار المغربية طلعتو نتائج
وطبعا نقدر نقول ان ناس الرياض والبورداب بالذات موعودين بليلة وحفلة كاربة..
قبل وبعد ويا دكين انت مش قليل وساهل من ناس عملو ليهم حفلات ..
وبعدين نتكلم في بقية النقاط

دكين

تحياتي

Quote: شقة غرفتين وصالة ومنافعهم في حد حدودها الدنيا.. انتشاركم الكبير في هذه المدينة التي بها ملايين الوحدات السكنية اكيد حيساعد

..

مبروك ياعريس قضي شهر العسل وانا بحجز ليك شقتي وبرحل لشقة ثانية وقسطها قيل ماكتير .

تحياتي

Quote: ويا دكين انت مش قليل وساهل من ناس عملو ليهم حفلات

ولياب

هناك فرق

الملك معزوم

وفرقة الحرس الوطني

العزيز حيدر

انكم لتلقون بالكلمة لتلقون لها بالا تهوي بدكين المسكين في غياهب السجون..
ولا مرة ولا دخان ولا يحزنون..

انتا بالمناسبة بتنا بتاعة المنظمات ديك..
ياها المطرشطة الفي بالي دي ولا واحدي تانية؟؟

Quote: مبروك ياعريس قضي شهر العسل وانا بحجز ليك شقتي وبرحل لشقة ثانية وقسطها قيل ماكتير

هيييييع
يوسف تجلى..

تخيل امس مشيت لي بتاع عقار قال لي عديل ماباجر لي سوداني..
قتا ليهو ليه فينا كشم نحنا؟!!
مالنا عيبنا؟؟
قال لي ابدا يا استاذ ما قصدي بس السكان بنزعجو من الحاجة البتسموها دخان..
قتا ليهو :ايواااااا..المابعرف يقول عدس..
والله لو جربوها لحفروها تحت اسرتهم ..
ومشيت من جنبو وانا بدندن بي غنية : الفارقت ما لقيت ..اللييييييييل وين ياروحي..

غرفتين 4 × 5
وصالة 5 × 5
نضيفة جدا
مدخل منفصل + مدخل مع العمارة
حوش كبير ،،
شارع القمر - حي الإزدهار
الزول حلف بدينو ما ينزل ريال من .....
وستة شهور ستة شهور،،
وأنت تستاهل الواحد يتبرع ليك بالسعي حقو!!

اتصلت علي في المكتب ،، عفوا كنت في مهمة خارجه!!

Quote: عبد العزيز (دكين) رجل خطير واحد في ثلاثة قدرت ببوستك تقول حاجات كتيرة مش واحد في تلاثة .. قول عشرة أو اكثر المهم اكيد الريس في مشوار المغربية يكون جابت نتائج وطبعا نقدر نقول ان ناس الرياض والبورداب بالذات موعودين بليلة وحفلة كاربة.. قبل وبعد ويا دكين انت مش قليل وساهل من ناس عملو ليهم حفلات .. وبعدين نتكلم في بقية النقاط

تسلم يا ولياب ياخي ..
دي المحرية فيكم ..
انتا كده قبل الحفلة شوف لينا حلفاوية ..
عشان الجرار ده في الحفلة مايديك الدرب..
واوعدك انها حتكون زفة نوبية زي المارقة من بوهين..
سلامي لي الاسرة الكريمة..

العزيز عبد اللطيف (اب عاج)
قال لي شوف يادكين - وبدون ما تسالني اسئلة- انتا حرم معزوم عشرة يوم في اي فندق تختارو من فنادق الرياض في شهر عسلك..
قال لي كده في التلفون بدون اي تفاصيل
ومشى قال ماشي يعزي دكتور كرار التهامي(حسن الله عزاءة في الفقيدة)

طبعا انا ماعرفتا العزومة دي على حسابو؟؟
على حساب بوردا بالرياض ؟؟
على حسابي؟؟
اها لامن قتا ليهو انتا شغال وين يا اخينا؟؟
قال لي مقاطعاً..
قتا ليك بدون اسئلة ناس الامن بتاعتك دي..قمتا قطمتا..
قتا عشرة يوم ..عشرة يوم وانا لاقي..
وطوالي اتصلتا قبل شوية بي ناس (ماريوت)وناس (راديسون ساس) عشان اعرف ياتو فندق فيهم ممكن يقدم خدمان حفرة دخان مع السيرفيس.

يا اب عاج
ياخي حرم ماكتيرة عليك..
وانت اهلٌ لها وزيادة..
وحرم كان سويتا ولا كان بتهظر ساي زي العسلنا في (راديسون)
بالعدم كده حنقضيها خمسة يوم (منفوحة بلازا)جنب ناس الموج..

Quote: العزيز عبد اللطيف (اب عاج) قال لي شوف يادكين - وبدون ما تسالني اسئلة- انتا حرم معزوم عشرة يوم في اي فندق تختارو من فنادق الرياض في شهر عسلك.. قال لي كده في التلفون بدون اي تفاصيل ومشى قال ماشي يعزي دكتور كرار التهامي(حسن الله عزاءة في الفقيدة) طبعا انا ماعرفتا العزومة دي على حسابو؟؟ على حساب بوردا بالرياض ؟؟ على حسابي؟؟ اها لامن قتا ليهو انتا شغال وين يا اخينا؟؟ قال لي مقاطعاً.. قتا ليك بدون اسئلة ناس الامن بتاعتك دي..قمتا قطمتا.. قتا عشرة يوم ..عشرة يوم وانا لاقي.. وطوالي اتصلتا قبل شوية بي ناس (ماريوت)وناس (راديسون ساس) عشان اعرف ياتو فندق فيهم ممكن يقدم خدمان حفرة دخان مع السيرفيس. يا اب عاج ياخي حرم ماكتيرة عليك.. وانت اهلٌ لها وزيادة.. وحرم كان سويتا ولا كان بتهظر ساي زي العسلنا في (راديسون) بالعدم كده حنقضيها خمسة يوم (منفوحة بلازا)جنب ناس الموج..

عزو ،،
التحايا والأشواق العراض للشخص العزيز ،،

طبعا حركاتك أمنجية 100% (ملخبتة) بحركات تجار العيش،،
أنا طبعا ما قلت ليك عشرة أيام ،،
ذكرتني واحد سمسار أراضي سعودي ظريف زيك كدا يعرفو لي 20 سنة
لا قيتو قبل اسبوع ، قلت ليه ياأبو فيصل تشرفت والله بمعرفتك 20 سنة
أسأل الله ربنا يديم المعروف دا بيننا كدا تاني كمان 20 سنة!!
تصدق الراجل بتلقائية المهنة : يارجال!!! قول 40 عشان تصفى على 20!!!
والله ضحكنا وكان جنبنا ناس بيصلوا كلهم فقعوا بالضحك وأعادو الصلاة!!

هسة أنت كمان ياحبيب أنا قلت ليك أسبوع ، وانا عارفك عايز الحكاية
تصفى على الأسبوع دا ،، وأنا عند كلمتي ، وكمان عشان تطمئن : 7 أيام
في الإنتر موش رادسون ولا غيرو ،، فندق الوفود الرئاسية ياحبيب،، وما
في زول سألك من الحساب عشان ما تبيع الأصول كلها (الإنتا خابرها)عشان
ليلة في الإنتر ،،
شوف باقي التجهيزات موضوع العسل دا أطلع منو!!
وبالمناسبة ، يعني ما تفتكر العرض دا مفتوح كدا على طول ،،
الإكسبايري ديت يو هاف تو فيكس إت يورسيلف!! أوكي؟ يلا ادينا
اقتراح !!!

اب عاج

Quote: في زول سألك من الحساب عشان ما تبيع الأصول كلها (الإنتا خابرها)عشان

الاصول الانا خبرها يا حبيب امس استلمنا من مدير اعمالنا سبعمية ريال..
تخيل المسالة دي بس عايزة مدير ادارة موارد بشرية جيد..
وقد تم تعيين حمد فتح الرحمن (بيرسونيل منجر)
والحق يقال فقد ابدى مهارة فائقة في ادارة الكوارث التي كادت ان تحيق بي ..

دكين .......سلامات (أول مرة ألاقيك من زمن الباكستانية القاتلة)
المهم ... حصل شنو في موضوع سويسرا ؟؟؟؟
العرض ساري ؟؟ ولا في مستجدات ؟؟؟
لأنه شايفك مركز مع الشباب في الرياض وكده .... وهمشت العرض تماماً..

________

والله فعلا ياحاتم انا برضو عايز اعرف الزول
دة عمل شنو فى موضوع سويسرا ولايكون عصام جبرالله
قنعه منها.
يادكين السواى ماحداث
(الشقة مابتوقف ليها عرس)

Quote: يادكين السواى ماحداث (الشقة مابتوقف ليها عرس)

بس العرس بوقف ليهو حاجات تانية..

Quote: حصل شنو في موضوع سويسرا ؟؟؟؟ العرض ساري ؟؟ ولا في مستجدات ؟؟؟

ازيك
يازول ابشرك الامور ماشة تمام..
انتا بس شد حيلك معانا في (شير) التزاكر..

ياااااااااادكين انت لسه مالقيت بيت

عموما في بيت نمل ناصيه .....

في غبيرا قريب لمطعم العباسيه تعال شوفو..

Quote: في غبيرا قريب لمطعم العباسيه تعال شوفو..

عشان بجيك..

Quote: سويسرا

ياسحر سامدهشة ممكن بليز رقم الفاكس عشان ارسل ليكي صورة الجواز...

كول مى قبل ماتتحرك
اوكى ؟

Quote: كول مى قبل ماتتحرك اوكى ؟

ياخوي بطلناها ذاتو..
بلغ الاحباب..

يا قريبي
وردنا نبأ عاجل
انك في السودان
ومضهب مع غنم الامتداد
والعهدة علي الراوي

والله يكضب الشينه

Quote: والله يكضب الشينه

دي منو الشينة دي؟؟

Quote: الاصول الانا خبرها يا حبيب امس استلمنا من مدير اعمالنا سبعمية ريال..

ممتاز جدا و دا بمثابة سند استلام اسفيري ...
كدا يكون باقي السلفة
و دي طبعا متفقين على ان السداد يكون باقساط على مدى 12 شهر من تاريخه ...
تمام يا حبيب







امضاء
مدير ادارة الموارد البشرية
حمد فتح الرحمن

حمد امبس
نحنا نتحلا من العربي ده تمرق لينا انتا؟؟
اتصلح معانا عشان اطلعك كورسات (ادارة عربان)..
نجي نقعدك تلاتة يوم مع معتصم وابو وجيدة عشان تعرف الناس دي بتفكر كيف..
ديل كوارث حيكون كورس زي ادارة الكوارث ..




CEO
دكين

ياناس الرياض
عندكم كم ذى دكين؟
احمدو ربكم بينكم واحد من اجمل الناس
مفروض تشيلوهو فى عيونكم يا اوغاد

والله يادكين لو كنت فى دبي شقتك تجهز فى ثوانى
ونشيلك فى عيونا ياعسل

عزيزي دكين...سلامات

تسلم كتير على كلماتك الحلوة...

آسفة على الغياب...لكن قصة سناء أحزنتني جدا...

تعرف...لما تجي سويسرا ح تكتشف أنو في جماليات كتيرة بتحتشد في دواخلك...

ح يكون عندك مفهوم مختلف عن الجمال والبرتقال...

أنا مؤمنة بيك وبحس أنك ح تكون حاجه كبيره انا لازم أساهم في إكتشافها....

العرض ساري حتى نهاية مارس...

بعدين عمد سويسرا وافقوا ليك بالإجماع...

مودتي

Quote: والله يادكين لو كنت فى دبي شقتك تجهز فى ثوانى ونشيلك فى عيونا ياعسل

زمان كنتا بقول لي ود عمتي
والله تجي الخرطوم دي انا اشغلك في القصر الجمهوري..
وكان عندو زراعة وبوابير وشغلات من الصعب يخليها عشان يجي.,.
اها اول ما جا الخرطوم بعد زمن..انا زحيت جيت الرياض..


ياعصام ياخي مودتك وصلت تب والفيك اتحرت والاف تشكراتي..
بس اعمل حسابك فمادبي على الله ببعيدة..

يقول العرب
ان من منتهى الود ان يصف الانسان اخاه وصفا ويتبعة بياء (تملك الود)
كنحو عزيزي
وصديقي
وحبيبي
وعديلي
إذ انه يمكن للانسان ان يتخير من هذه الوصوف تراكيب اخرى فيقول عوضا عنها
العزيز فلان او الصديق فلان او الجميل فلان مانحو ذلك..
ولذا فان الصاق (ياء منتهى الود) في اسماء الموصوف هي دلالة على انتهاء الود عنده وفائق الإلف والمودات..
وعلى هذا النهج سار اخواننا في حزب الامة فنرى الاخ وراق يقول فيما يقول
الحبيب عادل والحبيبة لنا والحبيب نقد..
لان الود بينهم ودٌٌ مرسومٌ بدقة وصرامة التنظيم وهو ودٌٌ صنعه اول ما صنعة الامام المهدي وكان بادي الامر وداً وإلفاً في معنى الود والإيلاف ..
وبمرور زمان السودان وهرج الناس ومرجهم تحول الود المنتوج من الف لام التعريف الى ودٍ املته ظروف الساسة والسياسة فصار لقباً لافراد الجماعة لا وداً نابعا من معاني مسميات الاشياء..
وذلك امرٌ لاغبار عليه ولا رد..
فان ود الجماعة المسيسة هو ودٌ له اطار معلومٌ وحدٌ محدود..
لايجوز تجاوزه الى ودٍ اخر وإلا اشتبه الامر على عموم العامة..
والاحزاب عموما امرها عام إلا الاحزاب السرية واحزاب زمان التوالي..
فان امرها اغتم على الناس وصار ضبابيا فلا يعرف الانسان في زمان الناس هذا الخارج منها والقادم اليها والهارب الى غيرها والى الله المُشتكى ..وذلك امر اخر له حديثٌ اخر..
وعودا الى الوصوف المعرفة بالالف واللام..
فإن قال وراق مثلا الحبيبة فلانة فان ذلكم امرٌ معتاد..
ولكنه ان قال (حبيبتي فلانة)فان ذلك يقع في وادي اخر غير الوادي المعلوم..
وقد تقع حرابات على اثر ذلك وقد تهدر دماء..
باختصار كده ..
ما اود قوله ايها الاحباب -وانا قد اطلت عليكم بهذه المقدمات -اود ان اقول ان من الود ان يقول لك احدهم
(لعزيز دكين)
ولكن من منتهى الود والإيلاف ان تقول لك احداهن

Quote: عزيزي دكين...سلامات

افرايتم كيف هذه الياء تمضى موغلة في ياسمين ايامي؟؟
اورايتم كيف ان هذه الياء تتعرج في ثنايا المودة يلحقها السلام؟؟
هل راى احدكم ياءً ذات إيلاف قريب كده في الايام الفاتت دي؟؟
هل راى احدكم عظيم الشبه مابين هذه الياء ومابين كبري الحديد بتاع بحري
كلاهما يسيطران على حالات الوجد والولف والمحنات..
تلك يا احباب ياء منحة موغلة في زنبقة هذا المساء الجميل..
خصوني بها في مساء الله البديع هذا..
الا ليت كل المساءات آسرةٌ مثلها ..

شكرا يا سحر على هذه المودة البليغة التي اسرتيني بها..
وياخي قتا ليكي انا جادي
جااااااااادي
نبكي ليك يعني هنا ولاشنو؟؟
في زول بقولو ليهو ارح سويسرا وبقول لا خليني افكر؟؟
يعني لو في زول بقدر يقول كده إلا يكون واحد من اتنين يا إما به مس من جنون يا ساكن جنب النبي..
وانا زول ساكن جنب ناس تمبس ..
وليس بي شي من جنون..وعصام يشهد..

Quote: افرايتم كيف هذه الياء تمضى موغلة في ياسمين ايامي؟؟ اورايتم كيف ان هذه الياء تتعرج في ثنايا المودة يلحقها السلام؟؟

الإنهيار الدكيني!!!
أحمد الله أن أحيانني إلى زمنٍ أشهد فيه إنبهال ((الياءات الثلاثة))!!
==
على كل أنحنا برضو عندنا من الياءات الكثير ،وطبعاً كنا عند كلمتنا
إلى أن دق فينا (بضم الدال) هذا الناقوس في ساحة عامة ، واليوم فقط
أفهم قولاً كثر ترداده في الأخبار والأنبار : ((الأجندة الخفيفة))،،
خاتينا طعم ها؟
لذا (أتخذنا ماهو آت
يتدحرج عرضنا إلى 15 مارس (والفندق : فندق الجنوب - حراج بن قاسم)،،
=
كان ما متوضي فيها تلحق وفيها ما تلحق ، وخليها نضارات خدر تنفعك!!

Quote: يتدحرج عرضنا إلى 15 مارس (والفندق : فندق الجنوب - حراج بن قاسم)،،

تاني الجنوب يا اب عاج..
في اي حتة نحنا الجنوب ده مبارينا؟؟

نكتة مهداة الى العزيز دينق

قالو واحد جلابي بسمع في الرادي قام سمع المذيع بقول:
(..هذا ولاتزال الاوضاع متوترة في جنوب لبنان)..
قام قال لي الجلابي القاعد جنبو :
ياخي الدينكا ديل في اي حتة عاملين شمطة...
خخخخخخخخخخخخخخخخخ
حلوة موش؟؟

يا دكين لقيت الشقة
ما مشكلة اذا ما لقيت ( واصلك ما حتلقى ) ممكن تسكن في السطوح عندنا اهو نعطيك لحاف ترفشها والعروسة تجيب معاها قصرية لزوم الكاكا

Quote: لحاف ترفشها

حمزاوي..

مسكاقمي
إنت كي بورتيكـ ده عاضي ولا مزغلل..
بتسطح حرف وتفرش حرف..

يا الخال قالوا..



الجاور السعيد بيسعد..

همزاوي

ياخي انتا قلة ادبك دي طبع ولا مع الاقامة ؟؟

.....
رب شقتة يبحث عنها أحدكم، فتقوده لشقة لم تكن في الحسبان أو كماقالت الشيخة نفسية ناصحة أحدهم في تكية البورسعيدي ابن الفقيه - موطأ البخت و النصيب يا صابت يا تخيب ...
يا دكين يا عزيزها، الأيام دول،
و دول أيامك الآن تيمم نحو الشمال
فلا تفلت الفرصة لأنها لا تأتي لأمثالك إلى مرة واحدة و هم نيام،
و استثنتك السماء لنعيمها
و ساقت لك الفرصة و أنت صاحي و بتكتب في س أون لاين و مستني الأمل من قلة عينها بصيرة و ايدها قصيرة و آخرون مستكثرون ...
يا مؤمن،
عليك بالتوكل، ومن ثم أعقلها،
و من ثم اركب السويس اير ما تقيف إلا في زيورخ
و تم الباقي قطار و باصات حتى تصل مرابع جنيف و ضواحيها ...

يا دكين يا و لدي، لا تكن كقوم جاءهم قوم بعرض و رفضو عرضهم فقعد القوم الأولون نادمون على تفويت القوم الآخرين ....

Quote: من ثم اركب السويس اير ما تقيف إلا في زيورخ

كلنا شايفين كده ياعزاز

ربنا يهديهو ويعدلا عليهو شقيش ما يطير

Quote: رب شقتة يبحث عنها أحدكم، فتقوده لشقة لم تكن في الحسبان

لوووووووووووووووووووولوز
وغدة بي جدارة
احسبك لم تقصدين ما يجول بخاطري اللطيف..

ياعزوز يابتي
لقد وافقنا على العرض وحزمنا حقائبنا وهانحن ننتظر عمودية سويسرا والجميلة التي ترافقهم..
الاشكال انو عصام وسحر ديل زي( بيوتي اند زه بيست)
ما مصدق انهم يكونو في حتة واحدى..


عزوز مشتاقين..
ردي على التلفون..انعل ابو شكلك..