احداث في الاهلية.......شاهد عيان يروي (الجامع ذنبو شنو)

حدثت احداث اليوم في الجامعة الاهلية تم فيها رمي المسجد بالملتوف , قريبي
يدرس في الجامعة روى ان المشكلة بدات بين الكيزان والشيوعين , عرفنا المشاكل
والخلافات بس بيت الله ذنبو شنو؟

انباء عن 6 مصابين

لاحول و لا قوة الا بالله

حتى المسجد

والله يا وائل قريبي حكى ان الاعتداء طال بوابة المسجد منذ البداية

ضربت لي زول شغال في الجامعة قال انو المناوشات تمت بين الكيزان والشيوعيين
ادونا باقي التفاصيل يا شاهدي العيان



وربنا يحمي الاهلية

هل هناك تفاصيل اسوأ من الاعتداء بالملتوف على المسجد

التعديل بسبب خطأ املائي

والله مافي اسوأ من كدا يا استاذي عبد الرحمن

وكلو ولا بيوت الله

الاخ بكري اخجلتني بكلمة استاذ
يجب ان يوضع ميثاق شرف لحماية دور العبادة

Quote: حدثت احداث اليوم في الجامعة الاهلية تم فيها رمي المسجد بالملتوف , قريبي يدرس في الجامعة روى ان المشكلة بدات بين الكيزان والشيوعين , عرفنا المشاكل والخلافات بس بيت الله ذنبو شنو؟

عبد الرحمن كيفنك

انت قايل الموضوع البوديهو الجامع شنو
الخطوات كالاتي:-
1-يبدا التحرش من الكيزان
2-كلام ونقاش
3-الحكاية تسخن
4-يضربوا لي باقي الاخوان
5-يمشوا(الجامع)يجيبوا السيخ والعصايات
6-يكابسوا الركن
7-الضرب يدور
8-يخارجوا الطلبة من الجامعة
9- 999


من زمنا الفي الجامعة بتحصل كده لكن الظاهر المرة دي انتقلوا من الخطوة 5 الي 7 طوالي

******

اسال زول حصل ليهو الكلام ده كتير شوف ناس مصطفي سري مثلا
ولا ودي الخبر ده بوست الاهلية واسال هناك

البوست نور يا امونة
ان تبدا المناوشات من اي طرف هذا امر لكن لبيوت الله حرمات لا تنتهك

الاخ عبدالرحمن ، سلامات
الان هي القصة في المسجد ان في المشكلة واصابات طلاب ، من الذي يستخدم المسجد اصلا
كهدف غير الاسلاميين ، وكما قالت الاخت امنة فنحن عاصرنا الكيزان منذ التسعينات هم
الذين يبدأون التحرشات وليهم اسلحتهم التي يخفونها في المسجد وهذا معرفوف وانت
اذا تم الاعتداء عليك من موقع حتى لو كان مسجد ستجد نفسك مضطر للدفاع عن نفسك وربما
الدخول الى المسجد لمطاردة اعداءك ، حتى هؤلاء الكيزان في مشكلتهم مع اخوانهم انصار
السنة ضربوهم بالقنابل المسيلة للدموع في كل مساجد انصار السنة ، اذن القضية ليس
الجامع ذنبو شنو ، القضية لماذا اصلا يحتمى طلاب الحركة الاسلامية بالمسجد ويخفون فيه
الاسلحة من سيخ الى مولوتوف ؟

ضربت كم تلفون قالو لي المشكلة بين انصار السنة والجبهة الديمقراطية

Quote: انصار السنة والجبهة الديمقراطية

يعنى كيزان وقلنا داسين السيخ فى الجامع
اها انصار السنة داسين شنو

مصطفى سري سلامات
المشكلة كما قالت امنة بين انصار السنة والشيوعين بسبب ترديد
الشيوعين للكولن اثناء الصلاة

حقيقة الكيزان دائما يحتمون بالمسجد ويخفون اسلحتهم فيه

اذكر في العام 1997 عندما كنا في السنة الثانية انجليزي عندي ود خالي ما عندو اي قضية بالسياسة ولا الادب ولا الفن زاتو فاذا بالكيزان (كيزان زمان ما زي كيزان الان) في معركة من المعارك قبضوهو الجماعة لا ايدو لا كراعو وودوهو المسجد وتعال شوف هاك يا سيخ واسلحة من كل الانواع (عاملين المسجد ترسانة) ملصوهو هدومو وكبو فيهو الموية وهاك يا جلد بالكسين وحاجات غريبة وعجيبة (كلو الكلام دا في المسجد)

وبرضو بيقولو نحن حماة العقيدة والوطن؟؟
أي عقيدة وأي وطن؟؟

الله يجازي الكان السبب

اصدر انصار السنة بيان اليوم

Quote: بسم الله الرحمن الرحيم طلاب وطالبات جامعة انصار السنة المحمدية بيان ههم قال تعالىومن اظلم ممن منع مساجد الله ان يذكر فيها لااسمه وسعى في خرابها اولئك ما كان لهم ان يدخلوها الا خائفين لهم في الدنيا خزي ولهم في الاخرة ولهم في الاخرة عذاب عظيم) البقرة .114 الاخوة والاخوات طلاب وطالبات جامعة ام درمان الاهلية لعلكم تتابعون النشاط المتواصل لجماعتكم جماعة انصار السن المحمدية في حلقاتها ومنابرها ودروسها ومحاضراتها داخل الجامعة مما كان له الاثر الطيب في الرقي بالخطاب داخل الجامعة نشرا للعقيدة الصحيحة ودعوة الى اتباع النبي (ص) وتزكية النفس من ادران الذنوب والمعاصي مما وجد القبول الكبير داخل الجامعة. الاخوة والاخوات لعلكم تابعتم ما دار من احداث مؤسفة بالامس القريب 24/2/2008 وتتمثل في حرق حرق مسجد الجامعة اثناء محاضرة للجماعة داخل المسجد واصابة بعض المصلين بالحروق واصابات اخرى , بل وصل الامر الى (سب الدين) تزامنا نع الاساءة الى النبي (ص) كل هذه المشاكل والاحداث ادارتها الايدي الشيوعية الحمراء لتسقط كل الاقنعة المستترة بها ويظهر الوجه الكالح (الدين افيون الشعوب)(الدين ممنوع)(استطعنا ان نلغي ونزيل كل الحقائق الابدية والالهة والجنة والملكوت.........الخ). الاخوة والاخوات طلاب جامعة ام درمان الاهلية اننا في جماعة انصار السنة المحمدية ازاء هذا الحديث نؤكد الاتي: 1-ان ما قام به الشيوعيون بالامس ما هو الا ضرب للدين والاسلام كما فعلوا بمسلمين القرم حيث قتل 200 الف في عام 1924 وفي تركستان الشرقية والغربية 400 الف مسلم والا فما هو المبرر لسب الدين. 2-ان هذه العلمانية والديمقراطية والحرية المسالمة التي يدعون اليها في منابرهم فاي فكر واي علم تقدمه الشيوعية سوى التخريب وما تاريخ السودان عنهم ببعيد. 3-ان اعاء الشيوعيين بانهم كانوا يريدون تصفية حسابتهم مع الكيزان غير مقبول لسببين: أ/ان اماكن العبادة ينبغي ان تعطى حرمتها وليست مكان لتصفية الحسابات وبذلك يعلم كذبهم حينما يقولوا (الدين في الجامع) فهل ستتركون المسلم حتى في الجامع؟. ب/اذا اردتم تصفية الحسابات حقا فدونكم دارالمؤتمر الوطني ودونكم القصر الجمهوري ودونكم(كيزان الجامعة) في اي مكان غير دور العبادة لكن ان يكون داخل بيت الله هذا ما لا يبرره دليل وليس لهم منه مخرج 4-ان الجامعة ليست مكانا لتصفية الحسابات وانما للعلم والترقي في جميع النواحي المعرفية والا سوف نسمع عما قريب من هذه المشاكل (كانت هنا جامعة ام درمان الاهلية) 5-اننا في جماعة انصار السنة قادرون تماما على حماية منابرنا ومحاضراتنا ومقدساتنا ونحذر اي قوة داخل الجامعة من هذه الافعال والا فاسألوا تاريخ الجامعات ومنابرنا القادمة سترون فيها ما لاتسمعون. 6-ندعوا كافة الطلاب للوقوف لحماية مقدساتهم ودينهم اذ المساجد لله وليست لحزب معين وانما هذه الاحزاب تنقم على الطلاب تمسكم ورجوعهم الى دينهم (وما نقموا منهم الا ان يومنوا بالله العزيز الحكيم) البروج .8 7-ندعوا ادارة الجامعة الموقرة بالتدخل ومحاسبة كل من شارك في هذا العمل التخريبي وحزمه باردع العقوبات وادانتهم قانونيا حتى لا تكون دعة الى دنمارك اخرى من خلال صرح علمي شامخ. اعلام الجماعة 25/2/2008 [blue\]

الاستاذ عبدالرحمن الضو
تحياتي
برجاء مدنا بمصدر هذا البيان يعني نشر بصحيفة او ارسل لك على ايميك
وساعود بعد اجابتك

شاكر ومقدر

عبدالعزيز حسن علي

و سؤال اخير حول البيان
اي جناح من اجنحة انصار السنة المحمدية مصدر البيان لو كنت تملك الاجابة اكون شاكراً

الاخ عبدالعزيز
البيان اتى به ابن خالي يدرس في الجامعة وهو بحوزتي الان حاولت
انزاله بالكاميرا وفشلت.
اما عن اي جناح صادر فلا ادري ولكن اعتقد ان الجامعات ليس بها سوى
جناح ابوزيد لان شباب انصار السنة مع ابوزيد وضد المشاركة في السلطة
وخاصة شباب الجامعات.