الســودانييــن والـكــــــــــــــوع

نحن من شعوب الله المحتارة جدا في مسالة كوع الرغيفة .. لذيذ ، خاصة لما نجيبه من الفرن ، ما في اي امكانية انك تقاوم القرمة ، مهما كان وضعك ، عالم ، او بتاع ورنيش ، متفلسف زي بتاع الكورة والا متطنقع زي ناس قريب من العين وقريب من القلب ، بتقرمه بتقرمه ، ومهما انت صغير دقوك او جضموك ونهرومك وقالوا ليك الضيوف ن داخليا بتكون مستمتع بي القرمة بتاعة الكوع .
واذا ربنا انقذ الرغيفة من القريم حتة تصل الصينية مقطعة بايدي نسائية تلقى الانظار تتجه للطرف الفيه الكوع .

وقد عاني الشعب السوداني الفضل معاناة كثيرة جدا في سبيل القرمة دي
ففي عهد جعفر المنصور كان يسهر لحد الفجر في انتظار ان تخرج الرغائف سحنة وشهية فيقع فيها تقريما دونما هوادة ، وجاءت حكوكة هلم جرا وكان الحال هلم جرا الى ان جاءتنا الحنينة السكرة
بدت بالجهاد وانتهت بي شراكة وغزل ، والشعب ورا الكوع يعاني
وآخر ما وصلت اليه شركة الحكومتين ( الحنينة السكرة) انها رفعت السعر بنسبة 25% يعني انخفاض في القرمات بتسبة 25%
يعني البشتري اربع رغبفات عنده 3 قرمات
والبشتري رغيفة واحدة الا يشم الكوع من الجيران
وعشان ( زي ما بقولوا ناس الاقتصاد : تصل لدرجة الاشباع من المنغعة ) عندك واحد من اتنين
( قديما كانت : يا مدعوم ، يا تقوم) والتي تحولت الى
يا متوالي
والا شغال غسيل طوالي

والعاقبة عندك في الاكوع
ويا الشعب السوداني الجاتك في كوعك قرمتك

Quote: والبشتري رغيفة واحدة الا يشم الكوع من الجيران وعشان ( زي ما بقولوا ناس الاقتصاد : تصل لدرجة الاشباع من المنغعة ) عندك واحد من اتنين ( قديما كانت : يا مدعوم ، يا تقوم) والتي تحولت الى يا متوالي والا شغال غسيل طوالي والعاقبة عندك في الاكوع ويا الشعب السوداني الجاتك في كوعك قرمتك

أو الجاتك في قرمتك كوعتك!

Quote: أو الجاتك في قرمتك كوعتك! :

الحبيبة منى خوجلي

بيك افرح

ويسعد الصباح

البنية والحفيد عساهم بالف خير

مودات بالكوم

د. محمد حسن
تحية وإحتراما ,,,
____________________________________________________

Quote: ففي عهد جعفر المنصور كان يسهر لحد الفجر في انتظار ان تخرج الرغائف سحنة وشهية

في عهد جعفر النميري ... (وسقاها الله من أيام)

كنا بالريال ( 10 قروش ) بنشتري عشرة رغيفات ..

ولما يزيدوا الرغيف ولا السكر الناس بطلعوا يظاهروا لحدي ما يلغوا القرار




هسه الرغيفة بقت بكم !!!!

ولا بقت ( لحست كـــــــوع )


وربك يعّين .......



_________________________________________
أيدينا ياولد ... أيدينا للبلد

Quote: ولا بقت ( لحست كـــــــوع

الاخ الكريم الخطيب

طبعا لحس االكوع

مقدم للزمن القادم

وهو زمن شم العود

واسال كبارك من شم العود

( وحفاظا على البوس من هجوم الجنادر احتفظ بالاجابة بيني وبين )
سلمت

العزيز د محمد

ياربى دى بيكون ليها علاقة == بلحس الكوع == القاصدنها الجماعة بتاعين الحكومة


مودتى

أسامة

د. محمد

من العنوان أنا قايلو بخصوص ( الكوع ) .. نسبة إلى نوم الكيعان الذي إستشرى.

و ما دام هو :

Quote: واذا ربنا انقذ الرغيفة من القريم حتة تصل الصينية مقطعة بايدي نسائية تلقى الانظار تتجه للطرف الفيه الكوع .

تقصد النسوان ما عندهن شغلة بالــ ( الكوع ) دة ؟؟؟

الدكتور ..

ذكرتني الشاعر العبادي رحمه الله حينما قال ..

يا شيخ العجم جربت لحسة كوعك ...

كل عام واكواعكم ملحوسة ...


ود الباوقة

يا حليل زمن القريم يا دكتور يا ما قرمنا اكواع الخبز

يا زول ولا تزعل الجاتك في قرمتك خسرتك

Quote: يا زول ولا تزعل الجاتك في قرمتك خسرتك

انا ما زعلان يا هشوم

انا خايف من ناس الزكاة

Quote: كل عام واكواعكم ملحوسة ...

والله يا ود الباوقة
بطرقتكم دي

كوع زاته ما بناقته نلحسه

وبرضو مشتاقين

Quote: تقصد النسوان ما عندهن شغلة بالــ ( الكوع ) دة ؟؟؟ ¿¿¿

الحبيب

جلابي الدين

من مؤلفاتنا القادمة

عرق النسا

والكوع البقى ملحسا

لي عودة

لا

ليها عالاق

بالبوع

بتاع الناس

الحاكماهم الحكومة

طبعا انا ما بعرف اتكلم في الياسة

الأخ محمد حسن
مدخل:
دعني أمطوح الموضوع كالعهد بي دائماً وأترك المش عارف إيه كده وأتعلق بالبردعه كشأني في الأشياء كلها. لا أتفق معك أن للرغيف كوعاً وأن هناك أنواع من الأرغفة تكون دائرية الشكل أى أنها تحاكي رجل الفيل فبالتالي ينتفي كون لها كوعاً أو نهايةً حتى، والحال كذلك إنحصر الأمر في العيش التوست أو الصامولي – كما نقل لنا هذه التسمية بعض من الذين إغتربوا في دول الخليج العربي ، وقد حاولت جاهداً إعادة التسمية وتجريدها وتحليلها ولم تفلح كل محاولاتي فتركت الأمر والأمر لله من قبل ومن بعد – نعود لرغيف الخبز أو كسرته فالجزء الذي تتحدث عنه أخي الكريم لا يمكن تسمية كوعاً بقدر ما يمكن أن نقول عليه حد الرغيفة - وهي غير حد الحرابة طبعاً - حتى لا أتفلسف وأقول بدايتها ونهايتها.
اكل هذا الجزء من الرغيفة هو شئ كما اخبرنا فران بن خباز عامل نفسي لا أكثر أى أنه لا فائدة مرجوة من أكل هذا الجزء خاصة وأنه قاسي وصلب بعض الشئ عن بقية أجزء الرغيفة والفائدة الوحيدة في تقديري المتواضع لهذا الجزء من الرغيفة أنه إذا تم عمل سندوتشاً – أو قل شاطر ومشطور كما أتحفنا بذلك العلامة جلال بن داؤود في إحدى مقالاته الرائعة – سوف يكون في أحد النهايتين نوع من المحافظة على الحشوة خاصة إذا كانت متميعة أو هلامية كأن تحشي مربي أو عسل أو شئ من ملوخية أو ويكه ، فتكون إحدى النهايتين بمثابة دعامة أو قل ترس أو سد حتى في وجه تدفق أو سيلان الحشوة على أن تكون القرمات – جمع قرمة – من الجهة التي لا نهاية لها أو التي طالتها السكين إذا كان رغيفكم من النوع طويل التيلة.
وبعدين عن الرغيف وسعره لابد أن نتوقف عند مكوناته وهو الأمر الأهم فقد سمعتم وقرأتم وربما رأيتم بروميد البوتاسيم في الرغيف فنحن أمة تعاني من حماية المستهلك ومن حقوق المستهلك فتأكل أى حاجة وعلى الله يا أخينا ، أو ما في زول بموت قبل يومو ، عشان كده يار يت كوع العيش البقي لي سهر ده أولاً يكون هو في الأساس فعلاً كوع عيش بعدين لحسناه أو أدونا بيهو لكزه دي تكون مرحلة تاليه.
====
توقيع:
حين يكون الحبُ كبيراً..
والمحبوبة قمراً..
لن يتحول هذا الحُبُّ
لحزمَة قَشٍّ تأكلها النيرانْ..
(نزار قباني)

Quote: دعني أمطوح الموضوع كالعهد بي دائماً وأترك المش عارف إيه كده وأتعلق بالبردعه كشأني في الأشياء كلها. لا أتفق معك أن للرغيف كوعاً وأن هناك أنواع من الأرغفة تكون دائرية الشكل أى أنها تحاكي رجل الفيل فبالتالي ينتفي كون لها كوعاً أو نهايةً حتى، والحال كذلك إنحصر الأمر في العيش التوست أو الصامولي – كما نقل لنا هذه التسمية بعض من الذين إغتربوا في دول الخليج العربي ، وقد حاولت جاهداً إعادة التسمية وتجريدها وتحليلها ولم تفلح كل محاولاتي فتركت الأمر والأمر لله من قبل ومن بعد – نعود لرغيف الخبز أو كسرته فالجزء الذي تتحدث عنه أخي الكريم لا يمكن تسمية كوعاً بقدر ما يمكن أن نقول عليه حد الرغيفة - وهي غير حد الحرابة طبعاً - حتى لا أتفلسف وأقول بدايتها ونهايتها. اكل هذا الجزء من الرغيفة هو شئ كما اخبرنا فران بن خباز عامل نفسي لا أكثر أى أنه لا فائدة مرجوة من أكل هذا الجزء خاصة وأنه قاسي وصلب بعض الشئ عن بقية أجزء الرغيفة والفائدة الوحيدة في تقديري المتواضع لهذا الجزء من الرغيفة أنه إذا تم عمل سندوتشاً – أو قل شاطر ومشطور كما أتحفنا بذلك العلامة جلال بن داؤود في إحدى مقالاته الرائعة – سوف يكون في أحد النهايتين نوع من المحافظة على الحشوة خاصة إذا كانت متميعة أو هلامية كأن تحشي مربي أو عسل أو شئ من ملوخية أو ويكه ، فتكون إحدى النهايتين بمثابة دعامة أو قل ترس أو سد حتى في وجه تدفق أو سيلان الحشوة على أن تكون القرمات – جمع قرمة – من الجهة التي لا نهاية لها أو التي طالتها السكين إذا كان رغيفكم من النوع طويل التيلة. وبعدين عن الرغيف وسعره لابد أن نتوقف عند مكوناته وهو الأمر الأهم فقد سمعتم وقرأتم وربما رأيتم بروميد البوتاسيم في الرغيف فنحن أمة تعاني من حماية المستهلك ومن حقوق المستهلك فتأكل أى حاجة وعلى الله يا أخينا ، أو ما في زول بموت قبل يومو ، عشان كده يار يت كوع العيش البقي لي سهر ده أولاً يكون هو في الأساس فعلاً كوع عيش بعدين لحسناه أو أدونا بيهو لكزه دي تكون مرحلة تاليه. ==== توقيع: حين يكون الحبُ كبيراً.. والمحبوبة قمراً.. لن يتحول هذا الحُبُّ لحزمَة قَشٍّ تأكلها النيرانْ)

في كتابه فتح الفرن

لخبز الرغيف باللبن

ذكر الشيخ طابون

ان البروميد مستحسن في نفسه

مفسد في استعمال
لكن نعمل شنو ؟

ثم غني

انت يا الكوع المحمر

ناس بقلولو قعر مدور

ولا نامت اعين الفقراء

إن من الكبائر أن يتعزز علينا الرغيف ولا نغني له أو ننشد له حتى فقد تعزز الليمون فغنينا له ، وعزة الليمون ليست كعزة السودان أو عزة نفسي وكان يمكن عدم حدوثها حتى لولا أن بالغنا عديل كده في ريدو ، لكين الرغيف نحن لا نريده ولا نحمل براهو ، يعني ما في أى أوبشن يا رغيف يا رغيف. فهو في أحسن صوره أصبح محرقاً ومشققاً وخفيف وزن ومحتويات الله وحده أعلم بها ومع ذلك يهمنا أن يتوفر وأن لا يساهر بنا كما فعل في إحدى الحقب العجاف التي توالت على البلاد وما أنفكت ناهيك عن إندثار البدائل من كسرة وقراصة أندثرت كصناعة بعد إنقراض جيل الحبوبات ناهيك عن تكلفتها كصناعة وحنكشة النساء التي عمت القري والحضر.
يقول السير "ياخ دا شنو ياخ" رئيس جمعية حماية الإنسان السوداني من الإنقراض بأن من يأكل من وسط رغيف الخبز ويترك اطرافه اليابسه فهذا انسان عملي يحب ان يدخل في لب الموضوع تووش ولايهتم بالامور السطحيه او القشور. عكس ما يفعله الكثير من السودانيين الذين يكدون دومة الرغيفة ويقدونها من قبل ودبر ويجعلونها بلا رأس ولا ساق حتى فهم يعبرون عن الشخصية التي تتمسك بالقشور أى تتشعبط بالبردعة وتترك الحمار وقد قال فيهم المثل السوداني " عينك في الفيل وتطعن في ضلو" ولأن النظر خف بالقدر الذي أصبحنا نري معه الفيل سواء فيل إن أو فيل آوت Feeling less بعد أن تجردنا من الشعور طوعاً وكرهاً ومات فينا الإحساس وبقينا نردد مع رمضان زايد الما حاسه بي وما شاعره بي حالي ، كان لابد أن لا نفرق بين الضل والفيل بعد أن أشكل علينا الأمر وذلك هو الضلال المبين.
علينا أن نقول لا لأي قرار حكومي، فهو ليس قرارا سماويا بل اجتهاد حكومي، وعلى الشارع أن يُسمع صوته ويقول لا بصوت عال.. لكين ما بنقدر لأنو الشارع زاتو بقي شوارع ، ففي شارع الظلط وشارع النص وشارع الردمية وشارع التراب وشارع عبيد ختم وشارع القصر وشارع النيل وما تنسوا شاعر بيتنا الكان منور لكن أولاد الحرام كسروا نور العمود بي النبله.
==
حين يكون الحب كبير
والمحبوبة قمر
لن يتحول هذا الحب لحزمة قش تأكلها النيران

Quote: إن من الكبائر أن يتعزز علينا الرغيف ولا نغني له

لم تقل الا حقا يا اخ العرب

وغي هذه الحالة يتوجب علينا الاستغفار والكفارة

Quote: من مؤلفاتنا القادمة عرق النسا والكوع البقى ملحسا

اولا يا ادريس جزاك الله خير

إلى جميع المتداخلين
رد جماعي على وزن الزواج الجماعي
قالت له بعد تزوجا جماعيا واختلفا فرديا ومعيشيا
يا زول طلقني ورجعني محل ماجبتني
قال ليها بكل برود : انتظري لحد ما الدوري يخلص
قالت غاضبة : انا مالي ومال الدوري ده علاقته شنو بالحاصل بينا
رد عليها ببرود أكثر : اصلو انا جبتك من الاستاد!!!!
وحتى ينتهي الدوري
لكم جميعا التقدير على الاضافات
وجايكم واحد واحد
بس
عندي اقتراح قبل ما يطير انزله
بما أن أجهزة الإعلام وخاصة الفضائية السودانية بتقدم عدد من البرامج عن معاناة انسان السودان من تدني اجور وبطالة وانهيار اقتصاد وزيادة سعر العيش وجوطة شديدة حاصلة ما عارفين يبتدوا بي ياتو عشان ينتهو من ياتو! فانا اقدم اقتراحي المتواضع لشركة الحكومتين ينفذ عن طريق ادارة الزكاة ألا و هو عمل اكشاك زي اشكاك رامبو زمان الباعو فيها العدس والارز الاريتري لما قايضناهم اديناهم مخزوننا الاستراتيجي من الذرة وادونا العدس!! ، نحن جاتنا المجاعة السنة اياها وهم اكلو عيشنا وشربوه ، ايام صلاح كرار 1990/1991 ( يا حليلوا صلاح كان اقيف واحد في مجلس الثورة ، أو كما تقول نسوتنا يايمة زي الجِنْيات لي حدهم)
اها الأكشاك دي يسموها أكشاك الزكاة للحس الكوع أو (القعر) حسب رغبة الناس فالذين يعتقدون أن مؤخرة الرغيفة (كوع) يلحِّسوهم الكوع والذين يجزمون بان مؤخرة الرغيفة ( قعر) يلحِّسوهم القعر
وتصرف هذه اللحسات لكل مستحقي الزكاة ، باستثناء العاملين عليها لأنهم بياخدو لحستهم قرم
واهم شي ناس المؤلفة قلوبهم بعد توقيع نيفاشا ديل يا تدوهم لحسة أو بقة حسب مقتضى الحال
بس الخوف في السفارات بالنسبة للمغتربين
كيف؟
تمشي عشان تدفع الزكاة ( وأنت غارم) بعد ما يحلفوك المصحف ورقة ورقة حيقولوا ليك بتاكل كم صامولي في اليوم اذا كنت من هواة الصامولي، وبعد معرفة عدد الارغفة حيخيروك تدفع زكاتك لحس والا نقد .!
وبما انه ما حتقدر تلحَّس فيحولوها ليك لي نقد بعد عمليات حسابية بسيطة يعرفوا من خلال خلالها عليك كم لحسة لفقراء السودان يحولوها ليك بالجنيه الجديد وتدفع انت عشان فقراء السودان يلحسوا . اما إذا كنت من مرتادي التميس والمفرود فهنا العملية بتكون معقدة جدا فيحيلوك للجنة اللحس المدور،
ودي تدور بيك البلد داك
وبعد أن استنفدت الشعارات القديمة ( ناكل مما نزرع) كمثال
فالشعار الجديد حيكون :
لَحَّسني حاول حس بي
لحسني خلي الشم علي
لحسني يا بتاع الزكاة

د. محمد حسن ,,,

سلامات ,,,

والماعارف كوعو من بوعو يعمل شنو ؟؟؟

Quote: والماعارف كوعو من بوعو يعمل شنو ؟؟؟¿¿¿

توفي الجميلة

قبل ما اجاوبك

عايز اعرف

نهاية الرغيف عندك

كوع او قعر

عشان اعرف اجاوبك صاح

-

ياااادكتور محمد حسن

انا بصرحه مت من الضحك لاني كنت معذب امي جنس عذاب مع الكعان ديل

كلو يوم باخد لي لبعه لبعتين وكل من الكوع

كع يترحم علي الكوع

3 = شمه كوع الجيران (ده السودان )

Quote: كع يترحم علي الكوع )

يتقبل العزاء بفرني يحي بالسوق الجديد - حي العمدة شرق

ولا اراكم الله فقدا في كوع ( او قعر) لديكم

رئيس احاد الخابز امس في البيت غير السعيد

قال
في ازمة قادمة

دكتورنا
ازيك
الواحد قال يهرب من اسعار الرغيف ويجي البورد يفرق نلقاك جايب شمار الرغيف هنا
لا حول الله
كيف يا دكتور

سفية

يا صفية

تشردو منو وين


مودة و