Post: #1
Title: عاجل: الهلال يفض المعسكر!!
Author: سامى عبد الوهاب مكى
Date: 02-21-2008, 11:41 AM
Parent: #0
ويسرح اللعيبة!!
حا توحشونا!!
بااااااااااااي
|
Post: #2
Title: Re: عاجل: الهلال يفض المعسكر!!
Author: waw
Date: 02-21-2008, 12:53 PM
Parent: #1
((بالريموت كنترول ))
حكمة واللة وحكاية................
|
Post: #3
Title: Re: عاجل: الهلال يفض المعسكر!!
Author: حمزاوي
Date: 02-21-2008, 01:21 PM
Parent: #1
سامي اخوي
مسكاقمي
الهلالاب دول مالهم
ليه عاملين كوراك مع ولدهم ومدربهم صاحب الشعر الرهيب واللبسات الموضة الشبابية والقميص الافرو دا مش كمال شداد لمن فاز برئاسة الاتحاد العام قالوا خلاص استلمنا العام والمحلي ليه بقى حنضل حسع
تعرف يا سامي ناس الهلال دول ما عندهم قضية
إذا الموضوع موضوع تجنيس لاعبين اجانب للعب مع الفرق ( شوف الفرق يشمل كل الفرق مش الهلال بس ) القرار تم اتخاذه من العام الماضي وتم مناقشة القرار وتم التوضيح لكل الاندية بتعميم عام بأن يحق للنادي تجنيس لاعبين وتسمية احدهم للمشاركة في الموسم الكروي فأرتضت إدارات الاندية بهذا القرار وسرح من سرح واعار من اعار المجنس الثاني وابقوا واحد فقط ... وهنا جاء ناس الهلال وقالوا لا مشوا الوضع ذي ما كان نلعب اي واحد فيهم حسب الحاجة أثناء منافسات الموسم يعني قالوا لا للقرار وطالبوا استمرار الوضع على ما هو عليه وحجتهم ان من هو متجنس فيعامل معاملة المواطن ( يا عالم يا هووووي التجنيس هنا كروي فقط يعني يبطل الكورة يسحبوا منه الجنسية ويركبوه التونسية وعلى فكرة المتجنس الكروي لا يتمتع باي حقوق من حقوق المواطنة مثل امتلاك منزل او المشاركة في الناشط السياسي بالانضمام في الاحزاب أو ممارسة حق التصويت في اية انتخابات ) والواضح ان الهلال لم يقف معه اي نادي وكان من الافضل للهلال ان يجمع معه الاندية والوقوف ضد هذا القرار وعدم مناطحة الاتحاد العام بمفرده .
ويا سامي اخوي دي حركات منهم ساي بكرة تلقاهم لاعبين في الدوري وشداد ياهو ولدهم والطريفي ياهو زولهم والارباب حيستمر وحيسير بتعليماتهم والحاصل كلو زوبعة في فنجان ( دق صفايح وطليع فضائح )
وان غداً لناظره قريب .
|
Post: #4
Title: Re: عاجل: الهلال يفض المعسكر!!
Author: حمزاوي
Date: 02-23-2008, 07:07 AM
Parent: #1
نادي الهلال استلم الكروت
نادي الهلال لم يستلم الكروت
نادي الهلال انسحب
نادي الهلال لم ينسحب
الوزير اتفق مع نادي الهلال
صلاح ادريس رفض ما جاء في الاتفاقية
د . معتصم وضح
أ . عماد الطيب اعترض
سعادة الوزير مشى نادي الهلال
الارباب في المدينة المنورة
سولي صار سوداني
أ . هاشم يميل للهلال ليه
الدكتور كمال شداد قاصد الهلال
نحن ما عارفين القرار مقصود بيها شنو
نلعب كم لاعب نحن حرين
حنخلص من الغلوتية دي متين يا ربي
|
Post: #5
Title: Re: عاجل: الهلال يفض المعسكر!!
Author: mo
Date: 02-23-2008, 07:34 AM
Parent: #4
أنه النادي الوحيد القادر علي العصيان ..المقتدر أن يواجه الديكتاتوريات ..من النميري الي شداد ..فالهلال إما قاتل أو مقتول ..لأنه يمثل السودان فأنه لايرتضي بالذل والهوان ... عندما يتخذ الهلال قرارا يزلزل الدنيا ويشغلها ..والاخرون مجرد جوقة في شرف الديكتاتوريات ينهلون من نعيمها ويدورن في فلكها مرددين لبيك اللهم لبيك ..أما الهلال فعندما يقول لا ترتجف الديكتاتوريات...ويتفرج الاخرون مبهورين ... لأنهم لايجارون الهلال في تفوقه عصيانه ...وأرفع رأسك بلا أنحناءة للعواصف فأنت هلالابي إذن أنت سوداني أصيل .....
|
Post: #6
Title: Re: عاجل: الهلال يفض المعسكر!!
Author: Ahmed Alrayah
Date: 02-23-2008, 07:38 AM
Parent: #1
أسي كان جينا... بتجو التواني
|
Post: #8
Title: Re: عاجل: الهلال يفض المعسكر!!
Author: على محمد على بشير
Date: 02-23-2008, 07:58 AM
Parent: #6
ياسامى
تحياتى
ان الازمه الناشبه بين الهلال والاتحاد العام ستتضر منها الكره
السودانيه كلها فالدورى الممتاز اثبتت التجربه انه يمشى على
قدمين اتنين المريخ والهلال فاذا ما غاب احدهم سيصبح الدورى
كسيحا ولن يستطيع ان يمشى على قدم واحده
لذلك فهم المعنيين بالامر فى المريخ المعضله او قل المشكله لذلك
تجد تصريحاتهم تصب فى مصلحة الهلال ومجهوداتهم لحل الازمه عبر كتلة
الممتاز والتى وادها الوزير فى مهدها
وهاهو اتحاد شداد وباستفزازه المستمر للهلال يقود الهلال للانسحاب
وبذلك يكون الاتحاد قد نسف موسمه الرياضى بيديه
ونفس السيناريو الذى يحدث اليوم قد حدث قبلا للمريخ
ولعلك تزكر تفصيل القوانين على مقاس المريخ واولها كان قانون شيكوزى
والذى بموجبه منع الاتحاد تسجيل حراس المرمى الاجانب ووقتها لم يكن بالسودان
حارس مرمى اجنبى سوى واحد فقط مسجل فى المريخ وقانون المحترفين الذين يجب
ان لايتعدى عمرهم الثلاثين ووقتها كان فى المريخ ابالو واليجا تانا هم الذين
اعمارهم قد تعدت الثلاثين ولايوجد محترف غيرهم فوق الثلاثين فى السودان كله
ومنز تلك الايام لو وقفت كتلة الممتاز وقفة رجلا واحد او على الاقل وقف الهلال
مع المريخ ضد اتحاد الفرد ولقنه درسا لما حدث اليوم ما يحدث الان
فقد حاول المريخ اسقاط شداد الذى حاول الوصول للاتحاد بواسطه مساعدة السلطه
وقد وقف يومها الارباب والهلال مع شداد وساندوه الى ان فاز وهاهو اليوم يرد
دين الهلال استفزازا وتجبرا وتعنتا
|
Post: #7
Title: Re: عاجل: الهلال يفض المعسكر!!
Author: حمزاوي
Date: 02-23-2008, 07:55 AM
Parent: #1
| Quote: أما الهلال فعندما يقول لا ترتجف الديكتاتوريات |
اشوف فيك صورة ما تنشاف
|
Post: #9
Title: Re: عاجل: الهلال يفض المعسكر!!
Author: nazar hussien
Date: 02-23-2008, 08:03 AM
Parent: #7
Quote: يا عالم يا هووووي التجنيس هنا كروي فقط يعني يبطل الكورة يسحبوا منه الجنسية ويركبوه التونسية وعلى فكرة المتجنس الكروي لا يتمتع باي حقوق من حقوق المواطنة مثل امتلاك منزل او المشاركة في الناشط السياسي بالانضمام في الاحزاب أو ممارسة حق التصويت في اية انتخابات ) والواضح ان الهلال لم يقف معه اي نادي وكان من الافضل للهلال ان يجمع معه الاندية والوقوف ضد هذا القرار وعدم مناطحة الاتحاد العام بمفرده .
ويا سامي اخوي دي حركات منهم ساي بكرة تلقاهم لاعبين في الدوري وشداد ياهو ولدهم والطريفي ياهو زولهم والارباب حيستمر وحيسير بتعليماتهم والحاصل كلو زوبعة في فنجان ( دق صفايح وطليع فضائح )
وان غداً لناظره قريب .
|
ههههههههههههههههههههههههههههههههههههههههههه:
سوداني بالميلاد
سوداني بالتجنس
سوداني بالتجنس الكروي(يعني لما كورتو تفك او يتكسر يقولوا ليه ادينا جنسيتنا)؟؟؟
هسي عليك الله كدي براك دوها في مخك دا مش ممكن تلقي اجابة احسن...
|
Post: #10
Title: Re: عاجل: الهلال يفض المعسكر!!
Author: حمزاوي
Date: 02-23-2008, 08:09 AM
Parent: #1
| Quote: هسي عليك الله كدي براك دوها في مخك دا مش ممكن تلقي اجابة احسن... |
يمكن وليه لا
وازيدك من الشعر بيت كمان
اي فريق تاني ما بيقدر يستفيد من اللاعب الا الفريق الاول
شفت جنس المحن دي
|
Post: #11
Title: Re: عاجل: الهلال يفض المعسكر!!
Author: nazar hussien
Date: 02-23-2008, 09:01 AM
Parent: #10
Quote: يمكن وليه لا
وازيدك من الشعر بيت كمان
اي فريق تاني ما بيقدر يستفيد من اللاعب الا الفريق الاول
شفت جنس المحن دي |
والمحن دي طالعة في ياتو قانون؟
يعني في الجنسية بكون مكتوب
الاسم : داريو كان
الجنسية: سوداني بالتجنس لمصلحة فريق الهلال فقط؟؟؟؟؟؟؟؟؟؟؟
وتسقط هذه الجنسية تلقائيا في حال انتقاله لفريق آخر؟؟؟؟؟؟؟؟؟؟
|
Post: #12
Title: Re: عاجل: الهلال يفض المعسكر!!
Author: حمزاوي
Date: 02-23-2008, 09:12 AM
Parent: #1
| Quote: الجنسية: سوداني بالتجنس لمصلحة فريق الهلال فقط؟؟؟؟؟؟؟؟؟؟؟ |
بالضبط كدا
هو شداد ولدكم هين
|
Post: #14
Title: Re: عاجل: الهلال يفض المعسكر!!
Author: nazar hussien
Date: 02-23-2008, 10:25 AM
Parent: #12
Quote: بالضبط كدا
هو شداد ولدكم هين |
وهل تغيرت القوانين لدرجة ان الجنسية صارت تمنح من قبل شداد؟
يااااااااااااااااا اتارينا بقينا أهل كهف ...
تبقي ان تقول لنا ابعثوا بورقكم الي الفيفا يا حمزاوي
|
Post: #13
Title: Re: عاجل: الهلال يفض المعسكر!!
Author: عمر الفاروق
Date: 02-23-2008, 09:28 AM
Parent: #1
يا ابو السيم:
بمناسبة إنسحاب الهلال وإستلام الوصيف للراية شايف صاحبك مازدا كمان إستلم وصافة التدريب وبقا متأثر بي ريكاردو وقال أمبارح إنو " سوء أرضية الملعب " أثرت في أداء المريخ !!! 
الوصيف وصيف ولو الهلال يقيف ..
مثل صيني قديم
|
Post: #15
Title: Re: عاجل: الهلال يفض المعسكر!!
Author: حمزاوي
Date: 02-23-2008, 11:29 AM
Parent: #1
| Quote: وهل تغيرت القوانين لدرجة ان الجنسية صارت تمنح من قبل شداد؟ |
طبعاً
انت كنت قايل شنو
التجنيس للكورة وشداد رئيس الكورة
إلا سولي دا يكون جاي لي لقيط القطن
|
Post: #16
Title: Re: عاجل: الهلال يفض المعسكر!!
Author: nazar hussien
Date: 02-23-2008, 12:40 PM
Quote: طبعاً
انت كنت قايل شنو
التجنيس للكورة وشداد رئيس الكورة
إلا سولي دا يكون جاي لي لقيط القطن
|
واذا كانم جائي لي لقيط القطن وتم تجنيسه من قبل رئيس مشروع الجزيرة والمناقل
لأنو لقاط لقيط اصلو ما معقول: يقوم رئيس مشروع الجزيرة يقلع منو الجنسية اذا
قرر يزرع المشروع فاصوليا والله ايه الحكاية يا حمزاوي.؟
|
Post: #17
Title: Re: عاجل: الهلال يفض المعسكر!!
Author: سامى عبد الوهاب مكى
Date: 02-24-2008, 06:33 AM
Parent: #1
والله مع انه حمزاوي زعيم مريخابي لكن مداخلات نزار كيفتني عديـــــــــــــــــــل!!
علي الايمام ملك اللياقة!!
|
Post: #18
Title: Re: عاجل: الهلال يفض المعسكر!!
Author: nazar hussien
Date: 02-24-2008, 07:46 AM
Parent: #17
| Quote: علي الايمام ملك اللياقة!! |
ان شاء الله تكون دي علي الايمان...
لأنو علي الايمام ملك ودا اسم حقيقي فارش جرجير في السوق
وهو زولا مسيكين لياقة زاتو ما عندو...بس عريريفي
|
Post: #19
Title: Re: عاجل: الهلال يفض المعسكر!!
Author: سامى عبد الوهاب مكى
Date: 02-24-2008, 07:51 AM
Parent: #1
ودي إن شاء الله تكون عريريقي!!
لانو عريريفي دا واحد تشاشي في سوق امدرمان قصاد علي الامام ملك بتاع الجرجير
|
Post: #20
Title: Re: عاجل: الهلال يفض المعسكر!!
Author: nazar hussien
Date: 02-24-2008, 08:06 AM
Parent: #19
| Quote: لانو عريريفي دا واحد تشاشي في سوق امدرمان قصاد علي الامام ملك بتاع الجرجير |
لا ياها عريريقي: لكن زولنا اسمو علي الايمام :
لأنو كان بكرر كلمة ايما في اي حديث وبدون مناسبة: يقول ليك مثلا
أيما شداد جاب قانون جديد ناس الهلال وايما فريق تاني بلغيه ليه
|
Post: #21
Title: Re: عاجل: الهلال يفض المعسكر!!
Author: حمزاوي
Date: 02-24-2008, 10:09 AM
Parent: #1
Quote: واذا كانم جائي لي لقيط القطن وتم تجنيسه من قبل رئيس مشروع الجزيرة والمناقل
لأنو لقاط لقيط اصلو ما معقول: يقوم رئيس مشروع الجزيرة يقلع منو الجنسية اذا
قرر يزرع المشروع فاصوليا والله ايه الحكاية يا حمزاوي.؟ |
بالضبط كدا
يعني بكرة ما القاه عامل فكي في دقست ولا مايو
كورة وبس
يوم التفك منو الكورة يركبوه التونسية ويلحقوه اليجا ليتانا
يعني قميص عامر
|
Post: #22
Title: Re: عاجل: الهلال يفض المعسكر!!
Author: nazar hussien
Date: 02-24-2008, 12:30 PM
Parent: #21
Quote:
Quote: واذا كانم جائي لي لقيط القطن وتم تجنيسه من قبل رئيس مشروع الجزيرة والمناقل
لأنو لقاط لقيط اصلو ما معقول: يقوم رئيس مشروع الجزيرة يقلع منو الجنسية اذا
قرر يزرع المشروع فاصوليا والله ايه الحكاية يا حمزاوي.؟
|
بالضبط كدا
يعني بكرة ما القاه عامل فكي في دقست ولا مايو
كورة وبس
يوم التفك منو الكورة يركبوه التونسية ويلحقوه اليجا ليتانا
يعني قميص عامر
هنا مافي كورة...لقيط قطن بس يا حمزاوي...
يعني كان لعب كورة مع لقيط القطن بركبوه التونسية
|
Post: #23
Title: Re: عاجل: الهلال يفض المعسكر!!
Author: حسين يوسف احمد
Date: 02-24-2008, 12:50 PM
Parent: #21
عزيزي سامي عبد الوهاب ..
تحياتي ..
تاني مافي أوهام هلالية ستمر من غير فضحها عبارة عبارة ..
وأتحدى صاحب الحديث أدناه أن يأتي ليدافع عما كتبه :
| Quote: أنه النادي الوحيد القادر علي العصيان ... |
كونه النادي الوحيد القادر على العصيان ، فهذه نتفق فيها
معك .. لأن الهلال نادي عشوائي لا مكان فيه للقيم واحترام القانون
وفعلا كم وكم تمرد الهلال على القانون ولم يحدث له شئ لأنه الابن
المدلل لكل الاتحادات الرياضية ، وإليك هذه النماذج لعصيان الهلال :
1/ قام الهلال وفي أبشع موقف من المنتخب الوطني بعصيان القانون
وسحب لاعبيه من معسكر المنتخب الوطني ليلعب بهم مباراة الأمل
عطبرة بالرغم من أن القانون واضح ..
ولم يحدث له شئ بل تم الغاء المنافسة ..
2/ قام الهلال بتشغيل الأطفال القاصرين وقام ابن الهلال كمال شداد
باخفاء هذه الجريمة وزاد أكثر من أربعين يوما في عمر انسان ..
3/ وهاهو الهلال يعصي القانون ويرفض لعب مباراة النيل الحصاحيصا
ولا ندري ماذا سيفعل الاتحاد مع ابنه المدلل ..
| Quote: المقتدر أن يواجه الديكتاتوريات ..من النميري الي شداد . |
حسبك يا صديقي .. هذه الوثيقة تفضح علاقة الهلال بجعفر نميري :
ولو أردت المزيد تالله لأتيتك به حتى تعرف عمق العلاقة بين
الهلال ونميري ومن قبله عبود ومن بعدهما المؤتمر الوطني كمان
وأنظر للسيرة الذاتية لأمين مال ناديك !!!
وأنظر لرئيسك السابق الفريق المدهش وحدد مكانهما من خارطة السياسة
صراحة لا أدري لماذا تحملون ناديكم فوق طاقته وتعتبرونه حزبا سياسيا
وليس ناديا للرياضة ..
يبدو أن السر في صفركم الكروي الكبير ، فلجأتم للحديث عن أوهام
نضال لم يحدث قط ولن يحدث مستقبلا ..
وبالمناسبة : المسيرة لمكاتب الاتحاد كيف ؟؟
إنتو ما قادرين تطلعوا مظاهرة للاتحاد تقول لي ناضلنا ضد الدكتاتوريات ..
| Quote: عندما يتخذ الهلال قرارا يزلزل الدنيا ويشغلها .. |
وفي هذه أيضا أتفق معك .. لأن كل الدولة تتوسط لوأد القانون
من أجل سودا ابنها المدلل الهلال ..
فكم من مرة عوقب المريخ وطبق عليه القانون ؟؟
وكم من مرة تم تجاوز القانون لأجل الهلال ..
لقد جاء الوقت الذي يجب أن يركع فيه الهلال للقانون ولسلطة
القانون ..
من قبل رفع المريخ مذكرة يلوح فيها فقط بالانسحاب فتم تطبيق
القانون عليه ومنح الهلال الكأس من قاعة كير ولم يتحرك وزير
أو غفير لانقاذ المريخ ..
والآن لن نرض بغير تطبيق القانون على الهلال حتى لو ذهب لليق
حيث يتساوى في الانجازات القارية مع أنديته ..
| Quote: والاخرون مجرد جوقة في شرف الديكتاتوريات ينهلون من نعيمها ويدورن في فلكها مرددين لبيك اللهم لبيك .. |
أنظر لميزانية نادي الهلال هذه لنرى كيف تتمرغون في أموال الحكومة :
| Quote: فأنت هلالابي إذن أنت سوداني أصيل ..... |
سبحان الله .. وليرحم الله السودان ..
باي حق تقول ذلك ومن ضمن رؤوساء الهلال خواجة استعماري
عيون خدر أسمو مستر كلارك ، أنظر الصورة :
ورئيس الهلال الحالي تابع لأسرة آل سعود الحاكمة في السعودية
وبـرضـو أنظر الصورة :
|
Post: #24
Title: Re: عاجل: الهلال يفض المعسكر!!
Author: حمزاوي
Date: 02-24-2008, 12:58 PM
Parent: #1
Quote: هنا مافي كورة...لقيط قطن بس يا حمزاوي...
يعني كان لعب كورة مع لقيط القطن بركبوه التونسية |
برا الشبكة
|
Post: #25
Title: Re: عاجل: الهلال يفض المعسكر!!
Author: nazar hussien
Date: 02-24-2008, 01:25 PM
Parent: #24
شوف ليك زول ما عندو الثريا
|
|