Post: #2 Title: Re: عباس تلودي Author: مجاهد عبد الرحمن Date: 02-21-2008, 11:25 AM
نعومة تحيات لكن بس حقيبة خاصة لمن يكون مع مجموعة أصوات جميلة متابعة وإنتظار للكثير الجميل منه في الحقيبة مودة
Post: #5 Title: Re: عباس تلودي Author: خضر عطا المنان Date: 02-21-2008, 11:40 AM Parent: #2
Post: #9 Title: Re: عباس تلودي Author: انعام حيمورة Date: 02-21-2008, 01:05 PM Parent: #5
Quote: عبرك أرسلها تحية محبة خالصة لصديق الصبا ورفيق الزمن البديع .. (عباس تلودي) .. مسكون الفن والالق والجمال ..
واتمنى ان تصله هذه التحايا
Quote: وليتك تمدينني - خلال بريدي الاليكتروني المرفق - بأي عنوان أو هاتف له .. وأكون لك من الشاكرين يا سيدتي .
والله ما عندي اي وسيلة اتصال بيه لانو ما عندي علاقة شخصية بيه فقط اطرب له طربا جما ..
ولكن نفتش سوا على زول يدينا وسيلة اتصال ..
وهو افتكر مقيم خارج السودان لانو مرة انا كنت في المطار جاء مارق من الصالة انا لميت ليه فيه سلامات تقيلة يا استاذ وحمد لله على السلامة لما انبسط هو ذاتو ..
Quote: وتحياتي وجدائل شوق متدلية على نهر السنين - عبرك ايضا - الى زميلي سابقا وصديقي المسكون بالهدوء ( أحمد حسن حيمورة)
احمد ابن خالي وساوصل سلامك باسرع فرصة وبتذكر هم دائما بكون عندهم حفلات بي تلودي ..
Quote: ولك خالص ودي وسلامي وتقبلي أيضا سلام (أخلاص وابن عمي دكتور حسن )من واحة الجمال والينابيع (مدينة العين) الاماراتية الرائعة
يا سلام على د. حسن فهو رجل خلوق وقضيت مهم ايام حلوة وجميلة هو اخلاص حيمورة واولادهم الرائعيين
والى ان نلتقى اذا وجدت اي معلومة سارسلها لك عبر الايميل
مودتي
Post: #6 Title: Re: عباس تلودي Author: انعام حيمورة Date: 02-21-2008, 11:41 AM Parent: #2
Quote: خاصة لمن يكون مع مجموعة أصوات جميلة
صوته قوي وجميل جدا ..
في الاسرة بنعشق اغاني الحقيبة جدا وحتى لما يكون عندنا (غنى بنات) ما بنغني غير حقيبة ..
اضف لانو الكل يطرب لاغنيات الحقيبة ..
يعني الشغلة مأصلة فينا
شكرا لمرورك الباهي
Post: #3 Title: Re: عباس تلودي Author: عاطف عمر Date: 02-21-2008, 11:32 AM
عباس تلودي يغني بكل أحاسيسه صوتاً عذباً طروباً أداءً صحيحاً للأغاني لغة ولحناً يطرب حين يغني ويمتع حين يتحدث عن الغناء وتاريخ الغناء يجسد الشكل الأنيق للفنان
أطرب له كثيراً
ولك مني يا إنعام شكراً لا يقاس
Post: #10 Title: Re: عباس تلودي Author: انعام حيمورة Date: 02-21-2008, 01:47 PM Parent: #3
Quote: أطرب له كثيراً
وانا كمان والله يا عاطف ..
ومن يومين انا وامي كنا عاملين جلسة استماع من الساعة 5 م حتى الساعة الثانية صباحا
رايك شنو ؟؟؟
وكل ما نقول نقوم ننوم تبدأ اغنية نتمها وتجي البعدها وهكذا الى الساعة 2 ص ..
واهدي عبرك هذا البوست لاخي وشقيق الذي علمنا ان نسمع لاغنيات الحقيبة ونطرب لها علاء الدين حيمورة
Post: #4 Title: Re: عباس تلودي Author: Ishraga Haimoura Date: 02-21-2008, 11:35 AM
غايتو دا حقو نضيفه لأسابيع محمد البشرى ونسميه (أسبوع اللفح) رجاء العباسي تلفح وإنعام حيمورة تلفح ... الحاصل شنو يا جماعة
الواحد ما يغلط يديكم حاجة تسمعوها؟؟؟؟؟ يابت خليك أمينة وأشيري للمصدر ما يجي واحد يقول ليك حرامية قوقل ولا حرامية إشراقة ... نبقى في كلام تاني أعملي حسابك
Post: #11 Title: Re: عباس تلودي Author: انعام حيمورة Date: 02-21-2008, 02:19 PM Parent: #4
تومتي
امبارح جوني بنات ابو ساندرا .. دقوا الباب قالوا عايزين اشراقة ابوي قال ليهم ما عندنا اشراقة
بس انا جيت جارية
قلت ليهم دي مشكلتي في البورد حتى انتو امتدت ليكم ..
Quote: الواحد ما يغلط يديكم حاجة تسمعوها؟؟؟؟؟
قددتي عيونا بالسهر لكن هم بستاهلوا
التحية عبرك لعاصم البنا ..
Post: #7 Title: Re: عباس تلودي Author: محمد عثمان Date: 02-21-2008, 11:45 AM
انعاام...
يسلم ذوقك..و يا سلاام
يديك العاافية..
Post: #8 Title: Re: عباس تلودي Author: doma Date: 02-21-2008, 11:56 AM Parent: #7
يا نعومه من بكري غير السيرفر ما بسمع الاغاني البترفعوها دي ولا الاغاني البرفعها تمبس لكين بسمع اغاني اليوي تيوب والاغاني الرفعها عادل عبد العاطي برضو سمعتها
Post: #12 Title: Re: عباس تلودي Author: Osman Musa Date: 02-21-2008, 07:46 PM Parent: #8
الأخت انعام سلامات عباس ده زولنا تب . فنان لديه الكثير من التجارب فى الغناء له التحيه . والف شكر أخت انعام تحياتى
Post: #17 Title: Re: عباس تلودي Author: ترهاقا Date: 02-22-2008, 06:40 AM Parent: #16
Quote: يسـلم ذوقِـك ..
و التحية لإبن الصحافة الفنان عباس تلودي ..
والله يا الصحافة 30 حيرتنى ، بس لانو من الصحافة بقى فنان ؟ يا خى ده مهرج ، الزول ده بيغنى من السبعينات مقلد عليك الله أدينى اغنية خاصة بيهو ، مع الاعتذار للاخت الكريمة انعام ، يمكن الزول ده يكون ود حلتكم وعزيز عليكم لكن مسألة إنو فنان ومغنى دى ما اعتقد ، خلوهو يغنى لينا غناهو الخاص بدل ما يقلد لينا عثمان حسين حتى فى نشازه ،
وإختلاف الاذواق لا يخدم في الود قضية ، ولكم كل الود
Post: #21 Title: Re: عباس تلودي Author: Alsa7afa_30 Date: 02-25-2008, 10:33 AM Parent: #17
Quote: يا خى ده مهرج
يا راجل ؟
Quote: وإختلاف الاذواق لا يخدم في الود قضية
صراحة أول مرة أسمع بالكلام ده !
و برضو الاختلاف لا يفسد للود قضية ..
تحياتي ..
Post: #19 Title: Re: عباس تلودي Author: haroon diyab Date: 02-25-2008, 10:07 AM
انعام حيموره صباح الخير
اطرب الله صباحك بكل جميل . والله ومن حلف بالله ماخلا حاجة عباس تلودي ده كرهني اسمع غناء الحقيبة من اي زول تااااااااااني غيرو. اجمل صوت ....واقوي صوت.... واهم من ده ...وده ...اداء بكل الحواس وباحساس راقئ للاغنيه . متعه الله بالصحة والعافية ومتع ايامك .
التحايا هارون دياب
Post: #20 Title: Re: عباس تلودي Author: عبدالغني كرم الله بشير Date: 02-25-2008, 10:25 AM Parent: #19
إنعام.... صباح جميل...
من امتع الليالي، وفي رمضان، وفي مدرج بكلية الصيدلة جامعة الخرطوم،في منتصف التسغينات.وحتى تباشير الصباح، كانت مع عباس تلودي.... ليلة لاتنسى.... غنى تراثنا، بصورة لا تجارى، وفهم، وذوق وتتطريب...
لك التقدير الكبير، وله الانحاء والتقدير...
Post: #23 Title: Re: عباس تلودي Author: salma subhi Date: 02-25-2008, 11:01 AM Parent: #20
سلااااام شديييييييد يا انعام.... ويسلم ذوقك.....
والتحية لهذا الفنان ...عباس تلودي....
كل الود
Post: #22 Title: Re: عباس تلودي Author: محمود بكر Date: 02-25-2008, 11:00 AM
الفضلى/ انعام
الاخ والصديق عباس تلودي ذو صوت شجي مليء بالطرب
ادائه لاغاني الحقيبة رائع
صوتان من جيل واحد اديا اغاني الحقيبة بقمة الطرب والروعة
تلودي والفرجوني وقد سبقهما الرائع بادي محمد الطيب
ولاخ ترهاقا اقول لو اراد عباس تلودي احتراف الفن واتخاذه طريقا
لكان فنانا بكل ماتحمل هذه الكلمة من معنى وتكون انت اول المعجبين اذا كنت تطرب للصوت الندي لكنه عاشق للغناء والطرب هاوي للاحاسيس والمشاعر الدفينة بين كلمات الاغاني لذلك عندما يغني ينفصل عن الحاضر ويحلق بعيدا
التحية لتلودي عاشق في محراب الفن والتحية للرائعة انعام ولعلاء حيمورة الذي افتقده
Post: #24 Title: Re: عباس تلودي Author: haroon diyab Date: 02-25-2008, 11:03 AM
الاخ / ترهاق صباح الخير
Quote: والله يا الصحافة 30 حيرتنى ، بس لانو من الصحافة بقى فنان ؟ يا خى ده مهرج ، الزول ده بيغنى من السبعينات مقلد
والله حرااااااااااام عليك ...ياترهاقا......دي قلبته فيها الهوبا عدييييييييل كده .
Quote: لكن مسألة إنو فنان ومغنى دى ما اعتقد ، خلوهو يغنى لينا غناهو الخاص بدل ما يقلد لينا عثمان حسين حتى فى نشازه ،
يقلد عثمان حسن حتي في نشازه .....دي كبيييييييرة والله ....حتي عثمان حسين عندو نشاز....مع كامل احترامي وتقديري لك ولارائك .....لكن اعتقد انوا انت ماحصل سمعت عثمان حسين او تلودي . بالمناسبة : هل تعلم ان السودانيين اختلفوا في كل شئ حتي رموزهم الوطنية ولاعبيهم وفانانيهم ولكن كان الاتفاق الوحيد هو عثمان حسين ..... وصدقني .... اول مره اسمع واحد يقول انوا عثمان حسين عنده نشاز .....بس نشاز في شنو انا ماعارف .....؟
لنتفق ....ولنختلف ....ولكن ليظل الود بيننا قائما . وساهدي ليك اغنية خاصة بصوت الفنان عثمان حسين في بوست منفصل باسمك ....ارجو انها تعجبك ....علها تغير لك وجهة النظر الغريبة عن هذا الهرم . لك عاطر تحياتي ومودتي هارون دياب
Post: #25 Title: Re: عباس تلودي Author: يوسف محمد يوسف Date: 02-25-2008, 08:25 PM Parent: #24
ابنتى انعام .. اشكرك وانتى تقدمى لنا هذا الشذى الفواح .. الظاهرة الفريدة والمتفردة ..علما .. وثقافة وفننا .. تميزا وابداعا ورقى .. خلقا ..وعذب كلم ..و حسن معشر ..ذلكم الاخ الصديق الصدوق الوفى الانسان .. عباس تلودى .. عباس ظاهرة فنية مميزة لانها.. نمت وترعرت وشبت ثم صقلت فى وسط .. كان هو الحقل الذى اينع واثمر وقدم لمجتمعنا الواعى.. فاكهة مختلفة الطعم والمذاق والنكهة .. اثرت مجتمعنا ادبيا .. وفنيا .. ورياضيا .. وسياسيا .. واعنى بذلك الوسط الطلابى . افحمنى عباس تلودى وانا اجالسه لزمن طال .. بثقافته الواسعة .. وادبه الجم .. وروح الدعابة والابتسامة التى لا تفارق محياه .. اما بفنه وعذب صوته ... فقد كان يحلق بنا فى متاهات الهوى وهو يسمعنا ويشجينا بالطرب الاصيل .. عباس ..انسان .. يالفه القلب من اول لقاء .. تميزه الاذن من اول سماع .. ترنو له الاحاسيس مع كل مقطع يؤديه .. عباس .. فنان بكل ما تعنى هذه الكلمة .. هاوى بدا .. وما زال .. وسيظل هاوى .. لانه يغنى عذب الكلام .. وحلو المغنى .. دمت لنا اخى عباس تلودى .. سعدت ابنتى انعام .. وانتى تقدمى لنا هذا الانموزج الراقى .. وسعدت اكثر بهذا التلاقى بين الاجيال .. وهذا ما نعمل جاهدين على ديمومته .. لك محبتى عقيد (م) يوسف محمد يوسف جدة
Post: #26 Title: Re: عباس تلودي Author: صلاح الفكي Date: 02-25-2008, 08:47 PM
الأخت انعام.. التحية للأخ عباس تلودي..الرجل أعرفه منذ السبعينيات.. ووقتها كان يقلد الكاشف .. وقد ابدع في أداء أغاني الكاشف.. ثم أصبح يقلد عثمان حسين.. هو فنان محترم.. ولكن مشكلته ..عدم تجديد نفسه ولم يقتحم مجال الفن (بأملاكه)..
