Post: #1 Title: المــــــــنديـل .. Author: معتصم دفع الله Date: 02-21-2008, 10:12 AM
Post: #2 Title: Re: المــــــــنديـل .. Author: معتصم دفع الله Date: 02-21-2008, 10:13 AM Parent: #1
رسل لي هدية لطيفة خلت قلبي يحن ويميل ..
إلى وقتٍ قريب كان المنديل هدية راقية يتبادلها العشاق والمحبين دليل تعبير عن حبهم لبعض، وعادةً يكون المنديل منقوش على الجانب أو مطرز بالحرير ويكون مرسوم فيه قلب أو الحرف الأول للمحبوب ويطغى عليه اللون الأحمر بالتأكيد .. تذكرت هذا المنديل الهدية والذي إندثر وحلت مكانه مناديل الورق ولا عزاء للمعذبين ودموعهم .. ولقيمة المنديل في ذاك الزمان كان الشعراء والمغنيين يتغنون به وقد كتبوا الكثير عنه وله أيضاً حكايات ونوادر .. وكثيرون منا عايشوا تلك الفترة ولهم ذكريات حلوة مع المنديل الهدية وذكرى المحبوب وأبالغ لو قلت لا يزال هناك من يحتفظ بها إلى يومنا هذا دليل وفاء لذكرى حلوة وحبيب كان قريباً في يومٍ ما ..
هذه دعوة للكتابة عن المنديل وذكرياته ..
Post: #5 Title: Re: المــــــــنديـل .. Author: عماد محمود علي Date: 02-21-2008, 10:19 AM Parent: #2
عزيزي وصديقي مووو
صباحك عسل زيك
يا أخوي شنو حكايتك إنت كل ما نقول ننسى أيام الجهل والشيطنة ديك وأيام.... ترجعنا تاني من أول وقلوبنا يسوقها إحساسا ، يا أخوي قفل البوست ده أحسن ح تجيب لينا هوى خاصة أخوي هاشم ح تجيهو كتاحه عدييييل كده وأسال عنها عادل جبارة . ولا ما كده ياجمري .
مودتي
عماد
Post: #15 Title: Re: المــــــــنديـل .. Author: معتصم دفع الله Date: 02-21-2008, 03:10 PM Parent: #5
ازيك يا عمدة .. ياخي ديك كانت أيام لها أيقاع .. يلا أمرق المستخبي وورينا حكايات الزمن الجميل وسهر الليل .. عارف كانت أجمل حاجة انو زول يهدي ليك منديل وتكون شايلو في مكان أمين .. كل شويه تقعد تعاين ليهو كأنها قعطة جوهرية تستاهل تختها في فترينة دواخلك ..
أبقى طيب يا صديقي .. وفي إنتظار نقشك على هذا المنديل أقصد البوست ..
Post: #10 Title: Re: المــــــــنديـل .. Author: خالد علي محجوب المنسي Date: 02-21-2008, 10:32 AM Parent: #2
Quote: رسل لي هدية لطيفة خلت قلبي يحن ويميل ..
آه وآه على أيام زمان كانت أغلى هدية هي هدية المحبوب منديلاً ابيض ناصع كبياض القلوب مطروز بالقطبة تحف أطرافه الأربع وفي الركن الأسسفل لليسار قلب يشقه سهم وحرفين M & S هدية أم زين ومامشرية من السوق تقعد فوقها السمحة أيام وليالي أمامها المشغل تنسج في خيوطها توسد كل خيط فيها آهات حبها المكبوت بين الأضلع ولم يجد متنفسَ
لذا كان الإتعزاز من الجانب الآخر وعندما تضيع يبكي عليها الدمع سخينا
منديلي الراح مني والشالو ما يهني
ود عيسى الفي المسيد أبوي لحاق بعيد منديلي مو تقليد الشالو إشل الإيد
يا برير ويا التقر والشالو لي ماقر الشالو يضوق سم الدقر وكمان أبوه يكون عقر
يا الحبر الدافعا اب ضيفتن نابعا تشيل روحو التابعا وإشيلهو الأربعا
يا رجال أم مرحي قولوا لي الرخا أفرحي وماتسهي وتسرحي والشالو إتمحي
يا حمد عصاية السيف هيا للمنديل أقيف الشالو يصبح ضيف في الشبر الما نضيف
يا ودحسونة الحار ياصاحب الدردار منديلي في الودار أخلوهو من الدار
يا الصالحين هِمَو في مكة إتلمو القشا بي فمو تحرق حشا أمو
Post: #16 Title: Re: المــــــــنديـل .. Author: معتصم دفع الله Date: 02-21-2008, 03:36 PM Parent: #10
تحياتي أخي خالد .. للمنديل ذكرى طيبة لا يزال يذكرها الكثيرون من ذاك الزمن الجميل .. الفنانة أم كلثون عليها رحمة الله دائماً ما تحمل منديل في يدها وكذلك الراحل أبوداؤد .. قطعة القماش البيضاء المطرزة بالجوانب وعليها قلب أو حروف الحبيب في زاويته كان دليل تقدير وحب للطرف الآخر .. لكنه الآن أصبح منسياً وإحتلت مناديل الورق مكانه ..
تقديري ..
Post: #3 Title: Re: المــــــــنديـل .. Author: معتصم دفع الله Date: 02-21-2008, 10:17 AM Parent: #1
المنديل ..
رسل لي هدية جميلة خلت قلبي يحن ويميل حرير أبيض منقوش بقطيفة وصورة قلب بسهم نحيل ما انت جميل والجابك لي ملاك وجميل
هدية من ايدك مقبوله .. معناها اني على بالك .. ونعيد الأيام الأولى .. وأتأمل حسنك وجمالك ..
يا منديل محبوبي الغالي يا معطر ياسمين وروائح تسلم ايده وذوقه العالي قلبي في ريدك وحبك رائح ما انت جميل والجابك ليه ملاك وجميل ..
الفنان سيد خليفة ..
Post: #4 Title: Re: المــــــــنديـل .. Author: معتصم دفع الله Date: 02-21-2008, 10:19 AM Parent: #1
ذهب الشاعر الكبير الجاغريو إلى عرس وفقد منديله اتسرق منه .. فما كان منه إلا أن كتب قصيدة في هذه المناسبة وفي الوقت نفسه والغريب انو المنديل سرقه ولد صغير وبعد أن وجدوهو طلبوا منه أن يعفو عن الطفل ففعل وهذا جزء من القصيدة .. منديلي راح مني .. الشالو ما يتني .. ما يشيل خلافه .. يا برير ويا النقر الشالو لي ما قرّ إن شاء الله يضوق سم الدقر وأبوهو يكون عقر ود رية السابعة أبو فيضاً نابعة تشيل روحه تتابعه ويشيلوهو الأربعة ود عيسى الفي المسيد زروق المكي سيد منديلي ما تقليد والشاله يشل الليد يا أهل الله بي هموا ومن مكة يتلمو القشه بيهو فمه تحرق حشا أمه يا ود حسونة الحار يا صاحب الدردار حبر ديري الفي البدار تخلوهو من الدار
ويواصل عمنا الجاغريو عن علاقته بالمنديل وفي أغنية سميري الفي ضميري مقطع يقول .. حبيب روحي أهديلي .. ومن عنبك أديلي .. يا مراكبي عديلي أنا نسيت مناديلي ..
Post: #6 Title: Re: المــــــــنديـل .. Author: معتصم دفع الله Date: 02-21-2008, 10:20 AM Parent: #1
وجاء ذكر المنديل في كثير من الأغنيات السودانية نذكر منها أغنية الراحل أبو داود ..
أوتذكرين صغيرتي أو ربما لا تذكرين الخمسة الأعوام قد مرت وما زال الحنين الشوق والأحلام تغمرني أوتذكرين ما زلت أذكر خصلةً عربيدةً فوق الجبين ما زلت أقرأ في السطور وأستبين بلا دليل المنديل المنقوش جانبه .. أوتذكرين .. صغيرتي أو لا تذكرين ..
أمووووووووت أنا في الكلينكس يا معتصم اخوي طيب انت متذكر المنديل عشان زول قديم طيب اخوي صديف الموج يتذكر البامبرز والاولويز
في منظر تلقاهـ واحد عاملو جنبك في الصلاة وبالذات الهنود تلقاهـ رابط رأسه ( عقلك ما يروح بعيد يا دكين ) بمنديل انا بتضايق من المنظر دا حسب اعتقادي يجب استخدام المنديل في وضعية خاصة
Quote: القشا بي فمو تحرق حشا أمو
والله يا المكاتل احمد حنين اخوي عندكم جنس غنا اصلو دا كان منديل ولا مدفع
Quote: ما زلت أذكر خصلةً عربيدةً فوق الجبين
الحق يا ابوالنسب يا حميدة دا قاصدك عديل ما اشوفك تتمخض وتقش بمنديل استيراد الكلاكلة ثمح
Post: #67 Title: Re: المــــــــنديـل .. Author: معتصم دفع الله Date: 02-24-2008, 03:19 PM Parent: #38
الأول داك يا خال اللهو بوح الموج لما جات الحاجات دي كان قطره صفّر .. التاني المكاتل بكون كان خطير في إستقبال وإرسال الرسائل والمناديل .. التالت حميدة دا جاء لقى كل الحاجات الحلوة انعدمت ..
تقول لي كلينكس .. أموووت في القلقالة .. بالله ناس دكين ديل ما يجو حايمين بي هنا ..
Post: #17 Title: Re: المــــــــنديـل .. Author: معتصم دفع الله Date: 02-21-2008, 03:56 PM Parent: #7
هدية من ايدك مقبوله .. معناها اني على بالك .. سلام يا ملكي .. بس رأيك شنو في الهدية دي ..
Post: #8 Title: Re: المــــــــنديـل .. Author: معتصم دفع الله Date: 02-21-2008, 10:22 AM Parent: #1
ويقول الراحل صلاح أحمد إبراهيم للطير المهاجر ..
بالله يا طير قبل ما تشرب .. تمر على بيت صغير .. من بابه من شباكه بيلمع ألف نور .. تلقى الحبيبة بتشتغل منديل حرير لحبيب بعيد .. تقيف لديها وتبوس إيديها .. وتنقل إليها وفائي ليها وحبي الأكيد ..
Post: #9 Title: Re: المــــــــنديـل .. Author: معتصم دفع الله Date: 02-21-2008, 10:24 AM Parent: #1
ويقول الشاعر الكبير محجوب شريف للجميلة ومستحيلة ..
حدّثت عنك نجمة جارة وزرعت اسمك حارة حارة فى مناديل العذارى فى مشاوير الحيارى فى لحى الأشجار كتبتو نحتو في صم الحجارة وبحت للشمس البتقدل فى مداره
Post: #11 Title: Re: المــــــــنديـل .. Author: هاشم أحمد خلف الله Date: 02-21-2008, 11:07 AM Parent: #9
معتصم دفع الله , يأخي انت رجل جميل ورزين لكن قديم انا غايتو زمن المنديل ده ما حصلتو لكن سمعت عنو فعلاً والله إنقرض المنديل ( منديل القماش مش الورق ) وأذكر زمان الوالد كان عندو منديل ما بفارقو ابداً . يمكن عملتو ليهو الوالدة ولا كان عندو جكسايا تانية عليه رحمه الله . برجع ليك تاني بمشاركة جديدة يا وجيه .
Post: #18 Title: Re: المــــــــنديـل .. Author: معتصم دفع الله Date: 02-21-2008, 04:19 PM Parent: #11
Quote: انا غايتو زمن المنديل ده ما حصلتو لكن سمعت عنو
يا راجـــل ..
هاشم ازيك .. ياخي الكلام دا ما زمان زمان خالس لمن ما تحضرو لوقت قريب المنديل دا كان حاضر .. يلا أمرق دفاترك ولا نلجأ لي صديق .. عادل جبارة وأمير الجمري وعماد محمود مثالاً .. تحياتي لهم من هنا ..
أبقى طيب ..
Post: #12 Title: Re: المــــــــنديـل .. Author: Moawia Mohammed Date: 02-21-2008, 11:35 AM Parent: #1
شكرا يا معتصم يا جميل علي هذا البوست الراقي
بلبل الغرب عبد الرحمن عبد الله غني للمنديل
يا الماشي جنب النيل يدوك لي منديل ما تطول المشوار تمشي و تجيني عديل
_______________________________________ فى بوستات حقو يتحدد العمر للمشاركة فيها..
Post: #32 Title: Re: المــــــــنديـل .. Author: معتصم دفع الله Date: 02-23-2008, 09:00 AM Parent: #13
Quote: اكيد نحن ما مقصودين بحكاية المنديل دى ..
يعني الدموع ديك والبكاء راح ساي في حق الله يا أميرة .. غايتو عالم جبانات بشكل ..
Quote: المنديل ما بنعرفو لكن غنا المنديل سمح وسمح..
الآن بصدد البحث عن الأغنيات التي ورد فيها إسم المنديل .. وهي كثيرة بالطبع جاء ذكر بعضها هنا ..
Quote: فى بوستات حقو يتحدد العمر للمشاركة فيها..
إلى المعنين بهذا الأمر ..
أميرة ازيك ..
Post: #14 Title: Re: المــــــــنديـل .. Author: وصال عالم Date: 02-21-2008, 11:59 AM Parent: #12
Quote: إلى وقتٍ قريب كان المنديل هدية راقية يتبادلها العشاق والمحبين دليل تعبير عن حبهم لبعض، وعادةً يكون المنديل منقوش على الجانب أو مطرز بالحرير ويكون مرسوم فيه قلب أو الحرف الأول للمحبوب ويطغى عليه اللون الأحمر بالتأكيد .. تذكرت هذا المنديل الهدية والذي إندثر وحلت مكانه مناديل الورق ولا عزاء للمعذبين ودموعهم ..
الأخ / معتصم
سلام ،،،
ورأيك في دا شنو ؟؟!! بتاع البشكير !
أصبحت مناديل الورق مستهلكة ..
والغريب في الأمر نفس المنديل وتجد أن أسعاره متفاوتة !!
أصبحنا نتفنن في الأواني التي يوضع فيها منديل الورق ..
معتصم دفع الله... عارف، جموع بوستاتك تهتف بذلك الإنسان الرائع الكامن في دواخلك... ما قلنا ليك شفيف المناديل المعطرة هي ذاتها صارت ذكرى عطرة تدق في ناقوس النسيان... (موش كانوا بقولوا كده برضو زمان؟ إنت الخبير) الأن، صارت الهدية كرت على النت أو أيميل على الياهو أو الهوت ميل وقول للزمان أرجع يا زمان
مودتي غادة
Post: #35 Title: Re: المــــــــنديـل .. Author: معتصم دفع الله Date: 02-23-2008, 09:20 AM Parent: #19
الشفيفة غادة عبدالعزيز سلاااااام
Quote: المناديل المعطرة هي ذاتها صارت ذكرى عطرة تدق في ناقوس النسيان... (موش كانوا بقولوا كده برضو زمان؟ إنت الخبير)
ذكرتيني رسائل زماااان .. يا حليلك الما حضرتي الزمن داك .. دي فيها حكايات وروايات نحن زاتو كنا بنسمع بيها ساي فيها شي دموع .. وفيها شي عطور .. وفيها شي دم من المحبوب .. وكلام من زي دا .. مره ذكر الفنان الفاضل سعيد عليه رحمة الله في إحدى مسرحياته .. انو مره جاب دستة مناديل لحبيبته سنة كاملة ما خلصت ..
Quote: الأن، صارت الهدية كرت على النت أو أيميل على الياهو أو الهوت ميل
محطة شندي اكثر المناطق بيعا للمناديل ويكثر بيعها في المناسبات وتحديدا في البكيات ..
والله يا الشفيف انت عشقوتي قديم ...
ود الباوقة
Post: #39 Title: Re: المــــــــنديـل .. Author: معتصم دفع الله Date: 02-23-2008, 09:35 AM Parent: #20
سمح المنديل من المحبوب .. محطة شندي دي نحن ما بنعرف طريقه ..
يا ريس ودالباوقة هسي أنا قلت تعملو لينا ثنائية مع الريس أبوجهينة .. وتمرقو لينا الحاجات المستخبية من الزمن الجميل داك ..
أها مافي ليكم طريقة .. في إنتظار تلك الذكريات .. وليك علي مافي كشف حال ولا كشف مستعجل
Post: #34 Title: Re: المــــــــنديـل .. Author: معتصم دفع الله Date: 02-23-2008, 09:09 AM Parent: #14
تحياتي أختي وصال .. وسلام الله عليك .. فعلاً مناديل الورق أصبحت تحتل كل الأماكن .. ومنديلنا العزيز داك راح وأصبح نسياً منسيا .. دائماً ما نتحسر على الزمن الجميل والقيم الإندثرت .. يمكن في ذاك الزمان كان للمنديل وقعه ودلالاته وكان شي محبب للجميع .. لذلك كان هدية ذات قيمة جميلة ..
محبتي وتقديري ..
Post: #21 Title: Re: المــــــــنديـل .. Author: معتصم دفع الله Date: 02-21-2008, 04:32 PM Parent: #12
الحبيب معاوية .. سلام وتحايا كتيرة ..
وكمان مرات كتيرة يجيك المنديل معطر بروائح جميلة .. لسه عايزين نفتش في أغاني زمان عن منديلنا الضائع ..
تعرف يا معتصم ... في زمن ما .. كان قماش البوبلين الأبيض و ( كرورية ) الحريرالأحمر و عدة ( الكورشبه ) هي من أهم مقتنيات العذارى في خدورهن ... تتعلم الفتاة طريقة العمل على الفماش بتلك الإبر الكبيرة بصبر عجيب .. لأن المنديل كان يعني قمة الإهداء و قمة مبادلة الآخر الشعور و الأحاسيس ... لذا كل منديل كان يحمل قلباً يخترقه سهم ( كيوبيد الدامي ) و عدة نقاط من الدم الأحمر القاني تتساقط بينما الحروف الأولى من الإسمين تتوسط القلب .. كانت الشقيقات صغار السن هن مراسيل الحب ... و ذاك المنديل كان محل تقدير كبير ... لا يراه إلا المحب يخرجه خلسة .. أو يريه لأعز الأصدقاء لتأكيد العلاقة ... يأتي مضمخا بالعطر ( و الذي كان نفحات من بت السودان و فلور دامور و سوار دي باريس و جنينة السيد علي ) ...
في عطبرة ... أهدتْني أول منديل فتاة قبطية كانت تسكن في الجوار ... كانت تشبه في نظري الممثلة المصرية ( زبيدة ثروت ) .. أتتْني بالمنديل شقيقتها الصغرى .. فنفحْتها كمية من ثمار الجوافة التي في حديقة بيتنا الحكومي... قابلتها بعد عدة سنوات بالقرب من بنك الخرطوم و هي تصطحب إبنتها ذات العشر سنوات ... تبادلنا التحية .. و تضاحكنا على غراميات المراهقة الأولى و إبنتها ترقبني بعين حذرة .. قلت لها ممازحاً : منديلك لا زال معي .. قالت بضحكة عالية : معقولة ؟ بتبالغ ... أنا عملتو ليك من قماش ولا جبس ؟
مالك علينا يا مو ياخي .. قلبت علينا المناديل
ناس الزمن دة ما يتذكروا المناديل إلا في حالة نزلات البرد
Post: #47 Title: Re: المــــــــنديـل .. Author: معتصم دفع الله Date: 02-23-2008, 03:39 PM Parent: #27
لا حولااااااا يا ود أبوي .. أنا عارفك بتكون (مدكن) ليك حاجات من الزمن داك .. ما تقول لي منديلي راح مني .. تعال بمناديلك وحكاويك ..
في إنتظارك ..
Post: #46 Title: Re: المــــــــنديـل .. Author: معتصم دفع الله Date: 02-23-2008, 03:26 PM Parent: #26
العزيز محمد الحسن سلام .. الأحاسيس تظل موجودة في دولايب الروح والذكرى .. منديل هدية من حبيب يبقى شي جوانا لا ننساه .. وها نحن نفتش في القديم ونيقظ ما نام منه .. بناديلك بقدر خيوط مناديلك للفنان حمد الريح من الأغنيات الجميلة .. أحبها جداً وكثيراً ما أستمع لها ..
شكراً جميلاً ..
Post: #44 Title: Re: المــــــــنديـل .. Author: معتصم دفع الله Date: 02-23-2008, 10:54 AM Parent: #25
منى ازيك وسلامااات ..
Quote: ياسلام علي المناديل المكويه ومطبقه علي عطر.. بعضها مشغول اطرافه.. وبعضها مطبوع..
دا كلام جميل يا منى .. ومن أجل هذه الذكريات كتبنا .. هنالك حاجات صغيرة وبسيطة لكن وقعها كبير في دواخل الناس .. مثل المنديل الهدية أو الطواقي المنسوجة ..
يقول الشاعر محجوب شريف لمريم ..
طوال النهار والليل .. في عيني شايلك شيل .. لكني شادي الحيل .. والخوف على داهم .. هاك قلبي ليك منديل .. الدمعة لما تسيل .. قشيها يا مريم ..
محبتي ..
Post: #41 Title: Re: المــــــــنديـل .. Author: معتصم دفع الله Date: 02-23-2008, 10:23 AM Parent: #23
Quote: غايتو يا معتصم ربنا يهديك قول امين..
غايتو الفيكم إتعرفت ..
يلا يا ريس جيب العندك ..
Post: #40 Title: Re: المــــــــنديـل .. Author: معتصم دفع الله Date: 02-23-2008, 10:12 AM Parent: #22
الريس أبوجهينة .. سلام وتحيات كتااار ..
Quote: قابلتها بعد عدة سنوات بالقرب من بنك الخرطوم و هي تصطحب إبنتها ذات العشر سنوات ... تبادلنا التحية .. و تضاحكنا على غراميات المراهقة الأولى و إبنتها ترقبني بعين حذرة .. قلت لها ممازحاً : منديلك لا زال معي .. قالت بضحكة عالية : معقولة ؟ بتبالغ ... أنا عملتو ليك من قماش ولا جبس ؟
دا بكون من جبس المحبة .. كويس انو البنت فوتت الموضوع على خير .. إلا وكانت البني تطاقش ..
Quote: مالك علينا يا مو ياخي .. قلبت علينا المناديل
ديك كانت ذكرى حلوة يا ريس .. المنديل المطرز أو الطاقية المعمولة شغل اليد .. يكان لا يخلو بيت من إبرة الكروشيه أو خيوطها (الكرورية) والله أنا زاتي قربت أنساها وزي ما قلت هي من أهم مقتنيات العذارى والحب نفسه كان طاهر وعفيف والناس روحه حلوة والزمن غير ..
أنا زاتو الخلاني أتذكر الحاجة دي شنو
Post: #29 Title: Re: المــــــــنديـل .. Author: محمد علي ياسين Date: 02-22-2008, 10:22 AM Parent: #1
ذكرتنا ايام الجهل،، ______ منديل يا معتصم؟! منديل!
Post: #36 Title: Re: المــــــــنديـل .. Author: عماد محمود علي Date: 02-23-2008, 09:28 AM Parent: #33
Quote: وفي إنتظار نقشك على هذا المنديل أقصد البوست ..
غايتو إنت ما ناوي تجيبها البر خااااااالص .
أها أنا عندي منديل ليهو يامعتصم ( 16 ) سنة ولا زال يحمل نفس العبق الذي فيه ومطبوع فيه ........... ( طبعاً عرفتها ) خليها في سرك قبل ما ناس هاشم ديل يجوا يشمشموا .
مودتي
عماد
Post: #55 Title: Re: المــــــــنديـل .. Author: معتصم دفع الله Date: 02-24-2008, 09:57 AM Parent: #36
Quote: غايتو إنت ما ناوي تجيبها البر خااااااالص .
الفورة ألـ1000ـف يا عمدة ..
Quote: أها أنا عندي منديل ليهو يامعتصم ( 16 ) سنة ولا زال يحمل نفس العبق الذي فيه ومطبوع فيه ........... ( طبعاً عرفتها ) خليها في سرك قبل ما ناس هاشم ديل يجوا يشمشموا .
أمانة ما وقعت .. غايتو يجوك هسي ناس عادل جبارة يكشفو حالك .. 16 سنة دي حكم النميري بس عارف يا عمدة الذكرى تبقى ما بقينا ولا يمكن ننسى حاجة غالية علينا .. تظل موجودة في دواخلنا وفي أماكن نحتفظ بها ..
لك الود أضعاف ..
Post: #54 Title: Re: المــــــــنديـل .. Author: معتصم دفع الله Date: 02-23-2008, 06:50 PM Parent: #33
Quote: ذكرتنا ايام الجهل،، ______ منديل يا معتصم؟! منديل!
منديل لله يا عالم ..
والله حننتيني يا عزة .. هسي زي المنديل داك يلقوهو ليك وين
قلو خليه يتذكر على هالمنديل الأصفر,,ببعتلو مكاتيبي
بتجيبلي منو ,,تذكار شئ ورقة وشئ صورة,, عالورقة يكتب أشعار,,واسمو على الصورة,,
لما بتبكي المواويل يسأل عن أهل المنديل,, يامرسال المراسيل سلم على حبيبي,, خدلي بدربك هالمنديل,,وأعطيه لحبيبي.
Post: #42 Title: Re: المــــــــنديـل .. Author: عمران حسن صالح Date: 02-23-2008, 10:24 AM Parent: #37
التاريخ : سبتاً بارد وسط صحراء نجد الحالة : عاجل جدا إلى : تمبس نرجو عاجلاً مدنا (بخارطة طريق ) الشفيف معتصم خلال يومي الخميس والجمعة (أمس وأول أمس ) الموافق 21 & 22 فبراير 2008م لأمر هام جداً سيتم تحميلكم مسئولية تأخير الرد صورة إلى : صلاح شتات (للعلم) ...
Post: #43 Title: Re: المــــــــنديـل .. Author: ادريس خليفة علم الهدي Date: 02-23-2008, 10:40 AM Parent: #42
المعتصم أخوي
لم استعمل المنديل الا يوم زواجي (كنت دائما ما استعمل الكلينكس)
زمن أغبر (انه الحب في زمن الكلينكس)
Post: #58 Title: Re: المــــــــنديـل .. Author: معتصم دفع الله Date: 02-24-2008, 10:12 AM Parent: #43
Quote: لم استعمل المنديل الا يوم زواجي
والله يا درس حقو تحتفل بيهو اليوم دا .. بس ما وريتنا المنديل دا جاء وين
Quote: زمن أغبر (انه الحب في زمن الكلينكس)
كلينكس يفوت ولا حد يموت ..
كل منديل وأنت طيب ..
Post: #57 Title: Re: المــــــــنديـل .. Author: معتصم دفع الله Date: 02-24-2008, 10:10 AM Parent: #42
خلاس نويتو تخربوها .. عايزين تشلعوها .. قال خارطة طريق قال ..
دي غايتو كان جبتو حاوي ولا فكي ما يجيب أتره .. بعدين خارطة الطريق دي تلقوها عند الغافل .. يلا جيب العندك أنا عارفك بكاي وما بتدسو ..
رسالة إلى المدعو تمبس .. ونسخة للمدعو شتات ..
ولا نامت أعين الظلمة والمفترين ..
Post: #63 Title: Re: المــــــــنديـل .. Author: عمران حسن صالح Date: 02-24-2008, 12:35 PM Parent: #57
Quote: دي غايتو كان جبتو حاوي ولا فكي ما يجيب أتره .. بعدين خارطة الطريق دي تلقوها عند الغافل ..
يا لذيذ .. خلي (الحنبكة) الأتر هين بس إنت ما تجيب آخرك وتطمن أسياد المنديل (الأخير) ... ( الليلة بحكها معاك ) بعدين تلقوها عند الغافل دي أخير ليك تغيره .. هو في غفلة (وبكاء) أكتر من عنوانك ده !!!!!!!!!! يا شفيف .. راحت عليك
Post: #105 Title: Re: المــــــــنديـل .. Author: معتصم دفع الله Date: 03-02-2008, 07:13 AM Parent: #63
ياخي دي برعاية الإخوة أعضاء العصابة ياخي دي ما جابت الدم والدمع على المنديل عديل كده .. وحكاية الزوغات دي فرماله وأخوك بقى يجيب آخره سريع بس انت ما جبت .. مـــــــناديلك ..
Post: #56 Title: Re: المــــــــنديـل .. Author: معتصم دفع الله Date: 02-24-2008, 10:06 AM Parent: #37
ماذا يلوّح بالنوافذ ؟ هل ترى منديل عاشقةِ .. بلون البحر .. دمع صبابة في نهد عاشقةِ .. بطعم النار .. يقطّر .. والعصافير إكتمال الندى ..
الصادق الرضي ..
دا كلو مرسال يا خنساء .. زمان الرسائل بتكون في سرية تامة (بالدس) .. والمنديل الهدية يظل علامة للمحبوب ودليل تفاخر بين الأصحاب ..
شكراً لذاك الزمن الجميل الجاب كل الناس الجميلين ..
محبتي ..
Post: #45 Title: Re: المــــــــنديـل .. Author: sanaa gaffer Date: 02-23-2008, 10:54 AM Parent: #1
الانسان الجميل معتصم ...
يا الله .. رجعت لي ذكرى قديمة .. ناعمة وناعسة ...
منظر أمي الله يديها الصحة والعافية وطولة العمر وهي قاعدة في كرسيها المفضل وقدامها كور الخيط .. ابرةالكروشيه ..ومناديل القماش ..
قطع مربعة بالوان هادئة تقعد فيها بالساعات الطوال تحيك الورود داير ما يدور وانا قاعدة اراقب حركة الابرة السحرية بشغف ...
احيانا تقص المربع على اربعة قطع متساوية .. وتوصل بينهم بشكل زي رسمة السلسلة الفقرية ...
مرة طلبت منها تعمل لي منديل خاص بي ... كان لونو ابيض .. وورود الكروشيه باللون البمبي ...
على طرفو رسمت لي اول حرف من اسمي .. ادتني ابرة وخيط ... وعلمتني كيف اعبي الحرف بالتطريز ...
احتفظت بيهو فترة طويلة ... لكن للاسف ضاع مني ذات زمن ... ولغاية الان متحسرة عليهو ...
مالك علينا يا معتصم ؟؟ قلبت علينا مواجع الحنين ياخي ... الله يسامحك ...
ــــــــــــــــــــــ تحيات طيبات زاكيات ...
Post: #60 Title: Re: المــــــــنديـل .. Author: معتصم دفع الله Date: 02-24-2008, 10:25 AM Parent: #45
الغالية سناء ازيك ..
الحاجات الصغيرة الزي دي بتخلينا نتحسر على الزمن الجميل داك .. عارفه أماتنا كلهن الله يديهن الصحة والعافية كانن خبيرات في التطريز وأعمال البيت .. لسه كنت بستعجب الوالدة كيف كانت بتعمل الحاجات دي بقعد لأوقات طويلة أتابعها .. في يومِ ما علمتني كيف أخيّط الملابس بدون ما يظهر عليها أثر واضح للخياطة شفتي أماتنا كانن حريفات كيف .. بنات الزمن دا ما أظن يبقن زيهن
Quote: مرة طلبت منها تعمل لي منديل خاص بي ... كان لونو ابيض .. وورود الكروشيه باللون البمبي ... على طرفو رسمت لي اول حرف من اسمي .. ادتني ابرة وخيط ... وعلمتني كيف اعبي الحرف بالتطريز ... احتفظت بيهو فترة طويلة ... لكن للاسف ضاع مني ذات زمن ... ولغاية الان متحسرة عليهو ...
الحسرة دي دليل ذكرى طيبة من إنسان عزيز وهو الوالدة .. أقدر قيمة هذا المنديل الهدية يا سناء رقم البساطة الفيه لكن فيهو ريحة الأحباب زي ما بقولن أماتنا وحبوباتنا ..
Quote: مالك علينا يا معتصم ؟؟ قلبت علينا مواجع الحنين ياخي ... الله يسامحك ...
ويسامح الزمن الغير ملامحنا .. ونحن بقينا ما نحن .. وليبقى الحنين داخلنا يا سناء ما بقينا وتبقى ذكرى الأحباب أحلى ذكريات ..
Quote: سناء جعفر ..كيفك انتى من زمن الكروشيه والقضبه لاحولا..انا ما قايلك قدرنا.. قبلك،،،
صديق الموج ....
تخيل انا من الزمن السمح داك .... زمن كان للاشياء لون .. وطعم .. ورائحة ... زمن كنا بنشوف النجوم .. ونعدها ...وقبل ما نستبدل السقف الجميل دة باسقف الاسمنت المصمتة الخالية من الخيال .. زمن كنا بنشم ريحة التراب المرشوش بالموية .. وقبل ما تتعطل حاسة الشم عندنا بفعل روائح الكلوركس والتايد والداوني وملحقاتهم ... زمن كنا بناكل بنفس ومتعة وبنستطعم ونتذوق .. حتى لو كان الاكل كسرة بالموية متختخة في النار وملانة بصل وشمار وزيت سسمسم ... وقبل ما يبقى الاكل واجب تقيل عاوزين نخلص منو باسرع ما يمكن وبدون ما نهتم بنوعه ... لانو كل شئ فقد مذاقه ونكهته ...
يا زول انا ما قدركم ... انا عمري ملايين السنين ...ديناصور عديل كدة ... اها الصغرة دي زاتا ما عاوزاها ودة طرفي منها .... بس بيني وبينك كدة وما باكلم زول .. انت عاصرت ياتو عهد من العهود ؟؟؟ ....
Post: #69 Title: Re: المــــــــنديـل .. Author: معتصم دفع الله Date: 02-25-2008, 08:33 AM Parent: #68
يا سناء .. عمك صديق الموج دا من زمن حفروا البحر .. لمن جات الحاجات السمحة دي زي المناديل ومن طرف الحبيب جات أغرب رسائل كان الشيب قد إعتلى الرأس دا أساليهو من السمحة أم عجن وينوحن لي حماماتن ومن الأسكلا وحلا .. يعني ناس سمحة وسمرية وانت يا الأبيض ضميرك دي تب ما سمع بيها تسأليهو عن حقيبة الفن يجيبه ليك بي (سحارته) ..
Quote: تخيل انا من الزمن السمح داك .... زمن كان للاشياء لون .. وطعم .. ورائحة ... زمن كنا بنشوف النجوم .. ونعدها ...وقبل ما نستبدل السقف الجميل دة باسقف الاسمنت المصمتة الخالية من الخيال .. زمن كنا بنشم ريحة التراب المرشوش بالموية .. وقبل ما تتعطل حاسة الشم عندنا بفعل روائح الكلوركس والتايد والداوني وملحقاتهم ... زمن كنا بناكل بنفس ومتعة وبنستطعم ونتذوق .. حتى لو كان الاكل كسرة بالموية متختخة في النار وملانة بصل وشمار وزيت سسمسم ...
Quote: يا زول انا ما قدركم ... انا عمري ملايين السنين ...ديناصور عديل كدة ...
ألأخ/العزيز معتصم ................. حبيب روحي أهديلي .. ومن عنبك أديلي .. يا مراكبي عديلي أنا نسيت مناديلي ...................... ...................................................... ناس زمان ديل كانو خطرين جدآ جدآ.......................وعمل المنديل حيلة..عشان يرجع..وحكاية..
العنب كمان.....مادى قرعتو..... ............................................................................................ الموضوع جميل ورائع..فى زمن كان المنديل يشكل أرقى هدايا الحب والغرام...وكان يستعمل أيضآ فى بعض اللعبات...
زرت مرة كسلا...وكان فى رقصة جميلة ..ألشباب والشابات يجلسوا فى حلقة كبيرة وهناك غنية جميلة تصاحب
هذه الرقصة يقوم الشاب يمسك المنديل ويرميهو فى أى واحدة تعجبو تقوم ترقص معاهو...وينسحب هو..وهى بدورها ترميه لشاب أخر لتدور الرقصة بهذا المستوى..ويعبر كل واحد بما يكن فى نفسه للتى يعجب بها بواسطة هذا المنديل شيال التقيل..
زى ما قال الريس ..قلبت علينا المناديل...
مودتى.. إسماعيل محمد احمد عباس..............
Post: #70 Title: Re: المــــــــنديـل .. Author: معتصم دفع الله Date: 02-25-2008, 09:11 AM Parent: #49
تحياتي أخي إسماعيل ..
عارف أها دا الكلام السمح .. هسي زي العادات الكانت بتم زمان دي منه رمي المنديل على واحد من الجنسين ليؤدي الرقصة شي جميل ومحبب وبعكس روح الناس السمحة ومعايشتهم لبعض ..
Quote: فى زمن كان المنديل يشكل أرقى هدايا الحب والغرام...وكان يستعمل أيضآ فى بعض اللعبات...
وهدية المحبوب دائماً تكون محفوظة في الدواخل ..
شكراً لذاك الزمان .. وشكراً لأنك هنا ..
أبقى طيب يا حبيب ..
Post: #52 Title: Re: المــــــــنديـل .. Author: عمر أحمد Date: 02-23-2008, 06:27 PM Parent: #1
Post: #73 Title: Re: المــــــــنديـل .. Author: معتصم دفع الله Date: 02-25-2008, 09:42 AM Parent: #59
سلاااام سلمى .. وشكراً على طلتك الحلوة .. ليهو حق الشافع دا يعمل كده في المناديل دي بس زي المعطره ديك ومنقوشه والبكون داسنها في مكان ما بعرفو زول ما بقدر عليها ..
كل ذكرى حلوة وأنتِ طيبة ..
محبتي ..
Post: #71 Title: Re: المــــــــنديـل .. Author: معتصم دفع الله Date: 02-25-2008, 09:32 AM Parent: #52
منديلك الخمري .. أحيا به ففيه من طيبك بعض الرشاش ..
كما قال الصادق الرضي ..
الشاعر الفنان عمر أحمد .. وأنا أقول منديلك دا صاري فيهو شنو .. أها من دربك دا أمشي فك الربطة دي وجيب الحاجات السمحة العندك ..
Post: #75 Title: Re: المــــــــنديـل .. Author: معتصم دفع الله Date: 02-25-2008, 09:59 AM Parent: #64
سلام يا بصيلي .. فعلاً دخلت البوست المعني يوم أسم ولم أراه وقتها .. بوست شيق وجميل ما عارف ليه ما لقى حظه من الإهتمام .. يا ريت تتابع فيهو وقد أنزلت ليك فيهو أغنية الرسائل للجابري ..
أبقى طيب ..
Post: #65 Title: Re: المــــــــنديـل .. Author: انعام عبد الحفيظ Date: 02-24-2008, 02:05 PM Parent: #1
Quote: في عطبرة ... أهدتْني أول منديل فتاة قبطية كانت تسكن في الجوار ... كانت تشبه في نظري الممثلة المصرية ( زبيدة ثروت ) .. أتتْني بالمنديل شقيقتها الصغرى .. فنفحْتها كمية من ثمار الجوافة التي في حديقة بيتنا الحكومي... قابلتها بعد عدة سنوات بالقرب من بنك الخرطوم و هي تصطحب إبنتها ذات العشر سنوات ... تبادلنا التحية .. و تضاحكنا على غراميات المراهقة الأولى و إبنتها ترقبني بعين حذرة .. قلت لها ممازحاً : منديلك لا زال معي .. قالت بضحكة عالية : معقولة ؟ بتبالغ ... أنا عملتو ليك من قماش ولا جبس ؟
سلامات يا ناس البورد سلام المعتصم وصباح الحب والمناديل المزركشة يا باهي والان يا صديقي قد حلت الاميلات ، المطرزة بالعصافير والمستحيل والتغريد على الاسافير ولكل زمان متعته فلا تسجن نفسك في المناديل وجوابات الغرام فلكل زمان رسول وافرد جناحك يا جميل فالعالم ما زال أرحب
Post: #81 Title: Re: المــــــــنديـل .. Author: معتصم دفع الله Date: 02-25-2008, 03:17 PM Parent: #72
بركة البوست الجاب عشة بت فاطنة .. بي مناديله وذكرياته الحلوة .. كيفك يا بت العم لعلك طيبة ومبسوطة .. عقبال ما تجينا عالية كمان ..
دا شي من ذكريات وحنين لزمن جميل وناس أجمل .. أيقاع الزمن وسرعته وطّى على الحاجات السمحة ديك وداس عليها .. وبقينا نتذكر في قديمنا ونتحسر على قيمنا .. ولا نقول النسى قديمه تاااه ..
الدنيا أجمل بيكم .. أبقي طيبة وفي أحسن حال .. عليك الله ما تحرمينا من طلتك علينا ..
Post: #80 Title: Re: المــــــــنديـل .. Author: معتصم دفع الله Date: 02-25-2008, 03:08 PM Parent: #66
Quote: قابلتَ ( الحزن القديم ) و نسيت إنو بتها معاها .. في الحقيقة أصلو إعتبرت بتها مافيشة كلو كلو
قوية يا ريس ..
Post: #84 Title: Re: المــــــــنديـل .. Author: انعام عبد الحفيظ Date: 02-25-2008, 04:46 PM Parent: #66
Quote: في الحقيقة أصلو إعتبرت بتها مافيشة كلو كلو
أبو جهينة
دي أقوى من المنديل بتاعها زااااااااااااتو
Post: #79 Title: Re: المــــــــنديـل .. Author: معتصم دفع الله Date: 02-25-2008, 03:00 PM Parent: #65
Quote: بس عليك الله بعد موضوع المنديل دا شوف لينا هسه الناس بتتذكر بعض بـ شنو
ما عارف أداني موبايل وأهدأ لي لاب توب .. وحاجات زي دي كده .. ومعاها يااااااااي .. أنا ما عارف علاقة الياي بالحنكشة شنو ..
حليل أيام زمان وناس زمان يا انعام ..
Post: #95 Title: Re: المــــــــنديـل .. Author: انعام عبد الحفيظ Date: 02-26-2008, 08:52 PM Parent: #79
Quote: حليل أيام زمان وناس زمان يا انعام ..
ياااااااامعتصم
بمناسبة أيام وناس زمان
مش في أغنية بتقول منديلي الكويتو وفي الدولاب ختيتو
اها تنفع في البوست دا
Post: #102 Title: Re: المــــــــنديـل .. Author: معتصم دفع الله Date: 03-01-2008, 10:09 AM Parent: #95
Quote: مش في أغنية بتقول منديلي الكويتو وفي الدولاب ختيتو
عزيز معتصم انا زي ما قال اخونا هاشم والله ماحضرت زمن المناديل
ولكن المناديل انواع .
في منديل ام كلثوم الكبير
وفي منديل بشكير صغير للعرق
وفي منديل معلق في الجيب الفوق حق البدله
عزيزي
المنديل القديم الكان هديه من المحبوبه لونو شنو؟(تايتنك)
بوست لذيذ
Post: #82 Title: Re: المــــــــنديـل .. Author: معتصم دفع الله Date: 02-25-2008, 03:42 PM Parent: #74
الحبيب عبدالله كع .. مرحبتين حبابك .. وأهلاً بيك في الحوش الكبير ..
نحن موضوعنا المنديل الهدية داك المنقوش جانبه .. ودي قطعة بيضاء من القماش يا حبيب يحاك باليد في جوانبه ويرسم عليه قلب أو حرف المحبوب في إحدى الأطراف .. الجماعة الخبرة ديل كلهم علقو فوووق
Post: #87 Title: Re: المــــــــنديـل .. Author: معتصم دفع الله Date: 02-26-2008, 07:13 AM Parent: #77
الحب في زمن المناديل .. الوسادة خالية يبللها الدمع .. شارع بيتكم .. لو كنت تبعد في زحل .. أو كنت يوم قمره في سماي .. يا نجوم الليل أشهدي .. على لوعتي وتذكري ..
وكلام كتير من زي دا .. شكراً أخي محمد زين وفي إنتظارك .. ومناديلك .. وعطر حروفك ..
وحدك في هذا الزمن الدشن تحمل ملامح نبيلة .. تنسج في بساتنيك مناديلا تطرزها بدواخلك الموغلة في جمالها..
Post: #92 Title: Re: المــــــــنديـل .. Author: معتصم دفع الله Date: 02-26-2008, 09:37 AM Parent: #86
دكوني الحبيب ..
يعني أتغطى بي منديلي بعد الكلام السمح دا .. جمل الله أيامك واسعدك ..
داك زمن جميل فيه كل القلوب عامره بالحب والجمال ..
أبقى طيب وقريب .. بس تعال بدري شوية ياخ ..
Post: #89 Title: Re: المــــــــنديـل .. Author: أميرة فاروق عبد العال Date: 02-26-2008, 07:57 AM Parent: #1
الرائع/ معتصم
موضوع البوست رهيب.. ماشفته من أول يوم ليه؟؟ أعدت لي ذكريات بطعم الأحلام.. وانا بعد (تلميذة) ثانوي عام.. رغبتي في تجهيز منديل الحبيب.. حفزتني لأتعلم التطريز في زمن وجيز من عمتي.. كنت أرى في ذلك (وهو كذلك) أعظم وأرق هدية.. لأن كل خيط من خيوط التطريزة.. كانت تحمل حبا وشوقا وهياما.. ووعدا بالذكرى..
ذكرتني بالذي مضى أيام القطارات السريعة والمناديل الجميلة الناصعة البياض كقلوب بائعيها شكرا
لهذا البوست الجميل ...
Post: #96 Title: Re: المــــــــنديـل .. Author: معتصم دفع الله Date: 02-27-2008, 07:31 AM Parent: #91
الغالية عواطف .. ازيك وسلام كتااار ..
دي حاجات من الماضي الجميل وذكرى لا تنسى .. قلنا نهبش في القديم أهو طلعنا بذكريات حلوة وأشياء جميلة ..
لك الود .. وشكري الجميل ..
Post: #93 Title: Re: المــــــــنديـل .. Author: معتصم دفع الله Date: 02-26-2008, 09:49 AM Parent: #89
Quote: وانا بعد (تلميذة) ثانوي عام.. رغبتي في تجهيز منديل الحبيب.. حفزتني لأتعلم التطريز في زمن وجيز من عمتي.. كنت أرى في ذلك (وهو كذلك) أعظم وأرق هدية.. لأن كل خيط من خيوط التطريزة.. كانت تحمل حبا وشوقا وهياما.. ووعدا بالذكرى..
يا سلام عليك يا أميرة .. ياخي دا كلام سمح وذكرى جميلة .. أحس بتلك الخيوط الأنيقة وهي تمر على جنبات المنديل حباً وشوقاً وهياماً ..
أجمل ما يمكن أن تقدمه عاشقة لحبيبها هو منديل محاك بخيوط اللهفّة والشوق وأجمل ما تحتفظ به حبيبة..هو منديل من حبيب صادق يحمل عطره وذكرياته
Quote: مووو الجميل..
وحدك في هذا الزمن الدشن تحمل ملامح نبيلة .. تنسج في بساتنيك مناديلا تطرزها بدواخلك الموغلة في جمالها..
ربنا يحفظك
Post: #97 Title: Re: المــــــــنديـل .. Author: معتصم دفع الله Date: 02-27-2008, 09:19 AM Parent: #94
Quote: أجمل ما يمكن أن تقدمه عاشقة لحبيبها هو منديل محاك بخيوط اللهفّة والشوق وأجمل ما تحتفظ به حبيبة..هو منديل من حبيب صادق يحمل عطره وذكرياته
الغالية سحر .. جمل الله صباحاتك وأسعد ..
دا كلام جميل .. كلام وفاء ومحنة ومحبة .. ما أسعدنا بمن يعيش معنا بروحه وذكرياته .. أياً كان شكل الهدية فهو ذو قيمة عندنا .. ويظل المنديل شي محبب للعشاق والمحبين ..
لك ومن تحبين كل الحب والتقدير ..
Post: #98 Title: Re: المــــــــنديـل .. Author: عبد اللطيف بكري أحمد Date: 02-27-2008, 10:13 AM Parent: #1
بوست لذيذ وطبعا يامعتصم بتتفنن في إستخراج الدرر من المعذبين هنا بحرفنة ،، == الأغنية دي شكلت وجداننا في مدينة الأبيض ، للفنان صلاح محمد الحسن ، صاحب الصوت الجميل وبها لحن راقص بديع (سيتم عمل حلقة معه في القريب في هارموني) المهم في الموضوع أن الأغنية كانت فرمالة الحفل ، وكل الشباب في إنتظارها للتعبير عن نفسه،، أذكر حين بدأ الأخ صلاح يصدح بهذه الأغنية وظهرت من الصفوف الخلفية أجمل حسان الحي (كانت مكسرا الشباب بجد) وهي تتمايل بطرب وغنج شديد مع الأغنية وتلوح بمنديل أبيض جميل ،، توقف كل الذين هموا بالدخول إلى الساحة،، وتمايلت (المنديل كما سميت فيما بعد) إلى أن شارفت الأغنية نهايتها والفنان يردد في ابياتها البسيطة للتفاعل الجميل معها ومع المشهد السينمائي وكأنهم قد أتفقوا على القيام به، إلى أن جاءت نهاية الأغنية عند وصول الرائعة لصلاح الذي كان يعزف العود وهو جالس لينهض واقفاً وتضع المنديل في جيبه وتهرول مع تصفيق خرافي للأغنية وللرقص والجرأة والنهاية السعيدة للمنديل ،، عجيب ذلك الزمن : هي في نظري أجمل أغنية للمنديل تذكرت فصولها بعد إتصال تم مع الفنان نفسه وقد غابت كثير من أبياتها وأفاد بأنه في الطريق إلى الدوحة ولن يتذكر بقيتها إلا مع العود ،،
منديلي لو تذكر ليلة القمر ضوا يوم كنا بناجي الحب سوا سوا
منديلي يامعطر في رسمتك ظاهر قلبين بحبو بعض وحبهم طاهر
منديلي فوق ايدي هدية اعز حبيب يعجبني فيك اللون يسكرني فيك الطيب
يامنديل ،، المنديل ،،
الله يسامحك يامعتصم،،
Post: #100 Title: Re: المــــــــنديـل .. Author: معتصم دفع الله Date: 03-01-2008, 09:26 AM Parent: #98
الحبيب عبداللطيف بكري .. تحياتي وسلامي .. كويس انو المنديل دا حرك كثير من ذكرياتك وأشجانك .. عجبتني البنت الوضعت المنديل في جيب الفنان ودي جرأة تحسد عليها .. أعتقد الزمن السمح داك الفيهو الكلام دا تاني ما بجي ..
Quote: يا ايها النيل دعنى أرسم حزنى واشكله قمرا تنزف خاصرة العشق فيه وردا وأغنيات، دعنى أودعك ونفسى أيضا، فما عاد فى الضوء متسع للحلم ولا أمست الضفاف مناديلا رسمت الأنسام على أطرافها قلبا من الحنين والمحبة، يخترقه سهم من الوجد القديم
الحتة دى معتصم
من
"اهم نيلهم ولى نيل"
ولى منديل
برضو كمان
نحن طبعا حضرنا آخر طرف فى المواويل السمحة دى
جينا فى آخر الأيام الندية يعنى
Post: #103 Title: Re: المــــــــنديـل .. Author: معتصم دفع الله Date: 03-01-2008, 10:21 AM Parent: #99
ولا كان عندو جكسايا تانية عليه رحمه الله .
