سودانا قرشى كبير

ضع نصب عينيك الخطاوى وأنطلق ....
يا شعاعاً لمتاريس الصباحات الجديدة
أغسل كُحل أيامنا بفجرٍ
معبق من نسيمات الدغش
يا أمل آتى لبكره
نحنا ليك نحلم نفتش
بإسم كل الغلابة والمساجين فى بلدنا ....
نحنا ليك نحلم نفتش
ما البلد صارت هجير
بتحكم طوق رقابنا يا غبش
وين الزغاريد والحكاوى
والدوبيت يشق الليل سمر ...
وصوتك يا أمى السمحة أبشروا يا عيال ؟؟
الفرح الكبير قرب
وليلة الزفة ما هى بعيدة
سودانا عزة وخير
سودانا قرشى كبير
والبيت بلاكم يا عيالى مرير
فأنتو الساس وإنتو الراس
ولازم تحضروا الدخلة
ونغنى سوا العديل والزين
نغسل حزن ايامنا ...
مع قمراً جديد طالع
يضوى على أراضى الخير
ونعود لحكاوينا القبيل وشليل
تحت ظلال نخيل بلدى
على قمراً قوى وساطع
ونفرح بالعديل والزين
نفرح بالعديل والزين .

up
up