Post: #1
Title: يا طالع الشدرة
Author: مازن الجمّال
Date: 02-20-2008, 11:37 AM
يا طالع الشدرة
جيب لي معاك احلام
احلام بلد فقران
غرقان في بحر انعام
والنعمة منتشرة
في ارضِ طينا تمام
مزروعة جوع ومرض
غير العوير القام
والموية سيل ممتد
شاقي الارض قدام
والفايدة عند الفوق
وانحنا لينا صيام
والخير حلف بيمينو
يغشانا تاني حرام
ما انحنا جيل فقري
موهوم بكوم اوهام
غرقان بِفكِر فيها
في دنيا الاحلام
بس لو نفكر صاح
ننسى العلينا وحام
نزرع ارضا سهول
بالموية نروي حطام
لابد لينا نجاح
يرفعنا لي قدام
بس ننسى كل الفات
من مشكلات وخصام
ما انحنا دم واحد
نرجع عموم في سلام
|
Post: #2
Title: Re: يا طالع الشدرة
Author: tmbis
Date: 02-21-2008, 08:24 AM
Parent: #1
Quote: بالموية نروي حطام
لابد لينا نجاح
يرفعنا لي قدام
بس ننسى كل الفات
من مشكلات وخصام
ما انحنا دم واحد
نرجع عموم في سلام |
العزيز مازن الجمــال
دخلت القش .. وطلعت الشجرة ..
اعتمدني من المتابعين في هدوء وواصل في جمــالك ..
|
Post: #3
Title: Re: يا طالع الشدرة
Author: ابو جهينة
Date: 02-21-2008, 09:54 AM
Parent: #2
مازن
تحياتي
أشد من أزرك .. واصل تدفقك ... و دوزنة قوافيك
أنا أكتبني جنب تمبس الفنان
|
Post: #4
Title: Re: يا طالع الشدرة
Author: خالد علي محجوب المنسي
Date: 02-21-2008, 10:08 AM
Parent: #3
Quote: يا طالع الشدرة
جيب لي معاك احلام
احلام بلد فقران
غرقان في بحر انعام
والنعمة منتشرة
في ارضِ طينا تمام
مزروعة جوع ومرض
غير العوير القام
والموية سيل ممتد
شاقي الارض قدام
والفايدة عند الفوق
وانحنا لينا صيام
والخير حلف بيمينو
يغشانا تاني حرام
ما انحنا جيل فقري
موهوم بكوم اوهام
غرقان بِفكِر فيها
في دنيا الاحلام
بس لو نفكر صاح
ننسى العلينا وحام
نزرع ارضا سهول
بالموية نروي حطام
لابد لينا نجاح
يرفعنا لي قدام
بس ننسى كل الفات
من مشكلات وخصام
ما انحنا دم واحد
نرجع عموم في سلام |
مازن
تحياتي تسبقها الأشواق لك
فعلاً نحن جيل فقري
ومحكوم بالإعدام
درسنا فيكنا الخط
قايلين ملكنا زمام
والله بس ضايعين
وما بنعرف الجمام
هم الحرفا عرفوها
خموا خما تمام
الشكية لي الله
نلقاها لي قدام
|
|