Post: #6 Title: Re: مزاج غريب Author: Adil Osman Date: 02-19-2008, 09:47 PM Parent: #1
فاضلابى الرسام الشواف فوق راس التمساح فى اللوحة الاولى كلام بالعربى. ما قدرت اقراهو. ممكن تساعدنى؟ على كل حال اللوحة فيها مسحة صوفية ربما انفعلت بمدحة التمساح لاولاد حاج الماحى او عموم التراث الصوفى السودانى. وكمان فيها حكاية غامضة. بيكام، لاعب كرة القدم الانقليزى الاشهر. من الرباط الاحمر الذى يدل على رتبته القائدة، كابتن، ينتشر احمر فاقع مثل الدم فيه ضفدعة مشار اليها باسمها باللغة الانقليزية او النرويجية. والضفدعة كما نعلم رمز من رموز الوطنية الفرنسية! هل ستقوم حرب بين فرنسا وانقلتره؟ أم أن حلمك تغذى على تاريخ الامبراطوريات الحديثة؟ ثم هناك اشارة الى الحداثة ( طائرة) والى نبوءات سليمان والهدهد. وهى اشارة قرآنية معروفة.
بالمناسبة فريق انقلتره لكرة القدم يلبس الاحمر ايضآ. لذا يظهر خطان احمران على خدى بيكام وزميله.
على كل حال انت رسام ونضام مذهل. اوعا يسحروك. من سحر العين الشريرة.
الكلام هنا ليس عنده معنى و كتبته بحيث لا يمكن فهم المكتوب هنا احتجت لشكل الحروف فقط و هذا اتبعه أحيانا عندما ارسم فلو كان الكلام جميلا فهو لا يحتاج للوحة و انما لكتاب الزول انا ما كنت قاصد بيه بيكهام و لكن ختيت السبعة من باب الطرفة و اضفت ليها الشارة الحمراء الرسمة كلها فيها روح حلم و نزاع داخلي بين هنا و هناك بين السودان الما داير يمرق من راسنا بعد الزمن ده كله تتخيل يا عادل انا كلو ما ارسم من راسي برسم السودان لسع؟ الناس ديل ختيتم كيتن في المرض العندي ده انه :هوي يا سودان اخير ليك امرق خلينا نرسم حاجة تانية ياخ التصوف فيها و مخلوط بالقداسة عند المسيحيين لا حظ للهالات حول الرؤوس كلها شكرا يا صاحب
هاك الرسمة دي و لاحظ للرطن التحت قيهو اوباما خفييييييف كده
لشنو ما عارف
بس البجي في الراس برسمه
مقاسها متترين في متر و نص و اكريلك على كانفاس
Post: #11 Title: Re: مزاج غريب Author: مصدق مصطفى حسين Date: 02-19-2008, 10:26 PM Parent: #1
بسمع فى برنامج عن أغانى الحقيبه المعتقه من خلال إذاعة البيت السودانى و أتأمل فى لوحاتك و ما إقترفته يداك فى نفس الوقت ... فوجدتنى أخوض و أغوص فى عجينة إبداع و زحمة مشاعر و شجون و حاجات كده لا هى واقع و لا هى أضغاث أحلام ؟! و أهها قلنا ..... واصل ،
دا كلو من ( التلفزيون ) .. شكلك كنت بتحضر في ( قناة السودان ) برنامج ( بوادينا ) .. بعدها قلبت علي كورة ( انجلترا وكرواتيا ) .. وهزيمة ( انجلترا ) واضحة من خلال تعبير ( الفنان ) يعني انت .. وناس ( انجلترا ) لابسين ( الحلة ) .. او تجسيد لواقع انك غيرت القناة لـ( cartoon network ) .. اللوحة بمجملها بتدل علي الحالة النفسية للفنان .. ونظام تشابه عليه ( البقر ) .. وبقى ما فارز بين ناس ( قريعتي راحت ) .. وناس ( Jonathan Woodate ) .. وعنده رغبة شديدة في الرحيل الي ( الفضاء ) .. والدليل ( الحلل ) في رؤؤس اللاعبين ..
