Post: #1 Title: خرجت ولم تعد......غادة عبد العزيز Author: Mohamed Ahmaed Olyesh Date: 02-18-2008, 04:10 AM Parent: #0
خرجت ولم تعد حتي الان.. الزميله البوردابيه غاده ولكم بيانتها كالاتي الاسم رباعي:غاده الاوصاف: كان بقدر كان نزلت ليكم صورتها(الناس الخبرة نزلو لينا صورة عشان الناس تعرفها) والله ياجماعه اختفاء عجيب علي الجميع ولمن يعرف غادة الادلاء بالخبر لكي نتمكن من معرفة الاختفاء الغامض عليش
مازال البحث جاريا
Post: #2 Title: Re: خرجت ولم تعد......غادة عبد العزيز Author: Nasir Ahmed Elmustafa Date: 02-18-2008, 09:18 AM Parent: #1
سلام محمد عليش اعلانك في محله ان شاء الله بس تلصق لينا نسخة من الاوراق المتناثرة بتعاة الصحافة رضيانين
Post: #3 Title: Re: خرجت ولم تعد......غادة عبد العزيز Author: Nasir Ahmed Elmustafa Date: 02-18-2008, 09:48 AM Parent: #2
نيابة عن الاستاذة غادة والى ان تجمع ... عمودها الاسبوع الماضي في جريدة الصحافة
Quote: أوراق متناثرة حاميها: أيعقل أن يكون حراميها؟
غادة عبد العزيز كُتب في: 2008-02-09
(درو بيترسون) ضابط شرطة مخضرم بولاية إلينوي الأمريكية. جاب( درو) طرقات الولاية لمدة تسعة وعشرين عاما كاملة... حتى صارت شوارعها تعرف خطاه وصار مجرموها يتحاشون مقابلته أو الوقوع في طريقه... فسجل درو في الشرطة ناصع، مستقر وواضح... إلا أن حياته الشخصية أبعد ما تكون عن الأستقرار ويحيطها الغموض من كل جانب. تزوج (درو) في بدايات حياته وإنفصل سريعا عن زوجته الأولى. وتزوج الثانية التي طلقته بعد إتهامها له بضربها وبسوء معاملتها... وتزوج بعدها( درو) بـ(كاثلين سافيو) وأنجب منها طفلين إلا أن حظها لم يكن بأفضل من سابقاتها. فقد استدعت كاثلين زملاء زوجها من الشرطة إلى منزلهم حوالي ثماني عشرة مرة متهمة إياه بالتعدي عليها، ثم طالبت كاثلين درو بالإنفصال... وبدأت إجراءات الطلاق. وفي الأول من مارس 2004، عاد درو إلى منزله وهو لا يلمح أثرا لكاثلين. رفع درو صوته مناديا كاثلين عدة مرات وهو يجوب أنحاء المنزل ما بين مطبخ وغرفة وهي لا ترد... دلف درو إلى حمام غرفة النوم ليجد جسد كاثلين مترنحا على مياه (البانيو) وقد فارقت الحياة. حضرت الشرطة إلى منزل درو للتحقيق... وذكر درو إنه كان خارج المنزل وقت وفاة كاثلين بصحبة صديقة تدعى (ستاسي) والتي أكدت روايته. وتم حفظ القضية وتسجيل سبب الوفاة بالغرق قضاء من الله وقدر. وبينما انتهت حياة كاثلين بدأت حياة درو مرة رابعة. فقد تزوج من (ستاسي) بالرغم من أنها كانت لا تزال مراهقة في الثامنة عشرة من عمرها... وتبنت ستاسي طفلي كاثلين كما أنجبت بدورها ولدين في الرابعة والثانية من العمر. واستمرت حياتهما سويا خمس سنوات. وفي الثامن والعشرين من أكتوبر 2007، كانت ستاسي على موعد مع شقيقتها (كساندرا) ولم تظهر ستاسي في موعدها ولم تتصل معتذرة عنه. وأقلق إخلال ستاسي بموعدها أختها... وحاولت كساندرا الإتصال عبثا بأختها وهي لا تدري أين ذهبت. وحينما يئست قامت بمهاتفة زوج أختها ( درو) الذي أخبرها أنه تلقى مكالمة من ستاسي تخبره فيها بأنها وقعت في حب شخص آخر وقررت الهروب معه إلى مكان لن يعرفه أحد. أثار كلام ( درو) شكوك (كساندرا) ولم تصدق كلمة مما قال، فقامت بالإتصال بالشرطة ووسائل الإعلام وبدأت الضجة والبحث عن (ستاسي) الذي لم يشارك فيه (درو) ولا حتى متظاهرا... واستاء الرأي العام من تصرفات الزوج الذي لم يعبأ بإختفاء زوجته ... وقال درو منفعلا "لماذا أبحث عنها و قد تركتني من أجل شخص آخر." وبينما البحث عن ستاسي لا يزال جاريا، طالبت أسرة(كاثلين). - زوجة( درو) الثالثة- بإعادة النظر في قضية غرقها المزعوم... فلطالما ساورت أسرتها الشكوك بأن( درو) له يد في موتها. وأستخرجت قوات الشرطة جثة كاثلين في السابع عشر من نوفمبر 2007 وتم فحص سبب الوفاة مرة أخرى. وأصابت أسرة كاثلين، فقد تم تغيير سبب الوفاة من الغرق إلى القتل... وقال المدعي العام "إن موت كاثلين هو جريمة قتل، تمت محاولة تغطيتها لتبدو وكأنها غرق." وأضاف أن - درو هو المشتبه فيه الوحيد في قضة قتل كاثلين وفي إختفاء زوجته الرابعة ستاسي"... ولو قال إن "حاميها حراميها" لكفى!
Post: #4 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-19-2008, 00:11 AM Parent: #3
غاده عبد العزيز: تعمل بجهد تمشي بخطي بطيئة ولكنها اكثر اناقه تجتهد وتعمل في انتاج برامج لقناة النيل الازرق ولكنها توقفت ....؟؟؟؟؟ تكتب بالمنبر العام وتشارك الاعضاء في افراحههم واحزانهم
فجاة تغيبت عن المنبر اقتراح حقو نعمل دفتر حضور وغياب يومي...
التحيه لك غاده ومزيدا من الانتاج. عليش
Post: #5 Title: Re: خرجت ولم تعد......غادة عبد العزيز Author: Muna Khugali Date: 02-19-2008, 00:30 AM Parent: #4
طولت شديد ما ظاهره.. افتكرتها مشغوله بدراستها..
تعالي يا غاده سريع..منتظرنك
Post: #6 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-19-2008, 02:04 AM
شكرا مني خوجلي
غاده كان سامعانا اكيد حاتجي....
كتب عفيف اسماعيل: كان جاء الغايب....بفرهد في البال.. وضحك الاطفال... ويقوم بيناتنا الضل تاني ميعاد... نهارات مدن صاحيه ونديه... يلا ياغاده تعالي طمنينا عليك عليش
Post: #7 Title: Re: خرجت ولم تعد......غادة عبد العزيز Author: HAYDER GASIM Date: 02-19-2008, 05:51 AM Parent: #6
تشكر ... محمد أحمد ... على هذا النداء ... حتى يسفر صبحنا عن غفره ... بغادة.
Post: #8 Title: Re: خرجت ولم تعد......غادة عبد العزيز Author: Sahar Abdelrahman Date: 02-19-2008, 07:56 AM Parent: #7
الحبيبة غادة...أفتقدك كثيرا أتمنى ان تكوني بخير يا غالية....
غادة ...جميلة...رقيقة..مهذبّة...رائعة
كل الحب
تحياتي محمد وكل الشكر على سؤالك عن غادة
Post: #27 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 08:13 PM Parent: #8
Quote: غادة ...جميلة...رقيقة..مهذبّة...رائعة
شكرا سحر عبدالرحمن
عليش
Post: #26 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 08:10 PM Parent: #7
شكرا حيدر قاسم والكتاب ماوصلنا لسه كون بخير عليش
Post: #9 Title: Re: خرجت ولم تعد......غادة عبد العزيز Author: تيسير عووضة Date: 02-19-2008, 08:05 AM Parent: #1
يا عليش (شمة) إزيك ..
غادة حبيبتنا من أروع الناس الممكن تقرا ليها أو تتعامل معاها غايتو إختفائها المفاجئ دا أنا بتّهم فيهو إثنين لا ثالث لهما: 1. عاطف عمر 2. طارق جبريل بإعتبارها (نسيبتهم) الإتنين
يلا يا جماعة ورونا وديتوا غادة وين ؟
Post: #10 Title: Re: خرجت ولم تعد......غادة عبد العزيز Author: Saifeldin Gibreel Date: 02-19-2008, 09:06 AM Parent: #9
غادة.. سافرت يا حليلة... تصل بالسلامة
Post: #11 Title: Re: خرجت ولم تعد......غادة عبد العزيز Author: Adil Osman Date: 02-19-2008, 10:45 AM Parent: #1
Post: #12 Title: Re: خرجت ولم تعد......غادة عبد العزيز Author: معتصم دفع الله Date: 02-19-2008, 02:47 PM Parent: #1
شكراً أخي محمد أحمد عليش وأنت تتفقد أختنا غادة .. فلكتاباتها رونق خاص ولغة جميلة تجذب إليها القراء ..
لك ولها خالص الود ..
Post: #13 Title: Re: خرجت ولم تعد......غادة عبد العزيز Author: محمود الدقم Date: 02-19-2008, 02:54 PM Parent: #1
استاذة غادة قلم لا يمكن الا ان تحترمه وتكن له كل تقدير.. ونتمنى عودتها قريبا.. شكرا كتير اخ عليش.
Post: #14 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-19-2008, 05:55 PM Parent: #13
ان مايميز غاده: خفيفة الطله انيقه الحضور مشاركتها فعاله لها حسها الفني في كتابتها مسؤله ومهمومه بالاعلام والثقافه كسرو خاطرها ناس قناة النيل الازرق (الله في) شكرا كل المتداخليين ياربي غاده سامعانا؟؟ عليش
Post: #15 Title: Re: خرجت ولم تعد......غادة عبد العزيز Author: غادة عبدالعزيز خالد Date: 02-20-2008, 00:36 AM Parent: #14
محمد عليش وضيوف البورد تحياتي الكثيرة وأشواقي
علمت الأمس بخبر هذا البوست وقلت حأجي ألقى الأعمى شايل المكسر لو في ناس بيحبوني حيقولوا يا حليلها ولو في ناس ما بيحبوني حيقولوا الباب يفوت جمل وفي كل الأحوال...
أنا قاااااعد في قلبكم
بجيكم واااحد واااحد وبالرواقة
محبتي بلا حدود
غادة
Post: #16 Title: Re: خرجت ولم تعد......غادة عبد العزيز Author: Raja Date: 02-20-2008, 00:44 AM Parent: #15
حمد لله على السلامة يا حبيبة..
غايتو انا من ما بقيت الاقي صاحبي معز مرات هنا. عرفتك ما قاعدة قدام الكمبيوتر .. كل الامنيات بالتوفيق في اي شئ بتعمليه..
عليش يا عزيز..
سلامات وتحايا وسؤال عن الحال.. من يومين كنت بتفرج في صور لقيت صورة بتجمعنا حلوة.. حقو الزول يختها ليك هنا ..
ودي للكل
Post: #17 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 00:54 AM Parent: #16
والله الف حمد الله علي السلامه ياغاده وبالمناسبه دي حقو نهدي الاغنيه لكل من وقف معانا في البحث والسؤال عنك .... ,,,,, رجاء تسلمي علي السؤال والله من ديك وتاني ماشفناك نزل الصور خلي الناس يتغاظو منتظرينك بالصووووره وممكن ترسليها لي ايميل كمان [email protected]
Post: #19 Title: Re: خرجت ولم تعد......غادة عبد العزيز Author: Raja Date: 02-20-2008, 01:03 AM Parent: #17
عليش سلامات تاني..
دي الصورة والباقين حابعتهم ليك على الإيميل.. بجد كان لقاء جميل وحيتحفظ في قلبي ما حييت..
ودي
Post: #21 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 03:24 PM Parent: #19
ياسلام يارجاء
ذكريات لطيفه وستفضل بالدواخل
كرري التجربي وتعالي وبتلاقينا نحنا يانا نحنا
وبكرة برضو اجمل منتظر الايميل رجاء عليش
Post: #18 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 00:55 AM Parent: #15
غاده يلا احكي لينا وين كنت وعملت شنو في الفترة الطويله التي لم نراك فيها دي؟؟؟
عليش
Post: #24 Title: Re: خرجت ولم تعد......غادة عبد العزيز Author: انعام عبد الحفيظ Date: 02-20-2008, 08:03 PM Parent: #15
Quote: أنا قاااااعد في قلبكم
قااااااااعدة انتي في قلوبنا أكيد
وإنتي عارفه كدا مشتاقين يا بت يا نيل
تحياتي عليش
Post: #25 Title: Re: خرجت ولم تعد......غادة عبد العزيز Author: Mohamed Ahmaed Olyesh Date: 02-20-2008, 08:08 PM Parent: #24
انعام سلامات واجمل تحايانا ليك ومرحب بالطله .. غاده عبد العزيز متوفرة جوة الناس بي محبتها للناس ومحبة الناس ليها واذا جينا تكلمنا عنها فهناك عطر للحديث شكرا ليك
تحياتي انعام (,^^)
Post: #20 Title: Re: خرجت ولم تعد......غادة عبد العزيز Author: Sabri Elshareef Date: 02-20-2008, 02:17 AM Parent: #1
غاده قاعده وزي ما قال جمال حسن سعيد يا مافي وماليه الفجه
متوهطه وسط الاحبه وفاتحه نفاج مع اهل الاعلام هنا وهناك لها التحية والسلام
Post: #22 Title: Re: خرجت ولم تعد......غادة عبد العزيز Author: Saifeldin Gibreel Date: 02-20-2008, 06:07 PM Parent: #20
Quote: غاده يلا احكي لينا وين كنت وعملت شنو في الفترة الطويله التي لم نراك فيها دي؟؟؟
غادة كانت مع البيبي الجديد محمد الف مبروك ويربى فى عزكم انشاءالله...
Post: #23 Title: Re: خرجت ولم تعد......غادة عبد العزيز Author: Rawia Date: 02-20-2008, 06:17 PM Parent: #22
Quote: غادة كانت مع البيبي الجديد محمد الف مبروك ويربى فى عزكم انشاءالله...
مبروك الف الف مبروك
Post: #28 Title: Re: خرجت ولم تعد......غادة عبد العزيز Author: انعام عبد الحفيظ Date: 02-20-2008, 08:39 PM Parent: #22
Quote: غادة كانت مع البيبي الجديد محمد الف مبروك ويربى فى عزكم انشاءالله...
ياااااااه ما شفت الكلام دا والله
حمداً لله على السلامة ومبروك المولود يا غادة
ويتربى في عزكم تحياتي وسلامي لمعز
وما تطولي الغيبة يا حبيبة
Post: #29 Title: Re: خرجت ولم تعد......غادة عبد العزيز Author: Raja Date: 02-20-2008, 09:42 PM Parent: #1
غادة يا حبيبة ومعز يا غالي..
مبروك "محمد" ويتربى في عزكم مع أخوانه..
يعني يا غادة عليك جنس "غتاتة" ما نعرف إلا بالصدفة؟
