Post: #1
Title: من وحي الأصدقاء و بعض حبيبات: أجمل القادمين اتون لا محالة
Author: حجة امنة
Date: 02-17-2008, 12:18 PM
جددت فكرة انو زرعات السراب ما بطرحن غير الوهم
ماهمهن هم المخاض
ما الامهات المستجابات دعوتن
حتن صفق أحزانك إتعرن نهار
رقصن كما الماسيهو جن
أمالك الواقفات ثبات..
خوفك ملازم ضلهن
بلن شفايفن إنتظار...
لكنو ريقن كان عطش..
شلل خطاهن قعدن
والإبتهالات شاده عصب الحس سمع...
هسسسسس
أظنهن؟!!!؟ ...
يا ربى هن؟؟؟!!!؟؟؟
ترنيمة الجايات فرح, يا ربى هن؟!!؟
وكان صدى الخطوات رجوعن
خانك غناك...
وترو بعدك ما انقطع ...
و ما بينقطع
ما هدي الطيور طايرات تغنى..
و فى الزنازين حاشا ما زهدن غنا...
الا بيطلع بس حزين
لى متين قيدك متين...
لى متين بتموت حنين
لى متين بتموت حنين
|
Post: #2
Title: Re: من وحي الأصدقاء و بعض حبيبات: أجمل القادمين اتون لا محالة
Author: ismeil abbas
Date: 02-17-2008, 01:25 PM
Parent: #1
حجة امنة
كلامك حجا..
وشعرك أمان
فيه اليتعب وفيه الحنان..
.......................
واصلى نمط جميل وجدير بالمتابعة..
إسماعيل محمد احمد عباس.........
|
Post: #3
Title: Re: من وحي الأصدقاء و بعض حبيبات: أجمل القادمين اتون لا محالة
Author: مازن الجمّال
Date: 02-17-2008, 02:01 PM
Parent: #1
| Quote: جددت فكرة انو زرعات السراب ما بطرحن غير الوهم |
زرع العوير شفتيه يوم؟
دايما يقوم من غير رمي
لا موية بحتاج لا بذور
تلقيه بين زرعك بجي
ختيه زي صُحبة جبان
مزروع يخّرب في الطمي
ما زي زهور صحبة نضيف
بديك عطور قلبا وفي
........................
صديقتي الجميلة حجة امنة
تحية وشوق
|
Post: #4
Title: Re: من وحي الأصدقاء و بعض حبيبات: أجمل القادمين اتون لا محالة
Author: tarig almakki
Date: 02-17-2008, 02:33 PM
Parent: #1
| Quote: زرعات السراب ما بطرحن غير الوهم |
حجوج
خذو الحكمة من قصائد حجة آمنة تلك الأنثى الآمنة
أخشى ما أخشى من مثل هذه الزرعات
وما أقساهو طرحهن
حجوج تاني
أديك سر ..
خليك قريبة
|
|