Post: #1
Title: افضل استثمار للغلابه
Author: قرشـــو
Date: 02-17-2008, 11:19 AM
ما عاوز اى غلاط يا جماعة فى البداية ...
الناس المفلسين ما عندهم حل غير يستثمروا فى الركشة
فقد اثبتت الدراسات الخاصة بأن السودان لن يستغنى عن الركشة ابدا ورغم مضايقات الوالى لانه يريد انزال انواع اخرى من السيارات كشركة خاصة تستولى على عملية النقل فى وسط العاصمة (المثلثة) ولكن تبقى الركشة فى الاطراف فاعلة وعاملة ....
وعلى ذمة اخونا الدكتور سجيمان فسعر الركشة جديدة كرت ثمانية مليون جنيه ....
يلا نحسبها
اديها سواق واستلم منه كل يوم خمسة وعشرين الف جنيه ( طبعا الجمعة بتاعت السواق)
يعنى ستة ايام فى الاسبوع
يعنى اربعة وعشرين يوم فى الشهر
يعنى 288 يوم فى السنة
يعنى سبعة مليون ومائتين الف ...
شفتو كيف والركشة قاعدة فى محلها فمكنتها كلها بثلاثمائة الف ....
اها شنو ليكم يا الاحباب ؟؟؟
|
Post: #2
Title: Re: افضل استثمار للغلابه
Author: Frankly
Date: 02-17-2008, 11:31 AM
Parent: #1
الحبيب عمدتنا قرشـو
والله مشتاقون
كيف حالك وأحواك عساك وجميع الأسرة بخير
عندي موضوع مماثل ضربه النسيان وذكرتني به ببوستك هذا
سارفده لاحقاً بإذن الله
الركشات ملات السودان وبقت مذل الجراد في الزرع يقضي على الأخضر واليابس
وفعلاً البعض يقول بأنّ دخلها أكثر بكثير من التاكسي وصيانتها مثل صيانة الموتر
ويقال أنّ سائق الركشة أو الرقشة يفطر بسمك وبيض بينما سائق التاكسي يفطر بفول سادة
ويقال أيضاً أنّ شائقي الركشة يقولون لسائقي التاكسي : لو فتحت لهم الكباري لما وجد سائقي التاكسي حق موية الفول
تحياتي كمال
|
Post: #5
Title: Re: افضل استثمار للغلابه
Author: قرشـــو
Date: 02-17-2008, 01:48 PM
Parent: #2
الأخ الحبيب فرانكلى
لك التحية والتقدير
والله ليك وحشة شديدة جدا ياخى ... الحمد لله كل الامور على ما يرام..
طبعا الركشات اصبحت مضرب المثل فى الكثرة وحتى انه الوالى احتار يعمل فيها شنو.
لكن الحق لله انها خففت كثير على الناس مع انه اثرها السلبى الناس بقوا كسلانين والواحد من هنا لى هنا يركب ركشة ....
انتظر جميل مساهمتك وما تأتى به الينا ....
لك مودتى
|
Post: #3
Title: Re: افضل استثمار للغلابه
Author: ابو عثمان
Date: 02-17-2008, 11:38 AM
Parent: #1
احجز لي معاك رقشه يا حاج قرشو !!
لكن السؤال ؟ هل حكومتنا الرشيده دي مضمونه انها ما تطلع قرار وتقاسمك ايراد الرقشه اليومي !!
|
Post: #6
Title: Re: افضل استثمار للغلابه
Author: قرشـــو
Date: 02-17-2008, 01:50 PM
Parent: #3
العزيز ابوعثمان
لك التحية
غايتو هم ما بقاسموك لكن قالوا مسلطين عليها عساكر الحركة بالله اول ما يشوفو الركشة يطلعوا دفترهم ويدوه مخالفة مرورية سبب برا سبب ...
ايه رأيك نتشارك واحدة من باب التجربة ...
ما نحن شركاء اصلا ياخى .....
|
Post: #4
Title: Re: افضل استثمار للغلابه
Author: امير مصطفى احمد
Date: 02-17-2008, 12:11 PM
Parent: #1
شوف يا اخوي قرشو
اي حاجة تضربها بالالة الحاسبة بتطلع معاك (زابطة) ، ولكن تعال شوف ارض الواقع وشغل الكسور وبواقي .
عند زميل لي في الغربة عمل بي فكرتك دي وبعد فترة لاقيتو سألتو اها كيف ، قال لي : بقيت ارسل مصاريف البيت ومصاريف الركشة.
وواحد تاني عندو قريبو من الدرجة الاولى ضربو في حافلة كاملة ، ولما سألتو عن شغل الحافلات في السودان قال لي : شوف هي شغلها كويس جداً جداً لكن يا تسوقها انت يا تسوقها امك تاني ما تضمن زول.
واياك اسمعي يا جارة
|
Post: #7
Title: Re: افضل استثمار للغلابه
Author: قرشـــو
Date: 02-17-2008, 01:54 PM
Parent: #4
الأخ أمير مصطفى
لك التحية
والله ياخى صدقت فى كلامك عن شغل الالة الحاسبة والواقع ...
طبعا حاجات كثيرة بالالة الحاسبة والتقديرات تكون عال العال ولكن هنالك ما لا يظهر للعيان ...
غايتو الكويس فى الركشة انه السواق محدد ليه مبلغ معين وبعد كده ان شاء الله يدخل مية الف هو حر وبكده ما بقدر ياكلك ...
الفكرة دخلها لى واحد عرفته اخيرا وقال لى الركشة دى ريحتنى من مصاريف ناس البيت واحسن حاجة العضم قاعد ما جاتو عوجه ...
جزئية الامانة وانحسارها شىء محزن جدا والله لكن الامر ليس بغريب لانه المثل القديم جدا بقول : مالا تودعه وادعه ....
لك مودتى..
|
Post: #8
Title: Re: افضل استثمار للغلابه
Author: mohanad haimoura
Date: 02-17-2008, 02:13 PM
Parent: #4
حبيبنا قرشو
دراسه سريعه من سواق قديم
Quote: اديها سواق واستلم منه كل يوم خمسة وعشرين الف جنيه ( طبعا الجمعة بتاعت السواق)
|
كان زمان طبعا الكلام ده
الان التوريده من 20 الف جنيه بالقديم طبعا الي الركشه الجديده وايصالات المرور علي صاحب الركشه او 15 الف جنية للركشه القديم وايصالات المرور علي السواق
اذا كده حساباتك ح تختلف
اي
288 * 20 = 5,760,000
من غير اي اعطال في السنه ومعروف انو المكنه بتعمر معاك 3 شهور بتغير بستم وشمبر وبعد
ح تغير فيها كل ثلاثه شهور بستم وسلندر
من غير ايصالات المرور اقل ايصال بالنسبه للركشه 120 الف (4 ايصالات)
وحجز عادي ممكن يكون شهر
يعني كان زمان استثمار خرافي
اما الان
فهي خسرانه خسرانه
كل الود
مهند حيمورة
|
Post: #11
Title: Re: افضل استثمار للغلابه
Author: قرشـــو
Date: 02-18-2008, 01:39 PM
Parent: #8
حبيبنا مهند
تحياتى
ياخوى شكلك سبرت اغوار السوق ده وعرفت اموره كلها ...
بعدين ليه الايصالات ما يتحملها السواق ياخى ؟؟؟
مش هو القام بالأخطاء ؟؟؟
طيب صاحبها ذنبو شنو ؟؟؟
تعرف احسن حاجة تخليه يشتغل جوه الحارة بس
ويشتغل نسوان بس اصلهن حوامات يومهن كله من بيت فلانة لى بيت علانه
ولا باس انه يكون بتاع شمارات ينقل كل ما يستجد ليزيد فى حركة نسوان الحلة ...
غايتو اكان اتفقنا على الخمسة دى برضو ما بطال ياخى
وخمسة مليون فى السنة من ثمانية هى راس المال تكون نعمة كبيرة
احسن من تكون قروش مجمدة ساكت وما معروف اخرها شنو ؟؟
|
Post: #9
Title: Re: افضل استثمار للغلابه
Author: امير مصطفى احمد
Date: 02-17-2008, 02:18 PM
Parent: #1
اخي قرشو
ما هو علشان يدخل ال 100 الف البتقول عليها دي حتكون الركشة بقت في خبر كانا .
وطبعا حتفرح بيها الشهر الاول على احسن تقدير ، بعدين كل ما تتصل يقول ليك كنت في الورشة وجاي من الورشة والركشة في الورشة والورشة في الركشة والليلة عرس اخلاص بت عمر وامبارح وفاة حاج عوض وكنت مع اختي عندها عملية ما اشتغلت حاجة .
يعني تحتسب الاجر في انك ساعدت شخص في اعالة اسرته.
|
Post: #12
Title: Re: افضل استثمار للغلابه
Author: قرشـــو
Date: 02-18-2008, 01:44 PM
Parent: #9
العزيز أمير مصطفى
لك التحية
يعنى قصدك شنو ؟؟؟؟
الورشة فى الركشة والركشة فى الورشة مش نحن قلنا الكلام ده على السواق ؟؟؟؟
انا شوف من ثانى يوم نقص الخمسة وعشرين بقلعها منو واديها لاى واحد رمتالى مرمى فى الحلة
واهو ترفع واحد شوية احسن من مافيش ....
فى رأيك طيب الاستثمار الاحسن للغلابه يكون فى شنو ؟؟؟؟؟
كفتيرية شاى ما معانا .... ولا حلة مديدة ما معانا برضو .....
|
Post: #10
Title: Re: افضل استثمار للغلابه
Author: الصادق ضرار
Date: 02-17-2008, 02:20 PM
Parent: #1
| Quote: افضل استثمار للغلابه |
حسبتك تقول ( العبادة ) تجي تقول ( ركشه )
مافيش فايده
غير التوكل على الله و طلب الاخرة
ده احسن استثمار للغلابة
|
Post: #13
Title: Re: افضل استثمار للغلابه
Author: قرشـــو
Date: 02-18-2008, 01:46 PM
Parent: #10
العزيز الصادق ضرار
لك التحية
كلامك ده صاح للاخرة
لكن الدنيا دى نسوى فيها شنو ومطالبها كل يوم بتزيد
انت ما شايف الاسعار كيف زايدة كل يوم ياخى ؟؟؟
دى نعمل ليها شنو تفتكر بالله ؟؟؟؟
|
Post: #14
Title: Re: افضل استثمار للغلابه
Author: عبدالله كع
Date: 02-18-2008, 02:30 PM
Parent: #1
قريشو والله مشروع ابن كلب بس ما برضي طموحي بعدين الظاهر المشروع خلااااص في اخرو
انا ياحبيبي غلبان والله ومتغرب 15 سنه من السودان وداير حاجه تكون بعيدة من المرور
وناس البلديه والمحليه ومن الشرطة . ويكون عايدة مضمون بنسبه100% وسريع عشان ابني لي
بيت في مكان في بلدي واعيش باقي عمري مع اولادي مستور الحال لو عندك حاجه غير الركشه دي
اسرع وورينا ليها
|
Post: #15
Title: Re: افضل استثمار للغلابه
Author: سيد محمد احمد سيدنا
Date: 02-19-2008, 08:30 AM
Parent: #14
اخونا العزيز قرشو
بالصدفه وانا ابحث عن بوست توثيقى
لمحتك بعد غيبه من البورد لكن كده
ندخل معاك فى المعمعه دى شويه واولها
اخوك لحدى الان لم يركب رقشه ولا امجاد وحالف
واغلب مشارويرى فى السودان اما مواصلات
وفى العدم كدارى ومرات تجبرك الظروف تقوم
تأجر سيارة .
طبعا بحكم الشراكة انت قارى افكارى وعارف
اتجاهاتى لكن نصيحة من اولاد العقيد اعمل
ليك هونداى وادخلها السودان عن طريق المهاجر
وعقدك معاهم 3 سنوات بعدها تأخذ سيارتك اذا
احببت وتقوم تجمركها ناقص 3 سنه موديل يكون
المبلغ اخف وحسب ما علمت انه السيارة عندهم
محفوظه وايرادها الشهرى لا يقل عن مليون تمسك
البيت وان تدور اشغال اخرى والاهم يمكنك الاستفاده
من قرارات العودة وتدخل السياره براك واعملى تكسى
وشوف محلات الجكس والمجكسين الحفاء بتعمل ايراد المعيشه
اليوميه ومن خلالها تقدر تطلع على كل افكار الشعب السودانى
وانا لمن الحقك بهناك نعمل لينا موقف خاص وزبائن بالموبايل
ولا تعمل ليك هايس بالنهار مدارس وبالليل فنانين .
او تخلينا تجار محاصيل مع المواسم ونجيب تمر ابو عثمان السيل
لعابنا دا وشمار الشماليه وملحقاته ودى اهم شىء فيها علاقات
مع شرطة الطرق السريعة وجبايات ما بين الولايات يعنى مرة تدفع
ومره مرور ومره زوغه .
اها رأيك فى اقتراحاتى شنو .
تحياتـــــــى
ســـــــــــيد
|
Post: #17
Title: Re: افضل استثمار للغلابه
Author: قرشـــو
Date: 02-19-2008, 10:14 AM
Parent: #15
الأخ ابو السيد
لك التحية والود
اذن لا يفتأ ومالك فى المدينة وياريت اخونا عبدالله كع ده ياخد شىء من افكارك
طبعا انت بحكم التجربة تشبعت بالأفكار الاستثمارية ...
بعدين ياخوى انا مصنف نفسى فى خانة الغلابه انت مالك معصور على الغلب ياخى وانت بتاع محافظ استثمارية وهلم جرا ؟؟؟
نحن بنتكلم يا دابك على حاجة كده بتاعت سبعة ثمانية مليون بالكثير ودى امكانات الغلابه ياخوى ..
اما حكاية السيارة والاعفاء والله بينى وبينك انا ما بثق فى كلام ناس الحكومة ديل .. كل زول يقول كلام من جهة وانت لامن تتورط وتخت الوراك والقدامك فى عربية وتبقى فى بورتسودان تلقى الامور جدت فيها امور واخرتها يصادروا عربيتك وشقى عمرك وما بعيد يكون مقرك فى التجانى الماحى عشان كده الواحد ما عاوز يتورط مع العالم دى وبينى وبينك انا المهاجر دى شامى فيها ريحة الحكومة كمان عشان كده ثقتى فيها ما كبيرة وديل ناس تماسيح ياخى يبلعونا زى الصير ولا يتذكروا ذاتهم انهم بلعونا ...
اما فكرة المحاصيل دى فهى مجربة وصراحة لحدى هسع افضل منها مافى بس كيف تضمن السوق البتبيع ليه محصولاتك ولكن الباقى كله مقدور عليه لا سيما وان شوارع الاسفلت ملت السودان كله يعنى ممكن تشيل شمار من الشمالية تبيعو فى الفاشر ابوزكريا ... والله الشوارع دى عاجبانى شديد ياخى ...
شكرا حبيبنا ابوالسيد وما تبخل علينا بالله بالمزيد من الافكار لتوسيع الخيارات ...
|
Post: #16
Title: Re: افضل استثمار للغلابه
Author: قرشـــو
Date: 02-19-2008, 10:05 AM
Parent: #14
الأخ عبدالله عوض كع
لك التحية والتقدير
ياخوى ما نحن قلنا استثمار الغلابه اما فى حالتك وشكلك دفيان ومليان دولارات فعليك بالمحافظ الاستثمارية واهو سمعت فى التلفزيون دعاية عاملها بتاع العاملين فى الخارج قال انه شركة المهاجر عندها محافظ استثمارية بتكسب 30% وصدق او ما تصدق ....
اما لو عاوز ربح 100% فطبعا دى عاوزه ليها تفكير بهدوء لا سيما وانك اشترطت ان يكون بعيد عن الحركة والمرور والجمارك ولكن لو سلمت من ديل كلهم ما بتسلم من الوالي ....
غايتو قناعتى الشخصية اى استثمار لازم تكون انت واقف عليه واوعك من الثقة فى زيد وعبيد لانك بعدين ما بتلقى بنك تصرف فيه ثقتك دى ......
اقول ليك حاجة يا زول امشى الصين واشترك ليك كونتينر بتاع كريمات تجميل طبيعية وتعال السودان فكها فى السوق ويقينا دى ربحها اكثر من 300% .....
|
Post: #18
Title: Re: افضل استثمار للغلابه
Author: عبدالله كع
Date: 02-19-2008, 10:24 AM
Parent: #1
عزيزي قرسو
اشكر علي الاقتراح
اريك شنو لو عملت لي كوفير شامل متكامل (فيه حتي المشاط )
بدل ما امشي الصين وشحن وده اصلي وما اصلي.....
|
Post: #19
Title: Re: افضل استثمار للغلابه
Author: قرشـــو
Date: 02-20-2008, 12:22 PM
Parent: #1
الأخ عبدالله عوض الله كع
لك التحية والتقدير
عن الكوافير يا سيدى حدث ولا حرج
من ناحية استثمار فهى استثمار لا يضاهى لانه اصبح الكوفير يضم الكثير من الملحقات من ضمنها كاميرات تصوير فيديو وأجهزة أورغن وساوندسيستم والبعض اضاف كوش افراح وزينة وكراسى يعنى مسمى الكوفير بقى فضفاض جدا ولتكون بريمو محتاج لراس مال كبير ليكون الشغل متكامل وما تنسى مع كل ذلك تحتاج لعربات لترحيل المعدات اضافة الى فنيات .. نعم فنيات لانه البعض يفضلها نسائية خالصة وما عاوز يشوف خلقة الرجال ذاتهم ..
اكان عندك قدرة على ده فتوكل على الله يا سيدى ...
بس شغلى لى ركشتى معاك انقل بيها ستات الحنة ....
|
Post: #20
Title: Re: افضل استثمار للغلابه
Author: اسعد الريفى
Date: 02-20-2008, 12:42 PM
Parent: #1
قرشو
لمين لقيت حكاية (تسعى البيهناك)
جيت اشوف موضوع الركشات ..
لك التقدير
|
Post: #21
Title: Re: افضل استثمار للغلابه
Author: قرشـــو
Date: 03-06-2008, 09:43 AM
Parent: #20
الأخ أسعد الريفى
لك التحية
وحبابك عشرة فى ركن الركشات وهو اضعف الايمان فى دنيا الاستثمار...
بس نحن منتظرين مرئياتك ياخى حول هذا الاستثمار ...
نحن نسميه استثمار تيمنا بالمستثمرين ولكنها وسيلة لكسب العيش بحرية وبعيد عن هيمنة الاخرين عليك وعلى وقتك وعلى جهدك ...
وبعدين هنالك مقولة سودانية تقول " مالا تودعه وادعه" بمعنى انك ان اودعت مالك لجهة ما او شخصا ما فانه توجب عليك وداع ذلك المال لانك لن تشبع فيه شوف ثانية وسيضيع ادراج الرياح ...
لك مودتى
|
Post: #22
Title: Re: افضل استثمار للغلابه
Author: محارب
Date: 03-06-2008, 10:29 AM
Parent: #21
الاخ قرشو ازيك
طبعا هموم الغلابة الزينا واحدة ، وموضوع الاستثمارات الصغيرة دي كانت ولا زالت هاجس كبير بالنسبة لي .
المهم انا جيت من اجازة قبل اسبوعين وقضيت في السودان حوالي شهرين ونص ومعظم اجازتي قضيتا حوامة في الاسواق والشوارع بفتش في الحاجات الصغيرة والمابتكلف كتير ( نقاطات ) وطلعت بالتالي :
في نوعين فقط من المشاريع الصغيرة ودي البتدخل ليك يوميا قروش في جيبك وما بتكلف كتير :
1- المواصلات عموما : كان ركشة او امجاد او حافلة:
اذا مستخدم سواق
الركشةالمرخصة توريدتها 25الف خلاف ايام الجمعة
واركشة الما مرخصة توريدتها 20 الف خلاف الجمع
وطبعا اي شي عليك ( صيانة - غرامات )
المجاد المرخصة توريدتها 35 الف خلاف الجمع والغير مرخصة 30 الف خلاف الجمعة وبرضو كل شي عليك
الحافلات الصغيرة توريدتها متوسط 50 الف ( تزيد شوية او تنقص شوية حسب حالة العربية ) خلاف الجمع وبرضو كل شي عليك وده في حال ما عندك ترحيل ، وفي حال عندك ترحيل اما انك تدي السواق ربع قيمة الترحيل والتوريدة ثابتة او ما تديهو شي من الترحيل وتنقص التوريدة اليومية حسب الاتفاق .
الحافلات الكبيرة السواق بيشتغل بالربع والتوريدة بتتراوح بين 70 الى 100 الف حسب سعة الحافة( 25 / 30 راكب ) وحالتها.
وطبعا المسالة لا تخلو من مشاكل مع السواقين والمرور وخلافه والكلام ده عن تجربة شخصية( عندي حافة صغيرة وامجاد )، وفي كل الحالات اذا كنت سايق براك بيكون المدخوا اكبر ومحافظ على عربيتك .
2- الشي التاني الاكل والشراب  مطعم / كافتريا) ودي برضو بتدخل ليك بصورة يومية بس محتاجة لراس مال اكبر عشان تعملها بصورة كويسة ومحتاجة لمعرفة واشراف يومي مباشر ودقيق والا بترح فيها.
انا عن نفسي افضل العربات لانو في النهاية نسبة كبيرة من راس مالك بتكون محفوظة كاصول ممكن تسيلها تاني وتغير نشاطك
والله اعلم
|
Post: #23
Title: Re: افضل استثمار للغلابه
Author: Tabaldina
Date: 03-06-2008, 10:54 AM
Parent: #1
..
.
والله افتكرتو .. ولد صالح يدعو له ..
سبحان الله ..
سنين ما حصل قريت عنوان بوست وخمنت الموضوع
وطلع مظبوط ياخى لا عرفناها عبقرية ولا شبكة طاشة
على العموم الركشة الكرت ما رخصة - ولا يوجد - ترخيص بـ 7
والمرخصة بحالة جيدة برضو بـ 7 ..
بس نصيحتى للغلابة احسن محل فول وطعمية من الرسك بتاع الركشات
والكشات .. والقريشات الرايحات
مودتى يا قرشو
اى استشارت من اسعار الفنانين للصالات المغلقة للشقق المفروشة والتمليك
للعقارات للسيارات .. للمزارع حتى اسعار المهور متوفر لدينا 
|
|