Post: #1
Title: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 09:29 AM
المنتخب المصري زرع الفرحة في شفاه 75 مليون مصري بعد البطولة الأفريقية وندى القلعة رسمت الدهشة في وشوش 35 مليون سوداني أمبارح .. لو ناس هارموني عندهم مقياس (ريختر) لقياس درجة مشاهدة البرامج لوجدوا إنو لحدي أمبارح الساعة 9 مساء عدد المشاهدين كانوا 9 أنفار بس .. أما ما بين الساعة العاشرة والثانية عشر مساء فمعتصم الجعيلي نفصو يكون ما قدر يشوف هارموني من كترة ما المشاهدين مشغلين القناة وأضعفوا لينا التردد من كترة ما ترددوا على القناة .. إتأكدت إنو35 مليون سوداني شاهدوا قناة هارموني بعد ما إتصل علي أكتر من 25 مليون سوداني هم عدد الذين أعرفهم في بقاع الدنيا المختلفة .. 12 مليون إتصال جاني من السودان بغرض إخباري بمتابعة قناة هارموني الساعة 10 مساء .. أمي الله يديها العافية عملت مس كول كم مرة انا قلقت وقلت إن شاء الله خير وضربت ليها يا حاجة إن شاء الله خير ؟ قالت لي : لالالا ماف شي بس قلت أكلمك تحضر ندى القلعة .. 7 مليون رسالة SMS من زين ومن أريبا ومن سوا ومن موبايلي ومن فودافون ومن سوداني وخليييييك سوداني مضمونها : يا عمر حصّل ندى القلعة في التلفزيون .. 5 مليون إتصال في تلفوني الثابت في البيت كلهم ما عرفت فيهم زول لأنو بس بيقول ليك جملتين بس: ألو ... أفتح قناة هارموني .. كجك ..تييييييت ..تييييت ..تيييييت ...
أمبارح من دون الأيام كان يوم تلفزيوني حافل بالنسبة لي لأنو يوم فيهو 4 مباريات متواصلة وكل كورة أجمل من التانية بداية بي مانشستر وأرسنال وروما ويوفنتس وريال مدريد وبيتيس ومن ثم برشلونة .. الكلام ده كلو من الساعة 8 لحدي الساعة 12 !!! بضرب لي الشباب عشان أقول ليهم جايي أحضر معاكم الكورة عشان المتعة لقيت ليك كل الناس قفّلت الموبايلات وما فهمت الحنك شنو هل هو النوم أم الوقار في حضرة ندى القلعة .. امبارح الرجال كانوا محظوظين للحد البعيد ومشاهدة ندى القلعة دون حدرة من النسوان والسبب بكل بساطة إنو النسوان زااااتهم كانوا منتظرين الحلقة دي .. وبالرغم من إختلاف وجهات النظر في أسباب مشاهدة الحلقة لكن كل الطرق أدت لروما وهو المطلوب .. النسوان كان كل همهن تياب ندى المباااااااالغة وفنايل البودي الطالعة موضة وما بتشبه حقات النسوان والحنة العنكبوتية وما أدراك ما الدهب .. الرجال أقنعوا نسوانهم إنو سبب حضور الحلقة صوت ندى الجهوري والغناء الحماسي مع العلم إنو الرجال نفسهم كانوا مركّزين على التوب والحنة والدهب إضافة للوش كمان .. أتحدّى أي واحد يوريني أمبارح تلفزيون السودان وساهور والشروق وزول والجزيرة وأكشن وروتانا كان فيهم شنو بين الساعة 10-12 مساء؟؟؟ ياخ معتصم الجعيلي زااااتو في روحو أمبارح جاب ليك أي لقطة وأي برنامج وأي دعاية في الفترة ما بين 10 و 12 !!! وما فضّل ليهو إلا يقول بعد الحلقة إنتهت : خلاااااص يا شباب شطّبنا يلا إتخارجو ونشوفكم السنة الجاية .. أجمل ما في ندى إنها وحدت بين الأجيال الأطفال والرجال !!! لاقيت لي راجل عمرو زي 65 سنة كده ومعاهو ولدو عمرو 10 سنوات تقريباً في محل إستيريو وتسجيلات في غبيرة ملتقى السودانيين !!! أسمع ليك الراجل بيقول لي بتاع الإستيريو : عليك الله ما عندك تسجيل لي حفة نيجيريا بتاع ندى القلعة ؟؟ الراجل قال ليهو : ايوة في !! قام شغّلوا ليهو في الكمبيوتر من أسطوانة CD.. قوووووووووم يا الراجل أبو 65 سنة قول ليهو : لالالالا ياخ ده تسجيل حفلة سكر كناااانة ده ما بتاع نيجيريا !!!

عاد ده كلام ده يا أخوانّا ؟ نبقى في جنس ده !!!
تخريمة : أمبارح مزيعات هارموني حنّنوني شديييييييد ياخ !! تيابهم جيعااااااااااانة شديد بقت لي .... وبقن لي مسيخات مسيخات
|
Post: #2
Title: Re: 35 مليون سوداني شاهدوا قناة هارموني أمبارح !!
Author: أبوذر بابكر
Date: 02-17-2008, 09:43 AM
Parent: #1
كيفك يا حاج
سيبك من الهارمونى والهاردمونى
أمس لقيتو هواكم فى الأولد ترافورد
لميتو فى الشفع الصغار ديل وضريتو عيشكم
عمك ارسن فنغر من البداية قال ليكم
بخيت وسعيد عليكم كاس الإتحاد
وأولاده جايين يتمرنو بس
الزول عينه على الشغل الكبار كبار
لكين غايتو نانى لعاب
مافى طريقة نجيبو معانا كاتالونيا؟
|
Post: #3
Title: Re: 35 مليون سوداني شاهدوا قناة هارموني أمبارح !!
Author: سامى عبد الوهاب مكى
Date: 02-17-2008, 09:49 AM
Parent: #1
الخمسة وتلاتين ديل فيهم الاسرى بتاعين صاحبك؟؟؟
انا شخصياً ما شفتها!!
|
Post: #4
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 09:57 AM
Parent: #1
يا أبوذر : أمبارح شايف الحكم أداكم ضربة جزاء وما فضل ليهو إلا يجري مع رونالدينهو يحتفل بعد القون .. وبعيدن يا اللخو السير فريجسون شال بطولة أوروبا في دقيقتين بس يقوم يغلبو يشيل دوري باقي فيهو طفشطاشر كورة ؟ السنة دي لا كتلونيا ولا القانار حا يطلعوا بي حاجة .. ملكي ساااااااااااااااي
|
Post: #5
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 10:04 AM
Parent: #1
يا ابو السيم :
Quote: الخمسة وتلاتين ديل فيهم الاسرى بتاعين صاحبك؟؟؟ |
لالالالا ديلك بيكونوا مع برنامج ما يتلبه المستمؤوون
|
Post: #6
Title: Re: 35 مليون سوداني شاهدوا قناة هارموني أمبارح !!
Author: سامى عبد الوهاب مكى
Date: 02-17-2008, 10:06 AM
Parent: #1
Quote: لالالالا ديلك بيكونوا مع برنامج ما يتلبه المستمؤوون |
ههههههههههههههههه
قبل كم يوم ضرب لي واحد من الجماعة وشبكني ليك منو معيي منو معيي قلت ليه معاك قناة المروق ممكن تهدي!!
سب لي استغفر الله العظيم!!
|
Post: #7
Title: Re: 35 مليون سوداني شاهدوا قناة هارموني أمبارح !!
Author: ملكة سبأ
Date: 02-17-2008, 10:09 AM
Parent: #1
العجب الحنة العنكبوتية
مبااااااالغة
|
Post: #8
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 10:11 AM
Parent: #1
Quote: قبل كم يوم ضرب لي واحد من الجماعة وشبكني ليك منو معيي منو معيي قلت ليه معاك قناة المروق ممكن تهدي!! |
                    
                    
                    
                    
                    
والله يا سامي بتبااااااااااااااااااااااااااااااااااااااالغ ... تخريمة : ما أظن في زول فقدتك في المنبر ده زيي
 
|
Post: #11
Title: Re: 35 مليون سوداني شاهدوا قناة هارموني أمبارح !!
Author: عواطف ادريس اسماعيل
Date: 02-17-2008, 10:19 AM
Parent: #8
عمر !!!
يخسي عليك ما كلمتني أشوفها ليه عشان يكون العدد خمسة وتلاتين ونص ؟؟
زعلانة شديد و ما برضى إلا إذا رجعت الشريط من أوله !!
|
Post: #9
Title: Re: 35 مليون سوداني شاهدوا قناة هارموني أمبارح !!
Author: سامى عبد الوهاب مكى
Date: 02-17-2008, 10:16 AM
Parent: #1
انساني منهم ناس سودانيز اونلايص ديل كلهم مفروض يهدو ويفرتقو!!
هههههههههههههههههههههههه     
|
Post: #15
Title: Re: 35 مليون سوداني شاهدوا قناة هارموني أمبارح !!
Author: ebrahim_ali
Date: 02-17-2008, 10:53 AM
Parent: #9
عمر الفاروق تحياتي وسلامي والله لكن بوست عينة ياخي 35 مليون بس ياخي السودانين والشعوب المجاورة ياخي جيراني حبش تلفزيونهم قداننا بالقناة بتاعتهم من عرفوا ندي في هارموني أول مرة يشاركون في سهرة مشتركة فالجميع امبارح من الساعة عشرة لحدي الثانية عشر ما في زول غير الريموت وأنا قايل دي أول مرة الريموت يظل مرتاح من العصر والتحول ولكن بيني وبينك ندي خرتت الجو من الجميع
والحقنا ياودقريش بالسهرة كاملة وليك اجر المناولة والمشاهدة
ندي خروووووف لا قصدي ندي إبداع كل شيء يقول للتاني انت شنو التوب ولا الحنة ولا القعدة ولا التحندك ولا ولا ولا ولا شنو عليك الله
|
Post: #10
Title: Re: 35 مليون سوداني شاهدوا قناة هارموني أمبارح !!
Author: كمال ادريس
Date: 02-17-2008, 10:17 AM
Parent: #1
ماهو وجه الشبه بين ندى القلعة وجواهر؟؟!!
|
Post: #12
Title: Re: 35 مليون سوداني شاهدوا قناة هارموني أمبارح !!
Author: سامى عبد الوهاب مكى
Date: 02-17-2008, 10:20 AM
Parent: #1
Quote: ماهو وجه الشبه بين ندى القلعة وجواهر؟؟!! |
دقيقة هسي يجيك خبيرنا الفني ود الفاروق يوريك!!!!
الفرق!!
|
Post: #13
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 10:23 AM
Parent: #1
يا ملكة سبأ: أصبري ليها الحلقة الجاية قالت بتجيكم بي رسوم فرعونية .. يعني من أحمص وإنتي طالعة ..
|
Post: #14
Title: Re: 35 مليون سوداني شاهدوا قناة هارموني أمبارح !!
Author: قرشـــو
Date: 02-17-2008, 10:24 AM
Parent: #1
الأخ عمر الفاروق
تحية طيبه
بكل صدق ندى القلعة صوت رائع وجميل جدا جدا وقد حازت رضا معظم اهل السودان وسهرة الامس رغم انها مركبة من حلقتين ولكنها كانت محضورة فعلا وانا شخصيا كل من اعرفهم كانوا مسمرين امام هارمونى وانا شخصيا ليس استثناء فقد كنت مسمرا ولم يشغلنى شىء عنها البته ...
بصراحة البنية غناية ياخى رغم انف الرافضين لحنتها وحناناتها الاثنين وكلبها وقردها .....

والزمن ميل يا لطيف
|
Post: #16
Title: Re: 35 مليون سوداني شاهدوا قناة هارموني أمبارح !!
Author: جمال السنوسي
Date: 02-17-2008, 11:03 AM
Parent: #14
كلو كوم
وندى الخروف كوم
بساطة لحدي ما كان اسمي الخروف لمن كنت صغيرة ولحدي هسه خالي بناديني الخروف ( دي بتعني بساطة ندى)
تخريمة :
عواطف اسماعيل انت ما نص
انت الملايين كلها نص شنو بالله
|
Post: #20
Title: Re: 35 مليون سوداني شاهدوا قناة هارموني أمبارح !!
Author: othman mohmmadien
Date: 02-17-2008, 11:33 AM
Parent: #14
ما هي حكاية الكلاب والقرود .... كلب ندى القلعة يقتل قرد ... وجمعية الرفق بالحيوان البريطانية تحذر من إعطاء [الجوال] للكلاب:-
في السودان حتى القرود مهمشة ...
فرصة لشراء موبايل للكلاب ... لمنعها من التعرض للخطر والإتصال بك ...
Quote: آخر تقليعات الموضة في بريطانيا، إهداء الهواتف الجوالة للكلاب، وحسب توقعات السوق فإن الملايين منها، والمصنعة خصيصا لاستعمال الكلاب، ستباع مع انزالها الى الأسواق مع نهاية العام. إلا أن الجمعية الملكية للرفق بالحيوان قد حذرت وبلغة شديدة اللهجة، ضد اعطائها للكلاب بسبب الأذى الذي قد تسببه لها. التلفونات التي صنعت على شكل عظمة، قدر سعرها بـ100 جنيه استرليني للجوال الواحد، ومن المتوقع انزالها إلى الأسواق مع فترة احتفلات الكريسماس ورأس السنة في نهاية العام الحالي، حيث موسم الهدايا، التي يصيب الكلاب أيضا نصيبا منها. وتربط الهواتف حول رقبة الكلب وتعطي صاحب الكلب الفرصة في التواصل مع كلبه خلال تواجده خارج البيت بسب الوظيفة مثلا. الا أن الجمعية الملكية، اعتبرت أن هذه الطريقة في التواصل مع الكلاب، ستكون مؤذية للكلب، وستزيد من تضليله. وحذر تيم مايلز المستشار الطبي للجمعية قائلا: قد تسبب هذه الطريقة الخوف عند الكلب وتضلله، لأنه قادر على سماع ومعرفة صوت صاحبه، من دون أن يراه، مما قد يجبره على البحث عنه». وقال إنه يبدو للمراقب، أن الكلب قد تجاوب مع صوت صاحبه، بأن يطلق اصواتا، الا أن هذا غير صحيح، مضيفا أن نباح الكلب كردة فعل على سماع صوت صاحبه، لا تعني المحادثة، العكس هو الصحيح، النباح يعني أن الكلب يحاول جلب الانتباه، واشارة لوضع نفسي مضطرب. وتابع مايلز: أن المكالمة الهاتفية من الصاحب الغائب، يجب ألا تصبح بديلا للعلاقة الشخصية، التي يتمتع بها الاثنان. هذه الاختراع وسيلة محايلة جديدة، تعطي انطباعا خاطئا وتسبب الأذى للكلاب». والنقال هذا «بيتسيل»، الذي انتجته شركة تتخذ من اريزونا مقرا لها، يحتوي أيضا على جهاز اتصال فضائي، يحدد من خلاله مكان وجود الكلب، تستعمل في حالة وجوده خارج البيت. وقال المخترع كاميرون روب، 35 عاما: سواء كان في البيت أو خلال عطلته أو في مكتبه، فإن صاحب الكلب يمكنه الاتصال بكلبه للاطمئنان عليه، وأن الكلب يكون قد سمع صوتا أليفا ومعروفا لديه». ولم يعر روب انتباها بما قالته الجمعية الملكية، مضيفا: لقد أثبت بحثنا أن الكثير من أصحاب الكلاب، يتركون الرسائل التلفونية على آلات تسجيلهم لكلابهم للاستماع لها والاستئناس بها، كما أنهم يتصلون بأزواجهم الذين يقومون بوضع سماعة التلفون على آذان كلابهم، وهذه اثبتت نتائجها الايجابية في العلاقة». وقال رايان أو ميرا محرر مجلة «كيه 9» إن التلفون سيلاقي رواجا، خصوصا مع إنزاله للسوق في فترة الكريسماس. مضيفا أنه سيبدأ أصحاب الكلاب بالافتخار أمام أصدقائهم قائلين «معذرة من فضلك، أريد أن اتصل بكلبي». | |
|
Post: #17
Title: Re: 35 مليون سوداني شاهدوا قناة هارموني أمبارح !!
Author: maia
Date: 02-17-2008, 11:05 AM
Parent: #1
Quote: إتأكدت إنو35 مليون سوداني شاهدوا قناة هارموني |
الاخ عمر الفاروق
غايتو انا ما من ال 35 مليون ديل ( ديل بالمناسبة ما ياهم عدد سكان السودان)
اقول ليك حاجة اخي عمر وبدون ما تجيني عكاكيز طايرة وتطلعني من الملة
ندى القلعة نهائي ما بحب اسمعها !! ولا بستسيغ صوتها ولا طريقتها في الغنا
اخير لي هاجر كباشي
|
Post: #18
Title: Re: 35 مليون سوداني شاهدوا قناة هارموني أمبارح !!
Author: محمود بكر
Date: 02-17-2008, 11:08 AM
Parent: #1
الفاضل/ عمر الفاروق
انا من العجايز الذين شاهدوا حلقة الامس رغم رايي الثابت في الحنانات اللائي اصبحن مغنيات ولا اقول فنانات اقول هذا كان رضى قرشو او ابى
ما لفت نظري حديثها اندهشت كان مرتب وتعرف ماذا تقول وبلغة جيدة واقول انها في الحديث كانت افضل من المذيعتين خاصة التي كانت تجلس على يمنيها (هدى) اما قنبلة الحديث فهي الاغنية التي صممتها لطالبي اللجؤ السياسي من السودانيين
قالت (هناك سودانيين يشرطون جوازاتهم ويألفون قصة لنيل اللجؤ)
ثم تحدثت عن الوطن وقيمته في دي عجبتني بعد داك مسحت لينا الغربة بالواطة مستشهدة بزيارتها لاحدى الدول الخليجية اخر سطر: لكن ياود الفاروق ان الصوت عند سميرة دنيا لكن انطبق عليها المثل اذا كان المغني جميل الصوت وغير جميل الصورة انصرف الناس عنه
|
Post: #19
Title: Re: 35 مليون سوداني شاهدوا قناة هارموني أمبارح !!
Author: شهاب الفاتح عثمان
Date: 02-17-2008, 11:29 AM
Parent: #1
حبابك يا غــالي
نطـالب برابط لحضـور النــدى .. فنحـن ببلاد بلا هـــارمــوني ..
|
Post: #21
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-17-2008, 03:38 PM
Parent: #1
يا أواتف :
Quote: يخسي عليك ما كلمتني أشوفها ليه عشان يكون العدد خمسة وتلاتين ونص ؟؟ |
أسة النص ده مقصود بيهو 500 ولا نص شنو بالضبط ؟(ناس عدلة الدماغ يمتعنون) غايتو ما فات شي أقعدي أحرسي هارموني من 4 عصر لحدي 12 مسا كل ويوم وحا تشوفيها بي القطاعي ..
|
Post: #22
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-18-2008, 06:15 AM
Parent: #1
الأخ كمال:
Quote: ماهو وجه الشبه بين ندى القلعة وجواهر؟؟!! |
غايتو الإختلاف في لكن الشبه صعبة شوية ..

عمنا قرشو : ما قلت إلا الحق ندى غناها سمح وفي الحلقة ديتحديدا مظهراً وحديثاً وغناء كانت في الموعد ..مشكلتنا بنخلط بين العام والخاص بالرغم من إنو الفنان حزمة متكاملة لكننا مبدئياً كده بنتناول في جانب مختلف عن ندى القلعة ..
|
Post: #28
Title: Re: 35 مليون سوداني شاهدوا قناة هارموني أمبارح !!
Author: mayada kamal
Date: 02-18-2008, 10:51 AM
Parent: #22
يا بن الفاروق سلماااااااااااااااات والله بالغت تطلع شنو ندي القلعة دي عشان تعمل ليه قومة وقعدة قدر دا يا ولدي والمصيبة انو في ناس بيموتوا فيها عديييييييييل ياخي دي زولة بايظة ساي حتى كلام ما بتعرف تتكلم في نفس اللقاء اللي انت بتتكلم عنه دا تخيييييييييييييييييييييييل شايفاها بتقول للمذيعة بالحرف الواحد (يا هناية قولي معاي) وشابكة المشاهدين هناي هناي بالله دا مستوى فنانة او زولة الناس شايفنها رمز انا افتكر انها مثيرة فقط بي شكلها والبهرجة اللي بتعملها **** انا لمن بالصدفة فتحت البرنامج وانا بقلب في القنوات حضرت الحتة بتاعة انها بتحكي انها بتحب تمشي للجيران وان يعاملوها عادي وحكت واقعة ذهابها للسوق المركز وانها مشت متلثمة او (مغتغته بالدارجي كدا) وان الناس في السوق عرفوها وكدا شنو يعني لو مشت في السوق او ركبت الحافلة او اواو شنو يعني دا اجعص زول بمشي في الشارع وبيقوم بي اموره عاااااااااااادي هي عاملة لي نفسها هااااااالة كبيرة والناس بي ساعدوها بالانبهار اللي مدينوا ليها
******** اها رايكم شنو في حفلة نيجيريا دي هل يعقل واحدة بالمستوى دا انو نعجب بيها انا لو ما بستحي كان نزلتوا ليكم في المنبر تحياتي
|
Post: #23
Title: Re: 35 مليون سوداني شاهدوا قناة هارموني أمبارح !!
Author: الطاهر عثمان
Date: 02-18-2008, 08:02 AM
Parent: #1
ندى غناية مافيها كلام لكن حتة انها تكون واعظة ومرشدة واغاني للطفل واغاني للمغترب والحكاية دي ما جاية عليها ابدا
|
Post: #24
Title: Re: 35 مليون سوداني شاهدوا قناة هارموني أمبارح !!
Author: عبدالله كع
Date: 02-18-2008, 08:14 AM
Parent: #1
يااااااااااااا عمر الفاروق
انت جنيت ولا شنو ندي ياتا فيهم ؟؟؟؟
كان في ندي السمينه (القلعه ) وفي ندي العسل (بخيت )
ولا نظري ضعيف............ ندي بخيت ياسلااااااام
35 مليون سوداني كانو مع ندي بخيت
عجبي
|
Post: #25
Title: Re: 35 مليون سوداني شاهدوا قناة هارموني أمبارح !!
Author: Abomihyar
Date: 02-18-2008, 08:38 AM
Parent: #1
Quote: أصبري ليها الحلقة الجاية قالت بتجيكم بي رسوم فرعونية |
والله يا عمر الفاروق لو جات بي رسوم سنّة ما بتخارج.
قالت قلعة قالت .. ياخي قلّعي.
|
Post: #26
Title: Re: 35 مليون سوداني شاهدوا قناة هارموني أمبارح !!
Author: بكري الخير
Date: 02-18-2008, 09:31 AM
Parent: #1
دي حقيقة يا عمر الفاروق قاعد في البيت بعد يوم عمل شاق فجأة رن هاتفي فاذا بأحدهم يقول لي افتح قناة هارموني بسررررعة طوالي قمت فتحت هارموني فاذا بندي محمد عثمان تجمل شاشة هارموني هي فنانة بمعني الكلمة صاحبة صوت تطريبي قوي وحضور مدهش
اتسائل لماذا يقود مبارك البلال الطيب بحملة شرسة ضد ندي عن طريق صحيفته المهرجة الدار؟؟؟ هل هو عدو للنجاح؟ ام نظام خالف تذكر؟؟؟
يا مبارك خلي ندي في حالا ويكفي انها استطاعت ان تدخل البسمة في وجه هذا الشعب المغلوب علي امره
|
Post: #27
Title: Re: 35 مليون سوداني شاهدوا قناة هارموني أمبارح !!
Author: zico
Date: 02-18-2008, 10:47 AM
Parent: #1
ياخونة
ليه ما كلمتوني
|
Post: #29
Title: Re: 35 مليون سوداني شاهدوا قناة هارموني أمبارح !!
Author: قرشـــو
Date: 02-18-2008, 12:23 PM
Parent: #1
Quote: ياخي دي زولة بايظة ساي
|
لا تمحنا ولا تبلينا ..... ده كلام كعب خلاص والله ....
|
Post: #30
Title: Re: 35 مليون سوداني شاهدوا قناة هارموني أمبارح !!
Author: badr alkalika
Date: 02-18-2008, 03:19 PM
Parent: #29
نقص ال 35 واحد انا ما شفت في اليوم داك
ولو عارف ندو ما تاخرت
يارب اعيدوها اصلوا الجعيلي شغال اعادات ساااااااااااااي بالمناسبة اين الشروق غربت !
|
Post: #31
Title: Re: 35 مليون سوداني شاهدوا قناة هارموني أمبارح !!
Author: عمر الفاروق
Date: 02-18-2008, 06:34 PM
Parent: #1
الأخ جمال:
Quote: بساطة لحدي ما كان اسمي الخروف لمن كنت صغيرة ولحدي هسه خالي بناديني الخروف ( دي بتعني بساطة ندى) |
ياخ دي من شدة ما بسيطة كانت عايزة ترفع كرعينا توري المزيعات الحنة لمن قالت ليهم الناس يلاقوني ويقولوا لي كدي يا ندى حنة كرعينك ..
أخونا عثمان : ندى باقي لي كلابا وقرودا ديل بيجوها بي الريحة وكشافات العربية زي ما قالت
|
|