Post: #1
Title: سيد البلد الهلال يفتتح موسمه الجديد بفوزه على الاهلى
Author: محمد عادل
Date: 02-15-2008, 09:57 PM
انتصر الهلال على الاهلي الخرطوم الصاعد هذا الموسم للممتاز بثلاثة اهداف مقابل هدف في المباراة الخيرية التي اقيمت باستاد الهلال و تألق بشكل واضح المحترف النيجيري الجديد ايفياني الذي احرز هدفين الاول رأسية والثاني من ضربة جزاءوهدف لحمودة بشير من راسية خلفية .. وقام ريكاردو باشراك اكبر عدد من اللاعبين القدامى والجدد من المحترفين وتألق الحارس روي في ايقاف هجمات الاهلي وتألق احمد عادل في اول ظهور له مع الهلال وخلق زعزعة في المنطقة الخلفية للاهلي كما شارك اللاعب صالح عبد الله وقدم مستوى رائع بجانب نجم المباراة ايفياني ...وشارك كل من كرنقو وجوليت ومهند في الشوط الثاني مكان علاء جبريل وريتشارد وهيثم مصطفى .. وسيطر الهلال على مجريات الشوط ولكنه وجد في الشوط الثاني ندية من جانب الاهلي الذي قدم مستوى رائع واستطاع ان يحرز هدفا لمعتز احمد وقام بعدة هجمات ..وبعد الثلث الاول للشوط الثاني سيطر الهلال سيطرة كاملة على مجريات اللعب .. حتى اعلن الحكم عن نهاية المباراة بفوز الهلال 3-1..
|
Post: #2
Title: Re: سيد البلد الهلال يفتتح موسمه الجديد بفوزه على الاهلى
Author: محمد عادل
Date: 02-15-2008, 10:01 PM
Parent: #1
|
Post: #3
Title: Re: سيد البلد الهلال يفتتح موسمه الجديد بفوزه على الاهلى
Author: بدرالدين كاجوري
Date: 02-16-2008, 01:26 AM
Parent: #1
حبيبنا محمد عادل
سلامات والف مبروك للهلال الانطلاقة الجيدة
ومع اوفيانو امانة ما المدافعين تعبوا
يامحمد الخبر في المشاهير بقول هاتريك لاوفيانو (بس لاتاكد)
باللة بلغ سلامي للهلالابي الغيور تاج السر حسين
وكل الاحباب بالقاهرة
|
Post: #6
Title: Re: سيد البلد الهلال يفتتح موسمه الجديد بفوزه على الاهلى
Author: محمد عادل
Date: 02-16-2008, 09:52 PM
Parent: #3
الحبيب بدرالدين سافرت وماكلمتنى وزعلانين منك شديد
وفعلا غايتو ربنا يسهل للمدافعين مع افيانو وهو جاى مولع نار
باذن الله يبلغ سلامك
|
Post: #4
Title: Re: سيد البلد الهلال يفتتح موسمه الجديد بفوزه على الاهلى
Author: Ahmed Alrayah
Date: 02-16-2008, 01:33 AM
Parent: #1
... نحن يا محمد عادل غلبنا الأهلي المصري -شخصيا- 3/0؛ نجي نفرح
عشان غلبنا الأهلي الخرطومي -مع احترامي لى ناسو- 3/1 ؟!
لكن بيني وبينك، أنا لو قالو { المرشح غلب المرابط } في تمرين الهلال
بكون مبسوط 
أطيب الأمنيات بموسم جيد للهلال على الصعيدين الخارجي والمحلي.
|
Post: #5
Title: Re: سيد البلد الهلال يفتتح موسمه الجديد بفوزه على الاهلى
Author: محمد عادل
Date: 02-16-2008, 09:48 PM
Parent: #4
الحبيب احمد الريح
ان النصر قادم فى هذا الموسم
فهذه بدايه مبشره برضو رغم الاعداد لم يكن بالصوره المطلوبه
|
Post: #7
Title: Re: سيد البلد الهلال يفتتح موسمه الجديد بفوزه على الاهلى
Author: جمال السنوسي
Date: 02-16-2008, 10:41 PM
Parent: #5
ناس قاعدين خمسة سنين عشان يجيبو كاس يبنوا في اللاعب لماغلبهم بقوا يبنوا في الملاعب ونحن هلالنا ده بنيناهو زمان وتمينا بناهو ورفعناهو فوق في السما لا دور ثاني بحصلوا ولا ثالث ولا رابع
هلالنا كبير يا ناس الدور الثاني وخايفين عليكم تنشغلوا بالبنا ده يخشوا ناس الموردة وصيف ذاتو ما تلقوهو اصلهم القراقير متخصصين فيكم من زمن الصبابي وبريش
لكم الحب يا اهلة حيثما كنتم
جمال
|
|