مطلوب مواكب تنتظم هنا ...من أجل عضوية دكتورة ماجدة محمد على ....

تحياتى أيها السادة ...

ويسعدنى ... لا بل يشرفنى ...."شفتو لا بل دى قوية كيف؟؟" أن أقدم التماسا لضم الصديقة الدكتورة أخت الناس .....

التى بلمسة من عصا سحرها تجمع المتفرقين وتؤاخى بين المتنافرين ...
وبعقلها النافذ تستطيع أن تجد للمصاعب حلولا ...وللمدارك اصولا ...

التى بضحكتها التى تسع الافق تستطيع أن تزيل أحزان المغلوبين ..

وبفعلها النافذ تستطيع أن تغير المواقف المستعصية وتحيلها الى..... "جدلة عرس فى الأيادى"

دكتورة ماجدة محمد على وعشان ما تقولو برص فى الكلام رص ساكت ...

هى مبتدعة المنبر النسائى الذى جمع بيم نساء السودان وأقاليمه المختلفة فى أكثر وجوهه حزما وضراوة و اجمل مافى جراحه من حزن قديم ونبيل

وهى مبتدعة تحالف save Darfur فى منطقة غرب ماسيتسوستس ...

عربتها تمخر عباب الهايى ويى كل اسبوع من بوسطن لى نورث هامبتون لى سبرنج فيلد لى فيلادلفيا ...لتتأكد أن اللاجثين لا يحملون أمراضا مستعصية وهم يدخلون البلد ...وتحمل الهدايا للصغار فى أعياد ميلادهم وتتحمل مسئولية والدتها حاجة زينب عمر وهى تقيم معها ...وتمشى للبنات فى بلدهم للتخرج وللعرس ...

امرأة من ألف يد وعين وقلب ...

لا أستطيع أن أعدد مآثرها فهى الام الثانية لعرائس النيل ...والام البيولوجية لسارة وناهد عضوات الفرقة ،

وعشان ما تقولو الزوج آخر من يعلم ..."وتحرشوه علينا" ...

هى زوجة دكتور محمد القاضى عضو هذا المنبر وناشط حقوق الانسان ومن مبتدعى منظمة ضحايا التعذيب ...

وماعارفة الجماعة ديل فى الحقيقة بنشاطهم الخارق ده بيشدوا حلة الملاح دى متين ...المهم ما علينا هم مخيرين ...


لكن دايرين نجيب ماجدة للبورد ....

يديكم معانا عشان نقنع بكرى أبوبكر أنها كنز ومحل افتخار.....

وتشكروا اولا وأخيرا على نشر الكلمة الخيرة وتشجيع المواقف التى تصنع التغيير ....

فالى هناك.........

د.ماجدة محمد علي الاستاذة بالجامعة الامريكية بالقاهرة سابقاً؟
لو هي ففخر لنا ان تنضم لسودانيز أون لاين...

ولو ما هي، ففخر لنا أيضاً ان تنضم دكتورة بتزكية تماضر...


التحية لكم جميعاً


_________
تماضر أكتبي اسماء أولادك وبناتك هنا، ما يكون الموضوع فيهو نسرين سوركتي تاني

كان ودنا نواكب و الله يا تماضر
لكن خايفين من النسرنة

انا تاني المارين لرفع لافته للدكتورة ماجدة محمد علي

الدكتورة ماجدة إمرأه ذات عطاء كثيف، قلبها ويدها ولسانها مع حقوق و قضايا النساء خاصة وحقوق الإنسان عموما .. د. ماجدة و د. محمد القاضي وابناؤهم يعتبرون اسرة من طراز نادر وتسود بينهم علاقات الصداقة والمحبة اكثر من علاقات الأبوة والبنوة .. ربوا ابناؤهم على حب العلم والمعرفة وإعمال العقل النقدي ورفض التلقي والكسل الذهني وحب الخير للناس ..
قبل عام تقريبا اثناء تقديم فرقة عرائس النيل لعرضها في يوم السودان الذي اقامتة رابطة الطلبة السودانيين في جامعة ميريلاند بقيادة الأخت تماضر، اثناء العرض هاتفني الأخ د. محمد القاضي وسألني ممازحا ان شاء الله بلدكم دي مايكون فيها مهوسين يقوم واحد فيهم يضرب البنات ديل، فطمأنتة جدا على بناته واكدت له ان هذا لن يحدث هنا، وترك ذلك الإتصال الهاتفي أثرا بالغا في نفسي واحتراما اكثر للدكتور محمد القاضي وللدكتورة ماجدة الذين شجعوا بناتهم على الإبداع والعمل على عكس التراث والثقافة السودانية من خلال فرقة عرائس النيل فأطلقا لهن حبل الفن والإبداع وامسكا بحبل المحبة وحس الوالدين الرحيم ..
اعلن انضمامي للموكب وسوف ارابط في الخط الأمامي وسأحمل معك يا تماضر اللافتة الرئيسة للموكب ..
انادي بضرورة إنضمام الدكتورة ماجدة للمنبر ودون شك ستكون إضافة نوعية كبيرة للمنبر .. لكن ان شاء الله تجينا بي كيبورد عربي ..

الصاوي

عن اذنك يا تماضر خليني ارمي التيراب ده هنا عشان يقوم اخداااار
الســــارة وموسيقي "الطرب"

ياتماضر
تحيه واحترام
اكان بقت ماجده(معن) بالله عليك وصليها التحيات النواضر
وان بقت ماجده تانيه برضو التحيه النواضر
شفتي النواضر دي
محمد عليش

معك قلبا وقالبا يا تماضر حتى وصول العزيزة ماجدة ودخولها للمنبر.
لها ولابنائها ولمحمد ولك عاطر التحايا.
منعم الحويرص

Tumadir wrote:

Quote: التى بلمسة من عصا سحرها تجمع المتفرقين وتؤاخى بين المتنافرين ... وبعقلها النافذ تستطيع أن تجد للمصاعب حلولا ...وللمدارك اصولا ... التى بضحكتها التى تسع الافق تستطيع أن تزيل أحزان المغلوبين .. وبفعلها النافذ تستطيع أن تغير المواقف المستعصية وتحيلها الى..... "جدلة عرس فى الأيادى"

ونسيتي شئ مهم انها تحملتني باقتدار ما يقرب من 33 عاما...!

elsawi wrote:

Quote: لكن ان شاء الله تجينا بي كيبورد عربي ..

الكيبورد عربي موجود Ya Sawi, the problem in the persons who use it...!
As I explained many times, Magda and I came to this country as PC illitrates, or at least my self for sure... also there was no Arabic software at that time and the first experience with keyboard was in English... it's so difficult, time-wise, to switich into Arabic... I do not have that privilege of age like yours...!

One caution to be said about Magda: she is one of those Dr. Hayder Ibrahim described them as the anti written word and the supporters of the Oral History التاريخ الشفاهي!
She hates to sit down and write and always comes to her presentations without even a Power Point Presentation... however, and Tumadir is my witness; she is Superbe presenter/speaker...!


I add my voice to you Ya Tumadir..

mohamed elgadi

اعمالها تزكيها ولا اظن ان بكري في هذا الصدد سيكون اقل منا حماسة لوجودها هنا ....

ياتماضر

إنت الدكتورة دى مزعلاك فى شى

شفت كيف يا بكرى؟

والله يا الصاوى شهادتك من أبلغ الشهادات ...وبعمق وبساطة شرحت اين تقع هذه الأسرة من خارطة الانسان والانسانية فى هذا العالم الجايط ...



ويا أنور كنج البجيب اسامى اولادو منو فينا ..بعد ما كتبت البوست طوالى ...سودانيز اون لاين "جمدت" ....يادوبا حتى ساحت وجيت لقيتكم ...

زمان كده مرة قريت أنك بتعمل فى دكتوراه فى بايو انفورماتيك ...

"ولدا غير سارية بقرا بايو انفورماتيك؟؟ سجمى!!!" كنت دايرة اعلق ليك ليك لكن عارف لفحة الحياة الانا ملفوحاها ...المهم اريت حالك زين؟؟

سيد أحمد أبوبكر ...وهى كمان من أندكم دناقلة ....ما جات من بعيد ....شكرا ليك

حمد فتح الرحمن ...مافى أى نسرنة ...ياها ماجدتنا البنعرفها ....

فى هاكر بعرف يكتب ماستشوستس ؟؟؟

الف مرحب بدكتوره ماجدة محمد على اضافه حقيقية ونوعية لنا


شكرا ياتماضر

Quote: كان ودنا نواكب و الله يا تماضر لكن خايفين من النسرنة

Quote: فى هاكر بعرف يكتب ماستشوستس ؟؟؟

and this is another funny thing about my better half: she never managed to pronounce Massachusetts from the first time...
and when we, her daughters and I, corner her she always take defense and say:
انا من غير الناطقين بها !!!

Ya Tumadir يعني كان لازم تفتحي البوست ده وتخلي غزلى يبقي مكشوف للبت دالحديقة دى?

mohamed elgadi

Quote: ويا أنور كنج البجيب اسامى اولادو منو فينا ..بعد ما كتبت البوست طوالى ...سودانيز اون لاين "جمدت" ....يادوبا حتى ساحت وجيت لقيتكم ... زمان كده مرة قريت أنك بتعمل فى دكتوراه فى بايو انفورماتيك ... "ولدا غير سارية بقرا بايو انفورماتيك؟؟ سجمى!!!" كنت دايرة اعلق ليك ليك لكن عارف لفحة الحياة الانا ملفوحاها ...المهم اريت حالك زين؟؟

العزيزة تماضر...
احنا في أحسن حال والحمد لله، عاجزين عن شكرو بس ونحن على أعتاب استقبال مولود قريباً ان شاء الله...

المعمل البدرس فيهو من المعامل المعروفة في مجال البايو انفورماتيك وقواعد البيانات Database & BioInformatics LAB, Chungbuk National University
لكن مجال البحث بتاعي شوية مختلف، كشكول من العلوم كده Middleware, Integration, ubiquitous ,sensor network & Data Mining

سارية منتظرو الكثير هناك في السودان بعد ما يخلص، متين العودة تاني يا؟
بلغيهو تحياتي وبقية الاسرة والعرايس

أنور

العزيز وود أهلي الصاوي،
تحياتي وماك طيب؟

تزكية تماضر تكفى. ارحب بمنح عضوية المنبر العام للدكتورة ماجدة محمد على.

تماضر ,,,, هل أخت تيسير؟

Quote: التى بلمسة من عصا سحرها تجمع المتفرقين وتؤاخى بين المتنافرين ... وبعقلها النافذ تستطيع أن تجد للمصاعب حلولا ...وللمدارك اصولا ... التى بضحكتها التى تسع الافق تستطيع أن تزيل أحزان المغلوبين .. وبفعلها النافذ تستطيع أن تغير المواقف المستعصية وتحيلها الى..... "جدلة عرس فى الأيادى"

طيّب هي لو بتقدر تعمل دا كلو .. الجايبا البورد دا شنو؟!
قولي ليها مِن دربِك دا وعِدل علي ال UN سفيرة نوايا حسُنة طوالي ..

وبعدين انا ما عارِف كان قُتا ليكي قبل كِدة والا لا .. إنو جُرعات زايدة مِن
الناس الخطيرين البجوا مِن طرفِك ديل .. والا حتى مِن الهكر حقِك .. صعب
علي (جنبات) البورد دا إنو يستوعِبم بي سهولة .. فبلاي براحة علينا ياخ

عموماً يا ستي بنرحِب بي الدكتورة ماجدة محمد علي وبرضو بي كُل الماجِدات بدون فرِز ..

وح نحاول برضو نشوف طريقة مع بكري يخصِص ليكي كوتة عضوية ثابتة مع كُل
دورة إرشيفية جديدة .. زي كوتة السُكر حقت حُكام الاقاليم بتاعت زمان ديك ..
لكين ما تسئي إستخداما

مودتي يا تماضُر

العليش ...معليش ...فطيناك من غير قصد ..ترحب بيك العافية


بلة موسى ...كيف كيف كيف؟؟ ابدا والله الله لاجاب الزعل ..لكن السؤال ليه؟؟

عبد المنعم الحويرص وأهلا بالترحاب ...يا سلافة الفن ...


محمد القاضى الغزل ممنوع والزعل مرفوع ...اهلا بيك مرحبا بالصديقة ماجده ..."يعنى أقيف فى الصف" كده بالعربى

وعلى سيرة العربى ..انا الحأجى أحل ليكم مشكلة العربى ده وللأبد ...اسالو ابو عسل من خبراتى فى المجال ... حسة نبهت ماجده قبل ما أكتب البوست قلت ليها الرسول فى القارى ء الكريم من البوستات الانجليزية قدر ما الموضوع يكون حيوى ومهم يموت فى رمشة عين ....

Quote: وعلى سيرة العربى ..انا الحأجى أحل ليكم مشكلة العربى ده وللأبد ...اسالو ابو عسل من خبراتى فى المجال ... حسة نبهت ماجده قبل ما أكتب البوست قلت ليها الرسول فى القارى ء الكريم من البوستات الانجليزية قدر ما الموضوع يكون حيوى ومهم يموت فى رمشة عين ....

ده الكلام
انا دائما كلما القى فرصة بحاول انبه محمد القاضي لضرورة الكتابة بالعربي لأنه الكتابة بالأنجليزي بتحرم قطاع كبير من القراء من إدراك وفهم مداخلاتة وموضوعاته بالرغم من اهميتها وغناها المعرفي، هذا بالإضافة لل 80% على الأقل من اعضاء المنبر الما بقروا اي مداخلة بالإنجليزي وبالتالي تنعدم إستجابتهم لها .. لكن محمد القاضي شايفوا فاقد الأمل وقنعان بي كلامو ده

Quote: it's so difficult, time-wise, to switich into Arabic... I do not have that privilege of age like yours

لكن انا متأكد انه علم بناتة انه
The age is not a factor in any educational process, but the will is

الصاوي

أشراقة المشرقة ...اتحضرى يا صديقة لى امرأة أخرى فاعلة ...وجميلة مثلك ...

عادل عثمان ...شكرا لدعمك والصور .......

ود الجيران اهلا بك وبترحابك ...

مزاحم الضوى .....اخت هبة ....شكرا على حضورك

العزيزة تماضر

مرحبا بدكتورة ماجدة محمد علي

يكفي انها من طرفكم لقبول عضويتها هنا


محمد

Quote: بلة موسى ...كيف كيف كيف؟؟ ابدا والله الله لاجاب الزعل ..لكن السؤال ليه؟؟

أبدا بس خايف عليها من ناس يكونوا بعد ماقروا السيرة الذاتية شمرواعن سواعد الشر وتأبطوا سيوفهم.
وبينهم أناس إن رحموك سرقوا إيميلك وحولوا خير فعلك شرا.

ياتماضر

فى حدى بحب زول يجيبوا لمقارعة (البوردلاب)..

Quote: Ya Tumadir يعني كان لازم تفتحي البوست ده وتخلي غزلى يبقي مكشوف للبت الحديقة دى?

يا دكتور دا من حظنا الحلو إنو تماضر فتحت البوست دا
عشان نعرف إنو ممكن بعد 33 سنة زواج ممكن يكون في غزل
ودي حاجة مطمنة تخلي الواحد يعيد التفكير في مسألة البحث عن البتر هاف دي من غير تهيب

ألف مرحب بضيفتك يا تماضر

1000 مليون مرحب بالدكتورة ماجدة محمد على، فهذه الاسرة قد اعطت الكثير لسوداني امريكا وتحية خاصة للدكتور محمد القاضى وقولي ليهو جمال طراوة سافر وقطعت الجية.

سيف

العزيزة تماضر
د.ماجدة محمد علي تحتاج اكثر من موكب ترحيب
فقط انا متعبه وجايه من سفر...لكن برجع لاكتب
القليل الذي عرفته عنا ويقول الكثير عنها.

مرحبا بدكتورة ماجدة ويا بكري عجل بارسال الباس ورد
فمنبرك يتشرف بعضوية د.ماجدة محمد علي.

ودي محتاجه لموكب يا تماضر ؟؟!!
مرحبا بدكتوره ماجده محمد علي .
سلامات يا محمد يا اخي المسنجر حيرنا كان اديتك اخبار حبيبنا منير

اخـتـي الـحـبيبةالـحبوبة،
تـماضـر،
::: أيـدناك بايـعـنا،
يادكـتورة ايـدنا!

شـوفـي ياتـماضـر ... (جـمهورية بكري الـديـمقـراطـية) اتـملت بالـجـنس الـخـشن!!! ... لـذلك نرحـب بشـدة اشـتـراك الأخـوات... خـصوصـآ اذا كانوا جـاييـن مـن طـرفك.

لك ولـها مـودتـي.

مرحب بالأستاذة ... ماجدة محمد علي,

كمية من الشجون السياسية والزراعية
تحط على قيد الذكري ... وتلك الأيام.

... تماضر ... وييين البساط الأحمر؟


فماجدة ... على العين والرأس ...
ولنحسب أنفاسنا قبل حسابنا لزمن
حضورها هنا.


فأنا فى مقدمة الموكب, وبكل الشعارات
والقمشات الحاملة لراية ماجدة.

ونسمع الأجمل


شكرا تماضر

بكرى أبوبكر يعزم الدكتوره ماجده وهو "صاغر"،
وإلا لدفعناه الجزيه، وهو "صاغر" أيضا.

شكرا ياتماضر.

فاتنى ان اذكر اننى نقلت صورة د. ماجدة محمد على من مدونة زوجها د. محمد القاضى على الانترنيت


د. محمد القاضى الناشط المعروف فى حقوق الانسان عن السودان

نرحب بمقدمك ماجدة
فأهلاً بكِ بالوطن
وسط الأهل
والأصدقاء

العزيزة تماضر

شكرا لهذا البوست، و ماجدة نسوية و ناشطة من طراز فريد.

فمليون مرحب بها.

اعتقد انها أثرت فى حياة نساء كثيرات من السودانيات و غير السودانيات، و حازت على ثقتهن. فى صيف 2006 حضرت لقاء نظّمته منظمة
My Sister's Keeper
للترحيب بوفد نسائى من السودان. و خلال اللقاء تحدّثت كل منا عن جوانب من حياتها و اهتمامها بقضايا السودان. لفت نظرى حينها ان عدد من النساء، خاصّة من الجنوب، من المقيمات ب "ماساشوستس" حكين عن تشجيع ماجدة لهن بان يستفدن من الفرص التعليمية المتاحة و ان لا يحصرن انفسهن فى المنزل، الخ. ثقتهن فى ماجدة و حبهن لها كان واضحا و هذا ما نحتاجه فى السودان و المهجر. بناء الثقة و الجسور الحقيقية و الدائمة بينناكناشطات و نساء (و رجال) من مختلف انحاء السودان.

الاخ محمد القاضى،

نيابة عن ال"حركة النسوية" اقول لك
you are the best
( بالاضافة لكودى و اخرين طبعا :-)

اهلاً بـ د. ماجدة محمد علي

اضافة نوعية مافي كلام

وبكري أكيد ح يديها باسوورد

تماضر خبرك جميل

دكتور بلة موسى

كلامك صاح والله ، كده يعنى الزول بيكون ضحى بى ماجدة ورماها فى التهلكة ...لكن اتفرج شوفا نجيضة كيفن، ...مش ناس قريعتى راحت

هههههه سلمت يا الللخو


خالد حاكم ..اهلا شرفت بالكوتيشن ..ان شا الله فى بوستاتكم نجيب كوتيشناتنا ونجى تغزركم



يا أهل الدوت كوم

يا أهل الدوت كوم

ان بكمبيوتى لعلة تمور فى امعائه

وانك لتسمع صوت الفايروسات فى بطنه كما تسمع فوران الماء فى شلالات نياجرا ..

يا أهل الدوت كوم

لقد عانيت ولمدى 12 ساعة لكة أنزل لكم بعض الردود ولكنها دائما ما تعمل لكمبيوترى شط داون أو ريسطارط من حيث لا أدرى

يا أهل الدوت كوم

سيكون هذا هو عهدى معكم

يا امتن مضى هذا البوست كما اشتهى له المضى ونكون حبايب
أووووووو

سأذهب حالا الى مطبخى ومخزنى وآتى بالآتى:

شاكوش
ساطور
صباع أمير
لصقة
باكنج باودر
سم فار
زردية
شطة ام نويويرة
مفكات انجليزية

ونشوف البحصل شنو

يا بقى كمبيوتر ود ناس واتصلح ومشى فى الصراطو المستغيم
أو كمان تعيشوا انتو الدنيا دار فنا

"الله ينعلك يا كمبيوترى الله ينعلك يا كمبيوترى الله يحرجك يا كمبيوترى قدام الأى بوط ويدنقر وشك قدام عالم الديجيجتال كله زى ما أحرجتنى ودنقرت وشى قدام ضيوفى وضيوف ماجدة"
آآآآآآخ

تماضر،، رغم أننا فى بداياتنا ولم نشكل ثقلاَ حتى يؤخذ بتثنيتنا ،، ولكننا رغماَ عن ذلك نثنى ونرحب بإنضمام
دكتورة ماجدة .

ماهر

مرحبا بالدكتورة ماجدة محمد علي
اكيد إضافية قيمة للمنبر
شكراً العزيزة تماضر

انا اعترض!!!!!!!!!

الاستاذة تماضر
سلام..

كيف غابت عنا هذه الانسانة الرمز كل هذه المدة؟؟؟ نحاسبها اولا على الغياب عن هذا المنبر ثم.... نفرش لها الطريق ونصطف جميعا لنرحب بكنداكة عظيمة طالما انتظرناها طويلا... المحاسبة اولا... وكذلك لزوجها وصديقنا دكتور محمد القاضى وباقى العقد النضير من آل القاضى الذين ملآوا حياتنا ابداعا وعطاءا... من حقنا ان نحتفل بالطريقة التى تعجبنا ... وكلمة عتاب للدكتورة ماجدة... اهلك النوبيون ينتظرون قلمك وعقلك فلا تبخلى عليهم بمادة فكرك وعصير تجاربك .. نريد يا تماضر ان نسمع منها شيئا لإرضاء النوبيين قبل ان تلج فى زحمة سودانيز اون لاين لكيلا تضيع منا... النوبيون وهم يواجهون خطر السدود والمحو التاريخى والثقافى ينتظرون عقولهم المهاجرة لكى تقف ضد هذا الزحف الهمجى على اقدم حضارات الانسان ..نعترض ... ثم نوافق يا بكرى ...
والشكر للكنداكة الاخرى (اخت مريم الاخرى) الاستاذة تماضر شيخ الدين.. وهديتها الانيقة ... سفيرتنا الى السودان الجديد الصغيرة الجميلة سيرين..

نورالدين منان

تماضر يا حبيبة..

ننتظم معاك من أجل عضوية د. ماجدة محمد علي..

عشان الكلام القلتيه فوق ده. وعشان طارق القاضي أو في رواية اخرى: طارق العباسي

ودي

تعظيم سلام

ياتماضر

ومع المواكب فى نصها

من اجل ماجدة ..بس لكن ماجدة دى اى حاجة تمسكها لازم تنجضها

عشان كدا لازم تكونى متاكده انو جيتها هنا ما حاتأثر فى المليون حاجة البتعمل فيها

دارفور , مدارس السودانيين بامريكا, الاجئيين .. وعيييك وتحت عيك دى ما فى مصايب على راس

ماجده

وبرضو .. مع المواكب

تحياتى

بعد ان تعدى مرحلة الخطر ... وتاكد لنا بان صاحبة البوست هى تماضر شيخ الدين بشحمها ولحمها ... نضم صوتنا مع الجميع ونطالب الريس بكرى بمنح الدكتورة ماجدة محمد على شرف عضوية هذا المنبر .

العزيزه اللذيذه تماضر
ازيك وووو ينك
والله د.ماجده دى نحن واقفيين ليها طابور وداقيين ليها تعظيم من زمان لانها زى ما قالت ندى مناضله من طراز خاص وفاخر كمان
انا زمان فى الزمن السمح داك , زمن جمعية امل ومنظمات النسوان السمحات كنت معجبه ب د. ماجده دى وكانت نموذج وشخصيه لا انساها وكمان لمن شفت بناتها وجمالهم وابداعهم ورقصت معهن احترمت امهم اكتر واكتر
يا بكرى لو ما اديت د.ماجده العضويه تدى منو يعنى .. ناس حليمه القديمه.. معقوله يا بكرى دا كلامدا

العضويه للدكتوره وفورا

وفى انتظار صحبتك يا تماضر
تحياتى

انا بكل ثقة اتحدث باسم اصدقاء ماجدة ومحمد القاضى فى اليمن

واعلن انتظامنا فى الموكب ومعانا راية
باسم
محمد عبد الحميد
حواء بشير
على بابكر
على السفورى
عثمان تراث
امانى الجندرية
على الهادى
ايمان عبد الغفور
فيصل يسين
هويدا عثمان
هشام عثمان
منال الباهى


ندعم ونطالب ونرجو

و
دكتورة ماجدة
قبل ماتكون أكاديمية شاطرة
وسياسية ناشطة
فهي
زولة إنسانة جدآ
تفيض إنسانينها
حبآ
وحنانآ
وكرمآ
وتضامنآ
ودعمآ
ووعيآ إستثنائيآ بدورها في هذه الحياة

أمثال ماجدة
وجدوا وولدوا
ليضفو على الحياة جمال ورقي

دكتورة ماجدة
بسيطة بعمق
وعميقة ببساطة
متواضعة بتعالي
وعالية بتواضع

التقيتها في يناير 2007
فرأيتها أكثر شبابآ
و أوضح رأيآ وموقفآ

وجودها هنا إضافة ضخمة جدآ
وحتمآ ستعدل مزاج المنبر الآئل للإجتماعي
خصمآ من الثقافي والسياسي

الرائعة تماضر

سلام

وانا كمان اوقع رغم انى كنت اعتقد ان الماجدة عضوة قديمة بحسبان ثقل بورداب اسبرنج فيلد الدكتور واولاد القاضى وابوعسل ملح الملح بت شيخ الدين

علية التمس من سيد الحوش منح الدكتورة / العضوية باثر رجعى

ويكفى ا نها تنتمى لاسرة هاجسها الحق الانسانى

يا بكرى انت وين؟

انا قايلك لغاية حسع اديت الباسوورد ورحبت بد. ماجدة الناشطة النسوية المجيدة وزوجة المناضل و الناشط فى مجال حقوق الانسان
اخونا د. محمد القاضى.

شكرا لتماضر

يبدو ان اعتراضنا اشتغل وترك تأثيرا على سيد الحوش... اصبروا شوية لحدى ما نزيل آثار الفيتو ونقيف فى الصف يا تماضر... ويا دكتور محمد القاضى.. ممنوع الغيرة فالمعجبين بدكتورة نادية كتروا لذلك سنسحب الاعتراض لكيلا نتهم باننا طابور عاشر او ثورة مضادة... وتفاديا لآى طوب "احمر" من المعجبين..

اما سيد الحوش فنقول له شكرا على التقالة ( بتشديد القاف زى الضقالة) التى وضعتها فوق طلبى وخلاص رفعنا الاعتراض ونوافق على عضوية د. ماجدة والتى نتوقع لها ان تثير زوابع فكرية فى المنبر ... فامسكو الخشب...

نورالدين منان

صحصح يا بكري
نحنا منتظرين
تماضر الحبيبه
الف ورده لك
وللدكتوره
والقاضي علشان ما يزعل

والله انا قلت مطلوب مواكب

ما كنت قايلاها حتتحول لى كرنفالات فرح زى دى ...


ياخى انتو جميلين والله

لو دايرة أحسب الناس دى وأرد عليهم زول زول معناها واطاتى اصبحت ...


بعد ده نخلى الرود الانديفدوالايزد دى لى ست الحسن والجمال ..عالية المقام ..ماجدة بنفسها ..

وانتو واصلو الكرنفال عشان بكرى يجيبها قوام

Tumadir wrote:

Quote: بعد ده نخلى الرود الانديفدوالايزد دى لى ست الحسن والجمال ..عالية المقام ..ماجدة بنفسها ..

او من ينوب عنها....Thanks Ya Tumadir for your tireless rally for our Magda
P.S. Salamat Al PC bita3ik....

Quote: تماضر الحبيبه...الف ورده لك....وللدكتوره....والقاضي

Shokran Ya Ahmed Alarabi... I will make sure your roses reach them, of course after the snow/ices melts here in W. Massachusetts...!

Mannan wrote:

Quote: وكلمة عتاب للدكتورة ماجدة... اهلك النوبيون ينتظرون قلمك وعقلك فلا تبخلى عليهم بمادة فكرك وعصير تجاربك .. نريد يا تماضر ان نسمع منها شيئا لإرضاء النوبيين قبل ان تلج فى زحمة سودانيز اون لاين لكيلا تضيع منا... النوبيون وهم يواجهون خطر السدود والمحو التاريخى والثقافى ينتظرون عقولهم المهاجرة لكى تقف ضد هذا الزحف الهمجى على اقدم حضارات الانسان ..نعترض ... ثم نوافق يا بكرى ...

I see your point, my dear... however, as a long-time partner of this different activist, I understand Magda's way of activism as different from the ripple-effect phenomenon. Magda's struggle, as some of her other left-leaning Nubians in Egypt, always targets the larger 'jalabi' enemy. This then will make the anti-ripple effect and goes down to the small jalabi mentality towards Kajbar, for instance.
She strongly believes, as Tumadir noted, and nada ali hinted, in bringing the 'margin forces' together to create a powerful force to face the global Jalabi's one..Her work within the marginalized groups within the refugees community speaks to this... from Bosnians, Somali Bantu, to Nuba Mountain families in W.Massachusetts...

Hisham Almajamer wrote:

Quote: د. ماجدة الناشطة النسوية المجيدة وزوجة المناضل و الناشط فى مجال حقوق الانسان اخونا د. محمد القاضى.

As a male feminist, I would prefer that you change the above to:
وزوجها المناضل و الناشط فى مجال حقوق الانسان اخونا د. محمد القاضى .....!

عبدالرحمن الخليفة; خالد حاكم; عمر ادريس محمد; Halema2; عبده عبدا لحميد جاد الله; انعام عبد الحفيظ ; Mahir Mohammed Salih
Tragie Mustafa; بكري الصايغ; Khalid Kodi; بله محمد الفاضل; Saifeldin Gibreel; hanouf56; wd al geran; مزاحم الضوي; AnwarKing; Ishraga Mustafa; abubakr; Moneim Elhoweris; Mohamed Ahmaed Olyesh; Sabri Elshareef; elsawi; حمد فتح الرحمن;
Ashraf el-Halabi; Balla Musa; Khalid Kodi; et al.
Your support and meaningful words say a lot in regard to the women's rights leaders... Magda considers Suad I. Ahmed a role model and a guiding star in her daily work....

Ya Ashraf elhalabi, sic, there are many like Magda around us... we just need to know how to find them, and before any thing to be capable to recognize them...this needs a lot of effort and self-critcism

mohmmed said ahmed[/B], and to all those revolutionaries in the high mountains of Yemen.... Magda's experience with you and with the rural yemeni women made a big impact in her work here in W. Massachusetts...
Sudanese Yemeni: I will always be indebted to you for helping me to become a torture survivor rather than the torture victim I was in 1993.

Doma:
Thanks for your support... plse. email me on this one [email protected] and then I will give you another email one difficult to be 'hacked'!

Adil Osman:
Thank you for 2 things:
* taking the time to find an online photo for Magda and upload it here in this post;
* For your high degree of human rights that reflected on taking the effort and separates magda's photo from the other person that you did not take her permission... we need to be sensitive like you....


mohamed elgadi
http://GhostHouses.blogspot.com

دكتورة ماجدة مكسب اضافي جديد لاقلام الهامش و لقضية دارفور بشكل خاص ..

شكرأ تماضر ..

--------

Quote: انا دائما كلما القى فرصة بحاول انبه محمد القاضي لضرورة الكتابة بالعربي لأنه الكتابة بالأنجليزي بتحرم قطاع كبير من القراء من إدراك وفهم مداخلاتة وموضوعاته بالرغم من اهميتها وغناها المعرفي، هذا بالإضافة لل 80% على الأقل من اعضاء المنبر الما بقروا اي مداخلة بالإنجليزي وبالتالي تنعدم إستجابتهم لها ..

و في دي تثنية اضافية ..

وين د.ماجدة؟

د. ماجدة إمرأة معدنها من ذهب
فهو أصيل لا يصدأ، بل ويزداد قيمة
مع مرور كل دقيقة وثانية
بالرغم من أننا أتينا في آخر الموكب
إلا أننا ندفع (ونطقش) الأكتاف
لنكون في المقدمة
تحياتي وإحترامي الكبير للدكتور الرائع
محمد القاضي...
حقيقة، الطيبون للطيبات

سلامات يا تماضر...ومشتاقين

غادة

Shokran محمدين محمد اسحق
True, magda is one of the first who started the darfur movement in Massahcusetts... because of her leadership role in Western Massachusetts, Amherst Town was the second City, nationwide, to adopt a darfur resolution


AnwarKing... Magdai is right now on aborder twon on the mexcan border as part of peace team working with Migramnt workers...
I will convey your message to her...

Ghad Abdelaziz:
Thanks for the beautiful words


mohamed elgadi

أنا زاتي يا تماضر بل ويشرفني


قابلتها مقابلة سريعة في مصر قبل سنوات، ومنذ وقتها نَبتت في وجداني كزهرة
وشجرة ضاربة الجذور تشبه وطن معافى.


وبعدها بسنوات قابلت الأستاذ محمد القاضي في كندا
فأدهشني بهدوءه واحترامه

فوق كل ذلك مسيرتهما النضالية التي لا تخطئها عين ولا خاطر

سلام للدكتورة ماجدة محمد على
أم عرايس النيل

وأتمنى أن يمنحها بكري جواز مرور تام وعاجل


محبتي

(ومشتاقيييين يا تماضر)
إيمان

تاني في كلام؟

تماضر البنريدها قالت بتريد ماجدة

عاد بعد ده شنو؟

شوقتينا و الله يا تماضر
مرحبتين بالدكتورة
و حبابها الف

Quote: تحياتى أيها السادة ... ويسعدنى ... لا بل يشرفنى ...."شفتو لا بل دى قوية كيف؟؟

وانا ارفع عقيرتى (تماضر بالله هسه اقوى بل والا عقيرتى دى)
من عقر يغقر وهو عاقر وكده..
بكرى بالله ممكن اهدى باسوردى لى الدكتورة ومن بكرة اعتبرنى عاصى
الحلانى،ومشطوب كمان ...مشطوب فى حبى ماى ايه ذنبى الجنيتو
تماضر الخفه دى كلها لزوم الشحده،،

استاذة / تماضر
صباح الخير
وجيناك متاخرين قلنا نجيب ليكي البشري معانا ونجي .

الاعزاء جميعا تحياتي و شكري المقدر عشمي الكبير ان اكون ... حسن الظن ولكن يجب ا

د. ماجدة تنور المنبر.

بس قولي ليها تبطل الكسل.

التحايا لكي ....ولها ....ولكل ضيوفك
هارون دياب