Post: #1
Title: سبدرات... منصب صادف اهله ..
Author: ود الباوقة
Date: 02-14-2008, 09:15 PM
Parent: #0
تعيين الاستا> عبد الباسط سبـــدرات في منصب وزير العدل هو وضع الرجل المناسب في المكان المناسب فهو قانوني ضليع يشار اليه بالبنان ..
بالتوفيق ان شاء الله ...
ود الباوقة
|
Post: #2
Title: Re: سبدرات... منصب صادف اهله ..
Author: محمد عادل
Date: 02-14-2008, 09:20 PM
Parent: #1
ياخى ماتخلى التطبيل البتسوى فيهو دا
دا زول متملق ماكتر من كده
ولانسيت حكاية انو شيوعى
|
Post: #3
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:30 PM
Parent: #2
ياخى ماتخلى التطبيل البتسوى فيهو دا
يا اخوي تطبيل شنو .. ما انت شايل طبلتك وحايم الحبيب قام الحبيب قعد .. الحبيب مسكــــــوه .. الحبيب فكوه .. في زول قال ليك حاجة .. خليك مع حبيبك دا لحدي ما نشوف اخرتها معاكم شنو ..
انا قلت الرجل قانوني ومحامي من مطلع السبعينات ..
فهمت يا الحبيب ..
ود الباوقة
|
Post: #4
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:32 PM
Parent: #3
عبد الباسط صالح عبد الله سبدرات
ولد في القطينة. تلقى تعليمه الابتدائي بمحلية جبل أولياء، المتوسط بالقطينة والثانوي بمدينة مدني. تخرج من جامعة الخرطوم عام 1969م.
عمل من قبل قاضيا من1971م حتى 1972 و محاميا من 1972م حتى 1991م .
كما شغل منصب وزير النربية و التعليم في الفترة من 1991م حتى 1993م و وزير الثقافة و الاعلام في الفترة من 1993م حتى 1996م، و وزير العدل في الفترة من 1996م حتى 1998م. كما تم تعيينه مستشارا للرئيس في الشئون القانونية والسياسية في الفترة من 1998م حتى 2001م و وزيرا للعلاقات البرلمانية للفترة من 2001م الى 2005م. و وزيرا للحكم الاتحادى من العام 2005م ..
ود الباوقة
|
Post: #5
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:36 PM
Parent: #4
عوض أحمد محمد الجاز
من مواليد البركل، الولاية الشمالية تلقى تعليمه الثانوي بمدينة مروي الولاية الشمالية، تخرج في كلية الاقتصاد جامعة الخرطوم كما نال درجة الماجستير في إدارة الأعمال من جامعة كالفورنيا ( امريكا ) سنه1979م والدكتوراه في إدارة الأعمال من جامعة كلفورنيا ( امريكا ) سنة 1982م.
عمل الوزير من قبل محاضرا جامعيا من 1987 الي 1990، و سفيرا بوزارة الخارجية 1990 و وزيرا للتجارة 1991م، و وزيرا لمجلس الوزراء 1991م – 1995م ثم وزيرا للطاقة والتعدين عام 1995م حتى الآن .
شارك السيد / عوض أحمد محمد الجاز في عدد من الأنشطة الاكاديمية و عدد من المؤتمرات واللقاءات الدولية.
ود الباوقة
|
Post: #6
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:37 PM
Parent: #5
الزبير أحمد الحسن محمد
ولد بقرية أم الطيور بولاية نهر النيل، تلقى تعليمه الأولي بخلوة فكي السيد حاج النور بأم الطيور والابتدائي بأم الطيور والمتوسط والثانوي بمدينة عطبرة، تخرج في كلية الاقتصاد والدراسات الإجتماعية جامعة الخرطوم 1981م.
عمل من قبل نائبا لمحافظ بنك السودان ، و وزيرا للدولة بوزارة المالية والإقتصاد الوطني 2000- 2003م. تم تعيينه وزيراً للمالية والإقتصاد الوطني عام 2003م. شارك في عدد من الأنشطة الاكاديمية و العملية منها المؤتمر السنوي للبنوك والمصارف الدولية للأعوام 1998م -1999م، مؤتمر القمة العربية بعمان 2001م.
ود الباوقة
|
Post: #7
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:39 PM
Parent: #6
الزبير بشير طه نصر
ولد بجزيرة الفيل ولاية الجزيرة. تلقى تعليمه قبل المدرسي و الابتدائي بجزيرة الفيل و المتوسط والثانوي بمدينة ود مدني. تخرج من جامعة الخرطوم عام 1972م، نال درجة الماجستير من جامعة بيرمنجهام 1976م
وماجستير في علم النفس بجامعة برانتون عام 1978م كما نال درجة الدكتوراه في العلوم من جامعة شيفيلد عام 1981م.
عمل من قبل أستاذا بجامعة الخرطوم من 1972 حتى 1999، ورئيسا لقسم علم النفس
من 1984 حتى 1988،كما عمل باللجنة التنفيذية كلية التربية بالامارات العربية المتحدة من 1989 حتى 1991م،
و معيدا بكلية علم النفس في جامعة شليفيد من 1978 حتى 1979، و مديرا لجامعة الخرطوم
في الفترة من 1999 حتى 2000م، و وزيرا للتعليم العالى الفترة من 2000 حتى 2001م،
وزير العلوم والتقانة الفترة من 2001 حتى 2005م ثم وزيرا للداخلية عام 2005م حتى الآن.
شارك السيد / الزبير بشير طه نصر في عدد من الأنشطة الاكاديمية و العملية منها: الملتقى السنوى للجمعية الصيدلية البريطانية لندن، ورشة عمل التقنيات الإحصائية، ود مدني، إجتماع الاديان العالمية نيوجرسي، مؤتمر اليونسكو حول أخلاقيات المعرفة العلمية النرويج، إجتماع الاتحاد العالمى للجامعة بانكوك، إجتماع إتحاد الجامعات الافريقية ليسوتو، مؤتمر المنهجية والعلوم السلوكية الخرطوم، ورشة عمل ألفية المحاربة الشعبية للتصحر الخرطوم.
ود الباوقة
|
Post: #8
Title: Re: سبدرات... منصب صادف اهله ..
Author: ود الباوقة
Date: 02-14-2008, 09:42 PM
Parent: #7
عبد الرحمن سعيد عبد الرحمن
ولد بمدينة الخرطوم بحرى ولاية الخرطوم تلقى تعليمه الابتدائي والمتوسط والثانوي بالخرطوم
تخرج منجامعة الخرطوم عام 1968م، و نال دبلوماً في الهندسة المدنية بالمملكة المتحدة سنة 1972م.
عمل مديرا لمصنع الذخيرة في الفترة من : 1981م إلى 1982م، و ملحقا عسكريا
بجمهورية الصومال من 1981م إلى 1982م، و سكرتيرا عاما بالمجلس العسكرى الإنتقالى من 1984م إلى 1986م و قائدا للقيادة الجنوبية جوبا من 1986 الي 1987م و قائدا لسلاح المهندسين من 1987 الي 1988م، و نائبا لرئيس هيئة الأركان من 1988 الي 1989م و وزيراً للعلوم والتكنولوجيا في عام 2005م
ود الباوقة
|
Post: #9
Title: Re: سبدرات... منصب صادف اهله ..
Author: ود الباوقة
Date: 02-14-2008, 10:25 PM
Parent: #8
بالتوفيق ان شاء الله ..
ود الباوقة
|
Post: #13
Title: Re: سبدرات... منصب صادف اهله ..
Author: Saber Abdelhadi
Date: 02-15-2008, 09:34 AM
Parent: #2
Quote: ياخى ماتخلى التطبيل البتسوى فيهو دا
دا زول متملق ماكتر من كده
ولانسيت حكاية انو شيوعى
|
الأخ محمد عادل ..
إحترامي..
ماهي علاقة التملق بالشيوعية..??!!
هل تقصد كعلاقة سبدرات بالشيوعية ..??!! أم ماذا ..??!!
نرجو التوضيح لو سمحت ..
|
Post: #16
Title: Re: سبدرات... منصب صادف اهله ..
Author: ود الباوقة
Date: 02-15-2008, 11:08 AM
Parent: #13
هل تقصد كعلاقة سبدرات بالشيوعية ..??!! أم ماذا ..??!!
نرجو التوضيح لو سمحت ..
محمد عادل يحتاج لوقت اضافي ليحسن من اداءه . لقد امطرنا بوابل من البوستات بشأن الحبيب بلغت 8 بوستات في الصفحة الاولى . الى ان سافر الحبيب حتى ارتحنا شوية . عشان كدا يا صابر يا اخوي مــا تتعب نفسك معاهو ساكت ..
ود الباوقة
|
Post: #10
Title: Re: سبدرات... منصب صادف اهله ..
Author: Deng
Date: 02-14-2008, 11:16 PM
Parent: #1
| Quote: تعيين الاستا> عبد الباسط سبـــدرات في منصب وزير العدل هو وضع الرجل المناسب في المكان المناسب فهو قانوني ضليع يشار اليه بالبنان .. |
يا راجل.
دينق.
|
Post: #17
Title: Re: سبدرات... منصب صادف اهله ..
Author: ود الباوقة
Date: 02-15-2008, 11:12 AM
Parent: #10
يا راجل.
دينق.
يتروجلن كرعيك يا دينق .. سبدرات مكانه الطبيعي وزارة العدل لما يمتلكه من خبرات قانونية في ه>ا المجال . اترك المكابرة ....
ود الباوقة
|
Post: #11
Title: Re: سبدرات... منصب صادف اهله ..
Author: Raja
Date: 02-14-2008, 11:23 PM
Parent: #1
ود الباوقة سلامات..
تعيين سبدرات في المنصب ده بيكشف بالضبط مستوى وزارة العدل في بلدنا الحبيب..
يعني من المرضي لسبدرات.. ويا قلبي لا تحزن..
تحياتي
|
Post: #18
Title: Re: سبدرات... منصب صادف اهله ..
Author: ود الباوقة
Date: 02-15-2008, 11:15 AM
Parent: #11
يعني من المرضي لسبدرات.. ويا قلبي لا تحزن..
رجاء ..
دعي الرجل يستلم اعباء الوزارة ومن ثم يكون التقييم في ادائه .. متفائلون خيرا ان شاء الله
ود الباوقة
|
Post: #12
Title: Re: سبدرات... منصب صادف اهله ..
Author: Adil A. Salih
Date: 02-15-2008, 02:32 AM
Parent: #1
الحمدلله الذى صادفه .. وما قصدوا ؟؟؟
وقالوا رب صدفة خير من الف ميعاد ؟؟؟
سب درات تعنى معكوس عداله
قول يالطيف ..
|
Post: #19
Title: Re: سبدرات... منصب صادف اهله ..
Author: ود الباوقة
Date: 02-15-2008, 11:17 AM
Parent: #12
قول يالطيف
يا لطيف ...
ود الباوقة
|
Post: #14
Title: Re: سبدرات... منصب صادف اهله ..
Author: lana mahdi
Date: 02-15-2008, 09:40 AM
Parent: #1
هو في عدل عشان يعملو ليهو وزارة؟؟!!
|
Post: #15
Title: Re: سبدرات... منصب صادف اهله ..
Author: رأفت ميلاد
Date: 02-15-2008, 10:33 AM
Parent: #14
| Quote: الحمدلله الذى صادفه .. وما قصدوا ؟؟؟ |
 ود الباوقة سلام
أدينا فكرة عن تاريخ سبدرات .. عشان نعرف المصادفة .. بعرف عنه شاعر وحاجات زى دى .. زماااان متزكر صولاته فى تعريب المناهج .. وطلع أولاده فى مدارس أجنبية ..
على قول رجاء العباسى .. عااااادى
|
Post: #21
Title: Re: سبدرات... منصب صادف اهله ..
Author: ود الباوقة
Date: 02-15-2008, 01:17 PM
Parent: #15
بعرف عنه شاعر وحاجات زى دى .. زماااان متزكر صولاته فى تعريب المناهج .. وطلع أولاده فى مدارس أجنبية ..
صحيح هو شاعر واديب .. المدارس الاجنبية فيها اولاده هو وبس يعني .. والله دا كلام كمان ..
عموما يا ميلاد سعيك مشكور ..
ود الباوقة
|
Post: #45
Title: Re: سبدرات... منصب صادف اهله ..
Author: البشير دفع الله
Date: 02-16-2008, 08:24 AM
Parent: #15
| Quote: أدينا فكرة عن تاريخ سبدرات .. عشان نعرف المصادفة .. بعرف عنه شاعر وحاجات زى دى |
الاخ رأفت ميلاد
سلام وتحية
ماذا تقصد بتاريخ سبدرات ؟
هل تبحث عن تاريخ نضالي له كمعارضة أي نظام قائم ؟ , وحمل بندقية ليكون جديرا بتقلده للوزارة ؟
والمعروف أن الرجل قانوني ضليع وسياسي محنك , وسبق ونجح ابان توليه لحقائب وزارية أخرى .
وعبارة شاعر وحاجات زي دي تحمل مضامين تهكمية على الشعراء , كأنما تقصد أن الشعراء لا يصلحون الا للشعر والحاجات الزي دي .
ألا رحم الله الشريف زين العابدين الهندي
ود الباوقة
سلاااااام
التكليف صادف أهله , الرجل لها باذن الله
|
Post: #59
Title: Re: سبدرات... منصب صادف اهله ..
Author: ود الباوقة
Date: 02-17-2008, 07:06 PM
Parent: #45
ود الباوقة
سلاااااام
التكليف صادف أهله , الرجل لها باذن الله
نعم اخي البشير التكليف صادف اهله دون شك ونسال الله ان يوفقه في موقعه الجديد ..
ود الباوقة
|
Post: #52
Title: Re: سبدرات... منصب صادف اهله ..
Author: ود الباوقة
Date: 02-17-2008, 09:30 AM
Parent: #15
على قول رجاء العباسى .. عااااادى
انت يا رافت ميلاد صدقني لو سوو ليك الانبا بطليموس مش حاتوافق عليهو .. شعب مشاتر بشكل عجيب ..
ود الباوقة
|
Post: #20
Title: Re: سبدرات... منصب صادف اهله ..
Author: ود الباوقة
Date: 02-15-2008, 11:23 AM
Parent: #14
هو في عدل عشان يعملو ليهو وزارة؟؟
لنا مهدي ..
العدل موجود ولكن يريد من يسعى الى تطبيقه دون مجاملة او محاباة لاي كائن كان وهو مسئولية جسيمة يسال منها من تولى امرها يوم يقف بين يدي الله سبحانه وتعالى .
ود الباوقة
|
Post: #22
Title: Re: سبدرات... منصب صادف اهله ..
Author: ود الباوقة
Date: 02-15-2008, 01:22 PM
Parent: #20
[B]ومرحبا بالاستاذ المحامي والشاعر الفز عبد الباسط سبدرات .هذا الرجل من صلب المواطن السوداني الاصيل .من المواقف المشهوده علي هذا الرجل والتي احببتها كثيرا فيه وهي من صفات الحاكم العادل لقد شاهته كثير وهو يقضي حاجاته من السوق ومن غير حراسه ولا حتي سواق وبكل احترام ويتحدث مع الكبير والصغير بكل اريحية .اننا نحتاج لمثلة وزيرا ورئيسا.وفقه الله وسدد خطاه .
ود الباوقة
|
Post: #25
Title: Re: سبدرات... منصب صادف اهله ..
Author: ABDALLAH ABDALLAH
Date: 02-15-2008, 01:58 PM
Parent: #22
Quote: محمد عادل يحتاج لوقت اضافي ليحسن من اداءه . لقد امطرنا بوابل من البوستات بشأن الحبيب بلغت 8 بوستات في الصفحة الاولى . الى ان سافر الحبيب حتى ارتحنا شوية . عشان كدا يا صابر يا اخوي مــا تتعب نفسك معاهو ساكت ..
ود الباوقة |
الاخ ود الباوقـه
الســلام عليك
يـا أخــوانا ولـدنا محمد عــادل دا مـا عاوزين تدوه معاكم فرصــه ليه؟
زول بدافع عن قيادة حزبه دي فيها حاجه؟
كونه يكتب 8 بوستات هذا دليل حبه الشديد لقيادة حـــزبه واخـلاصه لمجموعته
تحياتنا لـه.
عبدالله
|
Post: #26
Title: Re: سبدرات... منصب صادف اهله ..
Author: ود الباوقة
Date: 02-15-2008, 04:45 PM
Parent: #25
يـا أخــوانا ولـدنا محمد عــادل دا مـا عاوزين تدوه معاكم فرصــه ليه؟
محمد عادل اخد فرصتو وفرصة غيرو تمانية بوستات في صفحة واحدة دي ما صبقو عليها الا اخونا هباني
زول بدافع عن قيادة حزبه دي فيها حاجه؟
طيب نحن برضو بندافع عن حزبنا فيها حاجة ..
لك الود..
ود الباوقة
|
Post: #23
Title: Re: سبدرات... منصب صادف اهله ..
Author: Deng
Date: 02-15-2008, 01:44 PM
Parent: #1
| Quote: يتروجلن كرعيك يا دينق .. سبدرات مكانه الطبيعي وزارة العدل لما يمتلكه من خبرات قانونية في ه>ا المجال . اترك المكابرة .... |
ود الباوقة.
في القانون زي كلامك ده بسموهو"فعل مخالف للطبيعة"
يا لها من خبرات قانونية في خدمة المجرمين.
دينق.
|
Post: #27
Title: Re: سبدرات... منصب صادف اهله ..
Author: ود الباوقة
Date: 02-15-2008, 04:50 PM
Parent: #23
يا لها من خبرات قانونية في خدمة المجرمين.
يعني يخلوها بلا وزارة يا دينق .. والله امرك عجيب ..
ود الباوقة
|
Post: #24
Title: Re: سبدرات... منصب صادف اهله ..
Author: د.محمد حسن
Date: 02-15-2008, 01:45 PM
Parent: #1
يا ود الباوقة
خليك منى انا الضحكت الليلة للاخر من بوستيك ده
سبدرات زاتو لو قراه حيضحك لما يفطس
تخريمة
السودان عدم الكفاءات؟
|
Post: #28
Title: Re: سبدرات... منصب صادف اهله ..
Author: jini
Date: 02-15-2008, 05:03 PM
Parent: #24
| Quote: سبدرات... منصب صادف اهله .. |
انت عبيط ولا بتتعابط!
جنى
|
Post: #30
Title: Re: سبدرات... منصب صادف اهله ..
Author: ود الباوقة
Date: 02-15-2008, 07:14 PM
Parent: #28
انت عبيط ولا بتتعابط!
جنى
انت شايف شنو ..
ود الباوقة
|
Post: #29
Title: Re: سبدرات... منصب صادف اهله ..
Author: Deng
Date: 02-15-2008, 06:40 PM
Parent: #1
| Quote: يعني يخلوها بلا وزارة يا دينق .. والله امرك عجيب .. |
ود الباوقة.
يعني مافي ناس في السودان ده غير المرضي وسبدرات؟
دينق.
|
Post: #31
Title: Re: سبدرات... منصب صادف اهله ..
Author: Nazar Yousif
Date: 02-15-2008, 08:30 PM
Parent: #29
الأخ ود الباوقة
رجعنالك وكيف نرفض رجوع القمرة لوطن القمارى
عبد الباسط سبدرات
وفى ذكاؤكم بقية الحديث.
|
Post: #32
Title: Re: سبدرات... منصب صادف اهله ..
Author: ABDALLAH ABDALLAH
Date: 02-15-2008, 08:46 PM
Parent: #31
Quote: محمد عادل اخد فرصتو وفرصة غيرو تمانية بوستات في صفحة واحدة دي ما صبقو عليها الا اخونا هباني
زول بدافع عن قيادة حزبه دي فيها حاجه؟
طيب نحن برضو بندافع عن حزبنا فيها حاجة ..
|
الاخ ود الباوقــه
ســـلام تـاني
تـدافع عــن حــزبك طـبعـا هــذا مــن حـقك
لكـن الحـشــر اســم أخــونا هـشــام هــبـاني هــنا شــنو؟
مجــرد ســؤال!!
عبدالله
|
Post: #34
Title: Re: سبدرات... منصب صادف اهله ..
Author: ود الباوقة
Date: 02-15-2008, 10:37 PM
Parent: #32
تـدافع عــن حــزبك طـبعـا هــذا مــن حـقك
لكـن الحـشــر اســم أخــونا هـشــام هــبـاني هــنا شــنو؟
مجــرد ســؤال!!
عبد الله قصدي انو هشام هباني برضو لما مزاجو يكون رايق بنزل بوستات كثيرة
اتمنى ان اكون قد وضحت لك ..
ود الباوقة
|
Post: #35
Title: Re: سبدرات... منصب صادف اهله ..
Author: ود الباوقة
Date: 02-15-2008, 10:57 PM
Parent: #31
رجعنالك وكيف نرفض رجوع القمرة لوطن القمارى
عبد الباسط سبدرات
وفى ذكاؤكم بقية الحديث
نزار ما فهمت ..
ود الباوقة
|
Post: #37
Title: Re: سبدرات... منصب صادف اهله ..
Author: Nazar Yousif
Date: 02-15-2008, 11:34 PM
Parent: #35
الأخ ود الباوقة
كما تعلم " رجعنالك " والتى غنتها البلابل
هى كلمات الشاعر عبد الباسط سبدرات وعموما
شعوبنا مولعة بالقديم والرجوع له ومن هنا جاء تلميحى.
أما مرارات السياسة فهى قديمة فقدخرج المحامى محمد أحمد محجوب
من مكتبه ليستلم أحمد خير المحامى وزيرا فى حكومة عبود وأقيل
المحامى محمد أحمد محجوب للمرة الثانية لافساح الطريق للسيد الصادق
و الأخ محمد حسن العمدة يحلوا له تذكيرنا بدور د. منصورخالد أيام مايو.
ما يهمنا فى حكومة الوحدة الوطنية مهام التحول الديقراطى حتى يكون هناك
وطن واحد يسع الجميع وفى النهاية كان ممكن يجى أحمد هارون ..مش كلوا مؤتمر وطنى.
|
Post: #33
Title: Re: سبدرات... منصب صادف اهله ..
Author: ود الباوقة
Date: 02-15-2008, 10:32 PM
Parent: #29
يعني مافي ناس في السودان ده غير المرضي وسبدرات؟
دينق.
بطل اللف والدوران .. هي وزارة واحدة ولها وزير واحد . ودي المواصفات ..
عبد الباسط صالح عبد الله سبدرات
ولد في القطينة. تلقى تعليمه الابتدائي بمحلية جبل أولياء، المتوسط بالقطينة والثانوي بمدينة مدني. تخرج من جامعة الخرطوم عام 1969م.
عمل من قبل قاضيا من1971م حتى 1972 و محاميا من 1972م حتى 1991م .
كما شغل منصب وزير النربية و التعليم في الفترة من 1991م حتى 1993م و وزير الثقافة و الاعلام في الفترة من 1993م حتى 1996م، و وزير العدل في الفترة من 1996م حتى 1998م. كما تم تعيينه مستشارا للرئيس في الشئون القانونية والسياسية في الفترة من 1998م حتى 2001م و وزيرا للعلاقات البرلمانية للفترة من 2001م الى 2005م. و وزيرا للحكم الاتحادى من العام 2005م ..
ود الباوقة
|
Post: #36
Title: Re: سبدرات... منصب صادف اهله ..
Author: Ahmed Abdallah
Date: 02-15-2008, 11:01 PM
Parent: #33
بقبق ...
هسه عليك الله وزارة العدل دي كان
عينوا فيها صلاح غريبة الجربان ده
مش برضوا أحسن من سبدارات الانتهازي
|
Post: #38
Title: Re: سبدرات... منصب صادف اهله ..
Author: ود الباوقة
Date: 02-16-2008, 05:09 AM
Parent: #36
هسه عليك الله وزارة العدل دي كان
عينوا فيها صلاح غريبة الجربان ده
مش برضوا أحسن من سبدارات الانتهازي
احمد عبد الله
ام نرى في الرجل اي انتهازية فلانسان له مطلق الحرية في تغيير قناعاته نحو الافضل . انت تصفه بالانتهازي وانا اصفه برجل المواقف ...
ود الباوقة
|
Post: #39
Title: Re: سبدرات... منصب صادف اهله ..
Author: Ahmed Abdallah
Date: 02-16-2008, 05:18 AM
Parent: #1
|
Post: #40
Title: Re: سبدرات... منصب صادف اهله ..
Author: ود الباوقة
Date: 02-16-2008, 05:22 AM
Parent: #39
دا يا اخوي راح في الفكة .. وهس شايل مكرفونو بغني في اندب حظي ام امالى بن لادن غلبني مالـــو ومالي ..
ود الباوقة
|
Post: #41
Title: Re: سبدرات... منصب صادف اهله ..
Author: حمزاوي
Date: 02-16-2008, 05:43 AM
Parent: #1
هم اضراب يتطابقون مطابقة النعل للنعل
|
Post: #42
Title: Re: سبدرات... منصب صادف اهله ..
Author: abdalla elshaikh
Date: 02-16-2008, 07:52 AM
Parent: #41
وفعلا إنت من ألباوقه{أللذيذ} تفاحا.. و..ناس {ركبنا}أللوري!!!!!!
|
Post: #61
Title: Re: سبدرات... منصب صادف اهله ..
Author: ود الباوقة
Date: 02-17-2008, 07:10 PM
Parent: #42
وفعلا إنت من ألباوقه{أللذيذ} تفاحا.. و..ناس {ركبنا}أللوري!!!!!!
ونروح للباوقة القصاد ارتولي ..
الليلة الليلة حرق بي نا التغيرات السياسية الليلة ..
ود الباوقة
|
Post: #50
Title: Re: سبدرات... منصب صادف اهله ..
Author: ود الباوقة
Date: 02-16-2008, 10:31 PM
Parent: #41
هم اضراب يتطابقون مطابقة النعل للنعل
الخال مالو يا شباب ..
ود الباوقة
|
Post: #43
Title: Re: سبدرات... منصب صادف اهله ..
Author: DKEEN
Date: 02-16-2008, 07:57 AM
Parent: #1
ود الباوقة سلامات..
بتاع الداخلية الحالي كان في ياتو زارة قبل الداخلية؟؟
|
Post: #58
Title: Re: سبدرات... منصب صادف اهله ..
Author: ود الباوقة
Date: 02-17-2008, 06:46 PM
Parent: #43
بتاع الداخلية الحالي كان في ياتو زارة قبل الداخلية؟؟
دكين لا اعتقد بان اجابتي ستفيدك في شيء.. بعدين سؤالك تهكمي . ما لقيت كلمة اخير من بتاع الداخلية دي ..
غايتو نقول يا ستار ...
ود الباوقة
|
Post: #44
Title: Re: سبدرات... منصب صادف اهله ..
Author: Alshafea Ibrahim
Date: 02-16-2008, 08:06 AM
Parent: #1
ود الباوقة
يعني المنصب كان شاغر ؟
تعرف ياود الباوقة مش إنعدام التأهيل والخبرة هو مشكلة شيوخ الإنقاذ مشكلتهم هو إنعدام الدين و الضمير والأخلاق .. وإلا بالله هل تجد لنا تفسيرا أن يكون كيلو البازنجان (الاسود) ب (4) جنيه لا نساءل عن الاسمنت والسيخ والفسيخ فقط الخضر والسلع المحلية .. أرحمونا كفاية ليست فيكم عاقل رشيد بلغت الحلقوم .
الشفيع
|
Post: #65
Title: Re: سبدرات... منصب صادف اهله ..
Author: ود الباوقة
Date: 02-19-2008, 12:48 PM
Parent: #44
يعني المنصب كان شاغر ؟
اخي الشفيع ..
المنصب لم يكن شاغرا يا اخي الكريم ولكن تغيير المناصب مسالة ضرورية وموجودة في كل دول العالم
ليه نحنا لما نغير وزير القيامة تقوم وتقعد . مع انو المسالة اكثر من عادية ولا تستدعى كل هــذا الصراخ كله
ود الباوقة
|
Post: #46
Title: Re: سبدرات... منصب صادف اهله ..
Author: Isa
Date: 02-16-2008, 09:36 AM
Parent: #1
الأخ ود الباوقـة،،
زي ما قال بعـض الأخـوة المشكلة مش في الكفاءة،، لأنو لو جينا للقانون والقضاء والمحاماة،، فالمـرضي سنجده (أضلع) من سـبدرات،، ولكنو ما كان الرجـل المناسب (في الوقت المناسب)،، فإزاحة المـرضي و(إعادة) سبدرات للعـدل لا يختلف كثيراً عن تبادل الجاز والزبير أحمد الحسن لوزارتيهما،،، يعني بعد السنين دي كللللها حتى اكتشفوا إنو والله الجاز (أنسب) يكون في المالية بدل الطاقة،، أم هي لعبة كراسي ومصالح داخل الحزب الأوحد؟وبكـرة ح نسمع بالمرضي والياً بكردفان (وبرضو رجعنالك!) بحسب ما تقتضي مصلحة الحزب والمجموعات المتصارعةومراكز القوى فيه،، زي ما مشى أحمد مجذوب من المالية لنهر النيل،، وكل التغييرات من أول يوم للحكومة للآن ما ليها علاقة بمقولة الرجل المناسب أو حتى (صادف أهله)..تحياتي
|
Post: #47
Title: Re: سبدرات... منصب صادف اهله ..
Author: حمزاوي
Date: 02-16-2008, 11:55 AM
Parent: #1
صحيفة السوداني
العدد رقم: 813 2008-02-16
حديث المدينة
كشف تنقلات الوزراء..!!
عثمان ميرغني
كُتب في: 2008-02-16
[email protected]
صدر أمس الأول كشف تنقلات الوزراء.. نُقل الدكتور عوض الجاز من وزارة الطاقة الى المالية.. ونُقل الزبير أحمد الحسن من المالية الى الطاقة.. والأستاذ عبد الباسط سبدرات من الحكم الاتحاي الى العدل.. والبروفيسور الزبير بشير طه من الداخلية الى الزراعة.. والفريق عبد الرحمن سعيد من العلوم والتقانة الى الحكم الاتحادي.. وزميل الدراسة المهندس السميح الصديق من الاستثمار الى التجارة.
وفي الطرفة التي يرويها الشارع السوداني.. أن رجلا يجلس بين جدران منزله.. مرت فوق رأسه عصفورة دخلت من النافذة المفتوحة.. وخرجت بالنافذة الأخرى.. فنظر بمنتهي الاسترخاء وقال موجها حديثه للعصفورة (يعني عملتي شنو!!).. هي ذات نظرة الشعب السوداني المتأمل لمثل هذه التنقلات..
كشف التنقلات ليس مدهشا في شيء.. إلا في تسابق الصحافة السودانية في وضعه على صدارة الصفحة الأولى.. على اعتبار أنه الخبر الأكثر جذبا للقراء.. وقد لا يدل ذلك على أكثر من تبسيط الصحافة لعقلية القاريء السوداني.. الذي منذ اطلع على الخبر من أول وهلة ما ساوره شك في أنه غير معنيّ بهذه اللعبة.. لعبة الكراسي.. تدور الكراسي ويدور الوزراء حولها حيثما داروا فليس في الأمر جديد.. ينجبه رأي جديد.
احتكار الحكمة في ثلاثين رجلا لقرابة العشرين عاما.. لا يعني شح (القادرين على التمام).. بل يعني أن الخبرة هي المحجوبة عن النظر والمراجعة.. فليس مهما من يحكم.. من يصبح وزيرا في أي وزارة.. الأهم المنهج الذي تفكر به الدولة.. فإذا تمسكت الحكومة وتشبثت بالأسماء.. يصبح للخبرة سقف لا يمكن تجاوزه.. هو الطريقة التي تدار بها البلد في السابق.. وهنا بالتحديد مربط الفرس.. مثلا..!!
الدكتور عوض الجاز بلا أدنى شك.. ورغم أنف كل مكابر حقق انجازا خارقا في قطاع الطاقة. وبالتحديد صناعة وإنتاج النفط.. أداؤه التنفيذي لا يرقى اليه الشك.. ليس بأي معايير عاطفية بل بالحساب المجرد من الهوى.. ولكن..!!
هل كان الدكتور عوض الجاز مجرد وزير طاقة؟؟ بالطبع لا.. كان وزيرا للطاقة.. والإعلام.. والأمن.. والمالية.. وسلسلة أخرى من الوظائف التي لا تُرى بالعين المجردة.. وليس بالضرورة إطلاقا أن يقال إن نجاح الجاز في الطاقة تمدد الى الشواغل الأخرى التي يشغلها بحكم الواقع.. ففي تقديري – مثلا – أن عوض الجاز بقدر نجاحه في الطاقة.. كان أحد أركان الفشل في الإعلام.. والخطاب السياسي العام للحكم.. فإذا ذهب الآن منقولا الى المالية فمن السهل أن نتوقع نجاحا جديدا في ادارة الاقتصاد، فهو أصلا ليس بعيدا من تخصصه ولا من موقعه السابق في الطاقة.. لكن تبقى المشكلة أنه هو هو عوض الجاز بنظرته التحكمية للطريقة التي يدار بها الإعلام والخطاب السياسي للحكومة.. وتكون المحصلة النهائية.. كتلك العصفورة التي دخلت من نافذة وخرجت من الأخرى..
القضية ليست في من يشغل ماذا.. بل في منهج تفكير جديد مطلوب وبأعجل ما تيسر.. يخترق الواقع السياسي والإداري للحكومة.. ويبعد شبح المستقبل القاتم المندفع نحو البلاد..
هل أيقنت الإنقاذ أن هذا آخر ما لديها؟؟ هل هذا هو سقف الخبرة والفكرة لديها؟؟ الإجابة ليست في تنقلات وزارية.. الإجابة في منهج تفكير مختلف.. لا يبدو في الأفق أمل فيه!!.
|
Post: #48
Title: Re: سبدرات... منصب صادف اهله ..
Author: Hisham Ibrahim
Date: 02-16-2008, 12:46 PM
Parent: #47
طبعاً عثمان ميرغني رفض يكتب أنو الراجل كان ضارب الخضراء وكانت كهربتها عالية !!!
المهم هو، ما يعود على الشعب المغلوب على امره بالنفع والفائدة الملموسة في معيشته وحياته وأمنه وصحته !!!
هؤلاء ليسوا لمصلحة وطن او مواطن او شعب هؤلاء لمصلحتهم ومصالحهم فقط والحزبية !!!
كان الأولي من هذا تفكير وإجتماعات وقصص فارغة كان الأولى بهذا وقت ان يتفكروا في كيف يزيلوا الضنك والتعب والفقر والمرض من الوطن !!!
وكان من باب أولى ان يجتمعوا لتخفيف أعباء المعيشة والصحة والتعليم عن كاهل المواطن والوطن ما جرته لنا أيديهم وفعالهم الرعناء !!!
وكان اولى بهم أن يفكروا كيف يحمون أهل دارفور مما ألم بهم وبدارهم من بلاء زرعوه لهم (( ألم يكن عبد الرحيم أبو ريالة وزير داخلية حين بدأ مشكلة دارفور)) !!! ونقلوه بعد فضيحة ساجدة الى وزارة ارفع وهي الدفاع فتطايرت القنابل من وسط و سماء الخرطوم فروعت وقتلت وهو لا يزال متربعا على عرش الوزارة !!!
كان أولى بهم أن يبحثوا كيف صارت قطعة الخبر التى لا تسد الرمق الى 250 قرش !!
وكان وكان .....
هؤلاء يغنون الراب في وسط أمة جوعوها وقتلوها وفرموها شر فرمة !!! فرمة منتقم وحاقد وحاسد !!!
ولكن الله بيننا وبينهم !!فهو ( الذي خلق السماء بغير عمد ترونها ) فاللهم أرنا فيهم عجائب قدرتك يا رب العالمين !! وأعن أهلنا على هذا الوباء والغباء والبلاء والغلاء والفعال الرعناء من العقول الجوفاء يا رب العالمين
لن يبعد هؤلاء عن المناصب الا ((( المــــــــــــــــــــــــوت )))
هشام
|
Post: #49
Title: Re: سبدرات... منصب صادف اهله ..
Author: Elawad Eltayeb
Date: 02-16-2008, 03:00 PM
Parent: #48
سألوا الدكتاتور: من الذي جعلك دكتاتوراً؟ فقال: أنتم (مشيراً بيده إلى المطبلين).
|
Post: #51
Title: Re: سبدرات... منصب صادف اهله ..
Author: بكري الصايغ
Date: 02-17-2008, 03:57 AM
Parent: #1
1 - اول مـرة سـمـعت سـمعـت فـيـها بأسـم عـبـدالباسـط سـبـدرات كان فـي عام 1971 ... بـعـد عـودتـي مـن الـدراسـة بالاتـحـاد السـوفيـتـي اي قبـل 37 عـامآ.
2 - ظـللت اتابـع اخـباره هـو والـمحامـي الشـيوعـي السابق احـمـد سـليـمان والـشـيوعـي السابق فاروق ابـو عـيـسـي والشـيوعـي سـورج، وكان اهـتـمامـي بـهـم
انـهـم كانواوراء انقسـام الـحـزب الشـيوعـي وانـحـيازهـم لنـظام نـمـيـري واحـداث الشـرخ فـي جـسـم الـحـزب.
وكان عام 1971 عـام الكبت والارهـاب ومـطاردة الناس فـي ارزاقـهـم بتـهم الانتـماء للحـزب الشـيوعـي اوالـجـبهة الـديقراطـية.
فـي هـذاالعام 1971 وتـحـديـدآ بعـد فشـل انقلاب هاشـم العـطاء بـدأ نـجـم سـبـدرات يـظـهر ويلـمع.
3 - وكان سـبـدرات شـعلة مـن النشـاط فـي اتـحاد الاشـتراكـي،
4 - بعـد انتفاضـة ابريـل 1985 لـم يـظـهر له اثر!!
5 - فـوجـئنا به واذ يعـيـن فـي عام 1990 بـوزارة الـخارجـية بـعـد اقـصاء واحـالة احـسـن الكفاءات بالوزارة للصالـح العام!!
6 - تـم تعييـنه عام 1991وزيـرآللتـربيةوالتعليـم وهـو الذي ابتـدع نـظام ارسال الطلاب لـمناطـق الـحـروب بالجـنوب،... الامـرالذي اثار بلبلـة شـديـدة بسـبب عدم قانونيـةارسال القصـر للقتال وتـجـنيدهـم. ولكـنه اصـر عـلي تنـفيـذ قـراره مـسـتنـدآ عـلي دعـم التـرابـي له.
ومـنـذ عام 1990 وحـتـي اليوم وهـو لايـهـدأ ولايـكل.... حـتـي اشـعار اخـر مـع النظام الـقادم.... ايـآ كـان نـوعـه!!!
:::: هـذا قليـل مـما كتبتـه ومـاخـفـي اعـظـم واسـوأ واعـفن!!!
|
Post: #53
Title: Re: سبدرات... منصب صادف اهله ..
Author: البحيراوي
Date: 02-17-2008, 09:47 AM
Parent: #1
ود الباوقة اللذيذ تفاحه تحياتي
يا زول يبدو إنك لذيذ حتي في تعاطيك لعالم الساسية الملئ بالمفاجئآت . يعني علي المثال هناك أسئلة تحتاج للإجابة مع التمحيص ألا وهي :-
لماذا فصل عبد الباسط سبدرات من وظيفة مساعد قضائي خلال عام واحد من عملة ؟
وما هي سلوكيات عبد الباسط خلال أعوام ما بعد 71 حينما كان يسكن مع مجموعة من الزملاء في حي الصافية؟
وما هي علاقة عبد الباسط سبدارت بود الجبل؟ ولماذا مكتبة يجاور ود الجبل؟
بعد دخول عبد الباسط الوزارة لماذا تم إخلاء الأسرة التي تسكن في منزل كان سبدرات يمثل في قضية الإخلاء الإدعاء وبعدما وصل للوزراة إستخدمت القوة الجبرية في إخلاء المنزل؟
وكيف سُرقت عربة الوزير من أمام وزراة العدل وأصبحت في أسمرا ؟
ولماذا قام المؤتمر الوطني بتعيين سبدرات مشرفاً سياسياً علي كردفان في الآونة الأخيرة؟
تحياتي
بحيراوي
|
Post: #54
Title: Re: سبدرات... منصب صادف اهله ..
Author: A.Razek Althalib
Date: 02-17-2008, 10:46 AM
Parent: #53
ود الباوقة يا ريس
معقولة بس..
وحيسوق معاهو مستشارو الشيخ موسى هلال ولا لأ..؟
والفاتح عروة أدوهو شنو..؟
| Quote: كما شغل منصب وزير النربية و التعليم في الفترة من 1991م حتى 1993م و وزير الثقافة و الاعلام في الفترة من 1993م حتى 1996م، و وزير العدل في الفترة من 1996م حتى 1998م. كما تم تعيينه مستشارا للرئيس في الشئون القانونية والسياسية في الفترة من 1998م حتى 2001م و وزيرا للعلاقات البرلمانية للفترة من 2001م الى 2005م. و وزيرا للحكم الاتحادى من العام 2005م .. |
1991م- 2008م = -17 عاماً نقصت من عمر السودان
يبدو من التواريخ أعلاه أن نجمه السياسي كشيوعي ضال من ذوي العاهات السخيمة قد سطع عند محطة إنقلاب الإنقاذ العنصري على آخر حكومة ديمقراطية [حكومة الغرابة]..
ملاحظة فقط ليس إلا..
ود الباوقة كلام سر:
المسألة ما مؤهلات المسألة مسألة حاجات تحت الطاولة وخلف الكواليس..
بس:
سبحان الذي يهب الملك..
|
Post: #55
Title: Re: سبدرات... منصب صادف اهله ..
Author: mohmmed said ahmed
Date: 02-17-2008, 11:02 AM
Parent: #54
اهلو
ناس القطينة
ولا انحنا اهلو
ناس الجبل
|
Post: #56
Title: Re: سبدرات... منصب صادف اهله ..
Author: كمال سالم
Date: 02-17-2008, 02:26 PM
Parent: #55
ياجماعه ود الباوقه ما قدر ده كلو ,,, اها هسه خليتو الراجل طفش وخلى بوستيهو ,,
عفوا ود الباوقه , مفروض أن يكون عنوان البوست هكذا :
( سبدرات ... كومر صادم أهله .. )
|
Post: #57
Title: Re: سبدرات... منصب صادف اهله ..
Author: خالد حاكم
Date: 02-17-2008, 06:39 PM
Parent: #56
Quote: رجاء ..
دعي الرجل يستلم اعباء الوزارة ومن ثم يكون التقييم في ادائه .. متفائلون خيرا ان شاء الله
ود الباوقة
|
ودالباوقة
هو ماكان استلم قبل كده وزارة العدل .. عمل شنو؟ ليه شالوه منها ؟ والا حكومتك دى ساكت بتحرك الوزراء مثل الشطرنج بدون فهم؟!!!
|
Post: #60
Title: Re: سبدرات... منصب صادف اهله ..
Author: صديق الموج
Date: 02-17-2008, 07:07 PM
Parent: #1
| Quote: سبدرات... منصب صادف اهله |
احى من السودان الما عندو وجيع..
كل ليس فى مكانه ،فالمال عند بخيله والسيف عند جبانه..او كما قيل
ود الباوقة:غريبة ما اوجه ياخى..الله يقد قلبك يا غياظ،،،
|
Post: #62
Title: Re: سبدرات... منصب صادف اهله ..
Author: Deng
Date: 02-17-2008, 08:31 PM
Parent: #1
أسواء خلف لأفشل سلف.
دينق.
|
Post: #63
Title: Re: سبدرات... منصب صادف اهله ..
Author: خالد حاكم
Date: 02-19-2008, 01:05 AM
Parent: #62
Quote: سألوا الدكتاتور: من الذي جعلك دكتاتوراً؟ فقال: أنتم (مشيراً بيده إلى المطبلين).
|
العزيز العوض
حلوة وملعوبة
|
Post: #64
Title: Re: سبدرات... منصب صادف اهله ..
Author: حاتم تاج السر المبارك
Date: 02-19-2008, 07:31 AM
Parent: #63
سلامى ياودالباوقة شكرالك و للاخوة عن المعلومات
|
|