Post: #1
Title: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-14-2008, 12:39 PM
احد اصدقائى يريد منى التوسط لدى بكرى لقبوله عضوا بالمنبر!
وهذا يعنى انى انتهيت كبطل! وقضى على مستقبلى!
فلن استطيع الترشح لعضوية جمعية تعاونية او صرفة ناهيك عن الترشح للبرلمان!
صديقى ... حاقد لدرجة انه اذا وجدنى فى مازق او محنة او ورطة فانه لن يكتفى بعدم مد اليعون لى بل سيراهن على عدم خروجى منها!
صديقى ....لا يعدم وسيلة فى تفقيس المقالب لى فمثلا اذا كنت معه فى مشوار وقابلنا ثالثا فيطلب منى بسرعة ان اشيل معاهو الفاتحة فى ذلك الوقت دون ان يكون هنالك وفاة او يحزنون فنقوم بقراءة الفاتحة بدون اشارة للجندر ودون ان نعرف من منا يعزى الآخر!
صديقى ....ثرثار وماكينة تيربو 24 صمام لا يصوم عن الثرثرة !
فمثلا اذا لقيته حوالى الساعة 11 صباحا فلا تساله وين من الصباح!
فسيدا من بتاع اللبن ما جاهم الليلة وما لقى معجون سيجنال وهو مابحب معجون ابوردة فاضطر الى السواك بفرع شجرة حنة وانتظر الحافلات فى السارع ساعة كامل واخيرا اضطر ان يركب عكس الاتجاه ليضمن مقعد وفى الحافلة لقى فلان وفلان....الخ!
صديقى هذا a big chatterbox حتى وهو نائم فحذار ان تخبره سرا فلا يضاهيه فى كتم الاسرار الا رويتر والسى ان ان والمشاهير!
صديقى هذا لا تطلب منه ان يكون شاهدا فسيذيع هذه الشهاد فى كل مكان ولن يكتمها الا فى المحكمة!
صديقى ... شكله موش ولا بد (هذا لا يعنى ان شكلى فيه بد ولكن قياسا بها فالعبد لله الفيس بريسلى ) ويعرف انه لا حظ له فى العلاقات مع الطرف الثانى ويتوهم ان اى صداقة قد تفضى او تكون مشروع حب ولن يهدا له بال الا ان يدمرها ذات مرة حذر احدى صديقاتى قائلا له فلان دا تنومى فى مطرة وكتاحة ولا تنامى بالقرب منه!!صديقتى فاوشكت صيقتى ان تموت من الغرق ضحكا!
واذا سالته احدى الصديقات وين صاحبك دا فردوده ستكون من شاكلة سكران غلبتو القومة بالرغم انه يعرف اننى لا اتعاطى المكروه عمدا او ساهيا او مجاملا!
وهذا البوست بمثابت تحذير لصديقى ولمن يتوسط له او لا ى شخص يمكن ان يتوسط له!
اللهم قد بلغت اللهم فاشهد!
العبد المفتقر الى الله والسترة!
جنى
|
Post: #2
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: تيسير عووضة
Date: 02-14-2008, 12:50 PM
Parent: #1
جني ..
عليك الله (صديقك) دا يصادقو ليهو شنو ؟
ـــــــــــــــــــــ
أكتب وأمسح ساي مالقياك مافي 
|
Post: #3
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: حيدر حسن ميرغني
Date: 02-14-2008, 12:59 PM
Parent: #2
جيبو لينا هنا عشان نتأكد
اعمل ليهو بوست ترحيب ومغادرة معا
|
Post: #6
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-14-2008, 01:57 PM
Parent: #2
| Quote: أكتب وأمسح ساي مالقياك مافي |
ومرتين كمان غير الرد الأصلى!
صاحبى بكون قراهو قبل التعديل!
غايتو لو سمحوا ليهو بالعضوية حقك راح!
حتى بى صورتك الخايفين عليها وانتى ما خايفة!
جنى
|
Post: #7
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-14-2008, 02:00 PM
Parent: #6
Quote: جيبو لينا هنا عشان نتأكد
اعمل ليهو بوست ترحيب ومغادرة معا |
لووول!
واللهى الا يقولو فيكم الما قالو الهندى عز الدين!
جنى
|
Post: #4
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: tmbis
Date: 02-14-2008, 01:02 PM
Parent: #1
Quote: احد اصدقائى يريد منى التوسط لدى بكرى لقبوله عضوا بالمنبر!
وهذا يعنى انى انتهيت كبطل! وقضى على مستقبلى! |
.. Quote: صديقى ... حاقد لدرجة انه اذا وجدنى فى مازق او محنة او ورطة فانه لن يكتفى بعدم مد اليعون لى بل سيراهن على عدم خروجى منها!
صديقى ....لا يعدم وسيلة فى تفقيس المقالب لى فمثلا اذا كنت معه فى مشوار وقابلنا ثالثا فيطلب منى بسرعة ان اشيل معاهو الفاتحة فى ذلك الوقت دون ان يكون هنالك وفاة او يحزنون فنقوم بقراءة الفاتحة بدون اشارة للجندر ودون ان نعرف من منا يعزى الآخر!
|
..
العزيز بكري ..
اثني قبول هذا الترشيح للعضوية لهذه العضوية .. ولو ادعى الأمــر ممكن تديهو عضويتي السجمانة دي ..
زي الأقلام دي نحن بنفتش ليها تفتيش
دي اقلام مميزة جدا
نوعية الأقلام دي الواحد ممكن يدفع دم قلبـو علشانه.
ملحوظة:
لا شئ شخصي مطلقــا 
|
Post: #8
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-14-2008, 02:06 PM
Parent: #4
Quote: ..
العزيز بكري ..
اثني قبول هذا الترشيح للعضوية لهذه العضوية .. ولو ادعى الأمــر ممكن تديهو عضويتي السجمانة دي ..
زي الأقلام دي نحن بنفتش ليها تفتيش
دي اقلام مميزة جدا
نوعية الأقلام دي الواحد ممكن يدفع دم قلبـو علشانه.
|
حالتى كلمتك بالبوست قبلم ما انزله!
حاثزكيهو واثنيهو واخليهو ينزل ليك تهنئة بنجاح البتاعتين (العمليتين) ببتاع (بنج) واحد!!
عشان تكشحها!
انت من العمليتين ديل بقى كلامك كله دم ويدفع دم قلبهو بقى عندك فوبيا اللون الاحمر!
هيييي !
اتعدل!
وارعى بى قيدك!
سمح!
لقيت المسنجر مقفول!
جنى
|
Post: #5
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: Sahar Yousif
Date: 02-14-2008, 01:19 PM
Parent: #1
| Quote: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى! |
جني بالغت عدبل كدة خلتني اجئ داخلة البوست بسال نفسي
اوكي العبرة بالتجربة ... بكري ياريت تقبل لينا الزول دة و نحنا الحكم يا حنقول ايامك قد افلت او حنقول فلتزدهر الشمس (حلوة مش )
|
Post: #9
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-14-2008, 02:12 PM
Parent: #5
| Quote: اوكي العبرة بالتجربة ... بكري ياريت تقبل لينا الزول دة و نحنا الحكم يا حنقول ايامك قد افلت او حنقول فلتزدهر الشمس (حلوة مش ) |
ايواااا قايلانى بوم!!
وحات اسم الله صاحبى دا شناف جنس شناف!
عندك اى حاجة او زول دايرة يشنفوا ليك هو جاهز!
جيبي ليهو خطيبك والشيلة حقتو!
كما شنفهم ليكى لمن تحردى العرس والشيلات لمن تمشطى البيضاء والسوداء ما تدينى يدك!
جنى
|
Post: #10
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-18-2008, 06:09 PM
Parent: #9
وصاحبى داا ابو القلق ! يقلق حتى فى الحمام ما بقدر يقعد يتوهط فى حتة واحدة دايما تلقاهو قاعد فى طرف الكرسى!
تسوقو اى حتة يقلق بيك ! دى العزومة خلاص ! دى يا ها الحفلة! فى طرف خشمو كلمه واصلها شنو واصلو شنو!
مرة العميرى الوجيه الله يرحمو بغنى فى اغنية لحسن عطية والجكس محوص فى عميرى وهو بغنى حبيبى يا توم الحمام صاحبى الشناف قال لى كيف حبيبو توم حمام ! قلت ليهو يعنى حبيبو زى جوز حمام ! والله لا يوريك عندو ضحكة بس حمار ضحك فى مكرفون تجيب الطاش ! فضحنى فضيحة!
وصاحبى دا قانونى ! يعنى فاتح للغلاط مكتب!
كان راجل غالطو فى تاريخ ميلادك!
جنى
|
Post: #11
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-20-2008, 05:23 PM
Parent: #10
صاحبى دا اكثر شخص مكسر مجاديف ومحبط لدرجة يمكن ان يظهر اسمه فى موسوعة غينيس للارقام الفياسية!
تقول ليهو مثلا ابقوتة خطب يقول ليك يادوب!
اساسى عرس يقول ليك المعرس ليها شنو بعد دا!
اشتريت لى قطعة ارض طوالى يقول ليك حتبنيها متين!
جابوا لى ولد يقول ليك وانشاء الله دا الحيقريهو ليك الجامعة منو!
جنى
|
Post: #12
Title: Re: تلقاها عند الغافل يا صديقي !! فى المشمش لمن ريالتى تسيل ويقوم لى قنبور فى راسى!
Author: jini
Date: 02-21-2008, 03:18 PM
Parent: #11
واصلو ما تعرفو بى زول!
يسالوا ليك سؤال الملكين ساكن وين وقريت وين واشتغلت وين لحدى ما يمسكوا من الايدو الموجعاهو يطلع ليهو خال او عم او اخو مختلس!
شيال حيال!
ونستو كلها اسماء بمعيار قاضيان فى الجنة وقاضى فى النار حيكون محاميان فى النار ومحامى فى جهنم! يعنى فى النار فى النار!
والناس القروا معاهو فى المتوسطة كلهم دا بجلدوهوا فى الاسبلينق ودا بجلدوهوا فى الرياضياتن ودا كان بجلدوهو فى المحفوظات ودا كان بجلدوهو فى الفسحة وهلمجرا!
جنى
|
|